mbështetje

histori-filologji.jpg
G. P.14:13 | 14/01/2019

Protesta dhe ngujimi i studentëve nëpër fakultete, dekanati i Fakultetit të Histori-Filologjisë mbështet studentët plotësisht për kërkesat e tyre. Me anë të një deklaratë dekanati i këtij fakulteti thekson se rikonfirmon mbështetjen e protestës së studentëve dhe kërkesat e tyre të ligjshme. Dekanati i Histori-Filologjisë bën me dije se dënon ndërhyrjen e organeve të rendit në mjediset universitare, dhunimin e studentëve dhe janë kundër çdo lloj ndërhyrje dhe presioni. Më tej në deklaratë dekanati kërkon ndalimin e fushatës denigruese dhe të përbaltjes masive të trupës akademike universitare nga aktorë politikë dhe qeveritare.

Dekanati i fakultetit të Histori-Filologjisë në Tiranë propozon ngritjen e një strukture me pjesëmarrjen e të gjithë aktorëve për trajtimin dhe adresimin e problematikave që po kalojnë studentët. Në deklaratë thuhet se dekanati i këtij fakulteti rikonfirmon kërkesën për rishikimin thelbësor të Ligjit të Arsimit të Lartë dhe siguron studentët pë mbështetje maksimale. /abcnews.al

ERION-VELIAJ-NE-JAPONI.mpg_snapshot_00.08-1280x720.jpg
G. P.14:02 | 20/12/2018

Kryebashkiaku i Tiranës, Erion Veliaj gjatë vizitës së tij në Japoni ka marrë mbështetjen e qeverisë japoneze për financimin e projektit të menaxhimit të ujërave të zeza, si dhe ka dhënë një lajm të mirë për shtetasit shqiptarë që shumë shpejt mund të lëvizin pa viza drejt Japonisë.

Në vijim të vizitës së tij në Japoni, kryebashkiaku i Tiranës, Erion Veliaj, zhvilloi një takim me kreun e Agjencisë Japoneze të Zhvillimit, nga i cili mori garancinë për financimin e projektit për kanalet e ujërave të zeza dhe sistemin e tyre në Tiranë.

Erion Veliaj, kryetar i Bashkisë Tiranë: “Agjencia Japoneze e Zhvillimit do të vazhdojë me financimin e projektit për kanalet e ujërave të zeza dhe sistemin e filtrimit të ujërave të zeza në Tiranë. Kemi pasur disa probleme me ish-administratën e Ministrisë së Transporteve, të cilat janë në rrugën e zgjidhjes, dhe për gjithë qytetarët e Tiranës lajmi i mirë është se projekti do të vazhdojë”.

Veliaj u takua edhe me Ministrin e Punëve të Jashtme të Japonisë me të cilin bisedoi edhe për lëvizjen e lirë ku shumë shpejt pritet edhe heqja e vizave për qytetarët shqiptarë.

“Më në fund kemi një Ambasadë si në Shqipëri, ashtu edhe në Japoni, do të thotë se marrëdhëniet e vendeve janë në një nivel akoma më të lartë. Një nga kërkesat tona ka qenë edhe heqja e vizave për qytetarët shqiptarë, e cila po vlerësohet”.

Gjatë vizitës në Japoni, Veliaj pati takim edhe me shtetasit shqiptarë që studiojnë dhe punojnë në Japoni, tregues ky i marrëdhënieve të mira mes vendeve./abcnews.al

protesta-universiteti-i-arteve.jpg
G. P.14:39 | 13/12/2018

Protesta e studentëve ka bërë që Senati Akademik i Universitetit të Arteve pas një mbledhje të zhvilluar gjatë së enjtes të dalë me një deklaratë që mbështet protestën e studentëve. Senati Akademik i Universitetit të Arteve vendosi unanimisht të mbështesë kërkesat e formuluara nga studentët, të mbështesë përgjysmimin e tarifave të shkollimit dhe t’i kërkojë Bordit të Administrimit përllogaritjen e efektit financiar.

Senati Akademik i Universitetit të Arteve merr përsipër me përgjegjësi përfshirjen e të gjitha mekanizmave financiarë, materialë dhe proceduralë për të garantuar transparencë maksimale dhe realizimin e tyre brenda vitit akademik 2018-2019, të të gjitha hapave të duhura drejt një arsimimi artistik cilësor, etikës në krijimtari e kërkim shkencor, por dhe përfshirjes direkte të studentëve.

Në deklaratën e Senatit Akademik të Universitetit të Arteve theksohet se ky universitet merr përsipër përfshirjen në statut dhe rregulloret e brendshme të institucionit, kodifikimin e rregullave të qarta që do të garantojnë pjesëmarrjen e nevojshme të studentëve në veprimtaritë akademike dhe financiare.

Gjithashtu Senati Akademik vendosi se merr përsipër të ngrejë një grup të përbashkët pune, pedagogë dhe studentë, për shqyrtimin e të gjitha problematikave të ngritura dhe çështjeve të tjera që lidhen me përmirësimin e veprimtarisë së Universitetit të Arteve./abcnews.al

shqiperiaaaa.jpg
G. P.12:33 | 08/12/2018

Prej disa ditësh përpara Ministrisë së Arsimit, studentët protestojnë. Edhe këtë të shtunë ata ndodhen përpara institucionit më të lartë të arsimit me po të njëjtat kërkesa. Bashkë me ta pjesë e protestëts janë bërë qytetarë të ndryshëm, por edhe prindër dhe të afërm të tyre, të cilët janë shprehur se kërkesat e tyre janë të drejta.

“Në 90-n kam dalë kam qenë 36 sot jam 64 dhe akoma them Shqipëria si gjithë Europa. Është turp e faqja e zezë. Kështu si ka arritur Shqipëria. Po nuk u bashkuam me rininë ne kemi vdekur”, u shpreh një qytetare.

“Kemi ardhur me u bashkuar të gjithë si popull. Kam edhe unë gocën studente. Këta marrin lekë. Këta për një vërtetim që më duhet mua për shkollë marrin katër mijë lekëshin. Imagjino gjërat tjera që kërkon studenti, librat, gjëra që ka shkolla, taksat që paguajmë për shkollë. I lypin të gjitha lekët përnjëherë se nuk i ndajnë në dy këste”, tha një prind.

“Mbështes komplet studentët. Unë kam dy vajza studente. Janë akumuluar prej kohësh probleme të të gjitha viteve”, tha një tjetër.

“Sa jam kthyer nga jashtë në Shqipëri. Mendova se të gjithë ishin në gjumë, por më tërhoqi zëri i studentëve, duket shumë i fortë dhe kam pak më shumë shpresë që nuk paska vdekur gjithë zëri. Paska zë akoma”, u shpreh një qytetare.

“Jam tezja e një studenti dhe po njësoj vij t’i mbështes. Më bëhet zemra mal kur shikoj që ngrihen dhe protestojnë për të drejtat e tyre”, tha një e afërme./abcnews.al

studentja.jpg
G. P.18:36 | 07/12/2018

Studentët janë të vendosur. Ata kërkojnë plotësimin e kërkesave të tyre dhe kjo është e panegociueshme. Në ditën e katërt të protestës së tyre, në emisionin “Mbrëmje Ide” nga Mirela Milori ishte e ftuar studentja Flavia Osmani, 18 vjeç, e cila i qëndron arsyetimit që edhe moshatarët e saj kanë shprehur më parë se një grup i vogël në bisedime është i manipulueshëm nga partitë politikë. Ajo në këtë mënyrë i ktheu edhe një përgjigje kryeministrit Rama përsa i përket reagimit të tij këtë të martë ku kërkonte dialog.

“Me ata dhjetëra mijëra studentë është e pamundur të dërgohet një përfaqësi, që është shumë lehtë e manipulueshme nga partitë partiake. Sepse të jemi të sinqertë synimi ai mund të jetë. Pikat janë të qarta. Videoja ishte shumë e këndshme. Urime kryeministrit që na arriti të na kthejë këtë përgjigje”, u shpreh Flavia.

18-vjeçarja tregoi se ishte në protestë për të gjithë të rinjtë shqiptarë dhe është jo politike. Formulimi i kërkesave është shumë i qartë për të. Flavia tregoi gjithashtu se studentët e ndjejnë që të gjithë shqiptarët janë në mbështetje të tyre.

“Ideja është që formulimi i këtyre dy kërkesave nuk të lë rrugë të mesme. Ashtu siç brohorasim në rrugë nuk ka negociata dhe në studio do i qëndroj këtij mendimi.  Ishte shumë e bukur një zonjë e moshuar hyri te kangjellat e ministrisë dhe këndoi himnin kombëtar me ne. Na ndihmuan me shishe uji, me një fjalë të mirë. Ne e ndjejmë që na mbështet e gjithë Shqipëria”, tha ajo./abcnews.al

SORECA-NE-PATOS_ABC-M2-T1.mpg_snapshot_00.48-1280x720.jpg
G. P.12:07 | 27/11/2018

Ambasadori i BE Luigji Soreca shkoi ne Bashkinë e Patosit për të folur lidhur me barazinë gjinore. Në një takim të hapur u diskutua për rolin e gruas në procesin e Integrimit Europian.

Kanë zgjedhur Patosin si bashki që drejtohet nga një grua për të përcjellë një mesazh të fortë kundër diskriminimit gjinor. Për ambasadorin e BE në Shqipëri Luigi Soreca integrimi i Shqipërisë drejt BE-së kalon edhe nëpërmjet bashkive ndaj duhet të hartohen plane më specifike për barazinë gjinore.

Luigji Soreca, ambasadori i BE: “Qeveria shqiptare e di që mund të mbështetet tek Bashkimi Europian për ta bërë këtë gjë.”

Kryetarja e Bashkisë së Patosit Rajmonda Balilaj foli për projektet që premtojnë shanse të barabarta dhe një sistem referimi për rastet e dhunnës të ngritur në bashki.

Rajmonda Balilaj, kryetare e Bashkisë së Patosit: “Ne si ekip i bashkisë i kemi kushtuar një vëmendje të veçantë grave dhe angazhimit të tyre. Kemi arritur që përmes strukturave tona modeste të ngrejmë dhe të integrojmë nisma dhe projekte që fuqizojnë vajzat dhe gratë të luftohet diskriminimi gjinor dhe të luftohen shancet e barabarta, të ngrejnë një sistem referimi për rastet e dhunës dhe të hartojmë plane për barazinë gjinore.”

“Unë gruaja” së bashku mund të ndryshojmë të ardhmen ishte një takim i hapur publik mbi rolin e gruas në procesin e Integrimit Europian që erdhi në kuadër të ditës ndërkombëtare për eleminimin e dhunës ndaj grave për 16 ditë me mesazh “më dëgjo dhe mua”./abcnews.al

MAY-OPOZITA-MBULIM-ABC-M-5-T-2-HD.mpg_snapshot_00.59-1280x720.jpg
G. P.21:34 | 14/11/2018

Kryeministrja Thereza Mej ka siguruar mbështetjen e ministrave të saj për marrëveshjen e BREKSIT. Në përfundim të një mbledhjeje maratonë, Mej ka deklaruar se tani topi i kalon Parlamentit, bindja e të cilit do të jetë dhe sfida më e vështirë.

Pas disa orësh debat, kryeministrja britanike Thereza Mej ka fituar mbështetjen e kabinetit të saj për marrëveshjen e Breksit. Megjithatë, ajo ka kritikuar rezervat e shprehura nga disa prej anëtarëve të qeverisë gjatë diskutimeve që zgjatën 5 orë. Në përfundim të tryezës, Mej ka deklaruar se ekzekutivi kishte marrë vendimin e vështirë për të mbështetur draftin e rënë dakord me Brukselin. Ajo tha se vendimi i kabinetit kishte qenë kolektiv, por nuk saktësoi nëse mbështetja e ministrave kishte qenë unanime. “Alternativat krahas marrëveshjes ishin dalja pa një marrëveshje, ose qëndrimi i mëtejshëm në Bashkimin Europian”, tha Mej.

“Marrëveshja ishte më e mira që mund të negociohej”, vijoi ajo, duke shtuar se përpara ndodhen ditë të vështira. “Vendimi ynë do të kontrollohet imtësisht. Por në mendjen dhe zemrën time besoj se akordi ishte në përputhje me interesin kombëtar”, shtoi Mej. Të enjten, kryeministrja britanike do ta sqarojë vendimin e kabinetit të saj në Parlament, ku sigurimi i mbështetjes nga ligjvënësit do të jetë një sfidë më vete. Në seancën e së mërkurës, lideri i laburistëve Xheremi Korbin deklaroi se me marrërveshjen në fjalë Mbretëria e Bashkuar do të mbetet në mes të rrugës dhe nuk do të jetë në gjendje të thotë fjalën e saj për rregullat tregtare. Korbin tha se, kryeministrja Mej ka vendosur një alternativë të rremë përpara ligjvënësve, e ndarë mes marrëveshjes së kundërshtuar të saj dhe një marrëveshjeje inekzistente./abcnews.al

homofiliket-1280x712.png
G. P.15:19 | 30/10/2018

Italia do t’i sigurojë Shqipërisë mbështetje për trajtimin e të sëmurëve me hemofili. Kjo u bë e ditur në takimet e zhvilluara në Itali nga ministrja e Shëndetësisë dhe Mbrojtjes Sociale, Ogerta Manastirliu, me përfaqësues të Senatit italian.

Bashkëpunimi do të formalizohet me një marrëveshje mes dy vendeve, e cila pritet të firmoset së shpejti nga dy ministrat respektivë të Shëndetësisë. Ministrja Ogerta Manastirliu vlerësoi mbështetjen e Italisë për të siguruar ndihmë konkrete për sigurimin e faktorit 8, i cili është jetik për të gjithë të sëmurët hemofilikë në vendin tonë.

Këta pacientë shpesh hasin në vështirësi për trajtimin e problemeve të tyre shëndetësore./abcnews.al

LETRA-PER-ZAEV-SHBA-1280x720.jpg
ent ela12:28 | 14/10/2018

Kryeministri i Maqedonisë, Zoran Zaev ka pranuar një letër nga Shtetet e Bashkuara. Në të, nënpresidenti Pence siguron Shkupin për mbështetje të vazhdueshme.

Nënpresidenti i Shteteve të Bashkuara të Amerikës, Michael Pence i dërgoi një letër kryeministrit të Maqedonisë, Zoran Zaev, në të cilën ai shprehu mbështetjen e vazhdueshme në këtë moment vendimtar për vendin. Në letrën e tij, nënpresidenti Pence vlerëson angazhimin për arritjen e marrëveshjes, ndërsa thekson se 90 për qind e atyre që votuan në referendum e miratuan marrëveshjen e Prespës dhe në këtë mënyrë kanë konfirmuar angazhimin për të ardhmen evropiane të Maqedonisë.

“Shtetet e Bashkuara vlerësojnë angazhimin tuaj për siguri dhe stabilitet më të madh në rajon. Të jeni të sigurt për mbështetjen time të vazhdueshme në këtë moment vendimtar për vendin tuaj”, thuhet në letër.

Ndër të tjera, Pence thotë se është nder për të, të takohet me kryeministrin Zaev më 20 shtator në Shtëpinë e Bardhë në Uashington. Gjithashtu vlerësoi mundësinë për të diskutuar me shefin e qeverisë së Shkupit, implementimin e Marrëveshjes së Prespës. /abcnews.al

haley.jpg
G. P.14:45 | 21/09/2018

Administrata amerikane mbështet Kosovën dhe qëndrimi i Shteteve të Bashkuara të Amerikës nuk ka ndryshuar dhe mbetet vend mik. Deklarata u bë nga ambasadorja amerikane në Kombet e Bashkuara, Nikki Haley.

Ambasadorja amerikane në Kombet e Bashkuara, Nikki Haley, u shpreh se qëndrimi amerikan për Kosovën nuk ka ndryshuar dhe ajo mbetet vend mik i Shteteve të Bashkuara.

E pyetur nga gazetarët për qëndrimin amerikan në dritën e deklarimit të mëhershëm të këshilltarit për siguri kombëtare John Bolton që nëse të dyja palët arrijnë marrëveshje, Shtetet e Bashkuara nuk e përjashtojnë “rregullimin territorial”, ajo tha se nuk mendonte se qëndrimi i administratës amerikane kishte ndryshuar. Haley theksoi se mund të ketë zëra individualë në administratë që flasin, por kur flitet si administratë, do të flitet me një zë të vetëm.

Në Kosovë, presidenti Thaçi përballet me kundërshtimin e një pjesë të partive në pushtet dhe partitë opozitare përsa i përket idesë së tij për korrigjim kufijsh me Serbinë. Lëvizja Vetëvendosje madje ka paralajmëruar protesta.

Mediat kosovare raportojnë se presidenti Thaçi, përballë pamundësisë për të siguruar mbështetje për një marrëveshje të mundshme i ka dërguar Gjykatës Kushtetuese një kërkesë për interpretimin e nenit 18 të Kushtetutës së Kosovës, që flet për ratifikimin e marrëveshjeve ndërkombëtare.

Ky nen i Kushtetutës thotë se Kuvendi i Republikës së Kosovës me votat e dy të tretave  e të gjithë deputetëve ratifikon marrëveshjet ndërkombëtare ndër të tjera dhe për çështje si territori, paqen, aleancat, çështjet politike dhe ushtarake.

Në këtë mënyrë sipas mediave, Thaçi synon të shmangë miratimin e parlamentit për të negociouar në Bruksel me Serbinë dhe për korrigjimin e kufijve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono