Mediat

PELOSI-INTERVISTA-ABC-M5-T1.mpg_snapshot_00.22-1280x720.jpg
ent ela15:15 | 24/08/2019

Në një intervistë për mediat italiane kryetarja e kongresit amerikan Nensi Pelozi u shpreh se shtetet e bashkuara të amerikës do të mbështesin gjithmonë një Bashkim europian të fortë, të integruar dhe demokratik.

Roli I Italisë dhe besimi në presidentin e republikës Matarela në këtë krizë qeverie, ndërhyrjet e Rusisë në zgjedhjet amerikane, Shtetet e Bashkuara të Amerikës që vazhdojnë të mbrojnë NATO-n dhe unitetin e BE-së, janë disa nga pikat e intervistës së Nensi Pelosi me italianen “La Stampa”. Kryetarja e kongresit amerikan u shpreh se ndihej krenare për rrënjët e saj italo-amerikane dhe që ishte e para që mbulonte atë post. Sipas saj Italia do të vazhdojë të luajë një rol shumë  të rëndësishëm në komunitetin global, si forcë për rinovimin dhe rritjen e teknologjisë, si dhe paqen. Ajo uroi presidentin Matarela për sa i përket gjendjes aktuale duke u shprehur e bindur se kreu i shtetit Italian do të marrë vendimet e duhura në të mirë të vendit.

Pelosi u shpreh se shërbimet amerikane të inteligjencës janë por dhe drejtësia amerikane konfirmuan pa asnjë dyshim ndërhyrjet ruse në zgjedhjet amerikane. Ndërsa për rreziqet që lidhen me Brexit ajo shpjegoi se nuk mund të lejohet rrezikimi i marrëveshjes së të premtes së shenjtë përfshirë dhe hapjen e kufijve mes Republikës Irlandeze dhe Irlandës së Veriut. /ABC News Albania 24/7

masakra-ne-el-paso-1280x951.jpg
nev ila18:25 | 10/08/2019

Në dëshminë e dhënë përpara policisë, një pjesë e të cilës është siguruar nga mediat amerikane, autori i sulmit të armatosur në El Paso ka konfirmuar se qëllimi i veprimit të tij ishte vrasja e sa më shumë meksikanëve.

I dyshuari për vrasjen e 22 personave në një qendër tregtare në El Paso të Teksasit ka pranuar se kishte vënë në shënjestër meksikanët. Kështu shkruajnë mediat amerikane, të cilat i referohen një dëshmie të marrë nga policia.

Patrik Krusius thuhet se ndaloi automjetin e tij në një kryqëzim në afërsi të qendrës tregtare, doli prej andej me duart lart dhe tha para policisë:

“Unë jam autori”.

Dëshmia, një kopje e së cilës është siguruar nga “Washington Post” tregon se 21-vjeçari e pranoi menjëherë se kishte hapur zjarr ndaj klientëve dhe stafit të supermarketit.

Qendra tregtare në fjalë është e njohur për frekuentimin nga klientë meksikanë që kalojnë kufirin nga qyteti i afërt i Huarezit. Nga personat që humbën jetën, 13 ishin amerikanë, 8 meksikanë dhe 1 gjerman.

Autoritetet besojnë se fare pak momente përpara sulmit, Krusius postoi një manifest racist online që fliste kundër “pushtimit hispanik të Teksasit”.

Gjuha e përdorur prej tij ngjasonte shumë me disa fraza të përdorura nga presidenti Donald Trump për emigrantët. Për këtë arsye, shumë banorë të El Pasos e kanë akuzuar kreun e shtetit për retorikën e tij, e cila sipas tyre ka nxitur ngjarje të tilla.

Në reagimin e tij të fundit lidhur me episodin në El Paso, por edhe atë në Dejton, ku humbën jetën 9 persona, Trump tha se po punon me klasën politike në Kongres për të forcuar kontrollin e armëve./ABC News Albania 24/7

zhvatja-1280x695.jpg
Sej rie19:00 | 08/08/2019

Çështja e njohur me emrin “Zhvatja” në Maqedoninë e Veriut ka përfunduar në mediat italiane. Gazeta “La Verita” ka publikuar në edicionin e saj online videon e një ryshfeti prej 1.5 milion euro që një biznesmen paguan për të fituar lirinë.

Laris Gaiser, nëpërmjet gazetës italiane “La Verita” publikoi një video, ku shihet se si Bojan Jovanovski, nga shtëpia e biznesmenit Orce Kamçev largohet me siç thuhet, 1.5 milion euro në kesh. Këto para, pretendohet se ia siguruan lirinë më vonë, Kamçevit, i cili është viktima kryesore në rastin “Zhvatja”. Siç shihet në video, më 20 shkurt, Bojan Jovanovski dhe Zoran Mileski i kanë marrë paratë nga familja Kamçev. E më pas, video e publikuar përmban edhe audio xhirim, ku Bojan Jovanovski i thotë njërit prej familjes Kamçev se të hënën do të jenë të lirë.

– Të hënë do të jeni të lirë! Më së voni deri të martën.

– Por nuk mund të vijë lënda deri të hënë në Gjykatë Supreme!?

– Po do të arrijë. Prokuroria Speciale nuk do të përdor masa të jashtëzakonshme juridike, nuk do të ndërmarrin asgjë.

– E apeli?

– Apeli do t’ju refuzojë, pasi të ankoheni. Ju duhet të jeni të përgatitur. Pastaj ankoheni në shkallën e dytë në Supreme. Këshilli do të përgjigjet automatikisht. Katica nuk do të përdor asnjë masë juridike që ta zvarritë momentin. Të hënën ose të martën ti je i lirë.

Edhe ashtu ndodhi! Më katër mars të këtij viti, të hënën, Kamçev iu anulua edhe burgi shtëpiak dhe ishte i lirë. Pasi u hap rasti, nga Prokuroria Speciale dolën me pres konferencë, e prokurorja e rastit, Lile Stefanovska, tha që çdo vendim e ka nënshkruar Katica Janeva, sepse ligji për Prokurorinë Speciale ashtu thotë. Ajo shtoi se nuk ka qenë në dijeni për këtë që ka ndodhur me Kamçevin në rastin “Perandoria”.

Tentuam të kontaktojmë edhe me gazetarin që e ka publikuar videon, por ai nuk deshi të prononcohet. Paralajmëroi se do të ketë edhe video tjera, kurse tha që këtë po e bën për hir të së vërtetës. E nëse e hap faqen e “Facebook” të gazetës “La Verita”, çdo i dyti publikim ka të bëjë me Matteo Salvinin dhe Boris Johnsonin. Në ditët e fundit, gazeta ka shkruar edhe për besimin e dobët të Italianëve në Bashkimin Evropian, kurse temë që fiton shumë vëmendje nga kjo gazetë është edhe Brexiti./ABC News Albania 24/7

haradinaj-Kosove.jpg
Sej rie12:10 | 22/07/2019

 

Pas dorëheqjes së kryeministrit të Kosovës Ramush Haradinaj dhe qeverisë së tij, në vend kanë dalë opsione të ndryshme nëse do të ketë zgjedhje të jashtëzakonshme apo qeveri teknike me kryeministër konsensual.

Tetë shtatori përmendet si data për mbajtjen e zgjedhjeve të jashtëzakonshme pas dorëheqjes së kryeministrit Haradinaj.

Por presidenti Hashim Thaçi ende nuk i ka ftuar partitë politike për konsulta rreth datës së këtyre zgjedhjeve.

Partitë politike kanë shprehur vullnetin e zgjedhjeve të jashtëzakonshme.

Por kjo ka gjasë të mos u pëlqej ndërkombëtarëve meqë  zvarritet vazhdimi i dialogut.

Sipas Mushkolajt për këtë arsye ndërkombëtarët mund të insistojnë në një qeveri teknike me kryeministër konsensual.

Derisa kryeministri në largim Ramush Haradinaj është duke vazhduar aktivitetet e tij në cilësinë e kryeministrit.

Ai sot ka marrë pjesë në inicimin për ndërtimin e bustit të sentorit Bob Dole në Prishtinë.  Nuk ka folur për dorëheqje e as për gjykatën special por ka ka garantuar miqësi të përjetshme me SHBA-në.

“Ne jemi të gëzuar që populli i Kosovës i drejtohet me shenjë falënderimi senatorin Dole, falënderojmë presidentin Trump për kujdesin, urojmë që miqësia me Amerikën të jetë e përjetshme”

Ndërkohë Kryetari PDK-së Kadri Veseli ka nisur përgatitjet për zgjedhje të jashtëzakonshme. Veseli ka mbledhur kryetarët e degëve të PDK-së,të cilëve u ka kërkuar formimin e shtabeve zgjedhore”, tha Dole.

Kryeministri Ramush Haradinaj ka dhënë dorëheqje të premten pasi që është ftuar për tu marrë në pyetje në cilësinë e të dyshuarit nga dhomat e specializuara në Hagë./ABC News Albania 24/7

Screenshot_2-15.jpg
Sej rie19:30 | 19/07/2019

Vendimi i papritur për dorëheqje të parevokueshmë të kryeministrit të Kosovës Ramush Haradinaj, ka bërë menjëherë xhiron në mediat ndërkombëtare. Haradinaj i cili është thërritur si i dyshuar nga gjykata special në Hagë, u shpreh se nuk mund të mbronte pafajësinë e tij nga post i Kryeministrit.

Kryeministri i Kosovës Ramush Haradinaj dha dorëheqjen pas thërritje si i dyshuar nga gjykata special në Hagë për krime lufte. Lajmi për dorëheqjen e kreut të ekzekutivit në Kosovë ka bërë xhiron e mediave ndërkombëtare të cilat i kanë dhënë hapësirë si një ndër lajmet më të rëndësishme të ditës. Deutsche Vele shkruan ndër të tjera se ish komandanti i UCK-së dha dorëheqjen nga posti i tij ndërkohë që ka qenë në Hagë dhe dy herë të tjera për të njëjtat akuza.

Radio Evropa e Lirë raporton se Haradinaj në fjalën e tij të dorëheqjen ka falënderuar popullin e Kosovës për besimin dhe mbështetjen. Deklarata e papritur u bë pas mbledhjes së qeverisë.

Edhe agjencia aziatike e lajmeve CNA e cila e ka vendosur lajmin në faqen e saj të parë për një kohë të gjatë shkruan se dorëheqja erdhi si pasojë e thirrjes si i dyshuar për krime lufte nga Gjykata e Hagës. Haradinaj në fjalën e tij theksoi se i ishte kërkuar të paraqitej në gjykatën special si kryeministër ose si qytetar i thjeshtë dhe ai kishte zgjedhur të dytën.

Agjencia e lajmeve Reuters shkruan se Haradinaj një ish komandant i UCK-së ka mohuar gjithnjë akuzat duke u treguar gjithnjë i gatshëm të përballet me faktet. Ai gjithashtu kërkoi që me rrëzimin e qeverisë vendi të shkojë në zgjedhje të parakohshme.

Në raportimin e saj Yahoo shkruan ndër të tjera se Haradinaj ka theksuar disa herë se nuk mund të përballej me këtë çështje si kreu i ekzekutivit. 51-vjecari i cili drejton qeverinë që nga shtatori i 2017-ës u shpreh se kjo ishte një goditje e rëndë politike për Kosovën por ai do të mbronte veten e tij si një luftëtar i Kosovës. Haradinaj gjithashtu u shpreh se do të kandidonte në zgjedhjet e parakohshme në mënyrë që të rikthehej në postin e tij të Kryeministrit./ABC News Albania 24/7

auto_fllflf55281544539483.jpg
Sej rie19:15 | 19/07/2019

Mediat serbe i kanë bërë sigurisht jehonë lajmit të dorëheqjes së kryeministrit të Kosovës Haradinaj. Kurir në raportimin e tij bën një përmbledhje të akuzave dhe gjyqeve nëpërmjet të cilave ka kaluar Haradinaj, pa harruar të përmendë se ai punonte si truprojë në një lokal nate para se ti bashkohej Ushtrisë Çlirimtare të Kosovës.

Ndërkohë Tanjug e vë theksin tek fakti se komuniteti evropian ende nuk ka reaguar për këtë lajm dhe se ky është një rast i mirë që Hashim Thaçi të heqë taksën prej 100 për qind të vendosur ndaj produkteve serbe

shkup-1-1280x718.jpg
ent ela16:10 | 13/06/2019

Në një pasqyrim të gjerë të mediave gjermane përsa i përket Maqedonisë së Veriut, theksi vihet në faktin se nuk ka vend për nervozizëm nga ana e Shkupit, pasi do të ketë një datë të saktë për hapjen e negociatave me Bashkimin Europian.

Në një tekst të gazetës gjermane “Frankfurter Allgemeine Zeitung” me titull “A thua Maqedonia e Veriut po humb dëshirën për Evropë?” autori Mihael Martens bën një rekapitullim të qëndrimeve të Berlinit dhe Shkupit rreth marrjes së datës së negociatave dhe rëndësinë e këtij vendimi për Qeverinë në Shkup. Vend qendror në këtë anlizë ka roli i Bundestagut, respektivisht vendimi i shumicës që të anulohet debati për Maqedoninë e Veriut për në fund të Shtatorit.

Nga njëra anë gazeta “Franfurter Allgemajne Cajtung”,siç njofton DW në gjuhën maqedonase,  transmeton se Shkupi nuk ka mirëkuptim për anulimin e debatit në situatë kur vendi qysh në Shkurt të këtij viti përmbylli kontestin për emrin me Greqinë dhe tashmë 15 vite është në pritje të fillimit të negociatave. Siç shkruan gazeta, në Shkup nuk e pranojnë argumentin se anulimi është bërë për shkak të vendimit të Komisionit Evropian që ta publikojë raportin e progresit pas zgjedhjeve për Parlamentin Evropian. “Qysh në Shkurt u bë e qartë për të gjithë të interesuarit se Komisioni Evropian, sikurse gjashtë herë paraprakisht nga viti 2009, do të rekomandojë fillimin e negociatave”.

Por, deputeti i partisë së Merkelit CDU-së, Johan Vadefup i ka hedhur poshtë këto kritika.

“Ne kemi përgjegjësi para popullit tonë, veçanërisht kur bëhet fjalë për një vendim pozitiv për fillimin e negociatave. Duhet t`ia sqarojmë popullit përse kemi thënë “PO”. Maqedonia e Veriut ka shënuar progres në sundimin e së drejtës krahasuar me raportin e vitit 2018, por në këtë pjesë ende nuk i ka plotësuar të gjitha kushtet”.

Nga CDU-ja për gazetën në fjalë thonë se nuk e kuptojnë se përse është problem i madh anulimi prej tre muajve, veçanërisht kur tashmë është vendosur se hapja e tre kapitujve të negociatave do të ndodh në Dhjetor.

“Lidhur me Maqedoninë e Veriut, sipas njohurive të mia dhe vlerësimeve, mund të them se vendi në fund të shtatorit do ka ketë përkrahjen e grupit tim parlamentar dhe nga Bundestagu. Nuk ndihmon përhapja e frikës nga vende ose fuqi të treta” –thotë Vadefup, qëndrim i cili mund të vlerësohet si hedhje poshtë e deklaratave të Kryeministrit Zaev se Rusia dhe Kina do të rrisin ndikimin e tyre në Maqedoninë  e Veriut.

Gazeta ‘Frankfurter Allgemeine Zeitung” më tej shtron pyetjen nëse situatë me të vërtetë është aq dramatike siç e paraqet Kryeministri Zaev, nga aspekti i paralajmërimeve të tij se mund të ketë rënie të Qeverisë dhe duhet të shpallen zgjedhje të jashtëzakonshme. Por, në një bisedë për këtë gazetë, një ish-deputet i paemëruar i VMRO-DPMNE-së opozitare, thotë se partia, për momentin, nuk ka asnjë interes për zgjedhje. Një koment në temën e datës së negociatave, ka publikuar edhe gazeta prestigjioze ekonomike Handelsblat./ABC News Albania 24/7

58689453_2634568626613480_3222796575331844096_n.jpg
Sej rie13:20 | 12/06/2019

Në pritje të samitit të Parisit, mediat serbe publikojnë skenare të ndryshme  të asaj që mund të ndodhë në vend nëse ky samit dështon. Por një hipotezë është dhe ajo që samiti të mos zhvillohet.

 E përditshmja serbe “Blic” shkruan se nëse dështon Samiti i Parisit, janë të gatshme disa skenarë të reja për Kosovën. Ndër të tjera shkruhet se në takimin e liderëve të rajonit me kancelaren gjermane Angela Merkel dhe Presidentin e Francës, Emmanuel Macron, më 1 Korrik në Paris mund të formulohet një platformë për zgjidhjen e problemit të Kosovës.

Sipas shkrimit, një propozim final mund të ofrohet para përfundimit të vitit. Por, në rast se nuk ndodh një skenar i tillë, “Blic” shkruan se një referendum për Kosovën mund të mbahet së bashku me zgjedhjet e reja parlamentare në pranverë të vitit të ardhshëm. Gjithashtu burime diplomatike kanë thënë për “Blic” se po ashtu ekziston rreziku që Samiti i Parisit të mos mbahet fare, sipas asaj që raporton  lajmi.net.

Në fakt, siç spekulohet në javët e fundit, Macron dhe Merkel nuk janë dakord për mënyrën e zgjedhjes së presidentit të ri të Komisionit Evropian, por edhe rreth asaj se kush do të jenë kandidatët e institucionit evropian.

Burime diplomatike të “Blic” sugjerojnë se takimi i 1 Korrikut po ashtu mund të sjellë një platformë, e cila mund të shërbejë si zgjidhje përfundimtare e problemit.

Presidenti i Serbisë, Aleksandar Vuçiç, ka deklaruar së fundmi se nuk e di nëse do të ndodhë takimi në Paris. Por, ai po ashtu përsëriti qëndrimin e Beogradit se Prishtina duhet të heqë taksën ndaj mallrave serbe në mënyrë që palët të përpiqen për arritjen e një kompromisi./ABC News Albania 24/7

Ilir-Meta-media.jpg
Sej rie12:00 | 09/06/2019

Vendimi i presidentit Ilir Meta, i marrë ditën e protestës së radhës të opozitës, është raportuar në disa media të huaja. Mes tyre spikasin BBC dhe France 24, që citojnë kreun e shtetit shqiptar të thotë se nuk ekzistojnë rrethanat e duhura për mbajtjen e zgjedhjeve lokale më 30 qershor.

Vendimi i presidentit të Republikës Ilir Meta ka gjetur pasqyrim në disa media ndërkombëtare, të cilat më herët kanë raportuar edhe për protestat e opozitës. “Presidenti Meta ka anuluar zgjedhjet lokale pas muajsh të tërë protestash anti-qeveritare”, shkruan BBC në edicionin e saj online.

Rrjeti informativ britanik citon kreun e shtetit shqiptar që ka deklaruar se situata politike në Shqipëri nuk lejon mbajtjen e zgjedhjeve të ndershme më 30 qershor. Më pas “BBC” raporton edhe për protestat e mbajtura ditën e shtunë, duke vënë në dukje se disa manifestues hodhën shashka dhe fishekzjarrë jashtë selisë së parlamentit.

Edhe televizioni francez “France 24” ka cituar po ashtu presidentin Meta të thotë se, “rrethanat aktuale nuk ofrojnë kushtet e duhura për zgjedhje të ndershme, demokratike dhe gjithëpërfshirëse më 30 qershor”. “Edhe France 24” ka shkruar gjithashtu për protestat që mbahen prej muajsh në kryeqytetin shqiptar, me opozitën që akuzon qeverinë për lidhje me krimin. Ndërkohë, raportimi i agjencisë së lajmeve “Associated Press” ka shërbyer si pikë referimi për portale të ndryshme lajmesh në Shtetet e Bashkuara.

Portali i njohur Yahoo.com, përveç se ka cituar motivet e vendimit të kreut të shtetit, ka shtuar edhe se ai do të japë sqarime të mëtejshme ditën e hënë. Lajmi është postuar edhe nga “Boston News”, që e vë theksin tek motivi i kreut të shtetit, për të ulur tensionet politike që kanë përfshirë vendin./ABC News Albania 24/7

Dyli-Ok-933x445.jpg
Sej rie20:45 | 05/06/2019

Pas reagimit të Prokurorisë, e cila kërkon që të mos publikohen përgjimet për dosjen “339”, ka reaguar Partia Demokratike. Kjo e fundit  akuzon Kryeministrin Edi Rama se po kërcënon mediat.

“Në vend që, sot, politikanët e kapur në shitblerje votash me krimin, të ishin me pranga në duar; në vend që Kryeministri të jepte dorëheqjen dhe të vihej në dispozicion të hetimit për zbardhjen e krimeve zgjedhore; Edi Rama urdhëron shantazhimin dhe kërcënimin ndaj gazetës gjermane BILD dhe mediave shqiptare që nxorrën në dritë krimin zgjedhor. Kërcënimet e shërbëtoreve të tij provojnë se Edi Rama dhe bashkëpunëtorët e tij në krim Vangjush Dako, Astrit Avdylaj, garantet e mosndëshkimit të këtyre krimeve elektorale, Arta Marku dhe Donika Prela, janë e njëjta dorë kriminale, pjesë e të njëjtit grupi të strukturuar kriminal që vjedh votat, dhunon votuesit, manipulon hetimet dhe kërcënon mediat”.

Më anë të një deklarate për mediat, selia blu inkurajon gazetarët që të publikojnë informacione, ndërsa nga prokurorët kërkon që të mos marrin urdhra politikë.

“Partia Demokratike inkurajon gazetarët të vazhdojnë të kryejnë misionin e tyre për të informuar publikun mbi të vërtetën e tmerrshme se Shqipëria drejtohet nga krimi i organizuar. Partia Demokratike inkurajon çdo prokuror të mos i bindet urdhrave politikë të një Kryeministri të kriminalizuar apo veglave të tij në drejtimin e Prokurorisë. Vënia përpara drejtësisë e pushtetarëve që kanë bashkëpunuar në zgjedhje me krimin e organizuar, është shërbimi më i madh ndaj interesit publik”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono