maradona

Maradona.jpg
Vladimir Prenga13:09 | 03/01/2020

Diego Armando Maradona mund të marrë drejtimin e një kombëtareje. Argjentinasi shikohet si favoriti për të pasuar Rafael Dudamen te Venezuela. Trajneri aktual i Gimnasia LP është nën kontratë, por ka marrëdhënie shumë të mirë me presidentin e vendit amerikano-latin.

Në të shkuarën ai ka mbrojtur punën e bërë nga Nicola Maduro dhe kjo e bën atë si favorit. Venezuela po përgatitet për kualifikueset e World Cup 2022, që nisin në muajin mars. Ndeshjen e parë e luajnë kundër Kolumbisë.

Maradona në të shkuarën ka drejtuar edhe Argjentinën, ndërkohë që ka punuar edhe me klube si Al Ëasl dhe Fujairah në Emiratet e Bashkuara Arabe, për të kaluar më pas në Meksisë, ku punoi në krye të stafit teknik të Dorados. /abcnews.al

Maradona.jpg
Veronik Istrefaj23:47 | 08/12/2019

Diego Armando Maradona vazhdon të befasojë. Ish-futbollisti legjendar argjentinas është tashmë në rolin e trajnerit, në krye të Gimnasia.

Si gjithmonë, Maradona është në qendër të vëmendjes së medieve argjentinase, por dhe në Europë është një nga figurat më të përfolura.

Trajneri u largua disa javë më parë nga Gimnasia, për t’u rikthyer vetëm 48 orë më pas në krye të pankinës. Sot, në takimin kundër Cordoba, Gimnasia fitoi 2-1, por gjatë një momenti kur ndeshja ishte në barazim, Maradona ka bërë një veprim të çuditshëm.

Legjenda argjentinase ndjek me shumë interes një aksion dhe në përfundim, kthehet me shpejtësi mbrapa, duke u rrezuar. Dy ndihmësit e tij shkuan menjëherë për ta ngritur lart. Ky moment, nuk i ka shpëtuar kamerave afër stolit të Maradonës./abcnews.al

Maradona.jpg
Veronik Istrefaj20:10 | 19/11/2019

Diego Armando Maradona e ka mbyllur me skuadrën argjentinase, Gimnasia. Legjenda e futbollit u zyrtarizua si trajner i kësaj skuadre tre muaj më parë, por nuk ia doli që të bashkojë futbollistët dhe të nxjerrë nga kriza skuadrën.

Presidenti i Gimnasia, Gabriel Pellegrino, shpjegoi: “Maradona nuk është më trajner i skuadrës. Ai tha që erdhi këtu për të bashkuar skuadrën, e jo për ta ndarë atë.

Ish-trajneri dhe kapiteni i Argjentinës u zyrtarizua në krye të Gimnasias në fillim të muajit shtator, kur kjo skuadër ishte në vend të fundit (24) në elitën e futbollit argjentinas./abcnews.al

Maradona-Gimnasia.jpg
Vladimir Prenga11:30 | 05/11/2019

“Po e vrasin atë përbrenda dhe nuk po e kupton”. Ky mesazh i vajzës së Diego Armando Maradona, Giannina, që ka bërë që të ngrihen dyshime mbi gjendjen shëndetësore të legjendës argjentinase. Gjithsesi, ai ka reaguar menjëherë dhe i ka siguruar të gjithë se është shumë mirë.

“Unë nuk po vdes fare. Fle i qetë, sepse po punoj. Unë nuk e di se çfarë ka dashur të thotë Gianinna”, ka deklaruar fillimisht Maradona, i cili aktualisht po drejton skuadrën e Gimnasia La Plata. Ndër të tjera ai ka paralajmëruar se e gjithë pasuria e tij do të shkojë për bamirësi dhe nuk do t’ua trashëgojë fëmijëve.

“E di që kur je duke u plakur njerëzit kujdesen më shumë për atë që do të lësh (pasurinë) se sa për atë që po bën. Jam shumë i shëndetshëm dhe po ua them të gjithëve se nuk do të lë asgjë për ta, do t’i dhuroj të gjitha paratë që kam grumbulluar gjithë jetës sime”, është shprehur Maradona. /abcnews.al

mertens_maradona.jpg
Vladimir Prenga09:55 | 25/10/2019

Dries Mertens është bërë shënuesi i dytë më i mirë në historinë e Napolit, pas dygolëshit që realizoi në Champions League kundër Salzburg. Ai ka parakaluar legjendën Diego Armando Maradona, që ka shënuar 115 gola me fanellën e klubit italian. Belgu ka shënuar një më shumë dhe tanimë synon të parakalojë edhe Marek Hamsik. Ish-kapiteni numëron 121 gola me Napolin dhe Mertens i ka mundësitë ta shkruajë emrin e tij me germa të arta në klubin e kaltër.

Pasi Maradona ka parë të parakalohet, nuk është mërzitur aspak. Ai ka dhënë një intervistë për Corriere dello Sport dhe e ka komplimentuar sulmuesin 32-vjeçar. “E përgëzoj atë, është një lojtar shumë i mirë. Duhet të bëjë si Hamsik. Nuk është një zhgënjim për mua, përkundrazi e duartrokita Mertens. Kur ai shënoi, unë mendova për Napolin dhe jo për vete. A e pashë ndeshjen? Sigurisht, i shoh të gjitha. Veçanërisht ato në Champions League”, tregon Maradona.

Ai vijon të flasë për Mertens dhe shton: “Gjithmonë më ka pëlqyer Mertens. Është simpatik dhe mbi të gjitha një djalë i mirë. Kur disa vite më parë e pashë si të ‘burgosur’ në pankinë, nuk më dukej e drejtë. Në fakt, pasi nisi të luante nuk doli më kurrë nga formacioni”.

“A e ke komplimentuar? Po, por ishte i mbyllur në TV dhe nuk më ka dëgjuar. Mund të përfitoj tani? Pres që të veprojë njëlloj siç ka bërë Hamsik dhe të ma dërgojë fanellën me të cilën luajti kur më parakaloi. E dua me një dedikim të tij, pasi e kam një ndryshe. Dhe të siguroj, Dries, se do ta mbaj mes fanellave më të dashura për mua”. /abcnews.al

maradona94-1280x781.jpg
Vladimir Prenga15:45 | 13/10/2019

Diego Armando Maradona e ka mbyllur me futbollin e luajtur prej vitesh, ndërkohë që tani drejton në Argjentinë Gimnasia La Plata. Së bashku me brazilianin Pele konsiderohen si dy më të mëdhenjtë e futbollit. Argjentinasi ka fituar Kupën e Botës në vitin 1986 dhe që atëherë “albicelestet” kanë dështuar të ngjiten në majën e “Olimpit”.

Në vitin 2014 ishte Gjermania që u mohoi shansin, pasi i mundi në finale. Në kohën kur Maradona luante futboll, kushtet ishin larg ditëve të sotme. Para kampionatit Botëror USA 1944, ish-sulmuesi përgatitej në një fermë, sikurse shihet edhe në videon e mëposhtme. /abcnews.al

maradona-10.jpg
nev ila21:41 | 26/06/2019

Napoli është gati të kthejë fanellën me numrin 10 të Maradonës, që të bindë Hames Rodrigezin të bashkohet me skuadrën e trajnerit Ançeloti. Klubi napolitan kërkon të forcojë skuadrën për të pretenduar titullin në Serinë A

E tillë është Seria A sot, sidomos për shkak edhe të dominimit të plotë të Juventusit.

Klubet e tjerë po përpiqen brenda mundësive (ndonjëherë duke rrezikuar shumë) për të sfiduar “Zonjën e Vjetër”, por jo gjithnjë u dalin llogaritë.

Napoli duket se ka menduar një zgjidhje tjetër.

Presidenti Aureolio De Laurentis është gati të shkelë mbi atë që ka bërë më parë, të kthejë numrin 10, për të bindur Hames Rodrigezin që të bashkohet me skuadrën e tij.

Numri 10 tek Napoli u tërhoq për nder të “qiellorit” Maradona, por edhe vetë Diego nuk do të ishte kundër që fanella të shfaqej sërish në fushë, mjaft që skuadra e kaltër të përforcohej.

Tërheqja e fanellës magjike ndodhi pasi argjentinasi i madh udhëhoqi skuadrën e Italisë së Jugut drejt dy titujve të parë dhe të vetëm kampion në histori, pasi fitoi edhe Kupën e Italisë, si dhe Kupën UEFA.

Për një Seri A që duhet të kënaqet me “thërrimet” e Spanjës apo Anglisë, një kampion si Hames Rodrigezi është një bekim.

I marrë për 75 milionë euro nga Reali, ai ishte pjesë e Bajernit, dhe vlerësohet si një “galaktik”.

Jo më kot ai ishte shënuesi më i mirë i Kupës së Botës të vitit 2014 në Brazil, dhe u bë pjesë e skuadrës më të mirë të turneut.

Tifozët napolitanë, që nuk vënë gjë mbi Maradonën, do të vënë dorën në zemër, besohet, dhe të pranojnë “sakrilegjin” e presidentit të tyre.

Kjo mund ta ndihmojë Napolin që të sfidojë më seriozisht Juventusin dhe pse jo, të pretendojë më në fund të fitojë titullin, ashtu si në kohët e arta të viteve 80-të./ABC News Albania 24/7

kmfbrdrp16jvd0k1rlwr.jpg
ad min17:10 | 21/06/2019

Mediat argjentinase raportuan se Diego Armando Maradona vuan nga sëmundja e Alcajmer e cila shkakton vdekjen. Lajmi është hedhur poshtë nga 58-vjeçari i cili thekson se gëzon shëndet të plotë.

Diego Armando Maradona perben lajm sa herë përmendet emri e tij, e natyrisht interesi është i lartë kur flitet rreth shëndetit  të 58-vjeçarit. Në mediat argjentinasi qarkulloi një lajm se Maradona vuan nga një sëmundje e rëndë e quajtur Alcajmer e cila shkakton humbjen e kujtesës duke e çuar drejt vdekjes. Lajmi bëri bujë  në të gjithë botën por ishte vetë legjenda argjentinase që hodhi poshtë diçka të tillë duke thënë se këto lajme janë të pa vërteta.

Fjala Alcajmer është e tmerrshme. Personat me këtë sëmundje vdesin. Unë nuk po vdes. Shume njerëz thonë gjëra të tilla për të krijuar rrëmujë. Kjo nuk është e vërtetë dhe ata kanë gënjyer.  Flasin për këtë sëmundje por nuk e dinë çdo të thotë”, përfundon reagimi i Maradonës në rrjetin social Instagram.

Në lidhje me shëndetin e Maradonës u prononcua edhe miku i tij Matias Morla i cili theksoi:

“Dua të qartësoj se të gjitha analizat mjekësore të Maradonës nuk kanë nxjerrë një indikacion të tillë. Ky lajm është shpërndarë gabimisht. Këto zëra janë të pavërteta”./ABC News Albania 24/7

napoli-champ.jpg
nev ila20:55 | 28/04/2019

Napoli është thuajse i kualifikuar për në Champions sezonin e ardhshëm, pas fitores arritur në fushën e Frozinones në Serinë A. Skuadra e trajnerit Karlo Ançeloti triumfoi 2-0, dhe u ngjit në kuotën e 70 pikëve, shumë larg vendit të katërt.

Autorët e golave për napolitanët ishin Mertens në pjesën e parë, dhe Junes pas pushimit. Me rrjetën e shënuar në minutën e 19-të, Mertens arriti në kuotën e 81 golave në Serinë A për Napolin, duke u barazuar me një legjendë si Diego Armando Maradona.

Mbrojtësi i kombëtares shqiptare, Elseid Hysaj, këtë herë nuk luajti asnjë minutë, duke u mbajtur në stol nga trajneri Ançeloti, ndërsa e ardhmja e tij tek Napoli mbetet e paqartë. Shkodrani ka oferta nga klube të tjera në Itali dhe në Angli, dhe pritet të bëjë zgjedhjen e tij në verë./abcnews.al

39870.jpg
ent ela11:41 | 03/02/2018

Autoritetet amerikane kanë vendosur të mos i japin vizë, ish futbollistit Maradona. Kjo pasi ai në një intervistë ka ofenduar presidentin amerikan Donald Tramp duke e cilësuar si një buratin.

Shtetet e Bashkuara të Amerikës nuk i kanë dhënë vizën amerikane Diego Armando Maradonës. Lajmi është konfirmuar nga avokati i ish futbollistit për mediat argjentinase. Ai shtoi se autoritetet amerikane nuk kanë harruar fjalët e trajnerit aktual të Al Fuxhairah, i cili në një intervistë për televizionin venezuelian “TeleSur”, e kishte cilësuar Donald Trump si një buratin. Për këtë arsye ambasada amerikane ka vendour të mos i japë vizën. Maradona duhej të shkonte në Shtetet e Bashkuara të Amerikës për të qenë pjesë e procesit gjyqësor në një çështje padie të ngritur ndaj ish bashkëshortes e tij Claudia Villafane./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono