maqedonia e veriut

oliver-1.jpg
ger ta21:12 | 27/12/2019

Oliver Spasovski do të jetë kryeministri teknik i Maqedonisë së Veriut.

Vendimi është marrë në mbledhjen e sotme të Kryesisë së LSDM-së, ku është vendosur se kryeministri teknik të jetë ministri aktual i Punëve të Brendshme Oliver Spasovski.

Kryeministri Zoran Zaev, në një konferencë  ka publikuar disa nga emrat që do të jenë pjesë e qeverisë teknike.

Milla Carovska, zv.kryeministre për Çështje Ekonomike. Zëvendësministër plotësues në Ministrinë e Brendshme, Sllavanka Petrovska, shef kabineti i deritanishëm i Spasovskit. Zëvendësministër për Punë dhe Politikë sociale, Sanella, shef i deritanishëm i kabinetit të Carovskës. Bojan Mariqiç, sekretar i ri për Marrëdhënie Ndërkombëtare i LSDM-së

Takimi i liderëve për të vendosur për Qeverinë teknike, do të mbahet nesër.

Sakaq, Zaev deklaroi se në mbledhjen e sotme, LSDM ka diskutuar edhe për partneritetin me BDI-në, si dhe amendamentet që këta të fundit kanë dorëzuar për ndryshimet në Kodin Zgjedhor./abcnews.al

 

rutt.jpg
ger ta17:37 | 10/12/2019

Në margjinën e Samitit të NATO-s të mbajtur në Londër të dielën e kaluar, Mark Rutte, kryeministri holandez, i tha të përditshmes malazeze Pobjeda, se Shqipëria aktualisht nuk është gati të hapë negociatat me Brukselin, ndërsa Maqedonia e Veriut është afër këtij qëllimi.

“Hollanda nuk është kundër zgjerimit të BE, por vendet duhet të jenë të gatshme si Mali i Zi kur filloi negociatat. Ne nuk besojmë se Shqipëria është gati të fillojë bisedimet me BE në këtë kohë; dhe për sa i përket Maqedonisë së Veriut, ajo është më afër këtij qëllimi”.

I pyetur nëse viti 2025 është një afat realisht real për hyrjen e një prej vendeve të Ballkanit Perëndimor në BE, Rute u përgjigj se pranimi në Union deri në një datë të caktuar nuk është qëllim në vetvete.

Ai shtoi se disa nuk e donin ndarjen e procesit të negociatave të Brukselit me Maqedoninë e Veriut dhe Shqipërinë.

“Disa të tjerë nuk e dëshirojnë atë, kjo është arsyeja pse në mbledhjen e fundit të Këshilli Evropian, ne vendosëm të mos përparojmë në hapjen e negociatave me këto vende.”
Rute tha se Holanda nuk ka asgjë kundër zgjerimit të BE, “por duhet të sigurohemi që t’i përmbahemi rregullave dhe se gjithçka duhet të jetë e rreptë dhe e drejtë.”

Ministri i jashtëm holandez Stef Blok tha në seancën e fundit të Këshillit të BE-së se vendi i tij do të pranonte t’i jepte “dritë jeshile” vetëm Maqedonisë së Veriut kur ai vend të përmbushë kushtin e fundit.

Sa i përket Francës, ajo kërkon hapjen e negociatave midis BE-së dhe Maqedonisë së Veriut duke miratuar një metodologji të re në procesin e negociatave.

Zyrtarët e Parisit thonë se korniza aktuale është shumë e gjatë dhe tepër e ndërlikuar, dhe se qasja duhet të ndryshohet, sepse ajo aktuale nuk përputhet me situatën reale në vendet negociuese. Sidoqoftë, Franca nuk ka dhënë informacion specifik se çfarë duhet të mbulojë metodologjia e re, dhe fillimi i saj zyrtar pritet në pranverën e vitit 2020./abcnews.al

 

dimitrov9.jpg
in a10:26 | 10/12/2019

Në një intervistë për Euronews, Ministri i Jashtëm i Maqedonisë së Veriut, Nikola Dimitrov u shpreh se në një mënyrë ose tjetrën vendi i tij do të hyjë në Bashkimin Europian. Ai u shpreh se më mirë do ishte që Shqipëria dhe Maqedonia e Veriut të anëtarësoheshin së bashku, por nëse s’do ishte e mundur, atëherë më mirë një se asnjë .

Ambiciet e Maqedonisë së Veriut dhe të Shqipërisë për anëtarësimin në Bashkimin Europian u shtypën nga Këshilli Europian në muajin tetor kur një minorancë shtetesh anëtare, së pari Franca, tha jo, duke theksuar se ishte ende shpejt për hapjen e negociatave për anëtarësim. Ka nga ata që dëshirojë që rruga e dy vendeve të ishte e ndarë.

Ministri i Jashtëm i Maqedonisë së Veriut, Nikola Dimitrov, mendon në nivelin e zonës Ballkanike duke thënë se suksesi i një vendi mund të konsiderohet si suksesi i një rajoni të tërë.

“Si fqinj, si fqinj të mirë, ne besojmë se dhe Tirana është në gjendje të fillojë aventurën e saj europiane. Mendoj se anëtarësimi i të dyja vendeve në BE është zgjidhja më e mirë, duhet të punojmë të gjithë duke gjetur një pikë të përbashkët. Por nëse nuk është e mundur atëherë na duhet një dinamikë pozitive, jo negative, dhe anëtarësimi i vetëm një vendi gjithësesi është më mirë se asgjë”, shprehet ai.

Pas refuzimit të madh të muajit tetor, tashmë ka presion ndaj Komisionit të ri Europian.

Nuk është e thënë se strategjia për të vijuar rrugën e vetme, do të ishte një strategji fituese për Maqedoninë e Veriut. Ajo që është e sigurtë është se shumë kryeqytete europiane, dhe vet ish presidenti i komisionit europian Zhan Klod Junker, e konsideruan si gabim refuzimin që iu bë Tiranës dhe Shkupit.

Ministri i jashtëm Dimitrov është takuar tashmë me komisionerin e ri për zgjerimin Olivér Várheli, por kuptohet se rruha është e vështirë. Por Dimitrov shprehet i bindur se nuk ka një alternativë për rajonin. Ai theksoi se vendi i tij në një mënyrë ose tjetrën do të anëtarësohet në Bashkimin Europian, por rruga do të ishte më e lehtë nëse do të kishte mbështetje.

Në pritje të lajmeve të reja nga Brukseli, të dy vendet po punojnë për të përforcuar aleancën rajonale dhe së bashku me Serbinë firmosën një lloj Shengeni Ballkanik, një marrëveshje që favorizon qarkullimin e mallrave dhe njerëzve në tri vendet./abcnews.al

Shkendija.jpg
Igli Nikolli13:50 | 09/12/2019

Racizëm kundër shqiptarëve nga tifozët e Vardarit të Shkupit në ndeshjen e luajtur ndaj Shkëndisë së Tetovës në kryeqytetin e Maqedonisë së Veriut. Derbi mes kryesuesve dhe kampionëve u zhvillua ditën e djeshme dhe përfundoi në barazim 2-2. Takimi u luajt në stadiumin “Filipi II” të Shkupit dhe dueli Vardar-Shkëndija Tetovë, më shumë sesa rezultati, bëri jehonë për sjelljen e një pjese të tifozëve vendas.

Tifogrupi “Komitët” dhe grupime të tjera brohoritën thirrje antishqiptare në rrugën e Shkupit përpara takimit, ku nuk mungonte shprehja “shqiptar i mirë, është shqiptari i vdekur”. Mediat nga Prishtina njoftuan se tifozë të Vardarit sulmuan edhe makina të parkuara pranë stadiumit, duke piketuar më shumë mjetet me targa të Kosovës.

Për sa i përket duelit të javës së 18-të, ai përfundoi 2-2, një rezultat jo i keq për Shkëndijën e Tetovës, pasi luante në fushë kundërshtare, por që nuk e lejoi t’i afrohej Vardarit që kryeson renditjen me tetë pikë më shumë se kuqezinjtë e Gjokës. Vardari kaloi në epërsi me anë të Darko Micevskit, por Omar Imeri barazoi për miqtë që në pjesën e parë. Pas pushimit, Ali Ademi i dha sërish avantazhin vendasve, por Shkëndija nuk u dorëzua.

Skuadra shqiptare realizoi golin e barazimit në minutën e 65-të me të njëjtin autor, Omar Imerin, ndërsa trajneri Ernest Gjoka bëri këtë koment për ndeshjen. “Shkëndija u përpoq ta fitonte ndeshjen në minutat e fundit, por nuk ia arriti qëllimit. Tetovarët kanë dalë dy herë radhazi kampionë, dhe do të synojnë ta fitojnë sërish kampionatin“. /abcnews.al

varfe.jpg
in a11:59 | 09/12/2019

Komisioneri për zgjerimin dhe politikën e fqinjësisë, Olvier Varhelyi thotë se BE mund të korrigjoje gabimin e bërë në tetor me Shqipërinë dhe Maqedoninë e Veriut.

“Ky është takimi i parë i ministrave të jashtëm në të cilin marr pjesë në funksionin e komisionerit për zgjerimin dhe politikën e fqinjësisë dhe jam shumë i kënaqur me këtë detyrë. Ne zhvilluam një mëngjes pune me ministrat e jashtëm të Maqedonisë së Veriut dhe Shqipërisë së bashku me ministrat e jashtëm të Bashkimit Europian. Debati ishte shumë inkurajues. Duket se mund të ecim përpara dhe të korrigjojmë gabimin që u bë në tetor. Ne duhet të jemi gati për hapjen e negociatave të anëtarësimit me të dyja vendet në pranverë të vitit të ardhshëm”, u shpreh komisioneri për zgjerimin dhe politikën e fqinjësisë Olvier Varhelyi.

Mëngjesi i punës është organizuar me iniciativën e Greqisë për të dëgjuar dy ministrat Cakaj dhe Dimitrov mbi avancimin e përmbushjes së kritereve të caktuara për hapjen e negociatave të anëtarêsimit me dy vendet.

Maqedonia e Veriut dhe Shqipëria kanë një mbështetje të gjerë prej më shumë se 15 shtetesh anëtare të Bashkimit Europian për hapjen e negociatave të anëtarësimit me Shqipërinë dhe Maqedoninë e Veriut në mars të vitit të ardhshëm.

Por, që një vendim i tillë të bëhet i mundur kërkohet unanimitet i të gjitha shteteve anëtare./abcnews.al

maqedoni.jpg
in a21:55 | 05/12/2019

Maqedonia e Veriut përfundoi fazën ndërtimore dhe në qershor të vitit të ardhshëm do të ketë plotësisht funksionale qendrën e parë dhe të vetme për rikuperim nga katastrofat dhe sigurimin e punës në vazhdimësi. TIK-Qendra e cila po ndërtohet me mbështetjen e Bashkimit Europian, është projekti i parë kapital i Ministrisë pas 20 viteve, i rëndësishëm për sigurinë e qytetarëve. Ministri i Brendshëm Oliver Spasovski tha para përfaqësuesve të Ministrisë dhe të autoriteteve lokale të Prilepit se me ndërtimin e këtij objekti, shteti do të jetë gati në rast të paaftësimit të sistemeve primare gjatë fatkeqësive.

“Qëllimi i ndërtimit të Qendrës për rikuperim nga katastrofat dhe sigurimi i punës së vazhdueshme, është ajo të sigurojë vazhdimësi në punë dhe kryerjen e aktiviteteve të nevojshme dhe ruajtjen e të dhënave në rast të katastrofave të mundshme natyrore apo atyre të shkaktuara nga ana e faktorit njeri.”

Ministri tha se me ndërtimin e këtij objekti, i cili është me rëndësi të jashtëzakonshme si për Ministrinë e Punëve të Brendshme, ashtu edhe për institucionet e tjera shtetërore, Maqedonia e Veriut dëshiron të jetë e përgatitur për të siguruar funksionim të sistemeve vitale informative në rast të paaftësimit të sistemit primar informativ për shkak të katastrofave natyrore apo katastrofave të tjera të shkaktuara nga ana e faktorit njeri. Në punën e kësaj qendre, krahas MPB-së mund të marrin pjesë të gjitha institucionet shtetërore të cilat kanë nevojë të tillë, në pajtim me kompetencat ligjore, tha Spasovski./abcnews.al

Gacevski.png
Igli Nikolli19:12 | 05/12/2019

Shkëndija e Tetovës dhe Vardar janë dy skuadrat më të forta të kampionatit të Maqedonisë së Veriut dhe rivaliteti mes tyre është shumë i madh. Titulli kampion është objektivi i përbashkët, teksa në dy sezonet e fundit ka triumfuar ekipi shqiptar.

Vardar kryeson gjatë këtij sezoni me 35 pikë, por Shkëndija nuk është dorëzuar ende dhe renditet e dyta me 8 pikë më pak. Ekipi i Ernest Gjokës eliminoi rivalët maqedonas nga Kupa, ndërsa të dielën (13:00) është radha e duelit në kampionat.

Për të nxehur atmosferën ka menduar Filip Gacevski, portieri dhe kapiteni i Vardarit. 29-vjeçari deklaron për Lajmi se nuk do të luante për Shkëndijën, as nëse kuqezinjtë do t’i ofronin 1 milionë euro, teksa nuk mungon një batutë në lidhje me Besart Ibraimin, goleadorin më të mirë të historisë së kampionatit maqedonas.

Të dielën duam një tjetër fitore. Ne jemi Vardari dhe jemi të vetëdijshëm për përballjen e radhës. Nuk bëjmë llogari, ne luajmë për objektivat tona. Shkëndija? Nuk kam asnjë mendim, ata janë kandidatët kryesor për titullin kampion, ashtu sikurse kanë qenë 4-5 vite të fundit. Nuk dua të flas shumë për Shkëndijën, mund të them se kanë ekip të mirë.

Asnjë lojtar i tyre nuk më frikëson. Agim dhe Besart Ibraimi janë futbollistë të shkëlqyer. Vitet e fundit është shkruar shumë për duelin mes meje dhe Besart Ibraimit. Nuk di çfarë të them. Jam i gatshëm dhe i përqendruar tek ekipi im, të shohim në fund se kush do të gëzohet, unë apo Besarti.

Sinqerisht, nëse do të më bënte ndonjë ofertë Shkëndija dhe të më jepnin 1 milion euro do ta refuzoja. Unë jam i Vardarit, Vardari më ka dhënë shumë, jam kapiten i ekipit dhe e theksoj: nuk do ta bëja kurrë një gjë të tillë”, përfundon kapiteni i Vardarit. /abcnews.al

mici.png
Vladimir Prenga10:54 | 03/12/2019

Gledi Mici prej dy sezonesh aktivizohet me Shkëndijën e Tetovës në Maqedoninë e Veriut, madje ka arritur të fitojë edhe dy tituj kampionë. Mbrojtësi i majtë është ndër më të mirët e kampionatit në pozicionin e tij dhe normalisht merr edhe vëmendje mediatike.

Së fundmi ai ka qenë i ftuar në emisionin “Sportmania” dhe është pyetur edhe për Maqedoni e Veriut-Kosovë, që do të kërkojnë të shkojnë në Europian përmes Nations League. Zgjedhja e mbrojtësit është e qartë.

“Është e vërtetë që kam miq që luajnë me Maqedoninë, madje i kam miq të mirë. Por kjo është çështje zemre dhe do të dëshiroja që Kosova të shkonte në Europian, pasi  ato janë vëllezërit tanë, të Shqipërisë. Por gjithashtu, edhe nëse Maqedonia kalon, sërish do më bëhej qejfi”, ka deklaruar Mici gjatë emisionit që transmetohet në “TV Shenja”. /abcnews.al

maqedonia-1280x720.jpg
in a15:40 | 02/12/2019

Tërmeti tragjik në Shqipëri ka bërë që në vendet fqinjë të bien zilet e alarmit për ndërtimet në zonat me rrezikshmëri të lartë sizmike. Në Maqedoninë e Veriut, përveç Shkupit, në zonat me rrezikshmëri të lartë sizmike shtrihen edhe qytetet të tjera të vendit, në të cilat ekspertët thonë se jo të gjitha objektet janë të ndërtuara në mënyrë të sigurt. Sipas Ligjit për ndërtim çdo objekt mbi 300 metra katrorë duhet të marrë patjetër miratimin nga Instituti i Inxhinierisë së Tërmeteve dhe Sizmologjisë Inxhinierike. Por, sipas inxhinierit Hamdi Sulejmani, në Tetovë jo të gjitha këto objekte të mëdha kanë kërkuar leje nga ky institut për rezistencë ndaj tërmeteve.

Të gjitha objektet që pësojnë më tepër janë objektet e tilla, pasi që ndërtohen sipas dëshirës së investitorit. Me hekur apo pa hekur, me beton apo pa beton, me material të lirë apo jo cilësor. Kështu pësojnë njerëzit dhe përgjegjësi nuk mban askush, përveç kryetarit të komunës apo këshillit që ka legalizuar ato objekte. Është numër i madh, mbi 70%, është vërtetë e pa besueshme, deklaroi Hamdi Sulejmani, Inxhinier i Ndërtimit.

Komuna e Tetovës ka thënë se nuk kanë legalizuar asnjë objekt pa pëlqimin e Institutit Sizmologjik. Ndërsa Komuna e Kumanovës thotë se nëse një tërmet rrënon ndërtesat si pasojë e ndërtimit të dobët, përgjegjësia e plotë bie mbi investitorin e objektit dhe inxhinierin e ndërtimit. Zyra e Urbanizmit nga Komuna e Kumanovës tha se kërkesa për ndërtim përveç të gjitha dokumenteve të tjera, duhet të ketë të bashkangjitur edhe vërtetimin e Institutit të Inxhinierisë së Tërmeteve dhe Sizmologjisë Inxhinierike për të vërtetuar se objekti është i qëndrueshëm ndaj magnitudave të caktuara të tërmeteve dhe ka të siguruar konstruktimin e sistemit të evakuimit. Nëse kjo nuk respektohet sipas projektit përgjegjës janë investitorët dhe inxhinierët.

Inspektorati shtetëror i ndërtimtarisë dhe urbanizmit si dhe inspektorët ndërtimor komunal mund të vënë gjoba deri më 17 mijë euro për kundërvajtje nëse gjatë ndërtimit të objekteve nuk respektohen rregullat e ndërtimit si dhe mund të bëjnë kallëzim penal që mund të ndëshkojnë në burg nga 1-5 vjet, nëse kompetentët nuk posedojnë vërtetimin se objekti i reziston tërmeteve.

Qyteti i Ohrit është i sigurtë, thonë nga kjo komunë, pasi ndërtimet në 15 vitet e fundit janë bërë nën masa të rrepta të mbikëqyrjes. Por, për objektet e ndërtuara pa leje dhe mbindërtimet ilegale nuk kanë siguri banimi në rast tërmeti.

Instituti i Inxhinierisë së Tërmeteve dhe Sizmologjisë Inxhinierike thotë se deri në 7 shkallë të Rihterit është qëndrueshmëria e objekteve të fabrikave të kategorisë A dhe të godinave të banimit të kategorisë B. Sipas këtij Instituti nëse bie termet me epiqendër në Maqedoninë e Veriut, me mbi 7 ballë dhe kohëzgjatja e lëkundjeve të tokës është mbi 30 sekonda, atëherë gjithçka mbetet në mëshirë të fatit./abcnews.al

Ibraimi-Besart.png
Igli Nikolli16:36 | 01/12/2019

Shkëndija reagoi pas humbjes në Strugë kundër ekipit vendas dhe u rikthye te fitorja. Kuqezinjtë nga Tetova mposhtën në shtëpi Shkupin me rezultatin 4-0 dhe janë ngjitur në vend të dytë. Objektivi i ekipit të Ernest Gjokës është titulli kampion, por Vardari vazhdon të jetë 8 pikë larg.

Besart Ibraimi dhe braziliani Junior shënuan nga një dygolësh përballë ekipit nga kryeqyteti. Dy gola historikë për 32-vjeçarin shqiptar, i cili është ngjitur në kuotën e 167 golave të shënuar në kampionatin e Maqedonisë së Veriut.

Askush nuk ka bërë më mirë se ai dhe Ibraimi kthehet në golashënuesin më të mirë të historisë së këtij kampionati. Bomberi i Shkëndijës nuk ka ndërmend të ndalet dhe pritet të thellojë më shumë rekordin e tij në vazhdim. /abcnews.al

 

View this post on Instagram

 

😱167 gola në Ligën e Parë ✅ Golashënuesi më i mirë në historinë e elitës vendore

A post shared by Shkëndija Football Club (@fcshkendija) on


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono