Maratona e Tiranës

72487981_443091856559945_1086203727443918848_n-1280x720.jpg
ent ela12:27 | 13/10/2019

Edicioni i katërt i Maratonës së Tiranës është dominuar sërish nga sportistët kenian, të cilët kanë qenë fitues të gjysmë-maratonës me gjatësi 21, 0975 km. Ndërkohë që rekordmenia shqiptare, Luiza Gega, u shpall fituese e kategorisë Tirana 10K me kohën 00:33:42, e cila arriti të thyejë sërish rekordin kombëtar.

Fitues i garës së Gjysmë Maratonës (21, 0975 km) për meshkuj doli sportisti nga Kenia Laban Cheruiyot, i cili e realizoi për kohën 01:06:44, ndërsa për femra fituese doli një tjetër sportiste nga Kenia, Christine Moraa Oigo, e cila e realizoi për kohën 01:20:32.

Ndërkohë që në garën Tirana 10K fitues për meshkuj doli Hillary Kiptum Maiyo Kimaiyo me kohën 00:29:57, po nga Kenia. Ndërsa për femra fituese u shpall rekordmenia shqiptare, Luiza Gega me kohën 00:33:42.

Maratona e Tiranës organizohet për të katërtin vit radhazi nga Bashkia e Tiranës dhe është kthyer në një traditë të bukur për kryeqytetin si aktiviteti më i madh sportiv që zhvillohet në Shqipëri. Në këtë maratonë garuan mbi 2500 sportist amator dhe profesionistë nga 42 shtete të ndryshme.

 

Fituesit e Half Marathon 21, 0975 Km) për meshkuj

  1. Laban Cheruiyot Kenya            01:06:44.323
  2. Evans Kipngetich Tanui Kenya   01:06:47.584
  3. Moses Kipruto Kibire Kenya   01:10:32.679

 

Fituesit e Half Marathon 21, 0975 Km) për femra

  1. Christine Moraa Oigo Kenya 01:20:32.936
  2. Gladys Jepkurui Biëott Kenya 01:24:53.098
  3. Anna Pedrazzini Albania 01:30:28.526

 

Fituesit e Tirana 10k për meshkuj

  1. Hillary Kiptum Maiyo Kimaiyo Kenya 00:29:57.276
  2. David Nikolli Italy           00:30:06.888
  3. Ndiëa Kipkurui Sakon Kenya 00:30:11.966

 

Fituesit e Tirana 10k për femra

  1. Luiza Gega Albania               00:33:42.203
  2. Cveta Trajce Albania               00:36:43.047
  3. Relaksa Dauti Albania               00:38:48.040

 

Fituesit e Kategorisë Ëe Too

  1. Dovlet Gjangolli Albania 00:08:15.090
  2. Erblin Karaj Albania 00:08:42.289
  3. Saimir Ustabeqiri Albania 00:08:51.109

 

72454363_1408942602615590_7817495040325844992_n.jpg
ent ela08:36 | 13/10/2019

Kryeqyteti do të mirëpresë sot për të katërtin vit radhazi Maratonën e Tiranës. Për të marrë në garë janë regjistruar pjesë mbi 2500 vrapues nga 42 shtete të botës

Numri në rritje i pjesëmarrësve ndër vite është një tregues i mirë që ky konkurs është bërë i dëshirueshëm për qytetarët e Tiranës dhe më gjerë.

Edicioni i 4-të i këtij eventi, i cili tani është një traditë, organizohet me miratimin e Federatës Botërore e Atletikës, duke dhënë besueshmërinë e një veprimtarie ndërkombëtare dhe me mbështetjen e Federatës Shqiptare të Atletikës.

Gara do të zhvillohet në 3 kategori;

1.Gjysmë Maratona (21 km)

2.Tirana 10K

  1. “Edhe Ne”.

Dje , një ditë para garës së madhe , u organizua “Fun Run”, një garë mes nxënësve të shkollave të mesme të Tiranës.

Itineraret, të miratuara nga IAAF – Shoqata Ndërkombëtare e Federatave të Atletikës, do të përshkruajnë pikat më tërheqëse të qytetit, në mënyrë që gara të mos jetë vetëm sfiduese, por edhe argëtuese.

Çmimet për fituesit do të jenë mjaft joshëse, duke e kthyer garën në një sfidë!

Ajo që bën të veçante është itinerari panoramik dhe pjesëmarrja e disa sportistëve profesionistë që kërkojnë të thyejnë rekorde.

Me qëllim organizimin dhe mbarëvajtjen e aktivitetit më të madh sportiv që zhvillohet në vendin tonë, Bashkia e Tiranës, në bashkëpunim me Policinë e Shtetit, ka hartuar një plan masash për organizimin e lëvizjes së automjeteve gjatë zhvillimit të maratonës. /abcnews.al

72454363_1408942602615590_7817495040325844992_n.jpg
ent ela16:43 | 12/10/2019

Nesër kryeqyteti do të mirëpresë për të katërtin vit radhazi Maratonën e Tiranës, ku janë regjistruar për të marrë pjesë vrapues nga shumë shtete të botës. Me qëllim organizimin dhe mbarëvajtjen e këtij aktiviteti sportiv, Bashkia e Tiranës, në bashkëpunim me Policinë e Shtetit, ka hartuar një plan masash. Shefi i Kontrollit të Territorit  në Bashkinë e Tiranës, Toni Beni,  ka sqaruar edhe itinerarin dhe ndryshimin e qarkullimit të automjetit në segmentet ku do të zhvillohet Maratona e Tiranës.

“Starti dhe finishi i maratonës do jetë sheshi ‘Skënderbej’. Edhe transporti urban do vijojë në rrugët alternative. Bashkëpunimi me Policinë e Shtetit nuk ka munguar asnjëherë. Është shtuar numri i policëve bashkiake të angazhuar. Po fokusohemi në këtë aktivitetet, që të sigurojmë sa më shumë qytetarët dhe pjesëmarrësit në garë. Duam që qytetarët e Tiranës të na mirëkuptojmë për ato pengesa që do hasin përgjatë itinerarit ku do kalojë maratona. Këtë vit risi është fakti, që kemi një njësi me biçikleta të Policisë Bashkiakë, të cilët do të jenë aktivë gjatë këtij aktiviteti. Edhe një apel i fundit qytetarëve për t’iu bashkuar kësaj maratone, për të ndihmuar garuesit në ato raste kur është e nevojshme, dhe për të treguar qytetarinë e Tiranës”, deklaroi Toni Beni.

Kufizimi i qarkullimit (dhe i parkimit) të automjeteve do të bëhet si më poshtë:

  • Ndalohet qarkullimi në sheshin “Nënë Tereza” duke vazhduar në gjithë bulevardin “Dëshmorët e Kombit” deri në lulishten “Këshilli i Europës”, nga ora 09:00 deri në orën 12:00 të datës 12 Tetor 2019. Në të gjitha segmentet rrugore që kryqëzohen me itinerarin e sipërcituar. pezullohet sensi dalës për në këtë rrugë.
  • Qarkullimi i automjeteve, mjeteve të emergjencës dhe Policisë së Shtetit do të bëhet si më poshtë:
  1. a) Në rrugët “Lek Dukagjini”, “Ibrahim Rugova”, “Abdyl Frashëri” dhe “Papa Gjon Pali II;
  2. b) Në kryqëzimin e rrugës “Abdyl Frashëri” me rrugën “Ibrahim Rugova”, drejtime të detyruara në funksion të pezullimit të qarkullimit në segmentin e rrugës “Abdyl Frashëri” me dalje në bulevardin “Dëshmorët e Kombit”.
  3. c) Në kryqëzimin e bulevardit “Bajram Curri” me rrugën “Ibrahim Rugova”, drejtim i detyruar djathtas.
  4. d) Në kryqëzimin e rrugës “Myslym Shyri” me rrugën “Ibrahim Rugova”, drejtim i detyruar djathtas.
  5. e) Në kryqëzimin e rrugës “Ismail Qemali” me rrugën “Papa Gjon Pali II, drejtime të detyruara në funksion të pezullimit të qarkullimit në segmentin e rrugës “Ismail Qemali” me dalje në bulevardin “Dëshmorët e Kombit”.
  6. j) Në kryqëzimin e b.l.v. “Zhan D’Ark” me urën e rrugës së “Elbasanit”, drejtime të detyruara në funksion të pezullimit të qarkullimit në segmentin e b.l.v.”Zhan D’ Ark” me dalje në bulevardin “Dëshmorët e Kombit”. 1.1. Itinerari i lëvizjes së mjeteve linjës urbanë do të pezullohet përgjatë gjithë bulevardit “Dëshmorët e Kombit” dhe sheshit “Nënë Tereza”, sikurse në të gjitha segmentet rrugore që kryqëzohen me itinerarin e sipërcituar si më poshtë:
  • Linja Nr 1/A “Selitë-Kristal-Qendër –Stacioni i Trnit-Allias dhe 1/B”Kodra e Diellit 2-Kristal-Qendër-Stacioni i Trenit-Allias” devijon te “Myslym Shyri” detyrues djathtas për të vazhduar te “Ibrahim Rugova”- b.v.l “Gjergj Fishta”. Pjesa tjetër e linjës devijon te (Ministria e  Drejtësisë) nga “Zogu 1″drejtim i detyruar majtas për të vazhduar te “Dervish Hatixhe” dhe rr “Barikadave”.
  • Linja Nr. 2 “Teg- Sauk i Vjetër-Kopshti Zoologjik- Ish Stacioni i Trenit” devijon te sheshi “Uillsin”.
  • Linja Nr. 3 “Kashar-Yzberisht-Qendër” devijon në “unazën e mesme” te sheshi Mustafa Qemal Ataturku” (21 Dhjetori) dhe sheshi “Karl Topia” (Zogu i Zi).
  • Linja Nr. 4 “Qendër – QTU – Megatek – City Park” devijon duke u kthyer te sheshi “Karl Topia” (Zogu i Zi).
  • Linja Nr. 5 /A “Ish Kombinati i Autotraktorëve – Qendër” devijon duke u kthyer te ura e rrugës “Elbasanit”.
  • Linja Nr. 5 /B “Institut – Qendër” devijon duke u kthyer te sheshi “Karl Topia” (Zogu i Zi).
  • Linja Nr. 8 “Ish Stacioni i Trenit – Qendër – Sauk i Ri/ Sauk i Vjetër/ Sanatorium – Teg” devijon në kryqëzimin e rrugës së “Elbasanit” detyruese majtas për të vazhduar në rrugën “Ismail Qemali” – “Papa Gjon Pali II” – b.l.v “Bajram Curri” – “Elbasanit”.
  • Linja Nr. 9 “Qyteti Studenti – Jordan Misja” devijon në kryqëzimin e rrugës së “Elbasanit” detyruese majtas për të vazhduar në rrugën “Ismail Qemali” – “Papa Gjon Pali II” – b.l.v “Bajram Curri” – “Elbasanit”. Pjesa tjetër e linjës devijon te (Ministria e Drejtësisë) nga “Zogu 1” drejtim i detyruar majtas për të vazhduar te “Dervish Hatixhe” dhe rr. “Barrikadave”.
  • Linja Nr. 10/A “Materniteti i Ri – Qendër – Ish Fusha e Aviacionit” devijon te ura e rrugës së “Elbasanit” dhe pjesa tjetër te rruga e “Kavajës” te “Kisha”.
  • 10/B “Qendër – Mihal Grameno – Qendër” devijon te ura e rrugës së “Elbasanit”.
  • Linja Nr. 12/A “Uzina Dinamo e Re – Sharrë” devijon në “unazë të mesme” te kryqezimi i sheshit “Mustafa Qemal Ataturku” (21-dhjetori) duke vazhduar në sheshin “Karl Topia” (Zogu i Zi) – “ish-stacioni trenit” dhe kryqëzimet që intercektojnë me rrugën “Reshit Petrela”.
  • 12/B “5 Maji – Sharrë” devijon në “unazë të mesme” në kryqëzimin e sheshit “Mustafa Qemal Ataturku” (21-dhjetori) dhe kryqëzimet që intercektojnë me rrugën “Ferit Xhajko”.
  • Linja Nr. 13 “Tirana e Re” devijon te sheshi “Uillson” dhe te (Ministria e Drejtësisë) nga “Zogu 1” drejtim i detyruar majtas për të vazhduar te “Dervish Hatixhe” dhe rr. “Barrikadave”.
  • Linja Nr. 14 “Unaza” të devijojë te ura e rrugës së “Elbasanit dhe ura e rrugës “Sami Frashëri” (drejtoria policisë).
  • Linja Nr. 15 “Kombinat – Kinostudio të devijojë te rruga e “Kavajës” te “Kisha ortodokse” dhe pjesa tjetër në rrugën e ” Dibrës” në kryqëzimin me “Unazën e Vogël” detyruese drejt (prapa TOB).

1.1 Linjat “ndërqytetëse ushqyese” të Kamzës dhe Vorës do devijojnë në sheshin “Karl Topia”.

1.2. Ndalohet qarkullimi në sheshin “Nënë Tereza” duke vazhduar në gjithë bulevardin “Dëshmorët e Kombit”, rruga “Gjergj Filipi”, rruga “Dervish Hima” duke lejuar hyrjen nga rruga “Faik Konica”, rruga “Papa Gjon Pali II”, “Ismai Qemali” nga kryqëzimi me rrugën e “Elbasanit” deri “Ibrahim Rugova”. Segmenti rrugës së “Elbasanit” nga kryqëzimi i rrugës “Arben Broci” te ura e “Elbasanit”, segmenti i bulevardit “Bajram Curri” nga kryqëzimi me urën “Sami Frashëri” (Drejtorisë së Policisë) deri te ura e rrugës së “Elbasanit”, ura e rrugës së “Elbasanit”, bulevardi “Zhan D’Ark” nga kryqëzimi me urën e rrugës “Ali Demi” deri te ura “Sami Frashëri” (Drejtorisë së Policisë), rruga “George Ë. Bush”, rruga “Abdi

Toptani”, segmenti i “Unaza e vogël” nga kryqëzimi me rrugën e ” Dibrës” deri tek “Zogu I” rruga “Ded Gjon Luli”, segmenti i rrugës së ” Kavajës” nga kryqëzimi me “Ded Gjon Luli” deri me “Muhamet Gjollesha”, rruga “Ibrahim Rugova”, segmentit të rrugës “Adem Jashari” dhe rruga “Lek Dukagjini”, nga data 13 Tetor 2019 nga ora 05:00 deri ne orën 14:00. Ne te gjitha segmentet rrugore që kryqëzohen me itinerarin e sipërcituar, pezullohet sensi dalës për nga këto rrugë.

  • Qarkullimi i automjeteve, mjeteve të emergjencës dhe Policisë së Shtetit do të bëhet sipas planit të lëvizjes bashkëlidhur kësaj urdhërese si më poshtë:
  1. a) Në “Unazën e Mesme” përveç segmentit të b.l.v. “Bajram Curri” nga ura e “Drejtorisë së Policisë” deri tek “Rruga e Elbasanit”. “Luigj Gurakuqi”, e “Dibrës”, “E Barrikadave”, “Zogu 1” nga kryqëzimi me “Unaza e Mesme” deri te rruga “Fortuzi”, “E Durrësit” nga rrethrrotullimi “Karl Topia” deri te “Mine Peza”, “E Kavajës” nga “ura teknologjike” deri “21 Dhjetori”, “Myslym Shyri” nga kryqëzimi me rrugën “Muhamet Gjollesha” deri tek “Sami Frashëri”, “Vaso Pasha”, “Ismail Qemali” nga kryqëzimi me rrugën “Vaso Pasha” deri tek “Sami Frashëri”, “Abdyl Frashëri” nga kryqëzimin me sheshi “Uillson” deri tek “Vaso Pasha”.
  2. b) Në kryqëzimin e rrugës “E Elbasanit” me rrugën “Ismail Qemali”, në drejtim të detyruara në funksion të pezullimit të qarkullimit në segmentin e rrugës “Ismail Qemali” me dalje nga rruga “Papa Gjon Pali II”.

c)Në kryqëzimin e rrugës së “Elbasanit” dhe B.l.v. “Zhane D’Ark” me urën e Elbasanit” drejtime të detyruara përkatësisht djathtas dhe majtas.

  1. d) Në kryqëzimin e rrugës “E Barrikadave” me rrugën “E Dibrës”, drejtime të detyruara në funksion të pezullimit të qarkullimit në segmentin e “Unazës së Vogël” me dalje në rrugën “Zogu 1”.
  2. e) Në kryqëzimin e rrugës “Zogu 1” me rrugën “Fortuzi”, drejtime të detyruara në funksion të pezullimit të qarkullimit në segmentin e rrugës “Zogu l” me dalje në “Unazën e vogël”.
  3. f) Në kryqëzimin e rrugës “E Durrësit” me rrugën “Mine Peza”, drejtime të detyruara në funksion të pezullimit të qarkullimit në segmentin e rrugës “E Durrësit” me dalje në rrugën “Unazën e Vogël”
  4. g) Në kryqëzimin e “21 Dhjetori”, drejtime të detyruara në funksion të pezullimit të qarkullimit në segmentin e rrugës së “Kavajës”.
  5. h) Në kryqëzimin e rrugës “Myslym Shyri” me rrugën “Sami Frashëri”, drejtim i detyruar në funksion të pezullimit të qarkullimit në segmentin e rrugës “Myslym Shyri” me dalje në rrugën “Ibrahim Rugova”.
  6. i) Në kryqëzimin e “urës së policisë” drejtime të detyruara në funksion të pezullimit të qarkullimit në segmentin e b.l.v “Bajram Curri” me dalje në rrugën “Ibrahim Rugova”.
  7. j) Në kryqëzimin e rrugës “Pjetër Bogdani” me rrugën “Vaso Pasha”, drejtime të detyruara në funksion të pezullimit të qarkullimit në segmentin e rrugës “Pjetër Bogdani” me dalje në rrugën “Ibrahim Rugova”.
  8. k) Në kryqëzimin e rrugës “Abdyl Frashëri” me rrugën “Vaso Pasha”, drejtime të detyruara në funksion të pezullimit të qarkullimit në segmentin e rrugës “Vaso Pasha” me dalje në rrugën “Ibrahim Rugova”.
  9. I) Në kryqëzimin e rrugës “Adem Jashari”, drejtim të detyruar në funksion të pezullimit të qarkullimit në segmentin e rrugës me dalje në rrugën “Ibrahim Rugova”.
  10. m) Itinerari i lëvizjes së mjeteve linjave urbane do të devijohet si më poshtë:
  • Linja Nr. l/A”Selitë-Kristal-Qendër-Stacioni i Trenit-Allias” dhe l/B”Kodra e Diellit 2 – Kristal – Qendër – Stacioni i Trenit – Allias” devijon ng b.l.v. “Bajram Curri” (pranë urës së policisë) detyruese djathtas për në rrugën “Sami Frashëri”. Pjesa tjetër e linjës devijon nga “Zogu 1” drejtim i detyruar majtas për të vazhduar te “Dervish Hatixhe” dhe rr “Barrikadave” në kthim.
  • Linja Nr. 2 “Teg – Sauk i Vjetër – Kopshti Zoologjik – Ish Stacioni i Trenit” devijon te sheshi “Uillson”.
  • Linja Nr. 3 “Kashar-Yzberisht-Qendër” devijon në “unazën e mesme” te sheshi Mustafa Qemal Ataturku” (21 Dhjetori) dhe sheshi “Karl Topia” (Zogu i Zi).
  • Linja Nr. 4 “Qendër – QTU – Megatek – City Park” devijon duke u kthyer te sheshi “Karl Topia” (Zogu i Zi).
  • Nr. 5 /A “Ish Kombinati i Autotraktoreve – Qendër” devijon te Ura e “Brrylit” në b.l.v. “Bajram Curri” detyruese djathtas për të vazhduar në rrugën “Konti Leopold Bertold”.
  • Linja Nr. 5 /B “Institut – Qendër” devijon duke u kthyer te sheshi “Karl Topia” (Zogu i Zi)
  • Linja Nr. 6 “Laprakë” devijon nga “Zogu I” drejtim i detyruar majtas për të vazhduar te “Dervish Hatixhe” dhe rr “Barrikadave” në kthim.
  • Linja Nr. 8 “Ish Stacioni i Trenit – Qendër – Sauk i Ri/ Sauk i Vjetër/ Sanatorium – Teg” devijon te rruga “Elbasanit” rrethrrotullimi “Qyteti Studenti”.
  • Linja Nr. 9 “Qyteti Studenti” – “Jordan Misja” devijon nga “Zogu I” drejtim i detyruar majtas për të vazhduar te “Dervish Hatixhe” dhe rr.”Barrikadave” kurse pjesa tjetër e linjës në rrugën e ” Elbasanit” të rrethrrotullimi “Qyteti Studenti”.
  • Linja Nr. 10/A “Materniteti i Ri – Qendër – Ish Fusha e Aviacionit” devijon te ura “Ali Demi”.
  • 10/B “Qendër – Mihal Grameno -Qendër” devijon te rruga “Petro Nini Luarasi” pranë Shkollës së Baletit.
  • Linja Nr. 12/A “Uzina Dinamo e Re – Sharrë” devijon në “unazë të mesme” te kryqëzimi i sheshit “Mustafa Qemal Ataturku” (21-dhjetori) duke vazhduar në sheshin “Karl Topia” (Zogu i Zi) – “ish-stacioni trenit” dhe kryqëzimet që intercektojnë me rrugën “Reshit Petrela”.
  • 12/B “5 Maji – Sharrë” devijon në “unazë të mesme” te kryqëzimi i sheshit “Mustafa Qemal Ataturku” (21-dhjetori) duke vazhduar në sheshin “Karl Topia” (zogu i zi) – “ish-stacioni trenit” dhe kryqëzimet që intercektojnë me rrugën “Ferit Xhajko”.
  • Linja Nr. 13 “Tirana e Re” devijon te sheshi “Uillson” dhe pjesa tjetër nga “Zogu 1” drejtim i detyruar majtas për të vazhduar te “Dervish Hatixhe” në kthim.
  • Linja Nr. 14 “Unaza” të devijojë te ura “Ali Demi” dhe ura e rrugës “Sami Frashëri” (Drejtoria e Policisë).
  • Linja Nr. I5 “Kombinat – Kinostudio të devijojë te sheshi “Mustafa Qemal Ataturku” (21 dhjetori”) detyruese djathtas për të vazhduar në rrugën “Muhamet Gjollesha” – b.l.v. “Gjergj Fishta – “Ura teknologjike” dhe pjesa tjetër në rrugën e “Dibrës” në kryqëzimin me “Unazën e Vogël” detyruese drejt (prapa TOB).

 

43315865_2181490188761303_8911425482654744576_n-1280x720.jpg
ent ela09:13 | 07/10/2018

Ka startuar para pak momentesh maratona e Tiranës, e cila tashmë prej tre vitesh ka nisur rrugën e krijimit të një tradite sportive në kryeqytet. Nën kujdesin e Bashkisë së Tiranës dhe Federatës Shqiptare të Atletikës, më shumë se 2500 vrapues, 350 nga të cilët të huaj që vijnë nga 40 shtete të ndryshme, po sfidojnë veten në tre kategori të ndryshme, “We too”, “Half Marathon” (21, 0975 km) dhe “Tirana 10K”.

Në fjalën e tij përpara nisjes së maratonës, kryetari i Bashkisë së Tiranës, Erion Veliaj ndërsa falënderoi të gjithë pjesëmarrësit në këtë garë si dhe ata që e mundësuan atë, theksoi se ajo është një mundësi për të treguar që Tirana është një qytet që do progresin, sportin dhe jetën e shëndetshme. “E di që do të ketë shumë kompetitivitet, kanë ardhur disa sportistë profesionistë. Në fund fare, të gjithë e dimë, shpirti i maratonës, si ai ushtari i mirë i Athinës është të mbërrijë në destinacion dhe të themi që betejën e fituam. Suksese të gjithëve, jemi të gjithë fitimtarë në një qytet ku rrëzohemi dhe ngrihemi bashkë dhe jam i bindur që në fund fare të gjithë do përqafohemi si fitimtarë”, tha Veliaj.

Ai theksoi se kjo maratonë ka një tjetër të veçantë pasi kurorat për fituesit kanë ardhur nga zona e maratonës në afërsi të Athinës, pikërisht aty ku ka lindur kjo garë. “Kjo është hera e tretë që ne organizojmë Maratonën e Tiranës. Kësaj here fituesit do të kenë dhe kurorat e Ullirit posaçërisht nga Maratona pranë Athinës, origjinale nga i njëjti vend ku nisi maratona dhe ku një luftëtar i Athinës pas betejës me Persinë vajti dhe vrapoi në qytet për 42 kilometra për t’i treguar qytetit që betejën e fituam. Ne sot duam t’i tregojmë qytetit që edhe ne do e fitojmë betejën tonë, për të pasur një qytet progresist, modern dhe dua të falenderoj të gjithë qytetarët që sot në mënyrë shembullore, jo vetëm në itinerarin ku zhvillohet maratona, pro në të gjithë qytetin nuk kanë përdorur makinat, duke e kthyer Tiranën realisht në një qytet pa makina. Faleminderit të gjithëve nga zemra dhe ndoshta herën e parë fillon duke lënë makinën, herën tjetër fillon duke marrë pjesë në Maratonë”, u shpreh Veliaj.

Kryetari i Bashkisë theksoi faktin se maratona e Tiranës është një ngjarje sportive ku garojnë jo vetëm sportistë, por edhe ku promovohen kauza të ndryshme shoqërore, siç është edhe ajo e njerëzve me aftësi ndryshe. “Kemi në fakt jo ndarje sipas kombesh, por kemi edhe ndarje sipas kauzave. Kemi shumë kauza sot. Një nga garat është gara e “We too” për të gjithë personat me aftësi speciale, ju japim një super duartrokitje atyre, kurajë dhe shumë fuqi si një qytet që është i aksesueshëm për të gjithë dhe që i pranon të gjithë. Ndërkohë që kemi disa kauza të tjera që pashë. Pashë që kemi një “Run for refugees”. A mund t’i japim një duartrokitje të gjithë kolegëve të “Run for refugees”? Janë atje mendojnë që hanë bukë veç, por në fakt hanë bukë me ne sepse edhe ne besojmë si ata që duhet të jemi një vend dhe një kontinent që refugjatët i trajton me respekt si një komb që e ka kaluar vetë këtë eksperiencë me emigracionin”, u shpreh kryetari i bashkisë.

Ai ka falënderuar të gjithë vullnetarët, policinë bashkiak dhe atë të shtetit, emergjencat që po kujdesen për mbarëvajtjen e maratonës. “Në fund fare, ka një ushtri me njerëz po aq sa kemi këtu në shesh në fakt të cilët janë stacionuar në të gjithë itinerarin. Ata janë vullentarët tanë, ata janë policët e shtetit, policia bashkiake, policia rrugore, emergjencat, infermierët, të gjithë punëtorët që kanë punuar tek liqeni që për herë të parë është bërë pjesë e këtij itinerari. Ndoshta nuk janë këtu për ta dëgjuar mirënjohjen tonë, por jam i sigurt që mund të ndjekin në televizor, a mund t’i japim një brohoritje të gjithë çunave dhe gocave që kanë punuar? Ne jemi një qytet mirënjohës dhe duke qenë se jemi një qytet mirënjohës dua që secili të ndjehet i falënderuar”, tha Veliaj.

Maratona është e organizuar në disa kategori, duke i dhënë mundësi gjithkujt që të provojë vetveten në një garë rezistence, por pse jo dhe të fitojë.

Në kategorinë “We too”, marrin pjesë njerëzit më aftësi ndryshe. Kjo garë synon që të ndërgjegjësojë qytetarët që jo vetëm të merren me sport por edhe për të përcjellë mesazhin që pavarësisht aftësive gjithkush ka të drejtë të jetojë dhe të jetë pjesë e shoqërisë.

Gara e vërtetë zhvillohet në 2 kategoritë e tjera Half Marathon (21,0975 km) dhe Tirana 10K, ku përveç të apasionuarëve pas vrapimit dhe sportit marrin pjesë edhe atletë profesionistë.

Pavarësisht motit jo të qëndrueshëm, qindra qytetarë kanë dalë përgjatë segmentit ku dhe kalon itinerari i maratonës, jo vetëm për të shuar kureshtjen për të parë një garë të vërtetë sportive, por edhe për të mbështetur pjesëmarrësit në të.

thumbnail_maratona-1-1280x852.jpg
ent ela14:41 | 06/10/2018

Maratona e Tiranës është gati të nisë rrugëtimin e saj për të tretin vit radhazi. Më shumë se 5 mijë vrapues, një pjesë e të cilëve fëmijë, do t’i japin jetë eventit më të madh sportiv që zhvillohet në vendin tonë, që vjen si garë e certifikuar nga institucionet ndërkombëtare të atletikës. Kryetari i Bashkisë së Tiranës, Erion Veliaj, ambasadorja e Greqisë në vendin tonë, Eleni Sourani dhe organizatori i Maratonës së Athinës, Spiro Zakaris, në një konferencë të përbashkët për mediat prezantuan detajet e festës sportive, që do të nisë të dielën në orën 9.00.

Kryebashkiaku Veliaj falenderoi miqtë grekë për dhuratën simbolike që i sollën Maratonës së Tiranës, kurorat e ullirit që vijnë nga zona e Maratonës në periferi të Athinës. Ai theksoi se dhurata që i bëhet Maratonës së Tiranës ka një vlerë simbolike, sidomos për marrëdhëniet njerëzore mes qytetarëve të të dyja vendeve, Shqipërisë dhe Greqisë. “Është shumë e rëndësishme që shteti grek dhe shteti shqiptar kanë një raport të shkëlqyer mes tyre, po ashtu edhe që kryetari i Bashkisë së Athinës dhe kryetari i Bashkisë së Tiranës kanë një raport të shkëlqyer, por mbi të gjitha janë të rëndësishme raportet mes njerëzve. Qeveritë, kryetarët, ambasadorët, ndërrohen, por njerëzit mbeten. Ky në fakt është një investim i marrëdhënieve mes njerëzve, jo se ne nuk kishim degë ulliri, apo dikë që të bënte kurorat, por është shkëmbim njerëzor përtej kombësive. Shpirti i maratonës, i garës, i skuadrës, i atyre që përpiqen, është fantastik”, shtoi Veliaj.

Ai theksoi faktin që maratona përveçse do jetë një festë sportive, është edhe një mundësi shumë e mirë për promovimin e qytetit të Tiranës. “Kemi shumë garues, nga Shqipëria dhe Greqia. Në Bulevard pashë flamujt nga Pakistani, Zelanda e Re, për herë të parë në Tiranë pashë edhe një flamur nga Hondurasi. Fakti që Maratonës iu bashkuan 5 mijë vrapues nga 40 vende të botës, është një mënyrë për ta bërë Shqipërinë më ndërkombëtare, më metropolitane, më mikpritëse për kombësi që vijnë nga distanca shumë të largëta, për të treguar shpirtin e vërtetë jo vetëm të Shqipërisë, por edhe të Ballkanit”, u shpreh Veliaj.

Gjithashtu, ai veçoi faktin që kjo ngjarje sportive është edhe një shans që i vjen Tiranës për të zhvilluar sado pak edhe ekononominë e qytetit. “Vijnë mijëra njerëz që do të konsumojnë vakte, do të qëndrojnë nëpër hotele; ajo që kemi mësuar nga Athina është se jo vetëm duhet ta dish historinë, por edhe ta marketosh atë. Me qenë krenar është diçka shumë e mirë, por nuk të sjell ndonjë dobi të madhe; ama, me qenë krenar dhe me e tregu krenarinë duke ftuar njerëz për t’i rrëfyer historinë tënde, peizazhet, kulinarinë, për të kaluar disa netë në Tiranë, sjell disa përfitime që i mbeten qytetit”, tha kryetari i bashkisë.

Veliaj tha se Maratona e Tiranës këtë herë do dalë përtej pjesës urbane, duke kaluar edhe në pjesën panoramike të Liqenit Artificial të Tiranës, ku falë përkushtimit dhe punës intensive, tashmë çdo gjë është kuruar për të qenë gati. Ai shprehu një falënderim të veçantë edhe për të gjithë donatorët që kanë kontribuar që Tirana të jetë gati të presë këtë ngjarje të madhe sportive. “Maratona e vërtetë në fakt, është maratona e progresit, e miqësisë që kemi mes vendeve, e paqes që duam të kemi në rajon. Sot jemi në një moment shumë të rëndësishëm për të dakordësuar njëherë e mirë shumë çështje me Greqinë, me fqinjët tanë. Sot kemi një mundësi fantastike për të filluar një tjetër maratonë të integrimit në Bashkimin Europian dhe unë besoj fort që simbolika e garës sportive të na frymëzojë për ato që janë garat jetike për kombin tonë. Jetike për kombin tonë është fqinjësia e mirë, anëtarësimi në Bashkimin Europian, progresi që duhet të bëjmë çdo ditë në Tiranë. E mezi pres që të dalim të gjithë faqebardhë dhe të kemi një garë të shkëlqyer të dielën”, u shpreh kryebashkiaku Veliaj.

Për herë të parë, kurora e ullirit për fituesit do të vijë nga vendi i origjinës së Maratonës, 40 km nga Athina. Teksa vlerësoi Tiranën për organizimin e maratonës, Ambasadorja e Greqisë në Shqipëri, Eleni Sourani, tregoi dega e ullirit simbolizon edhe miqësinë mes dy vendeve. “Është një gjë shumë simbolike, një simbol shumë i mirë për sportin. Më vjen shumë mirë që Tirana, qyteti ku unë jetoj e jam qytetare prej këto dy vitesh, ka një maratonë. Gjithashtu, dua t’u uroj suksese të gjithë pjesëmarrësve sepse në maratonë nuk ka rëndësi kush do fitojë, por kush arrin ta përfundojë garën”, tha Sourani.

Spiro Zakaris, përfaqësues i Maratonës së Athinës dhe president nderi i shoqatave të qytetit për paqen, vlerësoi organizimin e maratonës edhe në Tiranë. “Ju falenderoj për ftesën për të qenë këtu në Tiranë, i cili është kryeqyteti më i afërt i ngjashëm me maratonën e Athinës. E konsideroj një nder të madh sepse transmetoj këtu në Tiranë mesazhin që jep rrugëtimi i maratonës. Ashtu siç besoj e dini, i vetmi sport olimpik që ka emrin e një vendi është maratona. Është e vetmja garë që ka një prejardhje historike. Duke lidhur historinë arkeologjike kam sjellë kurorat me degë ulliri nga vendi i lashtë. Gjithashtu, kam sjellë edhe medaljen që japim në maratonën origjinale të Athinës, që bashkëpunimi ynë të zgjatë sa më shumë”, tha Zakaris.

Për arsye të mbarëvajtjes së Maratonës së Tiranës, ditën e dielë do të kryhet devijimi i qarkullimit të automjeteve në Bulevardin “Dëshmorët e Kombit”, në Rrugën e Kavajës dhe atyre që të shpien në Parkun e Liqenit Artificial.

43289680_2147069188878899_8104259149002440704_n.jpg
ent ela11:33 | 06/10/2018

Brenda tre viteve Maratona e Tiranës ia ka dalë që të fitojë prestigjin e një gare ndërkombëtare. Vrapues vendas dhe të huaj do të marrin pjesë  ditën e nesërme në garë duke përshkuar disa nga pikat kryesore të kryeqytetit.

Mes garuesve të shumtë të huaj që kanë shprehur dëshirën për të vrapuar nesër në rrugët e kryeqytetit është edhe Nicola Mazzonetto.

Ai është italiani i parë që ka përfunduar dy herë maratonën kryesore Six Mayor Marathon, cikli botëror të cilin tashmë po e tenton për herë të tretë dhe që përfshin maratonat e Tokios, Bostonit, Londrës, Berlinit, Çikagos dhe Nju Jorkut.

Sa i përket tentativës së tretë, Mazzonetto ka garuar tashmë në 2018 në maratonën japoneze dhe ato angleze, këtë vit në maratonën gjermane dhe duke nisur nga ky moment deri në vitin e ardhshëm do të plotësojë ciklin me 3 edicionet amerikane. Nicola Mazzonetto është njëkohësisht edhe drejtor i “Confservizi Veneto’, shoqata e shërbimeve publike, me 15,000 punonjës që ofrojnë shërbime publike për 4 milion e gjysmë qytetarëve të Veneto, ku janë shtuar 60 milionë turistë. Ato janë shërbime thelbësore për cilësinë e jetës dhe kanë të bëjnë me një gamë të gjerë sektorësh, nga cikli i integruar i ujit në menaxhimin e mbeturinave, nga transporti publik lokal në parqet e makinave, te shpërndarja e gazit në prodhimin dhe shpërndarjen e energjisë elektrike dhe ndriçimin e administratës publike e menaxhimin e ngrohjes.

43045348_166864864237629_2190957324149981184_n-1280x854.jpg
ent ela14:39 | 03/10/2018

Maratona e Tiranës  vjen këtë vit me edicionin e saj të 3-të si eventi më i madh sportiv në vend. Në prag të saj kryetari i bashkisë Erion Veliaj thote se ajo do të prodhojë në kartoline të bukur për kryqytetin. Ndërkohë qytetarëve që mund të mbesin në trafik të dielën i kërkon mirëkuptim.

https://youtu.be/KVsf8fwetew

2500 vrapues nga 40 vende të ndryshme të botës me shtate tetor do te garojnë në Gjysmë-Maratonën e Tiranës. Kryebashkiaku Erion Veliaj takoi vullnetarët dhe organizatorët për të koordinuar detajet e fundit.

“Është një ballafaqim i jashtëzakonshëm i qytetit me botën, një shans fantastik që ne të prodhojmë një kartolinë të Tiranës. Me këtë kam parasysh sjelljen njerëzore, pra vullnetarët do të duhet të jenë në krye të detyrës, entuziastë për të ndihmuar njerëzit, vrapuesit ose për të ndihmuar të tjerët. Maratona është një biznes i jashtëzakonshëm për qytetin; punojnë hotelet, restorantet, dyqanet e suvenireve, promovohet imazhi i qytetit. Duam që Maratona e Tiranës të jetë një eksperiencë fantastike për të gjithë.”

Itinerarët e rinj të certifikuar nga Federata Ndërkombëtare e Atletikës – IAAF, do të përshkruajnë pikat më atraktive të qytetit, duke e kthyer këtë garë jo vetëm në sfidë, por edhe në argëtim.

Kryebashkiaku kërkoi mirëkuptimin e qytetarëve të cilët të dielën mund të përballen me trafik, ndërsa udhëtojnë me makinë në Tiranë.

“Për të gjithë qytetarët kemi disa porosi: Së pari, që trafiku në zonën qendrore të Tiranës gjatë maratonës, pra duke filluar nga herët në mëngjes duke gdhirë dhe deri pasi të ketë kaluar finishin maratonomaku i fundit, trafiku do të devijohet. Pra, do të kemi një qytet pa makina. Kështu që, edhe ai që nuk do të vrapojë maratonën do të ketë oksigjen gjatë gjithë ditës, si kurrë më parë.”

Gara që do të mbahet me datë 7 tetor do të ketë 3 kategori; Half Marathon (21,0975 km), Tirana 10K dhe “We too”: kjo një kategori që ka për qëllim të jetë më shumë motivuese se sa kompetitive.

Nuk do të mungojë as gara Fun Run, e cila do të zhvillohet një ditë para garës së madhe me datë 6 tetor 2018 me të rinjtë e Shkollave te Mesme të Tiranës.

Kurora e ullirit për fituesit për herë të parë do të vijë nga vendi i origjinës së Maratonës, 40 km nga Athina. Maratona e Tiranës  vjen këtë vit me edicionin e saj të 3-të si eventi më i madh sportiv në vend. /abcnews.al

thumbnail_maratona-1-1280x852.jpg
ent ela10:11 | 11/09/2018
Maratona e Tiranës 2018 mirëpret edhe këtë vit vrapues nga e gjithë bota për t’u bërë pjesë e saj. Bashkia e Tiranës e cila është organizatorja e edicionit të tretë të kësaj maratone ka marrë aprovimin e dy itinerarëve të rinj të certifikuar nga Federata Ndërkombëtare e Atletikës – IAAF. Itinerari përshkruan pikat më atraktive të qytetit duke e kthyer këtë garë jo vetëm në sfidë por edhe në argëtim. Përveç se një ngjarje sportive për garuesit, do të mund të konsiderohet edhe një ditë festive për qytetin, në të cilin do të organizohen shumë aktivitete artisitiko-kulturore në kuadër të këtij eventi. Ndërkohë regjistrimet për t’u bërë pjesë e Maratonës së Tiranës mbyllen me 30 shtator 2018, ora 00:00.

Përshkrimi i itinerarit

Fillimi i Bulevardit “Dëshmorët e Kombit” më kuriz nga sheshi “Nënë Tereza”

Bulevardi “Dëshmorët e Kombit”

Rruga “Abdi Toptani”

Rruga “George W. Bush”

Rruga “Barikadave”

Rruga “Urani Pano”

Rruga “Ded Gjo Luli”

Rruga “Kavajës” deri te kisha katolike dhe kthim

Rruga “Kavajës”

Rruga “Ibrahim Rugova”

Sheshi “Frederik Shopen”

Shëtitorja e Parkut të Madh

Shëtitorja Lasgush Poradeci

Rruga që përshkon Liqenin

Rruga që përshkon Liqenin nga brënda Parkut

Fillimi i Shëtitores së Parkut të Madh

Sheshi “Frederik Shopen”

Rruga “Lek Dukagjini”

Sheshi “Shën Tereza”

dfgxg.jpg
ad min15:29 | 15/10/2017

Për të dytin vit radhazi, në kryqytetin shqiptar u zhvillua gjysmë Maratona e Tiranës. Në të morën pjesë më shumë se 2500 vrapues nga vende të ndryshme të botës, ndërsa kryetari i bashkisë e konsideroi një sukses.
Më shumë se 2500 vrapues nga 40 vende të botës morën pjesë në gjysme Maratonën e Tiranës.
Gara e certifikuar ndërkombëtarisht zhvillohet për herë të dytë në kryeqytetin shqiptar, por
ndryshe nga një vit më parë, ku vrapuesit përshkuan autostradën Tiranë-Durrës, itinerari ishte pjesa qendrore e qytetit.
Abel Kibet Rop dhe Luiza Gega u shpallën fitues në 21 km.
Edëin Cheruiyot Melly dhe Olena Popova në 10 km dhe Bledar Suxha fitoi në kategorine për personat me aftësi të kufizuara.
Pjesë e maratones ishte edhe kryebashkiaku i Tiranes Erion Veliaj i cili 10 kilometrat i perfundoi per 59 minuta e 05 sekonda.
Federata e Atletikës e vleresoi per organizimin dhe mbarëvajtjen gares sportive.
Kjo garë sportive, sipas kryebashkiakut, ishte një sukses për Tiranën pasi kryqytetin e vizituan një numër i madh të huajsh.
Gjysmë Maratona e Tiranë është aktiviteti më i madh sportiv i organizuar ndonjëherë në Shqipëri për të cilin u angazhuan institucionet publike, organizata joqeveritare dhe 660 vullnetarë. Bashkia për ta bërë këtë ditë edhe më të larmishme zhvilloi edhe një sërë aktivitetesh kulturore.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono