marreveshja

brazil-argentina.jpg
nev ila23:25 | 28/06/2019

Bashkimi Europian dhe Amerika e Jugut kanë arritur një marrëveshje historike tregtare pas disa dekadash negociata. Akordi do të stimulojë tregtinë e lirë mes dy kontinenteve dhe do të mbulojë rreth 800 milionë konsumatorë.

Bashkimi Europian dhe blloku ekonomik i Amerikës së Jugut, Merkosur, kanë arritur një marrëveshje tregtare pas 20 vjet negociata. Presidenti i Komisionit Europian, Zhan Klod Junker deklaroi se është marrëveshja më e madhe që Unioni ka arritur ndonjëherë, në një kohë kur tensionet tregtare janë më të larta se kurrë.

Ndërsa presidenti i Brazilit, Hair Bolsonaro tha se marrëveshja është historike dhe një nga më të rëndësishmet e të gjithë kohërave. Në bllokun Merkosur bëjnë pjesë Argjentina, Brazili, Uruguaji dhe Paraguaji dhe sipas zotit Junker, marrëveshja do të jetë në dobi të konsumatorëve të të dy palëve nënshkruese.

Në të njëjtën linjë, sekretari argjentinas për marrëdhëniet ndërkombëtare, Horasio Rejser tha se marrëveshja do të krijojë një treg të mirë për produktet dhe shërbimet, që do të mbulojë mbi 800 milionë konsumatorë.

Ndërsa në një komunikatë, qeveria e Brazilit saktësoi se marrëveshja parashikon eliminimin e tarifave për produkte si lëngu i portokallit, kafenë dhe frutat. Ndërsa prodhuesit e produkteve të tjera si mishi, sheqeri dhe etanoli do të kenë një akses më të madh në tregun europian.

Vitin e kaluar, Bashkimi Europian nënshkroi një marrëveshje për tregtinë e lirë me Japoninë, që mbulon rreth një të tretën e GDP-së së botës dhe 600 milionë konsumatorë./ABC News Albania 24/7

MBULIM-THACI-MARREVESHJA.mpg_snapshot_00.23-1280x720.jpg
ent ela12:50 | 24/06/2019

Presidenti i Kosovës Hashim Thaçi ka kërkuar që brenda vitit të përmbyllet marrëveshja përfundimtare me Serbinë. Në këtë kundërt sipas tij rrezikohen marrëdhëniet mes vendeve në rajon.

Aspak premtuese për arritjen e një marrëveshjeje përfundimtare me Serbinë i konsideron zhvillimet e fundit presidenti i Kosovës Hashim Thaçi. Për Thaçin, edhe përkundër iniciativës për të zhbllokuar dialogun Kosovë-Serbi gjërat nuk po lëvizin fare.

Në konferencën “Zëri i Popullit rreth Finales së Madhe; ndërmjet Kosovës dhe Serbisë”, i organizuar nga RIDEA, Thaçi tha se përmbyllja e dialogut me Serbinë  që rezulton me njohje reciproke është interes nacional i Kosovës. Ka kërkuar nga spektri politik të jenë unik për këtë çështje.

“Nuk kam dyshim që në këtë vit mund të arrihet marrëveshje ligjërisht obligative, por nëse nuk ndodhë hymë në një fazë të rrezikshme të këtyre raporteve, të cilat mund të destabilizojë raportet jo vetëm tonat si dy shtete, por edhe rajonin”, tha Thaçi.

“Projekti i Serbisë për ndarje të Kosovës ka dështuar, ndonëse e ideja nuk ka vdekur”, tha Albin Kurti.

“Inkurajoj Kosovën dhe Serbinë që të arrijnë një dialog normalizimi. Për momentin veprimet uniterale për të Kosovën dhe Serbinë e bëjnë të vështirë progresin në  dialog”.

Sipas anketimit së Institutit Ridea 32 përqind e qytetarëve janë për korrigjimin e kufijve që do të rezultonte me njohjen dhe anëtarësimin e Kosovës në OKB./ABC News Albania 24/7

 

irna-1280x711.jpg
Sej rie22:45 | 17/06/2019

Me pretendimin se marrëveshja e vitit 2015 po shkërmoqet, Irani ka paralajmëruar se në fund të muajit do të shkelë limitin e vendosur për pasurimin e uraniumit, për të prodhuar armë bërthamore.

Autoritetet iraniane kanë njoftuar të hënën se nga 27 qershori do të shkelin limitin e pasurimit të uraniumit, i përcaktuar në kuadër të marrëveshjes bërthamore të vitit 2015. Agjencia vendase për energjinë atomike ka deklaruar se ka katërfishuar tashmë prodhimin e materialit që përdoret për reaktorët atomike dhe më pas për të prodhuar armët bërthamore. Por e njëjta agjenci ka shtuar se, ka ende kohë që vendet evropiane të veprojnë për ta mbrojtur Iranin nga efektet e sanksioneve të rivendosura nga Shtetet e Bashkuara. Nga ana e tyre, Britania e Madhe, Franca dhe Gjermania kanë paralajmëruar Iranin që të mos e shkelë marrëveshjen dhe njëkohësisht i kanë bërë me dije se në rast të një skenari të tillë nuk u mbetet gjë tjetër veçse të rivendosin edhe ato sanksionet.

Zhvillimet e fundit vijnë në një kohë tensionesh të larta në Lindjen e Mesme, pas shpërthimeve të dy anijeve-cisternë në Gjirin e Omanit, për të cilat administrata amerikane akuzon Republikën Islamike. Vetë presidenti Donald Trump, i cili tërhoqi Shtetet e Bashkuara nga akordi i vitit 2015, kërkon ta rikthejë Iranin në tryezën e bisedimeve, me qëllim rinegocimin e marrëveshjes dhe ndalimin e programit të raketave balistike./ABC News Albania 24/7

52-1.jpg
ent ela18:40 | 17/06/2019

Mediat serbe shkruajnë se shtetet perëndimore janë duke hartuar një sërë pikash sipas të cilave do të ndërtohet dhe marrëveshja përfundimtare mes Kosovës dhe Serbisë.

Sipas të përditshmes serbe “Veçerenje Novosti”, vendet perëndimore po përgatisin të gjitha pikat për marrëveshjen përfundimtare Kosovë – Serbi. Sipas mediave serbe Beogradi dhe Prishtina së shpejti mund të marrin udhëzimet për arritjen e një zgjidhjeje përfundimtare për çështjen e Kosovës nga shtetet perëndimore. Sipas tyre brenda “kornizës së caktuar” do të ketë hapësirë dhe për “amandamente” të mundshme. Kjo gjë sipas liderëve perëndimore do të përshpejtojë zgjidhjen e çështjes së Kosovës.

“Novosti” shkruan se Samiti në Paris, nëse realizohet, mund të përcaktojë se çfarë përmbajnë rekomandimet. “Novosti” përkujton se në vitin 2005, grupi i kontaktit  krijoi tri linja kryesore themelore për bisedime në lidhje me statusin e Kosovës: të mos ketë ndarje të Kosovës, të mos ketë kthim të gjendjes para vitit 1999 dhe të mos ketë bashkim të Kosovës me shtetet fqinje.

Ish ambasadori i Serbisë në Berlin dhe Vjenë, Milovan Bozhinovic tha se nga sjellja e aktorëve aktualë në procesin negociator mund të thuhet se ekziston dëshira për arritjen e një zgjidhjeje përfundimtare nga të dyja palët. Shtëpia e Bardhë në apelin e saj ëm të fundit ndaj dy vendeve kërkoi qartë që të mos ketë më ndalin retorika ekstreme dhe të punohet për arritjen e marrëveshjes e cila ka për qëllim “njohjen e ndërsjellë”. /ABC News Albania 24/7

OK-TAKIMI-I-DY-QEVERIVE-MBULIM-_ABC-M1-T1.mpg_snapshot_00.26-1280x720.jpg
ent ela13:01 | 20/05/2019

Qeveria e Republikës së Shqipërisë dhe Republikës së Kosovës janë mbledhur në një takim koordinues për të diskutuar rreth marrëveshjeve të nënshkruara mes tyre më 26 nëntor të vitit të shkuar. 

Në mbledhjen e përbashkët mungojnë kryeministri shqiptar Edi Rama dhe ai kosovar Ramush Haradinaj ndersa takimi u hap nga zevendeskryeministri i Kosoves Fatmir Limaj dhe zevendeskryeministri i Shqiperise Erion Brace.

Numri dy i Qeverise se Kosoves, Limaj foli per progres ne ecurine e 4 marrëveshjeve të nënshkruara në Pejë. Qershori sipas Limajt duhet të jetë afati i fundit për fillimin e zbatimit të tyre.

Ndërsa numri dy i Qeverisë së Shqipërisë, Braçe u shpreh se pesë vite nga mbledhja e parë e përbashkët e mbajtur në Prizren është arritur plotësimi i kuadrit ligjor dhe përafrimi i tij me vendet e Bashkimit Europian.

Pas fjalës së dy kryeministrave mbledhja vijoi me dyer të mbyllura. Në sesionin e dytë të saj ministrat do të njoftojnë detajet rreth secilës marrëveshje për të cilat më pas do të jenë zëvendëskryeministrat Limaj dhe Braçe të cilët do të raportojnë tek drejtuesit e qeverive Rama dhe Haradinaj. /ABC News Albania 24/7

thaciiii-1280x723.jpg
Sej rie13:16 | 09/05/2019

Presidenti i Republikës së Kosovës Hashim Thaçi ka shprehur mundësinë e arritjes së një marrëveshje me Serbinë brenda vitit. Dialogu nuk do të cenojë territoret ka nënvizuar kreu i shtetit kosovar. Në fjalën e tij përpara gazetarëve, ai ka sjellë detaje edhe nga takimi që ka zhvilluar me Kryeministrin Edi Rama një ditë më parë me të cilin kanë diskutuar heqjen e kufirit Shqipëri-Kosovë.

“Tarifa ka qenë një vendim i drejtë dhe legjitim e si i tillë do të mbetet në fuqi. Duhet të vazhdojë dialogun e pakushtëzuar me mundësitë e arritjes së një marrëveshje  për një normalizim të plotë dhe ligjërisht obliguese. Të jetë një marrëveshje gjithëpërfshirëse që nuk krijon vija etnike të kufijve, që vendet tonë të mbesin multi etnike dhe që përfshijë Luginën e Preshevës, Medvegjën dhe Bujanovcin në territorin e Republikës së Kosovës. Në këtë drejtim unë dua që vendet e BE tani e tutje të jenë më unike dhe jo sikundër ka ndodhur në Berlin. Shpresoj që samiti i Parit të jetë më i mirë organizuar dhe do të prodhojë substancë. Dhe gjithashtu shpresoj sepse kam qenë vetë personalisht dhe kam mbetur i tmerruar kur jam informuar se nuk kanë qenë të koordinuar organizatorët me SHBA-të. Por e ritheksoj edhe një herë sot se pa rolin udhëheqës të SHBA-ve nuk mund të ketë as dialog të suksesshëm, e jo më marrëveshje apo implementim. Unë kam diskutuar dje me Kryeministrin e Shqipërisë zotin Rama me një bisedë të hapur për mundësinë e heqës së tërësishme të kufirit Kosovë-Serbi, të një modeli evropian nën ombrellën e vlerave euroatlantike. Askush nuk dihet t’i frikësohet komunikimit dhe integrimit kombëtar dhe të një lëvizje kudo që jetojnë shqiptarët”, tha Thaçi./abcnews.al

irani-programi-1280x502.jpg
ent ela13:52 | 08/05/2019

Ditën e një vjetorit të tërheqjes së shteteve të bashkuara të amerikës nga marrëveshja për progrmain bërthamor Iranian, dhe Teherani ka bërë të njëjtën gjë. Presidenti Iranian Rohani u shpreh para parlamentit të vendit, se vendi ishte i detyruar nga armiqtë e tij për t’u tërhequr.

Irani është tërhequr nga disa pika kryesore të marrëveshjes ndërkombëtare për programin bërthamor të 2015-ës, një vit pas braktisjes së kësaj marrëveshjeje nga Shtetet e Bashkuara të Amerikës. Presidenti Iranian Hassan Rohani deklaroi se Teherani do të ruajë rezerva të uraniumit të pasuruar në vend, dhe nuk do i dërgojë jashtë. Ai gjithashtu paralajmëroi se do të rinisë prodhimi i uraniumit të pasuruar brenda 60 ditësh. Marrëveshja e rëndësishme bërthamore u arrit nga Irani dhe pesë anëtarët e përhershëm e këshillit të sigurisë së OKB-së – Shtetet e Bashkuara të Amerikës, Mbretëria e Bashkuar, Franca, Kina dhe Rusia – dhe Gjermania. Një vit më parë presidenti amerikan Trump deklaroi tërheqjen nga kjo marrëveshje.

Marrëveshja për programin bërthamor Iranian u arrit në interest ë botës dhe të rajonit, por armiqtë e Iranit kanë bërë presion në mënyrë që Teherani të tërhiqej nga kjo marrëveshje. Është kjo deklarata e presidentit Rohani në parlamentin e vendit. Fjala e tij  u transmetua drejt për së drejti nga televizionet pikërisht në përvjetorin e parë të vendimit të SHBA-ve për t’u tërhequr, në 8 maj të një viti më parë. /ABC News Albania 24/7

shell.jpg
G. P.17:20 | 02/05/2019

Shteti shqiptar do të përfitojë që në fuqinë e parë të naftës që del nga nëntoka pasi kompania “Shell” të nisë prodhimin. Këtë parashikon marrëveshja e rishikuar për bllokun 2 dhe 3 mes qeverisë dhe kompanisë së njohur në fushën e hidrokarbureve. Ministrja e Infrastrukturës dhe Energjisë dhe drejtori i “Shell” për Shqipërinë firmosën kontratën e amenduar.

Qeveria ka rishikuar kontratën e lidhur me një ndër kompanitë më të mëdha në botë në fushën e kërkimit të naftës dhe gazit, “Shell” me qëllim rritjen e përftimeve për vendin.

Ministrja e Infrastrukturës dhe Energjisë, Belinda Balluku dhe Menaxheri i Përgjithshëm i “Shell Upstream Albania” nënshkruan marrëveshjen e re të hidrokarbureve për bllokun dy dhe tre.

“Zotohemi të japim një kontribut për Shqipërinë përmes tatimeve e taksave, por edhe përmes prokurimit të mallrave e shërbimeve si dhe punësimit dhe individëve lokalë. Për nga vetë natyra, projektet kërkojnë kohë dhe jemi në fazë vlerësimi, e kjo do të thotë se kemi ende shpime dhe testime pusesh para se të hyjmë në një prodhim komercial të mundshëm. Kjo kontratë bën të sigurt përfitimet e palës shqiptare që në fuqinë e parë të naftës që do të prodhohet dhe kjo qartëson edhe një serë çështjesh proceduriale dhe shpie në investime më të sigurta në të ardhmen”

Partneritete strategjike si kjo marrëveshje sipas ministres Balluku garantojnë përthitjen e më shumë investimeve të huaja.

“Qeveria shqiptare e vlerëson si një nga prioritet kryesore zhvillimin e sektorit të hidrokarbureve e lidhur kjo ngushtë me rritjen ekonomike dhe përmirësimin e klimës së biznesit në vend. Gjithashtu, qeveria shqiptare është e angazhuar plotësisht të mbështesë, nxis dhe të mbroj me transparencë të plotë të gjithë iniciativat e rëndësishme të investitorëve të huaj në Shqipëri”, tha ajo.

Investimet private në fushën e kërkimit dhe prodhimit të naftës në vend arrijnë 1.5 miliardë dollarë, 1/3 e tyre sipas ministres së Infrastrukturës dhe Energjisë e zë kompania “Shell”.  Kjo kompani është e pranishme në vendin tonë që në vitin 2012./ABC News Albania 24/7

5cbec206860ee4f18927d-1072-4bf4-835e-6da1ccddd290-1280x960.jpg
ent ela15:10 | 23/04/2019

Tetë parti opozitare zyrtarizuan koalicionin politik që ka në bazë kauzën për zgjedhje të lira pa Edi Ramën. Kryetari I PD Lulzim Basha që firmosi marrëveshjen me secilën parti, deklaroi se ky koalicion do pamundësojë zgjedhjet nëse nuk garantohen kushtet për votë të lirë e të ndershme.

Opozita e bashkuar ka zyrtarizuar koalicionin për pamundësim dhe mospjesmarrje në zgjedhje ku nuk garantohen kushtet për votime të lira e të ndershme.

Rruga e vetme për garantimin e këtij kushti, sipas marrëveshjes së firmosur nga i gjithë kampi opozitar, është qeveria tranzitore. Në dalje, firmëtarët, konfiurmuan qëndrimet e tyre.

Duka: “Jemi të vendosur në rrugën e zgjedhjeve të lira e të ndershme dhe askush nga ne nuk do të cedojë për arritjen e këtij objektivi”.

Mediu: “Marrëveshja e re e koalicionit opozitar është detyrë qytetare për të penguar zgjedhje farsë, shkatërrimin e opozitarizmit dhe institucioneve kushtetuese në vend.”

Shehi: “Beteja jonë fillon nga mosregjistrimi në zgjedhje. E rëndësishme është që harku opozitar po zgjerohet përditë me parti, me njerëz, me ide për të bërë të pamundur vazhdimin e këtij regjimi”.

Dule: “Të shprehin kundërshtinë e vet të përditshme në çdo formë e mënyrë për të thënë se çdo sekondë që rri më tepër në pushtet Edi Rama, është një kosto më tepër për çdo familje”.

Ndoka: “Ky sistem është në agoni. Edi Rama është i vetmuar dhe i çoroditur. Ai duhet të kuptojë se nuk bën dot zgjedhje pa opozitën.”

Idrizi: “Rama po kërkon të emërojë opozitën. Ne nuk bëhemi pjesë e farsës zgjedhore, por jemi bashkuar për t’i dhënë vendit zgjidhje politike”.

Kryemadhi: “Absolutisht nuk ka asnjë lloj tërheqje, këtu nuk është problemi Edi Rama individ, këtu është problemi Edi Rama fenomen. Edi Rama, nuk po flasim për të birin e Kristaqit dhe Anetës, por po flasim për Edi Ramën i cili është telekomanda e krimit të organizuar shqiptar dhe ndërkombëtar i cili e ka kthyer Shqipërinë në kështjellën mbrojtëse të grupeve kriminale”.

Përshkallëzimi i aksionit opozitar në të gjithë vendin dhe miratimi i një Platforme të përbashkët politike është një tjetër qëllim me rëndësi sipas Lulzim Bashës, e ksaj marrëveshjeje.

“Në orët dhe në ditët në vijim ky koalicion do të zgjerohet me të tjera parti politike dhe është i hapur dhe i gatshëm të ndërtojë bashkëpunim dhe partneritet me të gjithë faktorët e tjerë të shoqërisë, grupime qytetare, grupe interesi për t’i dhënë Shqipërisë të ardhmen europiane që meriton.

Angazhohemi, po kështu, që të çojmë përpara reformën në drejtësi, larg ndikimeve politike, duke nisur me dhënien fund krizës kushtetuese dhe formimin e Gjykatës Kushtetuese, funksionimin e Gjykatës së Lartë dhe një Prokurorie larg ndikimeve politike dhe ligjit me një standard dhe jo dy standarde.

Nuk do të ketë zgjedhje farsë në Shqipëri pa u ndëshkuar krimi elektoral, pa u ndëshkuar dhe pa u vënë para përgjegjësisë Edi Rama dhe bashkëpunëtorët e tij në këtë krim elektoral duke nisur me Vangjush Dakon dhe Damian Gjiknurin, për t’i dhënë fund tranzicionit, për të diktuar së bashku me sovranin standardin europian në zgjedhje, në demokraci, në shtetin e së drejtës, në ekonomi dhe kudo.

Në funksion të këtij misioni kombëtar, akti i parë i këtij koalicioni që merr jetë sot, do të jetë formësimi, së bashku me të gjithë faktorët shoqërorë dhe qytetarë, i Platformës Për Zgjedhje të Lira e të Ndershme, i reformimit të thellë të sistemit politik, ndalja e krizës ekonomike”.

Sipas marrëveshjes së firmosur nga 8 parti opozitare, qeveria tranzitore do të ketë për qëllim mbajtjen e zgjedhjeve të parakohshme parlamentare, përgatitjen për zgjedhje vendore dhe parlamentare të lira e të ndershme, realizimin dhe ndjekjen e zbatimit të reformës zgjedhore me fokus shkëputjen e politikës dhe krimit, si dhe krijimin e klimës së besimit për zbatimin e reformës në drejtësi dhe çdo reforme të nevojshme për përshpejtimin e nisjes së negociatave të Shqipërisë me Bashkimin Europian. /abcnews.al

theresamay1311a.jpg
G. P.23:59 | 11/04/2019

E kthyer në Parlament pas samitit të jashtëzakonshëm të BE-së, kryeministrja britanike Theresa May ka mbrojtur marrëveshjen për shtyrjen e Brexit. Por teksa ka raportuar në Dhomën e Përfaqësuesve, ajo ka hasur në rezistencën e euro-skeptikëve, të cilët kanë kërkuar dorëheqjen e saj.

Kryeministrja britanike Theresa May ka mbrojtur të enjten vendimin e saj për të shtyrë Brexit dhe ka kërkuar një kompromis për planin e daljes me Partinë Laburiste në opozitë. Por, e përballur me kërkesën për të dhënë dorëheqjen, May është shprehur e vetëdijshme se misioni i saj nuk do të jetë i lehtë.

“Arritja e një marrëveshjeje nuk do të jetë e lehtë, pasi për të qenë e suksesshme ajo kërkon konsensus nga të dyja palët”, ka thënë May të enjten në Parlament.

Apeli i radhës i saj ka ardhur pasi më herët gjatë ditës, në samitin e jashtëzakonshëm Bashkimi Europian ra dakord për ta shtyrë Brexit deri më 31 Tetor, duke shmangur kështu një dalje të Mbretërisë së Bashkuar pa marrëveshje. Por ky vendim ka sjellë reagimin e ligjvënësve të linjës së ashpër, që duan që Britania të largohet nga BE sa më parë të jetë e mundur.

“A e kupton kryeministrja se marrëveshja e tërheqjes minon demokracinë tonë, të drejtën për t’u vetëqeverisur dhe interesin kombëtar? A do të japë ajo dorëheqjen për këtë”, ka deklaruar deputeti euroskeptik Bill Kesh.

Por May, e njohur për refuzimin e vazhdueshëm për të dhënë dorëheqje, është përgjigjur shkurt: “Besoj se ju e dini përgjigjen”. Pavarësisht shtyrjes 6-mujore, May synon të arrijë një marrëveshje në Dhomën e Përfaqësuesve përpara zgjedhjeve të Parlamentit Europian, që mbahen më 23 Maj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono