memoriali

demti-i-memorialit-1280x629.jpeg
nev ila10:57 | 30/08/2019

Dëmtohet memoriali i vendosur te Parku i Liqenit, pak javë më parë në nderim të viktimave të grushtit të shtetit në Turqi. Ky memorial kishte ngjallur mjaft debate në opinionin publik, ndërkaq policia po heton për autorin.

Ky është sulmi i dytë kundër memorialit turk i ngritur më 15 korrik te parku i liqenit Artificial.

Këtë herë dëmi ishte më i madh. Autori sipas policisë ka vepruar i vetëm.

Ai ka thyer pjesën anësore të memorialit me mjete të forta dhe më pas është larguar pa u shqetësuar nga askush. Uniformat blu nuk kanë rënë ende në gjurmët e autorit të këtij akti, që nuk përjashtohet mundësia që të jetë me sfond ekstremist.

Për këtë arsye, përveç forcave të rendit për zbardhjen e ngjarjes janë angazhuar edhe agjent të anti terrorit në Policinë e Shtetit.

Gjithashtu u administrua dëshmia e rojes së një biznesi, i cili njoftoi i pari uniformat blu për këtë ngjarje.

Memoriali i kushtohet viktimave të tentativës për grusht shteti në Turqi, më 15 korrik të 2016-ës.

Vendosja e këtij memoriali në kodrat pranë liqenit artificial të Tiranës u shoqërua me reagime të shumta, nga shoqëria civile. Po kështu edhe në rrjete sociale duke u shprehur kundër vendosjes së këtij memoriali./ABC News Albania 24/7

 

memoriali-1280x699.jpg
ad min13:50 | 23/07/2019

Është hedhur në erë me dinamit memoriali i Thimio Lolit në Kranë të Finiqit. Kjo është hera e disatë që sulmohet memoriali i nacionalistit grek, i cili akuzohet për disa masakra ndaj shqiptarëve.
Njoftimi i ngjarjes është nga banorët e zonës, të cilët kanë ndjerë shpërthimin,dhe kanë vënë në dijeni policinë.
Loli ka marrë pjesë në masakrat e shqiptarëve ndaj shqiptarëve në 1914, ka punuar për silogjet “Vorio Epirote”, udhëhoqi sulmet në Sarandë, Kurvelesh, Delvinë e me radhë në gjithë jugun.
Po ashtu ai akuzohet se masakroi çamët në 1944 krah Zervës, dhe pranë memorialit të tij vijnë çdo vit shumë ekstremistë për ta nderuar nën flamurin e të ashtuquajturit Vorio Epir./ABC News Albania 24/7

omega.jpg
ad min19:08 | 17/01/2019

8 muaj pas inaugurimit, rihapet në Lezhë për vizitorët, memoriali i heroit kombëtar Gjergj Kastriot Skënderbeu. Bashkia e Lezhës organizoi homazhet në këtë memorial, me rastin e 551 vjetorit të vdekjes së tij. Nënkryetarja Alfrida Marku, bëri të ditur se më 2 Mars në Lezhë, do vendoset për herë të parë shtatorja e heroit tonë kombëtar, në sheshin me të njëjtin emër.

Bashkia përsëriti thirrjen drejtuar qeverisë që të miratojë kërkesën e saj, në mënyrë që 2 Marsi, data e Kuvendit, që shënon Besëlidhjen e Lezhës, të shpallet festë zyrtare. Në fjalën e tij, kreu i konferencës ipeshkvnore të Shqipërisë, Anxhelo Masafra tha se atdheu duhet të jetë mbi gjithçka e bëri apel që të punohet me të rinjtë, të cilët kërkojnë masivisht të largohen nga vendi./abcnews.al

44500813_247938822566966_6994290551465967616_n.jpg
ent ela10:16 | 22/10/2018

Mit’hat Frashëri publicist, shkrimtar, përkthyes, albanolog, diplomat, veprimtar i çështjes kombëtare, politikan, nënshkrues i Deklaratës së Pavarësisë së Shqipërisë, do të prehet në Atdhe pranë Vëllezërve Frashëri në Parkun e Madh.

Bashkia e Tiranës ka nisur punë për ndërtimin e memorialit dhe rigjenerimin e zonës përreth me bimësi e gjelbërim dekorativ.

Ceremonia shtetërore e kthimit në atdhe të eshtrave do të organizohet gjatë javës përkujtimore të 110-vjetorit të Kongresit të Manastirit, e cila përkon me një nga kremtimet madhore të Vitit Mbarëkombëtar të Gjergj Kastriotit-Skënderbeut.

Mit’hat Frashëri lindi në Janinë në vitin 1880. Aktualisht eshtrat e tij prehen në New York të Shteteve të Bashkuara të Amerikës aty ku ai ndërroi jetë në vitin 1949.

Bashkia e Tiranës i ka kushtuar një vëmendje të veçantë nderimit të ngjarjeve dhe personaliteteve të kombit tonë. Gjatë këtyre tre viteve janë rehabilituar shumë prej monumenteve dhe lapidarëve në të gjithë qytetin, që ishin lënë në mëshirë të fatit. /abcnews.al

vlcsnap-error146-1280x720.jpg
ad min19:12 | 12/01/2018

Memoriali i Skënderbeut në Lezhë do t’i nënshtrohet restaurimit të plotë.

Kryeministri Edi Rama shpalli projektin që vjen në kuadër të vitit kushtuar heroit tone kombëtar.  Pikërisht nga ky simbol i rëndësishëm i historisë së vendit shefi i qeverisë u shpreh se gjendja e memorialit lë për të dëshiruar krahasuar me atë ku duhet të jetë.

Gjithsesi sipas kryeministrit, ai është më mirë se disa vite më parë, kur kishte nevojë për ndërhyrje të brendshme, ndërsa se jashtmi situatën, shefi i qeverisë e quajti skandaloze.

Me realizimin e projektit, kryeministri u shpreh besimplotë se memoriali do të kthehet në një pikë referimi jo vetem në respekt të historisë, por edhe për cilësine që do të ofrojë mjedisi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono