marredhenie

prind-femije2.jpg
So Nila15:40 | 26/02/2020

Po shtohen gjithnjë e më shumë prindërit që janë të hutuar pas celularëve, sot teknologjia mbretëron në mënyrë supreme. Por nga këto qëndrime mund të lindin pasoja të shumta që mund të përhapen tek të vegjlit.

Dihet që fëmijët pëlqejnë të jenë në qendër të vëmendjes së nënës dhe babait, sepse dashuria dhe ndjenja e mbrojtjes është themelore për gjendjen e tyre emocionale.

Kështu që, duhet të shkëputeni gjithnjë e më shumë nga celulari juaj dhe të përqendroheni te fëmijët. Një studim i kohëve të fundit ka zbuluar se më shumë se 6,000 fëmijë ndihen të lënë pas dore nga prindërit e tyre për shkak të varësisë së tepruar nga celularët.

 

Ky hulumtim i kryer nga AVG Technologies, një kompani kompjuterike për sigurinë e kompjuterave, ka analizuar më shumë se 6,000 fëmijë mes moshës 8 dhe 13 vjeç nga kombësi të ndryshme. Studimi tregoi se 32% e fëmijëve nuk ndjejnë vëmendjen e prindërve të tyre sepse shpesh ata shpërqendrohen nga celularët. Të njëjtët fëmijë kanë thënë se për të tërhequr vëmendjen e mamit dhe babit janë të detyruar të konkurrojnë me celularët.

Edhe një baba i intervistuar për hulumtimin theksoi se sot ekziston një çekuilibër i fortë midis përdorimit të celularëve, kohës për familjen dhe punën. Por jo vetëm kaq, përdorimi i tepërt i celularëve, përveç që shkakton shqetësime emocionale për të vegjlit, mund të përfshijë edhe rreziqe. Në fakt, sa herë ekziston rreziku që fëmija juaj, veçanërisht nëse është shumë i vogël dhe eksplorues, mund të lëndohet ndërsa vëmendja e nënës dhe babit është marrë plotësisht nga ky aksesor teknologjik dhe mjaft joshës? Pra, teknologjia, sado e përshtatshme dhe fitimprurëse, mund të dëshmojë gjithashtu se është një armik i përsosur si për prindërit ashtu edhe për fëmijët.

 

Potenciali i këtyre pajisjeve teknologjike nuk duhet të nënvlerësohet, pasi ato arrijnë të kapin gjithë vëmendjen dhe përqendrimin, duke shkëputur plotësisht mendjen brenda disa çastesh. Prandaj, një pakujdesi e thjeshtë është e mjaftueshme për të përballuar rreziqe ose probleme serioze. Pra, aq sa teknologjia mund të magjepsë dhe tërheqë individë të të gjitha moshave, nganjëherë është thelbësore ta lini atë mënjanë dhe t’i kushtoni kohë fëmijëve tuaj, mbase përmes lojërave krijuese që mund të luhen së bashku në familje./abcnews.al

 

auto_unnamed-1-11580908113.jpg
So Nila14:20 | 05/02/2020

Presidenti i Shteteve të Bashkuara të Amerikës, Donald Trump në urimin që I ka dërguar homologut të tij serb Aleksandër Vuçiç për ditën e pavarësisë, ka kërkuar  normalizimin e raporteve me Kosovën.

Trump në urimijn e tij që i ka dërguar Vuçiçit nëpërmjet ambasadorit amerikan në Serbi, Anthony Godfrey.

“I nderuari president, populli amerikan dhe unë personalisht dërgojmë urimet më të ngrohta juve dhe popullit serb me rastin e ditës së pavarësisë, 15 shkurt”.

Mediat serbe raportojnë se Trump në mesazhin e urimit po ashtu ka paraqitur një kërkesë për Serbinë duke i bërë thirrje për normalizimin e raporteve me Kosovën.

“Normalizimi i raporteve me Kosovën duhet të jetë prioritet në rrugën e integrimit evropian të Serbisë. Në të ardhmen, mund të mbështeteni tek përkrahja e SHBA-së në rrugën tuaj për arritjen e synimit, anëtarësimin në BE si dhe përpjekjeve për fuqizimin e reformave që janë të nevojshme për të arritur deri tek caku i dëshiruar”, thuhet ndër të tjera në letren e presidentit amerikan dërguar Vuçiç./abcnews.al

Miroslav-Lajçak-780x439-1.jpeg
So Nila11:13 | 17/01/2020

Ministri i Jashtëm i Sllovakisë,  Mirosllav Lajçak ka deklaruar se prioritet është hapja e negociatave për Maqedoninë e Veriut dhe Shqipërinë.

Lajçak në konferencën për sfidat strategjike të BE-së në Ballkanin Perëndimor në vitin 2020, që mbahet në Berlin ka theksuar se muajt e ardhëshëm do të jenë të rëndësishëm për marrëdhëniet midis Bashkimit Evropian dhe vendeve të Ballkanit Perëndimor.

“E rëndësishme është të gjendet konsensus i ri për hapjen e negociatave inkuadruaese me Maqedoninë e Veriut dhe Shqipërinë, të përmirësohet politika e zgjerimit dhe të përgatitet Samiti i majit midis BE-së dhe Ballkanit Perëndimor”, ka thënë ai.

Ndër të tjera Lajçak theksoi se BE-ja duhet ta tregojë ndikimin e tij në rajonin e Ballkanit Perëndimor.

“Shpesh mbështetemi në strategjinë e komunikimeve, por duket se harrojmë se njerëzit në rajonin e Ballkanit Perëndimor i lexojnë nuancat e sinjaleve që i dërgojmë”, është shprehur diplomati sllovak./abcnews.al

10669016-fd95-4101-ae9d-8a349a3eb429.jpg
R D20:23 | 20/12/2019

Presidenti i Serbisë, Aleksandër Vuçiç mbërriti pasditen e sotme në Tiranë, për të marrë pjesë në samitin dy-ditor të Shengenit Ballkanik. Një samit ku merr pjesë Shqipëria, Serbia, Mali i Zi dhe Maqedonia e Veriut dhe që refuzohet kategorisht nga gjithë faktori politik në Kosovë si dhe nga Bosnje-Hercegovina. Teksa Rama pristet Vuçiçin dhe Zaevin në Rogner, në Bulevard protestonin aktivistët e Lëvizjes Vetëvendosje.

Pas përfundimit të takimit,  Vuçiç dha një konferencë për mediat serbe, ku mori pjesë edhe gazetarja e Abc News, Linda Karadaku.

Gazetarja e Abc News raporton se Vuçiç është shprehur se “protesta është normale në demokraci dhe nuk e shoh si problem”. Sipas tij këto protesta nuk do të bëjnë që të ndryshojnë qendrimin politik dhe të menduarit politik. “Kjo nuk do të bëjë që unë të ndryshoj marrëdhënien apo që Edi Rama të ndryshojë marrëdhënien”.

“Nuk kam çfarë të them për ata njerëz atje…Nuk e kuptojnë realitetin, nuk kanë vizion për te ardhmen, ky eshte problemi i tyre”, ka deklaruar Vuçiç.

Më tej, Presidenti serb është shprehur se nga Mini-Shengeni Ba të gjithë do të përfitojnë. “Fola me Presidentin e Malit të Zi, Gjukanovic… mendoj se do të jetë mirë për Malin e Zi, mendoj qe do të jetë mirë për gjithë rajonin”.  Vuçiç konfirmoi se samiti i radhës do të jetë në fund të janarit në Beograd ku do të nënshkruhen marrëveshje konkrete. /abcnews.al

sali-berisha-arben-imami.jpg
ad min21:04 | 15/10/2019

Një urim për 75-vjetorin, Sali Berishës i ka ardhur edhe nga ish-deputeti Arben Imami. Gjatë një interviste me gazetaren Mirela Milori, ai zbuloi se e ka uruar ish-kryeministrin sot.

Gjithashtu Imami tregoi se si vazhdojnë marrëdhëniet mes tij dhe Sali Berishës sot.

Arben Imami: Po e kam uruar.

Mirela Milori: Keni të njëjtën marrëdhënie si më parë.

Arben Imami: Përpara kemi pasur marrëdhënie pune të vijueshme, tashmë kam një marrëdhënie të caktuar, por jo pune. Marrëdhëniet njerëzore i kam ruajtur me shumë njerëz, pavarësisht nga pikëpamjet politike.

Mirela Milori: Flisni për PD?

Arben Imami: Kjo është një çështje tjetër.

Mirela Milori: Domethënë flisni?

Arben Imami: Nuk thashë se flas, nuk flas, por kjo është një çështje tjetër./abcnews.al

4df16abe-4d5f-44a9-996d-473b60244e47-1280x853.jpg
ad min16:12 | 08/10/2019

Gjatë vizitës së tij në Estoni, kreu i shtetit, Ilir Meta ka zhvilluar edhe një intervistë për televizionin shtetëror. Për sa i përket integrimit të vendit në Bashkimin Europian, Meta tha se Franca dhe Holanda duhet të ndjekin shembullin e Gjermanisë.

“Do të sugjeroja që këto vende duhet të ndjekin shembullin e Gjermanisë, nëse ende do të kenë një dozë skepticizmi apo rezerva për çështje të caktuara. Mendoj se Bundestagu mori një vendim tepër të drejtë dhe të arsyeshëm për t’i thënë “Po!” hapjes së negociatave të anëtarësimit me Shqipërinë,por gjithashtu duke pasur një udhërrëfyes të qartë se si do të vazhdojë më tej ky proces”, tha Meta.

Pasi u pyet nga gazetari, Meta foli edhe për marrëdhëniet e tij me Ramën.

“Me të jam në rregull dhe nuk kam probleme. Nganjëherë ai ka vështirësi për të bashkëjetuar në harmoni me demokracinë, me pluralizimin politik dhe me zgjedhjet e lira e të ndershme, por këto janë themelet për një vend demokratik dhe evropian”, tha Meta.

Intervista e plotë:

Gazetari: Mirë se vini në programin tonë, Zoti President Meta!

Presidenti Meta: Ju faleminderit për ftesën!

Gazetari: Ju tani nuk keni një Gjykatë Kushtetuese funksionuese në vendin tuaj apo  jo?

Presidenti Meta: Ky është një tjetër problem, por shpresojmë që në muajt e ardhshëm do ta kemi Gjykatën Kushtetuese dhe që ajo do të marrë vendimet e duhura e të drejta.

Gazetari:Ka një ngërç mes Parlamentit të Shqipërisë dhe Institucionit të Presidentit. Ju duhet të emëroni gjyqtarët për në Gjykatën Kushtetuese dhe duket sikur kjo gjëështë tepër e vështirë. Si mendoni ta tejkaloni këtë ngërç?

Presidenti Meta: Ky është një ngërç i kanalizuar gjatë zbatimit të reformës në drejtësi, që u votua në mënyrë unanime tre vjet më parë, kur unë isha Kryetar i Parlamentit dhe kur ne ia dolëm mbanë të arrinim një konsensus me të gjitha partitë parlamentare. Por gjatë zbatimit të reformës në drejtësi përjetuam disa probleme, por shpresoj që së shpejti do t’ia dalim mbanëpër të pasur një Gjykatë Kushtetuese funksionuese.Gjithashtu, edhe për ta çuar reformën gjyqësore përpara në drejtimin e duhur.

Gazetari:Gjithsesi, kur shikoj zgjedhjet vendore, të cilat u sunduan nga një parti e vetme, ku votuesit nuk kishin ndonjë zgjedhje, kur kam parasysh faktin se ju nuk keni një Gjykatë Kushtetuese funksionuese, çfarë tregojnë të gjitha për shëndetin e demokracisë në Shqipëri?

Presidenti Meta:Nuk është se po kalojmë çastet më të shkëlqyera të demokracisë në Shqipëri.

Gazetari: Po me Kryeministrin e Shqipërisë, Edi Rama si po ia kaloni? A merreni vesh mirë me të?

Presidenti Meta: Me të jam në rregull dhenuk kam probleme. Nganjëherë ai ka vështirësi për të bashkëjetuar në harmoni me demokracinë, me pluralizimin politik dhe me zgjedhjet e lira e të ndershme, por këto janë themelet për një vend demokratik dhe europian.

Gazetari: Vetëm disa muaj më parë ai tha se Shqipëria nuk është gati të anëtarësohet në Bashkimin Europian, sepse institucionet e saj politike nuk janë edhe aq fort të zhvilluara në të tashmen?

Presidenti Meta: Kjo është arsyeja më e mirë që ai duhet të përpiqet edhe më shumë për të ndihmuar vendin, për të rivendosur rendin kushtetues dhe demokratik.

Gazetari: Javën e ardhshme ju shpresoni që të merrni një ftesë për të filluar bisedimet e anëtarësimit. Kam një ndjesi se Bashkimi Europian është paksa i lodhur nga krizat e veta të brendshme. E pse i duhet që të importojë një krizë si ajo që po përjeton vendi juaj me demokracinë?

Presidenti Meta: Edhe kriza jonë, ajo së cilës ju i referoheni, kjo e demokracisë në Shqipëri, po e pasqyron këtë krizë të brendshme të Bashkimit Europian, sepse ata mund të jenë më tepër ndihmues për ta shmangur këtë situatë krize. Ata mund të jenë më shumë të paanshëm dhe më të përkushtuar për të mundësuar dialogun politik mes të dyja palëve. Sidoqoftë, pse Bashkimi Europian duhet t’i mbajë dyert e saj hapur për zgjerimin përkundrejt Shqipërisë? Sepse Ballkani është shumë jetësor për qëndrueshmërinë, sigurinë dhe të ardhmen e Bashkimit Europian. Dhe mbajtja hapur e dyerve të zgjerimit për Shqipërinë, për Maqedoninë e Veriut, e cila e meriton plotësisht si dhe për vendet e tjera, që shpresojnë të vazhdojnë në këtë rrugëtim, mendoj se ky do të ishte një investim për qëndrueshmërinë dhe sigurinë e këtij rajoni, që ka qenë dhe do të jetë shumë jetësor për qëndrueshmërinë e mbarë kontinentit.

Gazetari: Ka disa vende tepër skeptike: Holanda, Francë, madje edhe Greqia, që nuk janë edhe aq shumë entuziaste për të nisur bisedimet e anëtarësimit me vendin tuaj. Si e mund t’i bindni këto vende?

Presidenti Meta: Do të sugjeroja që këto vende duhet të ndjekin shembullin e Gjermanisë, nëse ende do të kenë një dozë skepticizmi apo rezerva për çështje të caktuara. Mendoj se Bundestagu mori një vendim tepër të drejtë dhe të arsyeshëm për t’i thënë “Po!” hapjes së negociatave të anëtarësimit me Shqipërinë,por gjithashtu duke pasur një udhërrëfyes të qartë se si do të vazhdojë më tej ky proces.

/abcnews.al

marredheniet-pd-lsi.jpg
ad min21:00 | 17/09/2019

Ish-ministrja e Integrimit, Klajda Gjosha, ishte e ftuar këtë të martë në emisionin “Provokacija”. Ajo komentoi marrëdhëniet mes partisë ku ajo bën pjesë, LSI-së dhe Partisë Demokratike. Sipas Gjoshës, dy partitë i bashkojnë kazuat me të cilat përballet vendi pavarësisht se kanë ndasitë e tyre programore dhe ideologjike.

“Nuk shoh shkëputje të them të drejtën. Ne na bashkojnë kauzat e sotme. E gjithë rruga ku jemi bashkë, prioritetet me të cilat duhet të përballet vendi janë pjesë e kauzave të PD-së dhe LSI-së. Kemi ndasitë tona programore edhe ideologjike. Megjithatë jemi të bindur se sëbashku mund t’ia dalim që me zgjedhje të lira dhe të ndershme opozita të kthehet në mazhorancën e nesërme”, tha Gjosha.

Për ish-ministren zgjidhja e krizës aktuale janë zgjedhjet. Gjithashtu sipas saj, opozita nuk pengon proceset integruese të vendit, pasi është përgjegjësi e qeverisë së vendit.

Për sa i përket vendimit që pritet të merret me 18 Tetor për çeljen ose jo të negociatave, Klajda Gjosha tha se pret një “Po, por” nga vendet anëtare duke nënkuptuar çelje të negociatave me kushte./abcnews.al

bushka1.jpg
ad min20:13 | 04/09/2019

Të hënën, Kuvendi nisi sesionin e ri parlamentar, i cili ndryshe nga herët e tjera, gjeti jashtë saj një nga aktorët kryesorë politik në vend siç është PD-ja e. Nga ana tjetër, PS vjen pas zgjedhjeve të 30 Qershorit me 61 bashki të fituara.

Deputetja Klotilda Bushka, e ftuar në ABC News këtë të mërkurë, deklaroi se PS do të bashkëpunojë së pari me opozitën parlamentare për sa i përket reformave që duhen ndërmarrë në lidhje me axhendën e Shqipërisë për integrimin evropian.

Për sa i përket marrëdhënies me PD-në, Bushka deklaroi të njëjtin qëndrim si përpara zgjedhjeve të 30 Qershorit, PS nuk ka për të pranuar negociata për pushtet në tavolinë.

“Klima politike në vend? Kemi përgjegjësi shumë të madhe të bashkëpunojmë me opozitën parlamentare së pari në lidhje me disa reforma, përfshirë dhe reformën zgjedhore, por edhe për zbatimin e reformës në drejtësi sepse Kuvendi së shpejti duhet të zgjedhë anëtarët e Gjykatës Kushtetuese për të plotësuar të paktën dy vakanca. Ky është hap përpara në zbatimin e reformës në drejtësi. Sa i takon bashkëpunimit politik me aktorët që nuk janë në Kuvend e kemi dhe njëherë të hapur sa i takon reformës zgjedhore. E kemi shprehur disa herë që po të jetë çështja për të negociuar për çështje të ndryshme brenda kornizave kushtetuese jemi të gatshëm për gjithçka, por negociata siç kanë kërkuar për pushtet në tavolinë nuk kanë për t’u pranuar”, tha Bushka gjatë një interviste me Mirela Milorin./abcnews.al

6087C2F2-BC79-4CA0-8873-6B743B825B5A_w1023_r1_s.jpg
ad min09:25 | 29/08/2019

Presidenti francez Emmanuel Macron thotë se kontinenti evropian nuk do të jetë kurrë i qëndrueshëm dhe i sigurt nëse marrëdhëniet e tij me Rusinë nuk zgjidhen. Duke folur me diplomatët e huaj pas përfundimit të samitit të G-7-ës në Francë, zoti Macron e pranoi se disa aleatë do të refuzojnë çdo lloj bisedimesh me Rusinë për shkak të agresionit të saj në Ukrainë.

Gjatë samitit të G-7s, Presidenti amerikan Donald Trump bëri thirrje për rikthimin e Rusisë në grupin elitar nga i cili u përjashtua pas aneksimit të gadishullit ukrainas të Krimesë në vitin 2014. Korrespondentja e Zërit të Amerikës Zlatica Hoke sjellë hollësitë. Ndërhyrja e Moskës në Ukrainën Lindore ka rritur tensionet me Perëndimin. Por që nga ardhja në Shtëpinë e Bardhë, Presidenti Trump ka bërë përpjekje për të përmirësuar marrëdhëniet me Rusinë, dhe duket se ka gjetur mbështetje tek disa udhëheqës evropianë.

“Mendoj se duhet të ndërtojmë një model të ri për sigurinë dhe besimin në Evropë. Kontinenti evropian nuk do të jetë kurrë i qëndrueshëm dhe i sigurt nëse nuk gjen paqe dhe përmirësim të marrëdhënieve me Rusinë. Të jemi të qartë se kjo nuk është në interes të disa prej aleatëve tanë. Disa prej tyre gjithmonë do të bëjnë presion për të vendosur më shumë sanksione ndaj Moskës. Kjo është në interesin e tyre, edhe nëse ata janë miqtë tanë. Por nuk është në interesin tonë”, tha Presidenti francez Emmanuel Macron.

Presidenti i Këshillit të Bashkimit Evropian, Donald Tusk, politikan nga Polonia, kritikoi Presidentin Trump të shtunën për sugjerimin se Rusia duhet të ftohet në takimet e G-7-ës.

“Sot, unë do të përpiqem të bind bashkëbiseduesit e mi se do të ishte më mirë të ftohej Ukraina, si mysafire, natyrisht, në takimin e ardshëm të G-7-s për të dëgjuar mendimin e presidentit të tyre të ri (Volodymy Zelenskiy). Bisedova me të për këtë çështje dy ditë më parë, dhe e di se ai do të ishte shumë i interesuar”.

Britania gjithashtu kundërshton rikthimin e Rusisë në G-7. Marrëdhëniet e Londrës me Moskën u dëmtuan pas helmimit të një ish-spiuni rus në Angli në vitin 2018, një akt flagrant për të cilin Britania fajëson Kremlinin.

Zoti Macron tha se Rusia nuk mund të pranohet në grup si anëtare e plotë për shkak të veprimeve të saj në Britani dhe Ukrainë, por ai tha se largimi i saj nga Evropa është një gabim strategjik, i cili ka bërë që Moska të ndërtojë aleanca diku tjetër. Ai tha se Franca dëshiron ta ndryshojë këtë dhe është e gatshme të veprojë vetë nëse Rusia i plotëson kushtet kryesore në lidhje me konfliktin në Ukrainë.

“Ta themi thjesht, ne nuk jemi një fuqi që konsideron se armiqtë e miqve tanë janë domosdoshmërisht edhe armiqtë tanë apo se e kemi të ndaluar të bisedojmë me ta. Dhe unë mendoj se kjo është fuqia e Francës.”

Zoti Macron tha se përfaqësuesit e Rusisë, Ukrainës, Gjermanisë dhe Francës do të takohen muajin tjetër për të diskutuar rrugët drejt paqes në Ukrainë.

Këshilltari i Presidentit Trump për sigurinë kombëtare, John Bolton u tha ukrainasve të martën të mos prisnin ndonjë zgjidhje nga evropianët

në një kohë të afërt. Gjatë një vizite në kryeqytetin e Ukrainës, Kiev, John Bolton tha se presidenti ukrainas Volodymyr Zelenskiy nuk duhet të nxitojë me ndonjë veprim në Ukrainën Lindore. Ai gjithashtu tha se Presidenti Trump mund të takohet me zotin Zelenskiy gjatë një vizite në Poloni në fund të javës./VOA

cisterna.jpg
ad min16:40 | 20/08/2019

Uashingtoni ka paralajmëruar Athinën që të mos lejojë ankorimin në portet greke të anijes cisternë iraniane, e cila u largua të dielën nga Gjibraltari ku ishte ndaluar nga autoritetet britanike.

Marrëdhëniet midis Athinës dhe Uashingtonit mund të vihen në provë, nëse Greqia pranon të ankorohet në ujërat e veta një anije cisternë iraniane. Bëhet fjalë për cisternën “Adrian Darya 1”, që u largua të dielën nga Gjibraltari, ku po mbahej prej autoriteteve britanike që prej disa javësh.

Në momentin e ndalimit, anija e kishte emrin “Grace 1”. Supercisterna u ndalua muajin e kaluar, pasi dyshohej se transportonte naftë për në Siri, duke thyer në këtë mënyrë embargon e vendosur nga Bashkimi Europian.

Anija është ngarkuar me 2,1 milionë fuçi naftë të papërpunuar, me një vlerë të përgjithshme 130 milionë dollarë. Sipas medias ndërkombëtare, supercisterna iraniane, me emrin tashmë të ndryshuar, po lundron drejt portit grek të Kalamatas, ku pritet të mbërrijë më 25 Gusht.

Një zëdhënës i ambasadës amerikane në Athinë, i ka deklaruar të përditshmes vendase, Kathimerini, se supercisterna transporton naftë e cila do të përdoret në aksione terroriste nga grupe iraniane dhe siriane.

Zëdhënësi ka theksuar se ofrimi i asistencës ndaj kësaj anijeje mund të konsiderohet si mbështetje materiale ndaj organizatave terroriste. Zëdhënësi shtoi se ky paralajmërim i është përcjellë qeverisë greke dhe gjithë porteve mesdhetare.

I ftuar për të komentuar deklaratat e ambasadës amerikane, ministri grek i Marinës tha të martën në mesditë se autoritetet po e ndjekin çështjen në bashkëpunim me ministrinë e jashtme. Ministri shtoi se deri tani nuk ka ndonjë kërkesë nga anija iraniane që të ankorohet në hapësirën detare greke./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono