maqedoni
Sissoko feston golin e tij (74')

bundestagu-gjerman-1280x721.jpg
ad min15:49 | 27/09/2019

Krerët shtetërorë të Maqedonisë së Veriut përmes rrjeteve sociale kanë falënderuar Bundestagun gjerman për vendimin pro hapjes se negociatave pa kushte. Po-në e Gjermanisë, ata e shohin si një nxitje për të vijuar reformat.

Presidenti Stevo Pendarovski përmes rrjetit social Twitter ka shprehur falënderimin e tij për përkrahjen e Bundestagut. “Faleminderit Gjermani”, ka shkruar Presidenti.

Kryeministri Zoran Zaev falënderimin e ka shprehur përmes Facebookut.

“Vendimin përfundimtar e presim në Tetor, që do të jetë një mirënjohje për qytetarët dhe institucionet dhe për të gjitha vendimet tona, përpjekjet dhe sukseset. Kjo është një nxitje e madhe, vazhdojmë të punojmë edhe më tej. Falënderojmë të gjithë deputetët e Bundestagut gjerman dhe ekipin qeveritar të Kancelares Merkel”, ka shkruar Kryeministri Zaev.

Shefi i Diplomacisë Nikola Dimitrov vlerësoi se Bundestagu ka treguar liderizëm.

“Me pranimin e të arriturave të Maqedonisë së Veriut, inkurajohemi të vazhdojmë përpara. Ne plotësuam, ju plotësuat dhe do të vazhdojmë me të arritura”, ka shkruar Dimitrov në Twitter.

Zv/Kryeministri Bujar Osmani i cili në Berlin ishte i pranishëm në seancën e Bundestagut gjerman po ashtu shprehu falënderim me përkrahjen. Ministri i Jashtëm gjerman Heiko Maas, pas përfundimit të votimit u prononcua përmes një komunikate.

“Përkrahja e Bundestagut gjerman për Maqedoninë e Veriut dhe Shqipërinë është një sinjal I rëndësishëm. Vendimi nënvizon rëndësinë që Ballkani Perëndimor e ka për BE-në dhe se vlerësohen reformat. Dy vendet duhet të vazhdojnë me përpjekjet reformuese, që të vazhdojnë rrugën drejt BE-së. Unë jam I bindur se qasja e kushtëzuar e Bundestagut do t`i bind edhe vende tjera në BE që ta miratojnë fillimin e negociatave”, ka deklaruar Heiko Maas.

Urimeve i është bashkangjitur edhe Komisioneri në largim Johanes Han me mesazhin se progresi konkret është kyç si inkurajim për reformat në Ballkanin Perëndimor dhe për kredibilitetin e BE-së./ABC News Albania 24/7

ndertimet-pa-leje.jpg
ad min17:00 | 20/09/2019

Mëngjesin e të premtes, në praninë e policisë, kompania e ndërtimit që ka fituar tenderin për shembjen e objekteve të paligjshme në Ohër, ka filluar shembjen e objektit të parë prej gjithsej 409 ndërtimeve pa leje të regjistruara në zonën e mbrojtur të Ohrit.

“Në fillim, do të rrënohen objektet për të cilët nuk ekzistojnë pengesa juridike dhe aksioni i rrënimit do t`i përfshijë të gjithë personat fizik ose juridik që kanë marrë vendim për mënjanimin e objektit të jashtëligjshëm dhe të njëjtët kanë vepruar konform vendimeve nga ana e inspektorëve të ndërtimit pranë Inspekoratit të Ohrit”

Gjatë një samiti të UNESCO-s, qeverisë së Maqedonisë së Veriut iu dha afat që deri në vitin e ardhshëm që të zbatoj të gjitha rekomandimeve që iu është dhënë në vitin 2017, duke llogaritur këtu edhe zgjidhjen e çështjes së ndërtimeve të egra.

Ministri i Diasporës, Edmond Ademi, kohë më parë, në një prononcim për Klan Maqedoni vlerësoi se në samitin e radhës të UNESCO-s Liqeni i Ohrit nuk do të hyjë në listën e zezë të trashëgimisë kulturore dhe natyrore.

Kryetari Komunës së Ohrit Konstantin Georgievski kohë më parë kishte njoftuar se i gjithë procesi i ballafaqimit me ndërtimet e egra, mund të zgjasë dy vite, për shkak se për një pjesë të këtyre objekteve janë dorëzuar kërkesa për legalizim.

Është për të shënuar se ky vendim i autoriteteve nuk është shoqëruar me retorikën e ashpër partiake, pozitë-opozitë, që le të kuptohet se të gjithë janë dakord se nuk janë angazhuar sa duhet që Ohri të mbetet qytet, me gjithë thesarin e vet shumëshekullor nën mbrojtjen e UNESCO-s./ABC News Albania 24/7

takimee.jpg
ad min16:22 | 18/09/2019

Zyra të përbashkëta me një ndalesë pritet të ngrihen në pikat kufitare mes Shqipërisë dhe Maqedonisë së Veriut. Nisma mes dy vendeve ndërmerret për të lehtësuar lëvizjen e mallrave dhe udhëtarëve më qëllim shkurtimin e kohës së qëndrimit në kufi.

Ministrja e Financave dhe Ekonomisë, Anila Denaj dhe homologu maqedonas Kreshnik Bekteshi zhvilluan një takim ku ranë dakord për krijimin e grupeve të përbashkëta të punës.

Një tjetër çështje e diskutuar mes dy ministrave ishte orientimi i politikave të përbashkëta për të tërhequr investimet e huaja. Ndërkohë, Rruga e Arbrit sipas Denajt dhe Bekteshit është një mundësi më shumë për të nxitur bashkëpunimin mes dy vendeve./ABC News Albania 24/7

prokuroria-speciale.jpg
ad min18:55 | 02/09/2019

Partitë politike në Maqedoni nuk kanë rënë ende dakord për ligjin për prokurorinë speciale. Palët mësohet se nuk po bien dakord për disa pika të ligjit, ndërkohë që opozita shqiptare ka paralajmëruar votën kundër.

Kryetari i Komisioni për çështje evropiane, Artan Grubi, po pret partitë që të arrijnë marrëveshje që më pas ta thirr seancën. Thotë që ka takime intensive mes grupeve të punës, dhe se nuk ka shumë çështje që kanë mbetur të hapura.

Artan Grubi, deputet i BDI-së: Janë dy-tre pika për të cilat kanë dallim partitë kryesore dhe kanë të bëjnë me fatin e Prokurorisë Speciale, të punësuarit atje dhe çështje të verifikuara pas qershorit. Shpresoj të arrihet një konsensus mes partive politike.

Afate se kur duhet të thirret komisioni nuk ka, por Grubi shpreson që të ketë marrëveshje para Mbledhjes së Këshillit të Bashkimit Evropian. Edhe deputetja e LSDM-së, Sonja Mirakovska thotë që ekziston atmosferë e mirë mes grupeve punuese.

Sonja Mirakovska, deputete e LSDM-së: E kam patjetër të them se po punohet në një atmosferë të shkëlqyer dhe me plot mirëkuptim. Sigurisht që ka momente kur ngritët toni, por janë dy ekipe që kuptohet mirë mes vete, dhe bisedat zhvillohen mirë, me mendimin se duhet të arrihet rezultati.

E derisa pushteti dhe opozita maqedonase po tentojnë që të dakordohen, opozita shqiptare tanimë e ka të qartë se këtë ligj nuk do ta përkrah.

Kastriot Rexhepi, nënkryetar i lëvizjes Besa: Lëvizja Besa nuk do të mbështesë asnjë nismë ligjore që do të jetë si instrument mes funksionarëve të lartë në pushtet dhe gjithë partive politike që kanë bërë keqpërdorime.

Grupet e punës të VMRO DPMNE-së dhe LSDM-së nuk janë takuar gjatë fundjavës, por pritet që të takohen sot./ABC News Albania 24/7

greva-maqedoni-1280x722.jpg
nev ila18:31 | 02/09/2019

Viti i ri shkollor në Maqedoninë e Veriut ka nisur i pjesshëm për shkak të grevës që po zhvillohet në disa prej institucioneve arsimore të vendit.

Punonjësit e këtij sektori kërkojnë rritjen e pagave, me pretendimin se ato janë në nivelin më të ulët në rajon.

Zilja e parë ra për fillimin e vitit të ri shkollor, por jo në të gjitha shkollat.

Me dilema dhe pasiguri nxënësit iu drejtuan bankave shkollore, por vetëm disa u mirëpriten, ndërsa për disa dyert ishin të mbyllura.

Ministri për arsim dhe shkencë Arbër Ademi është i bindur se fillimi i vitit të ri shkollor është i suksesshëm dhe se ekziston zgjidhja për problemet e punëtorëve të arsimit.

Nuk është paralajmëruar takim për ditën e nesërme, thonë nga sindikata për arsim dhe shkencë, por presin që deri në fund të muajit të ketë zgjidhje, janë të kënaqur nga bashkëpunimi me ministrinë, por bisedimet e mëtejshme duhet të jenë në dobi të të gjithë punëtorëve të arsimit me qëllim që të ruhet dinjiteti i këtij profesioni.

“Po, pres telefonatë nëse jo takim. Po, kemi qenë në kontakt dje. Kemi marrëdhënie korrekte me ministrinë, kemi qëllime të përbashkëta me ministrinë në pjesën e statusit social të të punësuarve në arsim, por kjo është e pamjaftueshme, mungojnë rezultatet”, tha Jakim Nedellkov, kryetar i SASHK.

Rreth presioneve mbi drejtorët dhe arsimtarët nga SASHK-u pohojnë se kanë qenë minimale, ndërsa greva është zhvilluar pa ndërprerje.

Shoqata sindikale pret që në afat sa më të shkurtër kohor të ketë zgjidhje, në qoftë se kjo nuk ndodh janë të gatshëm për grevë të përgjithshme dhe aktivitete të  tjera të garantuara me ligj.

Në pjesën e pagave të punëtorëve të arsimit në rajon nga SASHK-u theksojnë se Maqedonia vazhdon të ketë pagat më të ulëta në rajon./ABC News Albania 24/7

maqedoni.jpg
ad min17:15 | 18/08/2019

Për analistët në Maqedoninë e Veriut, situata e krijuar në vend pas publikimit të videove të çështjes “Zhvatja” paralajmëron një vjeshtë të nxehtë politike. Ata vlerësojnë se e vetmja rrugëdalje nga kjo situatë është ndryshimi i ligjit për Prokurorinë e Përgjithshme.

Duke komentuar zhvillimet e fundit politike në vend, njohësit e këtyre rrethanave vlerësojnë se Maqedonia e Veriut për momentin është në një udhëkryq, si atë të brendshëm por edhe të jashtëm. Rasti ‘Zhvatja’ dhe implikimet që mund të ketë ky rast në skenën politike, për analistin Isak Sherefi, Maqedonisë së Veriut janë duke i kushtuar shumë.

Isak Sherifi, analist:Maqedonia këto ditë do t’i kalojë edhe ditët më të vështira, për shkak se problemi tashmë është hedhur brenda përbrenda Prokurorisë Speciale. Në të njëjtën vijë është edhe Presidenti Stevo Pendarovski, i cili kërkon hetim më të zgjeruar kundër këtyre hetimeve  që ndodhën me aferën ‘Zhvatja’. Faktikisht, ndaj mendimin se Maqedonisë është duke i kushtuar shumë si në arenën ndërkombëtare por edhe në establishmentin politik brenda përbrena Maqedonisë së Veriut”.

Nga ana tjetër, analisti Naser Ziberi vlerëson se te qytetarët po humbet shpresa se në Maqedoni mund të vendoset ligji, e drejta të del në sipërfaqe dhe të pengohen gjithë ata padrejtësi  që në 10 vitet e kaluar ndodhën në RMV. Sipas Ziberit struktura aktuale e qeverisjes si rezultat i ngjarjeve të fundit po e humb dalëngadalë mbështetjen e qytetarëve.

Naser Ziberi, analist: “Qeveria aktuale mendoj se do ta kalojë këtë fazë dhe supozoj se zgjedhjet ardhshme do të jenë ata të rregullat ose me një afat prej tre muaj të parakohshme, sepse vendin e pret anëtarësimi i plot në NATO, marrja e datës për fillim të negociatave dhe këto duhet të jenë prioritetet e politikës, por struktura aktuale e qeverisjes po e humb dalëngadalë mbështetjen e qytetarëve si rezultat e këtyre ngjarjeve aferave në pamundësi të qeverisë ta luftoj këtë situatë”.

Ndërkohë, partia më e madhe opozitare maqedonase VMRO–DPMNE kërkon dorëheqje të kryeministrit Zoran Zaev dhe zgjedhje të parakohshme. Njëkohësisht, opozita paralajmëroi se në shtator do të filloj edhe protestat. Duke u bazuar në  këto qëndrime të opozitës për Analistin Isak Sherifi vendin e pret një vjeshtë e nxehtë politike.

Isak Sherifi, analist:Si duket VMRO-ja është e mobilizuar, qeveri teknike ka që 6 muaj që kërkon Vmro-DPMNE-ja dhe ndaj mendimin që këto protesta do të japin një vrull mjaftë të fuqishëm në shtator, mirëpo nga opozita maqedonase, shtrohet pyetja çfarë bën opozita shqiptare. VMRO-ja nga kongresi i fundit ka dalë më e fuqishme më e strukturuar dhe më e organizuar prandaj edhe kreu i kësaj partie kërkon qeveri teknike e cila siç ka theksuar ai do të jetë shpëtim për Maqedoninë e veriut në prag të negociatave me Bashkimin Evropian”.

Sipas analistit Naser Ziberi, Prokurorja Katica Janeva është dëshpërimi më i madh i kësaj periudhe në vend, pasi sipas tij ajo e vrau shpresën te qytetari se do të vendoset drejtësia. Ai shton se e vetmja rrugëdalje është të ndryshohet urgjentisht Ligji për Prokurorinë e Përgjithshme dhe në kuadër të kësaj prokurorie të gjendet zgjidhje për Prokurorinë Speciale./ABC News Albania 24/7

sheqernaska-1280x722.jpg
ad min18:30 | 15/08/2019

Deri në momentin e fundit Maqedonia do të jetë pre e sulmeve të faktorëve të brendshëm e të jashtëm, që do të mundohen të pengojnë anëtarësimin e saj në NATO. Paralajmërimi është bërë nga ministrja e Mbrojtjes, Radmilla Sheqerinska, e cila ka nënvizuar se institucionet vendase janë të dobëta përballë këtyre kërcënimeve.

Vetëm disa muaj para anëtarësimit të pritur zyrtar në NATO, ministrja e Mbrojtjes Radmila Sheqerinska thotë se edhe më tej do të ketë sulme, nga forca të brendshme dhe të huaja të cilat duan ta pengojnë integrimin euro-atlantik të Maqedonisë. Por megjithatë, shumë shembuj si publikimi i bisedave të incizuara në fshehtësi në rrjetet sociale, bashkëbisedues të rrejshëm me kryeministrin, ose krijimi masiv i lajmeve manipuluese, sugjerojnë se sistemet vendase të sigurisë dhe komunikimeve janë të rrezikuara.

Radmila Sheqerinska, ministre e Mbrojtjes: Dobësi në lidhje me kërcënimet e reja janë vërejtur në të gjitha shtetet, ky po bëhet një lloj i ri i rrezikimit të sistemit dhe të institucioneve. Ka shumë persona në vend por edhe jashtë tij të cilët mendojnë se duhet të bëjnë gjithçka që vendi ynë të mos bëhet anëtar i NATO-s dhe të mos fillojë negociata me BE-në. Është interesi ynë strategjik që të mos lejojmë të kenë sukses në këtë qëllim. Dhe për këtë arsye kemi nevojë për institucione dhe politikanë të fuqishëm të cilët nuk do të bëjnë kompromis me shtetin juridik.

Mysafiri i Ministres së Mbrojtjes, komandanti i Gardës Kombëtare të shtetit federal amerikan të Vermontit, Gregori Najt, me të cilin ushtria e Maqedonisë ka një bashkëpunim 25-vjeçar, shpreh bindjen se anëtarësimi në Aleancë është i padiskutueshëm, në emër të sigurisë në Evropë.

Gregori Night, komandant i Gardës Kombëtare Vermont: Ne jemi të përkushtuar ta ndihmojmë Republikës së Maqedonisë së Veriut, ta rrumbullakësojë anëtarësimin në NATO, të bëhet pjesë e ekipit, anëtarja e 30-të dhe të ndihmojë në arritjen dhe ruajtjen e stabilitetit në Evropë.

Gjatë më se dy dekadave të kaluara rreth 5000 ushtarë nga ushtria e Maqedonisë janë trajnuar me ndihmën e Gardës Kombëtare të Vermontit, janë mbajtur rreth 400 stërvitje dhe trajnime të përbashkëta. Gjenerali Night tha se do të dëshironte që bashkëpunimi ushtarak në të ardhmen të zgjerohet edhe në nivel civil. Senati Amerikan pritet që së shpejti ta ratifikojë protokollin për anëtarësimin e Maqedonisë në NATO, ndërkohë që këtë e kanë bërë 20 vende të tjera anëtare të organizatës më të madhe ushtarake në botë./ABC News Albania 24/7

prokurorja-1280x720.jpg
ad min12:30 | 09/08/2019

Ish-prokurorja speciale në Maqedoninë e Veriut, Katica Janeva ka deklaruar të premten se zëri që dëgjohet në përgjimet mbi rastin “Zhvatja” është i saji, por është keqpërdorur. Përmes një komunikate të publikuar në faqen zyrtare të Prokurorisë Speciale, Janeva është shprehur e tronditur se si zëri i saj është përdorur për këtë çështje. Ajo ka nënvizuar se si prokurore ka patur gjithmonë detyrimin të kontaktojë me të gjithë të dyshuarit, në bazë të procedurave penale që ndiqen nga prokuroria publike. “Kam biseduar për rritjen e shkallës së bashkëpunimit me të dyshuarit, për të zbuluar dëshmi të reja në favor të hetimeve, por në asnjë rast nuk jam angazhuar për ndonjë ndikim. Asnjëherë nuk e kam keqpërdorur funksionin tim dhe nuk kam vepruar në kundërshtim me ligjin”, ka nënvizuar Janeva. Ajo u ka bërë thirrje organeve hetimore që të përfundojnë sa më shpejt hetimet mbi rastin “Zhvatja”, me qëllim që të zbardhet e vërteta./ABC News Albania 24/7

 

zhvatja-1280x695.jpg
ad min19:00 | 08/08/2019

Çështja e njohur me emrin “Zhvatja” në Maqedoninë e Veriut ka përfunduar në mediat italiane. Gazeta “La Verita” ka publikuar në edicionin e saj online videon e një ryshfeti prej 1.5 milion euro që një biznesmen paguan për të fituar lirinë.

Laris Gaiser, nëpërmjet gazetës italiane “La Verita” publikoi një video, ku shihet se si Bojan Jovanovski, nga shtëpia e biznesmenit Orce Kamçev largohet me siç thuhet, 1.5 milion euro në kesh. Këto para, pretendohet se ia siguruan lirinë më vonë, Kamçevit, i cili është viktima kryesore në rastin “Zhvatja”. Siç shihet në video, më 20 shkurt, Bojan Jovanovski dhe Zoran Mileski i kanë marrë paratë nga familja Kamçev. E më pas, video e publikuar përmban edhe audio xhirim, ku Bojan Jovanovski i thotë njërit prej familjes Kamçev se të hënën do të jenë të lirë.

– Të hënë do të jeni të lirë! Më së voni deri të martën.

– Por nuk mund të vijë lënda deri të hënë në Gjykatë Supreme!?

– Po do të arrijë. Prokuroria Speciale nuk do të përdor masa të jashtëzakonshme juridike, nuk do të ndërmarrin asgjë.

– E apeli?

– Apeli do t’ju refuzojë, pasi të ankoheni. Ju duhet të jeni të përgatitur. Pastaj ankoheni në shkallën e dytë në Supreme. Këshilli do të përgjigjet automatikisht. Katica nuk do të përdor asnjë masë juridike që ta zvarritë momentin. Të hënën ose të martën ti je i lirë.

Edhe ashtu ndodhi! Më katër mars të këtij viti, të hënën, Kamçev iu anulua edhe burgi shtëpiak dhe ishte i lirë. Pasi u hap rasti, nga Prokuroria Speciale dolën me pres konferencë, e prokurorja e rastit, Lile Stefanovska, tha që çdo vendim e ka nënshkruar Katica Janeva, sepse ligji për Prokurorinë Speciale ashtu thotë. Ajo shtoi se nuk ka qenë në dijeni për këtë që ka ndodhur me Kamçevin në rastin “Perandoria”.

Tentuam të kontaktojmë edhe me gazetarin që e ka publikuar videon, por ai nuk deshi të prononcohet. Paralajmëroi se do të ketë edhe video tjera, kurse tha që këtë po e bën për hir të së vërtetës. E nëse e hap faqen e “Facebook” të gazetës “La Verita”, çdo i dyti publikim ka të bëjë me Matteo Salvinin dhe Boris Johnsonin. Në ditët e fundit, gazeta ka shkruar edhe për besimin e dobët të Italianëve në Bashkimin Evropian, kurse temë që fiton shumë vëmendje nga kjo gazetë është edhe Brexiti./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono