mediat gjermane

eu.png
ent ela18:24 | 02/10/2018

Në një analizë të gjatë, gjermania “Frankfurter Algemain Caitung”, thekson se Bashkimi Euroopian është kundër idesë së presidentit të Kosovës Thaçi për korrigjim kufijsh me Serbinë. Sipas shkrimit Thaçi ka humbur përkrahjen e të huajve në rajon.

Gjermania “Frankfurter Algemain Caitung”, në një analizë të gjatë thekson se shumica e vendeve të Bashkimit europian janë kundër korrigjimit të kufijve mes Kosovës dhe Serbisë.

Në numrin e së martës të gazetës konservatore gjermane thuhet se shefja e diplomacisë së BE-së, Federica Mogherini, ka thyer një tabu të politikës së BE-së ndaj Ballkanit. Që nga konfliktet e përgjakshme të viteve ’90 në Ballkan për politikanët e BE-së vlente parimi se shkëmbimi i territoreve në bazë të përkatësisë etnike nuk është zgjidhje dhe do të ashpërsonte tensionet në rajon. Mogherini, shkruan gazeta gjermane, është deklaruar në përkrahje të planeve të presidentëve të Serbisë dhe Kosovës, Aleksandar Vuçiç dhe Hashim Thaçi për korrigjim kufijsh mes vendeve të tyre.

Franca është treguar e hapur ndaj shkëmbimit të territoreve, por Gjermania dhe një shumicë e qartë e shteteve të BE-së e hedhin poshtë këtë. Kjo u bë e qartë në fund të gushtit në një takim joformal të ministrave të jashtëm të BE-së në Vjenë. Ministri i jashtëm i Gjermanisë Heiko Maas përmendi rrezikun e hapjes së plagëve të reja në rajon dhe rritjen e kërkesave për korrigjim të kufijve në tërë rajonin. Kolegu i tij nga Luksemburgu Jean Asselborn shtoi se kjo mund të ndikojë shumë negativisht në vende të tjera të rajonit. Kjo vlen në radhë të parë për Bosnjë-Hercegovinën, ku marrëdhëniet mes grupeve etnike boshnjake, serbe dhe kroate janë pandryshueshëm tepër të tensionuara. BE po ashtu frikësohet se shkëmbimi i propozuar i territoreve mund të zgjojë ide të tilla edhe në Maqedoni, Mal të Zi dhe në disa pjesë të Serbisë të banuara nga pakicat, shkruan «Frankfurter Allgemeine Zeitung».

Gazeta shkruan se pavarësisht kundërshtimit gjerman, si dhe dështimit të takimit mes Thaçit dhe Vuçiç në Bruksel në fillim të shtatorit; por dhe refuzimit të shumicës së vendeve anëtare të BE-së të korrigjimit të kufijve në Ballkan, Mogherini nuk ka ndërmend të heqë dorë. /abcnews.al

media.media_.b1d049e0-75d6-46ba-9638-a881eeb13804.original1024-933x445.jpg
ent ela23:57 | 16/05/2018

Pas tonelatave me kokainë në Gjermani, qëndron mafia shqiptare. Kështu shkruajnë mediat gjermane, të cilat i referohen burimeve të tyre nga autoritetet në Mynih. Sasia prej 950 kg kokainë e kapur tre ditë më parë në Gjermani, u trafikua nga Ekuadori.

Sasia e saj kap vlerën e rreth 200 milionë Euro, e cila ishte fshehur në një dërgesë me banane. Hetuesit thonë se 1 kg kokainë në Ekuador kushton 1365 Euro, kurse në tregun e zi në Gjermani kushton 75.800 Euro. Sipas autoriteteve gjermane, kontrabandistët e refugjatëve i janë rikthyer trafikut të drogës për shkak të mbylljes së rrugëve të emigrantëve në Ballkan.

Kështu u shpreh ministri i Brendshëm i landit të Bavarisë në Gjermani, Joachim Herrmann. Dymbëdhjetë persona u arrestuan në total gjatë operacionit anti-drogë të policisë, shumica prej të cilëve janë shqiptarë. Një pjesë e tyre, janë me banim në Gjermani. Policia gjermane e konsideroi sukses këtë aksion, duke sqaruar se goditën një rrjet të madh të trafikut ndërkombëtar të drogës që drejtohej nga shqiptarët.

Kjo organizatë, sipas autoriteteve gjermane, ka trafiluar në total 1.8 ton kokainë me vlerë mbi 400 milionë Euro. Kokaina e fshehur mes bananeve ishte trafikuar nga Ekuadori në Hamburg. Të arrestuarit e kësaj organizate rrezikojnë dënimin deri në 15 vite burg. /tvklan.al

 

vlcsnap-error291-1280x720.jpg
ent ela15:03 | 17/01/2018

Mediat gjermane raportuan gjerësisht për vrasjen e liderit serb në verë të Mitrovicës Oliver Ivanoviç. Pikërisht kjo pjesë e vendit përshkruhet si një vend ku lulëzojnë strukturat mafioze.

“Vdekja në bastionin e mafies ballkanike,” është titulli i një artikulli në prestigjiozen “Frankfurter Allgemeine Zeitung”. Gazeta shkruan se Ivanovic ishte një “pragmatist, i moderuar, kur të tjerët luanin me zjarr, mite dhe histeri kombëtare “. “Është e sigurt se Ivanovic me qasjen e tij jo-kozmetike ndaj realitetit të Kosovës, krijoi shumë armiq”, shkruan gazetari Michael Martens: “… Nacionalistëve serbë gjithashtu nuk iu shkonte për shtat sepse që në fillim u shpreh për të njohur realitetin e pavarësisë së Kosovës… Sloganet e rreme rreth Kosovës si tokë përgjithmonë serbe dhe tokën e shenjtë të Fushë Kosovës, të cilat i përhapën të vetëshpallurit heronj të Kosovës nga Beogradi, për Ivanovic ishin të papranueshme.

Më tej thuhet se Prishtina, Beogradi, misionet ndërkombëtare dhe krimi marrin pjesë në sundimin hibrid të veriut të Kosovës.

Gazeta e Frankfurtit më tej shton se Ivanovic personalisht në intervistat në muajt e fundit ka bërë të qartë se serbët në veri të Kosovës nuk trembën nga shqiptarët por nga serbët e tjerë, nga kriminelët vendorë dhe xhipat pa targa. Kërcënimet, shton artikulli, u bënë më intensive, pasi ai vendosi të hyjë në garën politike për kryetar komune të qytetit kundër kandidatëve të mbështetur nga Presidenti i Serbisë, Aleksandar Vuçic. ”

Për Kosovën, Serbinë dhe Serbët në Mitrovicë, do të ishte e rëndësishme që të qartësohet vrasja. Por shanset nuk janë të mira. Nga aspekti i sundimit të ligjit, Mitrovica është një vrimë e zezë që tani ka gëlltitur një viktimë të re” përfundon shkrimi.

Ndërsa korrespondenti në Beograd për “Neue Zürcher Zeitung”, Andreas Ernst  shkruan se veriu i Kosovës është ende tokë e askujt që tronditet nga dhuna. Ivanovic përshkruhej si “një serb i njohur i serbëve të Kosovës, i cili ishte duke u përpjekur për të mbajtur një politikë pjesërisht të pavarur nga Beogradi… “.

“Vrasjet mafioze i përkasin jetës së përditshme të vendeve të Ballkanit, si në Beograd, Prishtinë dhe Tiranë, si dhe në Sofje dhe Shkup. Por kjo vrasje ka të ngjarë të jetë e motivuar politikisht”, shkruan “Spiegel” në versionin elektronik, transmeton DË në gjuhen serbe. “Vrasja e Ivanoviqit vjen në një situate shumë kritike politike. Marrëdhëniet serbo-kosovare janë në pikën më të ulët në vitet e fundit.  Dhe pikërisht Kosova në aspektin politik, ekonomik dhe social – disa javë para dhjetë vjetorit të shpalljes së pavarësisë – gjendet në fund (të pusit)./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono