mars

pia22227-full-1280x720.jpg
ent ela18:46 | 05/05/2018

NASA ka lëshuar një mission të ri në Planetin Mars. Me këtë projekt synohet studimi i tërmeteve në planetin e kuq si dhe formimi I tij.

NASA eksploron Marsin përsëri katër vjet e gjysmë pas lëshimit të sondës së fundit, “Maven 2013”. Objektivi: për të studiuar nëntokën e Planetit të Kuq. Misioni i quajtur “InSight” (pamje më në brendësi) do të arrijë atje ku nuk kanë mundur anijet kozmike, modulet e uljes dhe sondat orbitale. Gjetjet mund të mbulojnë fazat më të largëta të formimit të planetit “shkëmbor”, përfshirë Tokën dhe Hënën e saj, në formimin më të gjerë të sistemit diellor.

Raketa, Atlas 5, u lëshua pak pas orës 13 të së dielës nga baza e Kalifornisë në Vandenberg dhe jo nga baza e zakonshme Cape Canaveral në Florida. Mbërritja është planifikuar për në nëntor me zgjerimin e paneleve diellore dhe ekspozimin e pajisjeve kryesore që do të fillojnë menjëherë të punojnë. Para së gjithash, ata duhet të regjistrojnë tërmetet në Mars dhe rrjedhat termale në nëntokë deri në 5 metra thellësi.

Ndërkohë, i gjithë projekti kap një shifër marramëndëse prej 993 milionë eurove. Sonda do të punojë rreth dy vite për të zbuluar se çfarë fshihet poshtë sipërfaqes së planetit Mars.  /abcnews.al

aksidente-mars.jpg
G. P.16:38 | 23/04/2018

Ka rënë numri i aksidenteve tre mujorin e parë të vitit 2018, krahasuar me një vit më parë. Të dhënat e publikuara nga INSTAT tregojnë se shkaktarët kryesorë të aksidenteve janë këmbësorët.

Më pak aksidente e të aksidentuar numërohen në Marsin e këtij viti krahasuar me një vit më parë. Të dhënat e publikuara së fundi nga Instituti i Statistikave tregojnë se në Mars 2018 shënohen 123 aksidente rrugore, nga 152 që ishin në Mars 2017, duke u ulur me 19,1 %. 160 janë të aksidentuarit nga 213 që ishte një vit më parë, duke u ulur 24,9 %.

Rënie ka përsuar edhe numri i të aksidentuarve në tremujorin e parë 2018; 483, duke ulur 8,9 %, krahasuar me të njëjtën periudhë të një viti më parë.

Në muajin Mars 2018, numri i të vdekurve nga aksidentet rrugore është 14 persona, nga 16 që ishte një vit më parë për të njëjtën periudhë. Ndërsa për tre muajt e parë të këtij viti, bilanci tragjik është 47, duke pësuar gjithashtu rënie me  14,5 %, krahasuar me të njëjtën periudhë të një viti më parë.

Nëse në Mars shkaku kryesor i aksidenteve kanë qenë drejtuesit e mjeteve, bilanci i tre mujorit të parë të vitit e drejton gishtin tek këmbësorët.

Gjatë kësaj periudhe, numri i aksidenteve, sipas sjelljes së këmbësorit, është rritur 12,7 %, krahasuar me të njëjtën periudhe të një viti më parë./abcnews.al

PUTIN-PLANETI-MARS-1280x720.jpg
ent ela14:03 | 15/03/2018

Presidenti rus Vladimir Putin njoftoi se do të dërgojë një Mision në Planetin Mars. Ky zhvillim do të ndodhë në vitin 2019 dhe ka për qëllim zbulimin e ujit në planetin e kuq.

Edhe Rusia përgatitet për të zbarkuar në Planetin Mars. Këtë e ka konfirmuar agjencia e lajmeve “Russia Today” që citon një intervistë me presidentin Vladimir Putin lidhur me këtë temë: shefi i Kremlinit ka shpjeguar se në 2019 Federata Ruse do të lëshojë një misioni – i cili për momentin mbetet ende pa një emër – në planetin e kuq. Qëllimi i këtij misioni është gjetja e shenjave të ujit.

Që në vitin 1974, pas dështimeve të shumta, sonda sovjetike Mars 5 arriti në Mars duke marrë dhe dhjetra imazhe të tij. Pas kësaj, Rusia bëri një tjetër tentativë për të zbarkuar në planetin e katërt të sistemit tonë diellor, por në 1996 dështoi lëshimi.

Më e gjatë dhe me shumë fat është historia e eksplorimeve amerikane, të Mariner4 që në 1964 arriti të dërgojë 21 fotografi e deri tek Laboratori Shkencor Mars që nga 2012 vazhdon të eksplorojë planetin e kuq me anë të një mjeti ultramodern. Ndërkohë, në Mars operon edhe India me sondën e saj dhe Bashkimi Europian. /abcnews.al

vlcsnap-error324-1-1280x720.jpg
G. P.16:37 | 18/02/2018

Të gjithë ata që do duan të marrin patentën pas një Marsit do t’i nënshtrohen një testi të ri. Pyetësori është ripunuar dhe Drejtoria e Shërbimit të Transportit Rrugor e ka publikuar në faqen zyrtare të internetit.

Duke filluar nga 1 Marsi testet për marrjen e patentës do të ndryshojnë. Drejtoria e Shërbimit të Transportit Rrugor ka publikuar pyetësorin e ripunuar për lejet e drejtimit të kategorisë A1, A2, B1 dhe B.

“Duke filluar nga data 01.03.2018 e në vazhdim në të gjitha Drejtoritë Rajonale të Shërbimit të Transportit Rrugor në testimin e kandidatëve për lejedrejtimit, do të aplikohen testet e reja të formuluara sipas strukturës së miratur me Udhëzimin e ministrit të Transportit dhe Infrastrukturës nr.682/4, datë 01.04.2016”, thuhet në njoftimin zyrtar.

Për të gjitha këto kategori leje drejtimi, testet do të përmbajnë 40 pyetje. Limiti i gabimeve te lejuara do të jetë 4, normë kjo që mbetet e njëjtë.
E njëjtë do të vijojë të jetë edhe tarifa e testit. Për kategoritë A1, A2 dhe AM do të mbetet 3 mijë lekë të reja, ndërsa për kategoritë B dhe B1, 4 mijë e 500 lekë të reja./abcnews.al

mars-1-1-1280x791.jpg
G. P.18:02 | 09/02/2018

Shkencëtarët janë duke bërë provën gjenerale se si do të jetohej në Mars.

Forumi Hapësinor Austriak po zhvillon një program, në të cilën simulohet jetesa në Mars.

Programi quhet AMADEE-18, ndërsa janë gjashtë austronautë, të cilët po jetojnë në izolim në shkretëtirën Dhofar në Oman, këtë muaj.

Ata do të zhvillojnë 19 eksperimente të ndryshme dhe do të përdorin një dron, një robot dhe një serë për të simuluar në këtë mënyrë, disa misione në planetin e kuq.

Austronautët po jetojnë në një zonë, rreth 320 kilometra katrorë përreth shkretëtirës.

Kjo zonë u zgjodh sepse ka ngjashmëri me Marsin.

Eksperimenti do të zgjasë deri më 28 Shkurt./abcnews.al

 

mars-1.jpg
G. P.19:22 | 02/02/2018

NASA ka zbuluar për publikun disa pamje nga sipërfaqja e Marsit.
Imazhet janë marrë nga roboti “Mars Curiosity”, i cili është dërguar për të eksploruar planetin e kuq që në vitin 2012.


Një nga kamerat e robotit ka kapur 16 foto që tregojnë pika të ndryshme gjatë udhëtimit të tij.
Falë disa efekteve vizuale, fotot shfaqen në ngjyrë blu në vend të së kuqes, ngjyrë me të cilët e përshuajnë Marsin, duke bërë kështu që të duket e çuditshme për sytë e njerëzve në tokë./abcnews.al

OSHEE-720x470.jpg
ent ela13:34 | 01/02/2018

Konsumatorët që nuk kanë përditësuar të dhënat e tyre pranë Operatorit të Shpërndarjes së Energjisë Elektrike kanë kohë ta bëjne deri në muajin mars.

 

Përmes një njoftimi për shtyp, OSHEE njofton zgjatjen e afatit, pasi thotë se rezervimi i të drejtës për të ndërprerë energjinë elektrike në rast mospërditësimi deri më 31 janar ka shtuar fluksin e abonentëve në pikat e autorizuara.

Sipas Operatorit të Shpërndarjes së Energjisë Elektrike pavarësisht se përgjatë gjithë vitit të shkuar ky proces ka vijuar në terren ende ka abonente që nuk i kanë saktësuar të dhënat.

 

Kryesisht janë konsumatore me shtëpi të dytë, emigrantë, por edhe familjarë që nuk janë gjetur gjatë procesit të intervistimit./abcnews.al

 

anija-1.jpg
G. P.18:39 | 29/01/2018

SpaceX do të lëshojë javën e ardhshme “raketën kozmike më të fuqishme në botë”.
Këtë gjë e ka deklaruar themeluesi i kësaj kompanie, Elon Musk, i cili tha gjithashtu se raketa do të mbajë edhe makinën e tij elektrike në bord.
Megaraketa “Falcon Heavy” do të lëshohet për në orbitën e Tokës nga Qendra Hapësinore Kennedy në Gjirin Canaveral në Florida.
Anija do të jetë e pajisur me 27 motorë dhe tre bërthama të cilat do të rikthehen sërish në Tokë pasi të dërgojnë “Falcon Heavy” në orbitë. Kjo është edhe një nga çështjet teknike më sfiduese sipas SpaceX.
Sapo tre bërthamat, të cilat e ndihmojnë pjesën qëndrore të anijes të arrijë deri në orbitë e brenda së cilës gjendet makina e Musk, do të vazhdojë në një trajektore me destinacion orbitën e Marsit, që ndodhet 225 kilometra larg./abcnews.al

anija.jpg
G. P.18:48 | 19/01/2018

Anija kozmike më e madhe në botë, e cila mendohet se do të dërgojë njerëz në Mars në vitin 2030, është vetëm një hap larg të bërit realitet.
NASA ka kryer një testim të motorëve të saj RS-25 në Qendrën Hapësinore Stenis afër Misisipit.

Anija është menduar të bëjë fluturimin e saj të parë në vitin 2019 dhe do të dërgojë njerëz në anijen kozmike Orion, ndërsa më pas do të ndërmarrë disa misione drejt Hënës dhe Marsit.
Shkencëtarët po punojnë duke përdorur teknika të avancuara prodhimi që të ndërtojnë një sistem motorësh 3D, që do i japë mundësi anijes të harxhojë më pak.

Inxhinierët e Aerojet Rocketdyne thanë në Fox News se armotizatorët janë krijuar duke përdorur lazer dhe pluhur metalik, duke i prodhuar shumë shpejt, krahasuar me ndërtimin e tyre manualisht, ku mund të duhen vite./abcnews.al

vlcsnap-error682-1280x720.jpg
us er16:50 | 23/11/2017

Emra të rinj për ekipin përfaqësues. Ky është premtimi i trajnerit, Kristian Panuçi, që foli edhe për miqësoren që do të luhet në mars si dhe për eleminimin e Italisë nga Botërori.

Trajnerin e kombëtares e kemi vërtet sportiv.
Kristian Panuçi ka jo vetëm një meritë, atë që po arrin rezultate dhe po e bën ekipin të luajë mirë, por edhe që po sillet me shqiptarët, si një njeri i shtëpisë.
Konferencat për shtyp janë mënyra e tij e preferuar për të komunikuar, dhe kështu bëri edhe tani, ku doli të fliste për planet e pranverës.
Çështja e parë, ajo e emrave të rinj që priten në skuadër, si dhe vlerësimi i të rinjve që janë afruar tashmë.

“Grumbullimin tjetër e kemi në mars, ku mund të thërras 2-3 lojtarë të tjerë, që do t’i shohim për kombëtaren. Kemi 5-6 emra për të parë dhe 6 muaj kohë për të përgatitur grupin me të cilin do të luajmë në Euro 2020. Emrat e lojtarëve nuk i them sepse janë të rinj dhe dua më parë t’i shikoj direkt. Gjithsesi, mund t’iu them se Ramadani që luan në Danimarkë do jetë pjesë e grupit. Përsa i përket atyre që kam afruar, Qaka është një talent që luan në Rumani dhe jam shumë i kënaqur që e kam gjetur. Ajdareviçit i duhet dhënë besim, por edhe ai ka cilësi, ndërsa Lilaj më pëlqeu shumë për mënyrën sesi punoi dhe është një djalë shumë interesant”.

Trajneri i Napolit, Sarri, e kalon edhe majtas Elseid Hysajn, kur ka dëmtime.
A do ta bënte diçka të ngjashme edhe Panuçi?

“Jo! E dimë që Hysaj mund të luajë edhe majtas, por kam besim absolut tek Aliji, Lenjani dhe Memolla. Uroj që Aliji të gjejë skuadër në janar sepse është një lojtar shumë i rëndësishëm për mua. Nëse do të kemi shumë dëmtime, mund të kaloj edhe Veselin majtas. Pra mund të bëjmë shumë kombinime. Hysaj mbetet aty ku është, nuk preket. Natyrisht, që postin duhet ta fitosh me zotësi, pasi në kombëtare nuk ka të paprekshëm”.

Trajneri i Shqipërisë përsëri ka qëlluar italian, dhe pak ditë më parë Italia e tij nuk arriti të kualifikohej për në Botëror.
Ç’mendon ai për këtë tragjedi kombëtare?

“Si italian më vjen shumë keq, por problemi i Italisë është më i madh sesa mendohet. Ne të futbollit, në këtë moment e kemi shumë të vështirë të punojmë në Itali, sepse njerëzit e zotë në Itali nuk e marrin shansin që meritojnë. Unë e kam provuar vetë se shpesh është e vështirë të punosh në Itali. Unë e quaj veten me fat që punoj në këtë federatë dhe me këtë president që më lënë të punoj dhe pastaj më gjykojnë. Problemi në Itali nuk është vetëm kombëtarja, por edhe Seria A, Lega Pro dhe fëmijët. Do të jetë rrugë e gjatë dhe shumë e vështirë që Italia të kthehet protagoniste”.

Panuçi e quan shumë të rëndësishme miqësoren e marsit dhe thotë se çfarë kundërshtari kërkon.

“Kemi marrë një propozim për miqësore dhe unë nuk e kam pranuar, pasi dua një ndeshje serioze. Dua që të përgatitemi siç duhet dhe duam që të jemi përballë një skuadre të fortë, siç ishte Turqia. Do të flasim, do t’u dërgojmë ftesa 2-3 skuadrave që unë i kam në mendje. Emrat e skuadrave nuk ua them, por nëse doni ta dini, dua një skuadër të vazos së dytë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono