manchester city

Guardiola-David-Silva.jpg
Veronik Istrefaj19:11 | 11/01/2020

Trajneri i Manchester City, Pep Guardiola, ka folur për mediet britanike sa i takon merkatos së janarit. City ka vuajtur shumë këtë sezon nga dëmtimet dhe nuk po arrin të ruajë ritmin e Liverpoolit.

Guardiola i është përgjigjur pyetjes se si do e zgjidhë largimin e David Silvës, si dhe kush është objektivi i tij kryesor sa i takon merkatos së janarit.

“Pasuesi i David Silvës? Nuk më shqetëson aspak kjo gjë. Kemi Bernardo Silvën, Phil Foden, Ilkay Gundogab, Kevin De Bruyne, të gjithë mund të luajnë në atë pozicion. Nuk është ky prioriteti im, kam dilema të tjera.

Më shqetëson fakti që Aguero është i pazëvendësueshëm, kjo është diçka që duhet të rregullojmë sa më parë”, u shpreh tekniku spanjoll kur u pyet për merkaton./abcnews.al

David-Silva1.jpg
Veronik Istrefaj16:41 | 11/01/2020

David Silva është padiskutim një nga mesfushorët më të mirë në botë dhe fantazisti spanjoll e ruan këtë vlerësim prej shumë vitesh tashmë. Në verën e sezonit 2009-10, David Silva u largua nga skuadra e Valencias dhe u transferua te Manchester City, aty ku po luan prej 10 vitesh tashmë.

Me mbylljen e kësaj dekade, OptaJoe ka grumbulluar disa statistika të 10 viteve të fundit, aty ku David Silva udhëheq bindshëm në rastet e krijuara për gol në kampionatin anglez të futbollit.

Plot 768 raste ka krijuar David Silva për gol, duke ruajtur vendin e parë. Diferenca me Eden Hazard që renditet në vendin e dytë është e frikshme. Ylli belg ka krijuar 595 raste për gol, plot 173 raste më pak se David Silva. Fenomenal!/abcnews.al

 

Guardiola.jpg
Igli Nikolli13:16 | 11/01/2020

Pep Guardiola ka rrëfyer një detaj të këndshëm në lidhje me Gerard Pique. Gjatë konferencës për shtyp përpara ndeshjes ndaj Aston Villa në transfertë, trajneri i Manchester City i është rikthyer periudhës kur mbrojtësi spanjoll la Manchester United për t’u kthyer në Katalunjë.

Ishte viti 2008 dhe Guardiola sapo kishte marrë drejtimin e Barcelonës. Pique, atë kohë rreth 20-21 vjeç, nuk dukej gati dhe trajneri preferonte mbrojtësit e tjerë përpara atij. Me kalimin e kohës. Lojtari filloi të tregonte potencialin e madh dhe 48-vjeçari e cilëson si një ndër mbrojtësit më të mirë në histori.

Kur Pique u rikthye nga Manchester United nuk e aktivizoja, sepse nuk e shihja të përgatitur mirë. Emra si Rafa Marquez, Carles Puyol dhe mbrojtësit e tjerë të ekipit, më dukeshin më të mirë. Më pas filloi të tregonte vlerat e tij dhe atë që është: një nga qendërmbrojtësit më të mirë të historisë së futbollit“, thekson Pep Guardiola. /abcnews.al

Sterling.png
Igli Nikolli12:34 | 11/01/2020

Anglia ka një rregull të prerë në lidhje me tifozët problematikë dhe nuk tregon aspak mëshirë për ta. Kështu ndodh prej vitesh, kështu ka ndodhur edhe me Ian Baldry, tifozin e Manchester City

Ishte dhjetori i vitit 2018 dhe ekipi i Pep Guardiolës përballej me Bouremouth. Rahem Sterling shënoi një nga golat e fitores 3-1 dhe po festonte me tifozët. Baldry u fiksua me sulmuesin e ekipit të zemrës dhe nuk i kurseu ofendimet raciste ndaj tij.

Në gjyq është shfaqur i penduar sipas The Guardian, por gjykatësi i është drejtuar me këto fjalë: “Lloji i gjuhës së përdorur nga ti dhe i akuzuari tjetër përbëjnë rrezik të madh publik dhe mund të inkurajojë të tjerët të sillen në të njëjtën mënyrë“.

Baldry është shpallur fajtor dhe është përjashtuar për 5 vite nga çdo stadium, ndërsa shoku i tij, James McConell, i cili vendosi të shfaqte racizëm ndaj mbrojtësit Mings të Bouremouth, është dënuar me 200 orë shërbim në ndihmë të komunitetit, teksa të dy janë gjobitur me nga 200 euro. /abcnews.al

City-e1578737678829.jpg
Igli Nikolli10:50 | 11/01/2020

Dikur cilësohej si i vjetër një futbollist në moshën 30-vjeçare, ndërsa sot janë të shumtë ata që luftojnë dhe ia dalin të jenë në aktivitet edhe në moshën 40-vjeçare.

Fernandinho është një nga lojtarët më me eksperiencë te Manchester City dhe Pep Guardiola e vlerëson shumë. Kontrata e 34-vjeçarit me “Cityzens” përfundon në fund të këtij sezoni dhe trajneri spanjoll i ka kërkuar drejtuesve të klubit t’i ofrojnë rinovimin.

Braziliani nuk ka ndërmend të ndalet dhe beson se mosha 40-vjeçare do e gjejë akoma duke luajtur futboll. Gjithçka ka lidhje me gjendjen fizike, ndërsa frymëzimi i madh quhet Ze Roberto. Ish-anësori i njohur ofensiv u tërhoq para dy vitesh nga Palmeiras në moshën 43-vjeçare!

 

Ze Roberto

 

Një rekord fantastik dhe Fernandinho shpreson ta “kopjojë”. Në një prononcim për Sport360, lojtari i Cityt zbulon objektivin e tij të madh dhe përpiqet të mos i vërë vetes presion dhe limite.

Ka rëndësi dhe duhet të përpiqesh të jesh mirë fizikisht. Nuk po them që do ia dal të luaj deri në moshën 43-vjeçare, por e kemi një shembull. Flas për Ze Roberton. Ai ia ka dalë dhe është një frymëzim për mua. Nuk dua ta vendos veten në presion, por do të luaj të paktën deri në moshën 40 e ca vjeç“, thekson mesfushori i Manchester City. /abcnews.al

 

Fernandinho dhe Pep Guardiola
Guardiola-1.jpg
Veronik Istrefaj23:41 | 07/01/2020

Pep Guardiola vazhdon të mbajë të tijtë me këmbë në tokë. Strategu i Manchester City foli në konferencë për shtyp pas fitores 1-3 kundër Manchester United, duke thënë se kjo ishte një fitore e rëndësishme, por asgjë nuk ka mbaruar.

“Bëmë njw ndeshje thuajse perfekte, përballë një kundërshtari që luan me ego dhe krenari”, u shpreh fillimisht strategu spanjoll. “Megjithatë, nuk ishte ndeshje që na dha tri pikët dhe gjithçka përfundoi. Kemi dhe 90 minuta përpara dhe gjithçka mund të ndodhë në futboll.

Manchester United ka treguar prej vitesh që është një ekip që nuk dorëzohet dhe beson deri në sekondat e fundit. Në pjesën e dytë, mund të kishim shënuar sërish, por ritmi ynë, ra ndjeshëm.

Bëmë dhe gabime në mesfushë dhe nga një i tillë, u ndëshkuam. Kjo është diçka që do e analizojmë dhe do të mundohemi ta korrigjojmë për sfidën e kthimit pas tre javësh. Kam folur me lojtarët, u kam thënë se asgjë nuk ka mbaruar dhe ata e kanë kuptuar më së miri këtë gjë”, përfundoi Guardiola.

Ole-Gunnar-Solskjaer-United-Konference.png
Veronik Istrefaj23:20 | 07/01/2020

Trajneri i Manchester United, Ole Gunnar Solskjaer, është në presion të madh pas humbjes ndaj Manchester City, në gjysmëfinalen e parë të Carabao Cup. City e dominoi totalisht takimin dhe fitoi lehtësisht 1-3 në “Old Trafford”.

Pas ndeshjes, Solskjaer u ballafaqua me gazetarët në konferencë për shtyp, aty ku kritikoi ashpër lojtarët e tij. “Ishte një pjesë e parë për t’u harruar”, tha fillimisht strategu norvegjez. “Që në momentin kur Bernardo (Silva) shënoi, futbollistët e mi ulën kokat.

Më pas, City shfrytëzoi çdo gabim tonin dhe ndeshja përfundoi. Ajo paraqitje në pjesën e parë ishte më e dobëta deri tani këtë sezon. Në pjesën e dytë, u zgjuam disi. Munduam të reagonim, por City mbylli çdo hapësirë.

Ndërruam dhe skemë, arritëm të shënonim një gol, por siç e thashë dhe më parë, ndeshja u mbyll që në fraksionin e parë të lojës. Kemi shumë punë për të bërë, jemi skuadër e re dhe që do të mësojmë nga kjo disfatë. Tani luajmë në Etihad dhe do të jetë një sfidë edhe më e vështirë”, tha mes të tjerash trajneri i “Djajve të Kuq”. /abcnews.al

Guardiola-Pep.jpg
Vladimir Prenga08:59 | 07/01/2020

Pep Guardiola është i prerë: Kurrë do e drejtojë Manchester United. Mund ta kishte bërë diçka të tillë në vitin 2012, duke zëvendësuar legjendarin Alex Ferguson, por zgjedhja e trajnerit spanjoll ishte tjetër. Në respekt të klubeve që ka drejtuar, në listën e tij nuk janë Real dhe United.

I ngacmuar para derbit, nëse oferta e vetme për të do të ishte nga “Djajtë e kuq”, Guardiola është shprehur se do të shkonte me pushime, në një vend ku mund të marrë edhe mësime golfi. “Pasi kam drejtuar City, nuk do e drejtor kurrë United. E njëjta gjë edhe për Realin”.

“Po të ishte e vetmja ofertë? Do të isha në Maldive nëse nuk do të kisha një ofertë”, thotë fillimisht Pep, i cili më pas shton edhe diçka tjetër. “Ndoshta jo në Maldive, pasi atje nuk ka ndonjë kurs golfi”, shprehet Guardiola, i cili bën një premtim të fortë për tifozët e tij. /abcnews.al

Man-city-1280x757.jpg
Veronik Istrefaj19:27 | 06/01/2020

Manchester City nuk po arrin të përsërisë dy sezonet e mëparshme, ku dominoi në Premier League. Të besuarit e Pep Guardiolës janë shumë mbrapa Liverpoolit në renditje dhe për momentin, nuk janë as në vend të dytë, pasi këtë pozitë e ruan prej javës Leicester City.

Edhe pse rezultatet nuk kanë qenë ato që parashikoheshin, djemtë e Guardiolës vazhdojnë të tregojnë një atmosferë të mirë, si në stërvitje, ashtu dhe në ndeshjet që kanë luajtur. Raheem Sterling dhe Benjamin Mendy janë dy futbollistët më gazmorë në kampin e “Cityzens”.

Sulmuesi anglez ka qenë sot “viktimë” e një topi të gjuajtur nga larg dhe që është përplasur fort në kokën e tij. Për fat të mirë, të gjithë futbollistët e pranishëm dhe vetë Sterling, panë anën gazmore të këtij momenti./abcnews.al

 

Pope-Port-Vale.jpg
Igli Nikolli12:39 | 06/01/2020

Tom Pope është pjesë e Port Vale, ekip që garon në League Two, ndryshe divizioni i katërt në futbollin anglez. 34-vjeçari u bë i famshëm me deklaratën e dhënë përpara ndeshjes kundër Manchester City në FA Cup, duke ironizuar mbrojtësin John Stones.

E kam të qartë që jam një lojtar i League Two, e di edhe që John Stones luan me kombëtaren dhe fiton 150 mijë sterlina në javë. E di që është 1 milionë herë më i fortë se unë, por do të doja të luaja kundër tij çdo javë. Do të shënoja nga 40 gola çdo sezon“, u shpreh Pope në Twitter dhe deklarata e tij u bë virale në rrjetet sociale.

Ekipi i Guardiolës nuk hasi probleme, fitoi 4-1 dhe u kualifikua më tej në FA Cup. Golin e nderit për miqtë e shënoi pikërisht Pope, i cili nuk e kurseu batutën e radhës në përfundim të ndeshjes. “Dua të them që bëra një gabim të madh me atë që thashë. Jo 40 gola në sezon, por më shumë se 50. Fundjavë të mbarë“, u shpreh sulmuesi i Port Vale. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono