mbledhje

PROTESTA-PD-KORCE-MBULIM.mpg_snapshot_00.05-1280x720.jpg
G. P.13:29 | 29/09/2018

Një grup mbështetësish të Partisë Demokratike u mblodhën për të protesuar në afërsi të Shtëpisë së Flamurit në Korçë kundër qeverisë Rama. Aty po zhivllohet edhe mbledhja e qeverisë. Gjatë protestës ka patur një përplasje mes qytetarëve dhe forcave të policisë. Protestuesit kanë kërkuar fillimisht të kalojnë në pedonale por nuk janë lejuar nga një kordon policie që ishte vendosur për siguri tek Sheshi i Flamurit.

I pranishëm në këtë tubim ka qenë edhe deputeti i PD Klevis Balliu, i cili ka deklaruar se sot po protestohet kundër krimit dhe drogës. Nuk mund të pengohet e drejta për protestë paqësore, – tha Balliu. Më pas protestuesit janë lejuar të parakalojnë në pedonale të shoqëruar edhe nga forca të policisë. Me këtë marshim u mbyll edhe protesta e qytetarëve dhe simpatizantëve të PD./abcnews.al

ASAMBLEJA-OKB-TEMAT.mpg_snapshot_01.59-1280x695.jpg
G. P.12:40 | 25/09/2018

Nis në Nju Jork Asambleja e Përgjithshme e Organizatës së Kombeve të Bashkuara, ku pritet të diskutohen tema të nxehta por dhe të ketë takime të rëndësishme. Vëmendja është dhe tek mungesat e mëdha.

Asambleja e 73 e përgjithshme e Kombeve të Bashkuara mblodh në Nju Jork më shumë se 120 krerë shtetesh dhe qeverish si dhe qindra ministra që takohen me njëri-tjetrin në pallatin e qelqtë të Kombeve të Bashkuara.

Tema e zgjedhur për asamblenë nga presidentja Maria Garses ish-ministrja e mbrojtjes së Ekuadorit është: “Bërja e Kombeve të Bashkuara të rëndësishëm për të gjithë, një lidership global dhe ndarja e përgjegjësive për të krijuar një shoqëri paqësore, të barabartë dhe të qëndrueshme”.

Mes temave të nxehta të asamblesë është ajo e Koresë së Veriut, luftërat në Siri dhe Jemen, tensionet në Lindjen e Mesme, kriza në Venezuelë dhe ajo në Libi. Por dhe barazia gjinore, pjesëmarrja e gruas në poste të pushtetshme, çështja e refugjatëve dhe temat ambientale Mes temave të tjera është dhe diskutimi për reformën e Këshillit të Sigurisë.

Në pallatin e qelqtë ndodhen 84 krerë shtetesh dhe 44 krerë qeverish. I pari që merr fjalën sipas protokollit është Brazili. Tradita ka nisur në vitet e para të krijimit të organizatës, kur Brazili dilte gjithnjë vullnetar sepse asnjë shtet nuk dëshironte të fliste i pari. Menjëherë pas tij është vendi mikpritës, presidenti i Shteteve të Bashkuara të Amerikës që përfaqësohen nga presidenti Donald Trump.

Presidentja e turnit e Këshillit të Sigurisë për muajin shtator është ambasadorja amerikane në OKB, Niki Halej, e cila edhe ka vendosur axhendën e konsultimeve. Mes takimeve të shumëpritura është ai mes presidentit Tramp dhe atij Iranian Hassan Rohani dhe pse ende jo i konfirmuar zyrtarisht, për temën e çarmatimit bërthamor, pas daljes në muajin maj të Shteteve të Bashkuara të Amerikës nga marrëveshja për programin bërthamor me Teheranin.

Kjo është asambleja e parë e OKB-së pas daljes së Shteteve të Bashkuara të Amerikës nga UNESCO, nga marrëveshje e Parisit për klimën, nga marrëveshja bërthamore me Iranin si dhe nga mrrëveshja me OKB-në për emigrantët. Mes tyre që nuk marrin pjesë në asamble është dhe presidenti venezuelian Nikolas Maduro, i cili mungon për arsye sigurie. Ky i fundit do i kishte folur vendeve anëtare të OKB-së rreth betejës me fushatën e urrejtjes ndaj qeverisë së tij, e cila drejtohet sipas Maduros nga Shtetet e Bashkuara të Amerikës.

As Aung San Su Ki, këshilltare shteti e Birmanisë, nuk do të jetë e pranishme. Ajo është kritikuar shumë për mënyrën se si ka drejtuar krizën e Rohingiave në vend. Kjo temë do të trajtohet nga Amal Kluni, bashkëshortja e Xhorxh Kluni, avokate për të drejtat e njeriut. Ajo do të flasë për dy gazetarët e agjencisë Reuters që janë burgosur sepse denoncuan dhunën e ushtrisë. Nuk do të jetë as presidenti rus Putin i cili do të zëvendësohet nga ministri jashtëm Sergei Lavrov./abcnews.al

BASHA-SINKRON.mpg_snapshot_00.45-1280x720.jpg
G. P.12:14 | 13/09/2018

Pas Shkodrës dhe Elbasanit, takimin e rradhës opozita e bashkuar e zhvilloi në Durrës nga ku kthimin në seanca plenare kreu i opozitës e refuzoi si fallsitet ndërsa aksionin e njoftoi në përshkallëzim. 

Lulzim Basha: “Nuk ka për të pasur kthim në një fasadë-normalitet. As ndryshim të kursit që opozita vendosi javën e kaluar me propozimet tona kushtetuese. Ka për të patur një intesifikim të veprimit tonë”.

Brenda 24 orësh nis edhe publikimi i fakteve, theksoi Basha, të cilat zbardhin arsyen jo vetëm të mos mbajtjes së premtimit të parë të qeverisë Rama 1 për mbylljen e lojrave të fatit, por shtimin dhe mbështetjen e tyre për qëllime kriminale.

“Nga nesër fakte tronditëse se si Edi Rama dhe Fatmir Xhafa kanë ndihmuar me politikë bandat e krimit të organizuar për të shtënë në dorë lojrat e fatit dhe për ti përdorur për pastrimin e parave të pista”.

“Gënjeshtra të prera trashë” i quan sulmet që mazhoranca artikulon për Vettingun në politikë.

“Sot prokuroria mund ti hetojë familjarët e politikanëve, s’ka asnjë pengesë. SPAK nuk është për familjen e politikanëve, është për politikanët. Olsin dhe tahirin i heton dot edi rama? Vetting i politikanëve ska asnjë pengesë me reformën në drejtësi”.

Thirrjen ua drejtoi të gjithë atyre që preken të parët nga çfarë i konsideron vendime korruptive kriminale. Nga të përndjekurit politikë dhe ndryshimi i ligjit për dëmshpërblimin e tyre, deri tek qytetarët e Kukësit dhe këdo që tarifën në Rrugën e Kombit e konsideron të padrejtë. Atë politike ia artikuloi PDIU-së të cilën e mirëpret në bisedë me devizën “për çlirimin e vendit nga bashkëqeverisja me krimin”./abcnews.al

RAMA-TAKON-MESUESIT.mpg_snapshot_01.51-1280x692.jpg
G. P.13:49 | 03/09/2018

190 mijë nxënës nga klasa e parë në të katërt, këtë vit nuk do të paguajnë për tekstet shkollore. Me qëllim që librat të mbërrijnë tek nxënësit para fillimit të shkollës kryeministri Edi Rama thirri në një takim në kryeministri mësuesit e shkollave nëntë vjeçare.

Dy javë para fillimit të vitit të ri shkollor, kryeministri Edi Rama mblodhi në kryeministri mësues të shkollave nëntë vjeçare në vend. Per ta kishte një porosi.

“Të bëjmë detyrën për ti dhënë në kohë të gjithë librat falas për fëmijët. Nuk bëhet fjalë më që ti blesh me lekët e tua e të merresh me fatura. Është e drejtpërdrejtë, pakot me libra duhet tu shkojnë prindërve dhe fëmijëve në dorë para fillimit të vitit të ri shkollor.”

Këtë vit pa i paguar librat shkollorë do ti marrin 190 mijë nxënës nga klasa e parë deri në klasë të katërt. Familjet e tyre, sipas kryeministrit, veç anës financiare do të kenë edhe një tjetër stres më pak.

“Mall nga gabi i injorancës dhe koirrupsionit. Sot mbyllim ciklin e nisur nga ministrja për zëvendësimin e librave skarco me libra të Kembrixh, Oksford. Libra të një cilësie të padiskutueshme.”

Tekstet shkollore për nxënësit nga klasa e parë deri në klasë të katërt i kanë kushtuar buxhetit të shtetit rreth 6 milionë dollarë.
Në këtë skemë, vitin e ardhshëm pritet të përfshihen edhe nxënësit e klasave të pesta, ndërsa deri në fund të mandatit kryeministri beson se librat falas do tu shpërndahen nxënësve deri në klasë të nëntë. Por ndërkohë ata që këtë vit duhet të paguajnë për tu pajisur me tekste shkollore, për disa prej librave do të shpenzojnë më teper se vitin e shkuar.

“Disa libra janë pak më të shtrenjtë seç ishin sepse janë produkte shumë më cilësore dhe nëse do të bëjmë krahasimin në çmim me vendet e tjera do të shikojmë se s’ka asgje anormale.”

10 mijë nxënës këtë vit do të mësojnë në shkolla me mjedise të rindertuara, ndërsa për fëmijët me nevoja të veçanta, në shkolla do të ketë 700 mësues ndihmës nga 300 që ishin vitin e shkuar, por shefi i qeverisë diçka tjetër quan krenari të punës së qeverisë.

“ Politika ka dalë nga shkolla dhe merita ka hyrë në shkollë.”

Ndërkohë këtë takim me mësuesit, kryeministri kërkon ta mbyllë pa asnjë dyshim.

“Edhe pse janë rritur rrogat tuaja kanë nevojë për më shumë rritje këtë se kemi harruar, thjesht për t’ju thënë që mos e kini këtë dyshim. Por çdo hap sipas mundësive të reja që krijohen dhe besoj që do të kemi edhe mundësi të reja në këtë aspekt.”/abcnews.al

qeveria.jpg
G. P.12:44 | 12/06/2018

Kabineti qeveritar ëshë zhvendosur sot në Durrës. Mbledhja ëshë parashikuar të zhvillohet në orën 16:00 pas së cilës do të jetë kryeministri Edi Rama që do t’i bëjë të ditura vendimet e qeverisë nëpërmjet një deklarate për shtyp.

Qëndrimi në qytetin bregdetar është parashikuar të zgjasë dy dië. Sot pasdite do të zhvillohet një takim me qytetarët në kuadër të turit të llogaridhënies publike. Në mbrëmje ministrat socialisët do të festojnë në Durrës ditëlindjen e 27 të partisë së tyre, ndërkohë që janë parashikuar organizime edhe nga degët e Partisë Socialiste në rrethe./abcnews.al

pd-1-1.jpg
G. P.14:20 | 28/05/2018

Grupi parlamentar i PD vendosi vazhdimin e aksionit opozitar edhe gjate 30 diteve te ardhshme. Pas disa javësh denoncime për ministrin e Brendshëm Fatmir Xhafaj dhe protestës të së shtunës, shumë deputetë në mbledhjen e grupit të PD propozuan edhe bojkotin e parlamentit. Mësohet se në mbledhjen e zhvilluar me dyer të mbyllura, kreu demokrat Basha është shprehur se bojkoti i parlamentit deri në shkarkimin e Xhafës është plotësisht legjitim dhe më i natyrshmi në këto rrethana politike. “Levizja drejt bojkotit parlamentar në kushtet kur jemi investuar fort për hapjen e negociatave, rrezikon të devijojë vëmendjen nga çështja kryesore: që kemi një qeveri të lidhur me krimin e organizuar dhe trafikun e drogës”-mësohet të ketë deklaruar Basha.

Kryetari demokrat ka sugjeruar të përdoren gjitha format dhe mënyrat demokratike nga grupi parlamentar, strukturat, qytetarët për të bërë të qartë qëndrimin e opozitës se largimi i Fatmir Xhafës është kusht i panegociueshem, veprim i domosdoshëm për hapjen e negociatave.

Pas mbledhjes së grupit parlamentar, kreu demokrat Lulzim Basha zhvilloi një takim me aleatët në selinë blu. Edhe opozita e bashkuar doli me qëndrimin e përbashket që Fatmir Xhafaj duhet të largohet nga Ministër i Brendshëm dhe t’i hapë rrugën një hetimi të pavarur dhe të pandikuar nga pushteti që ai mban sot. /abcnews.al

PD-GRUP-PER-PROTESTEN-1280x720.jpg
G. P.15:37 | 07/05/2018

Partia Demokratike mblodhi në takimin e përjavshëm grupin parlamentar për të diskutuar rreth qëndrimit politik të saj për javën në vazhdim.

Rreth një orë më vonë mbledhja përfundoi, me vendimin që të vijojë qëndrimi i mëparshëm.

Partia Demokratike ka vendosur një marrëdhënie të kushtëzuar me parlamentin, duke u bërë pjesëmarrëse në komisione, vetëm në ato raste që çmon si të rëndësishme për vendin.

Sa i përket seancës plenare, grupi ka ritheksuar qëndrimin, se sa kohë qytetarët kuksianë që protestuan në Rrugën e Kombit mbahen në burg dhe ish-ministri Saimir Tahiri është i lirë, nuk mund të ketë seancë normale parlamentare./abcnews.al

asambleja.jpg
G. P.12:00 | 28/04/2018

Partia Socialiste mblodhi sot Asamblenë e saj Kombëtare, ku u diskutua për analizën e qeverisjes qëndrore dhe asaj lokale. Në raportet, pjesë e axhendës së kësaj mbledhje, ishte dhe ecuria e punës për mbarëvajtjen e platformës për bashkëqeverisjen, ku vihej re se bashkitë që kanë numrin më të lartë të regjistrime në portal janë Vlora, Tirana, Berati, Fieri etj. Ndërsa bashkitë që duhet të avancojnë me regjistrimin janë Kolonja, Patosi, Divjaka.

Sekretari i përgjithshëm i PS, Taulant Balla, tha se asambleja ka ngritur një grup pune për analizën e performancës së të zgjedhurve vendore. Deri tani i janë përgjigjur pyetësorit 26 kryetarë bashkie, ndërsa 7 prej tyre nuk kanë dërguar përgjigje në lidhje me çështje të rëndësishme që lidhen me zhvillimin në territorin e tyre.

Grupi i punës që do bëjë vlerësimin e performancës për pyetësorët drejtuar kryetarëve të bashkive drejtohet nga Ilir Beqaj me anëtarë, Eglantina Gjermeni, Arben Ahmetaj, Evis Kushi. Po kështu janë përcaktuar edhe kuotat mujore të anëtarësisë për partinë.

Për studentët, nxënësit, të papunë dhe pensionistët kjo kuotë do të jetë 50 lekë në muaj. Ndërsa për kryetarë partish në bashki me pagë mbi 70 mijë lekë do kenë një pagesë prej 1500 lekësh. Ndërsa mori fjalën në këtë mbledhje, kryeministri Rama u shpreh i ashpër ndaj asaj pjese të qeverisjes qëndrore dhe vendore si dhe të drejtuesve të partisë në rrethe që nuk kanë kryer, sipas tij, misionin për të cilin janë zgjedhur./abcnews.al

pd-1280x649.jpg
G. P.14:50 | 20/04/2018

Në orën 18:00 pritet mbledhja e Këshillit Kombëtar të Partisë Demokratike në selinë blu, rreth ndryshimeve statutore të diskutuara vetëm një javë më parë në takimin e kryesisë së kësaj force politike. Propozimet e diskutuara në mbledhjen maratonë të kryesisë së 14 Prillit, të përmbledhura në një dokument politik janë përkthyer në ndryshime statutore, të cilat në fund të mbledhjes së Këshillit pritet të prodhojnë draft-statutin përfundimtar që do të votohet në 28-29 Prill në mbledhjen e Kuvendit Kombëtar.

Risitë e përfshira në draftin, i cili mund të amendohet nga antarët e Këshillit sot, por edhe nga ata të Kuvendit në fund të muajit, përfshin zgjerimin e kompetencave të Këshillit Kombëtar. Sipas këtij drafti, Këshilli bën propozimin e kandidaturave alternative nga ato të kryesisë dhe Kryetarit, miraton marrëveshjet politike para dhe pas zgjedhore por ndryshe nga sa u diskutua një javë më parë, nuk parashikon shkëputjen si një organ i pavarur me një kryetar të sajin. Këshilli me gjysmën e votave të antarësisë mund të propozojë shkarkimin e kryetarit, gjë e cila për tu konkluduar do të kërkojë edhe miratimin e Kuvendit Kombëtar.

Kërkesa e anëtarëve të cilësuar kritikë ndaj kryetarit Basha, që mandati i këtij të fundit të mund të ndërpritet bazuar në modalitete të përcaktuara në statut, në rastin e disfatës elektorale parlamentare nuk është përfshirë në draftin e përpiluar derimëtani.
Ndërkohë parimi “një anëtar një votë” sipas këtij dokumenti do të zbatohet për konsultimin e antarësisë në përzgjedhjen e kandidatëve për deputet. Një koncept i ri i përfshirë është ai i “garantimit të karrierës” vlerësimi i së cilës bazohet në kritere si kohëzgjatja e antarësisë, kontributi në fushata, aktivizimi dhe standartet e pastërtisë së figurës.

Komisioni i Apelimit është nëj tjetër organ që pritet ti shtohet strukturës së partisë që propozohet të jetë me 5 anëtarë të përzgjedhur nga Këshilli Kombëtar, ku mund të shqyrtohen ankesat e anëtarësisë së partisë lidhur me vendime të marra ndaj tyre, ankesa për zbatimin e statutit dhe rregullave të funksionimit të partisë si dhe interpretimin e tyre./abcnews.al

opozitaa.jpg
G. P.15:33 | 11/04/2018

Opozita e bashkuar do të marrë pjesë në seancën parlamentare të së enjtes. Lajmi u bë publik pas takimit mes dy krerëve të partive opozitare dhe një mbledhjeje të dytë të grupit parlamentar demokrat për këtë javë. Në mungesë të një deklarate nga kreu i opozitës Basha, qëndrimi u bë publik nga mediat.

Pas bojkotit parlamentar të së martës, në shenjë mbështetjeje ndaj tregtarëve që protestuan vendosjen e TVSH-së për bizneset e vogla, përmes mbylljes së qepenave për 1 orë në mesditë, opozita e bashkuar dhe grupi parlamentar demokrat mbajtën takimin e radhës për koordinimin e aksionit opozitar.

E shoqëruar nga zv/kryetari Petrit Vasili, Monika Kryemadhi iu drejtua zyrës së kreut demokrat Basha, ku për rreth një orë dakordësuan qëndrimin që të mërkurën i ndau sa i përket jetës parlamentare.

Ndërsa demokratët vijuan bojkotin e komisioneve parlamentare për të dytën ditë radhazi, deputetët e Lëvizjes Socialiste për Integrim shënuan pjesëmarrjen e tyre.

Në përfundim të mbledhjes së grupit parlamentar demokrat, e dyta për javën, në mungesë të një deklarate për mediat nga kryetari Basha, qëndrimi u shpërnda përmes mediave: Partia Demokratike dhe Lëvizja Socialiste për Integrim do të marrin pjesë në seancën parlamentare të së enjtes, duke ndërprerë bojkotin përkohësisht./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono