mauro icardi

Icardi-PSG.png
Klejdi Kaimi19:34 | 10/11/2019

Ish-mesfushori i Interit dhe trajneri aktual i Genoas, Thiago Motta, ka folur me superlativa për sulmuesin e PSG-së, Mauro Icardi. Italiani foli pas barazimit 0-0 kundër Napolit për ‘FcInterNews’.

“Icardi është një lojtar i madh. Ai ka luajtur për një ekip si Interi dhe tani ndodhet tek gjigantët e PSG-së. Të luash me lojtarë si Verrati apo Di Maria, e ka ndihmuar shumë Mauron. Ai është një sulmues që pëlqen zonën e penalltisë dhe po ecën shumë mirë këtë sezon.”- deklaron Motta.

Sulmuesi argjentinas u bashkua me francezët këtë verë në një huazim me të drejtë blerje. 26-vjeçari i ka impresionuar tifozët francez, duke shënuar 9 gola dhe dhuruar 1 asist në 10 ndeshje. /abcnews.al

Icardi-PSG.jpg
Igli Nikolli13:33 | 10/11/2019

Mauro Icardit i ka bërë mirë transferimi te PSG. Sulmuesi argjentinas po shënon rregullisht dhe ka lënë në stol një emër si Edinson Cavani. 26-vjeçarit i mjaftuan 5 minuta aktivizim për të shënuar golin e fitores kundër Brest në ndeshjen e djeshme.

Rrjeta e pestë në kampionat për Icardin, i cili është ngjitur në kuotën e 9 golave sezonalë (5 në kampionat dhe 4 në Champions League). Statistikat e tij janë të frikshme. OptaJean raporton se sulmuesi i njohur ka shënuar gol në çdo 17 prekje të topit.

Icardi e ka prekur 84 herë topin në kampionat dhe ka arritur të shënojë 5 gola. Diçka e tillë konfirmon efikasitetin e bomberit dhe aftësinë e tij për të dërguar në rrjetë pasimet e shokëve. Në kampionatet kryesore të Evropës nuk ka bërë askush më mirë se ai në këtë aspekt, ndërsa PSG është gati të paguajë 70 milionë euro dhe të blejë zyrtarisht kartonin e tij. /abcnews.al

Icardi.png
Igli Nikolli21:25 | 06/11/2019

Club Brugge ka rezistuar vetëm gjysmën e pjesës së parë. PSG ka zhbllokuar ndeshjen dhe autori i golit është Mauro Icardi. Sulmuesi argjentinas po kalon një formë shumë të mirë dhe është rikthyer të shënojë. Goli i katërt në Champions League për Icardin, i cili ka shënuar po kaq herë edhe në kampionat.

26-vjeçari mori një pasim nga Dagba, përfitoi nga një gabim i mbrojtjes belge dhe ndëshkoi portierin mik. PSG vazhdon të korrë vetëm fitore në kompeticionin e më të mirëve, teksa nuk ka pësuar ende gol. /abcnews.al

Icardi-Nara.png
Igli Nikolli13:32 | 28/10/2019

Interi ia bëri të qartë se duhet të gjente një ekip të ri dhe Mauro Icardi e kaloi verën duke shqyrtuar ofertat e ndryshme. Në një moment u fut edhe Milani në lojë. Kuqezinjtë tentuan të përfitonin për t’i dhuruar trajnerit Giampaolo një makineri golash, por akordi nuk u arrit kurrë për fatin e mirë të tifozëve zikaltër, të cilët do e përjetonin keq një transferim të tillë

Icardi fluturoi drejt PSG-së, aty ku u huazua me të drejtë blerje në fund të sezonit për shumën e 70 milionë eurove. Wanda Nara, gruaja dhe agjentja e sulmuesit argjentinas ka konfirmuar prapaskenën me Milanin, një opsion që e preferonte për të vazhduar punën dhe jetesën në qytetin e modës.

“Ekzistonte mundësia që Icardi të transferohej te Milani. Unë e kisha më të vështirë transferimin në Francë dhe do ndihesha më komode me kalimin e Mauros te kuqezinjtë. Gjithsesi, PSG është zgjidhja më e mirë për karrierën e tij”, thekson Wanda Nara. /abcnews.al

Icardi-Mauro.png
Igli Nikolli08:30 | 28/10/2019

Mauro Icardi ka “rilindur” në Francë. Sulmuesi është rikthyer të shënojë dhe po ndihmon PSG-në në arritjen e fitoreve. 26-vjeçari shënoi dy golat e parë në fitoren 4-0 kundër Marseille, duke u ngjitur në shifrën e 4 golave në kampionat (ka shënuar edhe 3 në Champions League).

Argjentinasi tregon pas ndeshjes se po kalon një moment të mirë dhe ndihet për mrekulli në kryeqytetin francez. Icardi e ka harruar përfundimisht Interin, teksa nuk i kursen elozhet për ekipin aktual në prononcimin e dhënë për Canal Football Club.

Ish-sulmuesi i Interit është i huazuar te PSG, që ka të drejtën e blerjes së tij në fund të sezonit për shumën e 70 milionë eurove. Me një ecuri dhe efikasitet të tillë, e sigurt që kampionët e Francës do të ushtrojnë opsionin e blerjes së plotë.

“Jam i lumtur për fitoren, ishte shumë e rëndësishme. Jam i kënaqur me dy golat, kam ardhur këtu për të shënuar dhe fituar PSG është ekipi më i fortë në të cilin kam luajtur. Ndihem shumë mirë këtu dhe jam harmonizuar me shokët e skuadrës. Është krijuar një kimi e mirë midis nesh”, thekson Mauro Icardi. /abcnews.al

Icardi-PSG.png
Igli Nikolli20:16 | 25/10/2019

Mauro Icardi po i bind të gjithë te PSG-ja. Sulmuesi argjentinas erdhi në huazim nga Interi dhe kampionët e Francës kanë opsionin e blerjes së tij të plotë në verë për shumën e 70 milionë eurove.

Deri tani ka bërë mirë dhe ka shënuar 5 gola në gjashtë ndeshje. Icardi ka lënë pas krahëve problemet e hasura në Itali dhe ka rilindur në qytetin e dashurisë. Leonardo ka nisur punën për blerjen e tij të plotë.

L’Equipe thekson se drejtori sportiv i PSG-së do të nisë së shpejti negociatat me klubin zikaltër. Operacioni pritet të realizohet në javët e ardhshme, aty ku do të arrihet akordi përfundimtar. Festat e fundvitit pritet ta gjejnë Icardin me një numër më të madh golash dhe zyrtarisht lojtar të ekipit francez. /abcnews.al

Icardi-PSG.png
Igli Nikolli17:46 | 23/10/2019

Mauro Icardi ka lënë pas krahëve periudhën e vështirë dhe është rikthyer të shënojë. Sulmuesi argjentinas ishte autori i një dygolëshi në fitoren 0-5 kundër Club Brugge në Champions League, teksa është ngjitur në kuotën e 5 golave në total në të gjitha kompeticionet.

26-vjeçari është huazuar nga Interi dhe PSG ka të drejtën e blerjes së tij në fund të sezonit për shumën e 70 milionë eurove. Icardi thekson se ndihet mirë tek ekipi i ri dhe zbulon raportin me Edinson Cavanin në një prononcim për mediat franceze.

“El Matador ka vetëm një dhe ai është Cavani. Kemi një raport të bukur me njëri-tjetrin. Kam ardhur të realizoj objektivat e mi te PSG dhe tentoj të jap maksimumin në çdo ndeshje. E ardhmja? Jam i lumtur këtu, të shohim se çfarë do të ndodhë në fund të sezonit”, përfundon Mauro Icardi. /abcnews.al

icardi-1280x720.jpg
Vladimir Prenga14:07 | 13/10/2019

Merkato ka nisur, të paktën në media. Një ditë më parë raportohet se Barcelona kërkon zëvendësuesin e Luis Suarez dhe në listën e dëshirave ishin lojtarë si Kylian Mbappe, Luataro Martinez, Harry Kane dhe Marcus Rashford. Tashmë është një tjetër klub që do sulmues.

“Tuttosport” sot raporton se edhe Juventusi do një sulmues dhe vijon me emrat, që janë nga më të ndryshmit. Sipas asaj që shkruan e përditshmja italiane, Mauro Icardi mbetet në shënjestër. Nëse PSG nuk e blen sulmuesin argjentinas, atëherë thuhet se do të bëhet një tjetër tentativë për ta transferuar.

Në listë është edhe i riu Erling Haaland, i cili është lakuar edhe më parë si opsion për Juventusin dhe disa klube të mëdha europiane. Sulmuesi i Salzburg po paraqitet mirë në Austri dhe Champions League, ndërkohë që është edhe vetëm 19 vjeç.

Dy emra të tjerë intrigues janë Gabriel Jesus i Manchester City dhe Harry Kane i Tottenham. Ky i fundit është në listën e dëshirave të shumë klubeve europiane. Një sezon i dështuar me londinezët, do ta vinte anglezin në qendër të merkatos në verë. Sigurisht për të do të duhet të paguhet shumë, pasi Tottenham nuk e lëshon kollaj sulmuesin kryesor të skuadrës. /abcnews.al

Moratti-Inter.jpg
Igli Nikolli12:52 | 07/10/2019

Pasi analizoi derbin e Italisë midis Interit dhe Juventusit, Massimo Moratti u ndal te një çështje delikate. Ish-kreu i klubit zikaltër i është rikthyer edhe njëherë vendimit të Interit për të larguar Mauro Icardin, duke dhënë mendimin e tij.

Sulmuesi dhe klubi patën një përplasje të fortë mes tyre. Drejtuesit nuk toleruan dhe vendosën ta largonin nga ekipi. Dakord ishte edhe Antonio Conte. Zgjidhja u gjet te PSG, aty ku Icardi u huazua për një vit me të drejtë blerje nga francezët për shumën e 70 milionë eurove.

“Nuk e di saktësisht se çfarë ka ndodhur, por unë mund të kisha patur një sjellje tjetër kundrejt lojtarit. Icardi do të ishte i dobishëm për ekipin, shumë i dobishëm”, thekson Moratti, duke lënë të nënkuptohet se Interit i mungon një goleador i frikshëm si sulmuesi latin. /abcnews.al

Icardi-PSG.jpg
Igli Nikolli13:32 | 06/10/2019

Pasi gjeti golin e parë me PSG-në në mesjavë kundër Galatasarayt në Champions, Mauro Icardi shënoi edhe në kampionat në fitoren e djeshme të PSG-së me rezultatin 4-0 kundër Angersit të vendit të dytë. Gëzim i dyfishtë për sulmuesin argjentinas, i cili gjen rrugën e rrjetës për herë të parë në kampionatin francez.

Icardi nuk e fshehu kënaqësinë e shijes së golit në një prononcim për Bein Sports, teksa vlerëson shumë edhe faktin që po aktivizohet si titullar nga trajneri Tuchel.

Ishte një kënaqësi e madhe të shënoja, sepse nuk kisha arritur ende të gjeja golin në Parc des Princes. Kishte rëndësi edhe fakti që e nisa si titullar, më jep besim diçka e tillë. Jemi një skuadër shumë e fortë dhe e bashkuar. Angersit i pëlqen të luajë në kundërsulm dhe ishim përgatitur për diçka të tillë. Mendoj se e merituam fitoren”, thekson Mauro Icardi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono