Maqedonia

papa-1280x667.jpg
ent ela16:00 | 25/04/2019

Në 7 maj Papa Francesku viziton Maqedoninë e Veriut. Në Shkup kanë nisur përgatitjet për vizitën e atiti të shenjtë, e cila konsiderohet si një mbështetje për vendin, nga një prej liderëve fetarë më me ndikim në bot. Papa Francesku do të qëndrojë në Shkup 10 orë.

Vizita e Papa Françeskut në Maqedoni më 7 maj vlerësohet si mbështetje për vendin në drejtim të zhvillimit të saj në plan kombëtar dhe ndërkombëtar, nga një prej liderëve fetarë më me ndikim në botë. Kjo lidhet me marrëdhëniet e afërta që Vatikani ka tradicionalisht me Maqedoninë, në çastin kur shënohen 25 vite nga vendosja e marrëdhënieve diplomatike bilaterale, vlerësojnë përfaqësuesit e shtetit. Ati i Shenjtë në Shkup do të mbajë meshë në sheshin e qytetit ku pritet të marrin pjesë mijëra besimtarë, do të takohet me kreun e shtetit por edhe me udhëheqësit e bashkësive fetare në vend.

Gjatë qëndrimit dhjetëorësh në Shkup, Papa Françesku, do të ketë takime me krerët më të lartë shtetëror, me udhëheqësit e bashkësive fetare, dhe do t’u drejtohet qytetarëve në sheshin e Shkupit. Vendimin për ta vizituar Maqedoninë Kryeministri  Zaev e vlerëson si afirmim për vendin.

Zoran Zaev, Kryeministër: “Vjen në moment shumë të rëndësishëm për vendin tonë, kur vendi ynë është vërtetë mik me të gjithë, kur demonstruam hapa të guximshëm. Në një mënyrë prek edhe porositë fetare të cilat edhe Ati i Shenjtë i promovon në botë”.

Ipeshkvi i Kishës Katolike në Maqedoni, Kiro Stojanov, theksoi se vizita e Papës lidhet me marrëdheniet e mira dypalëshe  me Vatikanin, por edhe respektin për vendlindjen e Nënë Terezës.

 Kiro Stojanov, Ipeshkvi i Kishës Katolike: “Për këtë arsye ju bëj thirrje, lutem për ju, që kjo vizitë apostujsh të jetë dhuratë e dashurisë, ngjarje historike, dhe jo vetëm sensacion ose manifestim”.

Vizita e Papa Françeskut në Maqedoni, për komunitetin katolik, por edhe për tërë vendin është e rëndësisë historike, deklaroi Anton Sereçi, zëvendës kryetar i Komisionit për Marrëdhenie me bashkësitë fetare.

Anton Sereçi, Komisioni Për Marrëdhënie Fetare: “A është historike, është më shumë se historike, për herë të parë Ati i Shenjtë Papa vjen në një  vend biblik, në Maqedoni, për të cilën e dimë se përmendet disa herë edhe në Bibël, por edhe për ngritjen e moralit dhe besimit të njerëzve në marrëdhëniet e mira fqinjësore, për paqen dhe për bashkëjetesën”.

Interesi për vizitën e Papës është i madh edhe tek mediat. Për këtë ngjarje deri më tani janë akredituar rreth 400 gazetarë, 200 prej të cilëve nga vendi. Për shkak të pranisë së Papës, niveli i sigurisë në Shkup do të jetë në nivelin më të lartë. /abcnews.al

ahmeti-1280x760.jpg
Sej rie21:45 | 14/04/2019

Kreu i BDI-së, Ali Ahmeti, shprehet i sigurt se Maqedonia e Veriut do të marrë OK për çeljen e negociatave me Bashkimin Evropian. “Nëse nuk merret në Qershor, do të ndodh në Shtator’” – tha Ahmeti.

Kryetari i BDI-së, Ali Ahmeti, tha se nuk do të ishte veprim i ngutshëm i presidentit Ivanov, nëse ai do të vendoste ti amniston personat që hynë në Kuvend më 27 prill. Ai konsideron se Ivanov më nuk ka legjitimitet për vendimet të tilla, sepse po i kalon mandati.

Kreu i internistëve foli edhe për PPS-në.  Ahmeti është i mendimit se vendi do të marrë datë për fillimin e negociatave me Bashkimin Evropian. Nëse kjo nuk ndodh në qershor, do të ndodh në shtator tha ai. Ahmeti edhe një herë afirmoi përkrahjen e partisë së tij për Pendarovskin, për të cilin tha se partia e tij është duke punuar që të bëhet President./abcnews.al

SINKRON-BALLA-VJENE.mpg_snapshot_00.02-1280x720.jpg
ent ela16:45 | 09/04/2019

28 kryetarët e parlamenteve të vendeve anëtare të Bashkimit Evropian janë mbështetëse të anëtarësimit të Shqipërisë dhe Maqedonisë së Veriut.

Konfirmimin e ka marrë kryetari i grupit parlamentar të Partisë Socialiste Taulant Balla në takimin që zhvilloi në Vjenë në Konferencën e Kryetarëve të Parlamenteve Evropiane. /abcnews.al

nikola-gaon.jpg
G. P.18:18 | 06/04/2019

Këshilli i bashkëpunimit rajonal ka nisur projektin për të krijuar zhvillimin e turizmit në 8 vende te rajonit. Menaxheri i projektit, Nikola Gaon, i cili ka nisur zhvillimin e projektit edhe në Tiranë thotë se synimi kryesor është lidhja e këtyre vendeve përmes trashëgimisë kulturore.

Sllovenia, Kroacia, Bosnje Hercegovina, Shqipëria, Maqedonia, Kosova, Mali i Zi dhe Serbia janë 8 vendet që përfshinë projekti i Këshillit Rajonal për promovimin e turizmit përmes trashëgimisë kulturore. Menaxheri i projektit, Nikola Gaon, sapo ka nisur turin e prezantimit të këtij projekti pas Prishtinës edhe në Tiranë.

Por përtej trashëgimisë, në këtë projekt janë përfshirë edhe lidhja e këtyre vendeve në ture përmes malit, lumenjve apo në udhëtimet me biçikleta. Ky projekt sapo ka nisur të zhvillohet dhe pritet të përmbyllet brenda 3 viteve.  Fondi i vënë në dispozicion është 5 milionë euro./abcnews.al

zaev-dhe-tsipras.jpg
G. P.16:04 | 02/04/2019

Kryeministri grek Aleksis Tsipras po zhvillon sot një vizitë zyrtare historike në Shkup. Në konferencën e përbashkët për shtyp me kryeministrin e Maqedonisë së Veriut, Tsipras u shpreh se deri tani të dyja vendet kishin humbur shumë kohë të çmuar.

Në konferencën e përbashkët për shtyp kryeministri i Greqisë, Aleksis Tsipras dhe ai i Maqedonisë së Veriut, Zoran Zaev, janë shprehur njëzëri se vizita e parë e një kryeministri grek në Shkup ishte një ogur i mirë për rajonin.

Ndër të tjera, Zaev u shpreh se Marrëveshja e Prespës dhe zbatimi i saj janë garanci për të ardhmen e dy vendeve. Ai shtoi se është nënshkruar marrëveshje për hapjen e një vendkalimi të ri kufitar, i cili sipas tij do të kontribuojë edhe më shumë për afrimin e qytetarëve të të dyja vendeve.

Zaev e ka konsideruar homologun e tij grek si shokun e tij më të mirë dhe si një mik i madh i Maqedonisë së Veriut. Nga ana e tij, Tsipras theksoi se deri tani është humbur shumë kohë dhe kjo duhet kompensuar sa më shpejt.

Sipas tij, çështja më e rëndësishme në takimin e sotëm ishte çështja ekonomike, sepse nuk ka kohë për të humbur. Delegacioni grek përbëhej nga më shumë se 100 biznesmenë.

“Greqia do të bëj përpjekje që të ndihmojë Maqedoninë në rrugën e saj për integrim në Bashkimin Evropian”, tha Tsipras./abcnews.al

macedonia-1280x715.jpg
G. P.17:55 | 28/03/2019

Kryeministri Zoran Zaev dhe ministrja e Drejtësisë, Renata Deskoska, kanë vazhduar takimet me partitë politike për të arritur shumicën e dy të tretave të votave në parlamentin e Maqedonisë së Veriut për ligjin me të cilin duhet të zgjidhet statusi i Prokurorisë Speciale.

Partitë opozitare shqiptare ASH-ja dhe BESA në takimin në Kuvend me Kryeministrin Zaev dhe ministren e Drejtësisë, Renata Deskoska, kanë shprehur përkrahje për PSP-në si organ i posaçëm në kuadër të Pokurorisë Publike që do të ketë kompetenca efikase, ka theksuar ministrja Deskoska.

Renata Deskoska: “Në përgjithësi nga takimi i sotëm është edhe përkrahja për PSP-në si organ që do të ketë kompetenca efikase dhe që do të jetë një prokurori e veçantë që në fakt është edhe pjesë e ligjit të tashëm. Në pjesën e mënyrës së shfrytëzimit të xhirimeve si dëshmi do të ketë konsultime shtesë”.

“Po, përkrahje PSP-së, por ajo duhet t’i dëshmoj opinionit se vërtet janë të interesuar për të luftuar krimin dhe korrupsionin që kanë ndodhur në të kaluarën, por që po ndodhin edhe tani”. Kështu është shprehur kreu i Aleancës për Shqiptarët Ziadin Sela, pas takimit me kryeministrin Zoran Zaev dhe ministren e Drejtësisë Renata Deskoska, lidhur me propozim ligjin e Prokurorisë së Përgjithshme, e propozuar nga Qeveria, në të cilën do të inkorporohet edhe PSP-ja.

Ziadin Sela, kryetar i ASH-së: Vlerësojmë se ky trup akoma nuk e ka kryer detyrën për të cilën u themelua dhe i njëjti duhet të vazhdojë me ndryshimet e ligjit duke u zgjatur afatet në pafundësi të funksionojë si organ brenda sistemit të drejtësisë së vendit të paktën deri në përmbylljen e detyrës për të cilën është themeluar.

Kryeparlamentari Talat Xhaferi ka bërë me dije se gjatë fushatës zgjedhore Kuvendi nuk do të zhvillojë punime, duke ju bërë thirrje pjesëmarrësve në zgjedhjet presidenciale që të demostrojnë fushatë demokratike.

Talat Xhaferi: Apeloj që qytetarët të shfrytëzojnë të drejtën e tyre të mund të zgjedhin dhe të dalin në votimet e tyre. Apel deri te pjesëmarrësit apo ata që janë përkrahës të kandidatëve në fushatë që të mbajnë llogari për nivelin dhe kulturën politike të komunikimit të sjellë së pari mes vetë subjekteve politike dhe në relacion të komunikimit të tyre me qytetarët.

Ndërkohë  edhe Zyra e Bashkimit Evropian në Shkup  i inkurajon të gjithë deputetët e Kuvendit ta përkrahin miratimin e ligjit për PSP-në. Për sot pasdite është caktuar edhe një takim mes grupeve të punës së shumicës dhe opozitës ku do të diskutohen amendamentet e VMRO-DPMNE-së rreth Ligjit për Prokurorinë Publike ku duhet të zgjidhet edhe statusi i ardhshëm i PSP-së./abcnews.al

muhamed-sejdini.jpg
G. P.20:53 | 18/03/2019

Për herë të parë shtëpia maqedonase e futbollit do të drejtohet nga një shqiptar. Në Kuvendin zgjedhor të Federatës së Futbollit, shqiptari Muhamed Sejdini është zgjedhur me shumicë dërrmuese votash.

Muhamed Sejdini është presidenti i ri i Federatës së Futbollit të Maqedonisë. Në Kuvendin zgjedhor të zhvilluar në Ohër nga 96 delegatë që numëron gjithsej federata, 90-të ishin prezent dhe 82 votuan “Pro” zgjedhjes së Sejdinit në krye të Shtëpisë së Futbollit vendor.

Në garën për postin e presidentit të FFM-së, Sejdini ishte kandidati i vetëm dhe kjo është hera e parë që një shqiptar do ta udhëheq FFM-në.

Muhamed Sejdini: “Nuk do të kisha thënë se për herë të parë është shqiptar apo maqedonas. Ne këtu flasim gjuhën e futbollit dhe rëndësi ka më i miri. Rëndësi ka që të çojmë futbollin përpara dhe dyert e federatës janë të hapura për të gjithë ata që kanë ide dhe që duan që të zhvillohet futbolli në vend”.

Në Kuvendin zgjedhor të federatës vendore morën pjesë Davor Shuker si anëtar i Komitetit të UEFA-së, Hejdi Beha nga FIFA si dhe Gazmend Rustemi si përfaqësues i Agjencisë për Rini dhe Sport.

Sejdini në këtë post do të zëvendësojë Ilço Gjorgjioskin që vitin e kaluar u tërhoq nga kreu i FFM-së, ndërsa Sejdini ishte zëvendës president i këtij institucioni në pesë vitet e fundit./abcnews.al

maqedonia-2-1280x688.jpg
ent ela17:16 | 24/02/2019

Kuvendi i Maqedonisë nuk ka caktuar ende një datë për shqyrtimin e kërkesës së gjykatës për miratimin e paraburgimit për deputetin e VMRO-së, Trajko Veljanovski. Partia në pushtet, LSDM ka deklaruar se baza për thirrjen e një seance plenare ekziston, por komisioni i posaçëm nuk ka ende një qëndrim për heqjen e imunitetit të Veljanovskit. Pas dy ditë debat, Komisioni për çështjet e rregullores, mandatit dhe imunitetit mbylli diskutimet me 4 vota pro dhe 4 kundër në lidhje me heqjen e imunitetit të Veljanovskit. Në momentin e votimit mungoi deputeti i BDI-së Agim Shaqiri, i cili do të mund të kishte bërë diferencën. Tani topi është në fushën e Kuvendit./abcnews.al

 

ministrja-franceze.jpg
G. P.15:59 | 19/02/2019

Pavarësisht hapave para të konsiderueshme, për Maqedoninë e Veriut është ende herët që të hapë negociatat për anëtarësimin në Bashkimin Europian. Deklarata është bërë nga ministrja franceze për Çështjet Europiane.

Për ministren franceze për Çështjet Europiane, Nathalie Loiseau, Franca nuk është ende gati t’i thotë po hapjes së negociatave të anëtarësimit të Maqedonisë së Veriut në Bashkimin Europian. E pyetur rreth vizitës së saj në Maqedoninë e Veriut, ministrja Loiseau është shprehur, se Franca do jetë shumë më prezente në Ballkan sesa vitet e shkuara për të ndihmuar për reformat e integrimit. Por sipas saj nuk duhen përshpejtuar negociatat e anëtarësimit.

Nathalie Loiseau: “Do vizitoj Serbinë dhe Maqedoninë e Veriut. Jam e lumtur që do shkoj në Maqedoninë e Veriut pas zhvillimeve të fundit shumë pozitive. Eshtë e rëndësishme që të shkoj në këto vende që kanë një perspektivë europiane, pasi ato kanë një histori, gjeografi dhe kulturë europiane. Kjo nuk do të thotë, që duhen përshpejtuar negociatat. Duhet që së pari Europa të reformohet dhe këto vende të shkojnë në drejtimin e duhur. Por, nëse u themi, që të shkojnë në këtë drejtim, duhet t’i shoqërojmë. Kjo është ajo që do bëj, duke siguruar që Franca do jetë më prezente në Ballkan sesa vitet e shkuara”.

Këtë deklaratë, ministrja Loiseau e bëri në fillim të takimit të punëve të jashtme të Bashkimit Europian, të mbledhur në Bruksel për të diskutuar mbi problemet e shtetit ligjor në Poloni dhe Hungari, Brexit dhe përgatitjen e samitit e liderëve europianë të Marsit. Ky është qëndrimi që Franca ka mbajtur edhe në takimin e Ministrave të Jashtëm në Qershor të 2018-së, që mbetet deri tani i pandryshuar./abcnews.al

partite.jpg
G. P.11:47 | 18/02/2019

Koalicioni qeveritar në Maqedoninë e Veriut pritet të nisë sot bisedimet për përcaktimin e emrit të një kandidati konsensual për president. Veç dy partive kryesore të koalicionit, LSDM dhe BDI në bisedime mund të përfshihen edhe parti të tjera apo grupe interesi.

Partitë e koalicionit qeveritar në Maqedoni LSDM dhe BDI sot pritet të fillojnë bisedimet për gjetjen e kandidatit konsensual për President të vendit. Nga LSDM kanë theksuar se më 3 Mars do të bëjnë të ditur emrin e kandidatit për President, por paraprakisht do të diskutohet me partnerët e koalicionit. Dje një intervistë dhënë Dojçe Veles, kryeministri Zoran Zaev shprehu besimin për një dakordësi shumë të gjerë për emrin e kandidatit për President.

“Besoj se do të bashkohemi më shumë parti politike për të qëndruarar prapa emrit të vërtetë që do të ketë shanse për të ngadhnjyer, por edhe që të jetë President më i mirë për vendin tonë”, ka deklaruar Zaev.

Edhe Bujar Osmani nga BDI theksoi se në takimin e sotëm do të shtrohen për diskutim të gjitha opsionet.

“Nëse do të arrihet një marrëveshje, natyrisht qe do të kërkojmë që ta zgjerojmë këtë mbështetje, fillimisht me partitë e tjera të koalicionit dhe më pas me grupe tjera të interesit me qëllim që të arrijmë një shumicë sa më të madhe pasi këtë e kërkon konsensualiteti”, theksoi zëdhënësi i BDI-së, Bujar Osmani.

Njëkohësisht LSDM ka shpallur konkurs publik, duke inkurajuar personalitete të ndryshme të paraqiten në këtë konkurs për kandidat për president./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono