marijuane

makinaaaaaaaaaaa.jpg
G. P.14:47 | 18/05/2018

Hetuesit italianë janë të bindur pas disa operacioneve të suksesshme ditëve të fundit, se rruga më e shkelur aktualisht për trafikun ndërkombëtar të drogës është Barcelonë-Milano. Sipas tyre droga ku pjesa më e madhe vjen nga Marko, menaxhohet nga grupe kriminale shqiptare,  të cilët shkëmbejnë marijuanën me kokainë me klanet mafioze italiane

Mediat italiane raportojnë se rruga më e shkelur për trafikun ndërkombëtar të drogës aktualisht është ajo Barcelonë-Milano, ku një kamion u ndalua mbrëmjen e së enjtes me 70 kilogramë drogë të fshehur në një kuti lëpirësesh. Guardia di Financa ndaloi kamionin në kufi me Francën, ku agjentët e policisë nisën të dyshonin pas një pasaktësie në dokumentet e transportit, dhe për këtë arsye vendosën të kontrollojnë ngarkesën. Qentë anti-drogë nuhatën diçka dhe në fakt brenda kamionit u gjetën 32 kilogramë hashash dhe 37 kilogramë marijuanë.

Shoferi i kamionit me origjinë kroate u ndalua menjëherë dhe u shoqërua në rajonin e policisë. Në fillim të muajit Maj, karabinierët italianë ndaluan një tjetër kamion në autostradën e Milanos, ku në ngarkesën melesh të papërnuar u gjetën 206 kilogramë marijuanë. Në pranga përfundoi 50-vjeçari italian Enzo Di Mauro, dhe bashkëpunëtori i tij shqiptar 52-vjeçari Eduard Mecani. Në shtëpinë e këtij të fundit agjentët e policisë gjetën 62 mijë euro cash. Sipas hetuesve italianë, këto transferime, ku pjesa më e madhe e drogës mendohet se vjen nga Maroku, menaxhohen nga grupe kriminale shqiptare, të cilët më pas shkëmbejnë marijuanën me kokainë me klanet mafioze italiane.

Ditët e fundit, një tjetër aksion i suksesshëm i policisë italiane bëri të mundur sekuestrimin e rreth 20 kilogramë marijuanë në një automjet Audi, që drejtohej nga një shqiptar rezident në Milano. Pas kontrollit në banesën e tij policia pyeti djalin e tij nëse kishin apartamente të tjera në pronësi, por ai e mohoi këtë fakt. Por më pas agjentët e policisë zbuluan se djali banonte në një apartament të vogël 300 metra larg babait të tij, dhe pikërisht atje u gjetën rreth 8 kilogramë të tjera marijuanë dhe më shumë se 186 mijë euro cash./abcnews.al

avioni-me-droge.jpg
G. P.09:42 | 04/05/2018

Mediat italiane raportojnë për një operacion policie ku u vunë në pranga 7 shtetas shqiptarë qe transportonin drogë nga shqipëria në Itali me një avion të vogël. Por policia jone thote se bëhet fjalë për një operacion të vitit 2015, të zhvilluar në bashkëpunim me Policinë shqiptare.

Mediat italiane raportuan se në orët e para të mëngjesit të së premtes është kryer një operacion policie nga agjentët e Riminit në bashkëpunim me ata të Bolonjës, kundër një grupi kriminelësh shqiptarë të cilët veprojnë në rivierën romanjole me një trafik ndërkombëtar droge të importuar nga Shqipëria dhe që shpërndahej në Itali. Sipas raportimit në pranga kanë përfunduar shtatë persona, si dhe është sekuestruar një avion i vogël që përdorej për transportin e drogës nga brigjet shqiptare për në Itali. Gjatë operacionit është sekuestruar dhe sasi e konsiderueshme kokaine, marijuana dhe hashashi.

Por menjëherë gjatë ditës ka reaguar dhe policia shqiptare me anë të një deklarate për media ku thuhet se në fakt bëhet fjalë për një operacion të vitit 2015, i koduar “Free-Flight”, operacion ky i zhvilluar ne bashkëpunim me Policinë shqiptare. Po sipas njoftimit të policisë aktualisht po zbatohen fletë arrestet e Prokurorit të DDA së Bolonjës pas apelimit që kishin bërë 7 prej personave të akuzuar në 2015-ën.shqiptarët e arrestuar janë dy vëllezërit e Vilson Lamaj, kreut të kësaj organziate trafikantësh, Artjon e Kleo Lamaj si dhe tre kushërinjt e tyre Elizer Ahmetaj, Xhesian Ahmetaj e Arshi Ahmetaj./abcnews.al

marijuana-brindisi.jpg
G. P.11:11 | 02/05/2018

Mediat italiane kanë publikuar detaje nga operacioni i mbrëmjes së 30 Prillit, ku në brigjet e Brindisit u sekuestrua një gomone me 2.5 ton marijuanë dhe u arrestuan katër shqiptarë. Vlera e drogës së sekuestruar llogaritet më shumë se 20 milionë euro.

Pas një ndekjeje në det mbrëmjen e 30 Prillit, Guardia di Finanza arriti të bllokojë një gomone të ngarkuar me 2.5 ton marijuanë në brigjet e Brindizit. Skafistët, me shtetësi shqiptare, kur panë motoskafët e Guardia di Finanza, u përpoqën të hidhnin ngarkesën në det. Në bordin e gomones u gjet dhe një kallashnikov dhe 30 fishekë. Gomonia 10 metra e gjatë me dy motorë  të fuqishëm ishte nisur Shqipëria.

Në pranga përfunduan 4 shqiptarë me inicialet B. M., 40 vjeç; H. X., 30-vjeç, R. B., 30 vjeç dhe C. S., 37 vjeç. Ata janë nga Vlora dhe nga Kavaja. Të arrestuarit akuzohen për trafik ndërkombëtar droge, por dhe për armëmbajtje pa leje të armëve të luftës. Dy prej tyre rezultojnë me precedent penalë po për trafik ndërkombëtar droge.

Ka qenë patrulla ajrore e agjencisë “Frontex”, e cila ka sinjalizuar e para gomonen e ngarkuar me drogë dhe e drejtuar për në brigjet pulieze në orën 2 të natës. Në përfundim të operacionit janë nxjerrë nga deti 10 pako të mëdha me marijuanë ndërkohë që 105 të tjera ndodheshin në bordin e gomones. Vlera e drogës së sekuestruar llogaritet më shumë se 20 milionë euro./abcnews.al

policia-1280x854.jpg
G. P.14:18 | 06/04/2018

Policia italiane ka goditur një rrjet kriminal në Romë që merrej me magazinimin dhe shitjen e lëndëve narkotike. Mësohet se në një operacion të gjerë është bërë e mundur zbulimi dhe sekuestrimi i 1.3 ton marjuanë në një vilë në kryeqytetin italian.

Agjentët kanë arrestuar në flagrancë një 18-vjeçar shqiptar. Idenditeti i tij nuk bëhet i ditur. Gjithashtu, policia ka arrestuar edhe një shtetas italian. Mediat përtej adriatikut shkruajnë se në një hetim modest, është zbuluar se shqiptari merrej me aktivitete të paligjshme.

18-vjeçari është ndjekur me kujdes nga policia deri në banesën e tij, të cilën e kishte shndërruar në një magazinë për marijuanën. Mësohet se lënda narkotike ishte ndarë në 75 thasë të mëdhenj dhe do të shitej e gjitha në qytetin e Romës./abcnews.al

droga-riva-ligura.jpg
G. P.16:35 | 30/03/2018

Autoritetet italiane në Riva Ligura kanë arrestuar një shqiptar për shpërndarje të lëndëve narkotike.
Sipas mediave, në pranga ka rënë një 30-vjeçar, identiteti i të cilit nuk bëhet i ditur.
Mësohet se shqiptari i sillte klientët në  apartamentin e tij gjatë natës, duke shkaktuar zhurma, çka ka sjellë shqetësimin e fqinjëve të tij, të cilët e kanë denoncuar në polici.
Pas kontrollit të ushtruar në apartamentin e tij, policia sekuestroi 30 kilogramë lëndë narkotike, marijuanë dhe kokainë./abcnews.al

shqiptaret-marijuana.jpg
G. P.22:16 | 29/03/2018

Autoritetet italiane kanë realizuar një operacion, nga ku kanë vënë në pranga dy shqiptarë.

Shqiptarëve, identitetet e të cilëve nuk janë bërë publike, u është bërë e ditur vetëm mosha e tyre. Bëhet fjalë për një 31-vjeçar dhe një 22-vjeçar, rezidentë në Itali.

Sipas policisë, hetimi ndaj shqiptarëve kishte nisur që në 2017-n, në Cita de Castello, pas zbulimit të disa rasteve, ku shpërndahej kokainë.

Për shpërndarjen e drogës përdoreshin shqiptarë të rinj, të cilët qëndronin në Itali me viza turistike. Periudha e shkurtër e qëndrimit të tyre në Itali, prej vetëm tre muajsh, pasi ktheheshin shpejt në atdhe, e bënte të vështirë punën e autoriteteve italiane që t’i identifikonte dhe më pas t’i kapte.

Nga operacioni i quajtur “Boomerang” u sekuestruan edhe 14 kilogramë marijuanë, 300 gramë kokainë, peshore dhe substanca të tjera për të përzierë drogën.

Sipas mediave, shqiptarët qarkullonin rreth 30 mijë euro në muaj nga aktiviteti i paligjshëm./abcnews.al

29546960_1607308992656265_1656558507_n.jpg
ent ela09:58 | 26/03/2018

Policia italiane ka arrestuar dy shtetas shqiptarë për trafik ndërkombëtar të drogës në brigjet e san Kataldos në Bari. Lajmi është raportuar nga mediat përtej Adriatikut. Në operacionin e koduar “Themis 2018”, në të cilin mori pjesë dhe Frontex, u sekuestruan 500 kilogramë marjuanë.

Lënda narkotike ishte nisur nga Shqipëria me gomone. Të arrestuarit janë identifikuar si: S.K. 45 vjeç dhe S.F. 34 vjeç, të dy me shtetësi shqiptare. Mediat italiane shkruajnë se nëse marijuana do të hidhej në treg, trafikantët do të përfitonin rreth 5 milionë euro./abcnews.al

vlcsnap-error135-1-1280x720.jpg
G. P.19:13 | 15/02/2018

Karabinierët në Itali kanë arrestuar 4 shqiptarë në lidhje me rreth 1 ton drogë të dërguar në vendin fqinj vitin e kaluar. Pas disa muaj hetime operacioni i koduar “Varka e Bardhë” është finalizuar këtë të enjte.

Karabinierët e repartit operativ në Maçerata të Italisë kanë ndaluar 4 shtetas shqiptarë, në lidhje me një ngarkesë droge të dërguar në rrugë detare në vendin fqinj.

Bëhet fjalë për 915 kilogramë të ndarë në 30 pako, që ishin gjetur pranë një gomoneje të braktisur në lokalitetin Porto Rekanati 29 qershorin e kaluar. Pranë mjetit lundrues ishin gjetur edhe 28 bidonë me benzinë për të realizuar kthimin në Shqipëri, por një dëmtim i pësuar në momentin e mbërritjes kishte bërë që trafikantët ta braktisnin dhe të largoheshin.

Fillimisht efektivët analizuan kodet e stampuara në bidonët me benzinë, falë të cilëve arritën në dyqanet ku ato ishin blerë. Prej këtej u arrit në identifikimin e trafikantëve, me karabinierët që vunë në përgjim telefonët e tyre. Këtë të enjte autoritetet e vendit fqinj kanë finalizuar operacionin e koduar “Varka e Bardhë”, që ka çuar në arrestimin e 4 shqiptarëve, të moshave 26, 30, 34 dhe 49 vjeç.

Tre prej tyre kanë përfunduar në qeli, ndërsa i katërti në arrest shtëpie me byzylyk elektronik. Prokurori i çështjes, Giovanni Giorgio ka deklaruar se forcat e rendit po i kushtojnë vëmendje të madhe frenimit të trafikut të drogës që vjen nga Shqipëria. Nëse do të ishte hedhur në treg, lënda narkotike e sekuestruar do të kishte sjellë për organizatat kriminale 5 milionë euro fitime./abcnews.al

vlcsnap-error780-1-1280x720.jpg
G. P.16:22 | 14/02/2018

Policia italiane ka arrestuar 35-vjeçarin shqiptar, Rinard Haxhia, për trafik droge. Gjatë kontrollit të automjetit të tij janë sekuestruar mbi 100 kilogramë marjuanë. Operacioni është zhvilluar në qytetin e Bolonjës.

Policia italiane ka arrestuar një shtetas shqiptar në qytetin e Bolonjës për trafikim dorge. Lajmi është raportuar nga mediat përtej Adriatikut, që theksojnë se bëhet fjalë për 35-vjeçarin Rinard Haxhia. “Repubblica.it” shkruan se shqiptari është kapur në flagrancë në një rrugë të Bolonjës, ndërsa po hipte në një automjet, në të cilin është gjetur dhe sekuestruar 105 kilogramë marjuanë. Droga ishte fshehur në bagazhin e makinës.

Dyshohet se lënda narkotike është marrë nga Shqipëria. Pas arrestimit të tij, policia italiane ka kontrolluar dhe banesën e 35-vjeçarit, ku janë sekuestruar 5400 euro që ishin përfituar nga aktiviteti criminal, gjithashtu edhe material po paketimin e marjuanës.

Operacioni kundër shpërndarjes së drogës në rrugë, vjen pas atij të emëruar “Rexton”, ku është shkatërruar një strukturë kriminale ndërkombëtare e përbërë nga trafikantë shqiptarë dhe marokene që menaxhonin dhe trafikonin hashash dhe kokainë në Emilia Romanja dhe në rajonin e Lacios./abcnews.al

droga.jpg
G. P.11:42 | 11/02/2018

Policia greke ka zhvilluar një operacion në kufirin me Shqipërinë.
Mësohet se janë arrestuar 5 persona, të gjithë me kombësi shqiptare. Gjithashtu agjentët kanë zbuluar dhe sekuestruar 96 kilogramë marijuanë, e cila po trafikohej për në Greqi.
Operacioni është zhvilluar në Laka të Igumenicës. 5 shtetasit shqiptarë janë arrestuar ndërsa po kalonin kufirin në këmbë të ngarkuar me 4 çanta që përmbanin sasinë e drogës. Shqiptarët e arrestuar janë të moshës nga 26 deri në 50 vjeç. Gjithashtu atyre iu sekuestruan dhe 5 celularë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono