masaker

kaliforni.jpg
ger ta11:22 | 18/11/2019

Të paktën katër persona kanë mbetur të vrarë dhe gjashtë të tjerë u plagosën, në Fresno të Kalifornisë, ku disa persona të armatosur qëlluan me armë zjarri ndaj disa personave që po shihnin një ndeshje futbolli në oborrin e shtëpisë.

Mediat amerikane konfirmuan lajmin pa saktësuar se sa persona kanë qëlluar, identitetin e tyre apo arsyen e të shtënave. Disa nga të plagosurit ndodhen në gjendje kritike për jetën.

Policia shpjegoi se në oborrin e shtëpisë ndodheshin 35 persona në momentin e ngjarjes. Katër viktimat janë meshkuj të moshës 25 deri në 30 vjeç, dhe nuk dihet nëse viktimat njiheshin me vrasësit.

Askush nuk i ka parë personat që qëlluan dhe nuk është sinjalizuar asnjë automjet i dyshimtë pranë vendngjarjes. Policia po analizon pamjet e kamerave të sigurisë./abcnews.al

 

salamanca-565x322.jpg
ent ela17:18 | 10/03/2019

Kartelet e drogës po kalojnë gradualisht në kontrollin e naftës në disa rajone të Meksikës. Në përpjekje për të kontrolluar industrinë e arit të zi, mes bandave ka shpërthyer një luftë, që në ditët e fundit ka marrë jetën e 15 personave.

Të paktën 15 persona mbetën të vrarë dhe 7 të tjerë të plagosur në një atentat me armë zjarri në një klub nate në shtetin Guanajuato të Meksikës. Një grup personash të armatosur, të cilët zbritën nga 3 furgonë hynë në klubin në qytetin Salamanka dhe hapën zjarr me armë automatike. Ende nuk dihet autorësia e sulmit, por dyshohet që pas tij të fshihen kartelet e drogës që tashmë kanë kaluar në kontrollin e naftës. Faktikisht, rafineria e naftës në qytetin Salamanka ka rënë shpesh herë pre e grabitjeve. Javën e kaluar, presidenti Manuel Lopez Obrador i dha jetë një ofensive për kapjen e liderit të bandës, Hoze Antonio Jepez, i njohur me pseudonomin “El Marro”. Sipas zyrës së prokurorit të shtetit Guanajuato, 13 nga viktimat gjetën vdekjen në vendin e ngjarjes, ndërsa dy të tjerë ndërruan jetën në spital. Qyteti Salamanka është një zonë industriale që ka shërbyer si magnet për prodhues prestigjozë të automjeteve si “Volkswagen”, “General Motors” dhe “Toyota”, por gjatë vitit të kaluar përjetoi një dyfishim të vrasjeve, duke u kthyer në një nga rajonet më të dhunshme të Meksikës. Kur ka kaluar mbi një dekadë që nga angazhimi i ushtrisë kundër karteleve të drogës, që ishin dhe vitet me gjakderdhjen më të madhe, përpjekja e fundit do të jetë një test për qeverinë e re për t’i vënë fre aktiviteteve të krimit të organizuar. /abcnews.al

5ba61938dda4c883608b456b.jpg
ent ela18:24 | 22/09/2018

Parada e Gardës Revolucionare që do të tregonte fuqinë e Iranit është kthyer në një masakër. Një grup i armatosur ka hyrë në veprim duke vrarë 25 persona, ushtarakë dhe civilë. Në reagimin e tij, Teherani zyrtar ka fajësuar vendet fqinje dhe padronët amerikanë, që sponsorizojnë terrorizmin.

Persona të armatosur kanë hapur zjarr gjatë paradës ushtarake iraniane në qytetin jug-perëndimor të Ahvazit, duke vrarë 25 persona dhe plagosur 60 të tjerë. Sipas raportimeve të mediave ndërkombëtare, agresorët qëlluan nga një park pranë rrugës ku po zhvillohej parada duke vrarë ushtarakë dhe civilë. Agjencia e lajmeve “Fars” ka bërë me dije se ngjarja ndodhi në 9, me orën lokale, rreth 7 e 30 të mëngjesit me orën tonë dhe se autorët ishin të veshur me uniforma ushtarake. Fillimisht ata hapën zjarr ndaj civilëve dhe më pas u përpoqën të qëllonin ndaj oficerëve të lartë të mbledhur në podium për të ndjekur paradën. Thuajse gjysma e viktimave ishin anëtarë të Gardës Revolucionare Iraniane. Duke reaguar, presidenti Hasan Ruhani ka premtuar një përgjigje të ashpër ndaj përgjegjësve. “Përgjigjia e Republikës Islamike edhe ndaj kërcënimit më të vogël do të jetë e ashpër, por përgjegjësi do të mbajnë edhe ata që sponsorizojnë terrorizmin”, ka deklaruar Ruhani. Grupi arab Rezistenca Kombëtare e Ahvazit dhe Shteti Islamik kanë marrë përsipër sulmin. Por ministri i Jashtëm, Xhavad Zarif ka theksuar se Teherani konsideron përgjegjës vendet fqinje dhe padronët e tyre amerikanë. Agjencia e lajmeve “Irna” ka bërë ndërkohë të ditur se mes viktimave ka edhe gra e fëmijë. Ndërkohë ka paqartësi sa i përket fatit të autorëve. Mediat shtetërore thonë se të kartërt ata janë vrarë, por më pas një zyrtar vendas deklaroi se dy prej tyre janë vrarë, ndërsa dy të tjerë janë arrestuar. Reagimi i parë nga jashtë lidhur me ngjarjen ka ardhur nga Rusia. Kremlini ka deklaruar se është e gatshme të mbështesë Iranin në luftën kundër terrorizmit. /abcnews.al

 

103446287_mediaitem103446286.jpg
ent ela20:55 | 15/09/2018

Sheshi kryesor i kryeqytetit të Meksikës, që është dhe një nga atraksionet turistike më të frekuentuara, është bërë vend i një masakre. Tre persona të veshur si muzikantët popullore “mariaçi” kanë hapur zjarr duke ekzekutuar tre persona.

Persona të armatosur me pushkë dhe pistoleta ekzekutuan tre persona dhe plagosën shtatë të tjerë në Qytetin e Meksikos, në një nga sheshet më të frekuentuara nga turistët. Policia lokale bëri me dije se autorët e sulmit të armatosur ishin të veshur si mariaçi, siç njihen muzikantët vendas. Pas disa vite imunitet nga dhuna e kriminalitetit që ka pllakosur Meksikën, kryeqyteti i saj ka patur një intensifikim të vrasjeve, frenimi i të cilave do të jetë një nga problemet kryesore me të cilat do të përballet pushteti i ardhshëm lokal. Autoritetet policore kanë saktësuar se ngjarja ndodhi në sheshin Garibalti, një destinacion i njohur turistik i mbushur me bare e kafene ku këndojnë muzikantët tradicionalë. Në momentin e sulmit viktimat ndodheshin në një restorant dhe agjentët kanë gjetur pranë tyre mbi 60 gëzhoja plumbash. Ndonëse autorët nuk janë identifikuar ende, policia fajëson për rritjen e kriminalitetit grupet e dhunshme që kërkojnë të kontrollojnë shitjen e drogës dhe gjobëvëniet. Dhe në fakt, sheshi Garibaldi ndodhet në kufi me një nga lagjet më të dhunshme të kryeqytetit meksikan, Tepito, bastion i bandës La Union, që po kërkon të imponohet me anë të dhunës. /abcnews.al

meksike.jpg
ent ela19:18 | 25/06/2018

E gjithë forca policore në një qytet në perëndim të Meksikës është arrestuar për vrasjen e një kandidati për kryetar bashkie. Në prag të zgjedhjeve të 1 korrikut, në vendin latin janë ekzekutuar të paktën 100 politikanë.

Një forcë e tërë policore, e përbërë nga 28 efektivë, është arrestuar në Meksikë për vrasjen e një politikani në një qytet në perëndim të vendit latin. Të gjithë efektivët e qytetit Okampo janë prangosur, çarmatosur dhe marrë në pyetje nga oficerët e punëve të brendshme. Ata po hetohen për përfshirje të mundshme në vrasjen e kandidatit për kryetar bashkie Fernando Angeles Huarez, të enjten e kaluar. 64-vjeçari, i njohur edhe si aktivist kundër korrupsionit, u qëllua për vdekje jashtë shtëpisë së tij në Okampo nga persona ende të paidentifikuar. Fotot e publikuara në rrjetet sociale tregojnë agjentët e policisë të rreshtuar dhe të shtrirë përdhe, me duart e prangosura pas shpine. Paraprakisht ata akuzohen se kanë shkelur kodin policor të sjelljes, me autoritetet nuk japin më shumë detaje. Huarez është politikani i tretë që vritet në shtetin e Mikoaçanit brenda 10 ditëve, ndërsa në nivel kombëtar mbi 100 politikanë janë ekzekutuar në prag të zgjedhjeve të përgjithshme që mbahen më 1 korrik. 28 efektivët dhe një zyrtar civil u arrestuan nga policia federale mëngjesin e së hënës. Pas vrasjes së Huarez, autoritetet lokale akuzuan sekretarin për sigurinë publike, Oskar Gonzales Garsia për përfshirje në ekzekutim. Policia lokale pengoi agjentët federalë që ta arrestonin atë ditën e shtunë, duke i detyruar ata të bënin një tërheqje të përkohshme. /abcnews.al

masakra-e-Camerise-FOTO.bmp
ad min14:04 | 30/05/2018

Në përfundim të Luftës së Dytë Botërore, andartët e Napoleon Zervës, spastruan me dhunë e gjak krahinën e Çamërisë nga banorët historikë. Qysh nga kjo kohë një pjesë e mirë e histrorigrafisë greke tenton të justifikojë ngjarjet duke i peshuar argumentit se çamët bashkëpunuan me fashistët, madje morën pjesë në masakra ndaj popullatës greke bashkë me ta. Nga ana tjetër historigrafia shqiptare vazhdon në të njëjtën linjë të pandryshuar të cilësimit të gjithçkaje si Genocid, apo spastrim etnik i organizuar, që vinte në një linjë me realizimin e ëndrrës së vjetër greke të “Greqisë së Madhe” apo Megaliidesë.

Por si qendron e vërteta? Çfarë konkluzionesh të forta, të patjetërsueshme dhe bindëse sjellin dokumentet më të fundit apo historigrafët për këtë ngjarje? Cilët ishin frymëzuesit dhe aktorët? Ishte një akt brenda fuqive të faktorit grek të copëzuar nga konfliktet e brendshme, apo gjithçka ndodhi kishte lidhje me mbështetjen e aktorëve të tjerë më të plotfuqishëm? Dhe në fund cili ishte roli i Enver Hoxhës dhe komunistëve shqiptarë të ardhur ndërkohë në pushtet? Këto pikëpyetje tenton të zbardhë ky dokumentar./abcnews.al

dimitrious-pagotisus.jpg
ad min11:04 | 19/05/2018

Autori i masakrës në shkollën e mesme të Teksasit, ishte viktimë e bulizmit. Në ditarin e tij, ai shkruante se donte të vriste dhe të vetëvritej. Ndërkohë dhe në parkingun e një shkolle të lartë në Atalanta një grua humbi jetën si pasojë e të shtënave me armë.

Dimitrios Pagourtzis, 17 vjeç, studenti i arrestuar për masakrën në shkollën e mesme në Teksas, ka qenë viktimi bulizmi i shokëve të klasës dhe trajnerëve. Washington Post ka intervistuar të afërmit e tij, ndërsa gjykata i ka mohuar mundësinë e lirimit me kusht në pritje të procesit. Sipas mediave amerikane, ai ka qenë i qetë gjatë dhënies së vendimit.

Fakti që ai ka qenë objekt talljeje për shokët e tij mund të jetë dhe arsyeja e masakrës, ndërsa mbetet ende për tu zbuluar plani i sulmit. Mediat amerikane kanë publikuar të dhënat e para të profilit të vrasësit 17-vjeçar. Në profilet e tij në rrjetet sociale, ai shfaqet në një fotografi me moton: i lindur për të vrarë, ndërsa në një fotografi tjetër, ai është me një xhaketë të verdhë të gjatë me simbole naziste. Adoleshenti luante me ekipin e futbollit të shkollës dhe ishte anëtar i skuadrës së kërcimit të kishës greke ortodokse.

Në ditarin e tij, Dimitrios planifikonte të vriste dhe të vetëvritej, dhe në automjetin e dhomën e tij janë gjetur bomba molotov dhe mjete të tjera shpërthyese.

Pas ngjarjes në Santa Fe në Texas, një episod tjetër i ngjashëm është regjistruar orët e fundit në Georgia. Sipas televizionit amerikan Fox News, një grua mbeti e vrarë në parkingun e një shkolle të lartë në pjesën lindore të Atalantës, teksa po zhvillohej një ceremoni diplomimi. Gruaja ndërroi jetë si pasojë e disa plumbave, ndërsa një person tjetër mbeti i plagour. Sipas të dhënave të para të policisë, çdo gjë ndodhi pas degjenerimit të një debati për shkak të vendeve të parkingut./abcnews.al

erdoganjpg-thumb-large.jpg
ad min12:46 | 17/05/2018

Presidenti i Turqisë, Erdogan, ka sulmuar Organizatën e Kombeve të Bashkuara duke thënë se ka marrë fund. Gjithashtu nënvizoi se nëse nuk reagon ndaj dhunës së Izraelit ndaj palestinezëve në Rripin e Gazës, bota do të zhytet në kaos.

“Përballë asaj që ndodhi në Gaza, Organizata e Kombeve të Bashkuara ka marrë fund, është rrëzuar. Në këtë moment, nuk arrij as të flas me sekretarin e përgjithshëm të OKB-së, pavarësisht se kemi miqësi të mirë. Nëse do të vazhdojë të qëndrojë në heshtje ndaj talljeve të Izraelit, bota do të jetë në kaos”.

Kështu është shprehur Presidenti i Turqisë, Rexhep Tajip Erdogan, duke folur për palestinezët e vrarë nga ushtria izraelite gjatë inagurimit të ambasadës amerikane në Jeruzalem.

Ai gjithashtu njoftoi se të premten do të mbahet një manifestim madhështor në nderim të viktimave.

“Nuk do të lejojmë që Jeruzalemi të pushtohet nga Izraeli. Do të mbështesim luftën e vëllezërve tanë deri ditën në të cilën tokat palestineze, që prej shumë kohësh janë të pushtuara, të kenë paqe dhe siguri Brenda kufinjëve të një shteti të lirë palestinez”, shton Erdogan.

Ndërkohë, për këtë çështje, Presidenti turk ka biseduar në telefonata të ndryshme me kancelaren gjermane, Angela Merkel, Presidentin rus Vladimir Putin, atë iranian Hassan Rouhani dhe disa liderë të tjerë.

Ndër të tjera, Erdogan ka thirrur edhe një mbledhje të jashtëzakonshme të 57 vendeve të Organizatës së Bashkëpunimit Islamik, pjesë e së cilës është dhe Shqipëria./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono