Mentor Kikia

mentor-Kikia-mirela.jpg
nev ila19:51 | 22/05/2019

Mentor Kikia ditën e sotme, ka komentuar në Mbrëmje Abc me Mirela Milorin, protestën e studentëve përpara Ministrisë së Arsimit. Gazetari thotë se ka informacione të sakta se organizuesit e protestës janë pedagogë kryesisht që njihen publikisht për qasjet e tyre pranë opozitës. Për Kikinë kjo është një përpjekje e kotë e opozitës e cila kërkon të ngrejë një vatër tjetër proteste.

Protesta e sotme nuk ka asnjë lidhje me protëstën e studentëve të dhjetorit. Ajo protestë përfundoi me aq sa ishte, u diskutuan plus minuset e saj. kjo e sotmja është një përpjekje e partisë demokratike dhe LSI për të ngritur edhe një vatër tjetër të protestës në komunitetin e studentëve, ne fakultete partitë kanë forumet e tyre. ajo është një protestë që me organizimin e saj janë marrë pedagogë që njihen publikisht për mbështetës të PD apo LSI”, tha Kikia./abcnews.al

mentor-Kikia.jpg
nev ila19:26 | 22/05/2019

Gazetarja Mirela Milori ka patur të ftuar gazetarin Mentor Kikia. Gazetari ka analizuar lëvizjen e radhës së kryeministrit Rama ku përmes një letre të hapur, ditën e sotme, i është drejtuar Lulzim Bashës për një dialog pa kushte të qeverisë dhe Partisë Demokratike.

Sipas Kikisë, paralajmërimet e Lulzim Bashës duhen marrë seriozisht pasi deri më sot situata ka ardhur duke u agravuar. Për Kikinë, Rama është një politikan i përgjegjshëm i cili po përpiqet të ezaurojë të gjithë rrugët që i dikton ligji për tu ulur në dialog me opozitën. I pyetur nga Mirela Milori, se si e sheh këtë hap të Ramës, Mentor Kikia tha:

Mirela Milori: Nëse do analizojmë letrën e Ramës, ai aty konsideron pengesë apo vështirësi, që palët të ulen për të biseduar çështjen e zgjedhjeve. Si e sheh këtë hap të Ramës?

Mentor Kikia: Gjithsesi, nuk do të ketë një marrëveshje. Basha nuk ka zgjidhje tjetër sepse ai ka hyrë në një rrugë njëkalimshe vetëm me një kusht, të ikë Rama si kryeministër, kjo është barriera e madhe që nuk do të ketë negociata dhe ndaj nuk do të ketë marrëveshje sepse nëse Basha futet në një marrëveshje me Ramën atëherë ai ka falimentuar totalisht, personalisht bashkë me partinë demokratike.

Mirela Milori: Pse e bën rama këtë letër publike?

Mentor Kikia: Rama është politikan i përgjegjshëm dhe pavarësisht se kush i ndërmerr aktet e dhunës sot apo ajo që paralajmërohet në 30 qershor, qeveria nuk mund të thotë që sdi gjë cpo ndodh. Rama ka përgjegjësi politike dhe morale nëse gjërat nuk shkojnë mirë në këtë vend për pasojë është detyra e tij të lëshojë apo tërheqë perin në varësi të situatës politike që për hir të së vërtetës është tmerrësisht e tendosur si asnjëherë. shpresoj që ajo që Rama po bën të mos jetë thjesht një përpjekje edhe për të bindur ndërkombëtarët që ai po i ezauron të gjitha mundësitë.

Opozita nuk është më duke luajtur me bllofe, të gjitha paralajmërimet e saj për intensifikim të dhunës janë bërë realitet dhe paralajmërimet e Bashës duhen marrë seriozisht.

Mirela Milori: Po përgatitet Rama me anë të kësaj letre apo qasje politike që në 30 qershor të jetë i qartë dhe i saktë?

Mentor Kikia: kjo është një luftë sa me molotov në terren aq edhe politikisht në zyra me shkresa dhe fakte. ka një mbështetje ndërkombëtare shumë të madhe, është duke restauruar një pjesë të mirë të kodit penal që parashikon veprimet e dhunshme. Hap tjetër është beteja publike që ai po ezauron i bindur tërësisht që zgjedhjet e 30 qershorit do të mbahen. ai kërkon të jetë i qartë publikisht se ligji është ky dhe ai është i detyruar ta zbatojë, pra po thotë se ai ka ezauruar të gjitha mundësitë për tu ulur në tryezë./abcnews.al

mirela-mentori.jpg
nev ila18:46 | 22/05/2019

Gazetari dhe drejtori i informacionit të Klan Plus, Mentor Kikia, i ftuar ditën e sotme në Mbrëmje ide me Mirela Milorin, ka komentuar deklaratën e fundit të presidentit Ilir Meta gjatë aktivitetit të organizuar rreth sigurisë në ballkan dhe rolit të aktorëve të jashtëm në kohën e tranzicionit euroatlantik, ku sipas Kikisë, Meta është shfaqur tepër nervoz në këto deklarata.

Mirela Milori: Doja një reagim të parë për deklaratën e presidentit Meta

Mentor Kikia:  Në fakt ishte një reagim shumë nervoz duke patur parasysh natyrën e qetë të Metës, mund të konsiderohet habi për këtë qëndrim të tij kaq të fortë që nga koha e miratimit të ligjit për reformën në drejtësi ku sic dihet ka patur një kontestim të vazhdueshëm nga opozita. Meta po përpiqej të identifikonte dy probleme shumë të mëdha.

Mirela Milori: Ditën e sotme Meta ka evidentuar problemet e reforës në drejtësi, a duket sikur sot Meta doli në krahun e opozitës dhe hoqi petkun e presidentit?

Mentor Kikia: Ilir Meta është përpjekur të flasë si president, por të gjithë e dinë që ai është ish kreu i LSI, ka demostruar në shumë veprime që është në anë të opozitës, është përpjekur të mbajë një qëndrim të ftohtë. Por Shqipëria, pa gjykatë kushtetuese dhe pa gjykatë të lartë, nuk është një lajm i ri. Reagimi i zotit Meta, ishte absolutisht i ashpër dhe nuk i referohej faktit se vendi nuk ka gjykatë kushtetuese por konsideronte dështim reformën në tërësi dhe ky është një lajm i keq, parë në mbështetjen që kjo reformë duhet të vazhdojë të marri. Rama është përpjekur të tërheqë Metën për të marrë një pozicion të qartë lidhur me betejën politike mes partisë Socialiste dhe opozitës lidhur me mbajtjen apo mosmbajtjen e zgjedhjeve në 30 qershor, pra nëse do mbajë anën e opozitës por me sa duket Meta nuk ka rënë në këtë lloj provokimi të kryeministrit. nëse do e bënte një deklarim të tillë Meta do të zhvishej edhe më shumë në qëndrimet pro apo kundër qeverisë./abcnews.al

byro-politike-dt-15-maj.mpg_snapshot_15.38-1280x720.jpg
ent ela21:11 | 15/05/2019

Apeli i ndërkombëtarëve dhe rruga e opozitës ka qenë pjesë e debtit në studion e Byro Politike të Juli Xhokaxhi në ABC News me të ftuarit Enkelejd Alibeaj ish deputet i PD, Agron Duka, kreu i PAA-së, Anila Basha, gazetare dhe Mentor Kikia kryeredaktor i Klan Plus.

Për ish deputetin demokrat Alibeaj më i rëndësishëm se reagimi ndërkombëtar është situata ku ndodhet vendi dhe arsyet që e çuan opozitën në një vendim të tillë, në një kohë kur kriza është e shumëfishtë, shteti ka rënë dhe shoqëria shqiptare është nën depresion.

Alibeaj: “Lajmi kryesor është ajo që po kalon sot Shqipëria, kriza e shumëfishtë politike, institucionale, ekonomike, psikike. Ky është dhe nëna e të gjitha problemave dhe ky na agreson të gjithëve si shoqëri e shtet për të sotmen dhe të ardhmen.

Më e rëndësishme është arsyeja pse jemi në këtë situatë, rrënjët e problemit dhe mbi të gjitha si dilet nga kjo situatë, çështje kardinale për tu zgjidhur.

Bardhi ka nxjerrë dhe saktësimin e qëndrimit tonë. Dënojmë dhunën, çdo lloj dhune por duhet të saktësoj një gjë, si u prishën shtepite te Bregu i Lumit, unaza e re, si vidhen 20 mln euro, dhunë e strukturuar që është gjeneratori i cdo lloj reagimi. I shkon shteti me skafandër helmon pleq e fëmijë.

Shoqëria shqiptarë është në depresion se i janë mohuar të drejtat elementare si shqoëri civile, shteti ka rënë. Ka vetëm një zgjidhje, dyndje e madhe te ambasada gjermane të rinj e të reja”.

Në kundërpërgjigje të tij gazetarja Basha ka theksuar se historikisht krizat në këto 29 vite nuk janë zgjidhur me vullnet politik, por ajo akuzon opozitën se ka humbur kontaktin e merealitetin dhe po bllokon punën e qytetarëve dhe bizneseve me dhunën në protesta.

Basha: “Krizat asnjëherë nuk janë zgjidhur me vullnetin politik të palëve. Në 29 vjet ky vend i ka parë të gjitha, me vrasje protestuesish, me molotov, me shkatërrim institucionesh. Përse degradojmë në këtë pikë se duke ju parë ju në TV për 30 nuk kemi zgjidhur gjë. Ju nuk bëni forumi demokratike, keni shkëputur kontaktin me realitetin, keni djegur 50 kosha në tiranë. Ç’kusur kam unë që jetoj në Tiranë të paguaj taksa. Ti vësh zjarrin kryeqytetit, të bllokosh punën e bizneseve duhet të mbani përgjegjësi. Si nuk jeni mërzit duke i vënë flakën Shqipërisë, po alarmohen gjithë bizneset”.

Alibeaj: “Ne po vuajmë nga uzurpimi i pushtetit. Dhunë ishte dhe rrëizmi i bustit të Enver Hoxhës dhe jemi në të njëtën situatë si para 30 viteve. Se ata që janë atje e ndjejnë në lëkurën e tyre, se ata shprehin revoltën e  tyre, se këtu nuk bëhen zgjedhje. Kur na është eliminuar vota  e lirë dhe ky kyeministër njeh vetëm këtë gjuhë”.

Në këndvështrimin e tij Kikia thekson se të vetmen rrugë që e ka në dorë opozita, është dhuna, pasi ka dorëzuar mandatet dhe nuk pranon të ulet në dialog.

Kikia: “Ka një përpjekje nga ana e PD për të mos e konsideruar dhunë mënyrën e veprimit të protestuesve. Ndërkohë Pd është e bindur që e vetmja rrugë që ka në dorë është dhuna se ka dorëzuar mandate,i  ka lëshuar ultimatum qeverisë të ikë kryeministri, nuk ulet në bisedime dhe rrugën e ka një sens prapa nuk ka kthim. Artikulimet janë nga njëra protestë në tjetrën që protesta do intensifikohet më shumë.

Çfarë do të thotë më shumë përshakllëzim se tym e flakë, por më duket përpjekje për të hedhur gurin e fshehur dorën. Ti duhet ta pranosh publikisht që arma ime është flaka dhe nuk pres që Rama të dorëzohet por ta detyroj. Me afrimin e datës së zgjedhjeve dhe premtimin se zgjedhjet nuk do bëhen meraku im është se kemi dy kokëfortësi. A ka rrezik të na çojë përplasje që për ta shuar do jetë e vështirë?”

Alibeaj: “Rruga jonë e vetmje është zgjedhje të lira dhe të ndershme. Kemi humbur ligjin, kushtetutën demokracinë e të drejtën për të zgjedhur. Kur sheh një mur përballë si ky që ka ngritur Rama, demokracinë  e kanë humbur shqiptarët. Kemi protestë se revolta është kaq e madhe, se një revoltë që nuk është e orintuar politikisht shkon ne anarki, ndërkohë sot duhet dikush t’i ofrojë zgjidhje politike dhe këtë e kemi bërë ne”.

Për kreun e Partisë Agrare Ambjentaliste, sot po ndodh ajo që ai kishte paralajmëruar dy vjet më parë në zgjedhjet e 2017, ku njerëz të botës së krimti rrëmbyen kutitë  e votimit. Dhe në këtë situatë të vetmen zgjidhje ai sheh tërheqjen e Ramës, në të kundërt ka përplasje.

 Duka: “Ka riciklim krizash, ka gabime që bëhen nga të dy palët Anila, ta dish se kjo dhunë nuk është rrufe në qiell të pastër. U kam thënë dhe miqve të mis socialstë që këtë që po bëni në zgjedhjet e 2017 nuk do kalojë kaq lehtë dhe kjo dhunë një ditë do shpërthente. Këto po paguajnë këtë dhunë. Kam qenë në të gjitha qendrat e Durrësit dhe kam bërë sherr, jemi kacafytur me njerëzit e botës së krimit të cilët i zaptuan kutitë e votimit si ujqërit. Problemi është si do shikohet? Një pozicion i opozitës, e cila nuk ka as mandate, me qeveri tranzitore dhe nga ana tjeter një Kryeminstër, i cili hiqet sikur klima politike është e qetë. Do të marrë 61 bashki, mundohet të bëjë një opozitë farsë. Të dy palët kanë një pozicion stoik, por ndërkohë opozita nuk ka asgjë në dorë. Rama e ka në dorë, po nuk u tërhoq ai kjo punë do shkojë në përplasje”. /abcnews.al

 

BYRO-POLITIKE-DT-29-PRILL-mediu-1280x720.jpg
ent ela20:58 | 29/04/2019

Iniciativa e 5 partive të djathta, të cilat nesër do të priten nga Presidenti Meta për platformën e tyre për zgjidhjen e krizës që ka mbërthyer vendin, është disktuar në studion e Byro Politike në ABC News të Juli Xhokaxhiut me kreun e PR-së Fatmir Mediu dhe gazetarët Mimoza Koçiu dhe Mentor Kikia.

Iniciatori i kësaj platforme, Fatmir Mediu tha se ky grupim kërkon ndryshim të sjelljes politike për të pasur një republikë parlamentare të shtetit të së drejtës dhe balancim të pushtetit mbi parimet kushtetuese.

“Ne krijuam këtë grupim se mendojmë që secili duhet të ketë një rol në politikë dhe kemi bashkuar 5 parti, e cila nuk ka të bëjë me zgjedhjet lokale, por sesi duhet të ndryshojmë sjelljen politike për të pasur një republikë parlamentare të shtetit të së drejtës dhe balancim të pushtetit mbi parimet kushtetuese. I kemi kërkuar takim Presidentit dhe duke pasur në konsideratë ruajtjen e sistemit pluralist përmes zgjedhjeve pluraliste”.

I pyetur se çfarë do i kërkojnë konkretisht Presidentit, Mediu përgjigjet se Presidenti duhet të shmangë një konflikt që është në dëm të interesave të vendit, ndryshimin e sistemit zgjedhor dhe minimizimin e blerjes së votës.

“Debati ynë është për sistemin zgjedhor. Ne kërkojmë ndryshimin e sistemit zgjedhor e para, dhe e dyta parlament kushtetues për të minimizuar blerjen e votës.

Ne kemi President Republike dhe un abstragoj nga emri, se duhet të respektojë autoritetin kushtetues të Presidentit të Republikës dhe kur kërkoj të angazhohem me institucionin e Presidentit që ai në funksionin kushtetues të shmangë një konflikt që është në dëm të interesave të vendit

Ne kërkojmë nga Presidenti që nisur nga situata cënon integritetin tonë si popull dhe kushtetueshmërinë e vendit e cila është thuajse e rrëzuar dhe po shkojmë që s’do kemi as zgjedhje pluraliste, por farsë dhe shmangie nga qëllimi ynë kombëtar që është integrimi dhe Presidenti ka detyrën që palët duhet të gjejnë përgjegjshmërinë e tyre”. /abcnews.al

BYRO-POLITIKE-DT-15.mpg_snapshot_05.29-1280x720.jpg
ent ela22:55 | 15/04/2019

Protesta e 13 prillit e opozitës u diskutua në studione byro Politke në ABC News me analistët Mimoza Koçiu, gazetare e Politika në ABC News, Roland Lami Pedagog i UET, Ermal Hasimja opinionit dhe Mentor Kikia kryeredaktor i Klan Plus.

Për Koçiun opozita në këtë protestë të tretë të saj kombëtare donte të tregonte forcën e numrave.

“Protesta e tretë në radhë. E madhe kam përshtypjen se opozita donte të tregonte forcë numerike. Kësaj i kanë mëshuar kryetari Basha dhe mbështetësit. Forca e numrave në shesh. Kishte pjesëmarrje masive. Problemi që ka shqetësuar mazhorancën ishte pjesëmarrja në shesh”.

Për pedagogun Lami opozita po ndërton strategji për të futur në kurdh ministrinë e Brendshme  dhe nuk kanë munguar ngjarjet për ta nxjerrë në pah.

“Ka një luftë për të dominuar në hapësirë mediatike mbi protestën, ka tendencë për ta nxjerrë të dhunshme që kërkon të provokojë apo të sjellë ngjarje të së shkuarës, ndërsa opozita ka tendencë të nxjerrë në pah epërsinë e ministrisë së rendit ndaj protestuesve. Mbështetja nuk ka rënë, numrat përbëjnë një vlerë

Opozita po ndërton strategji për të fut në kurdh ministrinë e Rendit dhe nuk kanë munguar ngjarjet për ta nxjerrë në pah.

Raste sporadike të ushtrimit të dhunës.

Pjesa agresive që ka qeveria ndaj gazetarisë ku nëpërmjet Ministrisë së Rendit janë bërë arrestime e goditje të gazetarëve në terren. Këto elementë ka përdorur opozita dhe ia ka arritur”.

Ndërkaq për Hasimjan protesta nuk duhet të funksiononte kështu.

“Mënyra si zvhillohet protesta tregon se është konceptuar si përballje forcash, numrash, ndërkohë që protesta nuk duhet të funksiononte kështu”.

Por tema e bisedës së Byro Politike u ndërpre për shkak të lidhjes së drejtpërdrejtë me Euronews për ngjarjen në Katedralen e Parisit. Gazetarja Mimoza Koçiu dhe drejtuesja e emisionit Juli Xhokaxhi kanë përcjellë drejtpërsëdrejti situatën në Paris, me përkthime dhe komente në studio. /abcnews.al

klajda-gjosha.jpg
G. P.23:17 | 10/04/2019

Në këtë puntatë të emisionit “Byro Politike” u diskutua mbi vizitën e zv/ndihmës sekretarit amerikan të Shtetit, Matthew Palmer. Të ftuar në studio ishin ish-deputetet Jorida Tabaku, Klajda Gjosha dhe analistët Enton Abilekaj dhe Mentor Kikia.

Diplomati amerikan theksoi se SHBA e njeh qeverinë shqiptare dhe do të vazhdojë bashkëpunimin me ta. Ndërkohë që dënoi djegien e mandateve të opozitës.

Dy ish-deputetet e pranishme në studio u shprehën se e prisnin një qëndrim të tillë të ndërkombëtarëve mbi këtë vendim. Ndërkohë gjithashtu nënvizuan faktin se Palmer ishte plotësisht dakord me të gjitha çështjet që ka ngritur opozita./abcnews.al

mendot-kika.jpg
ent ela19:45 | 16/03/2019

Mentor Kikia kryeredaktori i Klan Plus në “Mbrëmje ABC” është shprehur se protesta e opozitës edhe një herë dëshmoni se ka qëndrueshmëri sa i përket numrit të pjesëmarrësve.

“Protestë e sot nuk është një e shqepur dhe është pjesë e një seri të një aksioni politik. Ajo që më bie në sy është fati që ka njëlloj resiste të pjesëmarrjes. Protesta kanë mësuar se zhbëhen nga numri i pjesëmarrjeve, pro për nga numri ka dëshmuar së pari qëndrueshmëri në natyrën e saj”.

Më tej gjatë fjalës së tij ai është shprehur se  opozita ka hyrë në një rrugë që nuk ka kthim pas.

“Situata politike në Shqipëri është e paprecedentë. Asnjëherë opozita nuk ka braktisur, por ka bojkotuar. Këtu jemi përballë një fakti se opozita ka djegur mandatet. Kjo opozitë në mënyrë më të paprecedent u zëvendësua nga personat e listës. Të zottë e kësaj pune janë nuk dinë si do shkojnë atje ku duan të arrijnë. Nuk ka nisma si brenda ashtu edhe jashtë për  t’i ulur palët dhe tavolinë dhe për të diskutuar. Ata thonë të ikë Rama dhe nuk bisedojmë me Ramën dhe këtë situatë nuk e marr kush përsipër këtë.

Ndërkombëtarët janë të ndërgjegjshëm që për momentin nuk bëhet fjalë për diskutime. PD është në një rrugë të ngushte ku nuk ka asnjë mundësi që të kthehet pas. Duke përjashtuar rrugën e diskutimeve PD ka vetë-zgjedhur përplasjen. Përpara se të përballet me Policinë e Shteti dhe qeverinë ajo ka përpara ndërkombëtarët”./abcnews.al

byri-politike.jpg
G. P.23:03 | 11/02/2019

Gjykata e Apelit për Krime të Rënda dënoi të premten e 8 Shkurtit me 25 vjet burg Dritan Dajtin. Ai është autor i vrasjes së katër evektivëve të policisë të cilët ishin duke punuar për arrestimin e tij në verën e vitit 2009. Mirëpo ky vendim i gjykatës ka çuar në reagimin e opinionit publik.

Për të diskutuar rreth kësaj çështjeve në emisionin “Byro Politike” këtë të hënë ishin ftuar në studio Çlirim Gjata, sekretar për çështjet ligjore në PD dhe  jurist; Ferdinand Doja, jurist; Mentor Kikia, gazetar; Saimir Vishaj, jurist./abcnews.al

erlis-cela.jpg
G. P.22:55 | 30/01/2019

Bota rrezikohet gjithnjë e më shumë nga fenomeni i Fake News, apo lajmit të rremë në shqip. Në puntatën e kësaj të mërkure në emisionin “Byro Politike” nga Juli Xhokaxhi u diskutua pikërisht rreth këtij fenomeni ku të ftuar ishin: Erlis Çela, pedagog; Mentor Kika, analist; Arian Çuri, analist dhe Ralf Gjoni, analist.

Mentor Kikia u shpreh se duhet kuptuar diferenca mes Fake News dhe shpifjes.

Mentor Kikia: Fake News nuk është një gazetari joprofesioniste. Është një profesionizëm shumë më profesional se lajmet e tjera se është një produkt që hidhet në treg me një qëllim të paracaktuar. Kërkon të çorientojë opinionin publik, imazhe të paqena për persona dhe institucione. Duhet të bëjmë diferencën mes Fake News dhe shpifjes. Shpifja është një gjë që targeton personin qëllimisht për ta dëmtuar. Unë do shpif sikur Erlisi ka bërë një shkelje të rëndë ligjore. Kurse Fake News unë them që Erlisi ishte në Durrës. Fake News është për ta çorientuar publikun drejt një qëllimi që dua unë. Me Fake News përballemi çdo ditë kur shikojmë lajmet më së shumti në mediat online kur kontrolli është më i paktë, produkti që hidhet është më i lartë dhe cilësia e dobët.

Për Arian Çurin Fake News është një industri, e cilën sipas tij është goxhafitimrurëse dhe pjesë e saj janë ata që i quajti trafikantë.

Arian Çuri: Fake News është një industri e tërë. Disa e kanë zanat. Kemi të bëjmë me një lloj trafiku, të cilët pranojnë hapur që është një biznes goxha fitimprurëse.Ka njerëz që paguajnë ushtarë të tillë, mercenarë për të baltosur, apo lobuar për axhenda të caktuara. Njerëzit tentojnë t’i lexojnë këto lajme. Nga industri përfituese po përdoret dhe industri shantazhuese. Këta njerëz që për mua janë trafikantë dhe e pranojnë një gjë të tillë, veprojnë për të rrëzuar pushtete të tëra. Nëse me një ushtri kompjuterash arrin të rrëzosh pushtete është goxha e re në këtë sistem.

Për Gjonin, Trump ka meritën që hodhi në treg terminologjinë e re, Fake News, të cilën ai e përktheu edhe si propagandë.

Ralf Gjoni: Duhet të përkthejmë pak fjalën Fake News, përveç fjalë e rreme përkthehet edhe propagandë. Trump nuk bëri ndonjë gjë të re veçse hodhi në treg Fake News për një terminologji të re për të zëvendësuar fjalën propagandë. Sot është bërë një sport i rëndomtë i disa kalamajve. Twitter, Facebook dhe rrjete presitogjoze çdo ditë dhe çdo muaj mbyllin me miliona profile të rreme.

Erlis Çela: Fenomeni edhe për shkak të popullariteti që mori ka ngjallur kureshtjen e studiuesve. Fake News ka dhe qëllime biznesi. Ka Fake News të formës pak më të zbutur. Ne kemi media të mëdha që serviret me pikëpyetje në fund që le mister te publiku. Mediat e mëdha ndërkomëbtare siç është BBC dhe CNN kanë tashmë struktura të mirëorganizuara për të vërtetuar info që vijnë në kuptimin e lajmit të rremë. Sot ajo që e bën fenomenin më të rrezikshëm është fuqia që kanë marrë rrjetet sociale./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono