maqedoni

zaev.jpg
nev ila11:37 | 23/11/2019

Eksperienca shqiptare me vetting-un në drejtësi dhe problemet që ajo shfaqi kanë detyruar BE të pezullojë aplikimin e të njëjtës reformë në shtetin fqinj, Maqedoninë e Veriut.

Në një intervistë për A2, kryeministri Zoran Zaev pranon se ishte Brukseli që e frenoi në nisjen e këtij procesi.

“Unë e pata premtuar në zgjedhje, jo vetting, por atë që e cilësoj njohje e së drejtës për t’u rizgjedhur e gjyqtarëve dhe prokurorëve. Ishte pjesë e programit. Por, kur mora detyrën, BE nuk dha mundësi të nisja procesin. Pse? Sepse ndoshta duhet të ndiqnin si po shkonte në Shqipëri, si do të mbyllej. Ata na thanë se nuk keni njerëz, nuk keni si të plotësoni vendet që do të mbeten bosh” – tha Zaev.

Nuk e mohon se bashkimi në të ashtuquajturin Shengen Ballkanik synon shtimin e presionit ndaj Unionit Europian për të përshpejtuar procesin e integrimit.

Të bësh presion është mirë. Shpresoj, presion pozitiv. Por, ata do të shohin më shumë luftë ndaj korrupsionit. Do të shohin se vlerësojmë taksat e paguara nga qytetarët në Francë apo Gjermani, si ne ndërtojmë rrugë, autostrada, sepse ata kanë shpenzuar shumë para në rajon. Ata do të shohin se ne vlerësojmë. Ne shpresojmë që të ketë impakt pozitiv tek Bashkimi Europian, por më së pari ne e bëjmë këtë për qytetarët tanë”.

Zbulon se ideja e Shengenit Ballkanik lindi gjatë një takimi në Asamblenë e Kombeve të Bashkuara.

Ne u takuam aty, po pinim verë dhe nisëm të flisnim për këtë. Biseduam për procesin e Berlinit, për integrimin europian, Vuçiç na tha se do të zhgënjeheni, ndërsa ne besonim kaq shumë. Gjatë këtyre diskutimeve, folëm për krijimin e One Stop Shop me Maqedoninë dhe të përgatiteshim dhe me Shqipërinë. Dhe vlerësuam se nuk është mjaftueshëm. Disa e quajnë Mini Shengen, disa Mini Jugosllavi, disa të tjerë nuk e di se çfarë. Është përshpejtim i bashkëpunimit rajonal”.

Konfirmon se asnjëherë nuk e ka mbështetur idenë e ndarjes së Tiranës dhe Shkupit në rrugën drejt B.

“Ka patur shumë diskutime nga vendet anëtare. Kur më kanë pyetur, qëndrimi im ka qenë: mos e bëni këtë. Ne duhet të shkojmë bashkë. Pse të diskutojmë? Miqtë kujdesen për njëri-tjetrin”.

Mik konsideron dhe Edi Ramën dhe thotë se nuk kishte arsye për të dhënë dorëheqjen, njësoj siç veproi Zaev.

Ishte një situatë ndryshe. Edi ka më shumë shanse të fitojë në Shqipëri. Unë e di, e ndjek, sepse është fqinji im. Unë kam më pak shanse të fitoj në zgjedhje. Shqipëria ka reformat e saj, sukseset e saj. Është ndryshe”.

Zoran Zaev këmbëngul disa herë se është krenar që ka mbështetjen e shqiptarëve dhe shfaqet optimist se njësoj do të jetë edhe në zgjedhjet e ardhshme.

parlamenti-maqeconas-1280x717.jpg
nev ila15:44 | 05/11/2019

Parlamentarët në Maqedoninë e Veriut diskutojnë sot ndryshimin e modelit zgjedhor nga gjashtë në një njësi zgjedhore si dhe listat e hapura. Nisma është nxitur nga 12 deputetë të Kuvendit.

Parlamentarët në Maqedoninë e Veriut diskutojnë sot ndryshimin e modelit zgjedhor nga gjashtë në një njësi zgjedhore si dhe listat e hapura. Nisma për një njësi zgjedhore është nxitur nga 12 deputetë të Kuvendit.

Partitë më të mëdha politike në takimin e fundit të liderëve janë dakorduar që të mbahen zgjedhjet e parakohshme parlamentare më 12 prill 2020, por akoma mbetet çështja e hapur se këto zgjedhje do të zhvillohen sipas modelit të deritanishëm me 6 njësi zgjedhore apo do të ndryshohet kodi zgjedhor, për një njësi zgjedhore me lista të hapura.

Komisioni shtetëror i zgjedhjeve ka thënë se është e gatshëm të organizojë zgjedhje sipas cilido model që arrijnë marrëveshje partite politike. Parlamentarët në Maqedoninë e Veriut diskutojnë sot ndryshimin e modelit zgjedhor nga gjashtë në një njësi zgjedhore si dhe listat e hapura. Nisma për një njësi zgjedhore është nxitur nga 12 deputetë të Kuvendit.

Partitë opozitare dhe partitë e vogla të pozitës kanë kërkuar ndryshimin e kodit zgjedhor dhe njësive zgjedhore, për të pasur shanse më të mëdha dhe të barabarta me partitë më të mëdha. Katër partitë më të mëdha në vend kanë qëndrime dhe propozime të ndryshme.

LSDM kërkon aplikimin e një njësie zgjedhore me lista të hapura, VMRO-DPMNE kërkon model shumice me 120 njësi, Aleanca për Shqiptarët 8 njësi zgjedhore, ndërsa BDI përkrah modelin aktual./abcnews.al

 

 

portieri.png
Veronik Istrefaj16:53 | 30/10/2019

Ndeshja mes Shkëndijës dhe Vardarit nuk ka kaluar pa tension. Të besuarit e Ernest Gjokës ia dolën të kualifikohen në çerekfinale, pasi e mposhtën Vardarin me rezultatin e përgjithshëm, 3-2. Në shtëpinë e tyre, kuqezinjtë tetovarë triumfuan sot me rezultatin 1-0 përballë rivalëve të tyre.

Vëmendje të madhe ka marrë dhe një episod me një nga djaloshët që kapte topat. Ky i fundit, u tall me portierin e Vardarit, i cili vrapoi për të marrë me shpejtësi topin. Ky episod ka ndodhur në minutën e 87-të dhe sherri menjëherë agravoi.

Portieri i Vardarit ishte më i tensionuar se të gjithë, nga mënyra sesi djaloshi i vogël u soll me të./abcnews.al

Gjoka.png
Veronik Istrefaj19:41 | 23/10/2019

Trajneri i Shkëndijës së Tetovës, Ernest Gjoka, ka folur për faqen zyrtare të klubit pas fitores 3-0 kundër Sileksit. Kjo ishte fitorja e parë në krye të pankinës kuqezi për teknikun kryeqytetas, i cili në fjalën e tij tha:

NDESHJA – “Mendoj se sot më e rëndësishme ishte të fitohej ndeshja. Megjithatë, unë mendoj se deri diku i bëmë mirë detyrat dhe loja ishte shumë e mirë. Kemi nevojë për më shumë oksigjen dhe rezultate pozitive, pasi kjo është ajo që na mungon. E rëndësishme sot ishte se morëm një fitore”.

MORALI – “Besoj se ky triumf do na ndihmojë në aspekt psikologjik, sepse ekipi ka potencial dhe duhet të kemi edhe vetëbesim. Mungesa e rezultateve ka ndikuar në anën psikologjike, por gjithsesi besoj se skuadra ka potencial për të filluar ngritjen. Sigurisht nuk është e lehtë, por do të përpiqemi që të ndryshojmë gjithçka”.

REZULTATET – “Në përgjithësi, është shumë e rëndësishme në këto momente të shohim edhe rezultatet. Kjo është shumë me rëndësi për këtë moment ku jemi”, përfundoi Gjoka./abcnews.al

 

Mici.png
Veronik Istrefaj16:26 | 23/10/2019

Shkëndija ka marrë një fitore të pastër 3-0 përballë Sileksit, ndeshje e vlefshme për javën e 11-të të kampionatit maqedonas. Trajneri shqiptar, Ernest Gjoka, debutoi me humbje ndeshjen e kaluar përballë Akademia Pandev, ndërsa sot, ia ka dalë të gjejë fitoren e parë në krye të kuqezinjve tetovarë.

Golat nga Felipe, Mici dhe një autogol i Blagojevic kanë bërë diferencën në këtë takim. Fitore ka marrë dhe skuadra e Shkupit. Ekipi shkupjan ka mposhtur pastër 2-0 skuadrën e Rabotnickit. Nga një gol për çdo pjesë shënoi skuadra e Shkupit, me anë të Iseni dhe Serginho.

Struga Trim&Lum ka arritur të fitojë minimalisht 1-0 ndaj Renovës, falë golit të Dragarskit në minutën e 54-ët./abcnews.al

Maqedoni, java 11

Shkëndija – Sileks  3-0
Felipe 31′, Mici 57′, Blagojevic (ag) 78′

Shkupi – Rabotnicki
Iseni 36′ / Serginho 75′

Struga Trim&Lum – Renova  1-0
Dragarski 54′

A. Pandev – Makedonija 4-0
Doriev 35′, Stoliov 38′, Rajkovic 63′, Tomovski 69′

Vardar – Borec  2-0
Avramoski 3′, Adem 71′

zgjedhjet-maqedoni-1280x714.jpg
nev ila13:27 | 22/10/2019

4.5 milionë euro do kushtojnë zgjedhjet e parakohshme parlamentare, që do mbahen 12 prillin e ardhshëm në Maqedoninë e Veriut. Puna ka nisur për përgatitjen e tyre.

Komisioni Shtetëror i Zgjedhjeve në Maqedoni po përgatitet për menaxhimin e zgjedhjeve të parakohshme parlamentare që pritet të mbahen më 12 prill të vitit të ardhshëm. Zëdhënësi Admir Shabani tha se zgjedhjet do t’i kushtojnë vendit 4.5 milionë euro, ndërkohë që do të përditësohet edhe lista e zgjedhësve.

Komisioni shtetëror i zgjedhjeve në Maqedoni thotë se është i përgatitur për të menaxhuar siç duhet proçesin e zgjedhjeve të parakohshme parlamentare të 12 prillit, për të cilat u ra dakord nga të gjithë liderët e partive politike pas takimit me Presidentin Stevo Pendarovski.

Zëdhënësi i Komisionit Shtetëror të Zgjedhjeve Admir Shabani tha për mediat në Maqedoni se KSHZ është e përgatitur për procesin zgjedhor dhe nënvizoi se do të bëhet edhe përditësimi i listës zgjedhore.Ai konfirmoi se zgjedhjet e parakohshme parlamentare shtetit do t’i kushtojnë 4.5 milionë euro.

Shabani theksoi se Komisioni Shtetëror i Zgjedhjeve është i përgatitur, nuk i mungon përvoja dhe kapacitetet e tij tregojnë që deri tani kanë zhvilluar dhe realizuar një sërë procesesh zgjedhore.

Kjo përbërje e KSHZ-së realizoi në afat shumë të shkurtër kohor referendumin në vitin 2018 dhe zgjedhjet presidenciale të cilat u fituan nga kandidati i LSDM-së, Stevo Pendarovski./abcnews.al

maqedoni-popullsia-1280x899.jpg
nev ila11:29 | 21/10/2019

Marrëveshja e liderëve të partive politike në Maqedoni për të mbajtur zgjedhje të parakohshme parlamentare duket se do të vonojë regjistrimin e popullsisë në Maqedoninë e Veriut, e cila ishte planifikuar për prillin e vitit të ardhshëm.

Udhëheqësit e partive politike në Maqedoninë e veriut, të cilët arritën mbrëmë marrëveshjen për zgjedhje të parakohshme më 12 prill, pohuan se është shumë e vështirë që të bëhet regjistrimi i popullsisë në prill siç kishte qenë e parashikuar dhe se do të ishte më realiste që të bëhej pas zgjedhjeve ose në vitin 2021.

Kryeministri Zoran Zaev tha se regjistrimi i popullsisë duhet të bëhet në vitin 2020 pas zgjedhjeve, dhe nëse Zyra e Statistikave Shtetërore është e gatshme, mund të bëhet para zgjedhjeve.

Ndërsa kreu i opozitës Hristijan Mickoski, presidenti i VMRO-DPMNE, tha se regjistrimi është një operacion statistikor, jo një marrëveshje politike dhe duhet të bëhet në fillim të dekadës së ardhshme, pra në 2021, siç bëjnë të gjitha vendet evropiane.

Udhëheqësit e partive politike shqiptare thonë se regjistrimi i popullsisë duhet të bëhet pasi të mbarojnë zgjedhjet e 12 prillit, të cilat u kërkuan nga kryeministri Zaev pasi Franca vuri veton dhe BE-ja nuk arriti konsensus për të caktuar datën për fillimin e bisedimeve të anëtarësimit me Maqedoninë e Veriut./abcnews.al

 

kryeministria-maqedoni-1280x716.jpg
nev ila14:31 | 20/10/2019

Organizimi i zgjedhjeve të parakohshme parlamentare do të jetë fokusi i takimit të sotëm të udhëheqësve politikë të Maqedonisë me presidentin Stevo Pendarovski. Shumica e partive politike janë në favor të zgjedhjeve të parakohshme të kërkuara nga kryeministri Zaev, por opozita kërkon që në zgjedhje të shkohet me qeveri dhe kryeministër teknik.

Takimi i sotëm mbahet me nismën e Presidentit Stevo Pendarovski, pasi Maqedonia e Veriut nuk arriti të marrë një datë për hapjen e negociatave me Bashkimin Evropian. Zoti Pendarovski ka marrë përgjigje pozitive nga të gjithë liderët e partive më të mëdha në Kuvend, nga pushteti dhe opozita të cilët mbështesin shkuarjen ne zgjedhje të parakohshme.

Koalicioni qeveritar i sheh zgjedhjet e parakohshme si një mundësi për të rikonfirmuar besimin e qytetarëve për të vazhduar me reformat ndërsa opozita si një mundësi për të përkthyer në votë pakënaqësinë e tyre lidhur me mos-mbajtjen e premtimeve për fillimin e bisedimeve për anëtarësim në BE.

Kryeministri Zaev e quajti gabim historic vendimin e BE-së dhe nënvizoi se kërkon zgjedhje të parakohshme kuvendare, ku qytetarët do të zgjedhin se në cilën rrugë do të shkojnë. Zaev është konsultuar për zgjedhjet e parakohshme edhe me partnerin e tij shqiptar të koalicionit qeveritar Ali Ahmeti.

Kryetari i partisë më të madhe opozitare VMRO DPMNE, Mickoski pret që në takimin e liderëve të arrihet marrëveshje që qeveria dhe zoti Zaev të japin dorëheqjen dhe të krijohet një qeveri teknike që do ta çonte vendin në zgjedhje. Mickovski kërkon që të shpallen menjëherë zgjedhjet e parakohshme dhe të formohet një qeveri teknike me kryeministër teknik.

LSDM, partia e zotit Zaev ka reaguar duke thënë se Mickoski dëshiron t’u ikë zgjedhjeve.

Ndërsa Ali Ahmeti, partneri shqiptar i koalicionit aktual, ka theksuar se zgjedhjet janë zgjidhja më e mirë pas dështimit të marrjes së dates për fillimin e bisedimeve për anëtarësim.

Dy partitë e tjera kanë ndryshime në qëndrimet e tyre. Aleanca për shqiptarët ka thënë se është lajm i mirë që do të ketë zgjedhje të parakohshme ndërsa Lëvizja Besa mbështet mbajtjen e zgjedhjeve të parakohshme me Qeveri teknike./abcnews.al

juli-xhumadija-1280x687.jpg
nev ila19:17 | 19/10/2019

Burime për Abc News kanë bërë të ditur se në Maqedoninë e Veriut të gjitha partitë janë gati për zgjedhje të parakohshme. Vendimi i KE për mos-hapjen e negociatave zhgënjeu qeverinë e Zaev duke bërë që ky i fundit të marrë përsipër përgjegjësinë.

Partitë politike shqiptare kanë kërkuar që Maqedonia e Veriut, të shkojë në zgjedhje të parakohshme duke fajësuar qeverinë aktuale.

Kryeministri i Maqedonisë së Veriut Zoran Zaev, ka propozuar këtë të shtunë zgjedhje të parakohshme, pasi BE bllokoi fillimin e bisedimeve të anëtarësimit, duke zhgënjyer qeverinë e tij, në atë që ishte qëllimi kryesor i politikës së administratës së tij.

Pas disa orësh bisedime të nxehta, udhëheqësit e Bashkimit Evropian të Premten nuk ranë dakord për hapjen e negociatave të pranimit të Shkupit, kryesisht për shkak të kundërshtimit nga Franca.

Masa shkaktoi një valë zemërimi dhe zhgënjimi, jo vetëm në Maqedoninë e Veriut dhe Shqipëri, përpjekja e të cilit u la gjithashtu në pritje, por edhe midis zyrtarëve dhe udhëheqësve të BE-së që kishin lobuar shumë për të hapur bisedimet./abcnews.al

economistii.jpg
ad min17:22 | 01/10/2019

Kryeministri i Maqedonisë së Veriut Zoran Zaev në hapjen e konferencës së “Economist” që mbahet në Shkup u shpreh se rajoni ka ndryshuar dhe po synon krijimin e kushteve për zhvillim të mëtejshëm dhe integrim.

Politikanë e ekspertë nga vendi dhe jashtë sot në Shkup bashkarisht u përpoqën ta analizojnë situatën rreth Ballkanit dhe Europës, në kontekst të një ballafaqimi të ripërtrirë global mes forcave të mëdha, ku në mesin e pikave neuralgjike kryqëzohet edhe Ballkani.

30 vite pas rënies së Murit të Berlinit dhe afro dy dekada nga zgjerimi I BE-së drejt lindjes, është shtruar çështja se ku gjenden tani vendet e Ballkanit Perëndimor dhe nëse procesi do t`i përfshijë edhe këto vende në një të ardhme të afërt. Aktorët kryesor, liderët e Maqedonisë së Veriut dhe Greqisë, nënshkruesit e Marrëveshjes së Prespës, janë optimistë.

“Duam që nëpër botë të jehojë lajmi i mirë se ky rajon ka ndryshuar. Ky rajon nuk do të ngec në konflikte dhe ardhmëri pa ide. Epoka e retorikave nacionaliste i takon të së kaluarës. Procesi i Berlinit rriti interesin për Ballkanin Perëndimor dhe na vendosi në hartën për bashkëpunim me vendet anëtare të BE-së”.

“Kjo marrëveshje tregon se shteti është një partner kredibil për BE-në dhe BE-ja duhet të miratojë datë për negociata në takimin e ardhshëm të Këshillit të Evropës. BE-ja duhet ta ndalojë introvencën e saj kombëtare. Duhet të vazhdojë të promovojë paqe dhe stabilitet me fqinjësinë e saj që të përmbyllen mundësitë për luftëra të reja në Jugosllavi”. 

Por, paralelisht sinjaleve optimiste që Maqedonia e Veriut dëshiron t’i dëgjojë për datën e negociatave, duket se ende ekzistojnë rezerva.

“Nuk mund t’ju garantoj nëse do të ketë një datë. Shpresoj. Do të bëjë çmos me ndikimin tim në politikën gjermane. Por, nuk jemi të sigurt se çka do të thotë Parlamenti holandez, parlamentet tjera, pas zgjedhjeve në Austri. Nuk e di. Përvoja ime me BE-në është se të gjithë e dinë se duhet progres, sikurse mes Shkupit dhe Athinës, por nga ana tjetër edhe institucionet në Bruksel nuk janë të sigurtë për ardhmërinë e BE-së”

Por, nëse Evropa edhe më tej le hapësirë të zbrazët në Ballkan, atëherë mundësohet infiltrimi i Rusisë dhe Kinës me taktikat e tyre ushtarako-ekonomike e ekspansioniste.

“Rusia asnjëherë nuk e ka braktisur këtë rajon. Këtu është edhe Kina që ka qëllimet e saja. Një lojtar shumë i sofistikuar strategjik. E shihni se sa është rritur buxheti i armatës kineze. Kjo shihet edhe në investimet nga Kina, në infrastrukturë dhe projekte tjera në rajon”.

Kryeministri Zoran Zaev shprehu kënaqësi që edhe Shqipëria është në rrugë të mirë për të marrë miratimin për fillimin e negociatave aderuese me BE-në dhe se kjo rrugë e transformimit të shoqërive është mirë të kalohet me bashkëpunim të ndërsjelltë. Por, mesazhi që Aleksis Tsipras ia dërgoi Kryeministrit shqiptar Edi Rama është që “të mos fshihet pas shpinës së Zaevit, por vetë të fokusohet në reformat e domosdoshme”./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono