makina

mamina.png
Autor E15:14 | 14/11/2019

Një makinë ka dalë nga rruga sot në aksin Konispol-Sarandë. I gjithë aksidenti është filmuar nga një makinë që ndodhej pas automjetit që u aksidentua.

Nuk dihet shkaku se përse makina ka dalë nga rruga, por për fat të mirë mësohet se nuk ka të plagosur rëndë.

Për më tepër ndiqni videon:

Aksident i frikshëm në rrugën Konispol – Sarandë

Publiée par Saranda Web sur Jeudi 14 novembre 2019

f4ed26da-0330-44eb-a1b7-256784201e69.jpg
Autor E13:35 | 09/11/2019

Një automjet është përfshirë nga flakët gjatë orëve të para të mëngjesit në Elbasan gjatë mëngjesit të sotëm.

Mësohet se bëhet fjalë për një makinë tip “Golf IV” me targa AA 290 KN. Dyshohets e shkak për djegien e makinës është bërë një shkëndijë elektrike.

Ngjarja ka ndodhur rreth orës 6:30 të mëngjesit, ndërsa vendi ku automjeti ka marrë flakë është pranë selisë së PD në qarkun e Elbasanit.

Në vendin e ngjarjes ka shkuar menjëhërë një makinë zjarrfikëse që kanë bërë të mundur shuarjen e plotë të flakëve.

hamshorii.jpg
Autor E18:57 | 05/11/2019

Kompania letoneze e prodhimit të makinave, Dartz, e famshme për realizimin e mjeteve të blinduara, ka hedhur në treg “Hamshorin e Zi”, një version i veçantë SUV që më shumë ngjason me një tank se sa një makinë.

Sipas vetë kompanisë makina është prodhuar pasi do të përdoret për një film dhe nuk do të nxirret në shitje në seri, por drejtuesit nuk kanë dashur të bëjnë publik filmin në të cilin do të përdoret.

Modeli mbresëlënës, i gjithi në ngjyrë të zezë, ka një stemë me një kafkë dhe dy pushkë të kryqëzuara. Pjesa e brendshme është e dekoruar me lëkurë aligatori, duke e bërë kështu një prej makinave më të frikshme në botë. “Hamshori” duket si i modeluar pas Hummer H2, por Dartz nuk ka dhënë sqarime për modifikimet që i ka bërë. Makina ka një motor me 1000 kuaj fuqi, me motor me tetë pistona 6,2 litra.

Dartz ka prodhuar edhe më parë makina që janë përdorur nëpër filma, si “Diktatori” me komedianin britanik Sacha Baron Cohen. Leonard Yankelovich, kreu i Dartz, tha se kompania po mendon të prodhojë edhe versione “për civilë”, të do të shiten duke nisur nga 300 mijë euro. “Por kjo makinë e veçantë nuk do të ketë çmim pas filmit”.

makina-e-djegur-1280x711.jpg
nev ila13:00 | 04/11/2019

Një automjet është djegur totalisht nga flakët në autostradën Tiranë – Durrës. Ngjarja ka ndodhur në afërsi të mbikalimit të Sukthit.

Si pasojë e zjarrit të rënë në automjetin tip benz me targa AA 289 CR fatmirësisht nuk është lënduar njeri.

Drejtuesi i mjetit sapo ka pikasur flakët që dilnin nga pjesa e përparme, e ka ndalur makinën në anë të autostradës, duke evituar ndonjë incident.

Ende nuk dihen ende shkaqet, ndërsa policia pohon se ka qenë një shkëndije elektrike ajo që ka shkaktuar flakët./abcnews.al

enver.jpg
nev ila21:20 | 02/11/2019

Makina unike të koleksionistëve shqiptarë ekspozohen në Tiranë. Mbi 130 makina retro prodhime unike prezantohen në sheshin “Skënderbej”.

Pas 20 vitesh vjen para publikut edhe benzi i diktatorit Enver Hoxha, i cili konsiderohet si treti në botë i këtij tipi. Për tu njohur me dizajnet e veçanta dhe historikun e makinave ju ftojmë të ndiqni materialin e zgjeruar në vijim.

Për më tepër ndiqni specialen e abcnews:

makina-1-1.jpg
Autor E17:57 | 02/11/2019

Pak orë pas atentatit të bujshmë gjatë ditës së djeshme ndaj prokurorit Arjan Ndoj, policia gjeti të braktisur në fshatin Shkafanë të Ishmit një makinë tip “Mercedes Benz” ngjyë gri me targa të vjedhura.

Targat e makinës ishin denoncuar të vjedhura në Tiranë rreth dy javë më parë.

Gjithashtu brenda në makinë u gjetën dy maska dhe dy automatikë AK47 të cilat mendohet se janë përdorur në atentatin e mbrëmshëm.

Autorët që kryen atentatin ikën me shpejtësi duke mos arritur që t’i vendosin flakën për të humbur gjurmët, që tani janë në dorën e ekspertëve.

Në foton e mësipërme të siguruar nga abcneës.al është pikërisht makina në fjalë, e cila u mor nga vendi ku ishte braktisur për ekzaminime të mëtejshme në polici.  /abcnews.al

makina573.jpg
Autor E09:22 | 01/11/2019

Një grua, e cila vërejti se një aromë po vinte nga vetura e saj, ka mbetur e shokuar kur hapi kapakun dhe zbuloi mbi 200 kokrra arra të fshehur brenda. Holly Persic, nga Pittsburghu i SHBA-së, vërejti se diçka nuk është në rregull kur parkoi para një biblioteke dhe një aromë djegie filloi ta mbushte ajrin, shkruan mediumi britanik “The Mirror”. Po ashtu, ajo dëgjoi një zë të çuditshëm që vinte nën kofanon e veturës së saj.

Kur hapi kofanon, ajo gjeti qindra kokrra arre dhe tufa bari. Duket sikur një familje ketrash kishte vendosur që t’i ruajë ato para se të vijë dimri. “Gruaja ime më thërriti nga Biblioteka Northland dhe më tha se veturës së saj po i vinte një aromë djegieje dhe një zë i çuditshëm. I thash që të hapte kofanon dhe është shfaqur kjo fotografi të cilën më ka dërguar”, tha Chris, burri i Persicit, transmeton Koha.net.

Çiftit i mori gati një orë kohë për ta pastruar veturën. “Ato ishin të vendosur pothuajse në çdo cep, nën bateri, nën radiator, etj. Arrat në bllokun e motorit ishin bërë të zeza dhe u vinte aromë sikur ishin pjekur tërësisht”, shtoi ai.

Hera e fundit që Persic hapi kofanon ishte muajin e kaluar dhe arrat në kopshtin e tyre kanë filluar të binë para disa javë. Mekanikët i kanë larguar të gjitha arrat dhe tufat e barit, dhe fatmirësisht nuk është dëmtuar asgjë te vetura.

HAJDUTET-SHQIPTARE-1280x720.jpg
Autor E09:06 | 01/11/2019

Shqipëria renditet e gjashta ndër vendet me normën më të lartë të vjedhjeve në Europë. Sipas përllogaritjeve të Monitor dhe të dhënave të publikuara nga INSTAT për numrin e vjedhjeve në vitin 2018, për 100 mijë banorë kishte 88 vjedhje.

Numri i veprave penale vjedhje gjatë 2018-s ishin 2519, ku përfshihen: vepra penale të vjedhjeve të banesave me 1218 vepra penal; vjedhje të automjeteve me 252 vepra penale; vjedhje të bizneseve 592 vepra penale; vjedhje gjatë detyrës me 70 vepra penale dhe tentativat e vjedhjeve me 383 vepra penale.

Ndërsa në Bashkimin Europian numrin më të lartë të vjedhjeve për 100 mijë banorë e mban Belgjika ku sipas të dhënave të Eurostat, janë kryer 167 për çdo 100 mijë banorë. Nëse shkoni në Belgjikë të porosisin kudo të mos ia ndani sytë çantës dhe këtë njoftim e gjen dhe në pjesën më të madhe të hoteleve.

Në vend të dytë renditet Franca ku sipas të dhënave të fundit të vlefshme kishte 150 vjedhje për 100 mijë banorë, ndjekur nga Mbretëria e Bashkuar me 132 vjedhje për 100 mijë banorë dhe Portugalia me 115 vjedhje/100 banorë.

Gjatë periudhës 2011 dhe 2017, vjedhjet e regjistruara në BE ra me 24%,  nga 522 mijë në 396 mijë vjedhje. Në kontrast. Numri i vjedhjeve shënoi rritje me të paktën 4% për periudhën 2008-2017.

Në Bashkimin europian mesatarja e vjedhjeve për 100 mijë banorë përllogaritet të jetë 51 gjatë 2017-s.

Në Gjermani dhe Holandë, numri i vjedhjeve për 100 mijë banorë ishte 47.

Vendi fqinj, Italia ka të njëjtin nivel vjedhjesh me mesataren e BE-së prej 51. Ndërsa në Greqi numri i tyre është më i ulët, ku sipas Eurostat përllogariten jo më shumë se 40 vjedhje për banorë.

Normat më të ulëta janë renditur në Sllovaki dhe Hungari, me një normë prej 9 vjedhjesh për 100 mijë banorë, ndjekur nga Sllovenia me 12 vjedhje/100 mijë banorë, si dhe Qipro dhe Islanda me 14 vjedhje për 100 mijë banorë. /monitor/

makina-3-1280x720.jpg
Autor E13:19 | 31/10/2019

Një autobot i mbushur me gaz u përmbys sot në mes të rrugës Gjirokastër-Sarandë.

Për fat të mirë nga aksidenti nuk ka patur dëmtime në njerëz, ndërsa autoboti nuk pësoi çarje, ç’ka mund të sillte pasoja edhe më të rënda.

Në momentin e aksidentit, shoferët e makinave që u ndodhën aty pranë u përfshinë në panik nga frika se mund të shpërthente.

Aksidenti ka ndodhur pranë zonës të quajtur kthesa e Muzinës. Sipas policise vendore shkak për këtë aksident është bërë lagështia në rrugë, nga reshjet e shumta të shiut në zonë.

Në vendin e ngjarjes shkuan forcat zjarrfikëse dhe eksperte te rrugores për të zbardhur plotësisht ngjarjen./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono