Martin Schulz

vlcsnap-error257-1280x720.jpg
gra moz22:37 | 13/02/2018

Pas heqjes dorë nga posti i ministrit të Jashtëm, që pritej të mbante në kuadër të marrëveshjes me kancelaren Merkel, Martin Schulz është tërhequr edhe nga posti i kryetarit të SPD-së, për të lehtësuar bashkëqeverisjen.

Kryetari i Partisë Social-Demokrate në Gjermani, Martin Schulz ka dhënë dorëheqjen me qëllim lehtësimin e përgatitjeve për koalicionin qeverisës me konservatorët e kancelares Merkel.

Schulz ka deklaruar se do t’ia dorëzonte drejtimin Andrea Nahles me efekt të menjëhershëm. Sidoqoftë, anëtarët e SPD-së do të votojnë më 22 Prill për këtë ndryshim. Burime konfidenciale nga partia bëjnë me dije se kryetari i Bashkisë së Hamburgut, Olaf Scholz do të jetë lider i përkohshëm.

Martin Schulz u tërhoq duke thënë se dëshironte t’i jepte fund debateve për emërimet në radhët e partisë. SPD ka rënë dakord për një koalicion qeverisës me kristian-demokratët e CDU-së dhe aleatëve të tyre bavarezë, CSU. Votimi për koalicionin e madh do të mbahet muajin e ardhshëm dhe rezultatet pritet të publikohen më 4 Mars. SPD, parti e qendrës së majtë, pritet të marrë drejtimin e 6 ministrive, përfshirë atë të Financave dhe atë të Punëve të Jashtme. Schulz, ish-kryetar i Parlamentit Europian, kishte në plan të drejtonte MPJ-në, por u tërhoq pas përplasjeve të brendshme në SPD./abcnews.al

vlcsnap-error101-1280x720.jpg
gra moz18:27 | 09/02/2018

Lideri i Social-Demokratëve në Gjermani ka lëshuar postin e ministrit të Jashtëm, që kishte siguruar nga marrëveshja me Merkel, me qëllim që t’i jepet fund debatit mbi emërimet.

Lideri i Social Demokratëve në Gjermani, Martin Schulz ka zyrtarizuar tërheqjen nga posti i ministrit të Jashtëm në qeverinë e ardhshme të drejtuar nga kancelarja Merkel. Në një deklaratë për mediat, Schulz ka bërë me dije se veprimi i tij ka si qëllim t’i japë fund debateve mbi emërimet, për të mos vënë në rrezik votën e bazës së partisë së tij për Koalicionin e Madh.

“Njoftoj tërheqjen time nga hyrja në qeverinë gjermane dhe në të njëjtën kohë shpresoj që debati për anëtarët të marrë fund”, ka thënë Schulz në reagimin e tij të shkruar. Kreu i SPD-së ka nënvizuar se, pjesëmarrja në koalicion ka qenë e kushtëzuar nga prioritetet e social-demokratëve, që synojnë përmirësim të arsimit, kushteve të punësimit dhe shëndetësisë.

“Mund të them me krenari se të gjitha këto janë pranuar. Ndaj për mua është e rëndësishme që anëtarët e SPD-së në baza të shprehen në mbështetje të kësaj kontrate, nisur nga fakti se ata kanë insistuar për këto prioritete po aq sa dhe unë”, ka thënë Schulz.

Emërimi paraprak i Schulz në krye të diplomacisë gjermane shkaktoi pakënaqësi tek ish-lideri i social-demokratëve Sigmar Gabriel, i cili u shpreh i zhgënjyer nga mungesa e respektit në radhët e partisë së tij dhe la të kuptohet se vota pro koalicionit mund të rishqyrtohej./abcnews.al

vlcsnap-error568-1280x720.jpg
us er20:51 | 01/12/2017

Lideri i Socialdemokratëve, Martin Shulc ka mohuar se ka dhënë dritën jeshile për formimin e një koalicion të madh qeverisës me partinë e Angela Merkel. Megjithatë ai u shpreh i gatshëm të bisedojë me Kristiandemokratët.

Lideri i Socialdemokratëve, Martin Shulc, u shfaq i irrituar në një podium në Berlin të premten. Ai doli në një konferencë për media për të mohuar se partia e tij është zyrtarisht gati të nisë bisedimet me Kristiandemokratët e Angela Merkel për formimin e një koalicioni të madh qeverisës në Gjermani.

Martin Schulz, kryetar i Partisë Socialdemokrate: “Mund ta hedh poshtë krejtësisht thashethemet se një dritë e gjelbër është dhënë. Është krejtësisht false dhe e papranueshme. Mënyra se si qarkullojnë raportime të gabuara shkatërrojnë besimin”.

Ky qëndrim i Shulc vjen pas takimit që ka pasur me kancelaren Angela Merkel, liderin konservator të Bavarisë, Horst Seehofer dhe presidentin gjerman, Frank Valter Shtajnmajër. Në këto takime është diskutuar lidhur me mundësitë e një qeverie të re. Por gazeta gjermane, Bild si dhe agjencia e lajmeve Rojters dhe DPA raportuan gjatë të premtes se është arritur një marrëveshje për të shqyrtuar mundësinë e koalicionit të madh.

Për këtë, Shulc tha se kishte telefonuar kancelaren Merkel për t’i thënë se çdo pretendim i tillë nga konservatorët e saj në media do të shikohet si “një shkelje e besimit”. Megjithatë ai nuk u shpreh kundër bisedimeve me Kristiandemokratët.

Që prej 24 shtatori, Gjermania po kalon një krizë politike. Partia e kancelares Angela Merkel nuk arriti të fitojë mazhorancën e plotë në mënyrë që të qeveriste e vetme. Gjithashtu partia e saj dështoi në bisedimet me dy parti të tjera për një koalicion qeverisës. Shpresa e vetme tashmë është një bashkëqeverisje me Socialdemokratët, ose në të kundërt do të ketë zgjedhje të reja./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono