martesa

1920-1280x625.jpg
So Nila15:50 | 20/01/2020

Nëse e keni pyetur veten ndonjëherë çfarë e bën të lumtur martesën, më poshtë janë përgjigjet. Një këshillues martesash dhe familjesh, Aaron Anderson, ka ndarë disa këshilla nga eksperiencat e tij me çiftet, duke iu referuar kryesisht meshkujve dhe gjërave që ata duan me çdo kusht. Ja çfarë kërkojnë ata.

1.Burrat kërkojnë që t’i duash – (nuk është e nevojshme të thuhet apo jo?). Ashtu si bashkëshortet e tyre, meshkujt kanë nevojë të duhen, edhe pse jo deri në atë pikë që duan femrat. Ata dëshirojnë t’i kesh në vëmendje dhe t’u tregosh herë pas here dashuri – por pa e tepruar. Nuk u kushtojnë vëmendje gjërave të vogla të të shprehurit të dashurisë, kështu që në këtë pikë, të dashura zonja, mos e teproni.

2.Duan një grua të pavarur: një bashkëshorte që të ketë dëshirat e saj, punën dhe qëllimet e saj, si dhe planet për t’i arritur ato. Ata, ashtu si edhe femrat, kanë në kokë planet dhe qëllimet e tyre në karrierë dhe nuk i tolerojnë lehtë prishjet e planeve të së ardhmes. Ata duan të kenë në krah një bashkëshorte, e cila i mbështet, por aspak t’i pengojë në qëllimet që i kanë vënë vetes për të arritur, ndaj edhe duan një bashkëshorte, e cila i fton për t’i arritur bashkë qëllimet – e kundërta nuk mund të ndodhë.

3.Duan përkujdesje: adhurojnë kur vëmendja e bashkëshortes është maskimale (jo xheloze). Anderson tregon se meshkujt e dashurojnë vëmendjen e bashkëshortes së tyre, sidomos sa herë kanë pasur një ditë të keqe, duan të qetësohen në krah të saj, por ndonjëherë kanë dëshirë edhe për vetmi kur kalojnë momente kritike, zënka apo debate në punë. Po ashtu, meshkujt duan që të kujdesesh sa herë ata janë të sëmurë. Nuk mund t’u kërkoni ndihmë në shtëpi, por kanë dëshirë të marrin pjesë sa herë bashkëshortja e tyre është duke bërë punë shtëpie. Femrat mund ta mbushin ditën e tyre me shumë gjëra, por edhe me fëmijët, por në fund të ditës, meshkujt duan vëmendjen e tyre.

4.Duan një grua që është në një mendje me ta – jo vetëm fëmijët. Është e kuptueshme se femrat kanë lidhje të veçantë me fëmijët. Deri këtu gjithçka është në rregull, por pasi fëmijët dhe nënat bëhen bashkë, meshkujt ndihen si të lënë pas dore, ndaj kjo nuk është aspak e pranueshme për ta. Derisa kërkojnë të jenë nën vëmendje, meshkujt urrejnë të lihen në plan të dytë.

5.Duan të ndihen të sigurt. Por jo në aspektin fizik. Martesa nxjerr anët më të mira dhe më të këqija të njerëzve. Ajo i ndryshon njerëzit në një mënyrë që ndonjëherë as ata vetë nuk e kanë menduar. Duket sikur është një tipar që karakterizon më shumë femrat, por në fakt jo, vëren Anderson. Meshkujt, po ashtu kërkojnë të ndihen të sigurt në martesën e tyre. Ata duan një bashkëshorte shumë të qetë dhe të duruar me çdo situatë të pakëndshme që mund të sjellë martesa, në vend të një tjetre që vazhdimisht mund të vërë në dukje të metat e tyre. Kjo e fundit i çon ata drejt mendimit se martesa është në rrezik./abcnews.al

dpstphotos28185287-DMID1-5b92rclje-2000x1125-1-1280x720.jpg
So Nila13:20 | 20/01/2020

Nuk ka rëndësi nëse udhëtoni vetëm me një çantë shpinë apo bëni një rezervim në një hotel luksoz – të gjitha përvojat e udhëtimit ndikojnë pozitivisht në shëndetin tuaj dhe jua rrisin nivelin e endorfineve.

Për shumë njerëz, gëzimi që  sjell udhëtimi mund të jetë më i madh sesa ngjarjet tjera të rëndësishme në jetë, siç është martesa apo lindja e fëmijës.

Dhe, sipas një studimi të kryer së fundmi, është konfirmuar se njerëzit e vlerësojnë shëtitjen dhe udhëtimet aq shumë saqë janë në krye të listës me gjërat që iu sjellin më së shumti lumturi në jetë.

1.Udhëtimet ju bëjnë të lumtur menjëherë

 

Kompania ‘Booking.com’ i ka intervistuar 17,000 njerëz nga 17 shtete të ndryshme.

Pjesëmarrësit kanë konfirmuar se shumë pak gjëra mund t’i zëvendësojnë udhëtimet kur bëhet fjalë për lumturinë.

P.sh. 77% e njerëzve kanë thënë se duan të shkojnë në pushime kur nuk janë në humor.

2.Udhëtimet sjellin më shumë lumturi sesa ngjarjet e tjera të rëndësishme në jetë

 

Pjesa më intriguese e këtij studimi është se njerëzit kanë pohuar që i vlerësojnë udhëtimet më shumë sesa partnerin e tyre dhe më shumë sesa ngjarjet tjera të lumtura në jetë.

49% e pjesëmarrësve kanë thënë se kanë ndjerë lumturi më të madhe kur  kanë planifikuar dhe kanë shkuar në një udhëtim sesa gjatë ditës së tyre të dasmës.

Pothuajse gjysma e njerëzve të intervistuar kanë deklaruar se një takim romantik me partnerin/partneren nuk ua rritë humorin po aq shumë sa shëtitjet.

Po ashtu, 45% kanë deklaruar se fejesa nuk i ka kënaqur emocionalisht po aq shumë sa udhëtimet.

3.As blerja e gjërave nuk ju sjell më shumë gëzim sesa udhëtimet

 

Gjithashtu ka rezultuar se njerëzit i vlerësojnë eksperiencat e mira si më të rëndësishme sesa zotërimi i shumë gjërave materialiste.

70% e pjesëmarrësve kanë deklaruar se të shkosh me pushime u sjell kënaqësi që zgjat shumë më shumë sesa lumturia që e kanë kur blejnë gjëra.

4.Vetëm planfikimi i një udhëtimi na përmirëson mirëqenien mendore

 

72% e të anketuarve kanë treguar se mjafton vetëm të filloni ta planifikoni një udhëtim  për t’u ndjerë më të lumtur.

P.sh. 80% e njerëzve ndihen të emocionuar vetëm kur e shikojnë hartën dhe zgjedhin vendet që do të dëshironin të vizitonin./abcnews.al

 

 

mmm.jpg
So Nila09:43 | 28/12/2019

Të mendosh për një martesë është si diçka që ndodh vetëm një herë në jetë – është një magji që mund të “shkatërrojë” kufijtë e çdo buxheti.
A është veshja apo unaza e njëjtë me atë të cilën e kemi ëndërruar por  jashtë buxhetit tuaj?

Nuk ka problem, është një sakrificë e denjë për diçka që do të zgjasë përgjithmonë. Por, para se të zhyteni në botën e kredisë dhe borxhit, kontrolloni për të parë se çfarë ekspertët thonë, shkruan abcnews.al.

Studimet zbuluan se një martesë me shpenzime të vogla mund të jetë çelësi i një martese të qëndrueshme.

1.Një martesë e shtrenjtë nuk do të thotë një martesë e qëndrueshme

 

Ndërsa e gjithë industria e dasmave përpiqet të na bindë të shpenzojmë sa më shumë që të jetë e mundur në një martesë përrallore, profesorët në Universitetin Emory vendosën të bëjnë diçka që askush nuk e ka bërë më parë – për të parë nëse ekziston një lidhje midis shpenzimeve të dasmës dhe kohëzgjatjes së martesës.

Për të arritur në përfundimin e tyre, ata panë festimet e dasmave të më shumë se 3,000 njerëzve. Ekspertët zbuluan se njerëzit që shpenzuan më pak se 1000 dollarë në ceremoninë e tyre të dasmës, kishin pothuajse një mundësi 50% më të lartë për të qëndruar së bashku, në krahasim me ata që shpenzuan më shumë se 20,000 dollarë.

E njëjta ide është e vërtetë edhe për unazën e fejesës. Kërcënimi për divorc  u rrit së bashku me çmimin e unazës.

 

2.Njerëzit hyjnë në borxhe dhe kjo bëhet një shqetësim më pas

 

 

Sipas ekspertëve, stresi i borxhit është një arsye e fortë që ndikon tek ndarjet. Studimet e mëparshme kanë treguar se një barrë monetare është çështja kryesore për të cilën diskutojnë çiftet. Dhe kjo është arsyeja e dytë (menjëherë pas mashtrimit) që çon në divorc.

Pra, magjia është mjaft e thjeshtë – një martesë e vogël nuk çon në borxhe dhe ka më pak arsye që do t’ju bëjnë të ndaheni.

 

Por ky konstatim nuk është i vetmi që u zbulua gjatë studimit. Profesorët gjithashtu zbuluan se ka disa gjëra që mund t’ju ndihmojnë të qëndroni së bashku.

3.Ata që preferojnë të festojnë vetëm divorcohen më shpesh

 

Një martesë e shtrenjtë nuk është e njëjtë me një martesë të madhe. Hulumtimi konfirmon se çiftet, dasma e të cilëve kishin më shumë se 200 mysafirë prireshin të qëndronin së bashku, në krahasim me ata që festuan vetëm këtë ditë.

4.Një muaj mjalti zgjat kohëzgjatjen e martesës tuaj

 

Dhe nëse nuk dëshiron të kesh shumë njerëz përreth, ti mund të investosh në një muaj mjalti. Një pushim i bukur duket se i shton për shtat  një martese së lumtur- çiftet që vendosën të “zhduken” për aventura së bashku ishin 59% më të predispozuar të kishin një martesë të suksesshme./abcnews.al

hy-1280x697.jpg
ad min20:00 | 01/06/2019

Moderatorja e dashur sportive Hygerta Sako e ftuar në emisionin “Thumb”, nuk ka preferuar të flasë shumë gjëra për jetën e saj private. Ajo është ndalur tek martesa e saj e parë nga e cila ka sjellë në jetë edhe një vajzë. Për Fatmën dhe Aulonë, ajo ka treguar se pse  gjithmonë e ka mbajtur larg syrit të publikut jetën e saj private.

“Unë edhe kur kam qenë e martuar nuk bëja pjesë në lajmet rozë sepse nuk kam qenë nga këto që gjeta burrë eja shikoje, shikoni sa unazë të bukur më dhuroi, shikoni ku po i bëj pushimet. Në atë kohë nuk kishte portale, por kishte revista kishte gazeta. Madje mua më bëntë përshtypje që kishte këngëtare që vinin në lokalin e ish-bashkëshortit tim dhe i kapte paparaci. Unë isha çdo ditë dhe çdo javë aty dhe nuk më kapte ndonjëherë paparaci. Dhe vinte ndonjëra dhe e kapte menjëherë , pra ka pasur gjëra por gjithmonë e kam pasur jetën time larg dhe shumë hermetike. Unë nuk kam bërë dasmë herën e parë dhe kështu që e kam një “peng” , dhe nëse do vijë dikush në jetë do kisha dëshirë të bëja dasmë”./abcnews.al

gaz-paja-1280x711.jpg
ad min18:20 | 01/06/2019

Në çelje të fushatës së PS-së për zgjedhjet e 30 Qershorit, kreut të Bashkisë së Tiranës Erion Veliaj i janë bashkuar dy miq artistë dhe dy miq sportistë. Ata ishin: Gazmend Paja, Eneda Tarifa, Anxhela Peristeri, Luiza Gega dhe Izmir Smajlaj.

Pasi katërshja iu bashkua Veliajt në podium, kryebashkiaku ndau një sekret duke u shprehur se Gazi sapo kishte mbaruar celebrimin dhe i ishte bashkuar fushatës.

“T’iu them diçka që nuk e dini akoma. Gazi sapo është martuar dhe sapo mbaroi celebrimin erdhi këtu. Ai do të na bashkohet në ekipin e këshilltarëve të Tiranës si socialisti më i ri për t’i shërbyer qytetit tonë”, tha Veliaj, teksa pas tij mori fjalën aktori i humorit Gazmed Paja. “Nuk do të zgjatem shumë thjeshtë e di që këta çunat dhe gocat do të hyjnë në histori dhe dua të jem pjesë e historisë. Faleminderit”, tha Paja./abcnews.al

azia-tajvani.jpg
nev ila14:50 | 17/05/2019

I pari vend aziatik që ligjëron martesat mes homoseksualëve është Tajvani. Parlamenti i vendit miratoi ligjin e ri, i cili parashikon të drejta të kufizuara për sa i përket adoptimit. 

Tajvani bëhet vendi i parë aziatik që ligjëron martesat mes personave të së njëjtës gjini. Vendimi  u festua nga qindra mbështetës të të drejtave të homoseksualëve, jashtë ndërtesës së parlamentit të vendit. Në vitin 2017, gjykata kushtetuese vendosi se çiftet homoseksuale kanë të drejtë të kenë një martesë ligjore.

Ishin prezantuar tre projektligje të ndryshme. Dy prej tyre, nga ana e konservatorëve, synonin të kufizonin të drejtën e re për një bashkim civil në një marrëdhënie familjare.

Këto të dyja u rrëzuan, dhe ajo që u miratua ishte projektligji i qeverisë i cili flet hapur për martesë dhe jep të drejta të kufizuara adoptimi.

Gjykata kushtetuese, dy vjet më parë kishte vendosur se nuk ishte e ligjshme të ndaloje martesën për çiftet homoseksuale, duke dhënë kohë deri në 24 maj të vitit 2019 për miratimin e një norme të re.

Votimi, i cili konfirmon qëndrimin e Tajvanit në linjë të parë për sa i përket të drejtave të homoseksualëve aziatikë, është një fitore për grupet për të drejtat e komunitetit LGBT të cilët prej vitesh protestojnë për të pasur të njëjtën të drejtë për martesën, si çiftet heteroseksuale./ABC News Albania 24/7

FAMILJA-1280x720.jpg
ad min16:43 | 15/05/2019

Të rinjtë  po krijojnë familje më vonë e po priren të kenë më pak fëmijë. Të tillë e gjen Dita Ndërkombëtare familje në Shqipëri. Ky fenomen renditet nga Instituti i Statistikave nder shkaqet e tkurrjes dhe plakjes se popullsisë.

Alvi është nipi i vetëm i Mimozës e cila vetë është vajza e vogël e një familje me nënte fëmijë.

Ne i takuam në parkun “Rinia” në Tiranë ndërsa po përgatisnim një kronikë me rastin e Ditës Ndërkombëtare të Familjes. Asambleja e Përgjithshëm e Kombeve të Bashkuara e vendosi në vitin 1993 me qellim inkurajimin e vendeve anëtare te identifikoje nevojat për fuqizimin e familjes.

Ndryshimi i mënyrës së të jetuarit dhe emigracioni vitet e fundit kane larguar shoqërinë shqiptare nga familja e madhe duke e orientuar ata drejt familjes bërthamë.

Të rinjtë po krijojnë familje më vonë e po priren të kenë më pak fëmijë. Arsyet që i shtyjnë janë disa.

Një burrë martohet në moshën 30.2 vjeç dhe një grua në moshën 25.5 vjeç ndërsa numri mesatar i fëmijëve që një grua mund të lindë gjatë periudhës së saj riprodhuese ka rënë në 1.37.

Përllogaritjet i ka bërë Instituti i Statistikave, i  cili ka analizuar të dhënat e vitit të shkuar dhe rendit këtë ndër shkaqet që po çojnë Shqipërinë drejt zvogëlimit dhe popullsinë e saj dhe drejt plakjes./ABC News Albania 24/7

12967366-6980853-image-a-1_1556732043866.jpg
ad min22:02 | 01/05/2019

Mbreti  i Tajlandës Maha Vajiralongkorn  është martuar me bashkëshorten e tij afatgjatë dhe i dha asaj titullin Mbretëresha Suthida. Fotografitë tregojnë Suthida Vajiralongkorn na Ayudhya, një ish-mjeke e punësuar në kompaninë ajrore Thai Airways, të shtrirë në dysheme ku ajo shikohet duke i dhënë dhurata mbreti gjatë ceremonisë së martesës. Ajo u martua me mbretin në përputhje me traditat mbretërore, u bë e ditur në një deklaratë të familjes mbretërore. Sipas CNN, në deklaratë thuhet se “ajo do të mbajë titullin mbretëror dhe statusin si pjesë e familjes mbretërore”.

Traditat mbretërore tajlandeze diktojnë që mbreti sundues duhet të konsiderohet si i perëndishëm dhe gjysmë-hyjnor, dhe si rezultat, ai duhet të ulet më lart se të gjithë të tjerët, deri në atë pikë sa që gjatë ceremonive dhe fjalimeve zyrtare këmbët e tij duhet të jenë mbi kokat e të tjerëve. Por gjatë ceremonisë nusja është ulur pranë burrit të saj siç dhe duket nga fotot e dasmës./abcnews.al

 

GAZETARI-PYET-PUTIN.mpg_snapshot_00.22-1280x720.jpg
ad min21:20 | 20/12/2018

Nuk kanë munguar momentet gazmore në konferencën vjetore për shtyp të presidentit rus Vladimir Putin. Një gazetar guxoi të pyeste se kur do të martohej dhe me kë. E përgjigja e liderit të Kremlinit ishte thjesht e papritur.

Gazetari: Televizionet shtetërore nuk do të pyesin se kur do të martoheni dhe cila do të jetë bashkëshortja juaj.

Putin: Këto janë dy pyetje të ndryshme. A jeni ju i martuar?

Gazetari: Po, dhe nuk pendohem për këtë.

Putin: Ah, mirë atëherë, ai është i martuar dhe do të donte që dhe unë të veproja si ai. Mirë atëherë. Iu përgjigja pyetjes suaj të dytë. Si një burrë i rregullt do më duhet ta bëj këtë, herët a vonë. Faleminderit!/abcnews.al

MARTESA-DHE-DIVORCET-ABC-1280x720.jpg
ent ela16:00 | 08/11/2018

Numri i martesave është ulur ndjeshëm vitet e fundit në vendin tonë, ndërsa numri i divorceve është rritur në kufijtë e shifrave alarmante. Të rinjtë dhe sociologët japin mendimet e tyre në lidhje me këtë situatë që ndikon jo pak në demografinë e popullsisë.

Shqiptarët po martohen më pak. Të dhënat zyrtare flasin për ulje të ndjeshme të martesave gjatë dekadës së fundit. 25 mijë martesa figurojnë në vitin 2010 në regjistrin e gjendjes civile. Ndërsa në 2018-ën, deri në muajin shtator janë regjistruar vetem 16 mijë e 848 lidhje në martesë. Si e shikojnë të rinjtë institucionin e martesës?

Student 1: E mira është që të martohen në moshë më të re, por edhe kushtet, ekonomike e sociale ndikojnë, pamundësia e një pune.

Student 2: Po martohen në krahasim me vitet e tjera që martoheshin më të rinj, për shkak të obligimeve, karries  dhe financave në vendin tonë ka edhe faktorë të tjerë si emigrimi.

Sociologët identifikojnë faktorët që po çojnë në uljen e numrit të martesave vitet e fundit.

Gëzim Tushi, sociolog: Padiskutim është një problem social i rëndësishëm, që nuk ka të bëjë vetëm aspektin demokratik që lidhet me martesën si institucion i riprodhimit, por edhe ka të bëjë edhe me martesën, rënia e tyre për flet krizë të brendshme të saj, si divorci konflikte dhe probleme të tjera të saj që e gërryejnë nga brenda, bie kredibiliteti i saj dhe kjo bën që të rinjtë t’i tërhiqen martesë e të kenë frikë prej saj.

Situata bëhet edhe më serioze kur krahas uljes së numrit të martesave, ka një rritje alarmante të numrit të divorceve. Sipas shifrave zyrtare, vetëm në 2017 janë regjistruar 7.956 divorce, një tjetër sfidë sipas sociologut Tushi.

Gëzim Tushi, sociolog: Një martesë që nuk ka hapësira lirie e besueshmëri reciproke nuk funksionon. Kjo bën që të ketë dhe shkaqe të tjera si prishja e lidhjeve, humbja e sentimentalizmit bashkëshortor. Pavarësisht problemeve që ka martesa une dua t’u them të rinjve që martesa është institucion i rëndësishëm i jetës.

Nëse numri i martesave vijon të ulet dhe numri i divorceve të rritet, sipas sociologut, situata mund të kthehet në një kërcënim serioz për demografinë e vendit tonë, e në një të ardhme jot ë largët do të grupohemi tek popullsitë e plakura. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono