malta

KOSOVA-ME-5-YJE.mpg_snapshot_01.09-1280x805.jpg
G. P.22:37 | 17/11/2018

Përfaqësuesja e Kosovës vazhdon të mrekullojë me paraqitjet e saj në Nations League. Viktima e radhës ishte Malta të cilën e shpartalluan me shifrat e thella 5-0
Perfaqesuesja e kosovës me pesë yje. Verdheblute likuiduan me shifrat e thella 5-0 kombëtaren e Maltës. Fitore e cila e ngjiti Kosovën në vendin e parë ne grupin 3 të ligës D në kuotën e 11 pikëve. Heroi i takimit për Kosovën ishte Avdijaj me dy gola të shënuar. Festivalin e golave e hapi Muriqi i cili rezultoi të ishte goli i vetëm në pjesën e parë. Fraksioni i parë i lojës ishte i balancuar, ndërkohë që në pjesën e dytë Kosova dhuroi spektakël.

Në 70-n minut Kulolli realizon një gol alla-Messi duke lënë të shtangur portierin Hog. Në të 71 minut inkuadrohet në fushën e lojës Avdiaj, i cili realizoi një dopietë personale. Në të 78 minut shënon golin e tretë me portën e boshatisur, ndërsa dy minuta më vonë realizon edhe të katërtin për Kosovën. Për ti vendosur kapakun ndeshjes mendon Rashica në fundin e takimit. Goli i tij është një mrekulli më vete. Pas driblimit të kundershtarëve, Rashica lëshon një goditje të fuqishme që ndalet në shtyllë e më pas në rrjetë. Kosova merr tre pikët e radhës dhe vazhdon rritjen. progresive./abcnews.al

kosova.png
G. P.23:58 | 11/10/2018

Kosova luan sot ndaj Maltës për Ligën e Kombeve. Trajneri Shaland shprehet me besim, ndërsa ka probleme me biletat që shiten në treg të zi.

E dinë se janë në prag të një ndeshjeje përcaktuese. Futbollistët e Kosovës besojnë se janë përgatitur siç duhet për sfidën e sotme ndaj Maltës për Ligën e Kombeve. Një fitore në stadiumin “Fadil Vokrri” në Prishtinë do të afronte kualifikimin, pra vazhdimin e synimeve për kualifikimin për në Europian.

Çfarë thotë trajneri Bernar Shaland?

“Nuk flas për tri pikë, flas gjithmonë për lojën, flas për mënyrën sesi stërvitemi, sesi punojmë në teori dhe se çfarë pres unë nga lojtarët.  E studiova lojën e Maltës ndaj Azerbajxhanit dhe ishte një ekip shumë kompakt, por edhe me një lojë të mirë. Mund të them se ishte ekipi më i mirë në fushë”.

Portieri Samir Ujkani ka 5 ndeshje që nuk pëson gol. Kosova kryeson grupin 3 në nivelin D të Ligës së Kombeve, me 4 pikë në dy ndeshje. Gjithsesi, në Prishtinë ka probleme me biletat që shiten në treg të zi. Klan Kosova kontaktoi një person që shiste bileta në treg të zi, në internet dhe çmimi ishte 25 euro për copë./abcnews.al

European-countries-reach-deal-to-share-Aquarius-migrants.jpg
G. P.12:40 | 15/08/2018

141 emigrantët në bordin e anijes Akuarius më në fund do të mund të zbresin në portin e Maltës. Nga aty ata do të shpërndahen në pesë vendet e Bashkimit Europian, Francë, Spanjë, Gjermani, Portugali dhe Luksemburg.

Gjashtë vende të Bashkimit Europian kanë arritur marrëveshjen për të pritur emigrantët që ndodhen në anijen Aquarius. Ata mund të ndalojnë në Maltë. Lajmi është konfirmuar nga kryeministri i Maltës Zhozef Muskat, i cili shtoi se 141 emigrantët do të shpërndahen në pesë vende: Francë, Gjermani, Luksemburg, Portugali dhe Spanjë. Kryeministri theksoi se Malta do të jepte lejen që anija të ndalojë në portin e vendit dhe pse nuk ka asnjë detyrim juridik për ta bërë.

Komisioneri i Bashkimit Europian, Dimitris Avramopulos, u shpreh për agjencinë italiane të lajmeve Ansa, se e priste me shumë kënaqësi vendimin e autoriteteve të Maltës për të lejuar ankorimin e anijes me emigrantë. Një gjë që u bë e mundur falë mbështetjes së Francës, Spanjës, Gjermanisë, Portugalisë dhe Luksemburgut. Vende që ranë dakord të mbajnë një pjesë të emigrantëve që prej ditësh ndodhen në bordin e anijes. “Lavdëroj këto vende për solidaritetin dhe ndarjen e përgjegjësisë përfundoi Avramopulos”./abcnews.al

anijaaa.jpg
G. P.11:46 | 11/06/2018

Anija me 629 emigrantë në bord vijon të qëndrojë në ujrat e Mesdheut pasi Qeveria Italiane dhe ajo e Maltës nuk lejojnë ankorimin e saj në brigjet e këtyre vendeve. Ndërkohë, kryebashkiaku i Napolit është shprehur i gatshëm të presë emigrantët.

Anija me 629 emigrantë në bord të shpëtuar të shtunën dhe të dielën qëndron ende në ujërat e Mesdheut, në afërsi të brigjeve të Maltës dhe Italisë. Fati i saj pritet të vendoset pasi qeveria e Romës dhe Valetës të zgjidhin mosmarrëveshjet mes tyre.

Tragjike paraqitet situata për emigrantët që kanë më shumë se 24 orë që qëndrojnë në detë. Përplasja diplomatike e paprecedentë midis Italisë dhe Maltës për emigrantët filloi pasi ministri i Brendshëm, Matteo Salvini, vendosi të mbyllë portet italiane ndaj anijes “Aquarius”. Në një letër të përbashkët Salvini dhe ministri I infrastrukturës Danilo

Toninelli i kanë kërkuar Maltës “që të përgjigjet zyrtarisht ndaj kërkesës për hapjen e porteve të saj për shpëtimin e qindra emigrantëve që gjenden në anije”.

E menjëhershme ishte kundërpërgjigja e qeverisë malteze, që mban linjën e ashpër.

“Jemi të shqetësuar për drejtimin e marrë nga autoritetet italiane lidhur me ‘Aquarius’ që gjendet në det të hapur. Këto veprime shkojnë kundër ligjeve ndërkombëtare dhe rrezikojnë të krijojnë një situatë të rrezikshme për të gjithë ata që janë përfshirë”, është replika e kryeministrit Joseph Muscat.

Ndërsa më herët autoritetet e Valetës njoftuan se ishulli nuk ka kompetencë për këtë rast duke marrë parasysh që operacionet e shpëtimit kanë ndodhur në zonën e shpëtimit të Libisë dhe janë koordinuar nga qëndra e Romës.

Më pas, Salvini ka bërë apel që të ndalohet emigracioni klandestin. Situata është bërë më e rëndë mes dy vendeve pas telefonatës të kryeministrit Giuseppe Conte me homologun e tij Muscat.

Shefi i qeverisë italiane ka njoftuar se ka dërguar dy anije me mjekë në bordin e “Aquarius” dhe akuzoi Muscat se nuk pranoi të sigurojë ndonjë ndërhyrje humanitare për rastin në fjalë. Në këtë situatë, Conte kërkoi përfshirjen e Bashkimit Europian.

Megjithatë, për këtë rast ka përçarje dhe brenda Italisë.

“Nëse një ministër i pashpirt lejon të vdesin në det femra shtatëzëna, fëmijë, të moshuar, qënie njerzore, porti i Napolit është i gatshëm t’i presë. Ne jemi njerëz me zemër të madhe. Napoli është gati dhe pa para që të shpëtojë jetë njerëzish”.

Kështu shkruan në një mesazh në Twitter, kryebashkiaku i Napolit, Luigi de Magistris, duke iu referuar mungesës së autorizimit nga qeveria për ankorimin e anijes me 629 emigrantë në bord. Ndërkohë, për këtë çështje ka reaguar dhe OKB, që bën thirrje të gjendet një zgjidhje sa më parë në mënyrë që të shmanget tragjedia./abcnews.al

tajani.jpg
G. P.16:32 | 21/04/2018

Presidenti i Parlamentit Europian, Antonio Tajani, u shpreh se nuk mjafton vetëm arrestimi i tre ekzekutuesve të gazetares Dafne Galicia në Maltë, por duhen gjetur urdhëruesit e kësaj vrasjeje.

“Ne nuk do heshtim dhe nuk do të ndalojmë hetimet deri sa të gjenden ata që urdhëruan vrasjen e Dafne Galicia”.

Ka qenë kjo deklarata e presidentit të Parlamentit Europian, Antonio Tajani, duke folur për gazetaren malteze, e cila u vra me një autobombë në Tetor të 2017-s. Ai u shpreh se nuk mjafton arrestimi i tre vrasësve të saj.

Tajani ishte i vetmi politikan europian që mori pjesë në ceremoninë e varrimit të saj. Presidenti i Parlamentit Europian u shpreh se do të vazhdojë të ushtrojë presion qoftë dhe me anë të gjesteve simbolike. Në 23 Tetor, portreti i gazetares do të vendoset në sallën për gazetarët në Strasburg, e cila që tani ka marrë emrin e saj.

Tajani u shpreh se meqënëse është përmendur dhe posta financiare, atëherë qeveria malteze mund të kërkojë ndihmën e Guardia di Finanzia italiane, e cila sipas tij është më e mira në Europë për këto lloj krimesh shtoi ai se është e papranueshme që të kufizohet liria e medias përkundrazi si mund të ankohen njerëzit për Putin apo Erdogan.

Duke folur për faktin se Malta mund të konsiderohet si ndërgjegja e pistë e Bashkimit Europian, Tajani pohoi se Parlamenti Europian po e monitoron vazhdimisht vendin. Ai theksoi se hetimet do të drejtohen nga dëshira për drejtësi dhe jo në favor të ndonjë force politike. Duhet të bëhet e qartë se në Europë nuk mund të vriten gazetarët kur zbulojnë diçka që dikujt i bezdis, përfundoi ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono