masimiliano allegri

Allegri-juventus.jpg
nev ila14:40 | 17/05/2019

Masimiliano Allegri nuk do të jetë më trajner i juventusit për sezonin e ardhshëm. Lajmi është bërë zyrtar nga klubi juventin që njofton ndërprerjen e bashkëpunimit mes palëve ndërkohë që Allegri do të dalë në konferencën e fundit për shtyp të shtunën në orën 14:00.

Palët nuk gjetën gjuhën e përbashkët sa i përket strategjisë së merkatos. Allegri vendosi veton për të bërë revolucion në skuadër duke kërkuar largimin e yjeve si Kanselo Dybala dhe Mandzukic si dhe nënshkrimin me pesë futbollistë të kalibrit botëror.

Kërkesa e cila nuk mori aprovimin e numrit një të zonjës së vjetër i cili kërkon të ruajë ekuilibrat në skuadër. Allegri largohet pas 5 vitesh të suksesshme ku fitoi plot 11 trofe. 5 kampionate radhazi, katër kupa Italie dhe 2 super kupa.

Nën drejtimin e trajnerit 51 vjeçar, Juventus luajti dy finale të ligës së kampioneve ndaj Barcelonës në vitin 2015 dhe kundër Realit në vitin 2018 ku dështuan në të dyja takimit. Presioni mbi teknikun Italian u rrit ndjeshëm pas eliminimit nga Ajaksi në Champions League çka solli edhe krisjen e parë me drejtuesit e klubit.

Allegri humbin edhe besimin e lojtarëve përfshi këtu edhe Cristiano Ronaldon i cili ka shfaqur publikisht pakënaqësitë ndaj trajnerit sa i përket strategjisë së lojës. E ardhmja e trajnerit livornez është e destinuar për të vijuar jashtë kampionatit Italian./ABC News Albania 24/7

 

federicochiesa-17102018-1280x720.jpg
G. P.22:59 | 15/05/2019

Interi futet në garë për sulmuesin e talentuar Federico Chiesa. Barcelona nuk heq dorë nga mbrojtësi holandez De Ligt.

Drejtuesit e skuadrës së Interit po planifikojnë për të ndërtuar një skuadër të aftë për të rivalizuar me Juventusin edicionin e radhës. Së fundmi mediat italiane raportojnë se zikaltërit janë skuadra e radhës që interesohen për sulmuesin e Fiorentinës Federico Chiesa. 22-vjeçari ka një klauzolë largimi prej 80 milionë euro. Një shifër tepër e lartë që Inter kurrsesi nuk është i gatshëm ta paguajë. Inter mund të arrijë te Chiesa duke ofruar 45 mln euro dhe tre lojtarë. Për talentin italian janë të interesuara edhe Juventusit, Liverpool dhe Paris Saint Germain.

Barcelona nuk dorëzohet në garën për mbrojtësin e Ajaks De Ligt. 19-vjeçari që njëkohësisht është edhe kapiteni i skuadrës holandeze admirohet shumë në kampin katalanas. Katalanaasit i garantojnë futbollistit rolin e titullarit edhe pse në pozicionin ku luan De Ligt janë lojtarë si Pique, Umtiti apo Lenglet. Garancia është ajo që kërkon edhe lojtari në fjalë pasi nuk do të pranonte kurrsesi stolin. Në garë për De Ligt është skuadra e Juventusit që e konsideron futbollistin si një garanci për 10 vitet e ardhshme ndëekohë që spanjollët janë favoritë absolutë për të nenshrkuar me 19-vjeçarin.

Juventus dhe Joao Cancelo mund të ndërpresin bashkëpunimin në rast se trajneri Allegri qëndron të paktën edhe sezonin e ardhshëm. Tekniku livornez nuk e admiron mbrojtësin portugez pasi nuk ofron siguri në repartin difensiv duke lënë shumë hapësira pas shto këtu edhe gafat gjatë sezonit që i kanë kushtuar jo pak Juventusit. Destinacioni i radhës për Cancelon pritet të jetë Manchester City i tajnerit Pep Guardiola. Qytetarët janë të gatshëm të ofrojnë deri në 60 milionë euro për shërbimet e portugezit. Gjithsesi e ardhmja e mbrojtesit të krahut të djathtë do të varet nga qëndrimi ose jo i trajnerit Allegri./ABC News Albania 24/7

capello.jpg
G. P.22:48 | 06/05/2019

Trajneri Italian Fabio Capello ka dalë në mbrojtje të trajnerit të Juventusit, Masimiliano Allegri dhe ka kritikuar teknikun e Liverpool, Jurgen Klopp.

Trajneri italian Fabio Capello rikthehet të flasë rreth kritikave ndaj trajnerit italian Masimiliano Allegri. Ish-trajneri i kombëtares së Anglisë nuk është dakord për kritikat që i bëhen teknikut të Juventusit ndërkohë që Jurgen Klopp lavdërohet edhe pse nuk ka fituar asnjë trofe me Liverpool-in.

“E admiroj punën që bën Jurgen Klopp. Ka ndërtuar një skuadër të madhe, e cila është në garë në çdo kompeticion. Mendoj se është problem kur Allegri kritikohet dhe Klopp lartësohet. Allegri ka fituar pesë tituj në itali dhe e ka dërguar Juventusin në dy finale të Champions-it.

Nëse do të fitonte një herë Ligën e Kampionëve, ai do të konsiderohej si fenomen. Eliminimi nga Champions erdhi pas dëmtimit të lojtarëve. Nuk jam dakord që një trajner që fiton të kritikohet ndërkohë që trajneri tjetër të lavdërohet edhe pse nuk ka fituar asgjë, por vetëm se ka ndërtuar një ekip të fortë”, përfundon Fabio Capello./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono