Mediat

monika-kryemadhi.jpg
ger ta12:37 | 03/12/2019

Kryetarja e LSI, Monika Kryemadhi ndodhet sot në Bruksel për të zhvilluar takime me eurodeputetë nga vende të ndryshme të BE.

Kryemadhi bën me dije se në këto takime do të apelojë për ndihmë nga vendet e tyre dhe do i kërkoj të mbështesin çdo nisëm të KE apo PE për të ndihmuar Shqipërinë në këto kohë të vështira.

Po ashtu Kryemadhi shprehet se do të denoncojë me forcë, sipas saj aktet e patolerueshme diktatoriale mbi lirinë e medias.

Komenti i plotë i Monika Kryemadhit:

Shqipëria po kalon ditët e saj më të trishta, jo vetëm nga pasojat e tmerrshme të tërmetit, që shkaktoi humbje jetësh njerëzore dhe dëme të mëdha materiale, por edhe nga sulmi i paskrupullt i qeverisë ndaj medias së lirë dhe aktivistëve të shoqërisë civile.

Sot ndodhem në Bruksel për të zhvilluar një seri takimesh me eurodeputetë nga vende të ndryshme të BE. Në këto takime do të apeloj tek bashkëbiseduesit për ndihmë nga vendet e tyre dhe do i kërkoj të mbështesin çdo nisëm të KE apo PE për të ndihmuar Shqipërinë në këto kohë të vështira. Gjithashtu do denoncoj me forcë aktet e patolerueshme diktatoriale mbi lirinë e medias.

Sulmet e drejtpërdrejta apo të tërthorta ndaj mediave të pakapura, të lira dhe kurajoze, që po denoncojnë me forcën e faktit regjimin autokrat të Edi Ramës, janë kthyer në një ofensivë të vërtetë kundër demokracisë dhe lirisë së medias! Gjatë këtyre ditëve pushteti autokrat goditi mediat e pavarura si JOQ Albania, Dosja.al, faqen satirike dhe informative “Brryli Broadëay” apo arrestimin dhe tentativën për arrestim të aktivisteve të shoqërisë civile si Xhulia Aliaj dhe Adriana Kalaja tregojnë qartë, që kjo qeveri e urren lirinë!

Paketa “Antishpifje” e propozuar, nga Kryeministri, shpifësi më i madh që njeh historia politike e këtyre 30 viteve, do të jetë pjesë e denoncimit tim me përfaqësuesit e Parlamentit Evropian. Në asnjë çast nuk duhet të ndalim luftën në mbrojtjen e demokracisë, e lirisë së mediave dhe të të drejtave të njeriut.

Çdo arsye sa do madhore të duket në pamje të parë nga interpretimet malinje të pushtetit të frikësuar është shumë më e vogël se dorëzimi “vullnetar” tek pushteti autokrat i të drejtave të fituara. Njëri nga etërit themelues të shtetit dhe demokracisë amerikane, Benjamin Franklin ka thënë: Ata, që janë të gatshëm të japin lirinë e tyre, në këmbim të premtimit se do të kenë më shumë siguri, nuk meritojnë as njërën as tjetrën./abcnews.al

rama-vide.jpg
ger ta13:51 | 02/12/2019

Në një postim në Facebook, Rama ka publikuar pamjet e një pallati të dëmtuar rëndë nga tërmeti në Durrës duke theksuar se ai është banueshëm dhe nuk ka rrezik për banorët.

Sipas kreut të qeverisë,  i cili i referohet ekspertëve, pallati nuk ka asnjë asnjë rrezik shembjeje dhe mund të riparohet.

“Ja pra çfarë shkaktojnë paniku, ankthi dhe media, trinjakët e padurueshëm të kësaj situate, që marrin peng zemrat e mendjet e njerëzve të tromaksur nga goditja shkatërruese e Natyrës dhe Media”, shprehet Rama mes të tjerash.

Postimi i plotë:

Miqtë e mi!

Shikojeni një shembull tipik se si paniku, ankthi dhe shoqja e tyre, media, mund të jenë këshilltarët më të këqinj të njeriut në këtë situatë të jashtëzakonshme emocionale, kur bëhet fjalë për të vlerësuar një godinë të goditur nga tërmeti!

Ky pallat, që më tmerroi edhe mua njësoj si juve kur e pashë, u bë objekt i lloj-lloj debateve me klithma agresive në tv, me lloj-lloj postimesh kobzeza në portale, me gjithëfarë statusesh lemerisëse në fejsbuk, sot u inspektua nga ekspertët ndërkombëtarë.

Konkluzioni:

Pallati nuk ka ASNJË RREZIK SHEMBJEJE

ËSHTË PLOTËSISHT I RIPARUESHËM

PAS RIPARIMEVE BANORËT MUND TË RIKTHEHEN QETËSISHT NË SHTËPI

Ja pra çfarë shkaktojnë paniku, ankthi dhe media, trinjakët e padurueshëm të kësaj situate, që marrin peng zemrat e mendjet e njerëzve të tromaksur nga goditja shkatërruese e Natyrës dhe Media./abcnews.al

rama-mbledhje.jpg
nev ila12:49 | 02/12/2019

Kryeministri Rama, ka vazhduar edhe ditën e sotme të paralajmërojë mediat, që të filtrojnë dhe verifikojnë informacionin, ndryshe thotë kryeministri, do të bëhet si Japonia, e cila ka marrë masa ekstreme për mediat private.

Më tej, kryeministri paralajmëron se, do të ndërmarrë masa ekstreme, deri atje ku “s’ua rrok imagjinata”, shkruan ai.

“Gjatë periudhës së gjendjes së jashtzakonshme të fatkeqësisë natyrore, Japonia ka masa ekstreme për mediat private, që mesa duket edhe në Japoninë e urtësisë së vjetër, paskan qenë taksirat mbi taksiratin e madh të tërmetit! Mos na detyroni të bëjmë atë që s’ua rrok imagjinata!

Filtroni informacionet dhe verifikoni ato që thoni! Menaxhoni debatet dhe ndaloni klithmat nëpër studiot tv dhe përfshihuni në qetësimin e shpirtrave të goditur më keq se banesat! Kontribuoni për të kanalizuar energjinë e jashtëzakonshme të solidaritetit mbarëshqiptar!”, shkruan Kryeministri./abcnews.al

vucic1.jpg
ent ela10:38 | 16/11/2019

Shtrohet në spital presidenti i Serbisë Aleksandër Vuçiç. Ai është shtruar mbrëmjen e së premtes, në spitalin e Akademisë Ushtarake të Beogradit për shkak të problemeve kardio vaskulare. Lajmi është konfirmuar mëngjesin e sotëm nga presidenca serbe me një deklaratë të shkurtër për mediat, pa shtuar detajet të tjera.

Presidenti i Serbisë, Alleksandar Vuçiç, është shtrirë në spitalin ushtarak të Serbisë për shkak të problemeve me zemër. Vuçiç është pranuar në këtë qendër spitalore të premtën dhe siç kanë bërë të ditura burime në presidencë, Vuçiç është jashtë rrezikut për jetën, por është mbajtur për trajtim.

Lajmin e ka konfirmuar këshilltarja e presidentit Vuçiç, Suzana Vasiljevic, e cila ka saktësuar se Vuçiç është mbajtur për shkak të kujdesit parandalues. Kjo ka alarmuar shtypin serb dhe ka nxitur informacione të ndryshme rreth gjendjes së tij.

Vuçiç, siç dihet, ka qenë sëmurë edhe më parë në disa raste dhe ka udhëtuar vite më parë drejt Moskës për disa kontrolle shëndetësore, por nuk ishte saktësuar se për çfarë bëhet fjalë. Gjendja e tij shëndetësore ishte mbajtur sekret. Vuçiç ka arritur në orët e mbrëmjes në spital dhe bëhet fjalë për probleme kardio-vaskulare për të cilat është duke u trajtuar, por bashkëpunëtorët e tij thonë se mëngjesin e të shtunës është ndjerë më mire dhe se për shëndetin e tij janë duke u kujdesur mjekët më të mirë në vend. /abcnews.al

lippi.jpg
Vladimir Prenga16:58 | 01/11/2019

Marcello Lippi, ish-trajneri i kombëtares italiane të futbollit dhe aktualisht në drejtim të Kinçs, është akuzuar nga mediat se nuk po bën aspak punën e tij edhe pse paguhet 23 milionë euro në vit.

Kohë të vështira në Kinë për Fabio Kannavaro dhe Marcello Lippi. Guangzhou Evergrande ka dërguar të parin në një kurs të detyruar kulture, duke ia besuar ekipin kapitenit të skuadrës dhe duke hapur dyert e një përjashtimi të pritshëm.

Ndërsa ish-trajneri i kombëtares italiane akuzohet nga mediat kineze se nuk po bën punën e tij dhe se qëndron pjesën më të madhe të kohës në Itali, pavarësisht se paguhet 23 milionë euro në vit. Në qendër të akuzave është vendimi i Lippit, trajner i kombëtares, që të mos drejtojë ekipin në kampionatet në Azinë Lindore që do të luhen muajin e ardhshëm në Korenë e Jugut.

Federata Kineze e Futbollit deklaroi se në vendin e tij në stol do të jetë ish-mesfushori i Everton, Li Tie, ndërsa trajneri 71-vjeçar do të jetë në Itali. Reagimi i mediave kineze ka qenë shumë i ashpër, sidomos  Oriental Sports Daily, që shkruan se Lipi po lë pas dore detyrimet e tij, në momentin që detyra e tij është trajnimi i kombëtares së futbollit.

Media kineze e akuzon se nuk ka aspak interes për zhvillimin afatgjatë të futbollit kinez. Lipi do të kthehet në Itali për Krishtlindje pas ndeshjes me Sirinë në mes të muajit nëntor: “një pushim – shkruan Tencent Sports – që mund të zgjasë katër muaj”. /ABC NEWS ALBANIA 24/7

gomonja-e-droges-greqi.jpg
nev ila19:49 | 30/09/2019

Media greke “Protothema”, ka zbuluar foton dhe skenarin se si u kap gomonia e dytë, e cila ishte nisur nga Shqipëria për në Turqi.

Të dielën peshkatarët e zonës kanë parë një gomone me dy motor 350 kuaj fuqi secili dhe pranë tij një person që notonte në tentativë për të dalë në breg. Menjëherë peshkatarët kanë njoftuar policinë e cila mbërriti në vendngjarje dhe shoqëroi personin, që rezultoi shtetas shqiptar”, shkruajnë mediat greke.

Gjatë marrjes në pyetje shqiptari nuk ka pranuar të flasë, por hetuesit kanë kuptuar se bëhej fjalë për gomonen e dytë që i iku ndjekjes policore katër ditë më parë.

Nga hetimi arritën në përfundimin se droga mund të ishte fshehur diku në afërsi të Sporadhes.

Policia bregdetare greke ka sekuestruar më shumë se një ton drogë, në afërsi të ishullit Alonisos, në detin Egje.

Droga, e paketuar në 103 kuti të mëdha, ishte fshehur në një shpellë, në një ujdhesë shkëmbore dhe për gjetjen e saj u përdorën qentë e zbulimit si dhe polumbarë.

Ajo që po hetohet ende, është fakti nëse kjo sasi është sasia e plotë që do të shkëmbehej me heroinë në Turqi apo vetëm një pjesë e sasisë./abcnews.al

MEDIAT-DIALOGU-ABCM3T1.mpg_snapshot_00.35-1280x720.jpg
ent ela11:20 | 18/09/2019

Në pritje të rifillimit të dialogut mes Prishtinës dhe Beogradit, mediat në Kosovë parashikojnë skenarët e mundshëm dhe përfshirjen e vendeve si Gjermania, Franca, ShBA apo Rusia në këtë dialog.

Përfshirja e drejtpërdrejtë e Gjermanisë, e Francës dhe e Shteteve të Bashkuara të Amerikës në procesin e dialogut mund të fusë a sjellë edhe Rusinë në lojë. Kështu pohojnë njohës të rrethanave politike në Kosovë, të cilët kanë përmendur disa skenarë të rrezikshëm për Kosovën, që mund të sjellë përfshirja e Rusisë në negociata, ndër ta privilegjimi i serbëve, zbehja e interesave të Kosovës, që do të dalin prej marrëveshjes përfundimtare dhe destabilizimi i Ballkanit nga ndikimi rus

Përfundimi i dialogut mes Kosovës dhe Serbisë mund të mos përmbyllet në formatin se nisi 8 vjet më parë. Përveç Brukselit zyrtar, së fundmi përfshirje në procesin e dialogut po kërkojnë edhe disa shtete tjera të Bashkimit Evropian, si Gjermania dhe Franca.

Emërimi i Metju Palmer si përfaqësues i posaçëm për Ballkanin Perëndimor nga Shtetet e Bashkuara të Amerikës po shihet si përpjekje tjetër për përfshirje gati direkte të Amerikës në procesin e dialogut, gjë e cila do të nxiste një tjetër lëvizje jo fort pozitive për Kosovën, shkruan më tej e përditshmja “Zëri”.

Me përfshirjen e këtyre shteteve në procesin e dialogut nuk përjashtohen ambiciet e Rusisë për pjesëmarrje në dialog. Madje në Serbi një gjë e tillë po konsiderohet punë e kryer. /ABC News Albania 24/7

PELOSI-INTERVISTA-ABC-M5-T1.mpg_snapshot_00.22-1280x720.jpg
ent ela15:15 | 24/08/2019

Në një intervistë për mediat italiane kryetarja e kongresit amerikan Nensi Pelozi u shpreh se shtetet e bashkuara të amerikës do të mbështesin gjithmonë një Bashkim europian të fortë, të integruar dhe demokratik.

Roli I Italisë dhe besimi në presidentin e republikës Matarela në këtë krizë qeverie, ndërhyrjet e Rusisë në zgjedhjet amerikane, Shtetet e Bashkuara të Amerikës që vazhdojnë të mbrojnë NATO-n dhe unitetin e BE-së, janë disa nga pikat e intervistës së Nensi Pelosi me italianen “La Stampa”. Kryetarja e kongresit amerikan u shpreh se ndihej krenare për rrënjët e saj italo-amerikane dhe që ishte e para që mbulonte atë post. Sipas saj Italia do të vazhdojë të luajë një rol shumë  të rëndësishëm në komunitetin global, si forcë për rinovimin dhe rritjen e teknologjisë, si dhe paqen. Ajo uroi presidentin Matarela për sa i përket gjendjes aktuale duke u shprehur e bindur se kreu i shtetit Italian do të marrë vendimet e duhura në të mirë të vendit.

Pelosi u shpreh se shërbimet amerikane të inteligjencës janë por dhe drejtësia amerikane konfirmuan pa asnjë dyshim ndërhyrjet ruse në zgjedhjet amerikane. Ndërsa për rreziqet që lidhen me Brexit ajo shpjegoi se nuk mund të lejohet rrezikimi i marrëveshjes së të premtes së shenjtë përfshirë dhe hapjen e kufijve mes Republikës Irlandeze dhe Irlandës së Veriut. /ABC News Albania 24/7

masakra-ne-el-paso-1280x951.jpg
nev ila18:25 | 10/08/2019

Në dëshminë e dhënë përpara policisë, një pjesë e të cilës është siguruar nga mediat amerikane, autori i sulmit të armatosur në El Paso ka konfirmuar se qëllimi i veprimit të tij ishte vrasja e sa më shumë meksikanëve.

I dyshuari për vrasjen e 22 personave në një qendër tregtare në El Paso të Teksasit ka pranuar se kishte vënë në shënjestër meksikanët. Kështu shkruajnë mediat amerikane, të cilat i referohen një dëshmie të marrë nga policia.

Patrik Krusius thuhet se ndaloi automjetin e tij në një kryqëzim në afërsi të qendrës tregtare, doli prej andej me duart lart dhe tha para policisë:

“Unë jam autori”.

Dëshmia, një kopje e së cilës është siguruar nga “Washington Post” tregon se 21-vjeçari e pranoi menjëherë se kishte hapur zjarr ndaj klientëve dhe stafit të supermarketit.

Qendra tregtare në fjalë është e njohur për frekuentimin nga klientë meksikanë që kalojnë kufirin nga qyteti i afërt i Huarezit. Nga personat që humbën jetën, 13 ishin amerikanë, 8 meksikanë dhe 1 gjerman.

Autoritetet besojnë se fare pak momente përpara sulmit, Krusius postoi një manifest racist online që fliste kundër “pushtimit hispanik të Teksasit”.

Gjuha e përdorur prej tij ngjasonte shumë me disa fraza të përdorura nga presidenti Donald Trump për emigrantët. Për këtë arsye, shumë banorë të El Pasos e kanë akuzuar kreun e shtetit për retorikën e tij, e cila sipas tyre ka nxitur ngjarje të tilla.

Në reagimin e tij të fundit lidhur me episodin në El Paso, por edhe atë në Dejton, ku humbën jetën 9 persona, Trump tha se po punon me klasën politike në Kongres për të forcuar kontrollin e armëve./ABC News Albania 24/7

zhvatja-1280x695.jpg
ad min19:00 | 08/08/2019

Çështja e njohur me emrin “Zhvatja” në Maqedoninë e Veriut ka përfunduar në mediat italiane. Gazeta “La Verita” ka publikuar në edicionin e saj online videon e një ryshfeti prej 1.5 milion euro që një biznesmen paguan për të fituar lirinë.

Laris Gaiser, nëpërmjet gazetës italiane “La Verita” publikoi një video, ku shihet se si Bojan Jovanovski, nga shtëpia e biznesmenit Orce Kamçev largohet me siç thuhet, 1.5 milion euro në kesh. Këto para, pretendohet se ia siguruan lirinë më vonë, Kamçevit, i cili është viktima kryesore në rastin “Zhvatja”. Siç shihet në video, më 20 shkurt, Bojan Jovanovski dhe Zoran Mileski i kanë marrë paratë nga familja Kamçev. E më pas, video e publikuar përmban edhe audio xhirim, ku Bojan Jovanovski i thotë njërit prej familjes Kamçev se të hënën do të jenë të lirë.

– Të hënë do të jeni të lirë! Më së voni deri të martën.

– Por nuk mund të vijë lënda deri të hënë në Gjykatë Supreme!?

– Po do të arrijë. Prokuroria Speciale nuk do të përdor masa të jashtëzakonshme juridike, nuk do të ndërmarrin asgjë.

– E apeli?

– Apeli do t’ju refuzojë, pasi të ankoheni. Ju duhet të jeni të përgatitur. Pastaj ankoheni në shkallën e dytë në Supreme. Këshilli do të përgjigjet automatikisht. Katica nuk do të përdor asnjë masë juridike që ta zvarritë momentin. Të hënën ose të martën ti je i lirë.

Edhe ashtu ndodhi! Më katër mars të këtij viti, të hënën, Kamçev iu anulua edhe burgi shtëpiak dhe ishte i lirë. Pasi u hap rasti, nga Prokuroria Speciale dolën me pres konferencë, e prokurorja e rastit, Lile Stefanovska, tha që çdo vendim e ka nënshkruar Katica Janeva, sepse ligji për Prokurorinë Speciale ashtu thotë. Ajo shtoi se nuk ka qenë në dijeni për këtë që ka ndodhur me Kamçevin në rastin “Perandoria”.

Tentuam të kontaktojmë edhe me gazetarin që e ka publikuar videon, por ai nuk deshi të prononcohet. Paralajmëroi se do të ketë edhe video tjera, kurse tha që këtë po e bën për hir të së vërtetës. E nëse e hap faqen e “Facebook” të gazetës “La Verita”, çdo i dyti publikim ka të bëjë me Matteo Salvinin dhe Boris Johnsonin. Në ditët e fundit, gazeta ka shkruar edhe për besimin e dobët të Italianëve në Bashkimin Evropian, kurse temë që fiton shumë vëmendje nga kjo gazetë është edhe Brexiti./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono