mbledhje

vlcsnap-error052-1280x720.jpg
gra moz22:17 | 30/01/2018

Në mbledhjen e parë të grupit parlamentar të PD pas protestës të së shtunës, Lulzim Basha u kerkoi ligjvënësve të mbajnë lart frymën e 27 Janarit. Kreu demokrat i njohu edhe me bisedimet që zhvilloi me drejtuesit e Partisë Europiane Popullore dhe zyrtarë të lartë të Bashkimit Europian.

Janë thirrur për mbledhje nga kryetari i Partisë Demokratike, Lulzim Basha, i sapo kthyer nga takimi me drejtues të Partisë Popullore Evropiane dhe drejtues të institucioneve të rëndësishme të Bashkimit Europian në Bruksel.

Për herë të parë pas protestës së organizuar nga opozita në 27 Janar diskutuan bashkarisht se si do të vijojë qëndrimi i tyre në seancën e ardhshme parlamentare por edhe jashtë tij. Burime brenda mbledhjes së grupit parlamentar demokrat bëjnë të ditur se kryetari Basha i ka porositur deputetët që të mbajnë lart frymën e 27 Janarit.

Ndonëse në mbledhje nuk kanë qëndruar të gjithë deputetët, mësohet se më aktivi ka qenë ish kryemnistri Sali Berisha. Ai ka kërkuar arrestimin në flagrancë të ministres së Drejtësisë, Etilda Gjonaj, për ekstradimin në Itali të Nezar Seiti, i përfolur si financier i Habilajve.

Një tjetër reagim i ish-kryeministrit ka qenë ndaj deklaratave të ministrit të Punëve të Jashtme të Greqisë, Nikos Kotzias, për marrëveshjen e kufijve detarë me Shqipërinë, që sipas Berishës, pala shqiptare ka bërë gafa në negocim./abcnews.al

vlcsnap-error648-1280x720.jpg
gra moz19:30 | 12/01/2018

Edi Rama mblodhi Qeverinë në Lezhë, ku tha se gjeti shembuj frymëzues për të miratuar një vendim të Këshillit të Ministrave që synon të stimulojë agroturizmin. Sipas kryeministrit, bëhet fjalë për një kornizë ligjore që vendos standarde për këtë veprimtari.

Edi Rama: “Të gjitha subjektet që do të klasifikohen si agroturizëm Brenda kësaj kornize të miratuar sot do të pajisen me një certifikatë të posaçme nga Ministria e Turizmit dhe Mjedisit dhe pastaj do të kenë akses në financime. Në javët në vijim ne do të miratojmë edhe programin përkatës të incentivave fiskalë”.

Pas konsultimeve me të gjithë kryetarët e bashkive, gjatë mbledhjes në Lezhë, Qeveria miratoi edhe listën me 100 fshatra, ku do të nisë projekti i zhvillimit të integruar rural.

Edi Rama:Fishta është një prej këtyre 100 fshatrave të ndryshme të këtij procesi të zhvillimit rural që do të mbështetet me një program të veçantë nga qeveria dhe ky model ka të bëjë me infrastrukturën me diversitersifikimin e ekonomisë, me zhvillimin e kapitalit social”.

Përsa i përket infrastrukturës, Këshilli i Ministrave miratoi vendimin për rrugën kombëtare Milot-Balldren, pjesë e programit 1 miliard për rindërtim, aksin e ri Shëngjin-Velipojë, rindërtimin e terminalit të pasagjerëve dhe të hyrjes në Portin e Shëngjinit, si dhe rrugën e Torovicës. Për këtë të fundit, Kryeministri u prit me protesta në nisje të mbledhjes së Qeverisë, të cilat i konsideroi si të porositura.

Edi Rama: “Më vjen shumë mirë që më në fund, ata që e kishin pas marrë këtë për sipër për ta bërë këtë rrugë po interesohen duke stimuluar protesta dhe i përshëndes sepse kjo do të thotë që pavarësisht se kur e kishin në dorë ta bënin rrugën, i bënë asaj atë që s’thuhet, tani duan që rrugën ta bëjnë përmes nesh. I përshëndes.”

Prej disa muajsh qeveris vetëm dhe gazetarët vendas e pyetën Ramën mbi integritetin e drejtorëve të rinj që ka caktuar në Lezhë. Tani që nuk i ka më aleatët, Kryeministri pranoi se ka hasur në vështirësi edhe brenda partisë së vet.

Edi Rama: “Vendosmëria ime për t’i shkuar deri në fund procesit të çuarjes së tepsisë për skrap është më e madhe se ç’ishte kur jam zotuar për këtë dhe do të jetë çdo ditë dhe më e madhe pasi vështirësia në këtë process nuk është çdo ditë e më e vogël por çdo ditë e më e madhe. Patjetër nuk është diçka që mund të ndryshojë nga sot nesër sa hap e mbyll sytë dhe nuk është diçka që lidhe me emrin e partisë. E kam thënë më parë e them dhe sot. S’është çështje partie”.

Qeveria miratoi edhe bonusin deri në 2.5 milionë lekë të vjetra mbi rrogën, për mjekët që duan të shkojnë të punojnë në spitalet rajonale dhe lokale./abcnews.al

vlcsnap-error931-1-1280x720.jpg
us er10:25 | 09/01/2018

Kryeminstri Rama mblodhi Kryesinë e Partisë Socialiste, ku kërkoi që të mbyllen zgjedhjet brenda partisë, në kushtet kur janë tejkaluar afatet e paracaktuara, siç ka nënvizuar ai. Në mbledhjen që pasoi atë të Asamblesë, Rama gjithashtu ka kërkuar që të zgjidhen kryetarët e degëve aty ku ende nuk është bërë një gjë e tillë.

 

 

Tri ditë pas Asamblesë Kombëtare, kryesocialisti Rama thirri një mbledhje të Kryesisë së PS-së mëngjesin e të martës. Takimi i nisur herët rreth orës 8:00, zgjati mbi 1 orë e 30 minuta. Mësohet se në të është diskutuar në lidhje me vendimet e Asamblesë dhe çështjet organizative të PS, meqënëse kjo forcë politike e konsideron 2018-ën si vitin e organizimit të strukturave të saj partiake në funksion të zgjedhjeve vendore të vitit 2019. Në këtë kontekst, porosia e Kryeministrit Rama ka qenë që të punohet me prioritet për zgjedhjet në parti, pasi, siç ka rikujtuar ai, afatet janë tejkaluar tashmë. Duke iu referuar degëve, Rama ka kërkuar që të bëhen zgjedhjet për kryetar aty ku ende nuk është bërë një gjë e tillë.

Asambleja e ardhshme pritet që ta ketë fokusin te pushteti vendor. Për këtë qëllim, do të raportojnë kryetarët e bashkive që drejtohen nga Partia Socialiste. Ndërkohë, edhe ministrat që janë drejtues politikë në qarqe të ndryshme, mësohet se janë nxitur nga Kryesia e PS që gjatë kësaj periudhe të kenë prioritet bazën, gjë që u bë e qartë edhe gjatë Asamblesë nga sekretari i Përgjithshëm, Taulant Balla.

Pas mbledhjes, zëdhënësja e Kryesisë, Elisa Spiropali, nënvizoi se pjesë e diskutimeve ka qenë edhe axhenda qeveritare. Prioritet, sipas saj, do të kenë negociatat me Bashkin Europian, rast me të cilin nuk la pa akuzuar opozitën./abcnews.al

vlcsnap-error296-1280x720.jpg
us er19:09 | 15/12/2017

Pak metra larg liqenit që ndan dhe bashkon dy vendet, Kryeministri Edi Rama priti në Pogradec, me një ceremoni zyrtare, homologun e tij maqedonas Zoran Zaev.

Ekzekutimi i dy himneve dhe prezantimi i delegacioneve përkatëse, u ndoqën nga mbledhja e përbashkët e dy qeverive, asaj të Shqipërisë dhe asaj të Maqedonisë. Një format ky i aplikuar disa herë me Kosovën, por një risi në marrëdhëniet dypalëshe mes Tiranës dhe Shkupit.

Edi Rama: “Jemi shprësplotë se çel një kapitull të ri në marrëdhëniet e fqinjësisë sonë të mirë ndërthurur me interesa të përbashkëta gjeografikie, historike, kulturore, socio-ekonomike dhe jo në plan të fundit, gjeo-politike dhe gjeo-strategjike. Shqipëria është, ka qenë dhe do të jetë gjithnjë mikja më e mirë e Maqedonisë që prej pavarësisë së saj.”

Zoran Zaev: “Kjo seancë qeveritare hap një kapitull të ri mes marrëdhënieve dypalëshe mes Maqedonisë dhe Shqipërisë, përveç kësaj japim kontributin gjithashtu në drejtim të zhvillimit të bashkëpunimit rajonal, realizimit të qëllimeve strategjike të vendeve tona, por dhe të gjitha vendeve të rajonit që janë integrimet në BE dhe NATO. Mbi të kaluarën deri tek e tanishmja duke punuar në zgjidhjen që çon drejt një të ardhmeje paqësore të qytetarëve tanë dhe jo në shtyrjen e çështjeve të tilla. Ne të nderuar kolegë, miq, ne ndërtojmë të ardhmen për Maqedoninë, për Shqipërinë dhe për rajonin”.

Dy kryeministrat ritheksuan angazhimin për një rajon të ndërlidhur, pa fshehur se kjo mbledhje e parë e përbashkët ishte edhe një mesazh për vendet e tjera të Ballkanit.

Edi Rama: “Me kryeministrin Zaev kemi ndarë angazhimin, vendosmërinë për të kontribuar aktivisht në ndërtimin e një rajoni të ndërlidhur nga një pamje ekonomike, infrastrukturore pa barriera të çfarëdollojshme në qarkullimin e kapitalit, njerëzve dhe të ideve. Besoj se për këto dhe për shumë arsye të tjera ky takim i sotëm mund të konsiderohet si një moment kyç në historinë tonë të përbashkët”.

Zoran Zaev: “Kjo senacë e parë qeveritare mes qeverisë së Maqedonisë dhe Shqipërisë është më tepër se një mesazh për rajonin. Është një mesazh se udhësitë e përgjithshme politike të dy vendeve, të cilët kanë nderin që të udhëheqin qytetarët e tyre pa paragjykime”.

Kryeministri Rama përsëriti se Shqipëria do të vijojë të mbështesë Maqedoninë për anëtarësimin në BE dhe NATO, por bëri të qartë se gjithçka kalon nga jetësimi i Marrëveshjes së Ohrit. Zoran Zaev pohoi se Qeveria e tij synon marrëdhënie ndëretnike të relaksuara.

Edi Rama:“Shqiptarët dhe faktori politik shqiptar në Maqedoni kanë qenë mbështetës të vazhdueshëm dhe të palëkundur të aspiratave euroatlantike të Maqedonisë dhe prandaj ne besojmë fort se sa më parë Maqedonia të bëhet pjesë me të drejta të plota në strukturat euroatlantike, aq më mirë do të jetë jo vetëm për Maqedoninë, por edhe për Shqipërinë dhe për mbarë rajonin. Dhe këtu merr dhe vlerën më të plotë zbatimi i marrëveshjes kuadër të Ohrit, që ka qenë dhe do të mbetet baza e një shoqërie multietnike plotësisht funksionale”.

Zoran Zaev:“Shqiptarët në Maqedoni dhe maqedonasit në Shqipëri janë një urë e vërtetë e ndërtimit të marrëdhënieve më të afërta dhe të një bashkëpunimi më të madh. Ne i jemi përkushtuar ndërtimit të një shoqërie qytetare me mundësi të barabarta për të gjithë, marrëdhënie ndëretnike të relaksuara dhe një përkthim të plotë të frymës të marrëveshjes kornizë të Ohrit në praktikë dhe në jemi të bindur se dallimet në fakt na bëjnë më të fuqishëm përkushtimet tona”.

Rama përgëzoi homologun maqedonas përsa i përket ligjit për përdorimin e gjuhës shqipe, ndërsa Zaev e vendosi atë në kuadër të reformave të ndërmarra nga Qeveria e tij me synim krijimin e një shoqërie më të mirë për të gjithë, siç u shpreh ai.

Edi Rama: “Dua ta përgëzoj Kryeministrin për angazhimin e tij personal, kurajon e tij politike dhe vullnetin për t’i kthyer fjalët në vepra në drejtim të inicimit të ligjit të gjuhëve si pjesë integrale e paketës së ligjeve prioritare, që i akordon gjuhës shqipe të shtrihet në përdorim në nivel të gjerë zyrtar dhe administrativ si dhe akses më të mirë të qytetarëve në shërbime. Ne shpresojmë që ligji të miratohet dhe të zbatohet sa më shpejt”.

Zoran Zaev: “Ne jemi përkushtuar ndaj një procesi të reformave, plani të quajtur “369”. Ky nuk është vetëm çelësi për t’u futur në BE dhe në NATO, por ky është çelësi për krijimin e një sistemi shtetëror që funksionon, që ekziston për qytetarët, në të cilin kanë besim të gjithë qytetarët. Një sistem i cili mbron të gjithë qytetarët dhe hap mundësi për të gjithë qytetarët në një shoqëri për të gjithë. Në një shoqëri në të cilën, siç treguan zgjedhjet dëshirojnë të jetojnë e shumta e qytetarëve e Republikës së Maqedonisë, turq, serbë, romë, vlleh, boshnjakë dhe të tjerë”.

Në konferencën për shtyp të dy kryeministrave që pasoi mbledhjen e përbashkët të qeverive, Zaev shtoi se parashikonte që ligji për përdorimin e gjuhës shqipe në Maqedoni të miratohej përfundimisht brenda janarit të ardhshëm. Ai gjithashtu njoftoi se kishte propozuar që mbledhja e dytë e përbashkët e Qeverisë së Shqipërisë dhe asaj të Maqedonisë, të zhvillohej në Ohër ose Strugë, brenda gjysmës së parë të 2018-ës.
Korridori i 8-të dhe rruga e Arbrit do jenë në fokusin e dy shteteve përsa i përket infrastrukturës, ndërkohë që u firmosën edhe marrëveshje dhe memorandume të tjera mirëkuptimi./abcnews.al

 

 

 

vlcsnap-error083-1280x719.jpg
us er16:39 | 15/12/2017

Në mbledhjen e përbashkët të dy qeverive, Kryeministri Rama dhe homologu i tij maqedonas, Zaev, theksuan nevojën për forcimin e bashkëpunimit mes dy vendeve. Rama theksoi se Shqipëria është mikja më e madhe e Maqedonisë, ndërsa nënvizoi jetëzimin e Marrëveshjes së Ohrit. Ndërsa Zaev theksoi se Qeveria e tij kërkon një bashkëjetesë përtej paragjykimeve mes etnive në vend, duke parë te diversiteti forcën e Maqedonisë./abcnews.al

vlcsnap-error761-1280x720.jpg
us er15:04 | 15/12/2017

Qeveritë e Shqipërisë dhe Maqedonisë po zhvillojnë në Pogradec mbledhjen e parë të përbashkët, ku Kryeministri Rama priti me një ceremoni zyrtare homologun e tij maqedonas, Zaev. Në fund të mbledhjes së qeverive, dy kryeministrat do mbajnë një konferencë të përbashkët për shtyp. Sipas njoftimit të qeverisë shqiptare, në fokus të bisedimeve është përmirësimi i marrëdhënieve dypalëshe përmes bashkëpunimit të shtuar në fushën e infrastrukturës, ndërtimi i korridorit 8, intensifikimi i shkëmbimit të mallrave dhe shërbimeve si dhe forcimi i bashkëpunimit në fushën e sigurisë. Me këtë rast, do të nënshkruhen disa marrëveshje të përbashkëta e memorandume, si plani i konsultimeve periodike midis ministrive të Jashtme të të dy vendeve, një memorandum bashkëpunimi midis ministrive të Brendshme në luftën kundër ekstremizmit të dhunshëm dhe radikalizmit. Gjithashtu, një tjetër memorandum që do të nënshkruhet është dhe ai për intensifikimin e bashkëpunimit dypalësh përmes Institutit për Trashëgiminë Kulturore dhe Shpirtërore të shqiptarëve të Maqedonisë, një marrëveshje për ndihmë reciproke në manaxhimin e emergjencave, si dhe do të miratohet formimi i një Këshilli Ekonomik Dypalësh. Nesër dy Kryeministrat Rama dhe Zaev do të vizitojnë Pustecin, një zonë e banuar nga minoriteti maqedonas në qarkun e Korçës. Aty do të priten nga autoritetet vendase dhe do të asistojnë në dorëzimin e mjeteve mësimore për nxënësit e një shkolle./abcnews.al

vlcsnap-error092-1280x719.jpg
us er22:15 | 14/12/2017

Shqipëria dhe Maqedonia do zhvillojnë nesër pasdite në Pogradec mbledhjen e parë të përbashkët mes dy qeverive, në fund të të cilës, kryeministri Edi Rama dhe homologu i tij maqedonas Zaev, do mbajnë një konferencë të përbashkët për shtyp.

Sipas njoftimit të qeverisë shqiptare, në fokus të bisedimeve do të jetë përmirësimi i marrëdhënieve dypalëshe përmes bashkëpunimit të shtuar në fushën e infrastrukturës, ndërtimi i korridorit 8, intensifikimi i shkëmbimit të mallrave dhe shërbimeve si dhe forcimi i bashkëpunimit në fushën e sigurisë.
Gjatë takimit do të nënshkruhen disa marrëveshje të përbashkëta e memorandume, si plani i konsultimeve periodike midis ministrive të Jashtme të të dy vendeve, një memorandum bashkëpunimi midis ministrive të Brendshme në luftën kundër ekstremizmit të dhunshëm dhe radikalizmit, një tjetër memorandum për intensifikimin e bashkëpunimit dypalësh përmes Institutit për Trashëgiminë Kulturore dhe Shpirtërore të shqiptarëve të Maqedonisë, një marrëveshje për ndihmë reciproke në manaxhimin e emergjencave, si dhe do të miratohet formimi i një Këshilli Ekonomik Dypalësh.

Të shtunën Kryeministrat Rama dhe Zaev do të vizitojnë Pustecin, ku do të priten nga autoritetet vendase dhe do të asistojnë në dorëzimin e mjeteve mësimore për studentët e një shkolle lokale./abcnews.al

vlcsnap-error542-1280x720.jpg
us er19:17 | 06/12/2017

Kuvendi njoftoi zyrtarisht se Memo e Shërbimit të Monitorimit të Institucioneve të Pavarura si dhe një tjetër e Sekretarit të Përgjithshëm të Kuvendit, që kanë të bëjnë me çështjen e mandatit te kryeprokurorit dhe pasuesit të tij, do të diskutohen në një mbledhje të Komisionit të Ligjeve.
Kjo mbledhje është parashikuar të zhvillohet nesër, në orën 11:30. Sipas njoftimit, në mbledhje parashikohet të miratohet një projektvendim lidhur me procedurën që do ndiqet mbi prokurorin e përgjithshëm./abcnews.al

vlcsnap-error165-2.jpg
us er19:19 | 10/11/2017

Nxitja e turizmit për të krijuar kushtet që në vendin tonë të kemi infrastrukturë me 4 dhe 5 yje. Është vendimi më i rëndësishëm i qeverisë deklaroi kryeministri Edi Rama pas përfundimit të mbledhjes që u zhvillua në Dibër. Një tjetër vendim i bërë publik prej tij është prezantimi i projektit përfundimtar të rrugës së Arbrit.

Këshilli i Ministrave ndodhet në Dibër për të marrë vendimet e rradhës. I pari dhe më i rëndësishmi për kryemnistrin Edi Rama është vendimi për ta kaluar turizmin në një nivel tjetër, atë të infrastrukturës me 4 dhe 5 yje.
Dibranëve dhe jo vetëm do tu ndërtohet Rruga e Arbrit, prezantimi i projektit do të bëhet ditën e dytë të mbledhjes deklaroi kryeministri Rama.
Ky nuk është një premtim nga ta që nuk mbahet i siguroi Rama shqiptarët.
Për realizimin e këtij projekti kanë filluar disktutimet edhe me qeverinë maqedonase tha kreu i qeverisë. Gjatë qëndrimit në Dibër, ministrat e kabinetit qeveritar do të diskutojnë me banorët për bujqësinë dhe buxhetin e vitit 2018./abcnews.al

 

 

 

22854685_10212549296746364_114063373_n.jpg
us er12:55 | 26/10/2017

Qeveria e Katalonjës u mblodh në një takim maratonë për të vendosur hapin e rradhës para se senati spanjoll të miratojë kërkesën e Madridit për rimarrjen nën kontroll të Katalonjës. Palët janë ndarë në dy kahe pro dhe kundër shpalljes së pavarësisë. Nuk mjaftuan shtatë orë mbledhje gjatë natës për të gjetur një marrëveshje, me qeverinë katalanase e cila është e përcarë para mbledhjes së parlamentit ku mund të shpallet pavarësia. Sipas mediave spanjolle deri në orët e para të mëngjesit së të enjtes kanë vazhduar takimet dhe mbledhjet, presidenti katalanas Puidxhemont është këshilluar me anëtarët e ekzekutivit të tij, liderët e partive që kanë mazhoranvën por dhe me ente sovrane të ndryshme që mbështetën referendumin e 1 tetorit. Gjatë ditës pritet të nisë seanca e komisionit të senatit spanjoll ku do të analizohen dokumentet për hyrjen në fuqi të nenit 155 të kushtetutës spanjolle. Puidxhemon do të vazhdojë konsultimet e tij ndërsa një ditë më parë vendosi të mos flasë në senatin spanjoll. Presidenti katalanas është nën presion nga partitë që i kërkojnë të shpallë pavarësinë e njëanshme por dhe nga disa të moderuar të cilët kërkojnë që vendimi të shoqërohet nga mbajtja e zgjedhjeve të palrakohshme në vend. Asnjë nga drejtuesit që kanë marrë pjesë në mbledhjen maratonë nuk ka pranuar të komentojë për mediat. Vendimi mbetet në duart e Puidxhemon i cili gjatë natës pulbikoi në profilin e tij Tuiter hashtagun ” Republika e Ktalonjës” ku shkruan se nuk do të humbasë kohën me ata që duan të anulojnë vetëqeverisjen e rajonit


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono