maqedonia e veriut

KATICA-JANEVE-NE-BURG-MBULIM.mpg_snapshot_00.22-1280x720.jpg
ent ela09:11 | 22/08/2019

Gjykata Penale e Shkupit ka caktuar masën arrest me burg për 30 ditë për Katica Janevën. Prokurorja speciale u arrestua me dyshimet për abuzim me detyrën në atë që njihet si cështja “Zhvatja”.

Gjykatësi i procedurës paraprake i ka caktuar paraburgim prej 30 ditëve Prokurores Speciale Katica Janeva, pas më shumë se katër orë të seancës dëgjimore në Gjykatën Penale të Shkupit. E shoqëruar nga policia ajo është dërguar në paraburgim në Burgun e Shkupit. Prokurorja e Prokurorisë kundër krimit të organizuar dhe korrupsionit Vilma Ruskovska ka deklaruar se nuk do të kërkonte paraburgimin nëse nuk kishte dëshmi të mjaftueshme dhe se për momentin kjo masë është e domosdoshme.

“Hetimet mund të vazhdojnë gjashtë muaj, mund të kërkojmë edhe vazhdimin e paraburgimit, por nëse duam që edhe më tej të qëndrojë paraburgimi, në afat prej tre muajve patjetër të ngritet aktakuza”.

Me kërkesë të avokatit të saj, Janeva nesër do të marrë pjesë në varrimin e nënës së saj që kishte ndërruar jetë sot në mëngjes. Ajo, në këtë ceremony mortore, sic njoftohet do të jetë e shoqëruar nga policia. Paraparkisht Prokuroria Publike kërkoi paraburgim për prokuroren speciale publike Katica Janeva për shkak të dyshimit të bazuar për keqpërdorim të pozitës zyrtare dhe autorizimeve, në lidhje me lëndën “Zhvatja”. Policia pasditen e sotme me urdhër të Prokurorisë Publike e ka arrestuar Katica Janevën në shtëpinë e saj. Policia pasdite ka konfiskuar mobilje dhe gjësende tjera nga shtëpia e Katica Janevës në një lagje të Shkupit prej se ajo u dërgua atje pas bastisjes në zyrën e saj në ambientet e Prokurorisë Speciale, ku thuhet se i është marrë edhe kompjuetri i saj personal.Edhe pse disa media kishin publikuar se përpos aksionit për arrestimin e Janevës është zhvilluar edhe aksion për arrestimin e personave tjerë të dyshuar për rastin “Zhvatja”, prokurorja Ruskoska, i demantoi këto shkrime duke thënë se për momentin, hetimi është zgjeruar vetëm me emrin e Janevës. /ABC News Albania 24/7        

 

janeva-1280x726.jpg
G. P.20:56 | 20/08/2019

Kryeprokurorja speciale në ikje e Maqedonisë së Veriut, Katica Janeva ka dëshmuar të martën në lidhje me çështjen “Zhvatja”. Në një prononcim për mediat, Janeva është shprehur e bindur për pafajësinë e saj dhe tha se me dëshminë e dhënë do të përshpejtojë hetimet.

Për dallim nga konferenca për media që e pati disa javë më parë, ku shihej se ishte e në humor jo të mirë, kësaj radhe Janeva dukej me e qetë. Erdhi në Prokurorinë për krim të organizuar dhe korrupsion të lartë, madje edhe u ndal dy herë për të folur rreth rastit “Zhvatja”. Para se të hyjë në prokurori nuk dha shumë detaje…

“Sa i përket deklaratës sime sot, shpresoj se me argumentet e mia dhe me deklaratën time do ta përshpejtoj hetimin”.

E pasi doli, edhe pse avokati i saj tentoi që ta ndalë…

“Nuk je duke dhënë deklaratë para autoriteteve…”.

Ajo u përgjigj në disa pyetje, por gjithmonë duke u mbrojtur se nuk mund të flasë më shumë për shkak procedurës hetimore.

“Bëhet fjalë për dy telefona që i kam përdorur, të dy janë marrë dhe janë dorëzuar për analizë në prokurori”, tha Janeva.

“Por nuk janë konfiskuar kur janë kërkuar, por më vonë pasi janë formatuar…”!?

“Jo, bëhet fjalë për telefon të tretë që është i humbur”, u shpreh Janeva.

Ajo nuk deshi të përgjigjet në pyetjen se a ka politikan të përzier, kurse nuk e di as se ku është Orce Kamçevi, i dyshuari kryesor në rastin “Perandoria” me të cilin Janeva thotë se ka folur për ta bindur për të nënshkruar marrëveshje./ABC News Albania 24/7

maqedonia-dhe-kosova.jpg
G. P.15:59 | 20/08/2019

Kjo fundjavë pritet të jetë vendimtare për sa i përket heqjes së barrierave tregtare mes Kosovës dhe Maqedonisë së Veriut. Prishtina zyrtare duhet të garantojë funksionimin e programeve të monitorimit aktiv.

Kosova dhe Maqedonia e Veriut janë pajtuat që deri në fund të javës do ti heqin barrierat tregtare ndërmjet të dyja vendeve. Premtimi u bë pas takimit që zhvilluan ministri në detyrë i Tregtisë, Endrit Shala, me Ministrin e Ekonomisë të Maqedonisë së Veriut, Kreshnik Bekteshi. Dy ministrat u pajtuan që fillimisht të zgjidhen problemet e programit të monitorimit aktiv.

Ministri Bekteshi, tha se masa nuk është ndërmarrë vetëm për Kosovën, por për të gjitha shtetet që nuk e zbatojnë programin e monitorimit aktiv sa i përket produkteve të peshkut.

Në momentin që AUV nga Kosova dëshmon që do fillojë me implementimin e programeve atëherë ne do të lejojmë importin e këtyre produkteve në vendin tonë. Bashkëpunimi për ne është në interes të zhvillohet dhe thellohet./ABC News Albania 24/7

bdi-1280x737.jpg
Sej rie19:00 | 12/08/2019

Partia shqiptare BDI ka deklaruar se rasti “Zhvatja” duhet të hetohet deri në fund dhe për këtë arsye mbështet projektligjin e qeverisë për prokurorinë publike. Ndërkohë, presidenti Pendarovski i ka bërë thirrje klasës politike që të bëjë kujdes me akuzat, pasi ato mund të nxisin euro-skeptikët.

Partneri shqiptar i koalicionit po bën gjithçka që sa më shpejt të votohet ligji për Prokurorinë Publike, me qëllim që ti jepet shans vendit për hapjen e negociatave në tetor, tha zëvendëskryeministri, Bujar Osmani. Edhe pse për ligjin po negociojnë vetëm dy partitë maqedonase, Osmani thotë se kjo nuk do të thotë që shqiptarët janë të përjashtuar nga procesi, por dallime kryesore janë mes tyre. E BDI i ka vijat e veta të kuqe.

Bujar Osmani, zëvendës kryeministër:  “Hetim i plotë i të gjitha rasteve që dalin nga përgjimet dhe hetim të rastit të fundit që e njohim si ‘Zhvatja’”.

BDI përkrah propozim-ligjin e qeverisë që është në procedurë parlamentare, por nëse ka ankesa do ti parashtrojnë në formë të amendamenteve. Ndërkohë, presidenti i bëri thirrje politikës që të ketë kujdes, për shkak se çdo skandal mund të përdoret si argument i euro-skeptikëve për ta kundërshtuar procesin e zgjerimit.

Pendarvoski, president i RMV:  “Deri në këtë moment, nga informatat që unë i kam nga Unioni Evropian, Komisioni evropian, nuk ka ndryshim tek asnjë anëtarë, në drejtim të asaj që ta rishqyrtojnë qëndrimin e tyre, kurse e dini se anulimi i qershorit, korrikut ka qenë për shkak arsyeve teknike. Por e përsëris, ne duhet ti frymë edhe kosit… Edhe afera më të vogla se kjo do të jenë arsye për disa vende që nuk e duan projektin e zgjerimit, të thotë se nuk na duhet Ballkani Perëndimor”.

Edhe Osmani, por edhe Pendarovski janë të mendimit se zgjedhje të parakohshme nuk është mirë të ketë në një periudhë kur duhet të përmbyllen çështje të rëndësishme për procesin integrues të vendit. Por për BDI-në, tetori i 2020 është datë e pranueshme./ABC News Albania 24/7

 

hahn.png
nev ila17:43 | 11/08/2019

Brukseli ka reaguar për herë të parë lidhur me rastin “Zhvatja” në Maqedoninë e Veriut. Komisioneri për Zgjerimin, Johanes Hahn ka kërkuar nga Shkupi zyrtar që të luftojë korrupsionin. Ndërkohë, autori i publikimit të përgjimeve ka sulmuar shefen në ikje të Politikës së Jashtme, Federika Mogerini, për heshtje ndaj rastit.

Tre ditë pas zbulimit të videove për aferën ‘Zhvatja”, eurokomisionari për zgjerim të BE-së, Johannes Hahn komentoi ndodhitë në vend. Ai dje u thirr nga politikania gjermane, Doric Pack që të ndërmerr diçka lidhur me rastin që ka tronditur Maqedoninë e Veriut e ku pretendohet edhe implikimi i Prokurores Speciale Katica Janeva dhe Kryeministrit Zaev.

Komisioneri Han dha mesazhin se lufta kundër korrupsionit të nivelit të lartë duhet të vazhdojë.

“Lidhur me zbulimet më të reja, me rëndësi është të vërtetohet përgjegjësia juridike për të gjitha veprat penale, duke llogaritur edhe ato që dalin nga përgjimet e jashtëligjshme. Të gjitha veprat penale duhet të shqyrtohen nga organet kompetente, kurse kryerësit të dalin para drejtësisë”, shkruan Hahn në Twitter.

Ndërkohë, gazetari Italian me prejardhje sllovene Laris Gajser, i cili për opinionin në Maqedoninë e Veriut u bë i njohur me publikimin e bisedave të xhiruara në rastin “Zhvatja”, ka publikuar një video-kolumnë në edicionin elektronik të gazetës “La Verita”, ku sulmon Bashkimin Evropian dhe Përfaqësuesen e Lartë në largim të BE-së për Politikë të Jashtme Federika Mogherini.

Gajser në këtë kolumnë shtron pyetjen përse Brukseli po hesht për këtë rast në Maqedoninë e Veriut, duke potencuar se është e çuditshme mungesa e reagimeve nga Mogerini dhe Presidenti aktual i Komisionit Evropian Zhan Klod Junker, të cilët sipas tij, fuqimisht kanë insistuar për Prokurorinë Speciale.

Duke shfaqur bindjen se ende ka mundësi të ketë një demokraci të vërtetë të bazuar në opinion public të informuar dhe kontroll të politikanëve, Gajser pyet se si ka mundësi që Federika Mogherini të hesht para realitetit criminal në Maqedoninë e Veriut.

Ndryshe, Mogherini është anëtare e Partisë Demokratike të qendrës së majtë italiane, që është rivale kryesore e partisë së Djathtë Nacionaliste të Zv/Kryeministrit Italian Mateo Salvini, përkrahës i të cilit është vetë gazetari Gajser. Gazetari Laris Gajser është i njohur për qëndrimet e tij të skajshme ekstreme-djathtiste dhe i afërt me personalitete të së djathtës, por edhe me përfaqësues të VMRO-DPMNE-së, partisë opozitare në Maqedoninë e Veriut.

Madje për këtë të fundit socialdemokratët në pushtet i kanë drejtuar pyetje publike liderit të opozitës Mickoski nëse gjatë vizitës së tij në Hungari, para daljes së kësaj afere, është takuar me Gajserin në Budapest.

Gazetari Laris Gajser në këtë kolumnë ka theksuar se gazeta ‘La Verita” do të bëjë vlerësime nëse juridikisht është e realizueshme publikimi i xhirimeve të reja potenciale./ABC News Albania 24/7

bujar-osmani.jpg
G. P.16:40 | 30/07/2019

Autoritetet serbe kanë dërguar kërkesë në Ministrinë e Drejtësisë në Shkup, për ekstradimin e ish-pjesëtarit të UÇK-së Tomor Morinës, të arrestuar në Maqedoninë e Veriut sipas një urdhri të Interpolit. Ndërkohë ne vend vijojnë debatet për arrestimin e tij.

Ministria serbe e Drejtësisë i ka dorëzuar kërkesë Maqedonisë së Veriut për ekstradimin e ish-pjesëtarit të UÇK-së Tomor Morinës-kanë njoftuar mediat serbe. Morina ishte arrestuar javën e kaluar në një vendkalim kufitar të Maqedonisë, sipas një urdhri të Interpolit.

Ai nga Serbia kërkohet nën dyshimin  se ka kryer krime lufte kundër civilëve serbë. Kryeministri Zaev duke komentuar këtë rast ka lënë të kuptohet se duhet të respektohet e drejta ndërkombëtare dhe vendore dhe se Morina i ka të gjitha të drejtat.

Por, nga ana tjetër Zv/Kryeministri Bujar Osmani ka theksuar se personalisht është i angazhuar për lirimin e Morinës dhe se në cilësinë e mikut të Kosovës do ta vizitojë ish-ushtarin e UÇK-së që gjendet në arrest në Shkup.

Bujar Osmani: Për momentin unë pres një përgjigje, kam një kërkesë zyrtare deri tek gjykatësja që ka lëndën që më lejon të vizitoj zotin Morina dhe unë besoj se gjatë ditës do të shkoj deri te institucioni për të vizituar atë për shkak se kemi një mos koordinim të avokatit të tij, kërkesës për ekstradim e kështu me radhë.

Vendimin përfundimtar sipas kërkesës së Serbisë duhet ta merr Ministria e Drejtësisë. Ndryshe, arrestimi i Morinës ishte diskutuar edhe në Kuvendin e Maqedonisë së Veriut, ku koordinatori i grupit parlamentar të BDI-së Ejup Alimi e krahasoi Kryeministrin Zaev me Milosheviçin./ABC News Albania 24/7

hahn.jpg
G. P.12:42 | 30/07/2019

Në një intervistë për austriaken “Der Standard”, komisioneri për zgjerim në Bashkimin Europian, Johanes Hahn është shprehur qartë se vendi ynë është ende prapa për sa i përket hapjes së negociatave. Kjo pasi sipas tij qeveria e kryeministrit Rama ka problem me dialogun.

Komisioneri për Zgjerim në BE, Johannes Hahn, në një intervistë për gazetën austriake”Der Standard”, flet për situatën në rajonin e Ballkanit Perëndimor. Ai ka lavdëruar qeverinë në Shkup, e për sa I përket hapjes së negociatave për anëtarësimin në Bashkimin Europian, Hahn shprehet qartë se Shqipëria është pas Maqedonisë së Veriut.

Ai theksoi se dhe pse po punohet ende që të dyja vendet të nisin negociatat, nuk është sekret se vlerësimi për Maqedoninë e Veriut mes vendeve anëtare është më i mirë.

“Të dy vendet kanë përmbushur kriteret e kërkuara nga shtetet anëtare të BE si një kusht”, vijon ai. “Kjo është arsyeja se përse kemi bërë një rekomandim pozitiv. Por Maqedonia e Veriut jo vetëm ka arritur reformat e kërkuara, por ka nënshkruar edhe marrëveshjen historike të Prespës dhe gjithashtu një traktat miqësie me Bullgarinë”.

Për sa i përket vendit tonë Hahn vë në dukje se në plan të parë janë problemet, kjo pasi opozita nuk është në parlament, qeveria ka vështirësi për të udhëhequr dialogun dhe aktualisht ka një procedurë për shkarkimin e Presidentit. Hahn tha se reforma në drejtësi ishte një nga kriteret kryesore për vlerësimin e progresit të Shqipërisë.

Në intervistë, Hahn thotë se një ndër kundërshtarët e zgjerimit, Franca, ka nisur të ndryshojë retorikën e saj. Megjithatë ai thotë se shpreson që Franca të ndryshojë edhe qëndrimin, përveç retorikës./ABC News Albania 24/7

RIKER-NE-SHKUP-ABCM5T1.mpg_snapshot_00.18-1280x720.jpg
ent ela15:30 | 26/07/2019

Nuk ka më kohë për të luajtur me të ardhmen e qytetarëve – ky është mesazhi i shkurtër të cilin Filip Riker, ndihmëssekretari amerikan i shtetit, i drejtoi opozitës në Maqedoninë e Veriut, duke theksuar se duhet të ndërpritet bllokimi rreth propozim-ligjit për Prokurorinë Speciale Publike.

Në moment kur aktorët kryesorë politikë në vend sërish ngecën rreth të ardhmes së Prokurorisë Speciale Publike, ndërsa udhëheqësja e saj dyshohet për përfshirje në marrëveshje të dyshimta, në Shkup do të qëndrojë për vizitë ish-ambasadori amerikan në Shkup, i afërt me rajonin dhe njohës i mirë i çështjeve ballkanike, që të ndihmojë në mënjanimin e pengesave në rrugën euro-atlantike të Maqedonisë. Filip Riker, tash u. d. ndihmëssekretar amerikan i shtetit për Evropën dhe Euro-azinë, opozitës në vend, e cila në mënyra të ndryshme me muaj e bllokon miratimin e ligjit i cili do të vazhdojë punën e PSP-së, i apeloi së është koha që të jetë konstruktive, në emër të së ardhmes të qytetarëve.

“Koha për lojëra politike, tërheqjen e vëmendjes dhe lojë me perspektivën e qytetarëve është punë e kryer. Porosia ime është e thjeshtë – është koha që të kyçeni në proces dhe çështjet të ecin më tej për të mirën e vendit. Maqedonia e Veriut shkon më tej në përmbushjen e qëllimeve të saj, integrimi në BE dhe në NATO, të fillojë procesin për anëtraësim në BE. Ky ligj është krucial jo vetëm për procesin, por edhe për qytetarët.”

I pyetur për deklaratën e djeshme se në qoftë se nuk gjendet bazë e përbashkët për ligjin për Prokurori Publike, nuk përjashtohet zgjidhje e padëshirueshme, kryeministri Zoran Zaev sqaroi se kjo do të nënkuptonte kërkimin e zgjidhjeve alternative për punën e PSP-së, pasiqë në shtator përfundon mandati i udhëheqëses Katica Janeva.

“Nuk e di, e di se do të jenë më të pakëndshme, më të padëshirueshme. Duhet të ulemi në takime me liderët, të mendojmë, të vijnë ekspertë, të gjejmë zgjidhje. E di se shteti gjithmonë duhet të gjejë zgjidhje, sepse duhet të vazhdojë, duhet të punojë.”

Riker u takua edhe me kreun e BDI-së Ali Ahmeti, pas takimit Ahmeti njoftoi se është dikutuar për problemet aktuale në vend, ai shtoi se nga komuniteti ndërkombëtarë kërkohet që ligji për prokurorinë  të miratohet  sa më shpejtë.

Dje Komiteti për Marrëdhënie të jashtme në Senatin Amerikan e kaloi ratifikimin e protokollit për anëtarësim të Maqedonisë së Veriut në NATO, ndërsa sipas Riker pritet që së shpejti edhe Senati ta mbështesë me shumicë e votave. Ai shtoi se SHBA-të edhe më tej do ta ndihmojnë Maqedoninë në ndërtimin e plotë të të gjitha vlerave demokratike perëndimore, duke theksuar se kjo është periudhë e rëndësishme kur të gjitha vendet duhet të bashkëpunojnë për vende, rajone dhe lidhje të përparuara, stabile dhe të sigurta. Ky është kapitull i ri, Maqedonia e Veriut dhe SHBA-të të bashkëpunojnë si partnerë, theksoi Riker edhe në takimin me ministrin e Punëve të Jashtme Nikolla Dimitrov mëngjesin e sotëm. /ABC News Albania 24/7

 

HAHN-NE-BEOGRAD-ABCM5T1.mpg_snapshot_00.24-1280x720.jpg
ent ela15:20 | 26/07/2019

Gjatë vizitës në Serbi, komisioneri i Bashkimit Europian Johanes Hahn u shpreh optimist për faktin se Shqipëria dhe Maqedonia e Veriut mund të hapin negociatat për anëtarësimin në BE në shtator.

Komisari i Bashkimit Evropian, Johanes Hahn, është në fund të mandatit. Por, ka arritur në Serbi për të diskutuar edhe një herë për politikën në Ballkan. Ai ka theksuar se është shumë e rëndësishme që Kosova dhe Serbia të ulen në tavolinën e bisedimeve për një zgjidhje të qëndrueshme dhe afatgjatë. Ai ka theksuar se kjo pritet të ndodh pasi të jetë qartësuar situata politike në Kosovë me zgjedhje. Progresi do të vlerësohet ashtu siç shpreson çeljen e negociatave për Maqedoninë Veriore dhe Shqipërinë.

Johannes Hahn, Komisioner i BE: “Nuk ka arsye për të humbur kohë dhe shpresoj të ndodhë brenda shtatorit si është paralajmëruar. Pa progress dhe një zgjidhje të qëndrueshme nuk mund të bëjmë asgjë. Progresi duhet vlerësuar sic është rasti i Maqedonisë së veriut dhe shpresoj që jepet një dritë jeshile edhe për Shqipërinë, që të hapë negociatat ashtu si kemi bërë me Serbinë dhe Malin e Zi”.

Serbia, ka thënë kryeministrja serbe, Ana Brnabiç, shpreson që Kosova do të rishqyrtoj disa vendime të sajat dhe se do të mund të kthehen sërish bisedimet. Sipas saj, pasojat e mungesës së tij vërehen dhe bashkëpunimi rajonal është e vetmja mënyrë për progres për qytetarët.

Ana Brnabic, Kryeministre e Serbisë: “Ne do t’i përgjigjemi cdo nisme në të cilën jemi të ftuar do të jemi aty dhe do të japim mesazhe pozitive për bashkëpunim të mëtejshëm dhe ripajtimin e popullit shqiptar dhe serb”.

Hahn ka takuar edhe presidentin Vuçiç në një takim jashtë publikut, kurse pavarësisht pozitave të reja që mund të ketë, ai do të angazhohet për Ballkanin sikurse edhe strukturat e ardhshme të BE-së. /ABC News Albania 24/7

 

RMV-FAKE-NEWS.mpg_snapshot_00.02-1280x720.jpg
ent ela16:10 | 24/07/2019

Kryeministri i Maqedonisë së veriut Zoran Zaev ka prezantuar një sërë masash që qeveria e tij do të ndërmarrë për të zgjidhur problemin me lajmet false dhe shpërndarjen e informacioneve të rreme, të cilat, siç tha ai, ndikojnë seriozisht në interesin publik.

Qeveria e Maqedonisë së Veriut ka përgatitur Plan Aksionar për luftë kundër dezinformatave, të cilat ashtu siç deklaroi kryeministri Zoran Zaev, po bëhen sulm serioz në institucionet demokratike dhe proceset zgjedhore dhe ndikojnë në besimin e qytetarëve në institucionet dhe mediat.

“Dezinformatat janë njëra prej sfidave të demokracisë në vitin 2019-të dhe mjet për manipulim me qytetarët. Keqpërdorimi i teknologjisë për krijim të etniteteve të rrejshme dhe shpikja e ndodhive jo ekzistuese është bërë sulm serioz në zgjedhjet demokratike dhe seriozisht kërcënojnë të ndikojnë në besimin e qytetarëve në institucionet dhe mediat”, deklaroi kryeministri Zaev.

Ai theksoi se në dy vitet e fundit, vendi disa herë është përballur me shpërndarje masive të lajmeve të rrejshme në rrjetet sociale, madje edhe në mediat tradicionale, ndërkaq ashtu siç tha, një pjesë e informatave janë ndarë edhe në territorin e vendeve të huaja.

“Si përgjigje ndaj këtyre kërcënimeve dhe në pajtueshmëri me kërcënimet për transparencë dhe llogaridhënie, Qeveria ka përgatitur Plan Aksionar për luftë kundër dezinformatave në nivel sistematik. Qëllimi është që ta përforcojmë sigurinë nacionale dhe sigurinë e qytetarëve të vendit tonë dhe ta mbrojnë dhe avancojmë demokracinë”, tha Zaev.

Ai sqaroi se plani do të jepet në diskutim publik dhe se deri në hartimin e versionit final do të dëgjohen mendimet e të gjithë aktorëve në shoqëri. Plani është i përbërë prej dy pjesëve, në pjesën e parë janë të përfshira masat e sigurisë, ndërkaq në të dytin janë masat proaktive. / ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono