makinë

para-false.jpg
G. P.11:13 | 05/02/2019

Katër persona janë vënë në pranga nga Policia e Fierit në bashkëpunim me uniformat blu të Gjirokastrës këtë të martë pasi mbanin para të falsifikuar. Ata janë G.F, 26 vjeç, A.Sh, 35 vjeç, E.G, 31 vjeçe dhe E.Z, 34 vjeç, të gjithë banues në Memaliaj.

Arresimi i tyre u bë pasi në “Rrethrrotullimi i parkut” Fier,  gjatë kontrollit të ushtruar në mjetin tip “Volkswagen” me të cilin po udhëtonin, i janë gjetur dhe sekuestruar një sasi prej 6 kartmonedhash me vlerë 3000 euro, me të njëjtin numër serie, të cilat dyshohen se janë të falsifikuara./abcnews.al

policia-tirane.jpg
G. P.22:12 | 22/01/2019

Një sasi tritoli ka shpërthyer në një mjet të parkuar mbrëmjen e kësaj të marte në Tiranë. Në njoftimin paraprak të uniformave blu thuhet se bëhet fjalë për dëme të vogla të shkaktuara në pjesën e pasme të mjetit.

Ngjarja ndodhi në rrugën “Belul Hatibi” rreth orës 20:40. Makina e dëmtuar është në pronësi të D.H. Policia ka nisur hetimet për të sqaruar rrethanat e plota të ngjarjes si dhe për të identifikuar e kapur autorin./abcnews.al

aksident-prrenjas-1280x706.jpg
G. P.22:12 | 21/12/2018

Një aksident me tre te plagosur ndodhi në orët e mbrëmjes në aksin rrugor Elbasan-Qafë Thanë, pranë Prrenjasit. Dy automjete janë përplasur me njëri-tjetrin duke plagosur tre persona, njëri prej të cilëve është fëmijë.

Sipas të dhënave të policisë mjetit “Toyota Yaris” i drejtuar nga një 37-vjeçar ka humbur kontrollin dhe më pas ka goditur një makine tjetër. Në mjetin “Toyota” ndodhej dhe djali i drejtuesit, 4 vjeç. Të plagosurit  u dërguan në spitalin e Librazhdit dhe nuk paraqesin rrezik për jetën./abcnews.al

shperthim-makine-tirane.jpg
G. P.10:31 | 12/12/2018

Një automjet shpërtheu sot në mëngjes në zonën e njohur si “Kopshti Botanik” në kryeqytet.Automjeti  tip “Volkswagen” ka qenë i parkuar në anën e rrugës dytësore, pranë nënkalimit. Fatmirësisht nuk ka persona të lënduar nga kjo ngjarje.

Nga policia mësohet se veç shkatërrimit të mjetit ku ndodhi shpërthimi, ka pësuar dëmtime edhe një tjetër makinë, që ndodhej e parkuar afër automjetit që u dogj. Në vendngjarje shkuan menjëherë forcat zjarrfikëse që bënë të mundur shuarjen e flakëve, ndërsa po hetohet për shkaqet e shpërthimit./abcnews.al

autobusii.jpg
G. P.11:51 | 22/11/2018

Një automjet ka përplasur disa fëmijë përpara një shkolle në një qytet të Kinës, duke vrarë 5 fëmijë dhe plagosur 18 të tjerë. Kjo është bërë e ditur nga televizioni shtetëror kinez. Pamjet e marra nga kamerat e sigurisë tregojnë një radhë fëmijësh që kalonte rrugën përballë shkollës ndërsa një automjet afrohet.

Më pas makina ndërroi korsi duke përfunduar në krahun e fëmijëve. Shoferi i mjetit është arrestuar. Nuk është akoma e qartë nëse bëhet fjalë për një sulm të paramenduar. Kohët e fundit, Kina është përfshirë nga episode të shumta të këtij lloji.

Muajin e kaluar një person i armatosur përplasi disa kalimtarë me makinën e tij duke vrarë dy persona dhe plagosur 16 të tjerë. Ndërsa në Shtator, 11 persona humbën jetën dhe 44 të tjerë u plagosën pasi një person shtypi ma kamionin e tij disa kalimtarë./abcnews.al

kryetari-1.jpg
G. P.11:08 | 27/10/2018

Kryebashkiaku i Këlcyrës, Klement Ndoni, është aksidentuar gjatë natës së kaluar. Ngjarja ndodhi teksa ai ishte duke u kthyer me automjetin e tij nga një takim në një prej fshatrave të njësisë administrative Ballaban. Mësohet se Ndoni ka humbur kontrollin e automjetit duke u përplasur me bordurën anësore dhe më pas ka dalë nga rruga.

Bashkë me të në automjet ishin edhe dy persona të tjerë; Skënder Seferi dhe Hodjan Selmani, ky i fundit kryetar i PS-së në Këlcyrë. Me plagë më të rënda është kryebashkiaku Klement Ndoni, por fatmirësisht ndodhet jashtë rrezikut për jetën, ndërsa të plagosur lehtë janë dy personat e tjerë./abcnews.al

aksidentttttt.jpg
G. P.19:34 | 17/10/2018

Një këmbësor ka ndërruar jetë në spitalin e Vlorës pasi mbeti i plagosur në një aksident rrugor.

Policia lokale njofton se ngjarja ka ndodhur rreth orës 19:00 në rrugën “Transballkanike”, pranë stacionit të trenit.

Mësohet se automjeti tip “BMW” ka përplasur të moshuarin duke i shkaktuar plagë të rënda. Për pasojë 83-vjeçari Guri Maliqi nuk ka mundur të mbijetojë.

Drejtuesi i mjetit, 27 vjeç është shoqëruar në komisariatin e Vlorës për të sqaruar rrethanat e aksidentit./abcnews.al

makina.jpg
G. P.18:15 | 07/10/2018

Një 35-vjeçare ka humbur jetën të dielën në një aksident rrugor.

Ngjarja ka ndodhur në autostradën Lushnje-Rrogozhinë në fshatin Konjat, ku mjeti tip “Volkswagen” ka dalë nga rruga.

Viktima, me iniciale M.D u dëmtua rëndë dhe ndërroi jetë pasdite në spitalin e Traumës në Tiranë. Gjithashtu mësohet se dy pasagjerë të tjerë mbetën të dëmtuar lehtë.

Ndërkohë policia ka njoftuar se për ngjarjen është arrestuar shoferi i aturomjetit, Altin Durra, 21 vjeç.

dhimitri-andoni.jpg
G. P.16:24 | 23/09/2018

Një i ri shqiptar gjeti vdekjen në mënyrë tragjike në SHBA, pak momente pasi ndihmoi një person në 5th Avenue në St. Petersburg të Floridas.

Sipas mediave, Dhimitri Andoni, 22 vjeç, po ndihmonte një shofer, makina e të cilit kishte dalë jashtë kontrollit. Ai po kthehej në makinën e tij “Hyundai”, kur u godit për vdekje nga një makinë tjetër tip “Ford”.

Autoritet amerikane zbuluan se autori i ngjarjes është një 30-vjeçar i quajtur Dana Byrd. Pasi e vrau, Byrd përdori makinën e të riut shqiptar dhe u arratis nga vendi. 30-vjeçari u kap në banesën e tij të premten natën.

Dana Byrd. Pasi përplasi Dhimitri andonin për vdekje i mori makinën dhe u arratis nga vendi i ngjarjes

Ndërkohë, babai i Andonit përdori sistemin GPS për të lokalizuar makinën e djalit të tij.

Kështu auoritetet arritën të gjejnë mjetin, i cili ishte brakrtisur jashtë ambienteve të zyrave të një firme inxhinerie. por trupi e të riut shqiptar nuk u gjet menjëherë. Viktima u zbulua rreth orës 12 e 30 të po asaj dite.

Ndërkohë autoritetet amerikane po vazhdojnë hetimet dhe thonë se do të merret në pyetje shoferi që ndihmoi Dhimitri para se të vdiste./abcnews.al

zjarriiiiii.jpg
G. P.08:20 | 18/09/2018

Një automjet është përfshirë nga flakët mëngjesin e sotëm në qytetin e Shkodrës.

Makina tip “Ford” në pronësi të shtetases më iniciale A.L. ishte i parkuar pranë banesës në rrugën “Qemal Draçini”.

Burime nga vendi i ngjarjes bëjnë me dije se zjarri mund të ketë qënë i qëllimshëm. Mjeti më parë është spërkatur me lëndë djegëse dhe më pas i është vënë flaka.

Policia ka shoqëruar disa persona si dhe po verifikon kamerat e sigurisë së objekteve përreth për të bërë të mundur zbardhjen e ngjarjes.

Qyteti i Shkodrës kohët e fundit është tronditur nga mjaft ngjarje me natyrë kriminale që akoma janë pa autorë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono