mbjellja

42196417_2138675463127203_786753032699248640_n-1280x854.jpg
G. P.17:29 | 21/09/2018

Për të tretin vit radhazi në Tiranë do të nisë fushata e mbjelljes së pemëve. Kryetari i bashkisë kërkoi bashkëpunimin e qytetarëve për zhvillimin e kryqytetit.

Në Tiranë do të rinisë fushata e mbjelljes së 100 mijë pemëve. Kryetari i Bashkisë, Erion Veliaj, ftoi qytetarët t’i bashkohen nismës për qytetin gjatë aktivitetit “Për një Botë Plot Ngjyra” organizuar me rastin e Ditës së Bashkëpunimit Evropian.

Erion Veliaj, kryetar i Bashkisë së Tiranës: “Në qoftë se secili prej jush do të mbjellë një pemë për ditëlindje, Tirana mund të ketë edhe 100 pemë të tjera, ashtu si edhe 100 mijë pemët që mbollëm vjet. Ambicja jonë është që fushatën e mbjelljeve ta nisim muajin tjetër, nga fundi i tetorit. Ashtu siç na mëson edhe ky projekt bashkëpunimi, të gjithë duhet të japim një dorë”.

Përpara nxënësve të shkollave 9-vjeçare të Tiranës kryebashkiaku Veliaj theksoi se bashkëpunimi është kyç për të arritur progresin.

“Nëse e pengojmë njëri-tjetrin nuk vizatojmë dot, as nuk bëjmë dot piktura, as nuk mbjellim dot pemë, as nuk pastrojmë, sepse e kemi tërë kohën mendjen se si do t’i prishim punë tjetrit. Ndërkohë, kur bashkëpunojmë fitojmë të gjithë. Është shumë e rëndësishme të kuptojmë që në Europën ku duam të shkojmë bashkëpunimi është kyç. Europa është një vend që njerëzit nuk bëjnë luftë me njëri-tjetrin, nuk bëjnë sherre me njëri-tjetrin, nuk e pengojnë njëri-tjetrin, përkundrazi e ndihmojnë njëri-tjetrin”.

Tirana, sipas kryetarit të bashkisë, ofron të gjitha mundësitë që të rinjtë të shkëlqejnë në fusha të ndryshme./abcnews.al

vlcsnap-error899-1-1280x720.jpg
us er14:43 | 14/01/2018

2018-a do të jetë një vit rekord mbjelljesh në Tiranë. Premtimi vjen nga kryetari i Bashkisë, Erion Veliaj, i cili mori pjesë në aksionin e mbjelljes së 100 selvive në Unazën e Madhe.

100 pemë të reja të llojit selvi iu shtuan segmentit te Unazës së Madhe në Tiranë. Kryebashkiaku Erion Veliaj e cilësoi si një ogur të mirë që në fund të sezonit të mbjelljeve të thyejë rekordin e 100 mijë pemëve të reja.

“Nuk besoj se ka punë më të bukur se të qëndisësh Tiranën me pemë. Jam i bindur se në 2018-n do ta kapim rekordin e mbjelljes së 100 mijë pemëve në gjithë territorin e Tiranës. Kjo që shohim sot është kontributi i një njeriu që nuk është miliarder, që nuk ka lindur në Bllok, që as i ka lënë dikush trashëgimi, por një pjesë të suksesit të tij e ndan me qytetin e Tiranës. Po mbjellim 100 selvi nga secila anë e autostradës, në zonën e Saukut, dhe besoj se deri në fund të këtij sezoni mbjelljeje do të kemi markuar të gjithë atë segment që quhet Pylli Orbital”.

Kryebashkiaku përsëriti thirrjen drejtuar qyetarëve e bizneseve të kontribuojne për një qytet të gjelbër duke dhuruar pemë.
“U kemi bërë një sfidë të gjithë qytetarëve të Tiranës, për çdo ditëlindje, për çdo ceremoni, për çdo përkujtim, të dhurojnë një pemë ose një stol, kështu secili lë gjurmën e vet në qytet. Do keni mundësi që pas 10-15 vitesh, kur të mos jemi në bashki, të kemi mundësi të themi si qytet, që secili ka lënë gjurmën e tij në vendin që mori përsipër të ndihmojë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono