marrëveshje

hekurudhaaa.jpg
eri Ida13:56 | 15/02/2020

Drejtuesi i linjës hekurudhore në Fushë-Kosovë e sheh me mjaft entuziazëm nënshkrimin e marrëveshjes për rikthimin e linjës hekurudhore Prishtinë-Beograd që u nënshkrua dje në Mynih të Gjermanisë.

Faik Gërbeshi thotë për “Abc News” se do të ishte mirë që kjo marrëveshje të pasohet edhe me nisjen e funksionimit te linjave të tjera ndërkombëtare.

“Nga viti 85’ e këtej ka pasur shumë linja hekurudhore ka pas shumë trena, ka pas qarkullim të mallrave ka pas dhe lëvizje nga ndërkombëtare. Kur vinte treni ka pas shumë lëvizje sa kishte dhe vështirësi me u fut në tren”, tha Gërbeshi.

Gazetarja e ABC News gazetarja Blerta Dalloshi Berisha bën me dije se linja hekurudhore është ndërprerë në vitin 1999 menjëherë pas luftës ishte rikthyer linja hekurudhore deri në kufi me serbinë që administrohej nga UNMIKU por kishte funksionuar deri në vitin 2008.

“Ky tren ka filluar që të lëvizë deri në vitin 2008 kur me shpalljen e pavarsisë së Kosovës filluan acarimet. Personeli jonë ka qenë i rrezikuar nga njerëz të proparcioneve të ndryshme të nacionalitetit serb”, thekson një nga pjestarët e stafit.

Ndërkohë sot janë funksionale vetëm dy linja hekurudhore, Fushë Kosovë-Shkup dhe Fushë Kosovë-Pejë. Ndër të tjera gazetarja Berisha raporton ndër të tjera se Gërbeshi i gëzohet marrëveshjes për linjën hekurudhore Prishtinë-Beograd me shpresën se kjo do të hape rrugën dhe rinisjen e linjave të tjera ndërkombëtare./abcnews.al

 

Screenshot_1-9.png
R D17:38 | 14/02/2020

Kosova dhe Serbia kanë nënshkruar në Mynih të Gjermanisë dy letra të shprehjes së interesit, për autostrada dhe për hekurudha, ku të dyja vendet shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.

President i Kosovës, Hashim Thaçi është shprehur se “ky është mesazhi më i mirë që rajoni do të ketë më tepër paqe, zhvillim ekonomik, vende të punës atë që i duhet njerëzve në Kosovë, në Serbi dhe tërë Ballkanin Perëndimor”.

Ndërsa Presidenti i Serbisë, Aleksandër Vuçic, tha se “marrëveshjet që janë nënshkruar janë domethënëse për shkak të lirisë së lëvizjes, lëvizjes së mallrave, kapitalit, shërbimeve dhe njerëzve”.

Ndërsa ambasdori Grenell ka thënë se marrëveshjet janë nënshshkruar falë direktivave të qarta të Presidentit Donald Trump.

Richard Grenell, I dërguari i SHBA-së për dialogun Kosovë Serbi tha se “tani kemi dy marrëveshje më shumë dhe ajo që unë kam biseduar me të dy presidentët është që të përqendrohemi sa më shumë në zhvillimin ekonomik”.

Kryeshefi ekzekutiv i hekurudhave të Kosovës Agron Thaçi ka thënë se Kosova është e gatshme për linjën hekurudhore Fushë Kosovë-Mitrovicë Leshak-Beograd ndërsa për linjën tjetër hekurudhore Prishtinë-Merdare-Beograd nevoitet investim i tërësishëm i infrastrukturës hekurudhore.

Linja hekurudhore Prishtinë Beograd ishte ndërprerë gjatë luftës së fundit në Kosovë për tu rivënë në funksionë menjëherë pas luftës deri në Leshak kufi me Serbinë nën administrimin e UNMIK-ut për tu ndërprerë sërish në vitin 2008 kur edhe u shpall pavarësia e Kosovës. /abcnews.al

Hekurudhat.jpg
eri Ida07:41 | 14/02/2020

Kosova dhe Serbia këtë të premte do të nënshkruajnë letrat me të cilat shprehin gatishmërinë për hapjen e rrugëve që janë pjesë e korridoreve hekurudhore e rrugor që lidhin kryeqytetet e Ballkanit Perëndimor me njëri tjetrin dhe më pas me Evropën.

Letra e shprehjes së interesit për autostrada dhe Letra e shprehjes së interesit për hekurudha me të cilat Kosova dhe Serbia shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në pritet të nënshkruhen paraditen e sotme, para fillimit të Konferencës së Sigurisë në Munih.

Me ndërmjetësimin e ambasadorit amerikan në Gjermani, Richard Grenell, njëkohësisht edhe i dërguari i Presidentit amerikan Trump për dialogun në mes të Kosovës dhe Serbisë, Kosova dhe Serbia do të nënshkruajnë këtë marrëveshje. Ndërkohë para një muaji, palët kanë nënshkruar nga një Letër të shprehjes së interesit për hapjen e korridorit ajror në mes t ë Prishtinës dhe Beogradit./abcnews.al

miloo.png
R D22:15 | 12/02/2020

Politikani dhe historiani i njohur Paskal Milo, i ftuar mbrëmjen e sotme në “Byro Politike” me Juli Xhokaxhi, tha ndër të tjera se ka pak shanse që kriza të zgjidhet me uljen në tryezë të partive kryesore për reformën zgjedhore. Sipas tij, çështja kryesore është ndryshimi i sistemit zgjedhor.

“Duhen bërë zgjedhje me rregulla të pastra loje. Jo me rregulla ku dihet paraprakisht se kush do ti fitojë zgjedhjet. Tani zgjedhjet i përcakton sistemi, përpara kemi patur sistem zgjedhor relativisaht të mirë. Tani nuk ka garë, është vetem mes dy partive PS-PD, në mes tyre ka një rotacion me marrëveshje të heshtur”, tha Paskal Milo.

Më tej, ai tha edhe argumentet se pse duhet të ndryshojë sistemi zgjedhor, i cili aktualisht nuk është fare në tryezën e reformës.

“Unë mendoj se kemi dhunuar rregullat e lojës. Kemi një klasë politike që menaxhon politikën dhe pushtetin dhe nuk është e vendosur që të bëjë rregulla të reja loje demokratike, të përkthyera në kod dhe sistem zgjedhor që përfaqëson votën e shqiptarëve, sepse ata do të dalin të humbur. Me kodin zgjedhor aktual, partitë e e tjera janë në mëshirë të partive të mëdha. Partitë e mëdha marrin 200 mijë vota dhe i fusin në thesin e vet nga të vegjlit. Me këtë kod, nuk mund të hyjë në lojë asnjë parti e re”, u shpreh ai.

Milo më tej kritikoi Partinë Demokratike, pasi sipas tij, duhet të kishte dalë tashmë me një alternativë bindëse.

“Kjo zvarritje, fjete e politikës vjen nga fakti se opozita është lodhur shumë në drejtim të gabuar dhe nuk po i paraqet shqiptarëve një program, një alternativë qeverisë. Nëse besojmë ende se partitë përfaqësohen nga programet, atëhere duhet të ketë program… jo vetëm propagandë, por program bindës që të ngjisë në popull”, tha Milo. /abcnews.al

kuvend.jpg
eri Ida09:52 | 11/02/2020

Kuvendi i Maqedonisë së Veriut këtë të martë do të zhvillojë një seancë solemne për ratifikimin e Protokollit për në NATO.

Me ratifikimin vendin edhe një hap e ndan nga anëtarësimi me të drejtë të plotë në Aleancë, si vendi i 30-të. Do të mbetet i papërfunduar edhe ratifikimi në parlamentin e Spanjës, ndërsa ratifikimi te ne do të ketë veprim të anuluar dhe do të aktivizohet prejse procesi të përfundojë në Madrid.

Mediatmaqedonase raportojnë se propozim-ligji për ratifikim është në procedurë kuvendore, prejse Qeveria vendosi për ratifikim të parakohshëm te ne, me qëllim që të mos humbet vazhdimësia në procesin e zyrtarizimit të anëtarësimit tonë duke marrë parasysh atë që vendi shkon në zgjedhje të parakohshme më 12 prill.

Pjesë e kësaj seance do të jenë ish presidentët, kryeministrat, liderët e LSDM-së Zoran Zaev dhe të VMRO-DPMNE-së Hristijan Mickoski, si dhe përfaqësues nga jeta publike dhe shoqërore dhe kori diplomatik, midis të cilëve edhe ambasadorët e vendeve anëtare të NATO-s.

Ndërkohë në oren 16:00 -pas ratifikimit është planifikuar ceremonia e ngritjes së flamurit të NATO-s para Kuvendit./abcnews.al

lukashenko_putin_valaam_17072019_2-990x556-1.jpg
eri Ida19:52 | 07/02/2020

Presidenti Vladimir Putin është takuar me kolegun e tij bjellorus, Aleksandër Lukashenko, takim që është mbyll pa marrëveshje për zgjidhjen e kontestit energjetik që i kërcënon marrëdhëniet e afërta tradicionale të tyre.

Mediat ndërkombëtare raportojnë se Lukashenko është shprehur se kanë vendosur që të vazhdojmë këtë diskutim jo një me një, por me edhe me ata që janë të kyçur në këtë proces.

Ndërkohë kohet e fundit presidenti bjellorus e ka akuzuar Rusinë, aleatin më të madh të vendit të tij, se tepër e paguan naftën dhe nuk e respekton marrëveshjen për furnizim me këtë karburant.

Mediat shtetërore ruse njoftuan se delegacioni i ministrit të Energjetikës, Aleksandër Novak nuk arriti të takohej për shkak të kushteve të motit të keq, ndërsa Putin i kërkoi falje Lukashenkos për mungesën e delegacionit rus.

Lukashenko mbërriti në Soçi një ditë më parë, pas takimit me zyrtarët bjellorusë të energjetikës, gjatë së cilës ai theksoi se Rusia kishte dështuar të jepte sasinë e rënë dakord të energjisë për muajin e kaluar.

Ndërkohë në takimet e fundit që Mike Pompeo ka zhvilluar në Bjellorusi i ka ofruar  gadishmërinë e SHBA për ta furnizuar me karburant./abcnews.al

Screenshot_1.png
R D17:39 | 02/02/2020

Qeveria e re  “Kurti” pritet të votohet nesër në Parlamentin e Kosovës. Pas 4 muajsh negociata, Vetëvendosje hoqi dorë nga posti i kryeparlamentarit, ndërsa LDK-ja nga kërkesa për marrëveshje për çështjen e Presidentit. Albin Kurti dhe Isa Mustafa treguan detajet në një konferencë për mediat. 

Gazetarja Blerta Dalloshi Berisha raporton se Lëvizja Vetëvendosje dhe Lidhja Demokratike e Kosovës zyrtarisht kanë konfirmuar se janë pajtuar për bashkëqeverisje në 4 vitet e ardhshme.

Krerët e të dyja partive Albin Kurti e Isa Mustafa në një konferencë të përbashkët për media thanë se kjo marrëveshje është në dobi të Kosovës.

Albin Kurti: U takuam dhe u dakorduam që të takohemi edhe nesër që ta zgjedhim qeverinë e re. Ne tashmë e kemi nënshkruar marrëveshjen e jemi marrë vesh për të gjitha, edhe për ndarjen e përgjegjësive në kuadër të qeverise së re.

Isa Mustafa: Besojmë se është një marrëveshje e mirë. Në interes të ndryshimeve që duhet të ndodhin në vendin tonë. Kemi ardhur bashkarisht në një zgjidhje të cilën e vlerësojmë se është zgjidhja e duhur për Republikën e Kosovës.

Sa i përket postit të Kryeparlamentarit, Kurti tha se Glauk Konjufca nuk do të jap dorëheqje por do të vijë në ekzekutiv. Ndërsa, nesër VV do të propozojë një emër të LDK-së për kryetar të Kuvendit.

Kurse, Mustafa tha se janë pajtuar që posti i Presidentit mos të jetë pjesë e kësaj marrëveshje.

Qeveria Kurti do të ketë 15 ministri dhe 33 zëvendësministra.

“Këshilli Drejtues i Lidhjes Demokratike të Kosovës njëzëri i ka thënë po koalicionit me Vetëvendosjen. Edhe Lëvizja Vetëvendosje organizoi referendum për të marrë aprovimin e koalicionit me LDK-në”, theksoi Kurti.

Deputetët e Kuvendit të Kosovës pritet të votojnë të hënën qeverinë “Kurti”, dy ditë pa u bërë 4 muaj nga zgjedhjet e parakoshme në Kosovë./abcnews.al

LDK.jpg
So Nila15:18 | 02/02/2020

Pas arritjes së marrëveshjes për bashkëqeverisjen me Vetëvendosjen, Kryetari i Lidhjes Demokratike të Kosovës, Isa Mustafa ka mbledhur këshillin e Përgjithshëm të LDK-së.

Mustafa në fjalën e tij para anëtarëve të këshillit është shprehur se marrëveshja e arritur për bashkëqeverisje me Lëvizjen Vetëvendosje është bërë në harmoni të plotë me parimet e vendosura më herët për balancim të pushtetit.

Gjithashtu lideri i LDK-së ka arsyetuar edhe rritjen e ministrive duke thënë se mandati i kryeparlamentarit do t’iu takojë me mandat të plotë, kurse posti i presidentit do të diskutohet më vonë me liderin e LVV-së, Albin Kurti.

“Dymbëdhjetë ministri i kanë partnerët kryesor LVV dhe LDK nga gjashtë dhe nga një zëvendëskryeministër dhe tre ministrit e tjera shkojmë për komunitetet dhe ndarja e tyre mbahet në bazë të marrëveshjes së kandidatit për kryeministër me përfaqësuesit e komuniteteve. Nëse shtrohet pyetja se pse është bërë shtimi i numrit të ministrive, unë them se është bërë me propozimin e Kurtit. Ne e kemi vlerësuar në qëndrueshmëri për të mos humbur shumë kohë pas themelimit të Qeverisë që të merremi me organizimin e ministrive se kemi trashëguar 21 ministri edhe janë kthyer në 15. Bashkërisht kemi vlerësuar se do të ishte më problematike dhe do të paguanim më shumë në qoftë se i kemi 12 ministri në emër të kursimeve se sa që i kemi 15 ministri dhe të funksionojnë menjëherë”, tha ai

Ndërkohë Muastafa ndër të tjera ka theksuar faktin se tashmë posti i kryeparlamentarit do t’i takojë LDK-së në mandat të plotë katër vjeçar.  Në fund Këshilli i Përgjithshëm i LDK-së ka votuar pa asnjë votë kundër marrëveshjen VV-LDK./abcnews.al

Rama-1-696x393-1.jpg
So Nila13:06 | 02/02/2020

Kryeministri i Shqipërisë Edi Rama ka përshëndetur këtë të dielë marrëveshjen e arritur mes Vetëvendosjes dhe LDK-së, për koalicionin bashkëqeverisës në Kosovë. Përmes një postimi në profilin e tij në Tëitter, Rama thekson që ky bashkëpunim të jetë sa më i dobishëm për shqiptarët këtej e andej kufirit.

“Suksese VV-LDK në formimin e qeverisë së re dhe në qeverisjen e Kosovës! Uroj të kemi një bashkëpunim sa më të dobishëm për shqiptarët këtej e andej kufirit dhe pres me padurim të shtrojmë në tryezë çështjen e lëvizjes së lirë të qytetarëve e të sipërmarrjeve në kufirin tonë”, shkruan kreu i qeverisë shqiptare.

Ndërkohë më herët koalicioni i bashkëqeverisjes së arritur mes LDK-së dhe Vetëvendosjes është përshëndetur edhe nga presidenti i Republikës Ilir Meta. /abcnews.al

kurti-mustafa-1.jpg
So Nila11:47 | 02/02/2020

Pas arritjes së marrëveshjes me LDK-në, lideri i Lëvizjes Vetëvendosje, Albin Kurti, ka reaguar sërish duke folur tashmë për procesin negociues me partinë që do të bashkëqeverisë.

Përmes një postimi në rrjetin social Kurti shkruan se me LDK-në moti janë marrë vesh se do të qeverisnin bashkë.

“Në negociatat me LDK-në, njëri-tjetrit, i kemi ofruar kërkesa e i kemi kërkuar oferta, jemi qarë e kemi qeshur, përherë të kujdesshëm që ndërmjet nesh të ndodhet një tavolinë.

Jemi vonë, gjithsesi. Nuk është tepër vonë, pa dyshim.

Moti jemi marrë vesh, tash kemi edhe marrëveshje. Do të qeverisim bashkë.

Ju falemnderit për mbështetjen dhe durimin. Urime të gjithëve!”, shkruan Kurti në Facebook.

Lëvizja Vetëvendosje dhe Lidhja Demokratike e Kosovës kanë nënshkruar marrëveshjen për koalicionin e ardhshëm qeverisës në Kosovë. Dy liderët, Kurti dhe Mustafa, në një konferencë të përbashkët për media njoftuan për arritjen e marrëveshjes dhe ndarjen e përgjegjësive në kuadër të qeverisë së re./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono