Maqedonia

AHMETI.jpg
Autor E14:32 | 16/01/2020

Kryetari i BDI-së, Ali Ahmeti konfirmon në një intervistë ekskluzive për ABC News se partia e tij nuk do të bëjë koalicion me ndonjë forcë tjetër politike shqiptare apo maqedonase, por do të hyjë e vetme në zgjedhje.

Duke komentuar zhvillimet në Maqedoninë e Veriut, Ahmeti thotë se i ishte ofruar ndarja e Maqedonisë së Veriut në vija etnike, por ai e ka refuzuar.

INTERVISTA E PLOTË

Unë kam patur ofertë për të ndarë Maqedoninë nga drejtues të lartë të këtij shteti më herët. Çdo ndarje e këtij vendi do të ishte e dëmshme, shumë më e dëmshme për shqiptarët, por edhe për maqedonasit. Sepse nuk mund të ndahen gjërat si me thikë.

Do mbeteshin minoritete andej dhe këndej. Do kishte dëbime. Do hapeshin plagë të reja. Ne nuk e pranuam ndarjen e Maqedonisë edhe pse na u rpezantua nga autoritetet e këtij shteti. Unë ua kam thënë edhe politikanëve maqedonas, se ky është edhe shteti im, sa është edhe i juaji. Dua ta ndërtojmë këtë shtet dhe të mos jem qiraxhi në shtëpinë time, por zot në shtëpinë time. Dua të kem gjuhën dhe simbolet e mia. Në këto i kemi arritur këto.

Kemi universitet, kemi simbolin, kemi gjuhën tonë në Parlament dhe institucione.

Nga 75 oficera dhe nënoficera që kanë qenë deri në 2001 tani janë janë mbi 2 000 në ushtrinë e Republikës së Maqedonisë. Nga 175 polica deri në 2001 tani janë 2 500 punonjës policie. Ende ka punë për të bërë, nuk ka përfunduar. Populli thotë që të mirat nuk kanë fund, ashtu siç nuk kanë fund të këqijat.

Kemi hyrë në këtë rrugë pa paragjykime. Këtë ua kam thënë edhe politikanëve maqedonas që edhe ata do të jenë më të fortë se ne. Kështu mund ta ndërtojmë më të fortë Maqedoninë. Por, jo ata si padron dhe unë si qiraxhi”, u shpreh ai para gazetares së Abc News, Linda Karadaku.

Ahmeti thekson gjithashtu se do të ishte mirë që në bllokun e partive shqiptare të kishte pozitë dhe opozitë.

Mendoj se është ende herët për të  bërë koalicione parazgjedhore. Nuk do të ishte e dobishme as për BDI dhe as për shqiptarët. Sepse ende ka gjëra që duhet të qartësohen sa i përket çështjeve të ndjeshme, siç është përfgaqëesimi I drejt apo ajo e gjuhës.

Sa i takon raportit me partitë shqiptare, edhe kjo do të ishte e dëmshme nëse hyjmë me ndonjë prej tyre. Këtu shqiptarët nuk kanë krijuar ende opozitë të mirëfilltë”, u shpreh kreu i BDI-së, Ali Ahmeti. /abcnews.al

 

rajoni-maqedonia-1280x712.jpg
nev ila17:49 | 29/11/2019

Me ngrohjen globale, niveli i ujit rritet, duke destabilizuar strukturën e tokës e duke shtuar mundësinë e çarjes së tokave.

Shpjegimin e jep Dragana Çernih, drejtoreshë e Observatorit sizmik në Maqedoninë e Veriut, e cila thotë se për këto arsye në çdo vend duhen bërë matje.

Oda ekonomike për energjetikë inicion të bëhet monitorim sizmik i të gjitha digave në shtet me qëllim që të ulet rreziku sizmik. Observatori sizmik pranë Fakultetit natyror matematikor në Shkup, të cilët bëjnë monitorim të tillë vetëm në digën Kozjak, thotë se kjo çështje duhet të rregullohet me ligj.

Oda ekonomike për energjetikë të Maqedonisë dhe të Observatori sizmik në kuadër të Konferencës së katërt ndërkombëtare për energjetikë, nënshkruan një memorandum për të nxitur aktivitete për monitorim sizmik të digave në territorin e shtetit, raportoi Alsat.

Monitorim sizmik të sizmicitetit të induktuar sepse me çdo akumulim, ndryshohet regjimi i streseve tektonike në rrethinë dhe ka mundësi për tërmete të induktuara apo për paraqitje të tërmeteve atje ku deri më tani nuk ka pasur, deklaroi Dragana Çernih, drejtoreshë e Observatorit sizmik.

Në një konferencë ajo foli për tërmetet si problem i mundshëm gjatë çarjes së digave dhe vërshimeve në vendbanime.

Në Maqedoninë e Veriut bëhet monitorim sizmik vetëm në Liqenin Kozjak, ku janë tre stacione sizmike. Ajo thotë se nuk ka kontroll për digat e tjera dhe se është e domosdoshme të rregullohet me ligj monitorimi sizmik i detyrueshëm që do të thotë rritje e numrit të stacioneve sizmike, përmirësim rrjeti dhe analizë e të gjitha të dhënave.

Gjorgji Manaskov, kryetar i Odës ekonomike për energjetikë, tha se matjet janë shumë të rëndësishme në mënyrë që të ulen rreziqet nga çarja e digave.

“Me vetë ngrohjen globale në botë, do të vijë deri te rritja e nivelit të ujit, ndërsa pllakat ujore do t’u bëjnë presion pllakave tokësore dhe do të fillojë destabiliteti i strukturës tokësore, ku digat bëhen problem potencial. Vjen deri te mundësia për çarje dhe prandaj duhet të bëhen matje që janë shumë të rëndësishme për një vend të dimë se çfarë ndodh saktë në truallin e vendit, në mënyrë që të mos vijë situate deri te çarja”, deklaroi Manaskov./abcnews.al

zoran-zaev-1280x698.jpg
ger ta13:16 | 07/11/2019

Kryeministri i Maqedonisë së Veriut Zoran Zaev tha se partia e tij socialdemokrate LSDM, kërkon ndryshimin e modelit zgjedhor para zgjedhjeve të 12 prillit të vitit të ardhshëm.

Zaev u tha gazetarëve në Shkup se partia e tij, edhe në programin e vet zgjedhor, ka deklaruar se angazhohet për zgjedhje më një njësi zgjedhore dhe vazhdon ti ruajë këto qëndrime.

Zaev tha se shpreson që të ketë konsensus që vendi të ketë vetëm një njësi zgjedhore, megjithatë theksoi se në çdo rast, deputetët e tij do të votojnë për ndryshimin e modelit zgjedhor.

“Shpresoj që të ketë konsensus. Kjo është pjesë e programit tonë zgjedhor, dhe jo vetëm kaq, po ne besojmë në të. Do të fitojë demokracia, shteti. Nëse shkohet në votim për këtë në parlament, shpresojmë se do të jetë me konsensus, nëse nuk arrihet konsensus, social-demokratët do të votojnë për ndryshimin e modelit zgjedhor“, ka thënë Zaev./abcnews.al

tsipras-1280x885.jpg
ent ela14:30 | 01/11/2019

Ish-kryeministri grek Aleksis Cipras tha se është krenar për marrëveshjen me Maqedoninë e Veriut. Sipas tij, nëse nuk do të ishte ndërmarrë ky hap historik, hapësira ajrore e këtij vendi nuk do të mbikëqyrej nga aeroplanët ushtarakë grekë, por ata turq.

Ish kryeministri i Greqisë, ndërsa tani lider i SYRIZËS opozitare, Aleksis Cipras gjatë debatit për ligjin e ri për azil në Parlamentin grek, duke folur për çështjet kombëtare, u kthye edhe në Marrëveshjen e Prespës, duke thënë se ndjehet krenarë me marrëveshjen e arritur.

“Po, krenar jemi për këtë Marrëveshje sepse sot aeroplanët ushtarak grek të cilët e mbikëqyrin hapësirën ajrore të Maqedonisë së Veriut, ndërsa jo aeroplanët ushtarak turq, siç do të ishte nëse nuk e ndërmerrnim këtë hap historik. Krenar jemi sepse e mbrojtëm interesin patriotik. Krenar jemi që madje edhe sot, kur një vend fqinj është në situatë të rëndë, ne jemi ato të cilët kemi ndërmarrë nisma në interes të stabilitetit në vendin fqinj, derisa Qeveria greke në Samit i ka vëzhguar Danimarkën dhe Holandën se si merren me Ballkanin Perëndimor”, tha Cipras. /ABC  News Albania 24/7

 

hahn.jpg
ad min14:11 | 31/10/2019

Komisioneri evropian për zgjerimin Johanes Hahn, tha se është i bindur se rezultati zhgënjyes i Këshillit Europian, që i refuzoi Shqipërisë dhe Maqedonisë së Veriut fillimin e negociatave të anëtarësimit në Bashkimin Europian, do të ndryshojë së shpejti.

“Rezultati zhgënjyes i Këshillit të kaluar Europian, që i refuzoi Shqipërisë dhe Maqedonisë së Veriut fillimin e negociatave të anëtarësimit në Bashkimin Evropian shumë shpejt do të ndryshojë”, shkruan Hahn në Tëitter.

Komisioneri Hahn takoi në Bruksel së bashku me presidentin e Komisionit Europian, Jean-Claude Juncker, presidentin serb, Aleksandër Vuçiç, i cili ritheksoi mbështetjen e tij për perspektivën europiane të Ballkanit Perëndimor./ABC News Albania

zoran-zaev-e1546608513506.jpg
ad min13:20 | 26/10/2019

Përfaqësues të LSDM, partia e kryeministrit të Maqedonisë së Veriut Zoran Zaev, kanë filluar aktivitetet partiake në zonat e banuara nga shqiptarët ndërkohë që analistë dhe komentues në Maqedoninë e Veriut thonë se grupimi i shqiptarëve në radhët e LSDM-së po shndërrohet në opozitë të vërtetë të partive shqiptare, të pozitës dhe opozitës. LSDM mendohet se në zgjedhjet e fundit parlamentare ka fituar afër 1/3 e votave të përgjithshme të qytetarëve shqiptarë në këtë vend.

Duket se Lidhja Social Demokrate e Maqedonisë, e kryeministrit Zoran Zaev, edhe në zgjedhjet e ardhshme parlamentare të 12 prillit, do të synojë votën shqiptare. Përfaqësues të kësaj partie tashmë kanë filluar aktivitetet partiake në zonat e banuara nga shqiptarët. Nënkryetari i LSDM-së, Muhamet Zekiri vizituan të premten në mbrëmje, së bashku me ministrin Oliver Spasovski, banorët e fshatit Mateç të komunës së Likovës.

Zekiri tha se kishin biseduar me banorët lidhur me projektet e realizuara nga qeveria dhe problemet me te cilet ballafaqohen qytetarët. Disa netë më parë LSDM-ja pati takime edhe me qytetarët e Tetovës, ku kërkoi hapur mbështetjen e shqiptarëve. Kostandin Kostandinov u foli qytetarëve për Tetovën e bashkuar, të gjithë së bashku maqedonas, shqiptarë, turq, vlleh, boshnjakë dhe të tjerë, me një qëllim, për të ndjekur rrugën e duhur.

Në zgjedhjet e kaluara parlamentare, LSDM-ja morri një numër të madh të votave shqiptare, ndërsa në zgjedhjet lokale fitoi Komunën e Haracinës. Po kështu, në zgjedhjen e Presidentit Stevo Pendarovski, votat e shqiptarëve bënë diferencën.

Analistë dhe komentues në Maqedoni thonë se grupimi i shqiptarëve në radhët e LSDM-së po shndërrohet në opozitë të vërtetë të partive shqiptare, të pozitës dhe opozitës dhe ndërkohë po forcohet krahu i shqiptarëve në LSDM, e cila në zgjedhjet e fundit parlamentare mendohet se ka fituar afër 1/3 e votave të përgjithshme të qytetarëve shqiptarë në Maqedoninë e Veriut. Megjithatë, nuk janë dhënë ndonjëherë shifra zyrtare sesa ishte vota e shqiptarëve të Maqedonisë së Veriut  në favor të LSDM-së së Zoran Zaev./ABC News Albania

sejdin.jpg
ad min15:45 | 25/10/2019

Ish-Presidenti i Kosovës Fatmir Sejdiu ka kritikuar të ashtuquajturin Shengen ballkanik, duke theksuar se Serbia mezi pret ta përjashtojë Kosovën nga komunikimet në nivele rajonale, e aq më tepër në nivele të tjera.

Fatmir Sejdiu – ish-president i Kosovës: “Unë di një gjë dhe s’besoj që Shqipëria e mendon asisoj asnjëherë se Republika e Serbisë me ndikimet e saj gjithmonë ka qenë menxipritëse që të përjashtojë Kosovën nga komunikimet në nivele edhe rajonale aq më tepër në nivele të tjera. Në këtë kuadër ajo me kënaqësi të veçantë them gjithmonë me hile shumë të madhe do të mbante takime në nivel çfarë ishte ky i  fundit me Shqipërinë dhe me një nga vendet e rajonit për të dhënë storjen e saj për të thënë “ja se Kosovën  nuk e bën askush hesap””.

Ish-presidenti i Kosovës ka vënë në dukje se në vitin 2008, si president i Kosovës, kishte ndërmarrë iniciativën për një minishengen ballkanik midis Kosovës, Shqipërisë, Maqedonisë dhe Malit të Zi. Kjo kishte hasur në mirëkuptim të këtyre vendeve madje edhe u hoqën pasaportat në pikat kufitare midis këtyre vendeve./ABC News Albania

zoran-zaev-1280x698.jpg
Autor E09:09 | 21/10/2019

Zgjedhjet e parakohshme parlamentare në Maqedoninë e Veriut do të zhvillohen më 12 prill 2020. Kjo është vendosur në takimin e liderëve të partive parlamentare me presidentin Stevo Pendarovski.

Presidenti Pendarovski ka thënë se nga të gjithë liderët ka marrë garanci se pa marrë parasysh vendimin e BE-së në lidhje me datën e bisedimeve, vendi do të vazhdojë rrugën e euro-integrimeve.

“Kemi konsensus shtetëror, pavarësisht përfundimeve të samitit të BE-së, kemi konfirmim nga të gjithë të pranishmit, se ne nuk kemi asnjë problem me metodologjinë e re që kërkohet. Të gjithë kanë rënë dakord se nuk kanë asnjë problem me procesin e rezervuar, për shkak se nuk kemi prej çka të frikësohemi, të gjithë të pranishmit i thanë jo cilësdo alternativë tjetër. Ne jemi pjesë e Evropës, dhe ne nuk po kërkojmë ndonjë alternativë tjetër, përveç asaj të një anëtares së plotë e BE-së”, ka deklaruar Stevo Pendarovski.

Kryeministri nga LSDM, Zoran Zaev theksoi, se “besoj se qytetarët me mençuri do të sjellin vendim me të cilin do ta hapin rrugën nëpër të cilën ne politikanët, që do të marrim përkrahje, do ta udhëheqim shtetin tonë”. Ai tha se data është arritur me koncensus dhe se është marrë parasysh ratifikimi i Protokollit për anëtarësim në NATO. Zaevi tha se në rrugën e konsultimeve të brendshme në LSDM do të zgjidhet kryeministri teknik, i cili do të kryejë funksionin nga 3 janari. Ai vlerëson se tani është momenti i mirë që të bisedohet edhe për ndryshim të modelit zgjedhor, ndërsa sipas LSDM, është e pranueshme që të ketë një njësi zgjedhore dhe lista të hapura.

“Kjo datë na krijon mundësi që të flasim për modelin zgjedhor. Si kryetar i partisë më të madhe politike në shtet mbetem në qëndrimin, se shteti duhet të bëjë hapa para drejt demokratizmit të procesit. Për LSDM-në është e pranueshme një njësi zgjedhore dhe lista të hapura. Dëshiroj t’i dëgjoj partitë më të vogla politike, sepse shumë shpesh ne partitë më të mëdha mblidhemi dhe nuk është korrekte që vetëm ne të vendosim. Kisha takim me ta dhe ata janë për një njësi zgjedhore. Besoj se shteti do të mbledh fuqi që të bëjë hapa para drejt demokratizimit më të madh përmes procesit zgjedhor, gjegjësisht modelit zgjedhor që ta përforcojmë pluralizimin në shtet përmes Parlamentit”, ka deklaruar Zaev.

Ahmeti: Vulosëm bashkarisht rrugëtimin euroatlantik

Kryetari i BDI-së Ali Ahmeti ka vlerësuar, se takimi tek Presidenti është një ndër takimet më konstruktive ku njëzëri nga të gjithë partitë është vulosur rrugëtimi euro-atlantik i vendit.

“Mund të them se ky është ndër takimet më konstruktive që kam pasur deri më tani, të gjitha partitë politike thanë se alternativa jonë e vetme është Bashkimi Evropian. Kemi biseduar se për vendin tonë është me rëndësi që të bëhet ratifikimi i marrëveshjes për anëtarësim në NATO nga të gjitha vendet që akoma nuk e kanë ratifikuar. Gjithashtu pas ratifikimit edhe Parlamenti ynë duhet të ratifikojë marveshjen për anëtarsim në NATO. Ramë dakord që me 12 prilli të mbahen zgjedhjet. Me rëndësi është që zgjedhjet të jenë të pranueshme dhe demokratike, të lira sipas të gjitha standardeve. Le të fitojë më i miri”, ka thënë Ahmeti.

Kryetari i VMRO-DPMNE-së opozitare Hristian Mickoski pas takimit të liderëve ka theksuar se është me rëndësi që u riafirmuan qëndrimet se të gjithë mbeten të përkushtuar në euro-integrime. Ai theksoi se vijojnë zgjedhje të parakohshme parlamentare, ku do të fitojë një Maqedoni e rindërtuar.

“Nuk ka alternativë tjetër përveç integrimit në NATO dhe BE. Ky ishte konstatim unanim i të gjithë pjesëmarrësve në këtë takim sa i përket mosmarrjes së datës për fillim të negociatave. Ndërkohë në pjesën e dytë ku u diskutua për zgjedhjet e parakohshme ramë dakord që 12 prilli të jetë dita kur do të mbahen zgjedhjet e parakohshme parlamentare. Për ne ishte shumë e rëndësishme që të marrim datë për zgjedhje të parakohshme. Kemi realitet të ri, do të kemi qeveri teknike dhe më 12 prill do të kemi fitues të ri të zgjedhjeve”, deklaroi Hristijan Mickoski, kryetar i VMRO-DPMNE-së.

Partitë shqiptare pro zgjedhjeve të parakohshme parlamentare

Kryetari i Alternativës Afrim Gashi ka thënë se derisa Evropa t’i sqarojë punët e brendshme, ne duhet të vazhdojmë Evropën ta sjellim këtu dhe të vazhdojmë me reformat e posaçërisht ato në fushën e gjyqësorit.

“U dakorduam për 12 prillin si ditë zgjedhjeje dhe ditë feste për të gjithë qytetarët dhe tek shqiptarët do të vijë ndryshimi”, ka deklaruar Afrim Gashi.

Kryetari i Aleancës për Shqiptarët, Ziadin Sela është i gëzuar për konfirmimin e datës së mbajtjes së zgjedhjeve të parakohshme parlamentare. “Qëndrimi i përbashkët ishte se të gjithë duhet të punojmë për synimet tona për rrugën drejt BE. Kuptohet që me siguri ju kanë thënë se data për zgjedhjet e parakohshme është një sihariq për gjithë qytetarët, për të gjithë ata që vlerësojnë se ka ardhur dita e ndryshimit. Unë i bëj ftesë të gjithë njerëzve të mobilizohen që ta sjellin ndryshimin. Na priftë e mbara të gjithëve”, është shprehur Ziadin Sela.

Kryetari i Lëvizjes BESA Bilall Kasami ka theksuar se tek subjekti i tij politik nuk ka pasur asnjë mëdyshje se pas mosmarrjes së datës për fillimin e bisedimeve për anëtarsim në BE, Maqedonia e Veriut duhet të shkojë në zgjedhje zë parakohshme parlamentare.

“Ne si BESA edhe më parë kemi konfirmuar se zgjedhjet duhet të mbahen. Tani është momenti më i përshtatshëm që qytetarët të tregojnë se cili është orientimi i tyre dhe kjo do të konfirmohet edhe në zgjedhjet e reja të parakohshme. Në asnjë moment nuk duhet të vihet në pikëpyetje procesi euroatlantik i Maqedonisë së Veriut. Ne duhet t’i bëjmë detyrat e shtëpisë, që më pas në samitin e radhës të marrim edhe datën për negociata”, nënvizon Kasami.

Sipas Marveshjes së Përzhinos, 100 ditë para mbajtjes së zgjedhjeve të parakohshme duhet të formohet qeveri teknike, të cilën duhet ta udhëheq personi i propozuar nga LSDM, ndërsa opozitës i takon Ministria e Punëve të Brenëshme dhe dy ministri të tjera. Sipas kësaj Maqedonia e Veriut nga 3 janari 2020 do të udhëhiqet nga qeveria teknike që përgatit zgjedhjet e parakohshme parlamentare të 12 prillit. /DW

taulant-balla-1-1-1280x706.jpg
nev ila14:10 | 20/10/2019

Pasi u refuzuan nga Bashkimi Evropian, deputetë Parlamenteve të Shqipërisë dhe Maqedonisë së Veriut u takuan në Pogradec. Me optimizëm kryetari i grupit parlamentar socialist Taulant Balla sheh se deri në samitin e Zagrebit, do të ketë reflektim dhe të dy vendet do të nisin procesin e bisedimeve për anëtarësim.

“Vendimi i Këshillit Europian, apo mosvendimi për të qënë korrekt, për Shqipërinë dhe Maqedoninë e Veriut nuk mori parasysh aspak progresin me reformat kryesore të bëra nga të dyja vendet gjatë viteve të fundit. Por ne gjithësesi duhet të vazhdojmë reformat e ndërmarra.

Unë kam studiuar në Rumani, kur Rumania diskutonte anëtarësimin. Ata kaluan shumë më lehtë përgjatë këtij procesi dhe tani na kërkojnë shumë më shumë.

Por unë besoj se do të ketë reflektim dhe se deri në Samitin e Zagrebit për Vendet e Ballkanit Perëndimor në Maj 2020, me siguri Shqipëria dhe Maqedonia e Veriut do të nisim bisedimet për anëtarësim.”

Në shqip iu drejtua kolegëve të tij të cilëve u kërkoi të nxitojnë me miratimin e ndryshimeve në Kodin Zgjedhor.

“Apeli im, edhe për grupimet e tjera politike, të përfaqësuara në Kuvendin e Shqipërisë, është që, përtej interesave politike që mund të kemi, adresimi i nevojave të ndryshimit të Kod Zgjedhor të rekomandimeve të ODIHR-it duhet të jetë i menjëhershëm.

Besoj që Krishtlindjet e 2019 dhe marrja e presidencës së OSBE-së nga ana e Shqipërisë, do të na gjejnë me ndryshime të miratuara në Parlamant”.

Buzë liqenit të Ohrit 60 parlamentarët shqiptarë e maqedonas i bëri bashkë OSBE/ODIHR ku i kërkoi që të respektohet barazia gjinore në institucionet publike dhe qeverisjes vendore./abcnews.al

zaev.jpg
Autor E12:47 | 19/10/2019

Kryeministri Zoran Zaev në fjalimin e tij në Qeveri sot tha se vendi duhet të shkojë në zgjedhje të parakohshme. Ky propozim i tij vjen pasi që dje nuk u mor data për fillimin e negociatave me BE-në.

““Para dy dite Brkuseli na bëri padrejtësi, ne kemi kryer të gjitha obligimet. Ata nuk e mbajtën fjalën dhe nuk dhanë datë. Kjo është një gabim historik i Evropës. Falënderojmë shumicën e liderëve të Evropës. Kjo është një vendim i Evropës dhe problemeve të tyre të brendshme.

Ne jemi përgjegjës dhe kjo  kërkon nga ne vendim serioz, secili politikan duhet të jetë përgjegjës, dal me përgjegjësi para qytetarëve. Ëndrra evropiane e Maqedonisë nuk do të shuhet.

Për këtë marr përgjegjësi, organizojmë zgjedhje të parakohshme parlamentare, ky do të jetë edhe propozimi im në mbledhjen e liderëve””, tha mes tjerash Zaev.

Ai theksoi se fokusi i tij do të jetë për reforma, integrimin euroatlantik dhe përmirësimin e jetës së qytetarëve.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono