marijuana

imagen-sin-titulo.jpg
nev ila15:00 | 23/10/2019

Katër shtetas shqiptarë u arrestuan nga policia spanjolle pasi u zbulua se kishin ndërtuar tre plantacione me marijuanë në një park natyror. Gjatë arrestimit u sekuestruan më shumë se 2 ton marijuanë.

Policia spanjolle ka vënë në pranga një grup criminal, të përbërë prej katër shtetasish shqiptarë, të cilët kultivonin marijuanë në parkun natyror “Serrania de Cuenca”. Agjentët e policisë zbuluan tre plantacione me marijuanë që ishin të fshura mes pishave në një zonë me bimësi të dendur ku ishte e vështirë të kaloje.

Shqiptarët kishin ndërtuar një kamping nga ku kishin mundësinë të monitoronin 24 orë rritjen e bimëve të marijuanës. Policia bëri të ditur se falë sinjalizimeve të qytetarëve u bë i mundur sekuestrimi i më shumë se 2 ton marijuanë. Mediat spanjolle shkruajnë se hetimet kanë nisur në muajin tetor, ku agjentët e policisë u njoftuan nga qytetarët për praninë e shqiptarëve Brenda parkut natyror.

Në më pak se një javë policia zbuloi bazën e tyre të veprimit në një zonë të vështirë për të hyrë, ku duhej ecur në këmbë për të paktën 30 minuta. Katër shqiptarët gjithashtu kishin krijuar një system të sotisfikuar ujitjeje të cilin e kishin kamufluar mes bimëve të tjera.

Përvec sasisë se konsiderueshme të marijuanës u gjetën dhe 1600 euro cash, një automjet, katër aparatë celularë dhe një peshore elektronike ./abcnews.al

polizia_arresto.jpg
nev ila13:55 | 29/08/2019

Autoritetet italiane kanë arrestuar në Bologna një shtetas shqiptar me iniciale N. R,  i lindur në 1990, pasi u gjet nën posedim të 2 kuintal marijuana (208 kg).

Një patrullë e Seksionit të Antidrogës të Njësisë së Policisë Ekonomiko-Financiare të Bolonjës, në kuadër të luftës kundër trafikimit të paligjshëm, ka identifikuar një makinë pranë daljes së autostradës Bologna- Fiera, e cila pas sinjalit të policisë për të ndaluar, kishte nxituar t’i shpëtonte patrullës.

Menjëherë policia është vënë në ndjekje të automjetit të cilën arritën ta ndalonin pas disa kilometrash.

Gjatë kontrollit, policia gjeti në brendësi të automjetit, njëqind pako marijuanë me një peshë totale prej 208 kg të cilat nëse hidheshin në tregun me pakicë, do të kishin sjellë fitime të konsiderueshme, me mbi 1 milion e 200 mijë euro.

29 vjeçari u arrestua dhe u dërgua në Gjykatën e Qarkut lokal të Bolonjës në dispozicion të autoriteteve atje./abcnews.al

shkoder.jpg
ent ela21:39 | 03/07/2019

Policia e Shkodrës ka sekuestruar 205 kg drogë dhe ka vënë në pranga pesë persona. Të arrestuarit gjatë operacionit  “PREKALORI“ janë Zef Kola, 53 vjeç, kryetar i grupit kriminal, Genti  Meçaj, 31 vjeç, bashkëpunëtori kryesor i kryetarit të grupit, Kristjan  Melaj,  28 vjeç,  Elvis H ysaj, 29 vjeç, dhe Xhuzepe  Delaj, 21 vjeç, të tre anëtarë të grupit kriminal.

Sasia e lëndës narkotike është gjetur në një furgon, ku do te kryhej shkëmbimi i marijuanës.

Ky operacion u zhvillua në bazë të hetimeve të kryera, mbi këtë grup kriminal, i cili organizonte  trafikimin e drogës nga qyteti i Koplikut në drejtim të Malit të Zi. /ABC News Albania 24/7

1600x900_1557556173022.gdf_.png
ent ela11:37 | 11/05/2019

Policia italiane sekuestroi 400 kg kanabis në një gomone që po u drejtohej brigjeve të Salentos si dhe arrestoi dy trafikantët shqiptarë. Nëse do të  hidhej në treg, lënda narkotike që ishte ndarë në 14 pako të mëdha, llogaritet se do të kapte vlerën e 4 milionë eurove.

Operacioni zgjati disa orë në det dhe pas ndjekjes, u arrit bllokimi i gomones 6 metra e gjatë dhe arrestimi i trrafikantëve. Që nga fillimi i vitit, nga Guardia di Finanza në Puglia, janë sekuestruar rreth 3 ton drogë, 9 gomone, ndërsa janë arrestuar 70 persona. /ABC News Albania 24/7

KANADA-KANABISI_ABC-M1-T1.mpg_snapshot_00.34-1280x723.jpg
ad min13:10 | 17/10/2018

Nga sot ka filluar zbatimi i ligjit për përdorimin dhe posedimin e ligjshëm të marijuanës. Menjëherë në pikat e shitjeve janë regjistruar radhë të gjata.

Që prej datës 17 tetor, në Kanada është e ligjshme shitja dhe posedimi i marjuanës për përdorim rekreativ. Në orët e para të së mërkurës është regjistruar edhe blerja e parë në një qendër ku ishte formuar një radhë e gjatë me qindra persona. Kanadaja është vendi i dytë në botë, pas Uruguait, ku posedimi dhe përdorimi i kanabisit është i ligjshëm. Ligji për përdorimin e marihuanës rekreative u miratua në qershor.

Qëllimi i liberalizimit është goditja e biznesit të shitjes së drogave “të lehta” nga krimi i organizuar. “Ne – tha kryeministri Justin Trudeau, në prag të reformës – nuk legalizojmë marihuanën sepse mendojmë se është mirë për shëndetin tonë. E bëjmë sepse e dimë se nuk është mirë për fëmijët tanë. E dimë që duhet të bëjnë një punë më të mirë për të mbrojtur fëmijët tanë dhe për të eliminuar dhe për të zvogëluar masivisht fitimet e krimit të organizuar”.

Akti i Kanabisit ishte një premtim zgjedhor i bërë nga Trudeau në vitin 2015 dhe zbatimi i ligjit do të vlerësohet para zgjedhjeve të ardhshme të 2019, në mënyrë që të mund të verifikohet nëse ishte apo jo një sukses. Trudeau pranoi në vitin 2013 se ai kishte tymosur kanabis pesë ose gjashtë herë në jetën e tij: mes tyre, pas një darke në të cilën ai festoi zgjedhjen e tij në Parlament me miqtë. Megjithatë, kryeministri ka përjashtuar se ai dëshiron të përfitojë nga ligji i ri: zyra e tij ka deklaruar se kryeministri “nuk ka ndërmend të blejë ose të konsumojë kanabis pasi të legalizohet”./abcnews.al

MBULIM-SHQIPTARET-ITALI.mpg_snapshot_00.01.jpg
ad min12:58 | 02/10/2018

Policia italiane ka arrestuar dy shtetas shqiptare, të cilët akuzohen për posedim dhe trafikim droge. Lajmi bëhet i ditur nga mediat italiane, që citojnë autoritetet policore vendase. Mësohet se gjatë operacionit të zhvilluar në Raguza, u gjeten dhe sekuestruan 190 kilogramë marijuanë. Dy shqiptarët e arrestuar 26 dhe 28 vjeç dyshohet se ishin punësuar thjesht për të transportuar lëndën narkotike.
Në operacion, policia sekuestroi edhe 3 mijë euro. Ndërkohë, mediat italiane shkruajnë se nëse droga e sekuestruar do të shitej në treg, trafikantët do të përfitonin deri në 1.5 milionë euro./abcnews.al

droga-ne-igumenice.jpg
ent ela13:55 | 26/08/2018

125 kg marijuanë janë kapur në orët e para të së dielës në kufirin greko-shqiptar. Burime konfidenciale nga policia e Igumenices, e cila ende nuk ka dalë në deklaratë zyrtare për shtyp, bëjnë me dije se janë arrestuar Andrea Aliaj, 24-vjeç, lindur në Vlorë dhe Bledar Zotaj, 34-vjeç, lindur në Greshkë. Operacioni u zhvillua në një zonë pyjore në Leptokaria të Thesprotisë. Dy të arrestuarit e kishin fshehur drogën në 77 pako në çanta udhëtimi.

34 vjeçari Zotaj ishte në kërkim nga policia greke, pasi ishte arratisur në vitin 2013 nga burgu i Patrës. /abcnews.al

556E273A-6DD9-455D-AD5B-1C9B7F2B914A_cx6_cy1_cw91_w1023_r1_s-933x445.jpg
ent ela23:42 | 11/07/2018

“Shqipëria është vendi i origjinës së shumicës së sasive të marijuanës që kanë si destinacion tregjet italiane dhe evropiane”. Pohimi vjen nga Drejtoria Qendrore për Shërbimet e Antidrogës në Itali, e cila sapo ka publikuar “Raportin Vjetor” në lidhje me vitin 2017. “Importet e marijuanës në Itali janë rritur ndjeshëm duke arritur në vitin 2017 në një rekord të konfiskimeve, mbi 90 ton nga rreth 41 tonë që ishin në vitin 2016”, vlerëson Raporti duke shtuar se “trendi i konfiskimeve në Itali, lidhet me kultivimin e marijuanës në Shqipëri. Raporti përmend rastin në 2017 “të konfiskimit më të madh të kryer ndonjëherë, në rajonin e Marche-ve, të barabartë me 8 ton marijuanë, të cilat kishin si destinacion Europën Veriore”.

Raporti i antidrogës italiane vlerëson se “ për më tepër klanet shqiptare kanë treguar se kanë një aftësi në rritje të menaxhimit në kultivimin e marijuanës dhe trafikimit të saj”. Sipas dokumentit, ato përdorin bimë me rendiment të lartë dhe metodat gjithnjë e më të larmishme të fshehjes, kultivimit dhe transportimit në brigjet italiane. Nisur nga përmasat e trafikut, sipas Raportit “grupet e krimit shqiptar konkurrojnë me organizata të tjera kriminale për kontrollin e pjesëve të rrugëve të trafikimit që arrijnë në Itali, si dhe për menaxhimin e rrjeteve të shpërndarjes së drogës . Nga të dhënat e raportit shqiptarët zinin vendin e parë në rrjetet kriminale të huaja të narkotrafikut të përfshirë në trafikun e drogës me 25 nga 94 gjithsej. Pas tyre vijnë rrjetet nga Gambia dhe Maroku.

Raporti vlerëson se 94 rastet e raportuara në vitin 2017 të trafikimit të drogës janë më të lartat në dekadën e fundit ndërkohë që vlera më e ulët shënohej në vitin 2011, me 49 raste. Raporti i Antidrogës italiane vlerëson se “rrugët e trafikut të drogës që çojnë drejt kufijve të shtetit italian mbetën të pandryshuara. Shumica e drogave të konfiskuara, afërsisht 95% u kapën jashtë vijës bregdetare, në ujërat territoriale dhe përgjatë kufijve detarë”, vlerëson raporti.

Në zonat kufitare lidhur me trafikun e marijuanës shënohet edhe numri më i madh i shqiptarëve të arrestuar, 41 persona nga 93 të huaj të ndaluar në kufijtë italianë përgjatë vitit 2017 me ngarkesa marijuane.

Por grupet shqiptare nuk e kanë kufizuar aktivitetin e tyre vetëm në trafikun e marijuanës. Raporti i Antidrogës italiane shpreh shqetësimin se “së bashku me ‘Ndrangheta’ në Kalabri, e cila falë një rrjeti kompleksish të lidhjeve ndërkombëtare ka ende një rol kyç në trafikimin e kokainës në Itali, gjatë vitit 2017, dolën në pah, disa grupe të ashpra të krimit të huaj, të përbërë nga shtetas marokene, nigerianë dhe shqiptarë. Veçanërisht këta të fundit, si dëshmi e një hopi cilësor në aftësitë e tyre operative, konkurrojnë me grupimet e tjera kriminale, kontrollin e segmenteve të rrugëve të trafikut në Itali dhe drejtimin e rrjeteve të shpërndarjes në territorin kombëtar të substancave kryesore narkotike”.

Sipas shifrave të publikuara në raport shtetasit shqiptarë vijnë të dytët në personat e huaj të arrestuar për trafik dhe shpërndarje të kokainës (me rreth 1.100 persona të arrestuar) . Raporti vlerëson se nga 14,000 persona të huaj që janë përfshirë në vepra të drogës në Itali përgjatë vitit 2017, nga të cilt janë arrestuar më shumë se 10 mijë, rreth 2.000 persona kanë qenë nga Shqipëria

Raporti i policisë italiane vë në dukje shtrirjen e aktivitetit edhe në Europë të grupeve shqiptare të cilat “renditen mes atyre më aktive, sa i përket mundësive operative, duke nisur nga aftësitë e kontrollit në fazën e zbarkimit dhe tërheqjes së furnizimit në portet holandeze dhe belge, të përdorura për futjen në Europë të kokainës, duke shfrytëzuar aftësitë e infiltrimit në strukturat logjistike dhe portuale të lëvizjeve të kontenierëve. Hetimet – sipas Raportit – kanë dokumentuar organizimin kapilar të rrjetit të shpërndarjes së kokainë në territorin europiane që lidhet me organizata kriminale shqiptare, si dhe mundësitë e mëdha në mjete dhe persona që përdoren për këtë qëllim”./VOA

DSC_0215-2.jpg
ent ela11:45 | 05/05/2018

Policia italiane ka arrestuar dy femra shqiptare për posedim të lëndëve narkotike. Lajmi bëhet i ditur nga mediat italiane. Identiteti i tyre nuk bëhet i ditur, por zbulohet se ato janë nënë e bijë, përkatësisht 44 dhe 23 vjeç. Gjatë operacionit të agjentëve në qytetin Bitonto në rajonin e Barit, është bërë e mundur gjetja dhe sekuestrimi i 2 kilogramëve marijuanë. Dy shqiptaret e fshihnin lëndën narkotike në banesën e tyre. Ndërkohë, hetimet për këtë çështje vijojnë. Autoritetet italiane kërkojnë të mësojnë nëse dy shqiptaret kanë lidhje me ndonjë organizatë kriminale. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono