marreveshja e prespes

PALMER-MAQEDONI-1280x720.jpg
ent ela16:35 | 31/10/2019

Zv/ndihmësi i Sekretarit Amerikan të Shtetit dhe përfaqësues i posaçëm për Ballkanin Perëndimor, Matheë Palmer, theksoi në Shkup se Uashingtoni përkrah zbatimin e Marrëveshjes së Prespës. Ai e cilësoi marrëveshjen thelbësore për paqen dhe stabilitetin në Ballkan.

Palmer në Maqedoni shpreh mbështetjen për integrimin evropian të rajonit.

Gjatë tri ditëve të kaluara në Shkup përvec takimeve me krerët shtetëror dhe liderët e partive politike në Maqedoninë e Vetriut, Palmer ka theksuar se ka këmbyer mendime edhe me ambasadorët e dhjetë vendeve të Evropës Juglindore. Në deklaratën pas takimit me Kryeministrin Zaev ai ka theksuar se SHBA, pavarësisht zhvillimeve në Bruksel, mbeten të përkushtuar për integrimin e rajonit në strukturat evropiane.

“Mezi presim që ky vend të bëhet anëtare e 30-të e NATO-s. Riafirmuan përkrahjen amerikane për integrimin dhe perspektivën evropiane të Maqedonisë së Veriut dhe rajonit”.

Lidhur me stabilitetin e Ballkanit, Palmer ka përmendur se Uashingtoni edhe më tej angazhohet për zbatimin e Marrëveshjes së Prespës, që sipas autoriteteve të Shkupit në disa dispozita është cënuar, për shkak të “JO”-së franceze në Samitin e Brukselit.

“Në Shkup jemi takuar me ambasadorët e gjithë rajonit të Ballkanit, për të diskutuar për një spektër të çështjeve rajonale. Ishte një mundësi e mirë për të këmbyer mendime. Mezi pres të kthehem dhe të vazhdojmë konsultimet me miqtë tanë në Shkup”.

Nga Kabineti i Kryeministrit njoftojnë se Zoran Zaevi ka falënderuar diplomatin Palmer për ratifikimin në Senat të protokollit për aderimin e Maqedonisë së Veriut në NATO. Sic thuhet vendi edhe më tej do të angazhohet në përmbushjen e reformave dhe të kultivojë marrëdhënie të mira ndëretnike e ndërfqinjësore. Partneri i tij i koalicionit Ali Ahmeti i BDI-së, pas takimit me Palmer ka theksuar se bisedat janë fokusuar në eurointegrimet, përmbushjen e Marrëveshjeve të Ohrit e të Prespës dhe marrëveshjes për fqinjësi të mirë me Bullgarinë, si dhe për zgjedhjet e ardhshme.

“Morëm garanca të fuqishme nga z.Palmer se SHBA-të ndihmojnë në qarqe diplomatkke por edhe në qendra evropiane se Maqedonia e Veriut meriton fillimin e negociatave dhe i ka përfunduar detyrimet ndaj BE-së.”

Në një komunikatë të shkurtër nga VMRO-DPMNE-ja opozitare thuhet se Metju Palmer dhe lideri Mickoski e kanë potencuar rëndësinë strategjike të partneritetit të Maqedonisë së Veriut me SHBA-të si dhe nevojën e realizimit të qëllimeve strategjike për proceset integruese të vendit.

Autoritetet në Shkup nuk kanë fshehur kënaqësinë që takimi i Palmerit me dhjetë ambasadorët amerikan është mbajtur pikërisht në Shkup, ku para dhjetë viteve ishte ndërtuar një nga ambasadat më të mëdha të SHBA-së në rajon. /ABC News Albania 24/7

 

thumbnail_24092019_PVRSM_Zaev_sredba_grcki-premier_Micotakis_5-1280x820.jpg
ent ela19:30 | 24/09/2019

Kryeministri grek Qirjakos Micotaqis, në takimin e parë me homologun Zoran Zaev në kuadër të punimeve të Asamblesë së Përgjithshme të OKB-së, ka deklaruar se po të kishte qenë më parë në pushtet nuk do ta kishte firmosur marrëveshjen e Prespës. Micotaqis i tha kryeministrit të Maqedonisë së Veriut se, si lider i opozitës kishte bërë gjithçka që marrëveshja në fjalë të mos ratifikohej. “Por pas ratifikimit kjo marrëveshje është pjesë e ligjit ndërkombëtar, ndaj dhe Greqia duhet ta respektojë”, deklaroi Micotaqis. Më tej kryeministri grek i kërkoi Zaev që të vijojë pa u vonuar me implementimin e aspekteve të marrëveshjes, kryesisht me ato që kanë të bëjnë me mbrojtjen e shenjave dalluese. Nga ana e tij, Zaev shprehu dëshirën që edhe Greqia të implementojë pjesën e saj të marrëveshjes dhe të mos pengojë kursin europian të Maqedonisë së Veriut. Ai shtoi se implementimi i marrëveshjes do të ndihmojë në rritjen e investimeve greke në vendin e tij, por Micotaqis u përgjigj duke thënë se mungesa e një marrëveshjeje në të kaluarën nuk i ka penguar investimet helene në Shkup. /ABC news Albania 24/7

NIMIC-INTERVISTA.mpg_snapshot_00.13-1280x720.jpg
ent ela15:27 | 23/05/2019

Në një intervistë për Deutsche Welle, diplomati amerikan Metju Nimiç konsideroi Marrëveshjen e Prespës si kulmin e karrierës së tij dhe për faktin që kjo e fundit ishte shënuar më shumë nga negociatat mes Shkupit dhe Athinës.

Diplomati amerikan Metju Nimiç në një bisedë me Deutsche Welle ka zbuluar se cili ka qenë motivimi për të qëndruar aq vite në kontestin shumëvjecar për emrin mes Maqedonisë dhe Greqisë, cilët politikanë i kanë lënë më shumë përshtypje si dhe detaje tjera nga negociatat shumëvjeçare.

“Shpeshherë mendoj se nëse do të isha i mençur do ta shkruaja Marrëveshjen në gjuhën kineze, për shkak se kinezishtja është gjuhë zyrtare e OKB-së. Nëse do ta shkruanim marrëveshjen në kinezisht nuk do t`i kishim këto probleme. Askush në Greqi apo në Maqedoninë Veriore nuk do ta kuptonte përmbajtjen e saj”.

Metju Nimiç, sot pranon se vazhdimisht ka patur vështirësi me shfrytëzimin e emrit zyrtar “Ish-Republika Jugosllave e Maqedonisë”.

“Të gjithë mendonin se kjo është e lehtë. Ulemi në tavolinë e gjejmë një emër. Por, nuk ishte kështu. Familja ndonjëherë mendonte se jam i marrë për shkak se kaq kohë po merrem me këtë çështje. Por, kisha përkrahje të madhe”.

Gjatë 20 viteve, prej se u emërua si ndërmjetës i OKB-së për kontestin nga ana e ish-Sekretarit të Përgjithshëm të OKB-së Kofi Anan, Nimiç kishte punuar për një dollar në vit. Një shumë simbolike, për të cilët thotë se ende nuk i ka marrë.  Ai ka vlerësuar se ish-Kryeministri Gruevski nuk ka qenë i gatshëm ta bëjë hapin e fundit.

“Kam patur shumë diskutime me Gruevskin. Kisha marrëdhënie të mira dhe kaloja shumë orë me të. Do të shkoja në shtëpinë e tij do të darkonim dhe bisedonim. E vlerësoja si shumë intelegjent. Kishte njohuri shumë të mira. Por, qëndrimet e tij dhe të ish-Presidentit Ivanov ishin të bllokuara në qasjen historike. Kjo për mua ishte një rrugë pa zgjidhje”.

Diplomati amerikan Nimiç në këtë bisedë për Deutche Welle ka treguar edhe detaje tjera të panjohura për opinionin, për takimet me politikanët në Maqedoni, për ushqimet e të tjera. /ABC news Albania 24/7

 

zaev-and-tsipras.jpg
ad min23:45 | 12/02/2019

Qeveria maqedonase shpërndau për herë të parë të martën një komunikatë për shtyp, e cila mbante emërtimin e ri të vendit, Maqedonia e Veriut. Dërgimi i komunikatës është një sinjal se Marrëveshja e Prespës e arritur qershorin e kaluar me Greqinë ka hyrë në fuqi.

“Njoftojmë se janë plotësuar kushtet për hyrjen në fuqi të atyre amendamenteve të Kushtetutës së Republikës së Maqedonisë së Veriut, të miratuara në Kuvend më 11 Janar të vitit 2019”, thuhet në komunikatën zyrtare.

Hyrja në fuqi e amendamenteve që rrjedhin nga akordi me Athinën është publikuar edhe në gazetën zyrtare të qeverisë.

“Në këtë mënyrë fillon përmbushja e detyrimeve që rrjedhin nga marrëveshja”, vijon më tej komunikata.

Ndërkohë, edhe ministri i Jashtëm Nikolla Dimitrov njoftoi në profilin e tij në Twitter se, nga Greqia ka mbërritur nota verbale dhe se marrëveshja e Prespës hyn automatikisht në fuqi.

“Ky është fillimi i një miqësie të gjatë mes dy fqinjëve”, komentoi Dimitrov./abcnews.al

ahmeti.jpg
ad min20:52 | 07/02/2019

Kreu i BDI-së Ali Ahmeti në një lidhje direkte për emisionin “Mbrëmje Ide” ka folur për aderimin e Maqedonisë në NATO, për arrtiejn e Marrëveshjes së Prespës dhe ndryshimet Kushtetuese në Maqedoni.

“Kjo është një arritje e madhe për Maqedoninë, për tërë rajonin dhe për Europën. Është një moment që krijon më shumë siguri dhe stabilitet jo vetëm për vendin por edhe për rajonin dhe Europën. Uroj që në të ardhmen të punohet edhe më me përkushtim që vendi të jetë anëtar i plotë në BE”, tha Ahmeti.

Duke folur për Marrëveshjen e Prespës, ai komentoi vështirësitë të cilat u zgjihen dhe çuan në një rezultat pozitiv.

“Shqiptarët kanë fituar nga Marrëveshja e Prespës po aq sa kanë fituar nga Marrëveshja e Ohrit. Në Maqedoni kemi pasur një momet të vështirë. Maqedonasit kanë qenë peng i ndryshimit të emrit të shtetit. Ky problem ka zgjatur ma shumë se një çerek shekulli dhe më në fund u arrit ky moment historik.

Zgjidhja e çështjes së emri ka qenë problemi kryesor që duhej të kapërcehej që ne të fillonin bisedimit në struktura e shumëprituta nga qytetarët tanë. Në këtë pikë të gjithëkemi kanë qenë bashkarisht. Ka patur ngarkesa emocionale, se me ndyshimin e emrit do të ndryshonte identitedhe dhe historia. Por gjuha është po ajo që ishte. Por janë bërë vetëm disa korrigjime të vogla në histori”.

Duke folur për ndryshimet kushtetuese dhe përfshirjen e shqiptarëve ai është shprehur se:

“Sigurisht që është ndryshuar preambula e Kushtetutës së Republikës së Maqedonisë dhe shqiptarët si komb dhe kumunitet janë pjesë e shtetbërjes së Maqedonisë. Në jemi në Kushtëtutë më përfshirjen e Marrëveshjes së Ofrit. Ndërsa përfaqësimi më 20% do të ndodhë sepse nga ky përfaqësim Kushtetuta nuk cënohet”./abcnews.al

aaa-1280x720.jpg
ad min08:40 | 06/02/2019

Të mërkurën në Bruksel, Maqedonia do ta nënshkruajë Protokollin për anëtarësim në NATO, që do t’i hapë dyert këtij shteti ballkanik për t’u bërë vendi i 30 i Aleancës. Por, para anëtarësimit të plotë, secili vend anëtar i NATO-s duhet ta ratifikojë protokollin, duke filluar nga Greqia si vendi i parë që pritet ta bëjë këtë. 

Këtë e ka bërë të ditur qysh para pak ditësh Sekretari i Përgjithshëm i NATO-s, Jens Stoltenberg përmes një postimi në Twitter: “Më gjashtë shkurt do ta shkruajmë historinë. Aleatët e NATO-s do ta nënshkruajnë Protokollin me Maqedoninë e ardhshme të Veriut”, shkruante Sekretari i Natos. Në ceremoninë e nënshkrimit do të jetë i pranishëm Ministri maqedonas i Punëve të Jashtme, Nikolla Dimitrov.

Protokollin për anëtarësimin e Maqedonisë në NATO do ta shqyrtojë të enjten Komisioni për mbrojtje kombëtare dhe politikë të jashmtme i parlamentit grek, ndërsa të premten do të vihet në seancë plenare për t’u votuar, siç ka njoftuar Kryetari i Parlamentit të Greqisë, Nikos Voutsis. Duke patur parasysh se Greqia e ratifikoi me 153 vota Marrëveshjen e Prespës për ndryshimin e emrit të fqinjit të saj verior, edhe protokolli për anëtarësim në NATO pritet të ketë shumicën e nevojshme të votave të ligjvënësve grekë.

Greqia pritet të jetë vendi i parë që do t’i japë dritën jeshile fqinjit të saj për anëtarësim në Aleancën e NATO-s, pasi kishte bllokuar rrugët e integrimit të Maqedonisë për gati tre dekada, për shkak të problemit të emrit Maqedoni, me që një rajon në Greqinë veriore e mban të njejtin emër dhe për shkak të pretendimeve të mundshme të Shkupit ndaj territorit dhe historisë greke.

Marrëveshja e Prespës e 17 qershorit të vitit të kaluar u dha fund këtyre dilemave.

Kundër anëtarësimit të Maqedonisë në NATO u angazhua Rusia, shpesh përmes deklaratave kërcënuese të diplomacisë së saj, dhe përmes ndikimit në protestat e grupeve nacionaliste brenda partive të djathta maqedonase. Por, mbështetja e fuqishme amerikane dhe e shumë vendeve të Aleancës së NATO-s bëri që pushteti i ri në Maqedoni të mos ndryshonte kursin e synuar drejt Brukselit.

Pasi secili nga 29 vendet anëtare të Aleancës Veriatlantike ta ratifikojnë protokollin për Maqedoninë e Veriut, ky vend do të bëhet anëtar fuqiplotë i NATO-s. Një numër vendesh anëtare tashmë kanë shprehur gatishmërinë për ta mirëpritur Maqedoninë në NATO, përfshirë Kroacinë./Zëri i Amerikës

xhezairi.jpg
ad min20:30 | 28/01/2019

Marrëveshja e Prespës tashmë e ratifikuar nga të dyja vendet, Greqi dhe Maqedonia mund të quhet historike. Për drejtorin e Klan Maqedonisë, Seladin Xhezairi, ky traktat prish imazhin e keq të Ballkanit e konsideruar si fuçi baruti. Ai ishte në një lidhje të drejtpërdrejtë në “Byro Politike” nga Tetova ku theksoi se merita për këtë marrëveshje historike ka edhe faktori shqiptar.

“Kam përshtypjen se pikërisht Marëveshja e Prespës sikur e prish atë imazhin e keq për rajonin si fuçi baruti dhe gjithnjë duke marrë parassysh se mosmarrëveshjet prej gati 3 dekadash për emrin kushtetues të Maqedonisë bënë që vendi të jetë rob i mohimit dhe i kundërshtimit të Athinës për integrimin e vendit. Do thosha, këtu është pritur si marrëveshje historike traktati mes dy vendeve, pikërisht për arsyet e sipërthëna. Marrëveshja e Prespës sikur i vë pikë dilemave sikur që kanë qenë të pranishme në qarqet e këtushme sidomos ato maqedonase.

Opozita e sotme VMRO-DPMNE e ka vënë vendin në këtë klub të tradhëtarëve sepse sipas saj me këtë marrëveshje preket identiteti i maqedonase, historia dhe kultura e ngritur mbase edhe teleshikuesit tuaj janë në dijeni e ngritur kryesisht pas Luftë së Dytë Botërore. Zaev e gëzon mbështetjen e shumicës së qytetarëve për këtë hap tepër të guximshëm, pse jo dhe historik dhe në këtë rrafsh merita ka edhe elementi shqiptar këtu në Maqedoni”, tha ai.

Ndërkohë për të folur se ç’po ndodh në Greqi ishte në një lihdje të drejtpërdrejtë nga atje gazetari Robert Goro. Ai u shpreh se kjo marrëveshje ka qenë risk për Tsipras i cili mund të humbasë zgjedhjet për shkak të saj.

“Duhet thënë që ka qenë një risk shumë i madh për Tsipras. Ai mund të humbasë edhe zgjedhjet kurdo që bëhen. Duket se nga njëra anë Tsipras është i vendosur t’i shkojë deri në fund implementimit të marrëveshjes. Ky është një investim i madh për karrierën e tij politike. Edhe në planin ndërkombëtar fytyra e tij ka marrë një shkëlqim tjetër. Këto tre ditë që kanë kaluar pas miratimit të marrëveshjes është fashitur disi reagimi. Kemi sulme ndaj deputetëve që votuan në favor të marrëveshjes. Ka qenë një atmosferë jashtëzakonisht e elektrizuar. Edhe këtu ka qenë atmosfera politike, reagimet kanë qenë të njëjta me ato në Maqedonai. Aq sa Tsipras përdori si argumenta faktin që opozita greke akuzonte qeverinë e këtushme me të njëjta akuza që akuzonte VMRO qeverinë e Maqedonisë. Mitsotaqis ka deklaruar se Greqia mund ta bllokojë integrimin e Maqedonisë në BE. Por kjo ska lidhje me emrin. Ajo mund të përdorë të drejtën e vetos kur të shqyrtojë kapitujt”, u shpreh ai./abcnews.al

Zaev-and-Tsipras-800x450.jpg
ent ela17:16 | 26/01/2019

Kryeministri i Maqedonisë Zoran Zaev u shpreh se me ratifikimin tashmë dhe në parlamentin grek të marrëveshjes së Prespës, është përfunduar procesi i paqes në Ballkan. Ndërsa opozita në Maqedoni njëzëri me atë në Greqi e konsiderojnë kapitulluese

“Me Marrëveshjen e Prespës dhe zbatimin e saj hapet rruga për ardhmëri më të mirë për Maqedoninë. Me këtë marrëveshje përfundoi epizodi i paqës së papërfunduar në Ballkan”,- ka theksuar Kryeministri i Maqedonisë Zoran Zaev. Opozita maqedonas sërish ka kundërshtuar këtë Marrëveshje duke e quajtur kapitulluese për Maqedoninë dhe popullin maqedonas.

Kryeministri Zaev ka uruar kolegun e tij grek Aleksis Cipras, sic tha, për votimin fitues në Parlamentin grek të Marrëveshjes së Prespës, por edhe deputetët e dy parlamenteve, të cilët me votën e tyre i dhanë fund, siç u shpreh, frikës së pamposhtur.

Zoran Zaev:   “Unë dhe miku im Aleksis Cipras, verën e shkuar arritëm Marrëveshjen. Bashkërisht ekipet tona të udhëhequr nga Ministrat e jashtëm arritëm në qëndrimin se secila palë duhet dicka të jep për të fituar më shumë. Tani kemi miqësi të verifikuar thelbësisht. Prej sot fillojmë me forcë më të madhe ti afrojmë qytetarët dhe popujt e dy vendeve. Ardhmërinë tashmë nuk do ta shohim si fat fatal, por si rrugë të përbashkët të shtruar me qëllime miqësore dhe vlera që dalin nga familja e përbashkët evropiane”

VMRO-DPMNE-ja opozitare sërish ka kundërshtuar këtë Marrëveshje duke akuzuar Kryeministrin Zaev dhe Ministrin e jashtëm Dimitrov se kanë nëncmuar dhe nënvlerësuar popullin maqedonas.

“Marrëveshja është kapitulluese, me këtë heqim dorë nga të gjitha maqedonasit dhe nga gjithçka që është maqedonase dhe pikërisht për këtë për VMRO-DPMNE-në, kjo marrëveshje as është e as që do të jetë e pranueshme. Kjo Marrëveshje është një goditje e drejtpërdrejtë ndaj themeleve të shtetësisë dhe minon rendin kushtetues të Republikës së Maqedonisë”.

Ndërkaq, kreu i BDI-së Ali Ahmeti i ka dërguar një letër ish-Ministrit të Jashtëm grek Nikos Koxias, ku duke rikujtuar takimet, thotë se koha dëshmoi që ishim në rrugën e duhur të historisë dhe që asnjëherë nuk e larguam përqëndrimin tonë nga qëllimi përfundimtar.

Të gjithë që dhanë kontribut në këtë vepër shekullore duhet t’janë krenar sepse ndërtuan vlerë civilizuese evropiane, kontribuan për paqë në tërë rajonin duke mundësuar stabilitet, siguri dhe një të ardhme. Sot, rajoni jonë, Evropa juglindore, u gdhi në rrethana krejtësisht të reja gjeostrategjike dhe gjeopolitike, ato për të cilat punuam bashkarisht.

Pas ratifikimit të djeshëm të Marrëveshjes së Prespës në parlamentin grek, prej se paraprakisht u ratifikua edhe në parlamentin e Maqedonisë, hapi i parë që duhet të bëhet, është që Athina me anë të shkresës ta njoftojë Sekretarin e Përgjithshëm të NATO-s Jens Stoltenberg se kanë përfunduar pjesën e tyre që Maqedonia të bëhet pjesë e Aleancës. Hapi tjetër është që NATO-ja të përgatisë protokolin e Marrëveshjes së Uashingtonit, për aderimin e anëtarit të ri. Pas kësaj në rradhë është ratifikimi I protokolit në të gjitha 29 vendet anëtare të NATO-s. Ky process pritet të përfundojë deri në fund të vitit, me ç’ka Greqia u obligua që e para do ta ratifikojë. Përderisa zgjat ratifikimi në parlamentet e 29 vendeve anëtare të NATO-s, Maqedonia do të merr pjesë në proceset e Aleancës, do të ketë vendin e saj, por pa të drejtë vote./abcnews.al

zaev-and-tsipras.jpg
ad min13:02 | 26/01/2019

Ratifikimi i Marrëveshjes së Prespës së fundmi dhe në parlamentin grek, duke konfirmuar lindjen e Maqedonisë së Veriut, u përshëndet nga liderë të ndryshëm ndërkombëtarë. Tashmë kryeministrat Tsipras dhe Zaev janë kandidatë për çmimin Nobel për Paqen.

Kryeministri grek, Aleksis Tsipras dhe kryeministri i Maqedonisë së Veriut, Zoran Zaev janë emëruar për çmimin Nobel të Paqes 2019.

Liderët e grupit socialist dhe demokrat në Parlamentin Europian, grupi i kryesuar nga Udo Bullmann i të Gjelbërve, Aleanca e Lirë Europiane dhe e majta e bashkuar europiane dhe e majta e gjelbër nordike shprehën mbështetjen e tyre pro kësaj kandidature. Lajmi raportohet nga agjencia e lajmeve ANA duke iu referuar burimeve ekskluzive.

Në një deklaratë të përbashkët të nënshkruar nga tre partitë theksohet se “Marrëveshja e Prespës” mes Greqisë dhe Republikës ish-Jugosllave të Maqedonisë (FYROM) i jep fund një mosmarrëveshje të gjatë dhe sjell qëndrueshmëri në rajonin e Ballkanit Perëndimor./abcnews.al

MBULIM-TELEFONATA-ZAEV-TSIPRAS.mpg_snapshot_00.19.jpg
ent ela15:51 | 25/01/2019

Miratimi i Marrëveshjes së Prespës ka marrë urimin e përfaqësuesëve më të lartë të politikës shqiptare. Në mesazhet e tyre përshëndetëse ky akt i Parlamenti grek është vlerësuar si arritje historike.Një lajm i shkëlqyer është për presidentin e republikës Ilir Meta Miratimi i Marrëveshjes së Prespës edhe nga Parlamenti grek. Në një status në rrjetet sociale kryetari i shtetit  vlerëson hedhjen e hapave për marrëdhëniet dypalëshe me Maqedoninë e Veriut dhe për perspektivën europiane dhe euro-atlantike të rajonit tonë!

Për kryetarin e kuvendit Gramoz Ruçi, Greqia kreu një veprim kurajoz dhe kontribues për paqen. “Ballkani po clirohet nga inercitë shekullore”- shkruan kryetari i Parlamentit në përshëndetjen e tij.

Kryeministri dhe ministri i Jashtëm Edi Rama shprej respekt ndaj homologëve të tij Tsipras dhe Zaev për arritjen e kësaj marrëveshje. Në një postim në Tëitter  Edi Rama i përgëzon për dhënien fund të konfliktit mes Greqisë dhe Maqedonisë së Veriut. Ishte e vështirë dhe do të prodhojë ende politikë të vjetër lokale por është realizuar shumë mirë miqtë e mi-shkruan kryeministri dhe ministri i jashtëm Edi Rama.

Një moment historik për Ballkanin dhe Evropën e konsideron ish-ministri i jashtëm Ditmir Bushati miratimin e marrëveshjes së Prespës. Nëpërmjet një statusi në tëitter, ish- kreu i diplomacisë shqiptare shkruan se me këtë akt zgjidhet mosmarrëveshja 27 vjeçare për emrin.

Një reagim ka ardhur edhe nga kryetari i Partisë Demokratike Lulzim Basha. Ai shkruan se  votimi i hap rrugë anëtarësimit të  Maqedonisë në NATO dhe në Bashkimit Evropian dhe konsolidon bazat e bashkëpunimit për paqen dhe stabilitetin e rajonit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono