mavraj

Mavraj.png
Veronik Istrefaj16:16 | 17/11/2019

Mbrojtësi shqiptar, Mërgim Mavraj, po bën disa kohë që nuk po grumbullohet me Shqipërinë, gjithsesi, mbetet ai kapiteni i kombëtares shqiptare. Sot, në një nga ditët më të rëndësishme të kombëtares kuqezi, Mavraj ka shfrytëzuar faqen e tij zyrtare në Facebook, për të ndarë një mesazh me të të gjithë shqiptarët:

“Sot është një tjetër ditë historike për SHQIPËRINË DHE SHQIPTARËT! Një ditë e cila nuk është e rastësishme, sepse disa Burra që nuk duhen harruar, pavarësisht ku janë sot, dhanë gjithçka për ta futur Shqipërinë në hartën europiane. Luftuan për këtë fanellë, shkruajtën historinë më gërma të arta dhe kontribuan që të edhe brezat në vazhdim të kenë si pikënisje pikërisht Europianin 2016.

Unë si kapiten i Kombëtarës dua t’i them Hallall atyre Burrave! Për djersën, sakrificat, dëshirën dhe sidomos ndjenjën e fanellës kuqezi. Sot, shtëpia jonë e re do të përurohet dhe ky gëzim i jashtëzakonshëm është i pakrahasueshëm. i tregojmë Europës se edhe ne, Shqipëria, edhe pse vend i vogël, kemi zemër dhe ambijce të madhe. Edhe ne mund të ndërtojmë stadium modern, edhe ne mund të shkruajmë historinë siç e bëmë!”/abcnews.al

MAVRAJ-DREJT-AVENTURES-SE-RE_ABC-M1-T1.mpg_snapshot_00.04-1280x720.jpg
ent ela13:04 | 15/06/2019

Mbrojtësi shqiptar Mërgim Mavraj është drejt largimit nga skuadra e Ingolshtad. 33 vjeçari pritet të ndryshojë ngjyrat e fanellës, por jo kampionatin.

Rrëzimi i skuadrës gjermane të Ingolshtad në kategorinë e tretë mund të sjellë largimin e mbrojtësit shqiptar Mërgim Mavraj. 33 vjeçari nuk pranon të luajë në një ligë tepër inferiore dhe largimi është i pashmangshëm dhe vetëm çështje kohe. Aventura e Mavrajt te skuadra gjermane pritet të marrë fund pas vetëm gjashtë muajve. Destinacioni i ardhshëm i qendër mbrojtësit pritet të jetë Grojte Furth pasi admirohet nga drejtuesit e skuadrës. Për Mavrajn do të ishte një rikthim tek kjo skuadër pasi ka mbajtur veshur fanellën për tre sezone ku dhe spikati si futbollist. Mbrojtësi i Kombëtares ka një eksperiencë të madhe në kampionatin gjerman ku ka luajtur për 13 sezone me radhë, ndërkohë që vitin e kaluar pati një aventurë të shkurtër tek Aris në kampionatin grek. Gjermani mbetet destinacioni i preferuar i kapitenit të Kombëtares kuq e zi ndaj dhe konfirmimi në këtë kampionat është formal. /ABC News Albania 24/7

lenjani-dhe-mavrasj.jpg
ent ela16:30 | 30/05/2019

Mërgim Mavraj dhe Ermir Lenjani do të jenë sërish pjesë e Kombëtares, pasi munguan në ndeshjet e fundit. Kapiteni kërkon përqëndrim për sfidat e Europianit, ndërsa Lenjani shprehet optimist.

Rikthimet janë të rëndësishme, sidomos dy prej tyre. Kombëtarja do të ketë sërish Mërgim Mavrajn, kapitenin e saj, edhe pse jo për ndeshjen e parë ndaj Islandës.

Kartoni i kuq ndaj Skocisë, bëri që të dënohej 3 ndeshje, ndaj në dispozicion do të jetë vetëm ndaj Moldavisë.

Fillimisht, mbrojtësi shprehet i habitur me ndryshimet, pas një mungese prej 2 ndeshjesh.

Mavraj ishte pjesë e ekipit që dështoi në Ligën e Kombeve.

A mbetet shpresë tani?

Rikthim i vërtetë Ermir Lenjani, që ishte betuar se nuk do të kthehej në kombëtare, sa të ishte trajner Panuçi.

Lenjani jep një gjykim për ndeshjet që e presin kombëtaren.

Shqipëria luan në Islandë në 8 qershor, ndërsa në 11 pret Moldavinë në “Elbasan Arena”, përballje të eleminatoreve të Europianit. /ABC News Albania 24/7

KONFERENCA-PANUCI-MAVRAJ-1280x720.jpg
ent ela19:53 | 19/11/2018

Kristian Panuçi ka ndërmend të bëjë një ndryshim të madh në miqësoren ndaj Uellsit. Trajneri i kombëtares deklaroi në konferencë për shtyp se idetë e tij të deritanishme kanë dalë të gabuara.

Ndihet ende trajner i Shqipërisë dhe ka një lajm për të dhënë. Kristian Panuçi premton se do të bëjë një kthesë të madhe me ekipin kombëtar, të paktën përsa i përket mënyrës së lojës.

Pas më shumë se një viti eksperimentesh, italiani është dorëzuar, duke treguar sesi pritet të luhet ndaj Uellsit.

Panuçi: “Mos jemi gjë Gjermania, Brazili? Madje, të mos flasim për Gjermaninë sepse doli në vend të fundit. I shkreti Lëv çfarë duhet t’i kenë bërë. Nuk e kam problem të them se duhet të ndryshojmë, të ndryshojmë në mënyrë absolute, sepse nuk kam kohë të punoj me skuadrën për ta ndryshuar. Atëherë, të bëjmë maksimumin e mundshëm, veçse ideja ime për të luajtur futboll ofensiv, ishte e gabuar”.

Panuçi pranon se pozicioni i tij është shumë i dobësuar pas kaq kohësh pa fitore, veçse për dorëheqje nuk mendohet.

Panuçi: “Këtë pyetje duhet t’ia bëni Dukës, jo mua. Unë jam trajneri i kombëtares, derisa të më thonë se nuk jam i tillë. E bëj punën time me shumë seriozitet dhe qetësi, madje duke ruajtur ekuilibrin, sepse këtu ka shumë të vërteta që nuk i intereson kujt që t’i themi. Unë kam kontratë deri në nëntor 2019, nëse shkoj në Europian, vazhdoj, nëse jo, kthehem në shtëpi”.

Mërgim Mavraj nuk do të jetë këtë herë në fushë, por e quajti detyrë të dilte përpara gazetarëve

Mavraj: “Nuk i kreva detyrat e mia si kapiten, si model. I këkrova falje skuadrës, trajnerit, besoj e pranuan cunat po kjo është një gjë që mund të ndodhë këtë e dimë të gjithë”.

Kapiteni pati një vëretje për ata që kanë thënë se cikli I tij është mbyllur.

Mavraj: “Nëse erdhi fundi i ciklit, cfarë do bëjmë  të ndalojmë gjithçka derisa të vijnë lojtarët më të mirë, derisa të formohet vetvetiu një grup i mirë. Puna do vazhdojë është normale që një skaudër si e jona do çik kohë për t’u rinovuar”.

Kombëtares, për ndeshjen ndaj Uellsit, i kthehen nga pezullimi Hysaj e Basha, por ka lajme të këqija me dëmtimet. Për këtë shkak, nga ekipi janë larguar Gjimshiti, Ndoji e Binaku. /abcnews.al

MAVRAJ-PREZANTOHET-TEK-ARISI-1280x720.jpg
ent ela17:45 | 15/09/2018

Mërgim Mavraj u prezantua si futbollist i Arisit të Selanikut. Mbrojtësi i Kombëtares falenderoj tifozët dhe u shpreh i lumtur që do ta vazhdojë karrierën në Greqi.

Pritja ishte maksimalisht pozitive.

Mërgim Mavraj, një shqiptar i Kosovës, tregoi se kur vjen puna tek futbolli, dallimet etnike apo fetare lihen mënjanë.

Mbrojtësi i Kombëtares u prezantua si lojtar i Arisit të Selanikut, në qytetin e dytë më të madh të Greqisë, dhe në një vend që më së shumti jepet si admirues i Serbisë dhe ortodoksisë.

Tifozët grekë të Arisit u shfaqën shumë të lumtur që ekipi i tyre u përforcua me një ish-futbollist të Bundesligës, dhe askush nuk u kujtua të mërzitej se Mavraj është mysliman praktikant.

Jo më kot, sporti dhe futbolli janë ndër ato gjëra që bashkojnë njerëzit.

Mërgimi, po ashtu, foli fjalë shumë të mira për pritjen dhe tifozët.

“Ju falenderoj shumë, që të gjithëve, për pritjen. Jam shumë I lumtur që ndodhem këtu. Orët e mia të para në Selanik ishin tepër të veçanta. Vizitova fushën ku do të luajmë, dhe imagjinova veten në stadiumin e mbushur plot me tifozë të zjarrtë. Kjo është një sfidë dhe një aventurë e re për mua. Mezi pres që ta përjetoj. Do të jetë diçka emocionuese me të cilën dua të kënaqem”.

Një nga pyetjet më normale ishte sesa ndikoi tek vendimi I tij, prania e Migjen Bashës si lojtar I Arisit.

“Migjen Basha padyshim ndikoi shumë në vendimin tim. Ne jemi shokë në kombëtaren e Shqipërisë, dhe fola shumë me të lidhur me ardhjen tek Arisi. Tani duhet të njihem me shokët e tjerë të skuadrës dhe me trajnerin, për të provuar emocionet e dhomës së zhveshjes dhe të mjedisit të ekipit”.

Mavraj, 32-vjeçar, ka nënshkruar një kontratë 2-vjeçare me klubin e njohur grek, i cili sapo është rikthyer në Superligë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono