mbreteri e bashkuar

shqiptarett.jpg
G. P.11:54 | 23/09/2018

Mafia shqiptare ka marrë nën kontroll tregun e kokainës në Mbretërinë e Bashkuar duke përdorur “modelin Amazon”, sipas ekspertëve kriminalistikë atje. Ata marrin përfitimet maksimale duke ofruar produkte me cilësi të lartë në çmimin më të ulët të mundshëm.

Sipas ish-drejtuesit më të lartë kundër narkotikëve në Agjencinë Kombëtare të Krimeve (NCA), Tony Saggers, suksesi i mafiave nga Ballkani vjen pasi kanë ulur çmimin e kokainës me një të tretën në pesë vjet.

Në një konferencë, ai tha se shqiptarët kanë zhdukur rivalët për një arsye shumë të thjeshtë: Ata kanë krijuar marrëdhënie direkte në Amerikën Latine, rajoni ku prodhohet më së shumti kokaina në botë.

Një kilogram kokainë atje mund të blihet me 2.800 paund dhe pasi përzihet me substanca të tjera shitet në Britani për 60.000 paund.

“Shqiptarët kontrollojnë kokainën nga Amerika Latine deri në tregun tonë në Britani”, thotë Saggers.

Ish-drejtuesi i lartë në NCA shpjegoi në britaniken “The Sunday Times” se si shqiptarët shkuan në Britani dhe tashmë po dominojnë botën e nëndheshme.

“Kriza në Kosovë gjeneroi shumë lëvizje. Shumë kriminelë shqiptarë përfituan nga kjo dhe pretenduan se ishin kosovarë e lëvizën në Europë. Ata u vendosën, shpesh me identitete të ndryshme dhe me status qëndrimi. Të gjithë këtë e bënë për përfitim kriminal. Ata e panë mundësinë”, shprehet Saggers.

Sipas tij, ardhja nga një sistem komunist i përgatiti shqiptarët për një botë të egër. Në atë periudhë, thotë ai për britaniken, të kontrabandoje ishte një pjesë e rëndësishme e kulturës, çka i ka bërë trafikanë shumë të mirë.

“Ata kanë plan-aftagjatë për të arritur drejt suksesit. Janë pasuruar dalëngadalë. Tani dominojnë çmimet e tregjeve të drogës duke i shitur në çmimet më të ulëta. Nuk ndikojnë në pastërtinë e drogës dhe kanë vendosur baza në Europë. Të gjithë këtë e kanë bërë ngadalë, në mënyrë efiçente dhe të qëndrueshme”, tregon ai.

Çelësi i suksesit tek shqiptarët sipas Saggers është aftësia e tyre për të bërë ujdi personalisht me njerëz në Amerikën Latine. Ai thotë se çmimi i drogës rritet gradualisht që nga marrja në xhunglat kolumbiane, pastaj në portet e Amerikës Jugore, përmes oqeanti Atlantik, për në portet europiane të Antwerp dhe Rotterdam. Nga aty zbret dhe dërgohet për shitje në rrugët e Mbretërisë së Bashkuar.

Harta që tregon çmimin se si merret droga nga Amerika e Jugut e më pas vlera që merr në rrugën drejt Mbretërisë së Bashkuar

“Çdo fazë ka risk. Sa më shumë njerëz të jenë të përfshirë, aq më shumë rritet mundësia që njerëzit në zinxhirin e furnizimit të ekspozohen. Çmimi varet nga vendi që e ble drogën dhe nga pozicioni yt në zinxhirin furnizues. Trafikantët e sukseshëm janë ata që shkojnë drejt në Amerikën Latine dhe kontrollojnë të gjithë aktivitetin në Mbretërinë e Bashkuar”,tha Saggers.

Në përfundim Sagger tha për “The Sunday Times” se shqiptarët janë aq të sukesshëm saqë sistematikisht e kanë ulur çmimin nga 45 mijë paund në 30 mijë paund brenda këtyre 5 viteve të fundit.

Sipas studimeve, vitin e kaluar, britanikët kanë konsumuar 30 tonë drogë, më shumë se çdo vend tjetër europian./abcnews.al

theresa-may-dithering-pmqs.jpg
G. P.14:45 | 12/07/2018

Nuk do të lejohet më që europianët të shkojnë të kërkojnë punë në Mbretërinë e Bashkuar. Deklaratën e ka bërë vetë kryeministrja britanike May me anë të një postimi në profiling e saj në Facebook.

Nuk do u lejohet më personave që vijnë nga Europa që të kërkojnë punë në Mbretërinë e Bashkuar. Është ky postimi më i fundit i kryeministres britanike, Theresa May në faqen e saj të Facebook.

Më tej, ajo shton se do të mirëpriten të gjithë profesionistët e kualifikuar që ndihmojnë zhvillimin e ekonomisë britanike, si doktorë e infermierë, inxhinierë dhe sipërmarrës, por për herë të parë prej dekadash tashmë do të ketë një kontroll të plotë të kufijve britanikë.

Më tej, kryeminsitrja May shton se plani i qeverisë britanike për Brexit, i përpunuar javën e kaluar nënkupton fundin e lëvizjes së lirë, firmosje e marrëveshjeve tregtare britanike, dhe nxjerrja jashtë e Mbretërisë së Bashkuar nga juridiksioni i gjykatës europiane.

Mej thekson dhe njëherë së Brexit do të realizohet i plotë dhe se nuk ka ndryshuar asgjë nga qëndrimi i saj i të mërkurës në Bruksel./abcnews.al

Sir-Alex-Ferguson.jpg
ent ela11:46 | 08/05/2018

Aleks Ferguson është rizgjuar duke dalë nga koma dhe ka dhënë shenja përmirësimi. Pas operacionit për një hemoragji cerebrale, ish-trajneri i Mançester Junajtid, sot 76-vjeçari ka biseduar me familjarët dhe miqtë e tij. Kjo është raportuar nga mediat britanike. Ndëkrohë, mjekët shprehen shumë optimistë lidhur me periudhën pas operacionit dhe për shërimin e plotë të Ferguson. Megjithatë, për këtë do të duhet shumë kohë pasi ndërhyrja nuk ishte e lehtë. /abcnews.al

femija.jpg
G. P.18:03 | 27/04/2018

Louis Arthur Charles, është emri i fëmijës së tretë të Dukës dhe Dukeshës së Kembrixh. Foshnja, 3.8 kilogramë, lindi të hënën në krahun privat të spitalit “St Mary” në Londër. Me anë të një mesazhi në Twitter, pallati mbretëror i Anglisë njoftoi se fëmija i Kate Middleton dhe princit William do të njihet si Lartësia e tij, Princi Louis i Krembrixh. Ai është i pesti në radhë për të trashëguar fronin që aktualisht mbahet nga Mbretëresha Elizabet e Dytë. Gjithashtu Louis është emri i mesëm i Princit William. Louis erdhi në jetë pas princit George dhe princeshës Charlotte./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono