marreveshja

hashim-thachi-takimi-1280x720.jpg
nev ila20:21 | 21/01/2020

Autoriteti i Aviacionit Civil në Kosovë dhe Aeroporti i Prishtinës konfirmojnë se linja ajrore Beograd-Prishtine do të funksionojë pa taksa shtesë. Në marrëveshje thuhet se në çfarëdo rasti, taksat dhe pagesat shtesë nuk do të jenë diskriminuese.

Marrëveshja për rivendosjen e linjës direkte ajrore Prishtinë-Beograd, e nënshkruar të hënën në Berlin me ndërmjetësimin amerikan, me përfaqësuesit e kompanisë gjermane  Lufthansa dhe Eurowings dhe zyrtarë nga Kosova dhe Serbia, bën të qartë se nuk do të ketë taksa shtesë.

Qeveria Haradinaj ka vendosur që nga 2018 taksën 100 përqind mbi produktet serbe dhe boshnjake, por marrëveshja për fluturimin direct Prishtinë-Beograd, ka një paragraph që thotë se nuk do të ketë taksa shtesë.

“Autoriteti i Aviacionit Civil në Kosovë dhe Aeroporti i Prishtinës konfirmojnë se operimi për në/nga Beogradi/Prishtina dhe anasjelltas do të funksionojë pa taksa shtesë dhe taksa për një shërbim në linjën BPSAR. Në çfarëdo rasti, taksat dhe pagesat shtesë nuk do të jenë diskriminuese. Kompania “Eurowings” dhe transportuesit e Grupit Lufthansa do të kenë autoritet të plotë për të shitur bileta, për t’i përcaktuar tarifat për udhëtarë, mallra dhe dërgesa postare vetëm për shërbimet e ndërsjella mes Prishtinës dhe Beogradit dhe anasjelltas,” thuhet në dokumentin zyrtar të publikuar nga Express.

Letra e qëllimit thekson vendosjen e një korridori të veçantë ajror për fluturime në dy kryeqytetet.

Dokumenti që nga pala e Kosovës është nënshkruar në ceremoninë në Berlin nga zyrtari i Autoritetit të Aviacionit Civil të Kosovës dhe përvec firmës së Grupit Lufthansa mban edhe firmat e Aeroportit të Prishtinës dhe Komandantit të KFOR-it.

Në të theksohet se lëvizja në relacionin Prishtinë -Beograd do të realizohet në përputhje me marrëveshjen e arritur në Bruksel të njohur si IBM që siguron lëvizje vetëm me letërnjoftime.

Pala serbe deklaroi pas publikimit të lajmit se ajo nuk do të funksionalizohet pa u hequr taksa ndërsa kryeministri Ramush Haradinaj e quajti arritjen e marrëveshjes një hap shumë të madh përpara./abcnews.al

mustafa-kurti-2.jpg
nev ila19:57 | 21/01/2020

Lidhja Demokratike e Kosovës ka dhënë afat deri në fund të javës që të arrihet marrëveshja e koalicionit bashkëqeverisës me Lëvizjen Vetëvendosje ose të konstatohet se ska kushte për tu arritur.

Pas mbledhjes së kryesisë së partisë e cila zgjati rreth tre orë, kreu i LDK-së Isa Mustafa ka thënë se marrëveshja duhet të ketë prioritet një qeveri me përgjegjësi të balancuara mes dy palëve.

Ndërsa ka kërkuar nga LVV-ja që edhe njëherë ta trajtoj me vëmendje propozimin e LDK-së.

“Mbesim të hapur që të ulemi dhe të bisedojmë dhe ato të kenë një përfundim sa më të shpejtë, deri në fund të kësaj jave. Ta bëjmë marrëveshjen ose të konstatojmë se nuk ka kushte të bëhet“, tha Isa Mustafa kryetar i LDK-së.

Ai ka pranuar se janë në komunikim të vazhdueshëm me kreun e LVV-së.

“Ne me Kurtin, gjatë kësaj periudhe kurrë s’kemi qenë jashtë komunikimit porse qëndrimi jonë është që marrëveshjen ta përfundojnë ose që kontaktet tona të japin rezultatin që do të jetë i dukshëm“, tha Mustafa.

Paradite kreu i LDK-së ka zhvilluar takime të ndara në selinë e partisë me ambasadorin amerikan dhe atë britanik në Kosovë.

Mustafa ka thënë se të dy ambasadorët janë të interesuar për formimin sa më të shpejtë të qeverisë.

Kosova më 6 tetor mbajti zgjedhje të jashtëzakonshme ku fituese e këtyre zgjedhjeve doli LVV me 29 deputetë e LDK e dyta me një deputet më pak.

Të dyja këto parti në fushatë zgjedhore kishin hyrë me premtimin se do të bashkëqeverisin pas zgjedhjeve, por që edhe pas më shumë se tre muajsh nuk kanë arritur të gjejnë një formulë të përbashkët për këtë bashkëqeverisje./abcnews.al

 

marreveshja.jpg
ger ta18:24 | 21/01/2020

Marrëveshja për rivendosjen e linjës direkte ajrore Prishtinë-Beograd, e nënshkruar të hënën në Berlin me ndërmjetësimin amerikan, me përfaqësuesit e kompanisë gjermane  Lufthansa dhe Euroëings dhe zyrtarë nga Kosova dhe Serbia, bën të qartë se nuk do të ketë taksa shtesë. Qeveria Haradinaj ka vendosur që nga 2018 taksën 100 përqind mbi produktet serbe dhe boshnjake, por marrëveshja për fluturimin direct Prishtinë-Beograd, ka një paragraph që thotë se nuk do të ketë taksa shtesë.

“Autoriteti i Aviacionit Civil në Kosovë dhe Aeroporti i Prishtinës konfirmojnë se operimi për në/nga Beogradi/Prishtina dhe anasjelltas do të funksionojë pa taksa shtesë dhe taksa për një shërbim në linjën BPSAR. Në çfarëdo rasti, taksat dhe pagesat shtesë nuk do të jenë diskriminuese. Kompania “Euroëings” dhe transportuesit e Grupit Lufthansa do të kenë autoritet të plotë për të shitur bileta, për t’i përcaktuar tarifat për udhëtarë, mallra dhe dërgesa postare vetëm për shërbimet e ndërsjella mes Prishtinës dhe Beogradit dhe anasjelltas,” thuhet në dokumentin zyrtar të publikuar nga Express.

Letra e qëllimit thekson vendosjen e një korridori të veçantë ajror për fluturime në dy kryeqytetet.  Dokumenti që nga pala e Kosovës është nënshkruar në ceremoninë në Berlin nga zyrtari i Autoritetit të Aviacionit Civil të Kosovës dhe përvec firmës së Grupit Lufthansa mban edhe firmat e Aeroportit të Prishtinës dhe Komandantit të KFOR-it. Në të theksohet se lëvizja në relacionin Prishtinë -Beograd do të realizohet në përputhje me marrëveshjen e arritur në Bruksel të njohur si IBM që siguron lëvizje vetëm me letërnjoftime.

Pala serbe deklaroi pas publikimit të lajmit se ajo nuk do të funksionalizohet pa u hequr taksa ndërsa kryeministri Ramush Haradinaj e quajti arritjen e marrëveshjes një hap shumë të madh përpara. /abcews.al

edi-rama-2-1280x690.jpg
ger ta18:47 | 20/01/2020

Kryeministri Edi Rama ka përshëndetur marrëveshjen për të patur një linjë avioni Kosovë-Serbi, pas dy dekadash.

Rama vlerëson edhe qendrimin e kryeministrit në detyrë Ramush Haradinaj, që siç dihet kreu i qeverisë e ka paditur. Sipas Ramës paqja është e vështirë dhe nuk fitohet me mjetet e luftës.

E përshëndes me kënaqësi marrëveshjen e sotme për fluturimet Prishtinë-Beograd, që siç tha Sekretari i NATO-s është “një hap i rëndësishëm  për qarkullimin më të lehtë të njerëzve e mallrave në Ballkanin Perëndimor” Ka ende shumë hapa për të bërë me vizion e kurajo në atë rrugë!

Shumë mirë bëri edhe Ramushi që e përshëndeti këtë hap. Paqja është tejet e vështirë, por në asnjë rast ajo nuk fitohet me mjetet e luftës dhe popullariteti i përkohshëm që sjellin nganjëherë ato mjete, nuk i sjell asnjë hajër popullit e vendit”, shkruan Rama në një postim në twitter./abcnews.al

Isa-Mustafa-Albin-Kurti-600x360-1.jpg
nev ila16:14 | 19/01/2020

Kryetari i LDK-së, Isa Mustafa ka deklaruar për mediat në Kosovë se nuk do të ketë takime të tjera me Albin Kurtin nëse nuk ka dakordësi për arritjen e një marrëveshjeje.

Mustafa theksoi se LDK ka pasur opsion marrëveshjen me “Vetëvendosjen” dhe nëse kjo nuk arrihet, atëherë Kurti duhet te gjejë një zgjidhje tjetër për formimin e qeverisë.

Kreu i LDK-së thotë se koalicioni mund të arrihet me vullnetin e “Vetëvendosjes”,  e cila sipas tij duhet ta vlerësojë mirë ofertën e fundit.

Mustafa tha gjithashtu se faktorët ndërkombëtarë janë të interesuar që qeveria në Kosovë të krijohet sa më shpejt./abcnews.al

lulzim-basha-reforma-1280x558.jpg
nev ila14:30 | 15/01/2020

Kreu i Partisë Demokratike ka dhënë deklaratë për mediat ditën e sotme pas marrëveshjes me Partinë Socialiste për Reformën Zgjedhore. Basha tha se e nuk do të kishte asnjë lëshim ndaj Ramës edhe pse kishin pranuar të negocionin.

Basha gjithashtu se kishte ende mosbesues ndaj kësaj marrëveshje dhe se kushdo që mendonte ndryshe gabohej.

Më tej i pyetur nga gazetarët se përse erdhi në këtë marrëveshje më përfaqësuesin e PS, Damian Gjiknurin  kur opozita kishte kushtin për ta çuar në burg, Basha i revoltuar dhe duke i rënë tavolinës tha:

“Detyra ime është t’ju tregoj fare qartë se teza që u legjitimua Damian Gjiknuri, është një tezë e dalë drejtpërdrejtë nga kancelaria e Edi Ramës dhe është shpërndarë përmes renegatëve dhe patericave të tij, pre e të cilës mund të ketë rënë edhe ndonjë naiv. Shqipëria do të ndryshojë përmes mekanizmave që ndryshon dhe përparon dhe Europa.

Një prej këtyre mekanizmave është zbatimi i ligjit. Në kushtet e Bundestagut, është fillimi i ndjekjes penale dhe i proceseve gjyqësore të të gjithë atyre që janë të përfshirë në vjedhjen e votës, në rezolutën e Partisë Popullore Europiane, ky kusht është përforcuar me kërkesën për arrestimin  e këtyre personave, të kapur në përgjime duke vjedhur vota.

Më lejoni që tu them qytetarëve, se nuk ka për të patur amnisti, as për Damian Gjiknurin, as për Ymer Lalën, as për Vangjush Dakon, as për Avdylajt, dhe për askënd që është përfshirë në shitblerjen e votave. Dërgimi i tyre përpara drejtësisë është prioritet i opozitës së bashkuar. Këta janë të gjithë ushtarë të Edi Ramës. Stigmatizimi i procesit të Reformës Zgjedhore është rënie pre, rënie viktimë e kësaj propagande. Synimi ynë është të largojmë fenomenin e Edi Ramës, personin e Edi Ramës, qeverinë e Edi Ramës, bandat e Edi Ramës, dhe të krijojmë kushtet që asnjë parti politike, asnjë individ ti vendosë shqiptarët dhe Shqipërinë në kushtet e tilla pengmarrjeje nga krimi, dhe për këtë ne kemi një udhërrëfyes”./abcnews.al

mustafa-kurti-2.jpg
nev ila17:16 | 29/12/2019

Kreu i Vetëvendosjes, Albin Kurti deklaroi se nuk është presidenti ai që i cakton datën e formimit të Qeverisë, por Lidhja Demokratike e Kosovës. Por kreu i LDK-së, Isa Mustafa u përgjigj menjëherë duke thënë se LDK nuk cakton data dhe se datat i cakton subjekti që del i pari në zgjedhje, ai që e merr mandatin për formimin e Qeverisë.

Lideri i Lëvizjes Vetëvendosje, Albin Kurti, tha të dielën se datën për formimin e Qeverisë e përcakton Lidhja Demokratike të Kosovës (LDK), dhe jo presidenti i vendit, Hashim Thaçi.

Por kreu i LDK-së, Isa Mustafa reagoi menjëherë në një postim në rrjetin social Facebook, duke thënë se LDK-ja nuk e cakton datën e formimit të Qeverisë, por është Vetëvendosje ajo e cila është fituese e zgjedhjeve dhe përgjegjësia i takon VV-së që të formojë Qeverinë.

Mustafa tha se Lidhja Demokratike e Kosovës është angazhuar për marrëveshje për bashkëqeverisje me LVV mbi bazën e rezultateve zgjedhore të datës 6 tetor, të çertifikuara nga KQZ. LVV të cilën ai e quajti fitues relative, ka 29 deputetë dhe LDK, parti e dytë, me 28 deputetë. Mustafa tha se nga zgjedhjet nuk ka fitues absolute dhe kërkoi që VV të heq dorë nga diskursi se i ka dhënë diçka LDK-së.

“Lirisht mund ta themelojë qeverinë në qoftë se kanë votë të qytetarëve dhe mandate për ta bërë atë….LDK nuk cakton data. Datat i cakton subjekti që del i pari në zgjedhe, ai që e merr mandatin për formimin e Qeverisë. Por, LDK insiston që sa më parë të kemi formim të institucioneve dhe kjo nuk do të thotë se LDK domosdoshmërisht do të bëhet pjesë e qeverisë. Është obligim i fituesit të zgjedhjeve që të shmang vonesat dhe t’i eliminojë pengesat për formimin e institucioneve. Ne bëmë punën tonë, zhbllokuam procesin, përkundër që s’kishim marrëveshje e as njoftim se VV do të procedojë me Kryetarin e Kuvendit.

Mustafa tha gjithashtu se LDK nuk ka refuzuar por ka vlerësuar se duhet ti takojë Kryeparlamentari me marrëveshje.

“Caktimi i mandatarit, marrja e manatit për Kryeministër dhe gjetja e zgjidhjes për formimin e qeverisë, në këtë fazë, është detyrim i subjektit që renditet i pari në zgjedhje”, tha ai./abcnews.al

edi-rama-ari-i-zi.jpg
nev ila11:00 | 20/12/2019

Qeveria shqiptare dhe kompania italiane ENI kanë firmosur sot marrëveshjen për kërkim hidrokarburesh në bllokun e Dumresë.

Marrëveshja është firmosur nga qeveria shqiptare  dhe  përfaqësuesi i kompanisë italiane, ndërsa të pranishëm ishin kryeministri Edi Rama me ambasadorin Cutillo.

Rama u shpreh se kjo është kontrata më e mirë dhe më e favorshme e firmosur për Shqipërinë, që do të sjellë shumë të ardhura, vlera dhe eksperiencë.

Kompaninë e mirënjohur ENI, një histori e nisur shumë kohë më parë. U deshën 30 vite që sot të kishim një kontratë me ENI-n që nga vlera ekonomike, është më e mira dhe më e favorshme që është firmosur. I falenderoj miqtë italianë që janë treguar shumë të hapur dhe konstruktive ndaj kërkesës sonë për të pasur një kontratë për të pasur një përfitim të drejtpërdrejtë më të madh se kontratat e para për shtetin dhe të mirë-strukturuar. Ka pasur edhe një partner, që jo thjesht do të zbulojë naftë në Shqipëri, por do të ndihmojë në rritjen e cilësisë së burimeve njerëzore. Gjithashtu përfshirja e ENI-t te Pakti për Universitetin në një marrëdhënie me Fakultetin e Gjeologjisë dhe Minierave për të hapur mundësi për trajnime, mastera dhe kështu me radhë. Më vjen shumë mirë që e firmosim këtë kontratë sot edhe pse përkoi me një moment të vështirë, por ishte një këmbëngulje nga ana e ministres që u mor me negociomin për t’i sjellë miqtë italianë para vitit të ri dhe pastaj të fillonte puna me eksplorimet. Sipas të gjitha studimeve, blloku i Dumeresë ka një rezervë të konsiderueshme, ashtu si zbulimi në Shpirag është një arsye më shumë për të vijuar. Bëhet fjalë për një tjetër investim të rëndësishëm të huaj në Shqipëri të një kompanie gjigante me të ardhura më të mëdha se gjithë PBB e Shqipërisë. Përtej vlerës monetare do të sjellë do të sjellë dijen dhe një bashkëpunim që do të rrisë cilësisht të gjithë hapësirën që mbulon ky sektor. Zbulimi i pritshëm do të kenë një ndikim të jashtëzakonshëm në ekonominë e vendit. Jam i sigurt se do të gjejnë shumë naftë dhe përfitimi do të jetë i merituar edhe për ata” tha kryeministri./abcnews.al

kurti-mustafa.jpg
ent ela16:52 | 08/11/2019

Lëvizja Vetëvendosje dhe Lidhja Demokratike e Kosovës do ta nënshkruajnë marrëveshjen për formimin e Qeverisë së re.

Lajmi është publikuar nga mediat e Kosovës, sipas të cilave kjo marrëveshje po arrihet pas gjashtë takimeve që kanë ndodhur deri tani mes grupeve punues të të dyja partive. Takimet e radhës, u njoftuan se do të jenë në nivel liderësh.

Deri tani, dihet se Qeveria e re do të ketë gjithsej 12 ministri, ende nuk dihen saktë se si do të jetë ndarja e ministrive mes dy partive, e as emrat konkretë/. /abcnews.al

KOSOVE-NEGOCIATAT-QEVERI_ABC-M4-T2.mpg_snapshot_00.39-1280x720.jpg
ent ela19:24 | 04/11/2019

Brenda dy javësh pritet të arrihet marrëveshja për koalicion ndërmjet Lëvizjes Vetëvendosje dhe Lidhjes Demokratike të Kosovës. Sipas nënkryetarit të Vetëvendosjes, Glauk Konjufca, në takimin e sotëm nuk është biseduar për përplasjet në fundjavë të këtyre dy partive, por vetëm për arsimin dhe shëndetësinë.

Një status në Facebook i nënkryetarit të LDK-së Lutfi Haziri në fundjavë që posti i kryeministrit kalon nëpër zyrat e LDK-së ka rezultuar me reagime të shumta në rrjete sociale nga anëtarë të Vetëvendosjes, madje edhe vetë nënkryetarja e LVV-së Albulena Haxhiu.

Por që të dy sot ishin pjesë e takimit në kuadër të grupeve punuese që kanë këto dy parti për një bashkëqeverisje pas zgjedhjeve të  6 tetorit.

Nënkryetari i Vetëvendosjes Glauk Konjufca pas takimit thuri lavde për Hazirin madje tha se nuk kanë diskutuar fare për këtë çështje por vetëm për temat e caktuara arsimin dhe shëndetësinë.

Ai pret që brenda dy javësh këto takime  do të rezultojnë më një marrëveshje për bashkëqeverisje.

Në takimin e radhës do të diskutohet për çështje sociale ndërsa për dialogun dhe tema të tjera madhore do të diskutohet në nivel liderësh të partive. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono