marreveshja

kurti-mustafa.jpg
ent ela16:52 | 08/11/2019

Lëvizja Vetëvendosje dhe Lidhja Demokratike e Kosovës do ta nënshkruajnë marrëveshjen për formimin e Qeverisë së re.

Lajmi është publikuar nga mediat e Kosovës, sipas të cilave kjo marrëveshje po arrihet pas gjashtë takimeve që kanë ndodhur deri tani mes grupeve punues të të dyja partive. Takimet e radhës, u njoftuan se do të jenë në nivel liderësh.

Deri tani, dihet se Qeveria e re do të ketë gjithsej 12 ministri, ende nuk dihen saktë se si do të jetë ndarja e ministrive mes dy partive, e as emrat konkretë/. /abcnews.al

KOSOVE-NEGOCIATAT-QEVERI_ABC-M4-T2.mpg_snapshot_00.39-1280x720.jpg
ent ela19:24 | 04/11/2019

Brenda dy javësh pritet të arrihet marrëveshja për koalicion ndërmjet Lëvizjes Vetëvendosje dhe Lidhjes Demokratike të Kosovës. Sipas nënkryetarit të Vetëvendosjes, Glauk Konjufca, në takimin e sotëm nuk është biseduar për përplasjet në fundjavë të këtyre dy partive, por vetëm për arsimin dhe shëndetësinë.

Një status në Facebook i nënkryetarit të LDK-së Lutfi Haziri në fundjavë që posti i kryeministrit kalon nëpër zyrat e LDK-së ka rezultuar me reagime të shumta në rrjete sociale nga anëtarë të Vetëvendosjes, madje edhe vetë nënkryetarja e LVV-së Albulena Haxhiu.

Por që të dy sot ishin pjesë e takimit në kuadër të grupeve punuese që kanë këto dy parti për një bashkëqeverisje pas zgjedhjeve të  6 tetorit.

Nënkryetari i Vetëvendosjes Glauk Konjufca pas takimit thuri lavde për Hazirin madje tha se nuk kanë diskutuar fare për këtë çështje por vetëm për temat e caktuara arsimin dhe shëndetësinë.

Ai pret që brenda dy javësh këto takime  do të rezultojnë më një marrëveshje për bashkëqeverisje.

Në takimin e radhës do të diskutohet për çështje sociale ndërsa për dialogun dhe tema të tjera madhore do të diskutohet në nivel liderësh të partive. /abcnews.al

 

rama-conte-italia-albania2.jpg
nev ila19:05 | 31/10/2019

Të burgosurit shqiptarë që vuajnë dënimin në Itali do të transferohen në Shqipëri.

Kjo është marrëveshja e arritur sot mes kryeministrit Edi Rama dhe homologut italian Giuseppe Conte.

Vendimi është bërë i ditur nga Conte gjatë konferencës së përbashkët për media me kryeministrin Rama.

“Kemi kryer një studim për bashkëpunimin tashmë intensiv në gjyqësor dhe polici. Unë përsëris angazhimin e Italisë për forcimin e këtij bashkëpunimi, me vëmendje të veçantë në luftën kundër krimit të organizuar dhe jam i kënaqur që mund të njoftoj se është arritur një marrëveshje edhe në sektorin e rëndësishëm të transferimit të të burgosurve shqiptarë, tashmë një transferim i parë do të realizohet së shpejti,” deklaroi Giuseppe Conte./abcnews.al

albin-kurtit-1280x729.jpg
nev ila14:21 | 21/10/2019

Një marrëveshje bashkëqeverisje në Kosovë pritet të finalizohet brenda një muaji. Kështu shprehet Albin Kurti, sipas të cilit prioritet i qeverisjes Vetëvendosje-LDK do jetë punësimi e drejtësia e jo marrëveshja me Serbinë.

Kryetari i Lëvizjes Vetëvendosje e cila doli fituese e zgjedhjeve të parakohshme të 6 tetorit në Kosovë, është në bisedime me LDK-në, e cila doli e dyta, për të formuar qeverinë e re, ku së paku 30% do të jenë gra. Kurti tha në një intervistë për “The Guardian” se pret që marrëveshja për qeverisje me LDK-në do të arrihet brenda një muaji dhe se prioritet i tij është punësimi dhe drejtësia, e jo marrëveshja me Serbinë.

Lideri 44 vjeçar premtoi se do t’i japë fund asaj që ai e konsideron kapje të gjyqësorit nga shteti dhe pohoi se është i interesuar për një proces të ri vetingu të drejtuar nga një kryeprokuror dinamik. Kurti tha se disa prej prokurorëve nuk kanë njohuri e disa nuk kanë guxim, por disa të tjerë nuk i kanë asnjërën. Ata duhet të çlirohen nga shteti, tha ai.

I përballur me borxhin në rritje dhe emigracionin, Kurti thotë se ai është i përkushtuar që të përqendrohet në edukimin teknik dhe uljen e varësisë së industrisë tek normat gjymtuese të interesit të bankave të huaja:

Lidhur me taksën e vendosur nga qeveria Haradinaj ndaj Serbisë, Kurti paralajmëroi se taksa 100% e vendosur nga paraardhësi i tij ndaj mallrave serbe do të hiqet vetëm nëse imponohen masat e plota reciproke për të liruar tregtinë e Kosovë në Serbi. Ai tha se Beogradi duhet t’i japë fund fushatës diplomatike ndërkombëtare për t’i bindur shtetet të tërheqin njohjet e Kosovës.

Udhëheqësi i Vetëvendosjes theksoi se Serbia duhet të përballet me të kaluarën e saj, në vend se të shikojë Kosovën e Shqipërinë me dylbi ushtarake. Serbisë i duhet një vetë-analizë, tha ai.

Kurti tha se programi i tij tre-fazësh do të nis me një dialog me serbët e Kosovës për bashkëpunim praktik, për shembull në bujqësi, duke vazhduar me një rishikim të efektit të vërtetë të 33 marrëveshjeve të nënshkruara me Serbinë nën mbikëqyrjen e BE-së nga viti 2012, dhe në fund një takim me Josep Borrellin, shefi i ri i politikës së jashtme të BE-së.

Albin Kurti theksoi se është krejtësisht kundër shkëmbimit të territoreve me Serbinë ndërkohë që vuri në dukje se flamuri i Kosovës i ishte imponuar vendit me një vendim që të mos përmbajë ngjyrën e kuqe, të zezë dhe shqiponjën, thuajse Kosova po e shpallte pavarësinë “nga Shqipëria, e jo nga Serbia”.

Por ai u zotua se në kapacitetin e tij zyrtar si kryeministër ai do ta mbajë dhe respektojë flamurin zyrtar të Kosovës.

Politikani i majtë që pritet të bëhet kryeministri i ri i Kosovës dënoi vendimin e BE-së për të bllokuar zgjerimin e BE-së, duke thënë se kjo tregon që liderët Perëndimorë kanë harruar mësimet e mësuara nga dy luftërat botërore dhe në vend të kësaj u tërhoqën përballë fashizmit dhe populizmit.

“BE-ja u formua si përgjigje ndaj fashizmit, por tani po tregohet e frikësuar përballë populistëve dhe fashizmit”, tha Kurti.

Udhëheqësi i Vetëvendosjes kritikoi qëndrimin e presidentit francez Macron, I cili kërkon reformism të brendshëm të BE-së para se të vazhdohet me zgjerimin. Kuri nënvizoi se reformat e brendshme në BE dhe zgjerimi i jashtëm shkojnë njëra përkrah tjetrës.

“BE-ja është e rëndësishme për Ballkanin, por Ballkani është shumë i rëndësishëm për BE-në. Berlini dhe Parisi duhet ta dinë këtë mirë, dhe është vërtetë trishtuese, për të gjithë ne, se ata po e harrojnë këtë. Në rreth dy dekada, historianët do të shkruajnë se nuk kanë qenë dy luftëra botërore, por vetëm një me dy episode, dhe e gjitha nisi në Sarajevë”, theksoi ai.

Kurti vuri në dukje se ky qëndrim i BE-së mund të dëmtojë mundësitë e Kosovës për të arritur një marrëveshje me Serbinë, e cila ka refuzuar ta njohë pavarësinë e saj./abcnews.al

 

gjykim.jpg
ad min12:28 | 18/10/2019

Shtetet e Bashkuara u kanë shprehur udhëheqësve të të gjitha partive në Kosovë pritshmërinë për të formuar një qeveri pro-dialogut me Serbinë dhe të gatshme për të hequr taksën.

Arritja e marrëveshjes së paqes mes Kosovës dhe Serbisë është prioritet strategjik për Shtetet e Bashkuara të Amerikës, ka thënë David Kostelançik, zëvendës i të dërguarit të posaçëm për Ballkanin Perëndimor, Matheë Palmer. Kostelançik ka theksuar kërkesat që i janë parashtruar udhëheqësve të Kosovës pas zgjedhjeve të 6 tetorit.

“Kosova sapo doli nga zgjedhjet dhe SHBA-ja ka shprehur tek liderët e të gjitha partive shpresën dhe pritjen se do të formojnë një qeveri pro dialogut, të gatshme për të pezulluar taksën, e cila ka bllokuar procesin”, ka thënë Kostelancik të enjten, në Forumin e Sigurisë në Beograd.

Kostelançik, i cili është edhe drejtor i Zyrës për Evropën Jugore dhe Qendrore, ka theksuar domosdoshmërinë e njohjes së ndërsjellë mes dy vendeve dhe ka nënvizuar se SHBA-ja do të qëndrojë gjithmonë në mbrojtje të sovranitetit të Kosovës.

Koha Ditore citoi zotin Kostelançik të ketë thënë se fushata e Serbisë për të anuluar njohjet dhe për të penguar anëtarësimin e Kosovës në organizata ndërkombëtare, është duke dëmtuar përpjekjet për dialog dhe arritjen e rezultateve.

“Prandaj ajo duhet t’i ndalë këto veprime. Të dyja e kanë vëmendjen e plotë dhe përkushtimin e SHBA-së për arritjen e marrëveshjes. Nuk duhet të humbet mundësia për njohje reciproke dhe një marrëveshje ligjërisht të pranueshme që mundëson paqen e qëndrueshme”, ka theksuar diplomati amerikan./ABC News Albania 

palmer-vucic.jpg
ent ela10:08 | 17/09/2019

Mediat serbe raportojnë se presidenti serb, Aleksandar Vuçic, ka zhvilluar një bisedë telefonike me të dërguarin special të SHBA-së për Ballkanin Perëndimor, Metju Palmer. Kreu I shtetit serb theksoi se vendi I tij do të angazhohet për një kompromis të vërtetë dhe të qëndrueshëm në raport me Kosovën.

Ai shtoi se ky kompromis do të ruajë interesat kombëtare të serbëve dhe Serbisë.

Gjatë bisedës u ra dakord se paqja dhe stabiliteti në Ballkanin Perëndimor janë thelbësore për përparimin politik e ekonomik të të gjithë rajonit. /ABC News Albania 24/7

TALEBANET-REAGIMI-ABCM5T1.mpg_snapshot_00.00-1280x720.jpg
ent ela19:26 | 09/09/2019

Rebelët talebanë kanë paralajmëruar Shtetet e Bashkuara se pasojat e tërheqjes së papritur të presidentit Donald Trump nga marrëveshja e paqes do të bien mbi qytetarët amerikanë.

Vendimi i presidentit Donald Trump për të anuluar marrëveshjen e paqes do t’u kushtojë jetën më shumë amerikanëve. Me këto fjalë kanë reaguar guerrilasit talebanë, pas tërheqjes së Shteteve të Bashkuara nga negociatat që do t’i jepnin fund thuajse 20 viteve luftë në Afganistan. Grupi islamik publikoi një deklaratë pasi Trump në mënyrë të papritur anuloi takimin sekret të planifikuar të dielën me liderët kryesorë të talebanëve në Kemp Dejvid. Trump tha se do t’i ndërpriste bisedimet me rebelët pasi ata morën përsipër përgjegjësinë e një atentati ku mbetën të vrarë 1 ushtar amerikan dhe 11 persona të tjerë. Një zëdhënës i rebelëve kritikoi Trump për tërheqjen nga dialogu dhe deklaroi se, trupat amerikane ishin përgjegjëse për një seri sulmesh të ndodhura në Afganistan. “Kjo lëvizje do të çojë në humbjen e jetëve të amerikanëve. Besueshmëria e tyre do të bjerë dhe qasja e tyre kundër paqes do t’i ekspozohet mbarë botës”, deklaroi zëdhënësi. Ndërkohë, në Uashington, sekretari i Shtetit Majk Pompeo tha se Shtetet e Bashkuara nuk do ta reduktojnë mbështetjen e tyre ushtarake për trupat afgane derisa të binden se talebanët do të zbatojnë angazhimet që kanë marrë përsipër./ABC News Albania 24/7

trump-2-1280x854.jpg
ad min11:15 | 08/09/2019

Presidenti Donald Trump ka anuluar papritur marrëveshjen e paqes me talebanët, duke hedhur poshtë një vit negociata të vështira me guerrilasit, të kontestuara pasi në to nuk ishte përfshirë qeveria e Kabulit.

Presidenti amerikan Donald Trump ka deklaruar se ka anuluar negociatat e paqes me talebanët, që do t’i jepnin fund luftës 18-vjeçare të Shteteve të Bashkuara në Afganistan.

Lajmin e bëri të ditur vetë kreu i Shtëpisë së Bardhë përmes një postimi në rrjetin social Twitter. Trump do të takohej me presidentin afgan Ashraf Ghani dhe disa liderë talebanë këtë të dielë në Kemp Dejvit, por ai e anuloi takimin sekret pasi militantët pranuan se ishin prapa një sulmi të ndodhur së fundmi që i mori jetën një ushtari amerikan.

Bisedimet do të mbaheshin pak ditë përpara përvjetorit të sulmeve të 11 Shtatorit 2001. Shtetet e Bashkuara pushtuan Afganistanin dhe rrëzuan regjimin taleban në vjeshtë të vitit 2001, për shkak se militantët u kishin dhënë strehë disa anëtarëve të Al Kaedës që ishin përgjegjës për sulmet.

Një burim nga zyra politike e talebanëve në Doha tha për BBC se grupi do të mbajë një takim urgjent për të diskutuar mbi vendimin e presidentit Trump. Ndërkohë, zyra e presidentit afgan Ashraf Ghani deklaroi se paqja e vërtetë do të jetë e mundur vetëm kur talebanët të bien dakord të ulin armët dhe të ulen në bisedime direkte me qeverinë afgane.

Një takim kokë më kokë me talebanët në Kemp Dejvit do të kishte qenë një lëvizje diplomatike e jashtëzakonshme nga presidenti amerikan, pasi do të ndodhte pak ditë përpara 18-vjetorit të 11 Shtatorit.

Por mesazhet e Trump duket se i dhanë fund një viti negociatash të vështira, në të cilat nuk ishte përfshirë qeveria e Kabulit, e konsideruar nga talebanët si qeveri kukull e amerikanëve./ABC News Albania 24/7

luigi-di-maio.jpg
ad min22:45 | 03/09/2019

Lëvizja 5 Yjet dhe Partia Demokratike në Itali kanë zyrtarizuar të martën bashkëpunimin për formimin e qeverisë së re, që prioritet do të ketë buxhetin e vitit të ardhshëm. Për këtë bashkëpunim, 5 Yjet kanë marrë edhe konsensusin e elektoratit përmes një votimi të realizuar Online.

Lëvizja anti-sistem 5 Yjet dhe demokratët e qendrës së majtë në Itali publikuan të martën programin e përbashkët politik për formimin e qeverisë, duke vendosur në krye të axhendës një buxhet ekspansiv për vitin 2020.

Lëvizja 5 Yjet, e krijuar një dekadë më parë duke i bërë opozitë Partisë Demokratike, pranoi të formojë një administratë të re me ish-armiqtë e saj për të shmangur zgjedhjet e parakohshme, një opsion i përfolur pas prishjes së koalicionit me Ligën e Veriut.

Mbështetësit e 5 Yjeve mbajtën ndërkohë një votim online nëse duhet të mbështesnin koalicionin, që rezultoi me një fitore dërrmuese pro bashkëpunimit me PD. Duke reaguar, kryetari Luigi Di Maio u shpreh krenar për rezultatin dhe ftoi bashkëpunëtorët e tij që të nisin menjëherë nga puna.

Në të njëjtën linjë, kryetari i demokratëve Nikola Xingaretti bëri thirrje që palët të nisin punën për të ndryshuar Italinë. Ndërsa kryetari i ekstremistëve të djathtë, Mateo Salvini u shpreh i bindur se koalicioni i ri qeverisës do ta ketë jetën e shkurtër.

Në krye të axhendës së 5 Yjeve dhe Partisë Demokratike është angazhimi për ta përdorur buxhetin e vitit të ardhshëm për të ndihmuar rritjen e ekonomisë në ngërç, pa vënë në rrezik financat për shpenzimet publike.

Italia ka borxhin e dytë më të lartë në Bashkimin Europian pas Greqisë dhe pakti bën thirrje për më shumë fleksibilitet nga Brukseli, për të vepruar mbi rregullat “e ngurta” fiskale./ABC News Albania 24/7

FARC-kolumbi.jpg
nev ila12:39 | 30/08/2019

Pas vendimit të liderëve të FARC në Kolumbi, Ivan Markez dhe Jezus Santrik  për të rimarrë armët në dorë, digjen të gjitha marrëveshjet për paqe në vend.

Një video e publikuar në rrjetet sciale tregon se të dy liderët do të rifillojnë çdo gjë nga e para.

Markez ishte zhdukur prej disa kohësh, ndërsa Santrik rrezikon ekstradimin në SHBA pasi akuzohet për trafik droge.

Populli kolumbian nuk e priti mirë planin për paqe dhe amnistinë ndaj anëtareve të FARC, dhe me anë të një referendumi e kundërshtoi këtë marrëveshje.

Ndërsa ish- presidenti i vendit Huan Manuel Santos fitoi Nobelin për paqe pikërisht për arritjen e kësaj marrëveshjeje që tashmë nuk është më në fuqi./ABC News Albania 24/7

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono