marijuane

130911251-f663953f-ee41-4c8e-b5f9-8b964be3ae46.jpg
ent ela14:01 | 31/10/2019

Blinin heroinë dhe marijuanë nga shqiptarët dhe ua shisnin kalabrezëve. Në këmbim nga ndrangheta merrnin kokainë, për t’u shitur në sheshet e veriut të Barit. Tre burra u arrestuan nga skuadra e lëvizshme e Barit, në ekzekutim të një urdhri paraburgimi të nënshkruar nga gjykatësi hetues Annachiara Mastrorilli me kërkesë të prokurorit Giuseppe Maralfa.

Sipas mediave italiane në pranga përfundoi shqiptari 30 vjeçar Emiljano Mustafa dhe dy italianët Davide Daddato 51 vjeç dhe Umberto Di Benedetto, 43  vjeç.

Sipas policisë, ata ishin pjesë e një organizate ndërkombëtare të trafikut të drogës.

Sekuestrime të mëdha droge u kryen dy vjet më parë, duke filluar nga 12 pako heroinë që peshonin katër kilogramë të sekuestruara në 27 Shtator 2017, për të arritur deri te sekuestrimi i 4 kilogramëve heroinë  66-vjeçarit nga Molfetta, Giacchino Spadavecchia, i cili sapo kishte zbritur nga një traget që vinte nga Durrësi.

Nga ai episod u kuptua se sasi të mëdha droge udhëtonin në Adriatik, duke u drejtuar drejt veriut të Barit dhe më saktë drejt disa kutive në dispozicion të Di Benedetto, në lagjen Superga të Trani. Atje u mbajtën 100 kilogramë marijuanë të cilat, më 30 janar 2018, Umberto Barretta po i transportonte për në Siçili, si edhe 15 kilogramët e heroinës që, më 11 Prill 2018, Giuseppe La Regina  nga Kalabria kishte ardhur për t’i blerë në Puglia. /abcnews.al

mediat-greke.jpg
ad min12:20 | 03/10/2019

Mediat greke publikojnë detaje të reja për sekuestrimin e 2.5 tonë drogë të llojit marijuanë nga Shqipëria. Sipas raportimeve të tyre, trafikantët ndiqnin lajmet për të ndryshuar itinerarin ndërsa droga fshihej nëpër shpella dhe shkëmbinj.

Droga e llojit marijuanë transportohej me tonelata vetëm nëse moti ishte me rrufe apo me erëra të forta. Trafikantët madje ndiqnin lajmet për të ndryshuar itinerarin e tyre nëse do të ishte e nevojshme.

Janë këto disa nga detajet e publikuara nga mediat greke për sekuestrimin e 2.5 tonë marijuanë që vinte nga Shqipëria për në Greqi. Droga transportohej me skafe të modifikuar në mënyrë që shpejtësia të ishte e lartë dhe fshihej në shpella dhe shkëmbinj, ndërsa në Turqi shkëmbehej me heroinë.

Dy skafet transportonin 2.5 tonë marijuanë nga Vlora për në Turqi ku do të shkëmbehej me 150 kilogramë heroinë. Ky ishte informacioni i mbërritur tek policia greke që më pas u kalua tek rojet bregdetare, të cilët filluan menjëherë kërkimet në det.

Arsyeja e këtij shkëmbimi është rritja e kërkesës për marijuanë në Turqi, ku një kilogram kushton deri në 4 mijë euro, ndërsa në Greqi kushton një mijë euro. Ndërsa heroina do të shitej në Greqi dhe në Europë ku dhe është më e shtrenjtë.

Në 25 Shtator të këtij viti, skafi i parë u identifikua dhe policia vuri në pranga tre shtetas shqiptarë. Skafi e kishte lënë marijuanën në brigjet turke dhe po kthehej me heroinën, e cila ishte hedhur në det gjatë ndjekjes nga policia.

Operacioni i policisë, dhe pse duhej të mbahej sekret, u dëshmua dhe me një video, duke vështirësuar lokalizimin e skafit të dytë, që ndodhi aksidentalisht. Në 29 Shtator pra katër ditë më vonë, skafi u gjet i ndaluar në breg.

35-vjeçari shqiptar u tha agjentëve të policisë se ishte emigrant i paligjshëm, por ata nuk e besuan. Nga hetimet rezultoi se ai ishte pikërisht skafi i dytë, dhe të nesërmen në një shpellë aty pranë u gjetën 1 ton dhe 127 kilogramë marijuanë e paketuar.

Skafet ishin të pajisura me sisteme të tilla për të mos u gjurmuar dhe kishin një furnizimi që i lejonte të udhëtonin deri në 6 ditë në det. Trafikantët zgjidhnin pikërisht ditë me mot të keq për të lëvizur dhe për këtë arsye udhëtimi i tyre nisi në 24 Shtator.

Ata komunikonin online me njëri tjetrin dhe monitoronin agjencitë e lajmeve për të përmirësuar itinerarin e tyre. Dhe pasi u sinjalizuan nga policia ata nuk ndaluan por kërkonin ishuj të vegjël ku të mund të fshiheshin./ABC News Albania 24/7

policia-greke-marijuana.jpg
nev ila23:07 | 13/09/2019

Një sasi prej rreth 1 ton drogë është sekuestruar nga policia greke në rajonin e Janinës, ndërsa në pranga ka përfunduar një 30 vjeçar shqiptar.

Lënda narkotike po transportohej brenda një furgoni të mbyllur.

Më konkretisht, brenda tij ishin 951 kg e 650 gram kanabis, i cili u sekuestrua në kryqëzimin Eleousa në Janinë.

Shoferi 30-vjeçar i automjetit u arrestua ndërsa hetimi po vijon nga sektori kundër Drogës në Drejtorinë e Sigurisë në Janinë.

Policia greke ende nuk ka dhënë detaje të hollësishme për rastin./abcnews.al

082147157-8676fbdf-fc44-4dc4-ac54-f498b48d3644.jpg
ad min15:54 | 26/04/2019

Mbrëmjen e së enjtes policia italiane në Pulia ka ndaluar një gomone me 1.5 ton marijuanë në brigjet e Maria di Leuka. Dy skafistët shqiptarë, më pas të arrestuar, hodhën një pjesë të sasisë së drogës në det dhe u përpoqën të largoheshin. Por pas ndalimit nga policia italiane, në gomone u gjetën 71 pako me marijuanë me peshë 1.5 ton, e cila kap vlerën e 15 milion eurove.

Gomonia ishte e gjatë 10 metra dhe ishte modifikuar me dy motorë të fuqishëm. Dy shqiptarët e arrestuar akuzohen për mbajtje dhe trafik ndërkombëtar substancash narkotike./abcnews.al

droga.jpg
ad min14:37 | 09/02/2019

Kapet rreth 61 kilogramë marijuanë në kufirin greko-shqiptar. Droga u bllokua në Kostur, ku u ndalua mjeti që drejtohej nga një shqiptar 24vjeç, i cili është vënë në pranga.

Brenda në makinë u gjetën dhe sekuestruan 2 çanta me 36 pako që përmbanin mbi 60 kilogramë marijuanë. Në cilësinë e provës materiale, policia ka sekuestruar edhe një celular dhe 95 euro./abcnews.al

marijuana.jpg
ad min11:02 | 20/11/2018

Një operacion i gjerë i policisë italiane me bashkëpunimin dhe të policisë spanjolle dhe austriake ka rezultuar me arrestimin e 20 personave, anëtarë të një organizate që merrej me trafikun e drogës. Mes të arrestuarve janë shtetas shqiptarë, italianë, moldavë dhe ukrainas.

Gjithashtu janë sekuestruar materiale me një vlerë prej një milion euro. Hetimet kanë nisur në Prill të 2017-s. Organizata importonte nga Spanja sasi të konsiderueshme marijuane, e cila më pas shitej në Itali, pranë shkollave ku pjesa më e madhe e klientëve ishin minorenë./abcnews.al

droga-1280x635.jpg
ad min10:45 | 17/11/2018

Policia italiane ka arrestuar 6 persona në lidhje me trafikun e një sasie prej 250 kilogramësh marijaune dhe gjysmë kilogrami kokaine. Operacioni për arrestimin e personave u zhvillua mëngjesin e sotëm.

Ndërsa droga është kapur verën e këtij viti dhe sipas mediave italiane dyshohet se vinte nga Shqipëria. Lënda narkotike ishte fshehur në brendësi të tubave të një gomoneje, ndërsa vijojnë hetimet për të zbuluar rrjetin e plotë të trafikut të drogës./abcnews.al

drogaaa.png
ad min10:58 | 11/10/2018

Një tjetër ngarkesë me marijuanë është kapur nga autoritetet italiane në Kanalin e Otrantos. Këtë herë në pranga ka rënë një 41-vjeçar italian nga qyteti i Leçes ndërsa mediat shkruajnë se ngarkesa po i drejtohej brigjeve të Italisë.

Droga ishte fshehur në një fund të dyfishtë në skaf që u zbulua pas kontrollit të imtësishëm të Guardia Di Finanzia. Në total u gjetën 222 pako, të cilat peshonin 352 kilogramë. Në treg droga do të kishte një vlerë prej 3 milionë eurosh.

Gjithashtu autoritetet sekuestruan edhe skafin e përdorur për trafikun e jashtëligjshëm.

Mediat italiane shkruajnë se ky aksion tregon bashkëpunimin e konsoliduar operacional dhe informativ mes autoriteteve shqiptare dhe Guardia Di Finanzias italiane. Që nga fillimi i vitit në vijën bregdetare italiane janë sekuestruar më shumë se 17 tonë marijuanë, janë arrestuar rreth 40 skafistë dhe janë bllokuar 17 mjete lundruese./abcnews.al

droga.jpg
ad min10:50 | 30/08/2018

Policia e Shtetit në bashkëpunim me Guardia di Finanza finalizuan një operacion dhe bënë të mundur sekuestrimin e një skafi që autoritetet shqiptare i ishin vënë në ndjekje që të mërkurën.

Mjeti lundrues u gjend në afërsi të lokalitetit Sant Andrea të Otrantos dhe drejtohej nga dy shqiptarë, A.R, 30 vjeç dhe D.G, 22 vjeç.

Të mërkurën e 29 Gushtit, Policia Kufitare e Vlorës mbi bazën e informacioneve të marra në rrugë operative u vu në ndjekje të skafit. Por pasi humbën kontaktet dhe mjeti hyri në ujërat ndërkombëtare, policia njoftoi autoritetet italiane dhe nisi koordinimi i veprimeve.

Operacioni mes dy palëve u finalizua mëngjesin e kësaj të enjteje, ku u sekuestruan 700 kilogramë marijuanë. Ndërkohë po vijojnë hetimet në dy anët e Adriatikut për kapjen e personave të tjerë të përfshirë në këtë tentativë trafiku.

Për rastin është njoftuar edhe Prokuroria e Krimeve të Rënda./abcnews.al

platancion.jpeg
ad min08:44 | 20/08/2018

Dy shqiptarë janë arrestuar nga policia italiane për kultivim, prodhim dhe posedim të lëndëve narkotike. Artur Kurti dhe Masimo Vlashi, të dy 28-vjeçarë u kapën më 17 Gusht në një zonë të pyllëzuar përgjatë lumit Po.

Ata kishin ngritur një plantacion të gjerë ku kultivonin marijuanë. Shqiptarët shërbenin në rritjen dhe ruajtjen e lëndës narkotike. Sipas mediave, rrënjët e drogës kishin arritur deri në dy metra gjatësi.

Autoritetet bllokuan në total 391 rrënjë marijuanë, 4 kilogramë marijuanë në proces tharjeje dhe 3 kilogramë marijuanë e përpunuar dhe gati për të dalë në treg. Gjithashtu ata sekuestruan disa materiale të ndryshme që shërbenin për prodhimin e marijuanës.

Autoritetet besojnë se Kurti dhe Vlashi janë dy punëtorë të thjeshtë dhe se prapa tyre qëndron një grup i fuqishëm kriminal. Mediat italiane shkruajnë se po hetohet për të zbuluar anëtarët e tjerë të këtij grupi./abcnews.al

isola_della_marijuana_3
isola_della_marijuana_4
isola_della_marijuana_2
i_f7a90bdf65


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono