matteo salvini

salvini-1-1280x820.jpg
Autor E15:05 | 16/10/2019

Matteo Salvini, lideri i Lega dhe ish-ministër i brendshëm i Italisë është ndier keq teksa shkonte në Trieste për funeralin e Pierluigi Rotta e Matteo Demenego, dy policët e vrarë në kuesturë më 4 tetor.

Salvini, sipas asaj që raporton ANSA, pas uljes në aeroportin Ronchi – Trieste, u transportua menjëherë në spitalin San Polo në Monfalcone (Gorizia), ku iu nënshtrua analizave të rastit.

Nuk bëhet fjalë për asgjë të rëndë dhe ai doli nga spitali për të vazhduar drejt Trieste. ANSA citon mjekët që thonë se bëhet fjalë për dhimbje veshkash.

Salvini falënderoi mjekët e Monfalcones dhe shprehur keqardhjen që nuk mundi të ishte i pranishëm në lamtumirën e fundit të dy policëve të vrarë.

mateo-salvini-1-1280x946.jpg
Vladimir Prenga10:28 | 22/09/2019

Matteo Salvini ka shpërthyer ndaj Milanit pas humbjes në derbi. Ai duket sikur kërkon falje në njëfarë mënyrë ndaj ish-trajnerit Gennaro Gatusso, teksa fillimisht ka thënë: “Ky ekip është qesharak, ndoshta nuk ishte faji i Gennaro Gattuso. Kjo është hera e parë që kam lënë stadiumin në një derbi para se të përfundojë”.

Salvini vijon të flasë për Telelombardia dhe shton: “Vendosja se kisha parë mjaftueshëm kur Lucas Biglia e çoi topin te Curva Sud kur ekzekutoi goditjen e dënimit. Ricardo Rodriguez është i tmerrshëm, Suso nuk po luan prej një kohe të gjatë. Klubi? Ku është klubi?! E vetmja gjë pozitive që pashë ishte Rafael Leao, por edhe ai u zëvendësua”.

Në shënjestër kanë përfunduar edhe Maldini e Boban, për të cilët ai thotë se nuk është e thënë që lojtarët e mëdhenj të bëhen edhe drejtues të tillë. Shpëtojnë vetëm tifozët, për të cilët Salvini ka fjalë të mira për durimin që kanë patur të shohin një Milan të dobët në këto vite.

“I duartrokas tifozët e Milanit, sepse prej vitesh janë të vetmit që ia vlen ti kursesh. Ky ekip të bën të qeshësh. Unë gjithmonë fajësoja ish-trajnerin Gattuso, por ndoshta tani po nis të mendoj se nuk ishte i gjithi faji i tij. Ndoshta nuk është trajneri ai që mund t’i ndryshojë gjërat”. /abcnews.al

matarella-berluskoni.jpg
nev ila19:34 | 22/08/2019

Në Itali janë mbyllur pasditen e së enjtes konsultimet e presidentit të Republikës, Serxho Matarela me krerët e partive politike, për të gjetur një zgjidhje mbi krizën që ka përfshirë vendin fqinje.

I fundit që vizitoi selinë presidenciale në Romë ishte kreu i Lëvizjes 5 Yjet, Luixhi Di Maio, i cili u shpreh në favor të krijimit të një mazhorance të re dhe solide për të shmangur zgjedhjet e jashtëzakonshme.

Të mos e lëmë anijen të mbytet. Jemi të gjithë italianë dhe duhet t’i lëmë mënjanë interesat”, deklaroi Di Maio.

5 Yjet përflitet se mund të arrijnë një marrëveshje me krerët e Partisë Demokratike, të cilët në rast të kundërt kërkojnë që të mos vonohen zgjedhjet.

Më herët gjatë ditës, në Kuirinale ishte kryetari i Ligës së Veriut, Mateo Salvini, i cili pas takimit kokë më kokë me kreun e shtetit u shpreh i gatshëm të rifillojë bashkëpunimin me ish-partnerët e tij.

Jemi gati të rifillojmë nga puna pa i mbajtur mëri njëri-tjetrit. Ndryshe, le të shkojmë në zgjedhje”, deklaroi Salvini.

Ndërkohë, në debatet politike u përfshi edhe ish-kryeministri Silvio Berluskoni, i cili deklaroi se partia e tij nuk do të bëjë aleanca me parti që më parë e braktisën.

Ose një qeveri e qendrës së djathtë, ose në zgjedhje”, tha Berluskoni.

Pritet që orët në vazhdim të jenë vendimtare për Italinë, e cila ndodhet në një moment kritik./ABC News Albania 24/7

 

 

 

giuseppe-conte.jpg
G. P.16:11 | 20/08/2019

Me një fjalim të mbajtur në Senat, kryeministri i Italisë, Giuseppe Conte ka njoftuar dorëheqjen nga posti. Ai ka kritikuar kryetarin e Ligës së Veriut se ka vënë interesat personale përpara atyre të Italisë. Ndërsa Mateo Salvini nga ana e tij është shprehur se ishte gati të ribëjë gjithçka, që ka bërë deri tani.

Pas një sulmi të ashpër ndaj partnerit të koalicionit Mateo Salvini, kryeministri i Italisë, Giuseppe Conte ka deklaruar se jep dorëheqjen nga posti. Conte tha se Salvini, zëvendës kryeministër i Italisë, ishte sjellë në mënyrë të papërgjegjshme duke krijuar një krizë të re politike për interesa personale dhe në dëm të Italisë.

Duke iu drejtuar Senatit ditën e martë, Conte tha se lideri i Ligës së Veriut, që ishte ulur pranë tij, kishte qenë në kërkim të një preteksti për t’u rikthyer në zgjedhje, pas suksesit të partisë së tij në zgjedhjet euro-parlamentare të majit. Gjithashtu, Konte paralajmëroi se Salvini kishte minuar funksionimin e qeverisë, e cila siç tha ai, “merr fund këtu”.

“E shfrytëzoj këtë rast për të njoftuar se do t’i paraqes dorëheqjen time Presidentit të Republikës”, deklaroi Konte.

Nga ana e tij, Salvini reagoi duke thënë se do të ribënte gjithçka që ka bërë gjatë kohës që ka qeverisur me Conten.

“Jam këtu me forcën e një njeriu të lirë, që do të thotë se nuk i druhem gjykimit. Kush ka frikë nga gjykimi i popullit italian nuk është një njeri i lirë”, tha Salvini.

Duke cituar Ciceronin, ai tha se liria nuk varet nga të pasurit padronin e duhur, por tek fakti i të qenurit të lirë, pa patur asnjë padron mbi kokë.

Dua që Italia të mos jetë skllavja e askujt. Jemi vendi më i bukur dhe kemi mundësinë të jemi më i pasuri në botë dhe nuk duroj dot më që çdo vendim duhet të varet nga firma e ndonjë funksionari europian”, vijoi Salvini.

Salvini, lider i partisë ekstremiste Liga e Veriut, kishte planifikuar mbajtjen e një mocioni mosbesimi ndaj kryeministrit Conte. Ai gjithashtu kishte thënë se nuk mund të vazhdonte të punonte më me partnerët e koalicionit, Lëvizja 5 Yjet.

Liga dhe lëvizja anti-sistem 5 Yjet krijuan një koalicion qeverisës 14 muaj më parë, me zotin Konte si një kryeministër të pavarur. Në një postim në Facebook në prag të fjalimit të Contes, lideri i 5 Yjeve Luigi Di Maio u shpreh se, “ka ardhur dita kur Liga duhet të përgjigjet për gabimet e saj, për vendimin për të rrëzuar gjithçka dhe për të futur në krizë qeverinë në mes të gushtit”. Ai shtoi se të punonte me Conten kishte qenë një nder.

/ABC News Albania 24/7

173c772c-8624-11e9-b861-54ee436f9768-1280x720.jpg
G. P.14:25 | 20/08/2019

Ka nisur seanca parlamentare në Itali ku pritet që kryeministri Giuseppe Conte të flasë para deputetëve. Por mediat italiane raportojnë se Conte mund të përshpejtojë gjërat duke dhënë dorëheqjen. Zv/kryeministri dhe lideri i Lëvizjes 5 Yjet Luigi di Maio u shpreh se çdo gjë e ka në dorë presidenti Matarella duke theksuar se Salvini ka shkatërruar çdo gjë.

Nëse Conte, pas fjalës në parlament do të japë dorëheqjen para kreut të shtetit pa shkuar deri tek votimi i mocionit të votëbesimit, Lëvizja 5 Yjet do të shkojë në presidencë për ti kërkuar kreut të shtetit një mundësi për krijimin e një qeverie të re. Në çdo rast rrëzimi i qeverisë aktuale është tashmë një fakt.

Sipas mediave italiane Conte ka përgatitur një fjalim shumë të fortë, duke kritikuar Salvinin, liderin e Legës në koalicion me Lëvizjen 5 Yjet. Menjëherë roli i protagonistit do ti kalojë kreut të shtetit i vetmi që ka të drejtë për të caktuar një rrugëdalje. Qoftë për një rikthim në kutitë e votimit qoftë për krijimin e një mazhorance të re parlamentare./ABC News Albania 24/7

gere.jpg
G. P.17:13 | 19/08/2019

Aktori amerikan Richard Gere e ka cilësuar ministrin e Brendshëm italian Mateo Salvini si një bebe Trump për sa i përket qëndrimit që mban në çështjen e emigrantëve të bllokuar në det prej ditësh. Por ai u shpreh se do të donte ta takonte pasi ishte i bindur se Salvini ishte ndryshe nga ai që shfaqet në publik.

“Mateo Salvini ka të njëjtin mentalitet të presidentit Trump, në fakt unë e konsideroj si një bebe Trump. Përdor të njëjtën injorancë në kuptimin radikal, duke përdorur frikën dhe urrejtjen. Duhet të ndalojmë Tramp”.

Është kjo deklarata e aktorit amerikan Riçard Gere, i cili foli për emergjencën e emigrantëve pasi ka vizituar emigrantët që ndodhen në anijen Open Arms. Më pas ai shtoi se do të donte të takohej më Salvinin, për të cilin ishte i bindur se nuk ishte ashtu si sillej në publik. Kjo pasi dhe ai ka një familje, prindër dhe fëmijë.

Gere u shpreh se Salvini duhet të kalojë pak kohë për të dëgjuar historitë e emigrantëve, dramat e tyre familjare dhe se nuk mund të përdorë një situatë të tillë si një çështje politike.

Sipas tij liderët politikë manipulojnë mendjet duke nxjerrë në pah anën e errët të dramës së kohës sonë.

Pyetjes për Karola Raket, kapitenes së Sea Uatch e cila shkeli ligjin duke hyrë në ujërat italiane, Gere u përgjigj se nuk I njihte detajet e çështjes, por nëse dikush vepron për të shpëtuar jetë njerëzish pa bërë dëme, ai është hero./ABC News Albania 24/7

salvini-1-1280x820.jpg
G. P.11:59 | 19/08/2019

Përshkallëzohen tensionet politike në Itali ku Lëvizja 5 Yjet deklaron se Salvini tashmë nuk është më i besueshëm. Ndërsa lideri i Legës, reagoi duke thënë se është gati për protesta

Me anë të një deklarate për media Lëvizja me Pesë yje ka bërë të ditur se të gjithë janë të mendimit se ministri i Jashtëm italian dhe lideri i Legës, Mateo Salvini nuk është më i besueshëm. Ka qenë i menjëhershëm reagimi i zv/kryeministrit i cili akuzon Lëvizjen 5 Yjet se është e gatshme të bëjë koalicion me Partinë Demokratike, duke thënë se ata që janë në koalicionin aktual qeverisës në fakt janë renzianë dhe nuk i përkasin Lëvizjes 5 Yjet.

Kjo e fundit akuzon Salvinin se ka vendosur të rrëzojë qeverinë në 8 Gusht dhe se ka propozuar kushte të papranueshme, sipas Lëvizjes 5 Yjet grupi parlamentar i Legës ka bërë një punë të mirë në 14 muaj qeverisje dhe nuk e meriton sjelljen e Salvinit. Më tej në deklaratën për shtyp theksohet se kjo lëvizje do të mbështesë kryeministrin Konte në parlament kur në 20 Gusht pritet votimi për mocionin e votëbesimit.

Salvini nga ana e tij është shprehur i gatshëm se nëse do të duhen protesta për të mbrojtur Italinë, lirinë dhe demokracinë, Lega do të jetë e para që do të zbresë në shesh

Legistët ndërkohë akuzojnë kolegët e tyre të Lëvizjes me pesë yje se kërkojnë reformat ë reja me aleatë të vjetër vetëm për të ruajtur postet e tyre. Lideri i Lëvizjes 5 Yjet Di Maio shprehet qartë se Salvini po shpik çdo gjë pasi vuan nga ndjenja e fajit e atij që ka tradhtuar dhe nuk e di si të dalë nga situata. Ai premtoi gjithashtu se asnjë anëtar i partisë së tij nuk do të ulet asnjëherë në tryezë me Mateo Renzin./ABC News Albania 24/7

salvini-1-1280x820.jpg
G. P.12:34 | 18/08/2019

27 emigrantë në moshë të mitur janë lejuar të zbresin nga anija e shpëtimit “Open Arms”, e cila ka ankoruar në ishullin italian të Lampeduzës. Zëvendës kryeministri Mateo Salvini ka lejuar zbarkimin e tyre, edhe pse ka theksuar se kjo gjë bie ndesh me politikat e tij.

Ministri i Brendshëm i Italisë, Mateo Salvini është dorëzuar përpara presionit të kryeministrit Xhuzepe Konte, duke pranuar të lejojë zbritjen nga anija me emigrantë të 27 fëmijëve të pashoqëruar nga prindërit. Të miturit u lejuan kështu të zbrisnin në ishullin italian të Lampeduzës pas më shumë se 16 ditë në det.

Ndërkohë, mbi 100 emigrantë të tjerë mbeten në bordin e anijes spanjolle të shpëtimit “Open Arms”. Kryeministri Konte e kishte quajtur Salvinin një njeri të obsesionuar nga mbajtja larg porteve italiane të emigrantëve.

Gjithashtu, të premten, dy ministra refuzuan të nënshkruanin urdhrin e tij, që i ndalonte anijes të ankoronte në Lampeduza. Por në një letër të shkruar të shtunën Salvini, me ngurrim i bëri të ditur kreut të qeverisë se mund të lejonte të vegjlit që ndodheshin në anijie, edhe pse theksoi se kjo gjë bie ndesh me politikat e tij.

I menjëhershëm ishte reagimi i stafit të “Open Arms”, që përmes një postimi në Twitter u shpreh: “Evakuimi i të vegjëlve u arrit. Shumë lotë. Ata kanë lënë pas miq të shumtë dhe shokë udhëtimi”.

Grupi i bamirësisë tha se të rriturit që mbetën të varkë dhe po ashtu dy fëmijë të shoqëruar nga prindërit po jetojnë në kushte të vështira. Ishulli i vogël i Lampeduzës prej kohësh ka qenë një magnet për emigrantët afrikanë që largohen nga dhuna dhe varfëria./ABC News Albania 24/7

salvini.jpg
Sej rie10:30 | 03/08/2019

Mateo Salvini, ministri i Brendshëm Italian, njëkohësisht zv. kryeministër e lider i Legës, shfaqet gjithnjë e më i vendosur në qëndrimet e tij. Kjo pavarësisht presioneve si nga aleatët në qeverisje ashtu dhe nga kolegë ndërkombëtarë. Një këmbëngulje që po e izolon gjithnjë e më shumë.

Mund  të konsiderohet një lajm ‘bombë’ por dhe një shqetësim ai I Bazfid, për zv/kryeministrin Italian Matteo Salvini. Fillimisht për atë që u zbulua nga audio përgjimet për takimin në Metropolin e Moskës. Është I turpshëm vetëm mendimi se mund të ketë pasur qoftë dhe një përpjekje për të marrë para ruse për Legën. Një parti sovraniste e cila vetëshpallet mbrojtëse e interesit kombëtar, nuk mund të marrë para nga fuqi të huaja. Marrëveshje politike dhe aleanca, dhe pse të diskutueshme, janë një tjetër gjë. Ndërsa marrja e parave nënkupton një marrëdhënie varësie apo kushtëzimi.

I vetmi person I identifikuar nga gjashtë pjesëmarrësit në takim – tre Italian dhe tre rusë – është Xhanluka Savoini, një mik prej 25 vitesh dhe ish zëdhënës I Salvinit, aktualisht president I shoqatës Lombardi – Rusi, pa një post zyrtar në partinë e Legës, po ende shumë pranë kryetarit për sa I përket marrëdhënieve me Rusinë. Aq sa e ka shoqëruar Salvinin dhe në dy vizitat e tij zyrtare në Moskë. Atëherë në emër të kujt fliste Savoini në Metropol? Nuk mund të merret për e mirëqenë që firmoste marrëveshje në emër të partisë por a nuk mund të përjashtohet si fakt. Nuk dihet ende as se dhe në emër të kujt flisnin rusët të cilët ende nuk janë identifikuar.

Strategjia mbrojtëse e Legës përballë sulmeve politike që i vijnë nga e majta – funksionon  vetëm nëse Lega nuk ka marrë asnjë rubël, ashtu si këmbëngul Salvini.

Por Salvini duhet të shqetësohet dhe për diçka tjetër aktualisht. Nga vjen audio-përgjimi? Dhe kush ia ka dorëzuar Bazfid? E pse pikërisht në këtë kohë?

Pas zgjedhjeve parlamentare evropiane, dhe pse me një rezultat të mirë Salvini mund të konsiderohet se gjendet në një fazë delikate.

As një muaj më parë, Salvini ndodhej në vizitë zyrtare në Uashington ku u takua me zv/presidentin amerikan Majk Pens dhe sekretarin amerikan të shtetit Majk Pompeo. Një vizitë e cila nga shumë u interpretua si një akreditim në administratën Trump të një lideri politik Italian, i favorizuar për të qenë kryeministri i ardhshëm i vendit.

Një zgjedhje e mirë kjo nga Salvini, për të marrë besimin dhe mbështetjen e Shteteve të Bashkuara të Amerikës, gati – gati një “bekim”, para se të nisë betejën për postin e kryeministrit.

“Italia është ndërmjetësuesi i parë, më i besueshëm dhe më i qëndrueshëm i Shteteve të Bashkuara të Amerikës në Bashkimin evropian”, deklaronte Salvini në Uashington. Për të shtuar më pas se Italia ishte vendi më i madh evropian me të cilin Shtetet e Bashkuara të Amerikës mund dhe duan  të dialogojnë. Dhe pas takimit me Pompeo, do të ishte radha e dy deklaratave totalisht në të njëjtën linjë me qëndrimin e Shteteve të Bashkuara të Amerikës dhe në kontrast të pastër me atë të Rusisë:

I takon Putin që të bëjë një hap përpara, pozitiv dhe konkret në Ukrainë para se të kërkojë heqjen e sanksioneve.

Dhe më pas Salvini premton se do të impenjohet personalisht për të njohur Huan Guaido si presidentin e ligjshëm të Venezuelës.

Por si I priti Kremlini deklaratat e tij? Jo dhe aq keq do të thuhej, duke marrë për bazë fjalët e pak ditëve më pas, para se të mbërrinte ën Romë, Putin than ë një intervistë për “Korriere dela Sera: “Salvini ka një qëndrim të ngrohtë për vendin tonë. Jemi takuar në vitin 2014, dhe që atëherë kemi kontakte të vazhdueshme mes Rusisë së Bashkuar dhe Legës, parti që bashkëpunojnë në kuadër të një marrëveshjeje bashkëpunimi. Si për të thënë: Jeni ju që zgjodhët, nuk e mbani mend?

Audio e publikuar nga Bazfid, mes pasojave të shumta ka dhe atë të krijimit të disa dyshimeve në Uashington për sa i përket sinqeritetit të Salvinit dhe të përpjekjes së tij për tu akredituar si një ndërmjetësues i besueshëm për Shtëpinë e Bardhë: si mund të ketë besim, kur vetëm pak muaj më parë një njeri I tij negocionte në Moskë një plan sekret për të marrë financime ruse?

Nga ana tjetër nuk është një mister që para vizitës së Salvinit, që kur në Shtëpinë e Bardhë është Donald Trump, Lega është afruar shumë me Uashingtonin. Pavarësisht admirimit këmbëngulës të zv/kryeministrit Italian për Putin dhe një rryme të fortë filoruse pranë tij, ndoshta Lega nuk ka qenë asnjëherë kaq shumë filo amerikane dhe atlantike në historinë e saj. Mjafton të kujtojmë manifestimet e organizuara nga ajo anti – Nato, pro Sadam dhe pro Miloshevic.

Pra nuk ka aq material sa duhet për të menduar për një paralajmërim nga ana e Moskës për dy provat zhgënjyese të Legës. Kjo e fundit do të duhet të japë llogari për qëndrimin e paqartë në marrëdhëniet mes shteteve të Bashkuara të Amerikës dhe Rusisë në një moment ku të dy fuqitë janë sërish në garë për ndikimin që synojnë të kenë në Europë dhe në mënyrë të veçantë tek partitë e ashtuquajtura sovraniste dhe euroskeptike.

Bazfid gjithashtu është uebsajti që në 11 Janar të vitit 20017, nëntë ditë para uljes në shtëpinë e Bardhë të presidentit të ri amerikan, publikoi dosjen “Stil” për të përbaltur Trump, dhe pse dihej që ishte një lajm i rremë, i përgatitur nga shërbime të huaja, me burime dhe ruse, me porosi të rivalëve politikë. Një dosje e cila ka udhëtuar mes Londrës dhe Romës përpara se të mbërrinte në FBI dhe t’i dorëzohej të gjitha mediave anti-Trump, deri tek Bazfid e cila e publikoi dhe pse ishte përgënjeshtruar prej ditësh. Kjo me qëllimin për të arsyetuar kërkesën për autorizimin që FBI të vëzhgonte këshilltarin e fushatës së Trump, Karter Pejxh. Por Bazfid vijoi përgjatë gjithë procesit “Russiagate”, të publikojë të dhëna që ushqenin përplasjen dhe pse ishin të pabazuara

Ndërkohë sidomos tek Lega, prej javësh shtrohet e njëjta pyetje pa përgjigje: “Përse Matteo Salvini vazhdon të qëndrojë në qeveri me Lëvizjen me Pesë yje? Dhe sigurisht që deklarata e Salvinit sipas të cilës ai është një burrë që mban fjalën nuk është shumë bindëse. Kjo  për faktin se Salvini i kishte dhënë fjalën dhe Silvio Berluskonit dhe Xhorxha Melonit, për të nënshkruar më pas një marrëveshje me Luixhi di Maion”.

Ishin të shumtë ata që deri pak kohë më parë ishin të bindur se Salvini, i fortë nga suksesi në zgjedhjet parlamentare evropiane, dhe nga sondazhet që e tregojnë gjithnjë e më shumë në rritje, do të prishte marrëveshjen me Luixhi di Maion. Por një gjë e tillë nuk ka ndodhur ende

Sjellja e Mateo Salvinit shpesh herë ka përfunduar në qendër të kritikave. Janë të shumtë ata që mendojnë se në disa raste sjellja e tij madje është jashtë logjikës

Sikur të mjaftonin shifrat, ato të ministrisë së tij, Matteo Salvini nuk duhej të bënte më kaq shumë zhurmë për ata dhjetëra emigrantë që mbërrijnë në brigjet italiane. Sipas të dhënave të ministrisë së brendshme italiane, emigrantët e mbërritur në Itali që nga fillimi i këtij viti janë 3.079, 82 për qind më pak se në të njëjtën periudhë në 2018-ën, dhe 96 për qind më pak se në vitin 2017.

Në reagimet e pakta të tij Salvini shprehet se nuk është normale që të sulmohesh nga aleatët

“Të sulmohesh nga opozita është normale. Më pak normale është të sulmohesh një ditë po dhe një ditë jo nga aleatët. Ajo të bezdis pak më shumë.” Në këtë mënyrë zv/kryeministri dhe ministri I brendshëm, do të shprehej pak para takimit me zv/kryeministrin Luixhi di Maio, pas akuzave dhe kundër akuzave publike të ditëve të fundit. Më tej Salvini theksoi se nëse skuadra e qeverisë është e bashkuar, atëherë puna mund të vazhdojë. Në rast të kundërt, ngrohja e poltronës së ministrit nuk ishte punë për të

Por Salvini kritikoi ashpër dhe ministrin e Ekonomisë Tria duke thënë se ai kishte bërë deklarata që nuk I kishin pëlqyer. Kjo duke iu referuar deklaratave se taksat do të uleshin pak por duke respektuar ligjet evropiane. Salvini këmbënguli se Lega është në qeveri për të ulur taksat për shumë italianë dhe të ndërmarrë një manovër kurajoze në këtë drejtim: “Nëse na lejojnë ta bëjmë, shumë mirë. Nëse jo do e bëjmë vetëm,” shtoi ai. Ai gjithashtu u shpreh se nëse ministri i ekonomisë mendon të bëjë një manovër të rreme atëherë ai nuk mund të jetë një ministër ekonomie i kësaj qeverie.

Duke iu referuar akuzave për fonde ruse, Salvini i konsideroi si një film spiunazhi i dorës së katërt. “Renzi dhe Boski thonë se kam tradhtuar Italinë, por janë ata që duhet të kërkojnë një atdhe tjetër pasi janë ata që kanë tradhtuar italianët, do të vazhdonte Salvini”.

“Nuk kam parë dhe nuk kam prekur para nga Rusia. Nëse edhe prokuroria e Milanos thotë se nuk I intereson të më marrë në pyetje, atëherë me kaq. Më lini të bëj ministrin e Brendshëm!”/ABC News Albania 24/7

salvini.jpg
G. P.10:47 | 17/07/2019

Zëvendëskryeministri i Italisë, Matteo Salvini, hodhi poshtë pretendimet se partia e tij populiste është përpjekur të marrë financime të fshehta nga Rusia. Ai ndërkohë ka shtuar komentet në mbrojtje të asaj që e quan “kulturë e krishterë” si dhe për çështjen që e ka shpërblyer më shumë në zgjedhje, emigracionin.

Ndërsa prokurorët e Milanos pohojnë se partia e ekstremit të djathtë Lega ka kërkuar financime të fshehta ruse, zëvendëskryeministri italian ka shtuar komentet e tij anti-emigracion në tubimet dhe në faqet e tij të mediave sociale, duke e lidhur migracionin me krimin dhe papunësinë dhe duke paralajmëruar se kjo është kërcënim për kulturën tradicionale të Italisë.

Kritikët e zotit Salvini thonë se ai po përpiqet të largojë vëmendjen nga akuzat për Rusinë dhe nga problemet e ekonomisë së vendit, e cila vazhdon të jetë e zhytur në recesion.

Pretendimet për financime të fshehta ruse morën një shtysë të re javën e kaluar kur faqja e lajmeve në internet Buzzfeed publikoi audio të një takimi në një hotel të Moskës midis ish-zëdhënësit të shtypit të Salvinit, dhe disa rusëve të paidentifikuar duke diskutuar mbi mundësinë e devijimit të 65 milionë dollarëve drejt partisë Lega nëpërmjet transaksioneve të naftës ruse me çmim të ulur.

Prokurorët e Milanos kërkuan të marin në pyetje zotin Savoini, i cili organizoi një darkë shtetërore më 4 korrik në Romë për nder të Presidentit rus Vladimir Putin, por sipas agjencisë italiane të lajmeve Ansa, ish-gazetari ushtroi të drejtën e tij për të mos iu përgjigjur pyetjeve.

Zoti Salvini po ndjek një qëndrim të ngjashëm me mediat. Në një deklaratë të lëshuar javën e kaluar ai tha se nuk ka marrë “asnjë rubël, asnjë euro, asnjë dollar apo ndonjë litër vodka”. Ai shtoi se admirimi i tij për presidentin rus Vladimir Putin dhe kundërshtimi i tij ndaj sanksioneve evropiane të vendosura ndaj Rusisë për aneksimin e Krimesë në vitin 2014, janë veprime “falas”.

Të hënën ai u tha gazetarëve se: “nuk kam ndërmend të flas më për paratë që kurrë nuk i kam parë dhe që kurrë nuk i kam kërkuar”.

Deri më tani zoti Salvini u ka rezistuar thirrjeve në rritje për të dalë përpara parlamentit të vendit për t’iu përgjigjur pyetjeve në lidhje me pretendimet për takime të zëdhënësit të tij zotit Savoini me presidentin e një shoqërie biznesi italiano-ruse dhe një nga kontaktet kryesore të Lega-s, me Kremlinin.

Në vend të kësaj, Salvini ka përforcuar retorikën e tij kundër emigrantëve përballë kritikave të opozitës se ai po nxit urrejtjen racore. Duket se kjo strategji po sjell rezultate në sondazhet e opinionit. Partia e tij Lega ka gëzuar një rritje të pandërprerë të mbështetjes në kurriz të partnerit të saj në qeverinë e koalicionit, Lëvizja Pesë Yje.

Të martën, ai i dërgoi një letër prefektëve të Italisë duke u bërë thirrje atyre të përgatisin “një raport mbi praninë e vendbanimeve të komuniteteve rome, sinti dhe kaminanti” brenda territoreve të tyre, në mënyrë që të “përgatisin një plan pastrimi”të kampeve të paligjshme.

Zoti Salvini ka mbajtur një sërë tubimesh të stilit Trump në Italinë qëndrore, një rajon tradicionalisht i majtë, i njohur si “brezi i kuq” i vendit. Në një tubim të shtunën, pranë Bolonjës, zoti Salvini mburrej se do të ketë shumë më pak tregtarë të huaj në plazhet e Italisë këtë vit për shkak të operacioneve të policisë. Ai gjithashtu përshëndeti ekipin lokal të futbollit për mos rekrutimin e lojtarëve të huaj.

Turma e mbështetësve të tij brohoriste, duke mbajtuar flamuj blu dhe të bardhë me mbishkrimin “Prima l’Italia”, “Italia e para”, ndërsa zoti Salvini tallej me kapitenen gjermane të një anijeje shpëtimi të emigrantëve dhe me stillin e saj afrikan të flokëve. Kapitenja Carola Rackete, e cila sfidoi zotin Salvini duke zbarkuar 40 emigrantë në Siçili,

ka thënë tashmë se ka në plan të ngrejë padi ndaj zëvendëskryeministrit të Italisë për komentet fyese ndaj saj.

Një javë më parë në qytetin malor të Orvietos, zoti Salvinini bëri lidhje mes të huajve dhe krimin ndërsa organizatat bamirëse që i ndihmojnë të huajt, si faktorë që duan të shkatërrojnë kulturën tradicionale të krishterë.

Në faqen e tij në Facebook, zoti Salvini ka akuzuar organizatat bamirëse të mbështetura nga BE-ja për përpjekje për të shkatërruar qytetërimin evropian. “Këto nuk janë operacione shpëtimi. Ato janë operacione të planifikuara për të pushtuar Evropën, të sponsorizuara nga miliarderë, jo filantropë, nga spekulatorë miliarderë si Sorosi, që duan të anullojnë rrënjët, kulturën dhe traditën e njerëzve dhe duan skllevër të rinj”, shkruhej në faqen e tij të Facebook-ut.

Udhëheqësi nacionalist populist i Hungarisë Viktor Orban, gjithashtu ka përqendruar zemërimin e tij mbi filantropin amerikan George Soros, i lindur në Hungari, duke u bërë objekt i akuzave për antisemitizëm.

Pavarësisht kritikave nga partitë liberale të Vatikanit dhe Italisë, sondazhet tregojnës se retorika e zoti Salvini po i rrit atij mbështetjen, duke nxitur spekulime në rritje se ai së shpejti do të përpiqet të rrëzojë qeverinë e koalicionit për ta çuar vendin në zgjedhje të parakohshme. Ai shpreson se një veprim i tillë do t’i hapte rrugën për të qeverisur vendin i vetëm ose me mbështetjen e së djathtës ekstreme të Italisë. Mbështetja në nivel kombëtar për partinë Lega tani është në nivel 38 për qind, vetëm dy për qind më pak se pragu që do t’i jepte partisë shumicën në parlament.

Megjithatë prokurorët italianë mbeten një rrezik për Salvinin, thonë analistët. Ata mund ta godasin atë me ndihmën e partnerit në koalicion të Lega-s.

Ligjvënësit e Lëvizjes Pesë Yje tani kanë nisur të kërkojnë përgjigje për pretendimet e vazhdueshme se zoti Salvini ka kërkuar financime të fshehta ruse për partinë e tij. Zëvendëskryeministri dhe rivali politik Luigi Di Maio i Lëvizjes Pesë Yje ka bërë thirrje për një komision parlamentar për të hetuar financimin e partive politike të vendit.

I pyetur nga gazetarët të hënën nëse zoti Salvini duhet të paraqitet përpara parlamentit, Kryeministri i Italisë Giuseppe Conte, i cili u zgjodh në këtë post nga Lëvizja Pesë Yje, u përgjigj: “pse jo?!”

Ai shtoi se: “ne besojmë tek transparenca në çdo nivel, në parlament para së gjithash. Udhëzimet tona janë të qarta: transparencë absolute për qytetarët italianë dhe besnikëri absolute ndaj interesave kombëtare. Qeveria nuk do të lëvizë asnjë centimetër ndaj këtyre parimeve”.

Një ditë më parë Kryeministri Conte vuri në dukje se zoti Savoini u shtua në listën e mysafirëve për darkën e 4 korrikut me presidentin Putin me kërkesë të zyrës së zotit Salvini. Vetë Matteo Salvini kishte thënë më herët se nuk e dinte pse zoti Savoini kishte marrë pjesë në këtë darkë./VOA


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono