marrëveshje

Kotzias-Parliament.jpg
gra moz15:24 | 18/04/2018

Ministri i Jashtëm i Greqisë bëri të ditur se Maqedonia nuk do të jetë pjesë e NATO-s në samitin e ardhshëm pasi dëshiron të mbajë një referendum për zgjidhjen e kontestit të emrit. Gjithashtu për këtë çështje përsëriti se duhen ndryshime kushtetuese.

Maqedonia në samtin e ardhshëm nuk do të jetë pjesë e NATO-s, sepse nuk ka shumë kohë. Kështu ka deklaruar ministri i Punëve të Jashtme të Greqisë, Nikos Kotzias, në një prononcim për mediat greke. Ai ka shtuar se edhe nëse arrihet një marrëveshje për kontestin e emrit, ajo duhet të ratifikohet në më shumë mënyra.

“Ata dëshirojnë të zhvillojnë referendum. Për referendum në vendin fqinj verior janë të nevojshëm dy muaj. Pasi të mbaroj referendumi, marrëveshja duhet të arrij në Kuvend, ndërsa për këtë nevojiten gjysmë muaji ose një muaj. Pasi të arrij në Kuvend do të duhet të bëhen ndryshime në Kushtetutë. Që të kemi marrëveshje duhet të pajtohemi për ndryshime në Kushtetutë”, thotë kryediplomati i Athinës, duke nënvizuar se këto procedura zgjasin deri në vjeshtë.

Sa i përket bisedimeve dhe pikave që negociohen, Ministri theksoi se identiteti është çështje që vendoset nga secili shtet, por për kombësinë duhet të përdoret emri i ri. Kotzias nënvizon gjithashtu se “në pasaporta do të shënohet shtetas i emrit të ri të për të cilin do të dakordësphen dy vendet”.

Ai përsëriti qëndrimin e Athinës zyrtare se emri përfundimtar i dakorduar me një përcaktues gjeografik të përbërë duhet të përdoret edhe brenda Maqedonisë.

“Pa rishikimin e Kushtetutës nuk mund të arrihet një marrëveshje”, theksoi Kotzias.

Sipas tij, nëse emri i ri nuk përdoret në vend, atëherë edhe në shekullin tjetër, të dy vendet do të kenë grindje dhe mosmarrëveshje./abcnews.al

tr-1280x852.jpg
gra moz22:55 | 12/04/2018

Me një kthesë të papritur, Presidenti Donald Trump ka vendosur të fusë sërish Amerikën në marrëveshjen tregtare të Trans-Paqësorit, nga e cila e nxorri menjëherë sapo mori drejtimin e Shtëpisë së Bardhë. Lëvizja është komentuar sa me habi ashtu dhe me ironi në media.

Presidenti amerikan, Donald Trump, ka njoftuar të enjten se planifikon të riintegrojë Shtetet e Bashkuara në Partneritetin tregtar të Trans-Paqësorit. Njoftimi i kreut të shtetit, i bërë në një takim me ligjvënës dhe guvernatorë, është komentuar në mediat amerikane si një kthesë e papritur, nisur nga fakti se me shumë nxitim ai e braktisi marrëveshjen sapo mori drejtimin e Shtëpisë së Bardhë.

Pakti tregtar shumëkombësh ishte realizuar me nismë të presidentit parardhës Barack Obama dhe ishte mirëpritur si nga republikanët, ashtu edhe nga manjatët industrialë amerikanë. Ai shihej gjerësisht si një mjet për të stimuluar Kinën të ndërmerrte ato reforma ekonomike që Shtetet e Bashkuara dhe vendet e tjera prisnin prej saj.

Vendimi i Trump për t’u tërhequr kishte lënë të zhgënjyer biznesmenët, të cilët argumentuan se Shtetet e Bashkuara do të gjendeshin në kushte të pafavorshme tregtare dhe se në këtë mënyrë po i hapej rrugë epërsisë së Kinës. Edhe vetë republikanët u shprehën skeptikë ndaj tendencave tregtare të Trump dhe 25 senatorë i dërguan atij një letër, ku i kërkonin rishikimin e vendimit, në mënyrë që qytetarët amerikanë të përfitonin nga mundësitë e mëdha që pakti ofronte./abcnews.al

pena-nieto-1280x715.jpg
gra moz22:37 | 09/04/2018

Presidenti meksikan, Enrique Pena Nieto, ka urdhëruar të hënën anëtarët e kabinetit të tij që të procedojnë me një rishikim të detajuar të marrëveshjeve që vendi i tij ka me Shtetet e Bashkuara.

Urdhëri i kreut të shtetit meksikan ka ardhur pasi homologu amerikan Donald Trump urdhëroi dërgimin e Gardës Kombëtare në kufirin jugor të Amerikës, për të parandaluar emigracionin klandestin.

Pak ditë më parë jo vetëm Nieto, por edhe veteranë të ushtrisë amerikane kritikuan planin në fjalë, me argumentin se do të përbënte një akt armiqësor ndaj një vendi mik.

Edhe Barack Obama, pak para se të linte Shtëpinë e Bardhë, paralajmëroi Trump që të mos përdorte dorë të hekurt ndaj Meksikës për faktin se bëhet fjalë për një nga partnerët tregtarë kryesorë të Shteteve të Bashkuara./abcnews.al

emri.jpg
gra moz14:07 | 06/04/2018

Sipas mediave greke marrëveshja që do të arrihet mes Shkupit dhe Athinës për çështjen e emrit do të miratohet në parlamentin grek me shumicë votash, rreth 180. Ndërkohë aktualisht vetëm 151 deputetë janë deklaruar të gatshëm për të firmosur një marrëveshje të mundshme.

Bashkëpunëtorët më të afërt të kryeministrit grek, Aleksis Tsipras mendojnë së marrëveshja që do të arrihet mes Athinës dhe Shkupit për emrin do të miratohet prej 180 deputetëve në sallën e parlamentit grek. Në një kohë që akutualisht janë 151 deputetët që deklarohen të gatshëm për ta votuar. Lajmi është publikuar fillimisht nga mediat greke dhemë pas është pasqyruar nga ato maqedonase.

Agjencitë e lajmeve online In dhe Eurotoday raportojnë se në ekzekutivin e Tsipras ekzistojnë debate për faktin nëse marrëveshja do të rrijë të marrë 180 vota në parlament, pasi pjesa më e madhe e qeverisë greke nuk do të mjaftohet me një shumicë të thjeshtë parlamentare. Kjo pasi marrëveshja për cështjen e emrit të Maqedonisë është një marrëveshje ndërkombëtare dhe duhet të marrë një mbështetje të gjerë

Në të njëjtin përfundim arrin dhe “Eurotoday” duke shtuar se asnjë kategori kushtetuese nuk e detyron kryeministrin grek që ta vendosë kufirin prej 180 votash, por zgjidhja e një çështjeje kombëtare që është e bllokuar prej 25 vjetësh ndoshta nuk lejon një shumicë të thjeshtë parlamentare, përfundon shkrimi./abcnews.al

kotzias-emri-1280x656.jpg
gra moz14:04 | 19/03/2018

Ministri i Jashtëm i Greqisë, Nikos Kotzias, do të dorëzojë të enjten në Shkup marrëveshjen me 20 faqe për zgjidhjen e çështjes së emrit. Mediat në Maqedoni raportojnë se kjo marrëveshje do të hapë shumë probleme për qeverinë e kryeministrit Zaev.

Rreth 55 paragrafë, për të gjitha çështjet e hapura, të vendosura në 20 faqe, përmban projekt-marrëveshja e propozuar nga Athina, për zgjidhjen e kontestit të emrit mes Maqedonisë dhe Greqisë. Kështu shkruajnë mediat shqiptare të Maqedonisë duke cituar të përditshmet e Athinës.

Drafti i përgatitur nga Ministria e Jashtme greke dhe i shqyrtuar nga kryeministri Aleksis Tsipras dhe Nikos Kotzias përmban pikat e zgjidhjes të njoftuara më herët nga kreu i diplomacisë greke. Lidhur me emrat e përfshirë, mediat raportojnë se Maqedonia e Epërme është emri i “preferuar” për Athinën, por pa përkthime. Kjo do të jetë diçka shumë e vështirë për t’u pranuar nga Shkupi.

Një tjetër pikë e kërkesave greke është ndryshimi i Kushtetutës. Çështja e ndryshimit të emrit, si dhe tema të tjera që lidhen me Kushtetutën e vendi fqinj për ndryshimin e saj është një nga kërkesat themelore të Athinës si një garanci për zbatimin e marrëveshjes për përdorimin e emrit të ri.

Ndryshimi i Kushtetutës kërkon një shumicë në Kuvendin e Maqedonisë. Por këtu fillojnë problemet, pasi koalicioni qeveritar i LSDM-së dhe BDI-së nuk i ka deputetët e nevojshëm. Sipas disa informacioneve të mediave shqiptare në Maqedoni, propozimet greke janë dërguar në Shkup që nga 12 Marsi.

ditmir-bushati-1280x659.jpg
gra moz21:46 | 06/03/2018

Çështjet e ngritura nga Presidenti i Republikes para se të japë autorizimin për të negociuar marrëveshjen e detit me Greqinë, do të marrin përgjigje shteruese. Deklarata vjen nga ministri për Europën dhe Punët e Jashtme, Ditmir Bushati, i pyetur nga gazetarët gjatë konferencës për shtyp, qëzhvilloi pas takimit me homologun e tij sllovak.

Ministria për Europën dhe Punët e Jashtme do t’i përgjigjet çdo pyetje që ka ngritur Presidenti i Republikës para se të japë autorizimin për negociatat rreth marrëveshjes së detit me Greqinë. Grupet e punës se dy institucioneve, sipas ministrit Bushati, po punojnë sëbashku.

Ditmir Bushati: “Mendoj që të gjtiha çështjet që janë ngritur nga ana e Presidentit do të marrin përgjigje shteruese sepse është normale që për një proces delikat siç është procesi që ne do të hyjmë së shpejti me Greqinë pas marrjes së autorizimit nga ana e Presidentit. Duke qëne se ky proces të shkuarën ka pasur edhe aksidentet e tij, ne duam që nga pikëpamja e së drejtës ndërkombëtare të kemi një qasje sa më solide dhe të shuajmë çdo pikëpyetje të mundshme.”

Kreu i diplomacisë shqiptare, Ditmir Bushati, deklaroi se nuk ka një datë fikse për firmosjen e marrëveshjes për detin me Greqinë ndonëse nuk mohoi se ajo mund të firmoset edhe në muajin Prill kur është paralajmëruar edhe takimi i kryeministrit grek, Aleksis Tsipras me atë shqiptar Edi Rama.

Ditmir Bushati: “Pjesa që ju referuat Prillit për një marrëveshje me Greqinë është keqkuptuar. Kemi folur për interesin e të dyja palëve për të firmosur një deklaratë të partneritetit strategjik. Kur vjen puna për firmosje marrëveshjes nuk kemi afate fikse, por nga ana tjetër nuk mund të mohojmë faktin që në politikë të jashtme afatet apo momenti luajnë një rol përcaktues”.

Deklaratat ministri shqiptar për Europën dhe Punët e Jashtme i bëri pas një takimi me homologun e tij sllovak. Kreu i diplomacisë sllovake deklaroi mbështetjen e vendit të tij për procesin e anëtarësimit të Shqipërise në Bashkimin Europian nëse vendi ynë tregon se ka bërë hapa konkret.
Sllovakia njihet si një ndër shtetet mbështetëse të zgjerimit të Bashkimit Europian. /abcnews.al

kim-jon-un.jpg
gra moz17:16 | 06/03/2018

Koreja e Veriut është e gatshme të bisedojë rreth çarmatosjes së armëve bërthamore, por vetëm nëse do t’u garantohet siguria.
Sipas Koresë së Jugut, kjo çështje u ngrit kur disa zyrtarë të Jugut takuan liderin e Veriut, Kim Jong-un, në Pyongyang, të hënën, gjatë një vizite.
Ata thanë që Kim është i hapur për bisedime me SHBA-në dhe mund të pezullojë testimet e armëve.
Në marrëveshje të mëparshme për të ndaluar ambiciet e tyre bërthamore, Veriu ka dështuar që të mbajë premtimet.
Të dërguarit e Jugut shprehen se liderët e Koresë e dy vendeve, gjithashtu, kanë rënë dakord që të takohen në një samit muajin e ardhshëm.
Ky do të jetë takimi i parë në më shumë se një dekadë dhe qëkur Kim Jong-un mori pushtetin.
Liderët do të diskutojnë për disa çështje të nxehta mes vendeve./abcnews.al

dy-korete.jpg
ent ela10:01 | 06/03/2018

Delegacioni i Seulit ka arritur një marrëveshje me Phenianin për një takim mes liderit Kim Jong-un dhe presidentit Moon Jae-in. Ende nuk dihet një datë e saktë për këtë zhvillim por mësohet se në takimin e tyre do të diskutohet lidhur me uljen e tensioneve ushtarake.

Lideri koreanoverior, Kim Jong-un ka arritur një marrëveshje “të kënaqshme”, me të dërguarit special të Koresë së Jugut për organizimin e një samiti me presidentin e Jugut, Moon Jae-in. Në qendër të takimin do të jetë një shkëmbim pikëpamjesh se si të ulen tensionet ushtarake në gadishull dhe përforcimi i dialogut. Vizita e delegacionit koreanojugor vjen pas asaj të kryer nga Veriu në Seul për ceremoninë e hapjes dhe mbylljes së Lojërvae Olimpike Dimërore të Pejongçang.

Delegacioni që ishte në Phenian ishte i përbërë nga 10 diplomatë, mes të cilëve 5 të dërguar special, i kryesuar nga Chung Eui-yong, këshilltar i sigurisë së Moon, dhe ka pasur për qëllim kryesor të hedhë gurëthemelet për rinisjen e dialogut mes Shteteve të Bashkuara dhe Koresë komuniste. Mediat zyrtare të regjimit, ende nuk përmendin temën e denuklarizimit dhe dialogut me Shtëpinë e Bardhë.

Ndërkohë, gjatë vizitës në Jug të stafit të Kim Jong-un, motra e liderit të Koresë së Veriut, Kim Yo-Jong dorëzoi një letër personale për Moon dhe një ftesë për të vizituar Phenianin sa më parë të jetë e mundur. Gjenerali Kim Yong-chol, që merret me raportet me Jugun për llogari të Partisë së Punës, i bëri me dije presidentit Moon që “Veriu është i hapur për dialog me SHBA-të”.

Megjithatë mardhëniet mes dy vendeve mbeten të tensionuar. /abcnews.al

vlcsnap-error197-1-1280x720.jpg
gra moz15:26 | 25/02/2018

Mediat greke kanë pasqyruar gjerësisht protestën e Partisë për Drejtësi, Integrim dhe Unitet kundër marrëveshjes së qeverisë së Tiranës me atë të Athinës për ndarjen e hapësirës detare.

Televizioni “ANT1”, shkruan se demonstrimi, i zhvilluar në ambasadën greke në Shqipëri, ishte provokativ. Gjithashtu thekson se në të janë dëgjuar fyerje kundër Greqisë. Kjo media shton më tej se “Çamët i barazuan politikanët e Athinës me një politikan nazist në kohën e Hitlerit”. Kurse gazeta “Prototema” nënvizon se “shqiptarët po mundohen me çdo mënyrë të vendosin çështjen e Çamërisë në bisedimet mes dy ministriave të Jashtëm të dy vendeve. Ndërkohë, mediat raportuan edhe kërkesën e PDIU-së, që Greqia të kërkojë falje për genocidin ndaj çamëve./abcnews.al

dora-bakojanis.jpg
gra moz19:51 | 22/02/2018

Ministrja greke që firmosi marrëveshjen detare të vitit 2009 ka thirrur në interpelancë ministrin e Jashtëm Nikos Kotzias, për t’i kërkuar sqarime për negociatat e reja që po zhvillon me Tiranën, që ndryshojnë paktin e 9 viteve më parë.

Ish-ministrja e Jashtme greke, Dora Bakojanis, e cila firmosi në emër të qeverisë helene marrëveshjen e detit të vitit 2009, ka kërkuar një interpelancë me pasardhësin e saj, Nikos Kotzias. Reagimi i Bakojanis ka ardhur pas lajmeve në shtypin shqiptar se, qeveria e kryeministrit Aleksis Tsipras po zhvillon negociata të fshehta me Tiranën zyrtare për të ndryshuar kufijtë detarë. Në kërkesën e saj, Bakojanis ka argumentuar se qeveria aktuale greke duket e gatshme për të rishikuar marrëveshjen e 9 viteve më parë, e cila sipas saj, nga ekspertët shkencorë u cilësua e balancuar.

Gjithashtu, ka vijuar ish-ministrja qëndrimin e saj, marrëveshja u konsiderua shembullore përsa i përket parimit të “vijës së mesit”, për ndarjen e zonave detare me Shqipërinë. Bakojanis akuzon ekzekutivin aktual grek se po krijon një precedent të rrezikshëm, që mund të ndiqet edhe nga vende të tjera, të cilat mund të kërkojnë ndryshim kufijsh. “Qeveria po trajton me papërgjegjshmëri një çështje të rëndësishme kombëtare, pa u konsultuar me forcat politike të vendit”, ka deklaruar Bakojanis, e cila ka kujtuar se pakti i 2009-s u nënshkrua pas konsultimeve 2-vjeçare. Konkretisht janë 3 pyetjet që ish-shefja e diplomacisë helene i drejton Kotzias në kërkesën për interpelancë:

1. Pse qeveria po procedon me rishikimin e marrëveshjes së Detit të vitit 2009, e cila u pranua dhe u nënshkrua nga Greqia dhe Shqipëria?
2. Cilat pjesë të marrëveshjes po rishikohen?
3. Është e vërtetë se qeveria ka ndërmend të ndryshojë pozicionin grek për caktimin e kufijve të zonës detare nën “vijën e mesit”?/abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono