mali

basha-maliq.jpeg
ent ela19:30 | 31/07/2019

Gjatë takimit me strukturat drejtuese të PD në Maliq, kreu i opozitës Lulzim Basha bëri Edi Ramën përgjegjës për rritjen e papunësisë dhe varfërisë nëpërmjet politikës së tij të grabitjes, vjedhjes dhe abuzimit me pushtetin.

“Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët. Paratë e shqiptarëve po i vjedh Edi Rama me familjen dhe miqtë e tij. Pasurohen të pushtetshmit dhe klientët e Ramës, varfërohen njerëzit e thjeshtë dhe të pambrojtur”-tha zoti Basha, i cili vuri në dukje se 1 në 3 shqiptarë nuk ka mundësi të ushqehet për shkak të vjedhjes dhe shpërdorimit për luks të parave publike nga Edi Rama dhe qeveria e tij.

“Edi Rama i shpërfill shqiptarët, dhunon të pambrojturit e të varfërit dhe u shërben të fortëve dhe oligarkëve. Ai është arrogant me njerëzit e thjeshtë, me intelektualët, me artistët, por është i përulur para kriminelëve dhe oligarkëve.”– e përkufizoi zoti Basha kreun e qeverisë për të treguar mënyrë e Edi Ramës në drejtimin e vendit dhe prioritetet e qeverisë së tij.

“Edi Rama është artist i mashtrimit. Çdo gjë që ka premtuar, ka qenë mashtrim, pasi qëllimi i tij i vetëm është të vjedhë. Çdo projekt, program dhe politikë është mashtrim për shqiptarët, në shërbim të tij dhe oligarkëve”-theksoi kreu i opozitës.

Duke iu referuar refuzimit të Edi Ramës nga 85% e shqiptarëve më 30 Qershor, zoti Basha vuri në dukje se ky ishte bashkimi më i madh qytetar për të refuzuar varfërinë, papunësinë dhe ekonominë e shkatërruar prej hajdutërisë, kriminalitetit dhe paligjshmërisë së Edi Ramës.

“Kjo është një qeveri që noton në paligjshmëri, sepse ka ardhur nga paligjshmëria. – u shpreh Basha. – Beteja popullore, e organizuar nga opozita, vetëdijësimi kombëtar dhe kurajo për t’u përballur, e ka bashkuar shumicën "Rama ik" në vendimin e pakthyeshëm popullor për zgjedhje të parakohshme parlamentare dhe në të njëjtën ditë për të zgjedhur, sipas Kushtetutës, edhe pushtetin vendor, kryetarët e Bashkive dhe këshillat bashkiakë”– deklaroi në Maliq Kryetari i PD, Lulzim Basha.

bbb-1280x691.jpg
Sej rie15:10 | 31/05/2019

Reagime të ashpra ndaj deklaratave të Kryeministres serbe Ana Brnabiç për shqiptarët e Kosovës. Një ditë më parë duke iu referuar aksionit të policisë së Kosovës në Veri të vendit, ajo tha se shqiptarët janë të zbritur nga mali. Brukseli e cilëson raciste gjuhën e përdorur nga politikania serbe.

Deklaratat raciste ndaj shqiptarëve të kryeministres së Serbisë Ana Brnabiç, vijojnë të shkaktojnë reagime. Ndërsa Ministria e Jashtme e Kosovës deklaroi se ajo nuk do të lejohet të hyjë në territorin e Kosovës, gazeta Express ka kontaktuar Zyrën e Përfaqësues së Lartë të BE-së e cila e ka dënuar deklaratën e shefes së Qeverisë së Serbisë se shqiptarët janë “njerëz të malit”.

Kryeministrja serbe Ana Brnabiç, nxiti reagime të shumta kur tha se shqiptarët “janë njerëz të dalë nga mali” duke iu referuar liderëve politikë aktualë që dikur ishin pjesë e UCK’së.  Këtë deklaratë ajo e bëri në prani të shefit të delegacionit të BE-së në Serbi, Sem Fabrizio. Liderët kosovarë, përfshirë presidentin Thaçi kërkuan që BE të dënojë gjuhën raciste të kryeministres serbe.

Gazeta Express përmes e- emailit ka komunikuar me Maja Kocijançiç Zëdhënëse e Shefes së Diplomacisë së BE-së. E pyetur rreth qëndrimit të BE-së ndaj deklaratës së Bërnabiç për shqiptarët, ajo thotë se çdo retorikë fyese është në kundërshtim me qasjen bashkëpunuese dhe pajtuese ndërmjet dy shteteve.

Për deklaratën e Brnabiç Presidenti Hashim Thaçi ka thënë se kjo gjuhë është një tjetër dëshmi e urrejtjes patologjike të regjimit aktual të Serbisë kundër qytetarëve të Kosovës.

Edhe zëvendëskryeministri i Kosovës, Enver Hoxhaj, ka thënë se ndjehet i zhgënjyer me mosreagimin e BE-së.

Ndërsa, kosovarët kanë nxjerrë fotografi nëpër rrjete sociale nga malet. Kundër kryeministres serbe po bëhet fushatë në Twitter me hashtagun “Njerëzit nga mali” dhe “Fjalë për fjalë të shfaqur nga mali”.

Kësaj fushate i është bashkuar edhe Ambasadori i Gjermanisë në Kosovë, Christian Heldt, i cili ka thënë gjermanët janë adhurues të maleve. Duke vulosur edhe njëherë mbështetjen që Kosova e ka nga superfuqia e madhe botërore -Gjermania./ABC News Albania 24/7

vlore-2-1280x712.jpg
Sej rie14:30 | 11/04/2019

Një shkëmb nga mali ka rënë mbi një banesë tek Uji i Ftohte në Vlorë.  Familjaret Balilaj shpëtuan për mrekulli. Ata ishin në gjumë kur guri i madh çau murin dhe hyri brenda dhomës së ndenjes. Burrë e grua Balilaj kanë kaluar natën jashtë nga frika. Ata thonë se janë ndjerë të rrezikuar dhe kërkojnë dikush t’i ndihmojnë. Familja Balilaj fajëson punëtoret që po punojnë për bypassin  Fier –Vlore për punë jo cilësore dhe pa kujdes ndaj banorëve që jetojnë poshtë malit./abcnews.al

rruga-shengjin-1280x706.jpg
ent ela17:50 | 09/04/2019

Në rrugën e Shëngjinit kanë rënë sërish rrugë dhe vendorët nuk janë aspak entuziast për situatën pavarësisht masave të marra deri tani. Ato kërkojnë ndërhyrje serioze pasi rrugë drejt Shëngjinit po qarkullohet në panik.

Pas shiut nisën të bien edhe gurë. Në rrugën e Shëngjinit po qarkullohet në panik. Zona që nuk është mbrojtur me rrjeta është më rrezik. Investimi muajve më parë nuk i dha zgjidhje të plotë problemit. Këtu disa nga drejtuesit e mjeteve devijojnë rrugën.

Ata po përdorin si portë hyrëse drejt qytetit rrugën e Kunës. Thonë se kanë frikë nga rrëshqitja e mundshme e gurëve. Për drejtorin e shërbimeve ne bashkinë e Lezhës  gurët nuk janë të mëdhenj por nëse do bien mbi makina, pasojat janë të rënda.

Lushi premton vazhdimin e investimit për mbrojtjen e rrugës. Administratori i Shëngjinit Gjok Deda është më i shqetësuar. Ai thotë se jeta e kalimtareve është sërish në rrezik.  Jemi shumë pranë sezonit turistik dhe do ketë fluks, ndaj duhet ndërhyrjë.

Gurët nisen të bien në rrugë që të hënën dhe  krijuan probleme në lëvizjen e automjeteve. Pavarësisht se bashkia ndërhyri për largimin e tyre, firma mirëmbajtëse nuk duket aq e pranishme për të monitoruar situatën.

Gjergj Figuri, gazetar i ABC News, Lezhë

opozita-ne-mal-te-zi-933x445.jpg
ent ela22:15 | 03/03/2019

Ashtu si edhe në Shqipëri, opozita malazeze po shkon drejt djegies së mandateve të deputetëve të saj. Lëvizja “Rezistoni 97,000” në protestën e fundjavës deklaroi se do të bojkotojnë të gjitha zgjedhjet në vend, ndersa qeveria  duhet të japë dorëheqjen deri më 15 Mars.

Protestuesit në Malin e Zi kanë kërkuar sërish dorëheqjen e Kryetarit të Shtetit dhe Qeverisë, Milo Gjukanoviç i akuzuar për akte korruptive. Ndërkohë, në Serbi në javën e 13-të të protestës ishte orgjinale bllokimi i rrugëve të Beogradit nga qindra shoferë që i binin borive të makinave në shenjë proteste.

Afishet mbuluan Beogradin me gënjeshtrat dhe premtimet e pambajtura të Vuçiçit. Krahas sheshit qëndror, protestuesit marshuan drejt tunelit që e kanë quajtur simbolikisht “Tuneli i Liqenit të Aleksandar Vuçiçit”, ku i gjetën muret të mbuluara me një substancë të zezë që pengonte afishet e tyre të qëndronin ngjitur.

Klan Plus

OK-JAL-NGJITJA-ME-QENIN.mpg_snapshot_00.42-1280x720.jpg
G. P.19:55 | 20/08/2018

Këtë puntatë Edicioni Veror ka një të ftuar vërtetë special. Simpatiku Otis është qeni që qëndron tek kampi i Ecovolis në Jalë dhe bashkë me shokun e tij Arlindin bëjnë disa ecje çdo mëngjes dhe pasdite, duke krijuar një marrëdhënie shumë të ngushtë mes tyre.

 

Një udhëtim energjik për në majë të malit duke përftuar një pamje fantastike të plazhit të Jalës. Rrugës kamera jonë u ndesh dhe me një gërmadhë që supozohet të ketë qenë një kishë shumë vite më parë, por që akoma mbetet një atraksion dhe pse nuk dihet historia e saj. Nën udhëheqjen e Otisit, u eksploruan shtigje të shumta të parrahura nga njerëzit, për të arritur në majën e shkëmbit. Ngjitja zgjati rreth 45 minuta teksa Dielli sapo kishte filluar të prekte bregdetin e Jalës. Edicioni Veror e pagëzoi shkëmbin si “Guri i Otisit” si eksploruesi i parë që u ngjit në atë pikë. Lartësia e shkëmbit mbetet relativisht e vogël, rreth 200 metra. Mali në tërësi, pavarësisht se i thatë, përmbante gjithashtu dhe shumë bimë mjekësore si: çaji jeshil, dafina e egër, sherebela etj.

Otisi na rikujtoi dhe njëherë se qeni është miku më i mirë i njeriut. Edicioni Veror sugjeron që këdo që ka dëshirë të eksplorojë nëpër male të marrë më vete një mik si Otis, për një udhëtim sa më të këndshëm./abcnews.al

98903351_malimap.jpg
us er10:52 | 25/11/2017

Katër paqeruajtës të OKB-së dhe një ushtar nga Mali janë vrarë gjatë një sulmi me armë në Mali. Lajmi eshte konfirmuar nga Zëdhënësi i Sektretarit të Përgjithshëm të OKB-së.

Zëdhënësi i Sekretarit të Përgjithshëm të OKB-së konfirmoi vrasjen e 4 paqeruajtësve të OKB-së dhe të një ushtari nga Mali, në rajonin e Menaka dhe Mopti të Malit gjatë ditës së premte.

Gjithashtu, rezulton se gjate sulmit 21 persona janë plagosur dhe disa prej tyre janë ende në gjëndje kritike, përfshirë një kontraktues civil të Misionit të Integrimit dhe Stabilizimit  të OKB-së në Mali dhe një anëtarë tjetër të ushtrisë.

Zyrtari i OKB-së, nuk bëri me dije se kush ishin personat që sulmuan me armë, por u shpreh se disa nga sulmuesit u vranë gjatë shkëmbimit të zjarrit me forcat e OKB-se. Njësia operative që u sulmua ishte në një mison asistence mjekësore për qytetarët në nevojë.

Anëtarët e Këshillit të Sigurimit të OKB-së, i bënë thirrje Qeverisë së Malit të hetojë sulmin dhe të cojë organizatorët përpara drejtësisë. Sipas, anëtarëvë të Këshillit të Sigurimit sulme të tilla që shënjestrojnë paqeruajtësit mund të cilësohen krime lufte sipas të drejtës ndërkombëtare./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono