mbështet

tweet-trump-conte-1280x720.jpg
nev ila12:36 | 28/08/2019

 

Me anë të një mesazhi në Twitter, Presidenti amerikan Donad Trump ka mbështetur idenë e një qeverie të dytë me Kryeministër Conten në Itali. Ndërkohë, CNN shpjegon se pse kreu i Shtëpisë së Bardhë mbështet Conten.

CNN shpjegon se pse kreu i shtëpisë së Bardhë Donald Tramp ka vendosur të mbështesë Conten për një tjetër qeveri nën drejtimin e tij në Itali. Gjatë samitit të G7-ës në Biaritz, Francë, kryeministri i dorëhequr i Italisë mbështeti presidentin amerikan në domosdoshmërinë për të pranuar Rusinë në klubin e të mëdhenjve duke krijuar sërish G8-ën.

Sipas agjencisë së lajmeve CNN, Konte dhe Trump kanë zhvilluar një bisedë shumë të ndezur së bashku me liderët e tjerë për ripranimin e Moskës.

Rusia u përjashtua nga G8 në vitin 2014, pas aneksimit të Krimesë. Përballë këmbënguljeve të Trump për ripranimin e Rusisë gjatë G7-ës; ishte rezistenca në mënyrë të veçantë e kancelares gjermane Merkel dhe kryeministrit britanik Boris Xhonson, raporton CNN.

Kryeministri Italian, tashmë i dorëhequr, mbështeti kreun e shtëpisë së bardhë, dhe në shkëmbim të kësaj Trump sapo u rikthye në Uashington lavdëroi qëndrimin e mbajtur nga Konte.

Me anë të një publikimi në Twitter Trump u shpreh se Konte përfaqësoi Italinë në mënyrë shumë të denjë në samitin e G7-ës, madje e cilësoi si një njeri me talent të madh, dhe do të ishte mirë sikur të qëndronte në postin e kryeministrit.

Edhe në qershor të vitit 2018 në samitin e G7-ës në Kanada, Konte kishte kërkuar një mundësi për pranimin sërish të Moskës në tryezën e të mëdhenjve./ABC News Albania 24/7

greqia-1.jpg
nev ila16:55 | 30/07/2019

 

Athina zyrtare shprehet e gatshme të mbështesë Shqipërinë në hapjen e negociatave me Bashkimin Europian, por kjo do të ndodhë vetëm pas plotësimit të disa kushteve. Vendimi i qeverisë greke pritet në muajin tetor.

Në muajin tetor, qeveria e re greke do të duhet të japë ose jo konsensusin për hapjen e negociatave të anëtarësimit në BE të Shqipërisë dhe Maqedonisë së veriut. Nga kjo do të varen marrëdhëniet në të ardhmen të Athinës me Tiranën dhe Shkupin.

Ky është përfundimi i analistëve grekë, pas shqyrtimit të programit të qeverisë Micotaqis, tri javë pas fitores në zgjedhjet e 7 korrikut.

Gazeta më e madhe konservatore, Kathimerini, i kushton një analizë të gjatë kësaj teme.

Gazetari Stavros Tzimas, ndoshta njohësi më i mirë i çështjeve ballkanike në Greqi, nënvizon në analizën e tij se “Athina nuk do të bëhet pengesë në procesin e integrimit të dy vendeve fqinje, por nuk ka për ta dhënë konsensusin pa marrë dicka në shkëmbim”.

Tzimas citon një burim pranë kryeministrit sipas të cilit “Athina nuk do të thotë “jo” për asnjërin prej dy vendeve, por do të shtrojë edhe kushtet e saj”.

Sipas analistit grek, kushti për Maqedoninë e veriut do të mund të jetë zbatimi me rigorozitet i marrëveshjes së Prespës. Ndërsa për Shqipërinë, dhënia e garancive mbi respektimin e konventave ndërkombëtare për të drejtat e minoritetit.

Ndërkaq, Tzimas thekson se “Me Shqipërinë, gjërat janë më të komplikuara”, duke iu referuar situatës së brendshme politike, që sipas tij do të mund të ketë impakt në vendimin e liderëve europianë për dhënien e datës së hapjes së negociatave.

Analisti grek nuk le jashtë vëmendjes faktin se nga Tirana zyrtare, vetëm presidenti Meta e uroi për fitoren zotin Micotaqis.

Kryeministri socialist Edi Rama po hesht, ndoshta sepse po pret nga homologu i ri grek qëndrimet e qeverisë së tij për axhendën e marrëdhënieve dypalëshe, të cilat prej kohësh kanë temperatura Siberie”, thekson analisti Tzimas./ABC News Albania 24/7

 

66712637_2369297300006564_2453215174069321728_n.jpg
Sej rie21:45 | 16/07/2019

Ministri në Detyrë për Evropën dhe Punët e Jashtme Gent Cakaj ka bërë publike detaje nga takimi me zyrtarin e lartë amerikan Philip Reeker, i cili shërben si Ndihmës Sekretar i Shtetit. Cakaj shkruan në një postim në Facebook se SHBA mbështet hapjen e negociatave në Tetor.

Gent Cakaj: Kënaqësi e veçantë takimi me Ndihmës Sekretarin Amerikan të Shtetit në detyrë për Çështjet Evropiane dhe të Azisë, z. Philip Reeker 🇦🇱🇺🇸🙏! !

Në këtë takim edhe një herë u nënvizua marrëdhënia e shkëlqyer dhe partneriteti i patjetërsueshëm strategjik midis Shqipërisë dhe Shteteve të Bashkuara të Amerikës!

Në takim u nënvizua rëndësia e konsolidimit të mëtejmë të bashkëpunimit rajonal dhe nevoja absolute e mbylljes së çështjeve dypalëshe në të gjithë hapësirën e Ballkanit Perëndimor. Angazhimi i ShBA-ve do të jetë maksimal në shërbim të realizimittë këtij objektivi.

Shtetet e Bashkuara të Amerikës konsiderojnë se reforma në drejtësi s’mund të jetë subjekt i asnjë kompromisi dhe ajo përbën një model për rajonin dhe përtej. Bazuar mbi modelin e pakrahasueshëm të reformës në drejtësi dhe rëndësinë gjeostrategjiketë thellimit të lidhjeve midis Shqipërisë dhe BE-së, ShBA-të mbështesin në mënyrë absolute hapjen e negociatave për anëtarësim në tetor.

Po ashtu, Shqipëria është një partner strategjik i SHBA-ve dhe aleat aktiv në kuadër të NATO-s me kontribut të spikatur në operacionet paqeruajtëse të Aleancës. ShBA-të vlerësojnë pozitivisht rritjen progresive të buxhetit të mbrojtjes së Shqipërisë për ta jetësuar planin për realizimin e 2% të buxhetit në shërbim të mbrojtjes deri në 2024.

Shqipëria është e përkushtuar ta thellojë bashkëpunimin e kultivojë partneritetin me ShBA-të në të gjitha fushat përkatëse! Orientimi euroatlantik është themeli vleror i politikës së jashtme të Shqipërisë në përgjithësi! ShBA-të janë referenca e pazëvendësueshme dhe e patjetërsueshme e politikës së jashtme të Shqipërisë 🇺🇸🇦🇱🤝!

parlamenti-europian1-1280x878.jpg
nev ila18:38 | 29/05/2019

Ditën e sotme Komisioni Europian ka dhënë për herë të dytë rekomandimin pozitiv për çeljen e negociatave pa kushte të Bashkimit Europian me Shqipërinë, vendim që do të merret muajin e ardhshëm në parlamentin europian nga vendet anëtare.

Sipas përfaqësueses së lartë të BE Federica Mogherini, Shqipëria i ka bërë detyrat e saj dhe tani është radha që BE të bëj punën e tij. Mbi këtë do të varet edhe besueshmëria dhe stabiliteti i unionit, theksoi Mogherini gjatë prezantimit të raportit.

Pas rekomandimit të Komisionit Europian se vendet anëtare të BE duhet të votojnë pro hapjes së negociatave me Shqipërinë ka ardhur dhe shenja e parë e mirë për rrugën e Shqipërisë drejt BE.

Ministria e jashtme Sllovene përmes një statusi në Twitter në faqen e saj zyrtare, ka njoftuar se ka mirëpritur rekomandimin e Komisionit Europian dhe se mbështet Shqipërinë dhe Maqedoninë e Veriut, për hapjen e negociatave sipas rekomandimit të saj, duke lënë të kuptohet se vota e Sllovenisë do të jetë PRO Shqipërisë dhe Maqedonisë./abcnews.al

trump-libia.jpg
nev ila23:41 | 25/04/2019

Ndryshe nga sa kanë deklaruar publikisht, se janë pro qeverisë së mbështetur nga OKB, Shtetet e Bashkuara janë pro gjeneralit libian që ka nisur ofensivën e dhunshme për rrëzimin e qeverisë së rregullt të Tripolit. Demaskimi është bërë nga një agjenci lajmesh, që citon burime zyrtare anonime.

Presidenti amerikan Donald Trump ka inkurajuar gjeneralin libian Khalifa Haftar që të ndërmarrë ofensivën e tij për të marrë nën kontroll Tripolin dhe për të rrëzuar qeverinë e mbështetur nga OKB.

Sipas agjencisë së lajmeve “Bloomberg”, që citon burime zyrtare, mbështetja është shprehur gjatë një bisede telefonike të zhvilluar mes kreut të shtetit amerikan dhe ushtarakut libian.

Një zëdhënës i Shtëpisë së Bardhë ka deklaruar se raportimi i “Bloomberg” është i pasaktë, por sipas burimeve të agjencisë, biseda mes Trump dhe Haftar ka ndodhur pasi presidenti egjiptian Abdel Fatah al Sisi u takua me homologun amerikan më 9 prill dhe kërkoi që Uashingtoni të mbështeste gjeneralin libian.

Nga ana e tij Trump ka folur edhe me princin e Abu Dabit, Mohamed bin Zajed, një mbështetës i njohur i Haftar, një ditë përpara se Shtëpia e Bardhë të shpërndante komunikatën mbi telefonatën.

Inkurajimi i Uashingtonit zyrtar për gjeneralin libian përbën një zhvillim shumë ndryshe nga pozicioni publik i shprehur më herët nga sekretari i Shtetit, Majk Pompeo, i cili më 7 prill kishte deklaruar se Shtetet e Bashkuara kundërshtojnë ofensivën ushtarake të Haftar.

Gjenerali, që gëzon mbështetjen e Rusisë, Francës, Egjiptit, Emirateve të Bashkuara Arabe dhe Arabisë Saudite, kontrollon pjesën dërrmuese të pjesës jug-lindore të Libisë. Në fillim të prillit ai nisi ofensivën për marrjen e Tripolit, që aktualisht kontrollohet nga kryeministri Saraj, i mbështetur nga vendet e BE-së./abcnews.al

 

gettyimages-1138088468.jpg
Sej rie10:15 | 25/04/2019

Mediat amerikane raportojnë se presidenti Donald Tramp ka mbështetur gjeneralin Haftar që të sulmojë Tripolin për të rrëzuar qeverinë e Al Saraj. Ky I fundit mbështetet nga Italia dhe vende të tjera evropiane.

Presidenti amerikan Donald Trump, në një bisedë telefonike me Khalifa Haftar, e ka inkurajuar gjeneralin që të sulmojë kryeqytetin Tripoli për të rrëzuar qeverinë e mbështetur aktualisht nga Kombet e Bashkuara. Lajmi është publikuar nga agjencia “Bloomberg” e cila citon zyrtarë amerikanë. Një zëdhënës i Shtëpisë së Bardhë u mjaftua duke thënë se raportimi mediatik i bisedës telefonike mes Haftar dhe Tramp, ishte i pasaktë.

Biseda mes Tramp dhe Haftar ndodhi pasi presidenti egjiptian Al Sisi u takua me presidentin amerikan në 9 prill, dhe I kërkoi që të mbështeste gjeneralin Haftar.

Presidenti amerikan bisedoi dhe me princin e Abu Dabi, Al Nahian, një mbështetës i Haftar, një ditë para se Shtëpia e Bardhë të publikonte përmbajtjen e bisedës. Inkurajimi i Shtëpisë së Bardhë për Haftar përfaqësoi një kthesë radikale në krahasim me qëndrimin publik të sekretarit amerikan të shtetit Majkëll Pompeo. Ky i fundit deklaronte në 7 prill se ishte bërë e qartë se Shtetet e Bashkuara të Amerikës kundërshtonin ofensivën ushtarake të forcave të Khalifa Haftar, dhe kërkonin ndalimin e menjëhershëm të operacioneve ushtarake në kryeqytetin e Libisë.

Haftar, i cili ka mbështetjen e Rusisë, Francës dhe Arabisë Saudite, si dhe të Egjiptit dhe Emirateve të Bashkuara Arabe, kontrollon pjesën më të madhe të Libisë lindore dhe qendrore. Në fillim të muajit Prill ai ndërmori një sulm për të marrë nën kontroll Tripolin.  Ndërsa kreu aktual i qeverisë Al Saraj, mbështete nga Italia dhe vende të tjera europiane./abcnews.al

siguria-ushqimore-1280x702.jpg
ent ela19:15 | 06/02/2019

Bashkimi Evropian do të mbështesë Shqipërinë për të forcuar standardet e sigurisë ushqimore, veterinarisë dhe shëndetit të bimëve me 5 milion euro.

Projekti u prezantua nga Ambasadori i BE-së në vendin tonë Luigi Soreca dhe ministri i Bujqësisë dhe Zhvillimit Rural Bledi Çuçi.

Programi parashikohet të zbatohet për një periudhë katër vjeçare nga një grup i organeve publike nga shtetet anëtare të BE-së.

Specialistë nga Autoriteti i Sigurisë Ushqimore të Finlandës dhe ai i Irlandës pritet të vijnë në vendin tonë për të dhënë ndihmën e tyre me qëllim harmonizimin e legjislacionit me normat e BE-së, forcimin e sigurisë në të gjitha fazat e zinxhirit ushqimor si dhe për të përmirësuar ndërgjegjen e konsumatorëve e bizneseve mbi çështjet e sigurisë ushqimore./abcnews.al

shkencat-e-natyres.jpg
ent ela22:02 | 23/01/2019

Një tjetër Asamble e Personelit Akademik, ajo e Fakultetit të Shkencave të Natyrës ka mbështetur kërkesat e studentëve tashmë prej më shumë se një muaji në protestë. Ndërkohë thotë se kundërshton fushatën denigruese të ndërmarrë nga Kryemistri Rama për figurën e pedagogut.

Përmes një vendimi të përbashkët pedagogët e këtij fakulteti i kanë kërkuar Dekanit të mos penalizojë studentët protestues për shkak të mungesave. Ndërkohë kërkojnë anulimin e vendimeve të fundit të qeverisë për arsimin e lartë, të cilat thotë se cenojnë autonominë universitare. Asamblea e Personelit Akademik e Fakultetit të Shkencave të Natyrës kërkon hartimin e një ligji të ri të arsmit të lartë ndërkohë që kundërshton fushatën denigurese./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono