mars

ora.jpg
G. P.13:01 | 30/03/2019

Të dielën do të zgjohemi një orë më herët. Mëngjesin e 31 Marsit, akrepat do të shkojnë 60 minuta para. Ashtu si dhe vitet e shkuara, të dielën e fundit të Marsit kalojmë në orën verore. Ndryshimi i orës dy herë në vit do të na shoqërojë deri në 2021-shin kur vendet e Bashkimit Europian të zgjedhin vetë orën që mund të aplikojnë për vendin e tyre.

Pak ditë më parë Parlamenti Europian votoi për t’i dhënë fund ndërrimit të orës në pranverë dhe në vjeshtë që aplikojnë prej dekadash. Veç shteteve që kanë përkrahur nismën për kursimin e energjisë ka vende si Turqia dhe Rusia që aplikojnë një orë vjetore./abcnews.al

moti-2-1280x773.jpg
G. P.17:00 | 28/03/2019

Sipas MeteoAlb: Vranësira të shpeshta dhe herë pas-here reshje shiu ka patur rajoni jugor dhe juglindor, ndërsa alternime kthjellimesh dhe vranësira kalimtare kanë dominuar në veri dhe qendër gjatë paradites.

Por pasditja dhe mbrëmja përmirsojnë dukshëm kushtet e motit duke bërë që në të gjithë vendin të kemi mbizotërim të kthjellimeve dhe vranësirave kalimtare. Temperaturat e ajrit kanë mbetur kostante në  mëngjes, por ulen në mesditë, duke bërë që vlerat ekstremale ditore të luhaten nga 2°C deri në 21°C.

Era do fryjë mesatare dhe herë pas-here e fortë me shpejtësi 45 km/h nga drejtimi verilindor  duke krijuar në det dallgëzim 4 ballë./abcnews.al

Cako-zjarret-1280x830.jpg
G. P.13:41 | 25/03/2019

Stina e pranverës si asnjëherë më parë është hasur me një situatë të pazakontë sa i përket fenomenit të zjarreve, ku gjatë javëve të fundit janë shënuar disa vatra. Duke marrë shkas nga kjo, Drejtori i Përgjithshëm i Emergjencave Civile, Haki Çako doli në një deklaratë ku theksoi se:

Prej datës 3 Mars e deri më sot, janë konstatuar 69 vatra zjarri, të cilat kanë djegur  169 hektarë. Për 22 ditë janë djegur sipërfaqe me kullota, pemëtari dhe pyje, të konsideruara si zona të mbrojtura duke sjellë pasoja shumë të mëdha si në ekonomi ashtu edhe në mjedis”.

Ndër të tjera kreu i Emergjencave Civile theksoi se zjarret janë të qëllimshme, duke iu bërë apel edhe drejtuesve vendorë që të marrin masa dhe të respektojnë ligjin.

“Sipas analizës së EC kjo situatë është e qëllimshme. Të gjitha vatrat e zjarrit janë ndezur nga dora e njeriut. Me keqardhje vërejmë se autoritetet vendore mjaftohen vetëm me konstatimin e problemit apo kërkesat për ndërhyrje nga ajri. Për të gjithë ata drejtues vendorë të cilët bëjnë veshin shurdh ju rikujtoj ligjin për “Për emergjencat civile” , “Ligjin për Mbrojtjen nga Zjarri dhe Shpëtimi”, si dhe të gjitha akteve të tjera ligjore dhe nënligjore. Pushteti vendor është përgjegjësi direkt për organizimin e masave parandaluese, ruajtjen e sipërfaqeve pyjore dhe kullotave dhe identifikimin e vatrës fillestare dhe autorëve me përgjegjshmëri maksimale”, tha Çako .

Haki Çako deklaroi gjithashtu se qytetarët dhe banorët e zonave të prekura nga zjarret, duhet të sensibilizohen dhe të njoftojnë menjëherë instancat përkatëse kur konstatojnë vatra zjarri./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono