maqedoni e veriut

katica-janjeva.jpg
nev ila16:26 | 06/12/2019

Një shumë prej 350 mijë eurosh, të futura në një kuti këpucësh, I ishte dërguar prokurores speciale në Maqedoninë e Veriut, për të mbyllur një rast që ishte nën hetim. Gjithë shuma që duhej të jepej ishte 8 milionë euro.

Biznesmeni Jordan Kamçev i cili është protagonist i rastit “Zhvatja”  foli të premten në dëshminë e tij në gjykatë në Shkup, lidhur me përfshirjen e ish-kryeprokurores speciale Katica Janeva në përfitimin e parave permes shantazhit me ndërmjetësimin e moderatorit Bojan Jovanovski – Boki13.

Ai tha se procesi i hapur  nga ish-Prokuroria Speciale ndaj kompanisë së tij ishte i konstruktuar për ta zhvatur ate. Sipas tij, regjisorët e këtij rasti janë në gjykatë, duke drejtuar gishtin tek Boki 13, që siç tha Kamçev fillimisht i ka kërkuar reklamim në TV, më pas i ka ofruar një projekt biznesi.

Me rastin e ngritur ndaj tij për herë të parë Kamçev është njohur nga avokati Vasil Dimishkov, i cili i ka kërkuar 100 mijë euro, për masa më lehtësuese, por të gjitha këto janë refuzuar prej tij.

Biznesmeni ka thënë se në disa raste ka komunikuar dhe është takuar me Boki 13 dhe biznesmeni tjetër Kiçec, që ishin dy figurat e përfshira me Katica Janevën. Kamçev ka thënë se në një rast ka biseduar me telefon në prani të një personi të tretë, ndërsa në takim ka qenë edhe djali i saj, Llazar Janev.

“Një shumë prej 350 mijë eurosh është paguar nga Ana Kamçeva. Bojan Jovanovski i ka futur paratë në një kuti këpucësh dhe këtë dhuratë ia ka dërguar Katica Janevës. 150 mijë euro të tjera i janë dhënë Kiçecit”, tha Kamçev.

Ai tha gjithashtu se Boki 13 i ka thënë se duhej të jepte shuma mbi një milionë euro, sepse Katica Janjeva nuk do të dëgjonte për më pak se kaq.

Sipas tij, shuma totale për ta liruar nga ky proces dhe për të mos e ndjekur ka qenë 8 milionë euro dhe se kësti i parë që duhej paguar ishte një milionë euro./abcnews.al

ibraimi.jpg
Vladimir Prenga15:10 | 01/12/2019

Shkëndija e Tetovës ka mundur me rezultatin 4-0 Shkupin dhe është ngjitur në vendin e dytë, pasi Akademija Pandev u thye nga Vardari kryesues. Kuqezinjtë ruajnë distancën prej 8 pikësh me skuadrën kryeqytetase.

Ekipi i drejtuar nga Ernest Gjoka e zhbllokoi ndeshjen me të zakonshmin Besar Ibrahimi, i cili në takimin e sotëm realizoi dy herë në portën e Shkupit. Në ditë të mirë ishte edhe braziliani Junior, autor i dy golave gjithashtu.

Në fushë sot zbriti edhe Renova, që u mposht në transfertë nga ekipi i Borec. Ekipi vendas shënoi që në minutën e pestë me Prelcec dhe e ruajti epërsinë deri në fund të ndeshjes.

MAQEDONI E VERIUT LIGA 1 – JAVA 17
E diel, më 1 dhjetor 2019, ora 13:00

Akademija Pandev-Vardar 0-3
Borec-Renova 1-0
Shënues:
Prelcec 5′
Rabotnicki-Sileks 1-1
Shkëndija-Shkupi 4-0
Shënues:
B. Ibraimi 2′, 41′ (pen), Junior 27′, 89′

/abcnews.al

shkendija.png
Vladimir Prenga13:11 | 01/12/2019

Shkëndija dhe Shkupi po përballen mes tyre në ndeshjen e javës së 17-të. Derbi mes shqiptarëve në Maqedoninë e Veriut ka nisur me hapjen e flamurit shqiptar nga ultrasit kuqezi të klubit tetovar, “Ballistët”.

Nuk mungojnë as këngët patriotike, ndërkohë që sikurse dihet, të ardhurat nga shitja e biletave do të dhurohen për të prekurit nga tërmeti në vendin tonë. /abcnews.al

mgp-struga.jpg
Vladimir Prenga15:05 | 30/11/2019

Struga Trim&Lum po tregon javë pas jave se është një kockë e fortë për ccdo ekip. Skuadra e drejtuar nga Jeton Beqiri mundi në mesjavë Shkëndijën e Tetovës, ndërkohë që sot ia ka dalë të marrë pikë në transfertë ndaj Makedonija GP.

Struganët madje ia dolën të shënojnë që në minutën e parë të ndeshjes, kur Osmani mposhti portierin vendas. Festa gjithsesi nuk zgjati shumë, pasi Jasharovski disa minuta më pas arriti t’i baraspeshonte shifrat.

Gjatë ndeshjes nuk mungoi tensioni dhe ndërhyrjet e gabuar, teksa u akorduan 6 kartonë të verdhë. Struga u përpoq të shënonte, por nga ana tjetër ishte shumë e rëndësishme edhe të mos humbiste. Këtë objektiv e arriti dhe zona europiane është afër, pasi ka 23 pikë dhe renditet në vendin e gjashtë në klasifikim.

MAQEDONI E VERIUT LIGA 1 – JAVA 17
E shtunë, më 30 nëntor, ora 13:00

Makedonija GP- Struga 1-1
Shënies:
Jasharovksi 7′ / Osmani 1′

/abcnews.al

MAQEDONI-ZGJEDHJET-1280x720.jpg
ent ela16:00 | 25/11/2019

Kryeministri maqedonas Zoran Zaev thotë se nuk sheh ndonjë arsye për shtyrjen e zgjedhjeve ndërkohë që mbështet reformimin e Kodit Zgjedhor. Zaev tha se reforma zgjedhore do të jetë demokratike dhe e besueshme.

Kryeministri i Maqedonisë së Veriut, Zoran Zaev tha se reforma zgjedhore që do të aplikohet në zgjedhjet e ardhshme është prioritet i qeverisë për të siguruar zgjedhjet të drejta dhe të ndershme, ndërkohë që do të ketë edhe një informim më të mirë të qytetarëve në këto zgjedhje. Ai tha se do të reformohet kodin zgjedhor me principet demokratike ndërsa qeveria e Zvicrës do t’i japë mbështetje kësaj reforme. E gjithë reforma do të jetë demokratike dhe kredibile, tha ai, duke shtuar se reforma do të bëhet me të gjitha institucionet për të arritur një reformë gjithëpërfshirëse dhe konkrete.

Kryeministri Zoran Zaev tha gjithashtu se nuk sheh ndonjë arsye për shtyrjen e zgjedhjeve.

“Edhe kryetari i Komisionit shtetëror zgjedhor tha se janë të gatshëm nëse duhet të ndryshohet modeli zgjedhor, por në fund të ditës ajo varet nga institucioni më i lartë në demokracinë parlamentare, ai është parlamenti. Jam i informuar se është prezantuar një zgjidhje e caktuar ligjore, duam ta shohim atë zgjidhje. Edhe njëherë do të theksoj LSDM, ka një premtim zgjedhor në 2016-tën për modelin zgjedhor me një njësi. Pas asaj dikund para më pak se një vit, ishte hapur debati për lista të hapura, ne përsëri u mblodhëm dhe morëm vendim politik se jemi edhe pro listave të hapura, duke e dikur se njëri model me tjetrin nuk shkojnë së bashku por nëse do të ishte zgjedhur, jemi pro. Në rrethana të tilla, nëse vjen në votim një vendim i tillë ligjor, ne do ta mbështesim, sepse është premtim yni që ua kemi dhënë qytetarëve”. /abcnews.al

PENDAROVSKI-PARLAMENTI.mpg_snapshot_00.17-1280x720.jpg
ent ela18:37 | 04/11/2019

Presidenti maqedonas Stevo Pendarovski tha të hënën se nuk ka dilemë që parlamenti në Maqedoni, pavarësisht nga zgjedhjet, duhet të ratifikojë protokollin e aderimit në NATO. Ai tha se parlamenti ekziston dhe është aktiv derisa të zgjidhet Parlamenti i ardhshëm.

Presidenti Stevo Pendarovski konsideron se data për zgjedhje të parakohshme parlamentare nuk duhet të lidhet me ratifikimin e marrëveshjes për anëtarësim të Maqedonisë së Veriut në NATO. Presidenti maqedonas theksoi se Kuvendi mund të vazhdojë punën.

 “Nuk varet nga unë nëse zgjedhjet do të jenë më 12 prill ose jo. Atë që dua të komentoj lidhur me mundësinë për ndonjë anulim, lidhet me ratifikimin e marrëveshjes për anëtarësimin në NATO edhe në Parlamentin tonë. Lidhur me këtë nuk duhet të ketë asnjë dilemë. Parlamenti ekziston dhe është aktiv derisa të zgjidhet Parlamenti i ardhshëm.”

Presidenti Pendarovski tha gjithashtu se diplomacia është e fokusuar tek eurointegrimet dhe fokusi është Franca.

“Mendoj se në periudhën e ardhshme, javën e ardhshme do të duhet të marrim sinjal më të fortë në atë drejtim, nëse së shpejti do të mund të ndryshohet rezultati jashtëzakonisht i pafavorshëm i Samitit të fundit para së gjithash, Franca”.

Pendarovski i bëri deklaratat në Tetovë ku ka pasur takime me qytetarët në kuadër të projektit “Ballë për ballë me presidentin”. /abcnews.al

 

MAQEDONI-E-VERIUT-MONSTRA-ABC-M4-T1.mpg_snapshot_00.01-1280x720.jpg
ent ela13:21 | 28/10/2019

Dosja e vrasjes së pesëfishtë pranë liqenit të Smillkovës në Maqedoninë e Veriut, 7 vite më parë, rikthehet për gjykim. Gjykata supreme shfuqizoi dënimin me burgim të përjetshëm për 6 shqiptarë, të cilët ishin akuzuar për këtë rast.

Gjykata Themelore Penale në Shkup zhvillon të hënën një seancë e re për vrasjen e pesëfishtë tek Liqeni i Smillkovës, më 12 prill të vitit 2012 i njohur si rasti “Monstra”, raportuan mediat në Maqedoninë e Veriut. Rasti gjendet në procedurë dëshmuese dhe lexohen mbi 133.000 mesazhe dhe transkripte të tjera, të propozuara si prova shtesë nga Prokuroria.

Për vrasjen e pesëfishtë te Liqeni i Smilkovës më 12 prillit të vitit 2012, kur u vanë Kire Triçkovski, Filip Slavkovski, Cvetanço Atkovski, Aleksandar Naqevski dhe peshkatari Borçe Stefanovski, u dënuan me burgim të përjetshëm Alil Demiri, Afrim Ismailoviq, Agim Ismailoviq, Fejzi Aziri, Haki Aziri dhe Sami Luta.

Gjykata Supreme shfuqizoi në dhjetor të vitit 2017 aktvendimet dhe i liroi nga paraburgimi të dënuarit Agim Ismailoviq, Haki Azirin, Sami Lutën dhe Fejzi Azirin dhe u caktoi masë mbikqyrjeje. Pas shfuqizimit të aktvendimeve, rastin “Monstra” e mori prokuroria special dhe lënda është kthyer sërish në gjykim. /ABC News Albania 24/7

dallku-ardin.png
Vladimir Prenga12:27 | 24/10/2019

Shkëndija ka ndërhyrë në merkato aty ku ishte më e nevojshme, në qendër të mbrojtjes. Alternativat për stafin teknik kanë qenë të pakta dhe pre ditësh ishte bashkuar me kuqezinjtë Ardin Dallku, vëllai i ish-lojtarit të kombëtares shqiptare, Armen Dallku.

Dallku ishte larguar nga ukrainasit e Vorlska Poltava dhe vetëm në janar mund luajë, ndaj edhe kontrata mes tij dhe Shkëndijës së Tetovës do të hyjë në fuqi atëherë. Klubi tetovar e ka bërë gjithccka zyrtare sot, ndërkohë që vetë lojtari ka folur për këtë lëvizje.

“Jam i lumtur që në të ardhmen do të luaj për një klub si Shkëndija. Gjatë kësaj kohë isha pjesë e kampionatit ukrainas dhe jam shumë i motivuar për këtë eksperiencë të re. E di se Shkëndija ka ambicie të mëdha, ashtu sikurse edhe. Premtoj të jap gjithçka nga vetja për të ndihmuar ekipin të realizojë objektivat”, ka thënë Dallku për faqen zyrtare të klubit.

Kështu trajneri Ernest Gjoka do të ketë një lojtar me vlera për pjesën e dytë të sezonit. Shkëndija një ditë më parë fitoi ndaj Sileksit dhe kërkon të fitojë titullin kampion për të tretën herë radhazi. /abcnews.al

Ernest-Gjoka-interview-1280x953.jpg
Vladimir Prenga14:20 | 08/10/2019

Ernest Gjoka ka firmosur sot me Shkëndijën e Tetovës dhe është gati për aventurën e re. Trajneri kryeqytetas ka thënë edhe fjalët e para për faqen zyrtare të klubit tetovar. Edhe pse objektivat janë të mëdha, Gjoka nuk zmbrapset.

“Mendoj se kam ardhur në një klub si Shkëndija që mbi të gjitha është një klub profesional dhe është një klub i ndërtuar me shumë kujdes. Përshtypjet e para janë shumë të mira dhe mendoj e shpresoj që këto përshtypje që do kem sot t’i kem gjatë gjithë kohës që do të punoj këtu.

Jam i gatshëm për këtë sfidë, sepse dihet se Shkëndija kërkon gjithçka. Kërkon të jetë gjithë kohës e suksesshme, të jetë kampion, të eci shumë në Europa League, të kape grupet e Europa League apo pse jo edhe të Champions League”, ka deklaruar Gjoka për faqen zyrtare të klubit. /abcnews.al

Gjoka.jpg
Vladimir Prenga12:59 | 08/10/2019

Ernest Gjoka ka firmosur me Shkëndijën e Tetovës. Trajneri i mirënjohur, i ftuar në emisionin “Pressing” në ABC News një ditë më parë, nuk dëshiroi të nxitohej. E gjitha pasi nuk kishte akoma firmë mbi kontratën e ofruar nga klubi tetovar.

Tanimë nuk mund të ketë më asnjë mëdyshje, pasi Gjoka edhe ka nënshkruar sot. Shkëndija i kishte nisur kontaktet me ish-trajnerin e Kukësit që para se të largohej Qatip Osmani. Me largimin e tij pati një “stepje”, por ditët e fundit Gjoka u kontaktua sërish.

Gjoka në momentin e hedhjes së firmës

Marrëveshja u arrit dhe tekniku do të nisë një eksperiencë të re në Maqedoninë e Veriut. Në të shkuarën Gjoka ka drejtuar skuadra si Apolonia, Kamza, Vllaznia, Flamurtari dhe Kukësi. Me verilindorët ka arritur të fitojë titullin kampion dhe Kupën e Shqipërisë, suksese të rëndësishme këto për atë si trajner dhe për klubin e Kukësit.

Edhe te Shkëndija e Tetovës objektivi do të jetë titulli kampion. Kuqezinjtë kanë triumfuar në dy vitet e fundit dhe duan të mbrojnë trofeun. Gjithashtu synohet një ecuri pozitive në kupat e Europës, që fillimisht duhen arritur. Shkëndija lojtarët i ka, ndaj edhe Gjoka e ka pranuar këtë sfidë me kënaqësi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono