mbështetje

2f62fa54-545a-4978-98a9-e2c036adc796-1280x622.jpg
Sej rie18:00 | 24/07/2019

Mëngjesin e së mërkurës Teatri Kombëtar u rrethua nga forca të shumta policie. Artistë dhe qytetarë të  Aleancës për teatrin  u vendosën në hyrjen kryesore të godinës duke kundërshtuar,  zhvendosjen  e orendive  dhe rekuizitës historike  nga punonjësit e teatrit kombëtar për tek arturbuina.

Në këtë çast nisi përplasja verbale dhe fizike mes uniformave blu dhe artistëve.

Në mbështetje të artistëve erdhën edhe kryetari i Partisë Demokratike Lulzim Basha, ish deputetë demokratë dhe qytetarë të Tiranës.

Më pas nga jashtë protesta u zhvendos brenda godinës. I pari që shkeli në teatër ishte Lulzim Basha.

Një pjesë e artistëve hynë nga dritaret anësore tek pjesa e pishinës.

Një qytetare humbi ekuilibrin dhe menjëherë i erdhi në ndihmë ambulanca për t’i dhënë ndihmën e shpejtë.

Artistët pas një viti u ngjitën në skenë, duke   recituar pjesë të ndryshme.

Mallin për magjinë e kësaj skene është refreni i tyre.

Kryetari i partisë demokratike qëndroj së bashku me artistët një orë dhe ai shprehu mbështetjen e tyre,  Basha është shprehur se projekti për ndërtimin e një teatri të ri ka për qëllim grabitjen e tokës.

Më pas brenda teatrit u ndërpre energjia elektrike, por artistët janë të vendosur ta vazhdojnë protestën  në sallë.

Ndërkohë që edhe në holl nuk kanë munguar përplasjet verbale mes protestuesve me policinë. Aleanca kërkon që policia të rreshtohet me to në mbrojtje të teatrit.

Ditën e enjte pritet që të zbardhet edhe marrëveshja e bërë mes opozitës dhe aleancës për mbrojtjen e teatrit./ABC News Albania 24/7

ambasadorja-1280x703.jpg
Sej rie17:00 | 07/07/2019

Përmes një video-mesazhi, ambasadorja e re amerikane në Shkup ka deklaruar se do të punojë për përforcimin e marrëdhënieve mes Shteteve të Bashkuara dhe Maqedonisë së Veriut dhe do të mbështesë përpjekjet për anëtarësim në BE.

“Tashmë 25 vite punoj si diplomate amerikane në promovimin e sigurisë, progresit , të drejtave të njeriut, sundimit të së drejtës dhe tregjeve të hapura. Maqedonia e Veriut tashmë ka zgjedhur rrugën drejt NATO-s dhe BE-së. Ekipi i Ambasadës së SHBA në Shkup dhe unë, do të punojmë të ndihmojmë Maqedoninë e Veriut gjatë kësaj rruge dhe për të krijuar mundësi të reja bashkëpunimi”.

Gjatë një mesazhi të përbashkët me bashkëshortin e saj, theksojnë se me padurim presin t`i vizitojnë lokalitetet e njohura të vendit, për të mësuar për historinë dhe diversitetet kulturore.

 “Nga Çarshia e Vjetër deri tek Kanjoni Matka, Xhamia e Larme në Tetovë, Liqeni i Ohrit edhe më shumë. Presim që së bashku t`i kalojmë këto shtigje”.

Pas konfirmimit të nominimit të saj, muajin e kaluar ajo dha betimin si ambasadore e re SHBA në Maqedoninë e Veriut. Byrnes vjen nga Athina ku kishte ushtruar funksionin e zv/ambasadorit të SHBA në Greqi dhe do të zëvendësojë Baily i cili u largua nga funksioni në Mars të këtij viti.

/ABC News Albania 24/7

edi-ramama-1280x723.jpg
Sej rie18:30 | 05/07/2019

Kryeministri Rama ndodhet në  Poloni në takimin e radhës për Procesin e Berlinit. Ai u takua me Presidentin Polak, i cili i garantoi mbështetje në prespektivën e integrimit të Ballkanit Perëndimor.

Në Poznan të Polonisë, kancelarja gjermane Angela Merkel zhvilloi takimin  e radhës me liderët e Ballkanit Perëndimor.

Kryeministri Rama, pjesë e këtij samiti, zhvilloi disa takime, duke përfshirë homologun francez.

Kreu i qeverisë shqiptare u takua edhe me Presidentin e Polonisë, Andrzej Duda, i cili dha mbështetje për integrimin e Ballkanit.

“Të gjithë theksuan idenë që integrimi evropian është sot vizioni më i rëndësishëm që bashkon të gjithë rajonin, e mungesa e këtij vizioni do të destabilizonte seriozisht Ballkanin. Si pjesë e komunitetit evropian, ne jemi të detyruar të caktojmë një datë të qartë për integrimin. Do të përsëris këtu të njëjtat fjalë që thashë edhe në Samitin e Tiranës. Polonia nuk do të pranojë që vendet e rajonit të përfshihen në një vrapim, pa një vijë finishi në horizont. Inkurajoj këtë mesazh që të jetë një deklaratë e qartë e këtij Samiti të Poznanit”.

Në fund të Samitit, kryeministri Rama bëri një bilanc të takimit, duke evidentuar nevojën e ndërsjelltë të Evropës dhe Ballkanit për tu bashkuar./ABC News Albania 24/7

1_EDUCATION-GCSEs-Albania-134303.jpg
Sej rie17:10 | 19/06/2019

Një peticion për të parandaluar deportimin e një nxënësi shqiptar ka mbledhur më shumë se 6,000 nënshkrime. Stiven Bregu, 18 vjeç, u trafikua nga Shqipëria për në Britani të Madhe në vitin 2015 me qëllim që t’i shpëtonte një jete të dhunshme, dhe u la nga trafikantë në Keynsham pranë Bristolit.

Kur arriti për herë të parë në Britani ishte vetëm 13-vjeç dhe nuk dinte të fliste farë anglisht. Ai u dërgua në një qendër për të mitur dhe aty filloi të mësonte gjuhën ku arriti rezultate të jashtëzakonshme. Adoleshenti shqiptar kushte bërë kërkesë për azil, por i është mohuar.

Stiven tha: “Kam studiuar shumë dhe dua të ndërtoj të ardhmen time këtu. Gjithçka që dua është të më jepet shansi të qëndroj, për të kontribuar diçka në Bristol, ku e ndej veten si në shtëpinë time”.

Mësuesi kujdestar i Stivenit, Rob Shaw i cili lançoi peticionin të martën, e përshkroi situatën si “të frustruar”.

“Ne kemi investuar aq shumë në Stiven. Shkolla ka të bëjë me përgatitjen e nxënësve për të ardhmen e tyre dhe tani nuk do t’i jepet kjo mundësi. Si qytetar britanik, nuk është një moment krenar”, tha ai.

‘Pasuri e madhe’

Shaw tha gjithashtu se Stiven ka aftësi të jashtëzakonshme në Biologji, Kimi dhe Matematikë, raporton BBC.

Mësuesja Elisabeth Gilpin shtoi se Stiven është një “student i shkëlqyer dhe një pasuri e madhe për shkollën”.

Stiven ka marrë edhe vëmendjen e kryebashkiakut të Bristolit, Marvin Rees, pasi nxënësi shqiptar u përzgjodh si më i mirë dhe u ndihmua financiarisht nga bashkia.

Rees tha: “Duke pasur parasysh të gjitha arritjet e tij, duhet thënë se janë të jashtëzakonshme. Ideja që ta detyrojë atë të largohet nga vendi është absurde”.

Një seancë dëgjimore kundër dëbimit të tij do të mbahet më 15 Korrik. Ndërsa ende nuk ka një reagim zyrtar për rastin në fjalë./abcnews.al

lleshaj1.jpg
Sej rie09:15 | 12/06/2019

Mbështetje nga eurodeputetët për hapjen e negociatave Ministri i Brendshëm Sandër Lleshaj dhe Ministrja e Drejtësisë Etilda Gjonaj morën pjesë në një veprimtari kushtuar integrimit europian të Shqipërisë, e cila u zhvillua në Parlamentin Europian, nën kujdesin e grupit parlamentar të Aleancës Progresive të Socialistëve dhe Demokratëve (S&D) në PE.

Veprimtaria u moderua nga eurodeputeti Knut Fleckenstein dhe në të morën pjesë deputetë të Parlamentit Europian, përfaqësues të trupit diplomatik të akredituar në Bruksel, përfaqësues të agjencive të ndryshme europiane, studentë etj. Ministrat Lleshaj dhe Gjonaj prezantuan progresin e Shqipërisë në procesin e integrimit europian, me fokus luftën kundër krimit te organizuar dhe korrupsionit, frenimin e migracionit të paligjshëm si dhe reformën në drejtësi.

Në pyetjet dhe diskutimet e pjesëmarrësve u evidentua dhe u vlerësua progresi i dukshëm i bërë nga Shqipëria si dhe u shpreh mbështetje pa ekuivoke për hapjen e negociatave të anëtarësimit të saj, sipas rekomandimit të Komisionit Europian. Pas veprimtarisë në Parlamentin Europian, ministrat Lleshaj dhe Gjonaj iu përgjigjën pyetjeve të gazetarëve gjatë një konference të përbashkët për mediat./abcnews.al

protestat.jpg
G. P.23:30 | 02/06/2019

“New York Times” i ka kushtuar një shkrim manifestimeve që kanë përfshirë në muajt e fundit Ballkanin. Duke cituar edhe Shqipërinë, gazeta prestigjioze shkruan se opozita proteston prej disa muajsh. Por kryeministrin  Rama i mbështetur nga SHBA dhe BE, ndihet i sigurt në pushtetin e tij.

Gazeta prestigjioze amerikane, “New York Times” i ka kushtuar vëmendje protestave që kanë përfshirë së fundmi rajonin. Në një shkrim me titull “Pranvera ballkanase në sezonin e verës”, “New York Times” tregon se si në Shqipëri, por edhe Bosnje e Serbi, qytetarët kanë mbushur rrugët në shenjë pakënaqësie ndaj qeverisjes.

“Pavarësisht specifikave, të gjitha protestat janë të nxitura nga ndjesia se qeveritë drejtohen nga kleptokratë me tendenca autoritare, që përfitojnë nga demokracia e brishtë dhe mungesa e kontrolleve ndaj pushtetit ekzekutiv”, thuhet në shkrimin e “New York Times”.

Gazeta e njohur vlerëson se, aty ku dikur kishte shpresë se rruga e anëtarësimit europian do të nxiste liderët të ndërmerrnin reforma ka ndodhur e kundërta.

“Në Shqipëri protestuesit mblidhen prej muajsh dhe madje janë përpjekur të bastisin Parlamentin, teksa kërkojnë dorëheqjen e kryeministrit Edi Rama, të cilin e akuzojnë për korrupsion dhe vjedhje votash”, shkruan “New York Times”.

Megjithatë, vijon gazeta, Rama, i mbështetur nga Shtetet e Bashkuara dhe Bashkimi Europian, duket i sigurt në pushtetin e tij. Duke cituar njohës të situatës, media prestigjioze vlerëson më tej se situata paraqitet e tillë edhe në vendet e tjera të Ballkanit.

Por zyrtarët në Bruksel, të trembur nga prirjet nacionaliste brenda bllokut, interes parësor në rajon kanë stabilitetin, edhe me kusht që të mos funksionojnë institucionet demokratike./ABC News Albania 24/7

715111.jpg
Sej rie14:55 | 28/05/2019

Në Cherbourg të Francës, një familje shqiptare kërcënohet me dëbim. Mësuesit, stafi i kolegjit, prindërit, zyrtarë lokal dhe qytetarë kanë dalë në mbështetje të familjes shqiptare.

Mobilizimi u mbajt dje pasdite, para Kolegjit të Cherbourg (Manche), atu ku ndjek shkollën Dorentina Sokoli, njëra nga 4 fëmijët e familjes.

Më 6 maj 2019, policia u përpoq ta dëbonte familjen, pasi po qëndron ilegalisht në territorin francez. Situata ishte përkeqësua pasi familja kishte kundërshtuar dhe prefektura kishte hequr dorë nga operacionin.

Familja Sokoli arriti në Francë në vitin 2015 dhe një vit më vonë ishte vendosur në Cherbourg. Tani ajo po kërcënohet me dëbim për të lënë territorin francez (OQTF), vendim i miratuar nga prefektura e La Manche.

Kur policia bastisi në shtëpinë e familje shqiptare në 6 Maj, u kishte kërkuar që të dorëzonin pasaportat dhe të mblidhnin gjërat.

“Policët erdhën tek ne, ata kërkuan të dorëzonin pasaportat dhe na thanë për të bënim gati çantat”, tha Dorentina Sokoli, e cila është duke përfunduar edhe kursin e patentës.

“Është e nevojshme që ajo të kalojë provimet me qetësi, që ajo të ketë rezultate të mira”, argumenton profesori i historisë dhe gjeografisë François Hubert.

Grupi mbështetës gjithashtu dëshiron që të  rishqyrtohet situata e familjes. Sipas kolektivit, familja është integruar në mënyrë të përkryer.

 “Kjo është një familje shumë aktive, e integruar në bashkësinë e famullisë”, thotë prifti Olivier Lepage.

Grupi dëshiron që të merret parasysh edhe gjendja shëndetësore e babait të familjes. Gjendja e tij shëndetësore dhe mungesa e sigurisë në Shqipëri, bënë që ai bashkë me familjen të emigronte drejt Francës.

Nëse prefektura refuzon sërish kërkesë, grupi mbështetës e pohon se çështje do ta dërgojë në Gjykatën Evropiane të të Drejtave të Njeriut./abcnews.al

franca-1280x720.jpg
Sej rie20:45 | 23/05/2019

Franca mbështet hapjen e negociatave të anëtarësimit me Maqedoninë e Veriut. Ambasadori francez në Shkup ka deklaruar se vendi ka bërë progres dhe se presidenti Emanuel Makron ka folur qartë sa i takon së ardhmes europiane të Ballkanit.

Vetëm disa ditë para publikimit të raportit të vendimeve të mëdha me ritme të shpejta e përgatisim administratën, sepse ajo duhet të jetë pasqyrë e administratës evropiane, deklaroi sot zëvëndëskryeministri për çështje evropiane Bujar Osmani. Osmani theksoi se jokonsolidimi i institucioneve ka qenë kryesisht për shkak të paparashikueshmërisë së vendit, tani Maqedonia ka të ardhme të parashikueshme, nuk është pyetja a do të ndodhë, por kur do të jetë Republika e Maqedonisë së Veriut pjesë e familjes evropiane.

 Për ambasadorin francez Kristijan Timonie është e rëndësishme të bashkohen të gjitha palët e ndryshme politike në ndërtimin e të ardhmes së përbashkët evropiane, edhe Bashkimi Evropian ballafaqohet me vështirësi, por ne jemi gjithmonë në anën tuaj.

Kristijan Timonie, ambasador i Francës: “Franca angazhohet me të vërtetë dhe e publikoi strategjinë e saj për vendet e Ballkanit perëndimor, ku Maqedonia e Veriut e ka vendin e vet. Maqedonia zë vend të rëndësishëm të asaj strategjie, konkretisht do të fillojmë më mbështetje, së shpejti Agjencia Franceze për zhvillim do të fillojë të veprojë këtu përmes organizimit të trajnimeve të ndryshme në fushën e arsimit, gjithashtu edhe për përgatitjen e vendit të cilin e presim te ne”.

Ambasadori I Francës i pyetur rreth deklaratës së djeshme të ish ministres për çështje evropiane në qeverinë e Emanuel Makron dhe tani kryesuese e listës për çështje evropiane të “Republikës në lëvizje”, Natali Loazo, e cila në mënyrë kategorike tha “JO” për fillimin e negociatave për hyrje të Maqedonisë së Veriut dhe të Shqipërisë në BE, Timonie u shpreh se ai është përfaqësues i presidentit të Republikës së Francës.

Kristijan Timonie, ambasador i Francës:Unë jam përfaqësues i Republikës Franceze dhe vetëm do ti përsëris fjalët e presidentit francez se perspektiva evropiane e vendeve të Ballkanit perëndimor është shumë e qartë dhe unë punoj në atë drejtim së bashku me mikun tim, nënkryetarin e qeverisë, për realizimin e atij qëllimi”.

Seminari ndërkombëtar “Sekretariati për çështje evropiane, qendra për trajnim dhe dimensioni i burimeve njerëzore” ka për qëllim të bëjë trajnim të të punësuarve në më shumë institucione në vend, ndërsa vendin qendror e ka Sekretariati për çështje evropiane, i cili ka rol kyç në procesin e integrimeve. Ky projekt mbështetet nga Agjencia franceze për zhvillim./ABC News Albania 24/7

moses-ones.jpg
Sej rie16:15 | 17/05/2019

Ambasada e Shteteve të Bashkuara të Amerikës ka mbështetur Ministrinë e Arsimit në projektin “Shkollat si qendra komunitare” në përpjekje kundër ekstremizmit të dhunshëm.

Në mbyllje të tij e ngarkuara me punë e Ambasadës së SHBA-së në Tiranë Leyla Moses-Ones u shpreh se pilotimi i programit ka shërbyer për të promovuar paqen dhe jo dhunën.

“Strategjia ka bërë që edhe aktorët vendas të ndërgjegjësohen për të trajtuar këtë fenomen”, deklaroi e ngarkuara me punë e Ambasadës së SHBA në Tiranë, Leyla Mozes-Ones.

Projekti i parë kundër ekstremizmit u mbajt në Shtëpinë e Bardhë në vitin 2015. Më vonë një samit për këtë temë u zhvillua në Tiranë, ku liderët politikë shqiptarë dhe në Ballkan vunë në dukje se ekstremizmi dhe terrorizmi duhet luftuar./ABC News Albania 24/7

rita-ora.jpg
G. P.22:01 | 10/04/2019

E ndodhur në Kosovë në kuadër të një programi të UNICEF, këngëtarja e famshme me origjinë shqiptare Rita Ora ka deklaruar se do të punojë për mbështetjen dhe promovimin e projekteve të të rinjve kosovarë.

Rita Ora ka befasuar të rinjtë nga e gjithë Kosova që merrnin pjesë në një ngjarje të organizuar nga UNICEF-i. Ajo tha se është mahnitur me punën e të rinjve që po bëjnë në Kosovë, duke thënë se nuk do të kursej kontributin e saj për fuqizimin e tyre.

“Pata kënaqësinë e madhe të takoj të rinj të Kosovës. Do të mundohem të bëj gjithçka mundem që t’i inspiroj dhe t’i mbështes të rinjtë. Shpresoj t’i kem inspiruar. Jam e nderuar të jem këtu me të gjithë këta që punojnë për UNICEF-in. Jam krenare që jam nga këtu, nga Kosova dhe pres me padurim t’i mbështes të rinjtë e vendit tonë”, tha Rita Ora.

Këngëtarja shqiptare me famë botërore këtyre ditëve ka vizituar fëmijë, të dhe të rinj në familje të  varfra në Kosovë ku është njoftuar për së afërmi për sfidat e tyre me të cilat ballafaqohen./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono