Maqedonisë

MAQEDONI-1-1280x712.jpg
Sej rie17:45 | 07/08/2019

Ende pa u bërë anëtare e NATO-s, Maqedonia e Veriut ka në plan që në bashkëpunim me vendet e tjera të modernizojë arsenalin ushtarak, për të zëvendësuar armatimet e vjetra sovjetike. Partneri kryesor në këtë nismë do të jetë Pentagoni, që do ta furnizojë vendin ballkanas me automjete ushtarake.

Krahas rinovimit të përbërjes së armatës profesionale të Maqedonisë së Veriut, Ministrja e Mbrojtjes Radmila Sheqerinska ka paralajmëruar se deri në fund të vitit, kur Maqedonia e Veriut përfundimisht do të ulet në tryezën e NATO-s si vendi I 30-të anëtarë, të furnizohet edhe me pajisje ushtarake, siç tha për funksionalitet më të madh.

Radmilla Sheqerinska, ministre e Mbrojtjes:  “Në pjesën e dytë të vitit 2019 fokusi ynë është të furnizohemi me automjete luftarake dhe kuptohet furnizimi me pajisje mbrojtëse për të gjithë ushtarët. Treguam se nuk duhet të zgjedhim mes dy cështjeve, NATO dhe Armatë më të fuqishme. Arritëm që gjatë këtyre dy viteve të investojmë dhe të kemi rezultate në këto dy objekiva”.

Sipas Ministres së Mbrojtjes, në Ligjin e ri për furnizime publike në fushën e mbrojtjes është lënë mundësia që krahas firmave komerciale, furnizimi I pajisjeve për modernizimin e armatës të zhvillohet përmes marrëveshjeve me vende tjera anëtare të NATO-s.

Radmilla Sheqerinska, ministre e Mbrojtjes:  “Unë shpresoj se tani kur ligji është miratuar se mund të hyjmë në një fazë më serioze të bisedimeve edhe me SHBA-të dhe ti shfrytëzojmë këto mundësi që nuk ishin të lehta për t`I fituar. Ishin miratuar mjete dhe nëse gjithcka shkon sipas planit, shpresoj se deri në fund të vitit do të arrijmë që Armata jonë ti sigurojë automjtetet ushtarake si rezultat I marrëveshjes mes qeverisë sonë dhe asaj të SHBA-ve”.

Vlerësohet se Pentagoni pjesërisht do ta financojë furnizimin e automjeteve ushtarake për Armatën e Maqedonisë së Veriut dhe të Kroacisë si dhe financimin për helikopterë të Forcave të Armatosura të Bosnjë e Hercegovinës dhe Shqipërisë. Programi ERIP (European Recapitalization Incentive Program) është ngritur nga Qeveria e SHBA-së në vitin 2017 me buxhet fillestar prej 190 milion dollarëve me qëllim që t’u ndihmohet qeverive të gjashtë vendeve të Evropës Lindore të bëjnë zëvendësimin e teknologjisë sovjetike në ushtritë e tyre./ABC News Albania 24/7

franca-1280x720.jpg
Sej rie20:45 | 23/05/2019

Franca mbështet hapjen e negociatave të anëtarësimit me Maqedoninë e Veriut. Ambasadori francez në Shkup ka deklaruar se vendi ka bërë progres dhe se presidenti Emanuel Makron ka folur qartë sa i takon së ardhmes europiane të Ballkanit.

Vetëm disa ditë para publikimit të raportit të vendimeve të mëdha me ritme të shpejta e përgatisim administratën, sepse ajo duhet të jetë pasqyrë e administratës evropiane, deklaroi sot zëvëndëskryeministri për çështje evropiane Bujar Osmani. Osmani theksoi se jokonsolidimi i institucioneve ka qenë kryesisht për shkak të paparashikueshmërisë së vendit, tani Maqedonia ka të ardhme të parashikueshme, nuk është pyetja a do të ndodhë, por kur do të jetë Republika e Maqedonisë së Veriut pjesë e familjes evropiane.

 Për ambasadorin francez Kristijan Timonie është e rëndësishme të bashkohen të gjitha palët e ndryshme politike në ndërtimin e të ardhmes së përbashkët evropiane, edhe Bashkimi Evropian ballafaqohet me vështirësi, por ne jemi gjithmonë në anën tuaj.

Kristijan Timonie, ambasador i Francës: “Franca angazhohet me të vërtetë dhe e publikoi strategjinë e saj për vendet e Ballkanit perëndimor, ku Maqedonia e Veriut e ka vendin e vet. Maqedonia zë vend të rëndësishëm të asaj strategjie, konkretisht do të fillojmë më mbështetje, së shpejti Agjencia Franceze për zhvillim do të fillojë të veprojë këtu përmes organizimit të trajnimeve të ndryshme në fushën e arsimit, gjithashtu edhe për përgatitjen e vendit të cilin e presim te ne”.

Ambasadori I Francës i pyetur rreth deklaratës së djeshme të ish ministres për çështje evropiane në qeverinë e Emanuel Makron dhe tani kryesuese e listës për çështje evropiane të “Republikës në lëvizje”, Natali Loazo, e cila në mënyrë kategorike tha “JO” për fillimin e negociatave për hyrje të Maqedonisë së Veriut dhe të Shqipërisë në BE, Timonie u shpreh se ai është përfaqësues i presidentit të Republikës së Francës.

Kristijan Timonie, ambasador i Francës:Unë jam përfaqësues i Republikës Franceze dhe vetëm do ti përsëris fjalët e presidentit francez se perspektiva evropiane e vendeve të Ballkanit perëndimor është shumë e qartë dhe unë punoj në atë drejtim së bashku me mikun tim, nënkryetarin e qeverisë, për realizimin e atij qëllimi”.

Seminari ndërkombëtar “Sekretariati për çështje evropiane, qendra për trajnim dhe dimensioni i burimeve njerëzore” ka për qëllim të bëjë trajnim të të punësuarve në më shumë institucione në vend, ndërsa vendin qendror e ka Sekretariati për çështje evropiane, i cili ka rol kyç në procesin e integrimeve. Ky projekt mbështetet nga Agjencia franceze për zhvillim./ABC News Albania 24/7

9274009.8942586.b17f17c1d62394e87e88400806fec9c9.jpg
Sej rie12:40 | 06/05/2019

Komisioneri për Zgjerim në Bashkimin Europian, Johanes Hahn i uroi fitoren në zgjedhjet presidenciale Stevo Pendarovskit. Në profilin e tij në Tuiter ai shkruan ndër të tjera se prêt me padurim bashkëpunimin për agjendën e reformave për në BE-së, në kontekst të konkluzioneve të vitit të kaluar të Këshillit Evropian, që i hapën rrugën fillimit të bisedimeve me BE-në në qershor, për Maqedoninë e Veriut.

Një mbështetje të fortë Pendarovskit i ka ardhur edhe nga kancelari austriak Sebastian Kurtz, i cili e ka garantuar se do ta mbështesë Maqedoninë e Veriut në rrugën e integrimit evropian./ABC News Albania 24/7

maqedoni-6-1280x742.jpg
Sej rie16:42 | 27/04/2019

Në 2 vjetorin e 27 Prillit të trazirave dhe dhunës në Kuvendin e Maqedonisë së Veriut, LSDM dhe Aleanca për shqiptarët, kanë rikujtuar ngjarjet. Përvjetori është shfrytëzuar nga partitë për të përsëritur kritikat ndaj njëra tjetrës për ngjarjet që tronditën vendin.

Aleanca për Shqiptarët rikujtoi 27 Prillin me pres konferencë para Kuvendit. E rikujtuan kreun e kuvendit, Talat Xhaferin për premtimin e dhënë.

Kryetari i Kuvendit Talat Xhaferi i cili u zgjodh pikërisht në këtë ditë pati premtuar se do të vendosë këtë gurë në hyrje të Kuvendit për të përkujtuar këtë ditë, gurë i cili simbolizon edhe sakrificën por edhe ikjen e Ali Ahmetit në momentin historik kur po vendosej e ardhmja e vendit tonë, 27 Prilli ishte dita kur po vendosej mbi fatin e vendit se nga do të lëvizim, drejt NATO ose drejt Rusisë dhe pikërisht atë ditë Ali Ahmeti iku. Edhe pas një viti nuk dihet se ku ka përfunduar ai gurë, prandaj sot i bëjmë pyetje publike. Ku mbeti premtimi i Talat Xhaferit dhe përse nuk është vendosur guri në hyrje të Kuvendit?

Derisa po mbahej konferenca për media, guri që u vendos vitin e par në shenjë kujtimi, u shfaq para derës së Kuvendit, madje po e ruante edhe policia.

Konferencë për media para Kuvendit mbajti edhe LSDM-ja. Zëdhënësi i partisë tha që populli nuk guxon  të lejojë që Gruevski të kthehet në pushtet sërish, e pasardhësin e tij e akuzoi se po i mbron dhunuesit.

Hristijan Mickoski dhe kandidatja e tij, Gordana Siljanovska, jo që nuk e dënuan dhunën, por u rreshtuan në mbrojtje të dhunuesve dhe kriminelëve.

Në ndërkohë, në youtube profilin zyrtar të LSDM-së, u paraqit një video ku partia në pushtet e akuzon VMRO DPMNE-në drejtpërdrejtë, se ata e kanë organizuar 27 prillin.  VMRO DPMNE edhe sivjet heshti për 27 Prillin./abcnews.al

nesho-1280x723.jpg
Sej rie21:52 | 22/04/2019

Diplomati Agim Nesho në studion e “Byro Politike” ka komentuar zgjedhjet e mbajtura një ditë më parë në Maqedoninë e Veriut. Ai është shprehu se faktori shqiptar ka një rol vendimmarrës në raundin e dytë të zgjedhjeve për President që do të mbahen më  5 Maj.  

“Ajo që mendon se është e nevojshme për elementin shqiptar, është se duhet të tregojë se është pro perëndimor, pro NATO-s,  pro BE, nuk është deklarata e dhënë nga ish-kandidati Reka që ne nuk bëjmë shitje ose trafikim të votave, por që shqiptarë duhet të votojë sepse ky është një moment politik dhe historik për ta që të kenë një orientim të qartë sepse nuk mund ta lënë si në të shkuarën që të jetë Maqedonia e dyzuar. Faktori shqiptar është vendimmarrës por ende nuk ka arritur që të jetë i koordinuar mirë që të mbrojë interesat. Sa më i bashkuar të jetë dhe i qartë për perspektivat e tij dhe të shqiptarëve në Maqedoni aq më shumë fiton terren, fiton pozitë ashtu sikundër e përmendët edhe ju, sepse arritën deri tek kryetari i Parlamentit, për arsye se është një element shtet-formues”, u shpreh Nesho.

Asnjë nga tre kandidatët për president në Maqedoninë e Veriut nuk ka marrë numrin e duhur të votave, ndoshta dhe për shkak të pjesëmarrjes së ulët në votime. Në balotazhin e 5 majit përballë njëri-tjetrit do të jenë kandidati i LSDM-së dhe koalicionit qeveritar Pendarovski si dhe kandidatja e opozitës Davkoka. Ndërsa kandidati i pavarur, shqiptari Blerim Reka ka mundur të fitojë shumicën e votave vetëm në komunat shqiptare.

“Të tre kandidaturat ishin kandidatura të zgjedhura. Të tre profesorë më një situatë akademike të dallueshme dhe po të mos ishte lufta politike e brendshme e ndarë në dy grupime të fuqishme, ngjarjet që kanë prodhuar dhe realizomi i marrëveshjes me Greqinë, kjo do ishte një zgjegdje e zakonshme. Zgjedhja e presidenti në republikat parlamentare nuk ka atë vëmëndjen që kanë zgjedhjet parlamentare. Por ne kishin edhe kandidatin shqiptar që ne na u bë qejfi që mori rreth 80 mijë vota”, tha Nesho./abcnews.al

mendi-thaci-1280x713.jpg
ent ela18:20 | 30/03/2019

Kreu i partisë Demokratike Shqiptare në Maqedoninë e Veriut, Menduh Thaçi, deklaroi se pavarësisht dënimit të tij nga gjykata, partia e tij përkrah kandidatin Stevo Pendarovski për president të shtetit. Thaçi theksoi se pafajësinë për dënimin me 3 vjet burgim do ta kërkojë edhe në instanca ndërkombëtare të drejtësisë.

Dënimi i kreut të PDSH me 3 vjet burg  në rastin e PSP-së  “Titanik 2” që ka të bëj me  keqpërdorime në zgjedhjet lokale të vitit 2013, nuk ka ndikuar në vendimin që Partia Demokratike Shqiptare të mbështesë kandidatin konsensual për president Stevo Pendarovskin.

Këto komente kreu i PDSH-së i bëri  para mbledhjes së Kryesisë së partisë së tij, në të cilën sikurse u njoftua, është biseduar për formimin e shtabit zgjedhor të Partisë Demokratike Shqiptare dhe shtabet e degëve. Kryetar i shtabit zgjedhor për zgjedhjet presidenciale të kësaj partie është zgjedhur Imer Aliu sekretar i përgjithshëm i PDSH.

Ndryshe, prej të hënës me 1 prill në RMV fillon fushata parazgjedhore për zgjedhjet presidenciale te 21 Prillit , ku në garë janë 3 kandidat. Bëerim Reka që përkrahet nga opozita shqiptare, Gordana Siljanovska Kandidate e VMRO-DPMNE-së dhe Stevo Pendarovski kandidat i shumicës parlamentare. Sipas Komisionit Shtetëror të Zgjedhjeve të drejtë vote kanë mbi 1.8 milion votues./abcnews.al

Zaev-and-Tsipras-800x450.jpg
ent ela17:16 | 26/01/2019

Kryeministri i Maqedonisë Zoran Zaev u shpreh se me ratifikimin tashmë dhe në parlamentin grek të marrëveshjes së Prespës, është përfunduar procesi i paqes në Ballkan. Ndërsa opozita në Maqedoni njëzëri me atë në Greqi e konsiderojnë kapitulluese

“Me Marrëveshjen e Prespës dhe zbatimin e saj hapet rruga për ardhmëri më të mirë për Maqedoninë. Me këtë marrëveshje përfundoi epizodi i paqës së papërfunduar në Ballkan”,- ka theksuar Kryeministri i Maqedonisë Zoran Zaev. Opozita maqedonas sërish ka kundërshtuar këtë Marrëveshje duke e quajtur kapitulluese për Maqedoninë dhe popullin maqedonas.

Kryeministri Zaev ka uruar kolegun e tij grek Aleksis Cipras, sic tha, për votimin fitues në Parlamentin grek të Marrëveshjes së Prespës, por edhe deputetët e dy parlamenteve, të cilët me votën e tyre i dhanë fund, siç u shpreh, frikës së pamposhtur.

Zoran Zaev:   “Unë dhe miku im Aleksis Cipras, verën e shkuar arritëm Marrëveshjen. Bashkërisht ekipet tona të udhëhequr nga Ministrat e jashtëm arritëm në qëndrimin se secila palë duhet dicka të jep për të fituar më shumë. Tani kemi miqësi të verifikuar thelbësisht. Prej sot fillojmë me forcë më të madhe ti afrojmë qytetarët dhe popujt e dy vendeve. Ardhmërinë tashmë nuk do ta shohim si fat fatal, por si rrugë të përbashkët të shtruar me qëllime miqësore dhe vlera që dalin nga familja e përbashkët evropiane”

VMRO-DPMNE-ja opozitare sërish ka kundërshtuar këtë Marrëveshje duke akuzuar Kryeministrin Zaev dhe Ministrin e jashtëm Dimitrov se kanë nëncmuar dhe nënvlerësuar popullin maqedonas.

“Marrëveshja është kapitulluese, me këtë heqim dorë nga të gjitha maqedonasit dhe nga gjithçka që është maqedonase dhe pikërisht për këtë për VMRO-DPMNE-në, kjo marrëveshje as është e as që do të jetë e pranueshme. Kjo Marrëveshje është një goditje e drejtpërdrejtë ndaj themeleve të shtetësisë dhe minon rendin kushtetues të Republikës së Maqedonisë”.

Ndërkaq, kreu i BDI-së Ali Ahmeti i ka dërguar një letër ish-Ministrit të Jashtëm grek Nikos Koxias, ku duke rikujtuar takimet, thotë se koha dëshmoi që ishim në rrugën e duhur të historisë dhe që asnjëherë nuk e larguam përqëndrimin tonë nga qëllimi përfundimtar.

Të gjithë që dhanë kontribut në këtë vepër shekullore duhet t’janë krenar sepse ndërtuan vlerë civilizuese evropiane, kontribuan për paqë në tërë rajonin duke mundësuar stabilitet, siguri dhe një të ardhme. Sot, rajoni jonë, Evropa juglindore, u gdhi në rrethana krejtësisht të reja gjeostrategjike dhe gjeopolitike, ato për të cilat punuam bashkarisht.

Pas ratifikimit të djeshëm të Marrëveshjes së Prespës në parlamentin grek, prej se paraprakisht u ratifikua edhe në parlamentin e Maqedonisë, hapi i parë që duhet të bëhet, është që Athina me anë të shkresës ta njoftojë Sekretarin e Përgjithshëm të NATO-s Jens Stoltenberg se kanë përfunduar pjesën e tyre që Maqedonia të bëhet pjesë e Aleancës. Hapi tjetër është që NATO-ja të përgatisë protokolin e Marrëveshjes së Uashingtonit, për aderimin e anëtarit të ri. Pas kësaj në rradhë është ratifikimi I protokolit në të gjitha 29 vendet anëtare të NATO-s. Ky process pritet të përfundojë deri në fund të vitit, me ç’ka Greqia u obligua që e para do ta ratifikojë. Përderisa zgjat ratifikimi në parlamentet e 29 vendeve anëtare të NATO-s, Maqedonia do të merr pjesë në proceset e Aleancës, do të ketë vendin e saj, por pa të drejtë vote./abcnews.al

kyriakos-mitsotakis-780x439.jpg
ent ela23:47 | 24/01/2019

Lideri i opozitës greke ka paralajmëruar se në rast të një rotacioni politik do të vendosë veton ndaj anëtarësimit të Maqedonisë në BE. Duke folur në Parlament, Qiriakos Micotaqis ka deklaruar se marrëveshja e Prespës është humbje kombëtare për Greqinë.

Shefi i opozitës greke, Qiriakos Micotaqis ka paralajmëruar se nëse partia e tij vjen në pushtet, Greqia mund të bllokojë në çdo moment anëtarësimin e Maqedonisë në Bashkimin Europian. Micotaqis ka folur me tone mjaft të ashpra në debatin parlamentar për marrëveshjen e Prespës, mbrëmjen e së enjtes. Kryetari i Demokracisë së Re e cilësoi marrëveshjen si “humbje kombëtare”, e cila sipas tij “është shfuqizuar në ndërgjegjen e popullit grek”.

Micotaqis u ndal gjatë në faktin se siç tha, “parlamenti ftohet që brenda dy ditëve të vendosë për një çështje kardinale, pa pasur në dispozicion tekstin e plotë të kushtetutës së ndryshuar të Shkupit”. Sipas tij, “ky është një turp kombëtar dhe parlamentar”.

Më tej Micotaqis tha se procesi i anëtarësimit të Maqedonisë në BE, nuk ka lidhje me marrëveshjen e Prespës.

“Nëse qytetarët më votëbesojnë si kryeministër, nuk kam për ta interpretuar në këtë mënyrë marrëveshjen e Prespës”, vijoi Micotaqis. Ai shtoi se, Greqia do të ruajë të gjitha të drejtat që burojnë në cilësinë e shtetit anëtar të BE-së.

“Me pak fjalë, Greqia mundet në çdo moment të vendosë veton në procesin e anëtarësimit të Shkupit në familjen europiane”, shtoi kreu i opozitës./abcnews.al

Maqedonii-1280x695.jpg
ent ela15:45 | 12/01/2019

Miratimi i ndryshimeve kushtetuese në Maqedoni është përshëndetur nga qendrat ndërkombëtare të vendosjes, si një akt që përfundimisht zhbllokon integrimin euroatlantik të vendit i cili, konform Marrëveshjes së Prespës me Greqinë, tash e tutje edhe zyrtarisht do të quhet Republika e Maqedonisë së Veriut. Në një analizë Seladin Xhezairi, thotë se ky realitet i ri pritet të sjellë ndryshime cilësore edhe në skenën politike të vendit.

Ish-kryediplomati i parë i Maqedonisë së pavarur, pedagog universitar dhe intelektual i shquar, Denko Maleski, kishte shkruar para një dekade, duke iu referuar historisë politike, se ‘gjatë situatave të vështira – të lëshosh pak pe do të thotë t’i shtosh mundësitë që të mos humbasësh – më shumë’!

Profesori i nderuar e pati thënë këtë në mbështetje të angazhimeve, atëbotë të vetmuara, për forcimin e pozitës kushtetuese të shqiptarëve, por kjo qasje vlen edhe tani me rastin e miratimit të ndryshimeve kushtetuese që dalin nga Marrëveshja e Prespës e me të cilat Republika e deridjeshme e Maqedonisë, sikurse qëndron në Kushtetutë, Republika ish-jugosllave e Maqedonisë, sikundër është pranuar në Kombet e Bashkuara, tash e tutje ripagëzozohet në Republika e Maqedonisë së Veriut.

Nëse ditëve në vijim Traktati me Greqinë do të përligjet edhe nga Parlamenti në Athinë, atëherë kjo do ta çojë përfundimisht në muzeun e historisë konfliktin prej gati tri dekadësh lidhur me emrin, që mbajti peng integrimin euro-atlantik të vendit, dhe që ashiqare hap një kapitull të ri të bërjes së historisë në hartën etnikisht të larmishme gjeopolitike të Ballkanit dhe, po ashtu, duket se e shkëput Maqedoninë njëherë e përgjithmonë nga skenari i alternativës lindore karshi përcaktimit mbizotërues strategjik pro-perendimor.

Procesi i Prespës, një ndër më të rëndësishmit, pas krijimit të Republikës Demokratike Federative të Maqedonisë, në përfundim të Luftës së Dytë Botërore, pavarësimit të saj, pa gjakderdhje, nga ish- federate jugosllave, në vitin 1991, dhe Marrëveshjes së Ohrit, që i dha fund konfliktit të armatosur më 2001, sipas analistëve, ka për të vendosur një realitet të ri në Evropën Juglindore, në sensin e forcimit të sigurisë e të mirëqenies ekonomike e sociale, por edhe të kulturës politike në tërësi, në planin e brendshëm.

U mor vesh se kjo nuk ka për të ndodhur brenda natës, për shkak se shembja e miteve nuk është punë që bëhet, sa çel e mshel sytë, por zgjidhja e problemit të emrit është alarmi i fundit për forcat politike maqedonase q le të rikujtojmë, gjithë fushatat e deritashsme elektorale i ndërtonin mbi ofertën e mjegullt – se atë ‘nuk e japim’, por edhe për partitë shqiptare, po ashtu, për shkak se forcimi i pozitës kushtetuese të elementit shqiptar, imponon nevojën që të dyja kampet politike të dalin përpara elektoratit me oferta të kapshme dhe të bëshme dhe, për më tepër, të mos harrojnë llogaridhënien!  Sprovë e parë për këtë mbase kanë për të qenë zgjedhjet presidenciale apo, pse jo, edhe ato të parakohshme parlamentare!/abcnews.al

90-1280x650.jpg
ent ela21:49 | 11/01/2019

Se si do të jetë viti 2019 për Maqedoninë, kjo do të varet nga marrëveshja e Prespës. Të këtij mendimi janë analistët shqiptarë, të cilët paralajmërojnë se “Prespa” është një çështje që nuk prek vetëm Maqedoninë, por gjithë rajonin.

Maqedoninë e presin një sërë detyrash shumë të rëndësishme këtë vit, deklaron politikologu Qani Nuhiu, por sipas tij, piedestali i të gjitha çështjeve mbetet zbatimi i Marrëveshjes së Prespës.

Analisti Qani Nuhiu: “Miratimi i Marrëveshjes së Prespës, zbatimi i ndryshimeve kushtetuese dhe nënshkrimi i protokollit për në NATO. Kjo e fundit është çështje mbi të gjitha çështjet që është vërtet strategjike për të cilën nuk kemi mundësi të futemi në rriprodhim edhe shans përmirësues”.  

Analisti Albert Musliu një ndër sfidat kryesore të 2019, radhit edhe procesin e skriningut, përkatësisht reformat që po bën vendi në aspiratat për t’u përfshirë në familjen evropiane.

Analisti Albert Musliu: “Procedura e parapregatitjes së Maqedonisë e cila zakosnish bëhet pas përcaktimit të datës ka filluar dhe ne e dimë që kemi grup negociues. Ndërsa skrinningu ka filluar dhe mendoj se do kemi një sfidë serioze se si do të bëhet gjithë ai proces”.

Sipas analistit Xhelal Neziri, Marrëveshja mes Greqisë dhe Maqedonisë do të sjellë stabilitet në rajon. Ai vlerëson se sipas po këtij modeli, duhet kërkuar edhe marrëveshjen mes Beogradit dhe Prishtinës, pa anashkaluar cështjen e Bosnjës.

Analisti Xhelal Neziri: “Nënshkrimi i marrëveshjes midis Beogradit dhe Prishtinës do të nënkuptonte fillimisht njohje të dyanshme dhe do të rregullonte marrëdhëniet midis dy shteteve. Dhe në fund do të ngrihej çështja e Bosnjes e cila është një çështje që kërkon për një fokus dhe trajtim nga ana e faktorit ndërkombëtar”.

Ndërkaq, analisti Ilir Luma shprehet se shqiptarët duhet të bëjnë një politikë më të konsoliduar për të pasur qëndrueshmëri rajonal.

Analisti Ilir Luma: “Po qe se shqiptarët nuk arrijnë në Ballkan që të bëjnë një politikë të konsoliduar të mirëfilltë do kemi probleme karshi atyre forcave që duan të luftojnë dhe janë kundër proceseve të integrimeve të përgjithshme”.

Në Klan Debat, ndër të tjera u tha se kalimi apo jo i ndryshimeve kushtetuese, është me rëndësi historike për të ardhmen e vendit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono