mat

r.jpg
in a10:25 | 15/11/2019

Një tjetër i kërkuar me rrezikshmëri shoqërore bie në prangat e Policisë. Policia ka njoftuar finalizimin e operacionit policor “Stadiumi”.

Finalizohet operacioni policor “Stadiumi”. Kapet dhe ndalohet një 23-vjeçar, për veprat penale “Armëmbajtja pa leje” dhe “Prishja e qetësisë publike”. 23-vjecari, ishte i dënuar më parë për veprat penale “Dhuna në familje”, “Vjedhja” dhe “Kundërshtim i urdhrit të punonjësit të Policisë”.

Shërbimet e Komisatiatit të Policisë Mat, pas 1 muaji hetimesh proaktive, nën drejtimin e Prokurorisë ka bërë të mundur zbardhjen dhe dokumentinin e ngjarjes, si dhe identifikimin e autorëve të përfshirë në një konflikt me armë. Mbi bazën e hetimeve dhe informacioneve të marra, shërbimet e Komisariatit të Policisë Mat bënë lokalizimin e vendodhjes së autorit M. H., 23 vjeç, banues në Burrel dhe në kuadër të operacionit policor “Stadiumi” u bë kapja e tij, i cili kur ka parë që Policia kishte rrethuar banesën e tij është fshehur në tavanin e saj, por pas kontrollit është vënë në prangat e Policisë.

Ky shtetas, në orët e vona të natës së datës 30.10.2019, në afërsi të stadiumit të qytetit Burrel është përfshirë në një konflikt me shtetasin K. Ll., duke qëlluar me armë zjarri në drejtim të tij. Gjithashtu, është shpallur në kërkim dhe vijon puna për kapjen e shtetasit K. Ll. Vijon puna për gjetjen dhe sekuestrimin e armës së përdorur nga shtetasi i lartpërmendur. Materialet hetimore do t’i kalojnë Prokurorisë pranë Gjykatës së Shkallës së Parë Mat, për veprime të mëtejshme, njofton policia./abcnews.al

0a3ee412-01ab-44ea-9c34-c8558217b975.jpg
ent ela14:42 | 12/11/2019

Dy të rinj u arrestuan nga policia e Matit dhe një tjetër u shpall në kërkim për kultivim të lëndëve narkotike. Në momentin e ndalimit autorët ishin duke shkëmbyer një sasi parash, të cilat dyshohen se janë përfituar nga trafiku i drogës.

Këta persona në bashkëpunim me njëri – tjetrin, dyshohet se janë autorë të disa rasteve të kultivimi të drogës në zonat malore të njësive administrative Ulëz dhe Baz, të cilat janë asgjësuar më parë nga Policia.

Në operacion u sekuestruan  6 400 euro dhe një sasi e vogël lekësh. /abcnews.al

pengmarrje.jpg
ad min11:31 | 18/10/2019

Një 31-vjeçar u morr peng me forcë në mes të qytetit të Burrelit. Ngjarja ndodhi pas një konflikti masiv në lagjen “Pjetër Budi”. 31 vjeçarit i vunë pistoletën në kokë dhe më pas e dërguan ne shtëpinë e njërit prej pengmarrësve i cili është shpallur në kërkim.

Në kërkim janë dhe dy persona të tjerë, ndërkohë që vetëm një person është arrestuar. Ka qenë e shpejte ndërhyrja e policisë e cila shkoi drejt e në bazën ku mbahej peng 31 vjeçari në fshatin Batër e Madhe.

Autorët kryesorë të ketij krimi mundën të largoheshin, dhe në pranga u vendos vetëm një 31-vjeçar. Sipas policisë, pengu dhe pengmarrësit kanë patur edhe më parë konflikt për motive të dobëta.

Gjatë kontrollit në vendin e ngjarjes është gjetur dhe sekuestruar nga policia një kallshnikov me 15 fishekë dhe automjeti tip “Mercedes Benz”, i përdorur nga autorët./ABC News Albania

kzaz.jpg
ad min09:44 | 20/06/2019

Nëntë persona janë arrestuar në lidhje me ngjarjen që ndodhi të mërkurën ku u dëmtuan materialet zgjedhore në KZAZ-në nr. 16 dhe KZAZ nr. 17.  Policia ka njoftuar se pas veprimeve hetimore, identifikimit të personave me anë të pamjeve filmike dhe fotografike të administruara, u arrestuan në flagrancë E. D., 21 vjeç, banues në Burrel; Xh. Gj., 55 vjeç, banues në Burrel; M. D., 53 vjeç, banues në Burrel (Punonjës Policie i Bashkisë Burrel); E. T., 49 vjeç, banues në Klos; I. Ç., 44 vjeç , banues në Klos (Administrator i njësisë administarative Suç, Klos); M. Gj., 62 vjeç, banues në Klos; M. L., 38 vjeç, banues në Klos (Përgjegjës i zyrës së ndihmës ekonomike, Klos); R. D., 62 vjeç, banues në Klos (punonjës në mirëmbajtjen e rrugës, Klos); H. K., 46 vjeç, lindur në Klos e banues në Britaninë e Madhe.

Gjithashtu janë proceduar penalisht në gjendje të lirë 12 persona, konkretisht: D., B. Ç., D. V., S. K., B. C., Sh. XH., A. B., R. K., Sh. D., J. F., K. P., E. P.

Uniformat blu kanë shpallur në kërkim edhe 12 shtetas të tjerë. Mbi ta rëndojnë veprat penale të “Organizimit dhe pjesëmarrjes në grumbullime e manifestime të paligjshme”, “Prishje e qetësisë publike”,  “Kundërshtimi i punonjësit të Policisë së Rendit Publik” dhe “Dëmtimi me dashje i materialit zgjedhor”.

Materialet zgjedhore u dëmtuan të mërkurën në KZAZ-në nr. 16 që ndodhet në Pallatin e Sportit të Bashkisë së Matit dhe në KZAZ nr. 17 që ndodhet tek biblioteka e qytetit të Bashkisë së Klosit./abcnews.al

uleza.jpg
ad min08:38 | 07/06/2019

Dy makinat në pronësi të kryetares së PD-së në Ulëz, njëkohësisht edhe administratore e njësisë janë djegur gjatë natës.

Makinat e Gjelina Kalthit kanë qenë parkuar pranë shtëpisë së saj kur kanë marrë flakë. Megjithëse zjarrfikësja ka mbërritur në kohë, ato janë dëmtuar plotësisht.

Nuk dihen ende rrethanat e kësaj ngjarjeje, por dyshohet se është zjarrvënie e qëllimshme.  Policia po heton për zbardhjen e saj./ABC News Albania 24/7

policia-italiane-1280x725.jpg
ad min11:50 | 09/05/2019

Një kontroll i rastësishëm në makinë ka fundosur dy shqiptarë në Itali. Mbrëmjen e së mërkurës, policia italiane sekuestroi 600 gram kokainë, 5 gram heroinë dhe 14 mijë euro, të dyshuara si të ardhura prej trafikut të lëndës narkotike, ndërsa në pranga ranë dy shqiptarë, 52 dhe 53 vjeç. Ndalimi u bë zonën midis pyjeve të Marnate dhe Castellanza. Shqiptarët, identiteti i të cilëve nuk është bërë i ditur, akuzohen për trafik ndërkombëtar droge. Dyshohet se shtetasit shqiptarë janë furnizues me shumicë të lëndës narkotike, të cilat pastaj rishiten në pyjet e zonës nga pushuesit e Afrikës Veriore./ABC News Albania 24/7

SHKOPET-BRAKTISJA_ABC-M2-T1.mpg_snapshot_00.49-1280x720.jpg
ent ela14:06 | 19/04/2019

Në zonën e Matit shumë fshatra janë braktisur nga banorët. I tillë është fshati Madhesh, aty ku aktualisht nuk jeton asnjë familje.

Pas kësaj mrekullie të natyrës nuk ka njerëz. Shtepitë janë të braktisura. Fillimisht u larguan ata që emigruan jashtë kufijve. Më pas edhe familje të tjera. Nuk kishin drita dhe pse HECI ndodhet një km larg.

“Prej dritash, prej urës se skano nga të kalojënkanë braktisur fshatin”

Herë pas here ata që jetonin aty kalojnë thjesht për të parë Madheshin. Fshat i Njësisë administrative në Ulëz të Matit, sot aty nuk është asnjë banor.

Kjo urë e dëmtuar që mundësonte lidhjen me rrugën nacionale është një nga shkaqet që u largua dhe i fundit.

“Vetëm  prej urës kanë ik dhe janë larguar në Tiranë, Lezhë, Laç e kudo. Edhe kanë kanë vdek njerëz te ura para disa vjetësh”.

Por për këta burra mund të kthehet një shpresë. Nëse do të investohet ura, ata besojnë t’i kthejnë shtëpitë në bujtina.

“Me u rregullu ura bëhet zhvillimi i fshatit Madhesh për turizëm”.

Fshatra të tilla të braktisura ka shumë në zonën e Matit. Pavarësisht vendit piktoresk, banorët nuk kanë patur asnjë mundësi jetese. /abcnews.al

zjarri-ne-mat.jpg
ad min11:47 | 30/03/2019

Zjarri i rënë një ditë më parë në vendin e quajtur Kongrazhd në afërsi të Burrelit ka marrë përmasa të frikshme. Aktualisht ne rrethin e Matit janë aktive pesë vatra zjarri, të cilat po përhapen me shpejtësi. Mësohet se sipërfaqja e përshkuar nga flakët ka shkuar në 60 hektarë.

Me gjithë ndërhyrjen  nga forcat e shërbimit zjarrfikës të Bashkisë Mat, të shërbimit pyjor, zjarrfikëses së Bashkisë Klos dhe forcave të ushtrisë nuk është arritur të neutralizohet zjarri.

Drejtori i Politikave Ekonomike, Bujqësisë dhe menaxhimit të pyjeve në Bashkinë Mat, Vebi Stana, kërkon ndihmën e Ministrisë së Mbrojtjes për të ndërhyrë nga ajri./abcnews.al

policia-4.jpg
ent ela17:19 | 10/02/2019

Në faqen “Facebook” Policia e Shtetit ka postuar një video, të cilën ia ka dërguar një qytetar. Në material shikohet një punonjëse policie, e cila ka shkelur rregullat e qarkullimit.  ndërsa drejtonte mjetin.

“Një qytetar denoncoi me video në adresën zyrtare të Policisë së Shtetit, një shkelje të rregullave të qarkullimit rrugor, ku drejtuesja e mjetit mbante veshur uniformë policie. Policia Rrugore e ndëshkoi shkelësen e denoncuar, për faktin se është konstatuar duke qarkulluar në korsinë e rezervuar për shërbim publik dhe duke përdorur celularin gjatë drejtimit të mjetit. Policia e Shtetit falenderon qytetarët për besimin dhe bashkëpunimin që tregojnë duke raportuar në adresat zyrtare të Policisë së Shtetit në rrjetet sociale apo në Komisariatin Dixhital, shkelje të ndryshme. Policia e Shtetit siguron ruajtjen e plotë të anonimatit, reagim të shpejtë, profesional e të paanshëm për cilindo që shkel ligjin. Përpara ligjit janë të gjithë të barabartë. Bashkë për një ambjent sa më të sigurt! #112PoliciaeShtetit”,-thuhet në njoftim.

49442922_612357912553596_7620806811142062080_o-1280x853.jpg
ent ela15:59 | 12/01/2019

Ministrja e Shëndetësisë dhe Mbrojtjes Sociale Ogerta Manastirliu vizitoi sot qendrën shëndetësore në fshatin Komsi dhe spitalin e Burrelit. Ajo deklaroi se në këto ditë të ftohta dimri janë kryer shumë misione shpëtimi. Manastriliu garantoi qytetarët se nuk do mungojë ndihma e mjekëve kur ka emergjenca shëndetësore.

Në këto ditë të motit të keq janë kryer 2900 misione shpëtimi me ambulancë dhe 8 me helikopter në zona të ndryshme të vendit.

Nga Mati, ministrja e Shëndetësisë Ogerta Manastirliu vlerësoi punën e kryer nga mjekët dhe u kërkoi atyre që të vazhdojnë shërbimin ndaj banorëve për çdo rast që mund të paraqitet.

“Sistemi tashmë garanton që të gjitha atyre emergjencave t’u përgjigjemi në kohë. Janë 2900 misione me auto-ambulanca në të gjithë Shqipërinë në këto ditë moti të ftohtë dhe me reshje dëbore, të cilët kanë qenë misione shpëtimi duke shpëtuar jetë duke transportuar nga banesat në qendra shëndetësore ose duke transferuar nga qendrat shëndetësore në spitale”.

Ajo vizitoi qendrën shëndetësore Komsi dhe spitalin e Burrelit, dhe garantoi qytetarët se as furnizimi me medikamentet e nevojshme, as angazhimi i stafeve në qendra shëndetësore nuk do të mungojë.

“92 qendra shëndetësore janë furnizuar me të gjitha barnat dhe medikamente mjekësore”.

Manastirliu takoi edhe mjekët obstetër-gjinekolog që nëpërmjet sistemit të patronazhimit kanë ardhur nga materniteti “Koço Gliozheni” i Tiranës, në maternitetin e spitalit të Burrelit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono