manchester city

Guardiola-1280x854.jpg
Igli Nikolli14:40 | 09/12/2019

Humbja në derbin përballë Manchester United është përjetuar keq nga Pep Guardiola. Manchester City u mposht 1-2 në shtëpi nga “Djajtë e Kuq”, Liverpooli është “arratisur” dhe kreu është 14 pikë larg.

Mbrojtja e titullit kampion është një mision pothuajse i pamundur dhe trajneri spanjoll i “Qytetarëve” lëshon alarmin në një prononcim për AS.

Manchester United e ka kualitetin për të mbrojtur dhe për të goditur kundërshtarin me kundërsulme. Ky është niveli i kërkuar kur luan përballë ekipeve si United, Liverpool, Barcelona, Real Madrid apo Juventus. E vërteta është se, ndoshta, nuk jemi gati për të konkurruar me këto ekipe“, thekson Guardiola. /abcnews.al

city-fans.jpg
Klejdi Kaimi15:12 | 08/12/2019

Në derbin e djeshëm mes dy ekipeve të Manchesterit, tifozët e Cityt nuk ishin në ditën e tyre më të mirë. Humbja 1-2 në shtëpi nga rivalët e United apo edhe distancimi me pikë nga Liverpooli i Klopp, solli irritimin e tifozëve në shkallët e ‘Etihad Stadium’.

Fillimisht sulmi ndaj mesfushorit Fred gjatë një goditje këndi, ku braziliani u godit me shishe uji apo dhe me një seri çakmakësh. Sikur të mos mjaftonte kjo, një tifoz i Cityt është kapur nga kamerat duke iu drejtuar tifozëve të United me një veprim aspak të hijshëm.

Tifozi në fjalë ka hapur duart në formë avioni, duku iu kujtuar ‘djajve të kuq’ tragjedinë e Mynihut. 23 persona humbën jetën në atë katastrofë ajrore në 6 shkurt 1958. Ky veprim cilësohet si provokim i hapur dhe klubi i United pritet të marrë masat e nevojshme. Gjithashtu policia po heton sjelljet raciste ndaj Fred dhe pritet shumë shpejt të identifikojë autorët. /abcnews.al

freedie.jpg
Klejdi Kaimi11:57 | 08/12/2019

Manchester United arriti një fitore shumë të rëndësishme dje në derbi kundër Manchester Cityt, duke suprizuar në ‘Etihad Stadium’ të besuarit e Guardiolës. Në një derbi ku shijuam gola, spektakël, apo edhe kartonë, nuk kishte si të mos mungonin polemikat. Tifozët e Cityt nuk u treguan aspak ‘qytetarë’, duke u kthyer protagonist për keq gjatë pjesës së dytë të takimit.

Në minutën e 67-të, mesfushori i United, Fred, shkoi për të ekzekutuar një goditje këndi. Kur braziliani po bëhej gati, tifozët nuk e përmbajtën veten, duke e goditur lojtarin me shishe uji si dhe me disa çakmakë. Por, si të mos mjaftonte kjo një tifoz është kapur nga kamerat duke imituar majmunin, pra sjellje raciste ndaj Fred.

Ai provoi sërish ta godiste, por një objekt goditi shpinën e mesfushorit. Në këtë moment gjyqtari komunikon me kapitenin e Cityt, David Silvën, për të qetësuar tifozët. Policia angleze e ka marrë  çështjen dhe po kërkon autorët. Gjithashtu klubi i Manchester United konfirmoi incidentin dhe po bashkëpunon me policinë për të identifikuar tifozët. /abcnews.al

Ole-Gunnar-Solskjaer-United-Konference.png
Klejdi Kaimi11:28 | 06/12/2019

Këtë të shtunë në Manchester luhet derbi mes dy ekipeve të qytetit, United dhe City. Sot në mëngjes në konferencën e zakonshme për shtyp trajneri i Manchester United, Ole Gunnar Solskajer, foli se si po e pret derbin, Pogban, rikthimin e Smalling si dhe objektivat e tij deri në fundin e sezonit.

Rivaliteti me Cityn– ”Të paktën tani luajmë çdo vit sepse kur unë isha në fushë mund të luhej një herë në disa vite. Futbolli ka ndryshuar shumë, City është një ekip shumë herë më i mirë tani. Derbi duhet të luhet si derbi, jo si të luajmë basketboll dhe të presim se çfarë do të ndodhi.

Smalling dhe racizmi në Itali– ”Besoj se një ditë ai do të rikthehet këtu. Për sa i përket asaj faqes së parë të gazetës italiane, unë nuk kam fjalë. Është titulli dhe faqja e parë më e keqe që kam parë në jetën time. Ne kemi kontaktuar me Chris dhe me Romelun për ti mbështetur, pasi nuk është aspak e lehtë të kalosh një situatë të tillë.

Pogba– ”Është e sigurt që do rikthehet brenda këtij viti. Momentalisht po stërvitet individualisht dhe shumë shpejt do të jetë gati. Në derbi nuk do të jetë i gatshëm, por një lajm i mirë është rikthimi i Martial.

Derbi dhe e ardhmja– ”Derbi nuk një ndeshje e lehtë. Presim mbështetjen e tifozëve, ata kurrë nuk na kanë lënë në baltë dhe besoj se të shtunën do të jenë më të zjarrtë se kurrë. Në derbin e dytë do të jemi në një pozicion më të mirë në renditje. Kam mbështetjen e plotë nga drejtuesit dhe ekipi do të rritet gradualisht, rezultatet e mira do të vijnë. /abcnews.al

Guardiola-Pep.jpg
Klejdi Kaimi11:41 | 05/12/2019

Pep Guardiola u zgjodh si trajneri më i mirë për vitin 2019 nga Federata Katalanase(Catalan FA), por ai nuk ishte prezent për ta tërhequr cmimin. Ndërkohë që spanjolli po udhëhiqte Manchester Cityn në fitoren 4-1 kundër Burnleyt, ishte babai i tij që e mori cmimin për të.

Në intervistën e dhënë, pyetja e parë që iu bë babait të Pep ishte a do të ketë një rikthim të djalit të tij tek Barcelona. ‘’Mund të them se po, një ditë ai do rikthehet si trajner këtu. Që kur ai është larguar nga shtëpia, i ka marrë të gjitha vendimet vetë. Unë kurrë nuk e kam këshilluar atë’’, deklaron babai i Guardiolës për mediat katalanase.

Tekniku spanjoll e la Barçen e tij në 2012 për të bërë një periudhë pushim. Më pas erdhi kalimi tek Bayern Munchen, ku fitoi gjithçka përveç Championsit. Pas 3 vitesh në Gjermani, ai mori drejtimin e Manchester Cityt ku ende vazhdon të kërkojë triumfin në Champions. Gjatë kësaj vere Guardiola tha se shumë shpejt do të rikthehej tek Barcelona, por pa deklaruar nëse do të rikthehet si trajner apo në një rol drejtuesi në klub. /abcnews.al

Jesus-Aguero.png
Veronik Istrefaj18:48 | 04/12/2019

Sergio Aguero është golashënuesi më i mirë në historinë e Manchester City dhe kur bomberi argjentinas është në gjendje fizike të luajë, është titullar i padiskutueshëm.

Që nga ardhja e Pep Guardiolës në krye të “Qytetarëve” disa vite më parë, Aguero ka pasur disi rivalitetin e talentit Gabriel Jesus, por ky i fundit ka vuajtur të gjejë minuta.

Mbrëmë, Jesus shënoi dy gola përballë Burnley, pasi e nisi sfidën si titullar. Braziliani shfrytëzoi mjaft mirë një dëmtim të Agueros dhe në ndeshjen e parë që Guardiola e aktivizoi, shënoi një dopietë shumë të bukur.

Për mediet britanike, Jesus foli hapur, duke i çuar dhe një mesazh Pep Guardiolës: “Aguero gjithmonë luan, prandaj shënon rregullisht. Unë jam sulmues, edhe unë dua të shënoj.

Por në fillim, duhet të luaj sa më shumë dhe këtë gjë e kam vetë në dorë, që të stërvitem sa më mirë”, përfundoi Jesus./abcnews.al

pep-guardiola-1280x845.jpg
Vladimir Prenga10:43 | 04/12/2019

Pep Guardiola pa ekipin e tij të triumfonte ndaj Burnley me rezultatin 1-4, ndërkohë që më pas doli në konferencë dhe foli për shumë çështje. Në një moment ai u ngatërrua dhe përmendi gjermanët e Bayern Munich, çka shkaktoi të qeshura në sallë.

“Dhe mendoj se Bayern Munich…”, u shpreh Pep, i cili goditi veten dhe shtoi: “Bayern Munich, çfarë dreqin thashë!. Nuk e di se çfarë mendova”. Lapsusi i spanjollit, sigurisht që po bën xhiron e internetit. /abcnews.al

Newcastle-City.png
Igli Nikolli15:23 | 30/11/2019

Dy herë ishte Manchester City në avantazh, por Newcastle barazoi dhe të dy ekipet ndanë nga një pikë në ndeshjen e zhvilluar në “St. James Park”. Një tjetër barazim për ekipin e Guardiolës pas atij kundër Shakhtar Donetsk në Champions League.

Raheem Sterling zhbllokoi ndeshjen në mesin e pjesës së parë, por vendasit barazuan menjëherë. Mbrojtësi Willems mposhti Ederson me një diagonale të bukur. Kampionët në fuqi u rikthyen në avantazh tetë minuta përpara fundit të ndeshjes. Kevin De Bruyne shënoi një eurogol dhe u duk se fitorja shkoi për “Cityzens”.

Gjithsesi, Newcastle gjeti forca dhe ia doli të barazonte sërish. Tjetër gol i bukur. Jonjo Shelvey lëshoi një goditje super nga jashtë zonës dhe topi përfundoi në trekëndësh. Përfundimisht 2-2, rezultat që gëzon “Qymyrxhinjtë” dhe trishton ekipin mik.

City ndan vendin e dytë me Leicester City për momentin me nga 29 pikë dhe Liverpool (37 pikë) ka shansin për të thelluar distancën me rivalët kryesorë për titull. /abcnews.al

Newcastle – Manchester City 2-2
(Willems 25′, Shelvey 88′ / Sterling 22′, De Bruyne 82′)

sterling.png
Vladimir Prenga13:59 | 30/11/2019

Manchester City ka gjetur rrugën e rrjetës pas 22 minutash lojë. Newcastle po mundohej të rezistonte, por në fund është dorëzuar. Raheem Sterling është ai që ka zhbllokuar ndeshjen, me një goditje brenda zonës.

Sulmuesi anglez shkon kështu në kuotën e 8 golave në Premier League këtë sezon dhe konfirmohet si një prej lojtarëve më të rëndësishëm të “Qytetarëve”, që jo më kot po përpiqen të rinovojnë kontratën me të.

Reagimi i Newcastle ishte i shpejtë, pasi i është dashur vetëm tre minuta për të gjetur rrugën e rrjetës me Willems, që ndëshkoi portierin e City./abcnews.al

Arteta.png
Igli Nikolli15:58 | 29/11/2019

Gjatë konferencës për shtyp përpara ndeshjes jashtë fushe përballë Newcastle, Pep Guardiola është ndalur te shkarkimi i Unai Emery nga pankina e Arsenalit. Trajneri i Manchester City ndihet keq për patriotin e tij. Pyetjes nëse Mikel Arteta, ndihmësi i tij, mund të pasojë Unai Emery, Guardiola i përgjigjet në këtë mënyrë.

Më vjen shumë keq për Unai Emery. Shkarkimi i një trajneri nuk është kurrë lajm i mirë. Ka arritur të fitojë 3 Europa League rresht me Sevillan, por ky është futbolli dhe të gjithë e dimë se çfarë ndodh kur rezultatet mungojnë.

Arteta tek Arsenal? Ai është bashkë me skuadrën për transfertën kundër Neëcastle. Për momentin është me ne, por nuk më takon mua të flas për këtë mundësi“, thekson trajneri spanjoll. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono