Mark Marku

edi-rama-parlamenti.jpg
nev ila14:26 | 18/12/2019

Në Kuvendin e sotëm është duke u diskutuar paketa antishpifje për mediat ku mori fjalën e tij Kryeministri Rama. Rama në fjalën e mbajtur tha se liria për të thënë çfarë të mundet do të pengohet nga ky ligj dhe se akuzat do të duhet të faktohen. Më tej Rama përmendi gazetarin Artur Zheji për të cilin tha se shpifë ulët. Po ashtu Kryeministri nuk kurseu ironinë edhe për pedagogun dhe analistin Mark Marku, gazetarin Mero Baze dhe Kryetarin e LSI Petrit Vasilin.

“U kam thënë përfaqësuesve të KE, nuk e keni lexuar ligjin. Nuk e keni lexuar, jeni në presionin e organizatave të rreme, si ajo e Mero Bazes e ka edhe ai një, kur e përdor për të ngritur ndonjë çështje, se e di shumë mirë, se ata andej nuk shohin kush është organizata por ngrihen për të mbrojtur lirinë. Organizata të rremë, si profilet false në FB, apo siç dikush që del te Rai 3 e flet për burgjet që janë mbushur me gazetarë, për censurë e për hatanë që bëhet këtu, këtu në fakt të censuar janë ata që kanë të drejtë e që nuk kanë asnjë kapacitet mbrojtës sot që flasim, e nuk është se do kenë ndonjë kapacitet të jashtëzakonshëm kur të kalojë ligji, por do të kenë një kapacitet mbrojtës në dispozicion. Këta që i bëjnë gratë prostituta këta, shërbëtorët e shtetit që i bëjmë kusarë, hajdutë, matrapazë, këta, e nuk është cështje opinionesh, se kurrë nuk i ka shkuar mendja kurrë që ti kontestojë këta kur japin opinionet që shkojnë në fyerjet më ekstreme. Nuk është kufizim lirie kjo, por çështje e kufizimit të lirisë për të shpifur, duke i treguar njerëzve qindra milionë eurot e mia nëpër ofshore, qindra pallatet e mia në Spanjë etj që janë fakte që o duhet të më largojnë mua nga jeta publike ose të demaskohen. Del Peçi Vasili atje në 7 fjalë 6 i ka sharje, Peci, po bëjmë ligj që të mbrojmë ne veten nga Peçi Vasili e ai është heroi i fjalës së lirë. Cila liri, liria për të thënë u shite, liria për të thënë more lek, je i korruptuar, këto nuk janë liri janë akuza, dhe të gjithë ata që do të thonë këtë duhet të japin fakte ose përndryshe do të përballet me personin që e akuzon dhe patjetër që duhet të paguajë ndëshkimin e ligjit që këtu në këtë ligj është qesharak. Artur Zheji e bëri vajzën tonë dashnore të ministrit dhe tani thotë do largohem nga Shqipëria po u bë ky ligj. Pasi shkoi edhe në gjykatë, humbi dhe gjyqin se shpifi ulët. Unë me këta kështu jetojë dhe mbijetojë 1000 vjet të tjera, kjo është për shoqërinë. Kjo është për shoqërinë, për të lehtësuar koncentratin  helmit që hidhet në shoqëri nga mëngjesi deri në darkë. Një tjetër hero atje jashtë është Mark Marku, që jo më larg se dje, pashë një reflektim në të gjithë portalet e lirisë, nuk lë fjalë të ndyrë pa i thënë një deputeti duke e kërcënuar se do i thyej kokën me shishe, ky është profesori i letrave Mark Marku që duhet markuar me pullë të kuqe, që merr përsipër të flasë për lirinë por ka gjithë lirinë të flasë atë që do. Ky ligj nuk është për deputetin, që të çoi përpara autoritetit Mark Mark Markun, se iu shthur goja në një moment të caktuar, jo nuk është për të. Ky ligj është për të garantuar publikun që të mësojë më shumë për ato që thuhet. Nëse një qytetar lexon gjithë këto të zeza, ka të drejtën të di a janë vërtetë të tilla, a jemi të gjithë njësoj? Secili ka të drejtën të kërkojë llogarinë publike për atë që thuhet, për çfarë flasim? Ku është këtu cenimi i lirisë së fjalës, ku është liria e opinionin që po cenohet?”, tha Rama./abcnews.al

mark-marku.jpg
ger ta07:49 | 18/12/2019

Pedagogu Mark Marku është tensionuar teksa ishte i ftuar mbrëmë në emisionin “Opinion”. Teksa po diskutohej për ligjin e medias që pritet të votohet sot, Marku tha se kryeministri Edi Rama do të kapë këtë pjesë të medias për të vendosur censurë dhe të gjitha mediat të bëhet ERTV.

Mirëpo, gjatë fjalës së ndërhyri edhe deputeti socialist Musa Ulqini, i cili tha se Marku nuk po fliste mirë dhe nuk do donte që në diplomën e djalit të tij të ishte firma e pedagogut Marku.

Debati:

Mark Marku: Musa të dëgjova 20 minuta…më duket sikur po dëgjon Radio Tiranën para nja 50 vjetëve…emisioni i lajmeve…partia po bën këtë po bën atë…

Musa Ulqini: Ke ardhur në komision dhe ke përdorur terma dhe unë të kam thënë një gjë …

Mark Marku: Se nuk kam ndërmend të kem frikë nga ju

Musa Ulqini: Respekto…je profesor ….në po shpreh vullnetin e atyre që më kanë votuar

Mark Marku: S’jam profesor

Musa Ulqini: Unë jam njeri i votuar Marku …Ty nuk e di kush të ka votuar dhe flas në emër të atyre që më kanë votuar. Në emër të atyre qytetarëve që i nxorët ju  në mes të natës …ti me shokët e tu i nxore në mes të natës. Në emër të atyre flas… Di vetëm një gjë Marku ta garantoj që unë fëmijën tim nuk do desha kurrë që të kishte në diplomën e tij  firmën tënde sepse nuk flitet siç flet ti nuk fyet siç fyen ti.

Mark Marku: Ti do shkollën e marksizëm-leninizëm… Do ta çosh të shkolla e partisë

Musa Ulqini: Fëmijët e mi janë të shkëlqyer

Mark Marku: O Musa të lutem mos më ndërhy

Musa Ulqini: Si mund të pohosh gjëra të tillë ti, nuk arrij ta kuptoj

Mark Marku: Po më lër more të flas tani…O Blend të lutem më lë të flas …po si do mbaroj po s’më latë të flas si do mbaroj

Blendi Fevziu: Mark thuaja atë që ke për të thënë

Mark Marku: Më lini pra të flas

Blendi Fevziu: Dakord po thuaje

Mark Marku: Po si të them kur më ndërhyn ai mua

Blendi Fevziu: Sepse ti merresh me politikë merru me atë që ke për të thënë

Mark Marku: Me këtë po merrem po s’të lë ai …a ka mundësi të më lini të flas apo ta lëmë këtë gjë

Blendi Fevziu: këtë po të them fol

Mark Marku: Tani më lini të flas

Blendi Fevziu: Këtë po të them fol

Mark Marku: Dhe mos më ndërprisni më se do ju shaj po më ndërhytë

Musa Ulqini: Na ke sha boll

Mark Marku: Dhe do të masakroj…do të hedh këtë shishen në kokë…boll. Boll se do ta mbyll gojën me forcë …Do ta mbyll gojën me forcë po them

Elira Kokona: Kjo është vepër penale (qesh)

Makr Marku: Mos ha mut më po të them… Kaq po ju them mos hani mut më mos ndërhyni kaq po them…

 

marku.jpg
in a12:00 | 12/12/2019

Është shoqëruar me debate të ashpra mbledhja e Komisionit të Medias ku u diskutuan dy projektligjet e qeverisë për paktën anti-shpifje.

Pedagogu Mark Marku e ka vlerësuar si një rikthim të sektorit të censurës dhe propagandës.

“Kështu e bëni ju demokracinë, kam ardhur këtu për të kundërshtuar. Nuk e keni miratimin për këtë ligj nga asnjë organizatë mediash dhe nga asnjë njeri që ka mend në kokë. Kemi pasur një nga ekspertët më të mirë në Europë dhe pas një procesi 5-vjeçar konsultimesh kemi arritur te një produkt që edhe pse nuk është perfekt ka pasur rezultate pozitive, por ju po bëni një ligj për aktor intersesi që është kryeministri dhe ju nuk jeni të zot ti kundërviheni të vetmit aktor interesi që është kryeministri”, u shpreh Marku.

Ndërkohë Agron Gjekmarakaj u shpreh se Republika e Shqipërisë po shndërrohet në sullnatatin e Arrnaut istanit.

“Unë nuk përjashtoj mundësinë se edhe idiotët janë popull dhe  vulgu është popull. Dhe idiotët dhe vulgu përfaqësohen në parlament është e drejta e tyre. Republika e Shqipërisë po shndërrohet në sullnatatin e Arrnaut istanit. Sulltanatet janë të bukura në përralla por jot ë bukura të jetosh në to, sidomos tani në 2019. Jo gjithmonë do të jeni deputetë sado mirë të silleni. Nuk është e thënë që kryeministri do tju përkëdhelë, diku do i ngelë hatri dhe nuk do ju fusë në lista. Nesër fëmijët tuaj ndoshta nuk do të kenë këtë karrierë do të kenë nevojë për hapësirën e fjalës së lirë. Do të duan të bëjnë profesionin e gazetarit dhe jo të lakeut apo të servilit. Kanë nevojë të kenë hapësirë lirie dhe demokracie. Është një ligj që duhet refuzuar dhe përcmuar. Është në dinjitetin tuaj . të lutem bëjeni me pak sakrificë qoftë dhe personale. Është në dinjitetin tuaj të refuzoni dhe të  mos harxhoni kohë për të amenduar një ligj i cili tenton në emër të abuzimit të fjalës të vrasë fjalën. Nëse fjala vritet nuk ka nevojë për amendim”, tha Gjekmarkaj.

I  pranishëm në seancën dëgjimore  Alfred Lela,  u “përplass” me anëtarët e komisionit.

Në momentin që mori fjalën Alfred Lela, njëri nga deputetët ndërhyri, duke shkaktuar reagimin e Lelës.

“Sikur je tapë o burrë i dheut”, tha Lela, ndërsa menjëherë deputeti Halit Valteri iu kthye duke i thënë Lelës se nuk mund t’i drejtohet me ato fjalë asnjërit prej deputetëve.

“Po çfarë deputeti je ti? Me gjithë mend e ke? E di veten deputet ti?”, ishte përgjigjja e Lelës./abcnews.al

shpifje.jpg
in a10:59 | 12/12/2019

Ka nisur me debate mbledhja e Komisionit të Medias, mëngjesin e sotëm për paketën atishpifje me përfaqësues të Fakultetit të gazetarisë.

Pedagogu Mark Marku u shpreh se me këtë ligj jemi si në diktaturë, egziston një shqetësim që bëhet me lirinë e fjalës por ky është një shqetësim që duhet vetërregulluar.

“A kemi ne objektiva për të shkuar në Euoropë, me këtë ligj nuk shkojmë në Europë. Kryeministri gjithmonë ka tentuar të shtypë median.  Meqënëse propagnada e vet i ka dështuar sepse ka bërë 6 vjet propagandë të dështuar, kjo propagandë funksionon vetëm në sisteme diktatoriale, vetëm një zë i lirë e shkatërron të gjithë propagandën dhe ky ligj këtë synon të shtypë edhe zërin e lirë që ka mbetur. Tani qeveria po synon të cënojë hapësiën e mediave të reja përmes kërcënimit, arroganca që përforcohet kundër kundërshtatrit mund të kthehet edhe kundër atyrë që sot mbështesin kryeministrin. Ky ligj është për të promovuar markën Rama dhe nëse nuk e promovojmë atëherë ai kërcënon se do të na fusi në burg.  Ky ligj është kërcënim për lirinë e medias, bëj thirrje për të bojkutuar këtë ligj”, tha Marku.

“Nesër Rama ka për të bërë ligj për ndalimin e lehjes së qenve. Ky ligj është hartuar nga injorantë në fushën e medias. Turp të kenë pasi kërkohet të shtypet liria e medias. Çdo deputet që e voton merr pjesë në krim. E keni bërë Kuvendin si furgon.”, tha Marku. /abcnews.al

Screenshot_1-7.png
in a10:38 | 12/12/2019

Ka nisur me tension senaca dëgjimore me përfaqësues nga Fakulteti i  Gazetarisë, në Komisionin Parlamentar të Medias, për projektligjet e Qeverisë që njihen me emrin “paketa antishpifje”. Profesori i shkencave të komunikimit Mark Marku e ka cilësuar ligjin e propozuar nga qeveria si një turp.

“Çdo përmirësim që mendohet se do të bëhet është vetëm një bashkëpunim në krim. Kemi pasur përfaqësues një ekspert të BE-së që ka hedhur poshtë ligjin. Si mund të bëhet një ligj nga 12 deputetë që i ka kundër të gjithë. Kjo procedurë cënon lirinë e medias, ky është një ligj qesharak. Me këtë ligjin kërkohet shtypja e medias, por kjo tentativë nuk ka për të funskionuar, kemi një përvojë me ato që ato që kanë tentuar të cënojnë mediat”, u shpreh Marku.

Si duket fjala e profesor Markut, nuk i ka pëlqyer ish-ministres së Kulturës, Mirela Kumbaro, e cila komunikonte me anëtaret e komisionit, teksa Mark Marku fliste kundër ligjit.

Marku ka kërkuar vemendjen e znj. Kumbaro, e cila më pas u largua nga mbledhja e komisionit në shenje revolte.

/Abcnews.al

mark-marku-1.jpg
ad min20:34 | 12/07/2019

Analisti Mark Marku deklaroi këtë të premte se të gjitha shfaqjet dhe veprimet e Ramës të çojnë drejt diktaturës. Marku ishte i ftuar në emisionin “Provokacija”, ku tregoi edhe disa disa shenja të diktaturës ditët e sotme.

Mustafa Nano: Unë mendoj që Rama është një problem për vendin siç e beson dhe ti besoj. Ajo që ka ndërtuar Rama është diçka që nuk shkon, ka probleme, mirëpo Mark Marku dhe shumë të tjerë shpeshherë e paraqesin këtë që ka ndërtuar Rama si diktaturë. Mua këtu më kërcet pak. Më duket si një lloj teprimi që edhe lufta ndaj Ramës fillon dhe zhvleftësohet kur thua “Rama diktator”.

Mark Marku: Unë nuk mendoj që do shkojmë në diktaturë që të jemi të qartë sepse është e pamundur për kushtet, për kohën etj. Por të gjitha shfaqjet dhe veprimet e Ramës të çojnë drejt kësaj. Diktaturat dhe regjimet vendosen sipas rrethanave shoqërore, kanë specifika të ndryshme, nuk është diktaturë klasike. Jam dakord, në diktaturë nuk do isha sot se do vinin të më arrestonin këtu në studio, por ato që quhen diktatura moderne janë shumë më të kamufluara sidomos në një rend ku kryesisht është i prirur drejt demokracisë. Ku e gjykoj pse ka disa shenja të forta të diktaturës ose të derives totalitare? E para ka shkatërruar parimet e ekonomisë së tregut. Nuk ka konkurrentë, paratë shkojnë në mënyrë të projektuar tek 6,7, 8 vetë. Diktaturat godasin kryesisht konkurrencat ekonomike. Vendosin monopole, bëjnë arbitraritete. Kjo është shenja e parë. Ka çuar në eliminimin e të gjitha institucioneve që bëjnë atë balancën e pushtetit. Kjo është diktaturë, sepse demokracia kjo është, një institucion e pengon tjetrin. Rama e ka shumë problem që më pengon ky që të bëj këtë. Gjithë këtë sistem Rama ka shkuar duke e zhdukur pak nga pak dhe ka arrit në një parlament qesharak, që e kontrollon totalisht vetë, me bashki që i kontrollon vetë./ABC News Albania 24/7

debati-1-1280x720.jpg
ad min22:08 | 29/05/2019

Progres raporti i vitit 2019 ishte tema që u diskutua në emisionin “Byro Politike” nga Juli Xhokaxhi këtë të mërkurë. Mirëpo, një deklaratë e gazetares Erisa Zykaj ka nxehur debatin mes dy të ftuarve Mark Marku dhe Ervin Bushati.

Analisti deklaroi se Rama ka dhënë urdhër që deputetët të festojnë pas rekomandimit për çeljen e negociatave. Nga ana tjetër, deputeti Bushati theksoi se nuk do të vijë në të njëjtën studio me Markun për shkak të gjuhës që përdori.

Marku Marku: E shikoni që jetojmë në dy realitete të ndryshme. Është një gazetare që ka 20 vjet e atashuar atje.

Ervin Bushati: Mos u merr me integritetin e asaj, shumë e mirë është ajo.

Mark Marku: Juve nuk ju pëlqeu.

Ervin Bushati: Si nuk na pëlqeu. Unë e njoh dhe më pëlqen shumë ku e di?

Mark Marku: Se juve ju jep urdhër Rama dhe kërceni nuk kërcen gjithë bota se ju jep urdhër Rama se jeni deputetë.

Ervin Bushati: Zoti deputet vazhdoni me argument.

Mark Marku: Ju keni festuar vjet do festoni dhe sivjet, më falni, por deputetëve dhe mut po t’ju jepnin e hani ju. Me kështu deputetë jemi që po të jetë ai entuziast ju duhet të jeni entuziast.

Ervin Bushati: Keni qenë vetë deputet është turp të flisni kështu.

Mark Marku: Turp është për ju se ajo gazetarja është në terren dhe nuk punon te televizioni i Edi Ramës. Progres raporti ka qenë dhe vjet. Po tallni menderen me shqiptarët. Sivjet e reja është jo që thotë gazetarja se është në institucionet e BE-së dhe nuk bëjnë gallatë. E dinë që problemi është krimi dhe korrupsioni. Ta kanë thënë të gjitha shtetet. Na thirr ne të katërve në Qershor dhe do e shikoni…

Ervin Bushati: Jo me këtë gjuhë nuk vij. Kemi fëmijë ne që shohim. Nuk e di çfarë eksperience ke pasur te PD-ja, por nuk jemi njësoj.

Mark Marku: Këtu konsiderohet tradhti kombëtare se nuk bëhesh entuziast se Rama ka dhënë urdhër që të festohet./abcnews.al

mark-marku.jpg
nev ila21:25 | 29/05/2019

Mbrëmjen e sotme në Byro Politike me gazetaren Juli Xhokaxhi kanë qenë të ftuar:

Ervin Bushati, deputet i partisë socialiste dhe kreu i delegacionit shqiptar në asamblenë parlamentare të këshillit të europës;

Mark Marku analist, opinionist;

Alfred Peza sekretar për mediat në PS dhe gazetar;

Ralf Gjoni deputet i parlamentit të Shqipërisë.

Tema e diskutimit ka qenë progres-raporti i Komisionit Europian për Shqipërinë dhe Maqedoninë e Veriut. Drejtuesja e emisionit Juli Xhokaxhi i ka pyetur të ftuarit nëse shqiptarët duhet të ishin entuziastë kur flitet për prgres raportin e sotëm. Për Ervin Bushatin sot ishte një ditë ë rëndësishme për shqipërinë dhe duhej përshëndetur puna e bërë deri tani nga Shqipëria ndërsa për analistin Marku gjendja nuk është optimiste dhe se progres-raporti është i njëjtë në përmbajtje ashtu si edhe vitin e kaluar. Marku tha se këtë vit janë shtuar shtetet të cilat janë kundër hapjes së negociatave me Shqipërinë.

Ervin Bushati: Sot është ditë e mbarë për shqipërinë. Kemi marrë një rekomandim pa kushte në hapjen e negociatave. Puna që ka bërë shqipëria dhe Maqedonia e Veriut janë herkuliane dhe këto nuk janë fjalët e mia por janë zërat europian ditën e sotme. Ne e kemi bërë detyrën. Pas zgjedhjeve në parlamentin europian është treguar se shoqëritë europiane kanë votuar për zgjerim të europës dhe kjo është shenjë shumë e mirë. Ky është një moment shumë i përshtatshëm për shqipërinë, kemi probleme si të gjithë në europë por kemi vullnetin në masën 95 % për të qenë pjesë e europës.

Mark Marku: Është e njëjta gjë si vjet, madje më duket se nuk kanë punuar fare sepse kanë paraqitur të njëjtin raport si vitin e kaluar. Nuk ka gjë të re. Vjet na është thënë se u hapën negociatat dhe sivjet na thonë përsëri të njëjtën gjë, qeveria shqiptare ka mashtruar, kjo qeveri ka mungesë serioziteti. Sivjet janë bërë 5 shtete që janë kundër hapjes së negociatave për shqipërinë. Gjendja nuk është fare optimiste. Nëse vitin e kaluar ishte vetëm Franca principialisht kundër integrimit të shqipërisë tani janë shtuar edhe 4 shtete të tjera. Thelbi i asaj çfarë ka ndodhur është një diskutim shumë i madh se cila është europa? Unë shpresoj që ta marrim hapjen e negociatave por nuk besoj se do të ndodhë. Kjo çfarë ndodhi nuk është asgjë e re është deja vu’, ajo që mbetet për tu parë është cfarë do ndodhë në qershor.

Më tej diskutimi ka vijuar me Alfred Pezën i cili është shprehur se rekomandimi i Komisionit Europian ditën e sotme ishte për tu përshëndetur nga të gjithë palët politike. Peza tha se vetëm 3 grupe njerëzish nuk e përshëndetën rekomandimin e sotëm duke iu referuar kryesisht kreut të Partisë Demokratike Lulzim Bashës, i cili sipas Pezës ka kënduar këngë zie sot.

Alfred Peza: Për sa i përket rekomandimit të Komisionit Europian për tu celur hapja e negociatave sot të paktën ta përshëndesim të gjithë. Kanë qenë tri grupe që kanë kënduar këngë zie sot: Opozita jashtë parlamentit, Lulzim Basha i cili ishte në një lokal dasmash sot në Fier dhe këndoi këngën e mjelmës, bëri tersin e pojanit dhe sjellësin e fatkeqësive. Vetëm në shqipëri ndodh që kryetari që thërret për europën nuk e përshëndet rekomandimin. Gjithashtu Ilir Meta, kreu u shtetit nuk e ka përshëndetur. Ne kemi patur një pakt kombëtar ku kemi qenë në një zë për çështje kombëtare, pra kemi qenë bashkë. Kur ishte çështja e NATO, PS i la të gjitha pas dhe për hir të kësaj çështje madhore, u bënë të gjithë bashkë. Sot edhe komisioneri Hahn edhe Both kanë identifikuar opozitën si pjesa që pengon këtë proces. Është fatkeqësi për Shqipërinë që, të vijë ky moment, dhe palët nuk e përshëndesin. Në raport shkruhet se detyrat janë kryer.

Ndërsa Ralf Gjoni deputet i opozitës në parlamentin shqiptar tha se dita e sotme nuk ishte një ditë entuziazmi por një ditë reflektimi për tju përveshur punëve të shumta që Shqipëria ka për të bërë. Sipas Gjonit për raport-progresin e komisionit europian media ka dezinformuar në të kaluarën për cështjen e hapjes së negociatave sepse ajo është bërë palë me politikën. Më tej ai shtoi se rekomandimi i çeljes së negociatave nga Komisioni Europian është i vonuar në rastin e Shqipërisë.

Ralf Gjoni: Nuk mendoj se është ditë për entuziazëm por është ditë reflektimi, është abuzuar shumë me integrimin, mediat e kanë dezinformuar shoqërinë. Hapja e negociatave nuk është karamele që na hidhet nga Bashkimi Eurpian. Në opinionin tim është e vonuar rekomandimi për hapjen e negociatave. Unë mendoj që kur vjen puna te integrimi dhe hapja e negociatave, nuk ka pozitë dhe opozitë, por gjithë klasa politike duhet të fokusohen në detyrat që kanë. Në raport evidentohet problematika në sistemin e drejtësisë. Unë mendoj që nuk është ditë për tu festuar, edhe nga mazhoranca edhe nga ne, është koha të përveshim mëngët dhe ti futemi punës. Negociatat janë rekomanduar pa kushte edhe vitin e kaluar. Pse duhet të fshihemi pas fustanit të ndërkombëtarëve? Ne na interesojnë cfarë thonë qytetarët tanë./abcnews.al

konferenca.jpg
ad min16:21 | 03/05/2019

Në ditën ndërkombëtare të lirisë së shtypit, në Tiranë u mbajt një konferencë për tregun e medias audiovizive. Veç të tjerash në të u paraqitën edhe rezultatet e një sondazhi të departamentit të gazetarisë në Universitetin e Tiranës.

Interneti dhe rrjetet sociale po rivalizojnë ndjeshëm  televizionin në vitet e fundit. Ky ishte një nga gjetjet e sondazhit të realizuar nga Departamenti i Gazetarisë dhe Komunikimit në Fakultetin Histori Filologji në Universitetin e Tiranës.

Rezultatet u publikuan në një tryeze të mbajtur në Ditën Ndërkombëtare të Lirisë së Shtypit. Nënkryetarja e Kuvendit, Vasilika Hysi theksoi se mediat duhet të mbrojnë të drejtat e çdo individi dhe të garantojnë privatësinë e tyre.

Vasilika Hysi: Për të ofruar programe që janë në interesin më të lartë të tyre. Që garantojnë dhe respektojnë të drejtën e jetës private. Të mos lejohen transmetimet që nxisin intolerancë, gjuhën e urrejtjes mes shoqërisë.

Kreu i AMA-s, Gentian Sala deklaroi se ky institucioni  po bën një punë ndryshe në vitet e fundit.

Gentian Sala, kreu i AMA-s: Në punën tonë 5-vjeçare si Autoritet për dy gjëra jam krenar. E para që Autoritetin e kemi futur në një hulli normale pune. E dyta që jam krenar është bashkëpunimi me aktorë jo të rrethit të ngushtë dhe grupeve të interesit, por aktorë në fushën e kërkimit shkencor ku vendin e parë me krenari e them zë Departamenti i Gazetarisë dhe Komunikimit.

Dita ndërkombëtare e lirisë së shtypit përkon këtë vit me 20-vjetorin e themelimit të Autoritetit të Mediave Audiovizive në Shqipëri./ABC News Albania 24/7

mark-markuu.jpg
ad min21:21 | 23/04/2019

Edhe pse njihet personalisht me ministrin e Brendshëm Sandër Lleshaj, pedagogu Mark Marku, i ftuar në emisionin “Provokacija”, ka treguar disa nga rezervat e tij në lidhje me drejtuesin e institucionit që merret me sigurinë në vend.

Ai  u shpreh se ka pasur një dyshim, që posti i ministrit të Brendshëm do të ishte një kurth për Lleshajn. Ky dyshim i është verifikuar më vonë dhe për pasojë, duke qenë se ka njohje me të, zhgënjimi tek analisti ka qenë më i madh.

“Jemi në një shoqëri ku ndikojnë njohjet personale. Unë kam pasur një rezervë që pavarësisht se e kam njohur Sandrin personalisht dhe e kam vlerësuar dhe vazhdoj ta vlerësoj, personalisht kam pasur një dyshim dhe një lloj shqetësimi prej miku që ky post për të do jetë një kurth shumë i madh për një arsye. Sepse pavarësisht asaj që kemi bërë me Xhafajn për shkak të problemeve me vëllain, ai nuk u hoq për atë. Ai u hoq në momentin që kishte paralajmëruar disa arrestime të bujshme dhe pikërisht kur po përgatiste arrestimin e disa personazheve politikë, flitej edhe për kryetarin e Bashkisë së Durrësit. Ne dinim që po përgatiteshin ato. U shfrytëzua ky momenti i vëllait, por nuk u hoq për atë. Unë mendoj se ai u hoq për të mos bërë këto goditje. Momentin që vjen tjetri, presupozohet që të mos i godasë, kështu që bën një kompromis. Një dyshim i vogël që më vonë më është verifikuar nga mënyra si e ka ushtruar funksionin dhe si ka funksionuar Ministria e Brendshme që praktikisht ka funksionuar si instrument politik duke lënë mënjanë të gjitha problemet e mëdha që ka rendi në Shqipëri. Në rastin kur ti ke një person që të dhimbset për shkak të pakënaqësisë që ke, normalisht qëndrimi është edhe më emocional dhe zhgënjimi është më i madh. Mua nuk do më zhgënjente një njeri që nuk e njihja.

Unë them që miku im të mos vihet në rolin e Hekuran Isait. Është një nga ministrat që ka një detyrë, të ushtrojë detyrën në përputhje me ligjin, kaq. Diskursi politik. Unë e kuptoj që mund të ketë dhe teprime, por diskursi politik i tij është shumë i ashpër dhe shumë provokues që nuk e ka asnjë ministër rendi në asnjë vend të botës. Një ministër rendi nuk merr përsipër të etiketojë opozitën. Si mundet ministër i rendit të etiketojë opozitën si banda. Nëse ti i akuzon si banda edhe ata të akuzojnë si bandë. Atëherë do ketë konflikt. Ti do konflikt civil?

Mënyra si flet ai tregon formimin e tij ushtarak. Nuk njeh të drejtën demokratike. I gjithë diskursi i tij tregon këtë mosnjohje dhe këtë mospranim. Ideja e konceptit tëushtarakut që kush me sulmon mua, unë do ta sulmoj dhe e konsideron shtetin si disa godina operacionale ku t’i bën një betejë. Beteja për pushtet është simbolike”, tha Marku.

Marku theksoi edhe një nga rastet kur Policia e Shtetit ka qenë në shkelje të pastër të Kushtetutës.

“Ne prej vitesh jemi kritikë ndaj Policisë së Shtetit dhe mënyrës si ka funksionuar Ministria e Rendit në raport me disa fenomene që janë bërë dominuese në shoqërinë shqiptare dhe që kanë krijuar shumë probleme. Për shembull, fenomeni i kriminalizimit të shoqërisë, i kanabizimit, i shndërrimit të vendit në një bazë operacionale për aktivitete kriminale. Ky ka përgjegjësi vetëm prej momentit që ka marrë përgjegjësinë si ministër. Nuk ka ndonjë ndryshim mendimi. I vetmi problem është që këtë e kemi njohur personalisht dhe ministrat e tjerë personalisht i kemi njohur por nuk kemi pasur marrëdhënie. Ajo që është shtuar në këtë rast mendoj që ndoshta dhe ka rënë në sy është se për shkak të situatës politike dhe roli i policisë në këtë situatë politike. Janë shtuar dy tre elementë të rinj që na kanë bërë ne të reagojmë. Roli që po luan policia në raport me protestat, qoftë të studentëve dhe të opozitës.

Në rastin e parë ka pasur shkelje flagrante të Kushtetutës. Një rast kur ka hyrë brenda territoreve, brenda asaj që është territor i universiteteve. Ka pasur dy raste te fakulteti jonë ku kanë ndërhyrë policia dhe ka kërcënuar studentë dhe pedagogë që të ndërpresin grevën, që është shkelje flagrante e ligjit. Nuk ka ndodhur kurrë që policia të hyjë në universitete”, u shpreh Mark Marku./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono