Mali i Zi

policia-compressor-1-1.jpg
G. P.09:50 | 17/10/2019

Dy persona janë vënë në pranga nga policia e Shkodrës pasi tentuan të kalonin në mënyrë klandestine 4 shtetas nga Marok. Uniformat blu njoftojnë se si rezultat i operacioni “Golemi” u vunë në pranga 41-vjeçari G.N. dhe 53-vjeçarja V.Y.

Ata u kapën në flagrancë në aksin rrugor Shkodër-Koplik, në fshatin Golem. Klandestinët i kishin futur në një automjet që drejtohej nga 53-vjeçarja. Mësohet se emigrantët kishin destinacion fillimisht Malin e Zi, e më pas vendet e BE-së, konkretisht Italinë.

Nga veprimet e para hetimore rezulton se këta shtetas, në bashkëpunim me njëri-tjetrin siguronin shtetas të vendeve të treta, i strehonin në banesa të ndryshme e më pas i transportonin për në Mal të Zi, kundrejt pagesës.

Ndërsa në Durrës u godit një tjetër tentativë për kalimin e kufirit në mënyrë të paligjshme. Policia Kufitare arrestoi 1 shtetas turk, i cili ka tentuar të kalojë drejt Italisë me dokumente të falsifikuara./abcnews.al

Kosova2.png
Veronik Istrefaj22:41 | 14/10/2019

Kosova ka mposhtur pastër 2-0 ekipin e MAlit të Zi, falë golave të Rrahmanit dhe Muriqit. Dardanët e nisën shumë mirë sfidën, duke shënuar që në 10 minutat e para. Celina ekzekuton shumë mirë një goditje nga këndi dhe Rrahmani kërcen më lart se të gjithë. Kapiteni i Kosovës përfiton dhe nga një dalje e gabuar e portierit malazez, duke gjetur rrjetën.

Kosova vazhdoi të dominojë, deri sa gjeti edhe golin e dytë. Një dalje e gjatë nga krahu i djathtë i Hadërgjonajt gjen të papërgatitur mbrojtjen e Malit të Zi. Hadërgjonaj pason për Muriqin në qendër të zonës, i cili në dy tentativa, arrin të shënojë. Ky gol, vendosi dhe rezultatin final të sfidës në 2-0. Me këtë fitore, Kosova ngjitet në kuotën e 11 pikëve, një pikë më pak se Çekia e vendit të dytë dhe 4 më pak se Anglia kryesuese./abcnews.al

Kualifikuese, Euro 2020

Kosovë – Mali i Zi  2-0
Rrahmani 10′, Muriqi 34′

Muriqi.jpeg
Veronik Istrefaj21:25 | 14/10/2019

Vedat Muriqi vazhdon të shënojë. Sulmuesi i Kosovës ka shënuar edhe në takimin e sotëm kundër Malit të Zi, duke dyfishuar për dardanët. Sulmuesi merr një pasim të bukur nga Hadërgjonaj, e kontrollon topin në hyrje të zonës dhe gjuan menjëherë fluturimthi. Tentativa e tij e parë bllokohet nga portieri, por topi mbetet në zonë të rrezikshme dhe Muriqi përfiton, duke shënuar./abcnews.al

Kualifikuese, Euro 2020

Kosovë – Mali i Zi  2-0
Rrahmani 10′, Muriqi 34′

Kosova1-1280x720.jpg
Veronik Istrefaj21:01 | 14/10/2019

Kosova ka kaluar në avantazh ndaj Malit të Zi vetëm pas dhjetë minutash lojë. Një goditje nga këndi e ekzekutuar në mënyrë të shkëlqyer nga Celina ka gjetur kokën e kapitenit Rrahmani, që nuk e kishte të vështirë të shënonte.

Portieri i Malit të Zi, Petkovic, bëri një dalje të pastudiuar, duke i dhënë mundësinë Rrahmanit të gjejë rrjetën me shumë lehtësi. Në avantazh dardanët, të cilët nuk janë dorëzuar për vendin e dytë në Grupin A./abcnews.al

Kualifikuese, Euro 2020

Kosovë – Mali i Zi  1-0
Rrahmani 10′

Kosova-2.jpg
Veronik Istrefaj19:41 | 14/10/2019

Kosova luan sot ndaj Malit të Zi, një sfidë shumë delikate për dardanës. Trajneri Challandes ka zgjedhur 11 lojtarët që do të zbresin nga minuta e parë në fushën e lojës dhe nuk ka shumë ndryshime. Muric starton titullar mes shtyllave, ndërsa mbrojtja me katër përbëhet nga Vojvoda, Kololli, Aliti dhe Rrahmani.

Shala dhe Valon Berisha startojnë para mbrojtjes, ndërsa në sulm janë hedhur plot katër futbollistë. Lider është bomberi Muriqi, i cili do të mbështetet nga Hadërgjonaj, Rashica dhe Celina./abcnews.al

Kosova: Muric, Vojvoda, Rrahmani, Aliti, Kololli, Shala, Berisha, Hadërgjonaj, Celina, Rashica, Muriqi. Trajner: B. Challandes

Mali i Zi: Petkovic, Marusic, Lagator, Simis, Scekic, Vuckevic, Boljevic, Kosovic, Jokovic, Mugosa. Trajner: F. Hadzibekic

Muriqi-Maguire-1280x769.jpg
Veronik Istrefaj18:43 | 14/10/2019

Sulmuesi i Kosovës, Vedat Muriqi, ka bërë një rritje të jashtëzakonshme vitet e fundit. Sulmuesi dardan shkëlqeu me ekipin e Rizespor, ku luajti 50 ndeshje dhe shënoi 25 gola. Kjo formë e mirë e tij i siguroi kalimin te gjiganti turk, Fenerbahce, ku edhe aty po shkëlqen.

Përveç formës fantastike me klubet, Muriqi po kalon një moment shumë të mirë edhe me përfaqësuesen e Kosovës. Gjithashtu, bomberi ka një statistikë shumë interesante. Në sfidat ku Muriqi ka shënuar për Kosovën, rezultatet kanë qenë vetëm fitore, përjashto rastin kundër gjigantëve të Anglisë (Fitore 5, humbje 1).

Kosova njihet për startin e frikshëm që i bën ndeshjeve dhe kundër Malit të Zi, konsiderohen si favoritë për të shënuar të parët. Në rast se shënon Muriqi, Kosova ka shumë mundësi të fitojë. Bomberi dardan është një ogur i mirë për përfaqësuesen e Kosovës./abcnews.al

blendi-klosi.jpg
G. P.16:51 | 11/10/2019

Për rastin e Bunës do të nisë një hetim dhe ministria do të mbajë një qëndrim për ndotjen në lumë tha Klosi nga Shkodra.

Ministri Klosi shprehu shqetësimin që disa bashki ende vazhdojnë t’i trajtojnë lumenjtë si venddepozitime legale për mbetjet urbane. Për këto raste parashikohet edhe dënim me burg.

Në territorin shqiptar ku janë hedhur shpendë të ngordhur po vijon aksioni për groposjen dhe dezinfektimin e tyre.

Puna është përqendruar përgjatë bregut të Bunës nga Darragjati i Dajçit deri në Pulaj të Velipojës.

Deri tani janë groposur rreth 100 shpendë./ABC News Albania 24/7

ekipi-salmonele.jpg
G. P.08:06 | 11/10/2019

Bregu i lumit Buna për rreth tre kilometra nga grykëderdhja e deri në fshatin Reç në pjesën e Malit të Zi është i mbushur me pula dhe kafshë të ngordhura. Pala malazeze akuzon se shpezët e infektuara me salmonelë janë nga Shqipëria.

Për të parë nga afër situatën në terren zbarkuan ekspertë të Ministrisë së Bujqësisë të Malit të Zi. Drejtoresha e Drejtorisë së sigurisë ushqimore dhe veterinarisë në Mal të Zi Vesna Dakoviç deklaroi se  ky është një problem ndërkufitar për faktin se në pjesën e Malit të Zi në një territor të gjerë nuk ka ferma kafshësh e as pulari.

Ndërkohë ka nisur aksioni i pastrimit të lumit Buna nga Njësia e Shërbimit të Mbrojtjes dhe Shpëtimit. Kjo është hera e dytë që brenda pak ditëve në grykëderdhje të lumit Buna shfaqen pula të ngordhura të mbështjella me qese plasmasi.

Nga sa mësohet qeveria e Malit të Zi gjatë këtij viti për shkak të ndotjes së lumit Buna i ka dërguar notë proteste qeverisë së Shqipërisë.

/ABC News Albania 24/7

mike-pompeo-1280x710.jpg
nev ila15:15 | 04/10/2019

Sekretari amerikan i shtetit Mike Pompeo gjatë qëndrimit të tij në Malin e ZI ka vlerësuar kontributin e vendit në qëndrueshmërinë e rajonit si një vend anëtar i NATO-s.

Sekretari amerikan i Shtetit, Mike Pompeo, mbërriti në Ohër nga Podgorica ku është takuar me presidentin Milo Gjukanoviq dhe kryeministrin malazez, Dushko Markoviq.

Me këtë rast, Pompeo ka vlerësuar kontributin e Malit të Zi për qëndrueshmërinë rajonit, si anëtar i NATO-s, por edhe për shkak se me Shtetet e Bashkuara të Amerikës ka të njëjtat prioritete në spektrin e gjerë të çështjeve nga politika e jashtme.

Sekretari amerikan i Shtetit tha se falë bashkëpunimit me Malin e Zi “në fushën e sigurisë kibernetike  është zhvilluar mbrojtja nga software më i ri rus që mbron miliarda instalime anembanë botës”.

Kur është fjala për zhvillimet e brendshme politike në këtë republikë ish-jugsosllave, Pompeo tha se Malin e Zi e sheh si “lider të përpjekjeve rajonale për ç’rrënjosjen e korrupsionit, forcimin e shtetit të së drejtës dhe garantimit të lirisë së medias”, citon TV Klan Maqedonia kreun e DASH-it.

Zyrtari i lartë nga Uashingtoni bëri të ditur se këtë javë Shtetet e Bashkuara i kanë bërë Malit të Zi një ofertë për shitjen e pajisjes ushtarake në vlerën 36 milion dollarë.

Vizita e Sekretarit amerikan të Shtetit është cilësuar nga pala malazeze  si historike.

Kryeministri Dushko Markoviç  tha se ajo është shenjë se Shtetet e Bashkuara janë të përkushtuara për vendet e rajonit, për përparimin, qëndrueshmërinë dhe sigurinë e tij. /ABC News Albania 24/7   

SHKODER-ARME-DROGE-MBULIM_ABC-M2-T1.mpg_snapshot_00.05-1280x720.jpg
ent ela13:37 | 17/09/2019

Dy vëllezër të shpallur në kërkim nga Krimet e Rënda janë kapur dhe vendosur në pranga. Ata janë Erneset dhe Markeljan Peçi 23 dhe 21 vjeç të cilët akuzohen se tentuan të trafikonin armë dhe kanabis në drejtim të Malit te Zi. Vëllezërit Peçi u kapën në fshatin Selcë të Malësisë së Madhe. Në Mars të një viti më parë atyre iu kapën 74 kg kanabis dhe një armë zjarri që po i trafikonin në drejtim të Malit të Zi. Të rinjtë arritën ti iknin policisë duke përfituar nga terreni dhe errësira. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono