mbremje abc

clirim-gjata-mirela-abc-1280x608.jpg
nev ila22:07 | 31/10/2019

Çlirim Gjata, Sekretari Juridik i Partisë Demokratike, ishte i ftuar sot në Mbrëmje ABC me gazetaren Mirela Milori. Gjata foli për krizën politike dhe strategjinë që do të ndjekë opozita më tej, deri në arritjen e një zgjidhjeje të situatës. Gjata tha se gjithë veprimet e opozitës, që nga djegia e mandateve, bëri që Bundestagu të sillte 9 kushtet, dhe se opozita po përgatit variantin e saj të reformës në drejtësi. Gjithashtu Gjata tha se opozita nuk ka ndërmend të ulet, dhe të zgjidhë diçka me Edi Ramën, dhe se do të kërkohet deri në fund, qeveri tranzitore për zgjidhjen e krizës politike në Shqipëri.

“Opozita ka strategjinë e saj, platforma e gjithçka. Po të shihni djegia e mandateve dhe protestat e opozitës, ndezën flakë opinionin ndërkombëtar, dhe bëri atë që, Bundestagu të sjellë 9 kushtet, të cilat janë të barabarta me 10 protestat e opozitës. Ajo e Bundestagut është protestë permanente, e cila thotë: plotësoji ato kushte o Edi Rama ose pi detin. Si do ti plotësojë ato kushte? A ka protestë më të madhe se 9 kushtet e Bundestagut? Prandaj duhet shkuar në zgjedhje të parakohshme. Nuk ka rëndësi se kur mbahen ato zgjedhje, kjo do shihet hap pas hapi. Tashmë Edi Rama është me shpatulla pas murit. E vetmja gjë që po bën qeveria është propaganda. Ne kemi kërkuar dhe do të vazhdojmë të kërkojmë qeveri tranzitore. Me Edi Ramën nuk zgjidhet asgjë. Atë që thotë Rama për opozitën parlamentare, a e di si më duken këta të opozitës parlamentare? Si emigrantët e shkretë që martohen për letra. Mbaron martesa bëjnë një divorc dhe kaq, janë pa taban, ata nuk kanë parti. Ne po kërkojmë që të plotësohen kushtet e Bundestagut, po bëjmë variantin tonë të reformës zgjedhore sepse Bundestagu nuk e pranon reformën zgjedhore pa pjesëmarrjen e opozitës reale”, tha Gjata./abcnews.al

clirim-gjata-mirela-1280x610.jpg
nev ila21:29 | 31/10/2019

Çlirim Gjata, Sekretari Juridik i Partisë Demokratike, ishte i ftuar sot në Mbrëmje ABC me gazetaren Mirela Milori. Gjata foli për krizën politike dhe stretegjinë që do të ndjekë opozita më tej deri në arritjen e një zgjidhjeje. I pyetur nga gazetarja Mirela Milori se, a po bën parlamenti rolin e drejtësië, Gjata tha se aktualisht parlamenti është duke i lejuar vetes të bëj çdo ligj, pasi nuk ka kush ta kontrollojë, kjo si pasojë e mosfunksionim të Gjykatës së Lartë dhe asaj Kushtetuese.

“Parimisht, parlamenti bën ligje dhe pastaj është gjykata ajo që bën kontrollin. Çështja nuk është te bërja e ligjeve nga ana e parlamentit, këtu problemi është që nuk ka kontroll. Duke mos pasur kontroll, duke mos pasur gjykatë kushtetuese e të lartë, duke patur një trupë gjyqësore të shpartalluar edhe psikologjikisht, e cila ka rënë në batakun “o do iki nga vettingu, ose do i shërbej qeverisë”, kështu që është larg të qënit si organ drejtësie, si gjykatë. Me një prokurori totalisht të kapur nga ana e kryeministrit, duke filluar nga prokurorja e përgjithshme, me ndikimin e tij edhe në organet e reja të drejtësisë, kulmi ishte kur kryeministri me zëvendës ministrin sulmuan prokurorë e gjykatës se arrestuan një nënpunës dhe KLGJ nuk u ndje e nuk bëri asnjë deklaratë. Pra parlamenti bën ligje dhe i zbatojnë dhe i kontrollojnë gjykatat, e larta dhe ajo kushtetuesja që tani nuk ekzistojnë. Atëherë tani parlamenti i lejon vetes të bëj çfarë ligji të dojë dhe e ka tejkaluar funksionin e vet kushtetues, pra nuk ekziston më ndarje pushtetesh, vetëm 1 pushtet, që është parlamenti i cili sundon mbi të gjithë”, tha Gjata.

Më tej Gjata tha se PD ka informacion se ditën e nesërme do të shohë procedurën se si ka hetuar prokuroria rastin e Agim kajmakut dhe kjo sipas Gjatës është një shkelje e rëndë e ligjit. Gjata theksoi se KQZ nuk mund të bëj hetimin dhe nuk mund të kontrollojë prokurorinë.

Kemi informacion se KQZ do të shohë ditën e nesërme se si ka hetuar prokuroria. Dua të them se kjo është një shkelje e madhe ligjore. Pushtetet janë të ndara, prokuroria bën hetimet, vetëm gjykata e kontrollon hetimin e prokurorisë. KQZ nuk mund të bëj hetimin e hetimit, nuk mund të kontrollojë prokurorinë, thjesht heq mandatin. Ç’punë ka KQZ të komentojë ishte a s’ishte vepër penale ajo që bëri Kajmaku? E dyta, ligji për dekriminalizimin e ka të shprehur qartë, që duhet të deklarosh çdo gjë, je i detyruar ti shkruash. Fakti që nuk i ka shkruar në formular, të çon në ndjekje penale deri në 4 vjet burg, dhe këtë KQZ e di mirë”, deklaroi Gjata./abcnews.al

agim-nesho-mirela-1280x612.jpg
nev ila20:38 | 31/10/2019

Diplomati Agim Nesho ka qenë i ftuar ditën e sotme në mbrëmje ABC me gazetaren Mirela Milori. Nesho foli për refuzimin e BE dhe propozimin e Rusisë gjithashtu dhe për mesazhet e përcjella nga Ambasadorja e dominuar amerikane për Shqipërinë Yuri Kim.

Sipas Neshos, Rusia nuk e mbështet dot Ballkanin nga ana ekonomike në krahasim me Europën e cila është një nga fuqitë botërore për sa i përket ekonomisë.

“Së pari, Rusia kërkon që pas lindjes së mesme në Ballkan të krijojë pozicionin e një fuqie botërore prandaj loja e saj është e rëndësishme, së dyti janë interesat e saj për arkitekturën evropiane, një kundërpeshë ndaj NATO-s për hyrjen e saj në zonat e ish-Bashkimit Sovjetik për ti treguar se edhe ne jemi fuqi botërore. Mendoj se ishte lëvizja e vendeve ballkanike, dmth lëvizja e Vuçiç, pasi krijoi të ashtuquajturin “schengenin ballkanik” pasi tha se ne nuk jemi të varur. Ishte një deklaratë kundërvënie e gjithë këshillit të bashkimit evropian, kjo tregon që ai vazhdon të luajë politikën e tij tradicionale dhe lëvizja ishte e parashikuar prandaj pritej edhe një deklaratë ruse për këtë qëllim“, tha Nesho.

Në lidhje me mesazhet që përcolli ambasadorja e dominuar amerikane për Shqipërinë Yuri Kim, Nesho tha se ajo ishte e qartë në 3 objektivat e saj në atë se cfraë duhet të bënte dhe se është në karakterin e çdo ambasadori nëse do i realizojë ato ose jo.

“Ajo ishte e qartë në 3 objektivat e saj. A do ti realizojë apo jo? Unë mendoj se varet së pari, nga karakteri i ambasadorit, e dyta nga interesi që ka vendi për Shqipërinë. Gjithsesi do të jenë të tjerët që do të flasin, se sa vetë ambasadori. Në përgjithësi ambasadorja reflektoi atë vizion që ka departamenti i shtetit se çfarë duhet bërë në Shqipëri. Ambasadori e ka të përcaktuar dhe të limituar në marrëdhënien mes dy vendeve por ne e kemi lejuar sidomos shtetet e bashkuara që të diskutojnë edhe më shumë duke i futur edhe në marrëdhëniet politike”, tha diplomati Agim Nesho./abcnews.al

mirela-paskali-1280x676.jpg
nev ila21:17 | 29/10/2019

I ftuar në Mbrëmje Abc me gazetaren Mirela Milori ka qenë kryetari i PSD, historiani dhe ish-Ministri i Jashtëm Paskal Milo. Në bisedën e zhvilluar në studio me gazetaren Mirela Milori, Milo tha se Yuri Kim, e nominuara për ambasadore në Shqipëri, do të ishte një ambasadorë e vazhdimësisë dhe se nuk kishte elemente të reja në deklaratat e saj ditën e sotme përpara komisionit për politikën e jashtme në senatin amerikan. Milo gjithashtu foli edhe për mos hapjen e negociatave të Shqipërisë me BE, ku sipas tij përgjegjësia bie edhe mbi qeverinë shqiptare pasi nuk arriti të menaxhojë si duhet procesin e reformave.

Pjesë nga biseda në studio:

Mirela Milori: Duket se Yuri Kim e njihte mirë situatën në Shqipëri pasi theksoi se do të inkurajojë Shqipërinë në zbatimin e reformave, si e shihni kandidaturën e saj?

Paskal Milo: Nuk është se pashë elemente të reja në ato që tha. Gjithsesi aty u tha se ajo do të punojë që në Shqipëri të arrijë në 2 % shuma e shpenzimeve ushtarake të Shqipërisë ashtu sikurse foli edhe për investimet amerikane, pra për të krijuar një terren të përshtatshëm për këto investime, e cila mendoj se do ishte një risi, në rast se vërtetë do të kishim hapësira më të mëdha, dhe mundësi më të mëdha, që të vijnë investitorë amerikanë të investojnë në ekonominë shqiptare, këtë do të quaja një element të ri dhe të suksesshëm të saj në rast se do e realizonte. Mendoj se Yuri Kim do të jetë një ambasadore e vazhdimësisë dhe jo reformatore por gjithsesi mbetet për tu parë në vazhdim.

Ndërsa në lidhje me mos hapjen e negociatave Milo tha se qeveria mban përgjegjësi për procesin e reformave por edhe problematika e brendshme e BE ishte pengesë.

Mirela Milori: Moshapja e negociatave, si e shihni këtë situatë?

Paskal Milo: Unë e shoh jo aq shume me emocione sa po shihet në Shqipëri, që në fakt ushqehet nga të dy kampet politike. Çdo qeveri, aq më shumë qeveria aktuale shqiptare, ka përgjegjësi për mënyrën se si e menaxhoi procesin e reformave për integrimin. Do të ishte naive në rast se do të ekskludohej përfundimisht përgjegjësia e Shqipërisë por patjetër që kriza e brendshme e BE dhe vizioni që ka Macron, për një reformim të brendshëm të BE, patjetër që ka qenë një pengesë, dhe kjo penalizoi më shumë Maqedoninë e Veriut, për të cilën nuk pati aq ankesë sa pati për Shqipërinë. /abcnews.al

milva-ikonomi-1280x700.jpg
nev ila22:32 | 17/10/2019

Mbrëmjen e sotme në Mbrëmje ABC me gazetaren Mirela Milori ka qenë e ftuar Milva Ikonomi deputete e partisë socialiste. Ikonomi ka dhënë opinionin e saj në lidhje me hapjen e negociatave të Shqipërisë me Bashkimin Evropian.

Sipas Ikonomit vendimi tashmë i takon BE pasi detyrat e të dy vendeve janë plotësuar dhe se ky vendim nuk ka të bëjë me cfarë janë bërë dhe çfarë jo pasi të dy vendet kanë bërë shumë.

Për çështjen e azilkërkuesve, ku Franca e sjell si argument për pengimin e hapjes së negociatave, Ikonomi tha se Macron kërkon të tregojë fuqinë e vet, në territorin e brendshëm, pasi Shqipëria ka marrë masa ndaj këtij shqetësimi, dhe menjëherë kërkesat e azilkërkuesve ranë.

“Të dy vendet kanë bërë shumë. Mendoj se është një çështje që ka të bëj më shumë me kufijtë e Evropës e në fakt edhe brenda Evropës ka skeptikë lidhur me zgjerimin. Por edhe pse thuhet se Gjermanët kanë qenë më tepër skeptik për Shqipërinë, rezultoi se ata na mbështetën. Nuk po ndodh e njëjta gjë me Francën dhe më duket se skepticizmi që vjen nga Macron, vjen nga një figurë populiste, që do të krijojë brenda Francës. Ndërkohë do t’u thotë ekstremistëve të vet, që përfaqësohen nga Le Pen, t’u thotë diçka lidhur me forcën që ka ai, për të ndryshuar një politikë zgjerimi në Bashkimin Europian. Pra me pak fjalë do të tregojë fuqinë e vet në territorin e brendshëm. Të dhënat që i vijnë për kërkesat e azilkërkuesve, nuk i vijnë nga Shqipëria, por nga stacione grumbullimi të dhënash që janë evropiane, janë edhe franceze. Gjithsesi pasi ka treguar shqetësimin për këtë çështje, Shqipëria mori masa për azilkërkuesit. Mendoj që në Shqipëri po bëhet një lloj presioni mbi tregun e punës, që të mos kemi azilkërkues sepse të dhënat tregojnë që tregu i punës ka pësuar rritje. Ne po përpiqemi në Shqipëri, që ti japim shans shqiptarëve që të jetojnë në vendin e tyre. Mendoj se ky është një reflektim brenda BE, pra çfarë do bëjnë ata me zgjerimin. Mendoj që Ballkani për ata është gjithsesi një treg”, tha Ikonomi./abcnews.al

bylykbashi-oerd-1280x606.jpg
nev ila20:49 | 17/10/2019

“Edi Rama ka shkatërruar shpresat e mëdha të shqiptarëve”, kështu ka deklaruar mbrëmjen e sotme ish-deputeti i partisë demokratike Oerd Bylykbashi.

Bylykbashi ka qenë i ftuar mbrëmjen e sotme, në Mbrëmje ABC me gazetaren Mirela Milori, ku tha se opozita është e vendosur në objektivin e saj për largimin e Edi Ramës pasi, sipas Bylykbashit, është arsyeja që negociatat do të shtyhen se vendi është i zhytur në korrupsion. Gjithashtu Bylykbashi theksoi se kriza politike në vend, do të vazhdojë të thellohet, për sa kohë qëndron Edi Rama në krye të shtetit, gjë e cila do të reflektohet në ekonomi dhe shoqëri.

Pjesë nga biseda në studio:  

Mirela Milori: Sa ndikon euroskepticizmi në vendimmarrje për negociatat?

Oerd Bylykbashi: Sigurisht që secili vend bën lojën e tij, Holanda e ka me Shqipërinë, e cila thotë se, duhet shtet i së drejtës, dhe shtet i së drejtës do të thotë institucione të drejtësisë.  Lufta kundër korrupsionit, dhe lufta kundër krimit të organizuar, janë këto dy kolona që Holanda nënvizon për Shqipërinë. Gjykatë apo institucione të drejtësisë aktualisht nuk ka.

Mirela Milori: Opozita a ka përgjegjësi për këtë situatë?

Oerd Bylykbashi: Duhet të bëjmë më shumë për të larguar Edi Ramën. Detyra jonë është që të denoncojmë situatën ku janë shqiptarët. Shteti është i shpartalluar i tëri, dhe kërkojnë që të marrë përgjegjësi opozita?! Prokurorja e përgjithshme e përkohshme, u vendos për dy muaj,  ka kaluar dy vjet në detyrë, dhe nuk ka proceduar askënd. Këshilli i Lartë Gjyqësor dhe Këshilli i Lartë i Prokurorisë nuk bëhen dot gjykatë.

Mirela Milori: “Panorama” sipas jush, është se negociatat po na shtyhen se Edi Rama nuk ka punuar si duhet, si e shihni perspektivën në këtë vend?

Oerd Bylykbashi: Kriza vazhdon të thellohet. Kriza politike ka të bëjë dhe me ndërveprimin e opinionit publik, dhe kjo do të reflektojë në ekonomi dhe në shoqëri siç mund të jetë largimi i shqiptarëve nga vendi. Reforma zgjedhore është një instrument që mund të zgjidhë diçka në këtë histori. Kjo krizë zgjidhet vetëm me zgjedhje të parakohshme. Detyra e opozitës është që të bëj çdo gjë për të larguar Edi Ramën. Zgjedhjet e parakohshme janë e vetmja zgjidhje për krizën e thellë në vend./abcnews.al

enkelejd-alibeaj-1280x719.jpg
nev ila23:56 | 16/10/2019

Mbrëmjen e sotme në Mbrëmje ABC me gazetaren Mirela Milori ka qenë i ftuar ish deputeti i partisë demokratike Enkelejd Alibeaj. Alibeaj tha se opozita është e vendosur dhe e pa lëkundur në qëndrimet e saj në lidhje me reformën zgjedhore. Ai theksoi se pas datës 19 tetor do të ndërmerren hapa të tjerë për të orientuar publikun shqiptar që të mos vazhdojë më të jetë i penalizuar nga qeverisja e Ramës.

Pjesë nga biseda në studio me Enkelejd Alibeaj: 

Mirela Milori: Cfarë strategjie ka opozita për të dalë nga situata që ka hyrë politikisht. Në datën 19 në rast se do të kemi shtyrje të negociatave bashkë me RMV, cfarë strategjie keni ju si opozitë për të dhënë një tjetër ritëm kësaj situate politike?

Enkelejd Alibeaj: Kemi kërkuar zgjedhje të lira dhe të ndershme, e cila është arsyeja kryesore që ka gjeneruar të gjithë shkaqet, që nga azilantët, që nga krimi i organizuar, që nga korrupsioni. Qëndrimi ynë është i palëkundur për sa i përket asaj që kërkojmë. Rrugët se si bëhet kjo i kemi thënë me kohë. Penalizimi nuk ka ndodhur për opozitën por për të gjithë shqiptarët, dhe pyetja e duhur do të ishte cbëjnë shqiptarët ? dhe cfarë bëjmë ne si opozitë për të ndihmuar, kthjelluar, orientuar publikun shqiptar që të mos vazhdojë të jetë i penalizuar prej kësaj qeverisje dhe prej këtij njeriu.

Mirela Milori: A e rrëzoni dot Ramën?

Enkelejd Alibeaj: Rama ëshë e keqja, e cdo shqiptari me këtë qeverisje që ka, një orë e më parë duhet larguar.

MIrela Milori: Si do e largoni?

Enkelejd Alibeaj: E para me mjetet që ne kemi përdorur më parë dhe po ju sqaroj që kjo periudhë nëse ka qenë e tillë, pra pa eksploruar mjetet e protestës, ndodhi jo vetëm se i dhamë kohë integrimit që të mos influenconim në atë cfarë është vendimmarrja e partnerëve ndërkombëtarë por edhe të jepnim kontributin tonë. Qëndrimi i gjermanisë në fakt është si rezultat i kontributit tonë.

Mirela Milori: Si do frymëzoni shqiptarët të largohet Rama?

Enkelejd Alibeaj: Deri në 30 qershor ishim të vetëm në këtë luftë, u detyruam që në atë kohë të  merrnim edhe akte ekstreme, sic ishte djegia e mandateve, por e gjithë ajo sakrificë e përpkjekje e jona në rrugë tashmë është rimarrë dhe përqafuar nga të gjithë ndërkombëtarët, nga Franca, Gjermania, Holanda, do të thotë që sot krah publikut shqiptar, nuk është vetëm opozita por edhe partnerët ndërkombëtar. Cdo lëvizje pas 19 tetorit do të jetë në koordinim të plotë me partnerët ndërkombëtarë, dhe kjo besoj është arritje e madhe për një opozitë. Kohë më parë nuk është se kishim një mirëkuptim. Mjafton të marrësh dokumentin e bundestagut, i cili është një udhërrëfyes shumë i mirë për ta zgjidhur në nj ëkohë të shkurtër, nëse ka vullnet politik nga ana e ramës.

Në 19 tetor përvecse do të lindë dielli që do të shohin shqiptarët, gjëja tjetër që do të shohin do të jetë nëse ky njeri do të vazhdojë ti gëzohet alibisë që shyqyr që tha Franca Jo dhe nuk do të gjej asnjë lloj përgjegjësie apo do të tregojë vullnetin për të zbatuar kushtet e bundestagut.

Mirela Milori: Në tryezën e reformës zgjedhore a do të vazhdoni të uleni në mënyrë intensive për rekomandimet e OSBE/ODIHR dhe më tej për të bërë një kod, se ndoshta ky do të jetë pakti i madh i cili do ti japë një tjetër ritëm politikës, me apo pa Ramën?

Enkelejd Alibeaj: Ne kemi kërkuar gjithmonë të lira e të ndershme. Asnjëherë nuk kemi qenë refraktarë lidhur me proceset e reformës elektorale pavarësisht pengesave artificiale të Partisë Socialiste.  Ne kërkojmë proces, votë të lirë e pastaj edhe formula të ndryshme se si vota përkthehet në mandate. Nuk është komponenti i vetëm kryesor procesi zgjedhor. I pari është vullneti politik. Ajo që kërkojmë ne është një reformë e cila do të duhet t konfigurohet midis dy palëve, opozitë e bashkuar, parti socialiste me ndërkombëtarët./abcnews.al

alket-hyseni-1280x698.jpg
nev ila22:54 | 16/10/2019

Mbrëmjen e sotme në ABC News me gazetaren mirela Milori, ka qenë i ftuar Alket Hyseni deputet i Partisë Socialiste.  Alket Hyseni foli në lidhje me procesin e integrimit të Shqipërisë ku sipas tij, në rast të  një JO-je të BE, për çeljen e negociatave, nuk është si rezultat i fajit të qeverisë por me politikat e brendshme të vetë BE-së.

Mirela Milori: Situata e integrimit është tema e ditës, si po ecën pasi shohim se ka një tension këto ditë?

Alket Hyseni: Tensioni fatmirësisht nuk ka lidhje me Shqipërinë. Ne kemi përmbushur detyrat e shtëpisë por ka lidhje me problematikat e brendshme të vetë Bashkimit evropian, e them fatmirësisht qe gojët e këqija të mos mendojnë se kjo ka lidhje me qeverinë.

Mirela Milori: Nëse do të marrim një përgjigje jo të mirë a do të ketë përgjegjësi mazhoranca dhe qeverisja?

Alket Hyseni: Përgjigjja më negative të mundshme është fakti që për shkaqe të brendshme të Bashkimit Evropian mund të ketë shtyrje por që për këtë nuk ka përgjegjësi asnjë aktor të veçantë. Qeveria gjithsesi do shikojë si të përmirësojë veten, ka apo s’ka në datën 18 tetor një vendimmarrje në favor të Shqipërisë, ato kushte që ne kemi për të plotësuar të vazhdojmë ti plotësojmë, por le të presim më përpara pasi mund të sjelli rezultate për Shqipërinë dhe rajonin.

Mirela Milori: Por mjafton një jo, si ajo e Francës, që të mos çelen negociatat…

Alket Hyseni: Presidenti Macron nuk e ka një qëndrim të sotëm këtë që ka, por e ka të hershme, dhe kjo ka qenë një tezë e pastër e tij, se si duhet të funksionojë Bashkimi Evropian. Gjithsei cdo Po është me kushte, për këtë të jeni të bindur. /abcnews.al

 

mirela-abazi-1280x714.jpg
nev ila22:29 | 16/10/2019

Mbrëmjen e sotme në ABC News me gazetaren Mirela Milori ka qenë i ftuar Bojken Abazi, drejtues i vetëvendosjes në Tiranë. Abazi tha se Lëvizja Vetëvendosje është duke thelluar fitoren e saj edhe në votat mërgimtare, dhe se presin të kenë shumicën e vendeve në parlament, ndërkohë që ende vazhdohet me programet qeverisëse dhe me takimet me LDK. Abazi njoftoi dhe ardhjen e Albin kurtit në Tiranë për të festuar fitoren e LDK edhe me simpantizantët e tij në Shqipëri.

Pjesë nga biseda në studio:

Mirela Milori: Në lidhje me situatën e zgjedhjeve, vazhdon procesi i numërimit, aktualisht ku është ky proces?.

Bojken Abazi: Sipas informacioneve tona lëvizja vetëvendosje po prin bindshëm edhe në votat e mërgatës, kemi marrë deri tani mbi 51 % të këtyre votave. Jemi të bindur që kjo diferencë do të thellohet në raport me LDK. Janë ende 3400 vota pa u numëruar.

Mirela Milori: Sa numra mendoni se do keni në parlament?

Bojken Abazi: Si numër deputetësh në total ne jemi aktualisht 32 vende, kurse LDK diku te 30 vende.

Mirela Milori: Cilët do të jenë sektorët që do të mbulojë LVV?

Bojken Abazi: Disa dikastere duhet të jenë ministria e drejtësisë, të brendshme dhe të financave. Janë këto 3 ministri që ne do të synojmë për qeverinë e re. Unë besoj që në fund ta marrim së bashku, synojmë të flasim për programet më parë. Është rënë dakord në takimet e para për 7 pika por duhet zbërthimi i tyre që duhet pak kohë. Mbrëmë e kemi festuar fitoren në Prishtinë. Nuk është se ka ndodhur ndonjëherë është e para herë që në Tiranë të festojmë fitoren e madhe si ajo e vetëvendosjes në Kosovë. Ne e pamë të domosdoshme që ta festojmë edhe në Tiranë. Kjo fitore ka shkaktuar një entuziazëm të madh edhe këtu në Shqipëri.

Mirela Milori: Do të merrni pjesë në zgjedhjet e ardhshme në Shqipëri ?

Bojken Abazi: Nuk kemi synime elektorale. Duhet të na vijë një kërkesë e tillë nga qytetarët dhe jo nga studiot televizive. Në Shqipëri jemi duke e zgjeruar organizatën tonë me anëtarësime të reja përditë dhe jemi duke thelluar programin tonë sipas modeleve që ne synojmë të aplikohet edhe në Kosovë.

Mirela Milori: Përse në Shqipëri nuk mund të ndodhë, ajo që ndodhi në Kosovë?

Bojken Abazi: Po në Shqipëri ka për të ndodhur ajo që ndodhi në Kosovë, dhe besoj se kjo gjë do të ndodhë shumë shpejt./abcnews.al

 

 

 

 

 

 

 

mirela-milori-ervin-bushati-1280x610.jpg
nev ila20:16 | 14/10/2019

Ervin Bushati  deputet i Partisë Socialiste ka qenë i ftuari i Mbrëmje ABC me gazetaren Mirela Milori mbrëmjen e sotme. Bushati u shpreh se Gjermania e kancelarja Merkel ka investuar shumë që Shqipërisë dhe Republikës se Maqedonisë së Veriut ti hapen negociatat. Deputeti shprehu opinionin e tij, edhe në lidhje me raportin e Komisionit të Venecias, ku sipas Bushatit ky raport është shprehur qartësisht, se presidenti Meta ka shkelur kushtetutën me gjestin e anulimit të zgjedhjeve më 8 qershor.

“Komisioni evropian ka dy vjet që i qëndron mendimit që Shqipërisë dhe Maqedonisë duhet ti hapen negociata por në mes tyre qëndrojnë edhe vendet skeptike ndaj Shqipërisë. Unë them se Shqipërisë do ti hapen negociatat. Angazhimi i kancelares Merkel është maksimal në lidhje me këtë, sepse ka investuar shumë për këtë çështje, e në fund është diskutimi Merkel – Macron që do të thotë fjalën e fundit. Në bazë të logjikës time investimi i gjermanisë për të patur Shqipërinë dhe Maqedoninë e Veriut në tavolinën e bisedimeve, do të thotë që vendimi do të jetë në favorin tonë. Binomi Franko-Gjerman është një binom vendimmarrës dhe unë mendoj se do të ketë  një vendim pozitiv”, tha Bushati.

I pyetur nga gazetarja Mirela Milori në lidhje me raportin e Komisionit të Venecias për shkarkimin e presidentit Ilir Meta Bushati tha:

“Disa pika në raport janë shumë të qarta. Ilir Meta ka shkelur kushtetutën. Ne do të marrim vendimin e komisionit të juristëve tanë që do të ngrihet mbi raportin e Komisionit të Venecias do të dorëzojmë dosjen dhe në fund do të shprehet Gjykata Kushtetuese, nëse kushtetuesja e rrëzon është në të drejtën e saj. Ky raporti i Komisionin të Venecias do të vlente shumë për presidentin, ky raport duhet të ishte kërkuar nga presidenti para datës 8 qershor, nëse presidenti do të ishte serioz duhet ti ishte drejtuar Komisionit të Venecias“, deklaroi ai.

Ndërsa në lidhje me protestën e unazës së re, qëndrimin e PS për këtë çështje Bushati e ka të qartë.

“Qeverisje do të thotë të bësh zgjedhje, pra të vendosësh në favor të shumicës. 98 % e qytetarëve janë për bërjen e unazës së madhe. Kjo protestë është politizuar, gjithsesi të gjithë pronarët kanë të drejtë të dëmshpërblen në vlerën e tregut për pronat e tyre. Zgjidhjet janë të shumta dhe me sa di bashkia ka ofruar edhe banesa sociale ja u ka dhënë zgjidhjen”, u shpreh Bushati./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono