makina

MBULIM-HAJDUTI-SHQIPTAR.mpg_snapshot_00.08-1280x647.jpg
G. P.16:52 | 14/10/2018

Një shtetas shqiptar ka humbur jetën dhe dy të tjerë mbetën të plagosur në Itali si pasojë e një aksidenti të rëndë në rajonin e Lombardisë. Ngjarja e rëndë ndodhi në orët e para të së dielës. 3 shqiptarët, të cilët kishin kryer një grabitje, po tentonin t’i iknin policisë italiane duke ecur me shpejtësi të lartë në automjetin e tipit “BMW”. Por drejtuesi i mjetit ka humbur kontrollin dhe kanë përfunduar jashtë rrugës, ndërsa shpejtësia e mjetit sipas mediave italiane, i kalonte 200 kilometrat në orë. Shqiptari që humbi jetën është identifikuar si A.K 31 vjeç. Menjëherë në vendngjarje mbërritën dhe disa ambulanca. Ndërkohë, pas kontrollit në mjetin e aksidentuar, policia ka zbuluar mijëra euro të grabitura si dhe disa bizhuteri./abcnews.al

makina-djegie.jpg
G. P.19:53 | 10/10/2018

Identifikohet dhe arrestohet autori i dyshuar i zjarrvënies sw mjetit tw Drejtoreshës së Qendrës Sociale në Kombinat. Shërbimet e Policisë të Komisariatit Nr.6, identifikuan dhe arrestuan autorin e dyshuar të zjarrvënies së automjetit, shtetasin :

– Alket Rumano, 46 vjeç, banues në Tiranë.

Ky shtetas më datë 01 tetor 2018 në rrugën “Hamdi Cenoimeri” në Kombinat, për motive të dobëta i ka vënë zjarrin gjatë natës automjetit në pronësi të shtetases M. A. Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Shkatërrim i pronës me zjarr”, parashikuar nga neni 151/1 i Kodit Penal./abcnews.al

kukss.jpg
G. P.12:08 | 09/10/2018

Tre persona janë plagosur nga përplasja e dy makinave, në hyrje të qytetit të Kukësit.

Njëri nga të dëmtuarit ndodhet në rrezik për jetën dhe është dërguar në spitalin e Traumës në Tiranë.

Kurse dy personat e tjerë po marrin ndihmë mjekësore në spitalin lokal të Kukësit.

Sipas policisë, shkaku kryesor i aksidentit është shpejtësia me të cilën po lëvizte njëri nga mjetet./abcnews.al

abc.png
G. P.19:32 | 07/10/2018

Një 38-vjeçar ka ndërruar jetë në një aksident në Tiranë pasditen e sotme, pasi makina ku po udhëtonte sëbashku me dy persona të tjerë ka dalë nga rruga dhe ka përfunduar në greminë pranë fshatit Surrel në Dajt.

Viktima është Florenc Vishkurti nga fshati Verri i Tiranës. Ndërsa personat e plagosur janë Lulzim Balla dhe Zyhdi Alcani. Policia bëri të ditur se është njoftuar rreth orës 18:30 minuta nga banorët e zonës për makinën që kishte rënë në greminë në Surrel.

Policia, zjarrfikëset dhe ambulancat kanë shkuar menjëherë në vendin e ngjarjes. Tre personat që po udhëtonin me fuoristradën me targë AA 255 JH janë nxjerrë nga makina. Fatkeqësisht njëri prej tyre ishte i pajetë, ndërsa dy të tjerët ë plagosur janë dërguar në spitalin e Traumës në Tiranë.

Nuk dihet ende shkaku i aksidentit. Por mendohet midis të tjerash se mund të ketë qenë edhe lagështira në rrugë, pasi në kohën kur ndodhi aksidenti në Tiranë ka pasur reshje të dendura shiu.

/abcnews.al

makina-e-djegur.jpg
G. P.15:23 | 03/10/2018

ABC News siguron videon e djegies së një automjeti në zonën e ish-Kombinatit në Tiranë dy ditë më parë. Në pamjet, që disponon edhe grupi hetimor, duket zjarrvënësi që ka mbetur edhe vetë i dëmtuar. Megjithatë ai ende nuk është kapur nga policia.

Djegia e automjeteve në Tiranë e jo vetëm është kthyer në një trend për dëmtuesit e tyre.

Rasti më i fundit u regjistrua në zonën e ish-Kombintatit në kryeqytet, ku një automjet tip Mercedes-Benz u shkrumbua në pak sekonda.

ABC News ka siguruar pamjet e djegies së makinës në pronësi të Mimoza Agalliut, Drejtore e Qendrës Sociale në po të njëjtën zonë.

Në pamje shihet një person rreth 1.75 metra i gjatë, i veshur me xhinse dhe me një bluze sportive me kapuç që i vë zjarrin makinës.

Autori vjen nga një rrugicë dytësore rreth orës 02:18 të mëngjesit dhe mban një bidon me lëndë djegse.

Pas disa sekondash spërkatje me benzine, automjeti pushtohet nga flakët, ndërsa personi që i vuri zjarrin largohet me shpejtësi nga e njëjta rrugicë që erdhi në fillim.

Sipas hetuesve, i riu siç duket edhe në pamjet e fiksuara nga kamerat e sigurisë është dëmtuar nga flakët. Deri tani policia nuk e ka identifikuar dhe kapur autorin.

Vetëm pak minuta më pas, mbërrijnë një automjet zjarrfikëse dhe një patrullë e policisë.

Në Tiranë, ky është rasti i tretë brenda pak ditësh i djegies së makinave të parkuara poshtë shtëpive të banimit./abcnews.al

AKSIDENT-NE-VLORE-MBULIM_ABC-M2-T1.mpg_snapshot_00.12-1280x703.jpg
G. P.14:12 | 01/10/2018

Tre persona janë plagosur, njëri prej tyre në gjendje të rëndë në një aksident rrugor në Vlorë. Sipas policisë një makinë ka dalë nga rruga në segmentin Vlorë- Kotë. Njëri nga të dëmtuarit ndodhet në sallën e Reanimacionit të Spitalit Rajonal Vlorë. Ende nuk dihen shkaqet e këtij aksidenti, por sipas policisë, të dëmtuarit janë: G. Dautaj, A. Bejtaj dhe N. Bejtaj. Policia po punon për zbardhjen e plotë të ngjarjes./abcnews.al

 

MAKINA-E-TRUMP.mpg_snapshot_00.00-1280x720.jpg
G. P.23:55 | 27/09/2018

Mediat amerikane, duke marrë shkas nga mbërritja e presidentit Trump në selinë e OKB-së në Nju Jork, kanë publikuar detaje nga supermakina që transporton Donald Trump në çdo vend. NBC shkruan se automjeti i blinduar kushton 1.5 milionë dollarë dhe në të përmban dhe një frigorifer me llojin e gjakut të presidentit Trump.

Dyer që peshojnë sa ato të një avioni Boeing 757, me trashësi mbi 20 centimetra dhe dritare me xhama me shumë shtresa, e pajisur me armë të lehta dhe goma që janë në gjendje të funksionojnë edhe nëse janë të shpuara, dhe në veçanti, e pajisur me një frigorifer të mbushur plot me llojin e gjakut të Donald Trump. Televizioni NBC tregon “Cadillac One”, automjetin e blinduar që peshon 9 ton, me të cilin presidenti amerikan është shfaqur në Asamblenë e Përgjithshme të Kombeve të Bashkuara.

Bëhet fjalë për një limuzinë që kushton 1.5 milionë dollarë, një “Bishë” e vërtetë, siç dhe quhet, e gatshme të përballojë sulmet kimike me bombat e ndryshme. E projektuar për t’i rezituar çfarëdolloj sulmi terrorist, makina është prezantuar si një version i zgjatuar i “Cadillac XT6”. Natyrisht, është një ekzemplar unik. Edhe pse është e destinuar të përballojë çdo sfidë, asnjë automjet nuk është e padëmtueshme. Pavarësisht materialeve të përdorura janë një miks armature dhe çeliku, alumini dhe qeramike, të zgjedhura me qëllimin për t’i bërë ballë çdo kërcënimi, “Bisha” parashikon një masë shtesë në rast të plagosjes së presidentit. Një gamë të gjerë medikamentesh, mes të cilave edhe një frigorifer plot me kmapionin e gjakur të njëjtë me atë të kreut të Shtëpisë së Bardhë.

Por nuk mbaron këtu. Ka edhe shumë truke të tjera jo të dukshme që bëjnë të mendosh për disa filam të James Bond. “Bisha” është e pajisur me një sistem për shikim gjatë të natës, dorezat e derës mund të bëhen të elektrizuara, automjeti është në gjendje të lëshojë gaz lotsjellës dhe madje edhe të lëshojë një vaj të shkëlqyeshëm për të bërë që automjetet hipotetike që mund ta ndjekin atë të humbasin kontrollin. Gjithë kësaj, i duhet shtuar një sistem i sofistikuar i komunikimit, i cili sipas emetuesit mund të “qeverisë” përdorimin e armëve bërthamore./abcnews.al

MBULIM-AKSIDENT-NE-VLORE.mpg_snapshot_00.01-1280x720.jpg
G. P.10:15 | 27/09/2018

Dy persona janë plagosur rëndë në qytetin e Vlorës nga përplasja e dy makinave. Nuk dihen rrethanat si ndodhi ngjarja, por sipas informacioneve të para, njëra nga makinat ishte me shpejtësi. Të dëmtuarit janë dërguar me urgjencë në spital dhe jeta e tyre është jashtë rrezikut. Policia po kryen veprimet për të zbardhur të plotë ngjarjen./abcnews.al

 

 

TIRANA-NE-DITEN-PA-MAKINA-ABC-M5-T1.mpg_snapshot_00.18-1280x720.jpg
G. P.15:32 | 22/09/2018

Ambulanca po kërkon ti hapin rrugën pranë Sheshit Shqiponja. Në ditën pa makina ky automjet urgjence mjekësore ka mbetur në trafik. E tillë ka qenë ngarkesa në hyrje të kryeqytetit. E po ashtu edhe në unazën e re në drejtim të daljes nga Tirana. Nisma e ditës pa makina synon synon uljen e përdorimit të makinave private dhe promovimin e alternativave mjedisore në transport. E shtuna në rrugët brenda kryeqyteit nuk ka rezultuar e nga ngarkuar sa akset në dalje të saj.

 

Dita pa makina është një nismë e Bashkimit Evropian e cila shtrihet në të gjithë botën, e titulluar “Java Evropiane e Qarkullimit”, e cila finalizohet më 22 shtator me ditën “Në qytet pa makinën time”. Veprimtaritë në kuadër të kësaj nisme zhvillohen në të njëjtën kohë në 1130 qytete në 35 shtete të botës, duke synuar të ndërgjegjësojnë publikun për pasojat negative që shkakton përdorimi i automjeteve në mjedis, si dhe për të inkurajuar zhvillimin e transportit të qëndrueshëm publik.

SINKRON-TAULANT-BALLA-NE-GRUP.mpg_snapshot_00.03-1280x720.jpg
G. P.19:00 | 21/09/2018

Është përfshirë në një aksident automobilistik kryetari i grupit parlamentar të PS, Taulant Balla. Në një postim për rrjetet sociale, Balla ka njoftuar për situatën. Sipas tij aksidenti ka ndodhur në Shkodër, por nuk dihen ende rrethanat e ngjarjes. Balla tregon për qytetarin digjital që fatmirësisht nuk ka patur pasoja dhe lëndime nga ky aksident./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono