Macron

lolo.jpg
R D15:08 | 04/12/2019

Kryeministri Edi Rama, i cili po merr pjesë në Samitin e NATO-s në Londër, doli në deklaratë ku tha se gjithë Evropa e bashkuar do mbështesë shqiptarët.

“Reagimet e para janë pozitive, ne do punojmë akoma dhe më shumë. Përtej dallimeve dhe kundërshtive, Evropa është e gjitha e bashkuar të mbështesë shqiptarët për të kaluar këtë situatë. Po bëjmë një punë shumë intensive, kemi marrë shumë ndihma. Të mos vazhdojë historia e deklaratave në distancë. Ne të gjithë jemi jo vetëm të goditur nga e njëjta tragjedi, por nga ana tjetër të gjithë jemi në nevojë për të ndihmuar çatinë e Shqipërisë”, deklaroi Rama.

Ndër të tjera, ai theksoi se liderët kanë shprehur interes për këtë gjendje, ndërsa tregoi se ka biseduar nga afër me disa prej tyre, si Donald Trump, Angela Merkel dhe Emanuel Macron.

“U ndjeva i inkurajuar nga fakti që të gjithë ishin në dijeni dhe të interesuar të dinin më shumë. Kam bërë bisedë të gjatë me presidentin e Francës, Kancelaren, kryeministrin e Holandës, kryeministri i Danimarkës ka qenë shumë i interesuar. Kryeministri Conte pa diskutim, por edhe kryeministri i Kanadasë. Kemi folur dhe me presidentin Trump dhe Erdogan. Qëllimi është për të zhvilluar një konferencë të madhe donatorësh, kjo më është kërkuar.

Fokusi ka qenë për këtë temë, por edhe mbi ecurinë e integrimit në BE, si mund të shkojë procesi mbi dokumentin e paraqitur nga Franca. Por, unë kam qenë shumë i fokusuar te tërmeti, pasi kjo është më e rëndësishme sot. Është një moment për të kuptuar qartë të gjithë se përtej dallimeve e kundërshtive, Evropa është e gjitha e bashkuar në mbështetje të shqiptarëve”, theksoi Kryeministri Rama. /abcnews.al

mjeket-talebane-1280x674.jpg
ent ela13:55 | 15/11/2019

Presidenti i Francës Emanuel Makron reagoi ndaj protestës së mjekëve në të gjithë vendin, duke premtuar se javën e ardhshme do të publikohen vendime shumë të rëndësishme përsa i përket pagave dhe kushteve të punës.

Me mijëra mjekë, personel shëndetësor dhe nëpunës administrate në spitalet publike manifestuan në të gjithë Francën pënr të kërkuar rritje page, rihapjen e vendeve të shtretërve si dhe më shumë personel. Presidenti francez Emanuel Macron reagoi menjëherë duke thënë se do të merreshin vendime shumë të rëndësishme të cilat do të bëhen publike javën e ardhshme.

Në pritje të këtyre vendimeve, protestuesit shprehën shqetësimet e tyre për kushtet e punës, ku sipas tyre është e papranueshme që një njeri i vetëm të bëjë punën e dy apo tre personave.

Kushte të krijuara nga shkurtimet e vendeve të punës.

Sipas ministrisë franceze të shëndetësisë, në vitin 2018 janë hequr 4172 vende shtretërish për pacientët. Ndër të tjera borxhi i spitaleve është trefishuar në dhjetë vjet duke arritur në 30 miliardë euro. Me qindra spitale në vend kanë borxhe shumë të mëdha, një spital në tre më konkretisht. Ka pacientë të cilët presin dhe 72 orë në barelë para se të shtrohen pasi nuk ka më mjekë dhe infermierë. /abcnews.al

 

MACRON-THACI-VUCIC-1280x720.jpg
ent ela15:03 | 12/11/2019

Presidenti i Serbisë Aleksandër Vuçiç deklaroi pas takimit të sotëm tre-palësh me presidentin francez Macron dhe presidentin e Kosovës Hashim Thaçi se Makron dhe Evropa donin të luanin rol më të rëndësishëm në çështjen e Kosovës, por që asnjë mbledhje “e thelluar” nuk kishte ndodhur.

Ai tha se presidenti francez e tha këtë duke iu referuar vetes dhe kancelares gjermane, si dhe institucioneve evropiane. /abcnews.al

macron.jpg
ent ela16:39 | 07/11/2019

Presidenti francez Emmanuel Macron tha në një intervistë për “The economist” se nëse nuk i hapet dera Shqipërisë për në BE, kjo do të shkaktojë një traumë të tmerrshme në rajon. Nëse poshtëroni Shqipërinë, do të destabilizoni rajonin në mënyrë të vazhdueshme, tha ai.

Presidenti francez Emanuel Macron tha për “The economist” se shumica e vendeve ishin në favor të hapjes së negociatave për Maqedoninë e Veriut, por gati gjysma e tyre ishin kundër hapjes për Shqipërinë. Macron tha se ky ishte një gabim fatal dhe poshtërimi i Shqipërisë çon në destabilizim të rajonit në mënyrë të vazhdueshme, raportoi Koha.

“Duhet të shtoj se shumica e tyre ishin në favor të hapjes për Maqedoninë e Veriut, por gati gjysma e tyre ishin kundër hapjes për Shqipërinë. Gabim fatal…Pyetini ata nesër nëse duan t’i hapin derën Shqipërisë. Gjysma e tyre do të thonë jo. Ata duan t’i hapin derën Maqedonisë e Veriut, është e vogël, ka ndryshuar emrin e saj dhe kjo është një arritje e vërtetë historike. Nuk frikëson askënd. Realiteti është që nëse nuk i hapim derën Shqipërisë, do të shkaktojmë një traumë të tmerrshme në rajon. Komuniteti shqiptar është kudo. Nëse poshtëroni Shqipërinë, ju do të destabilizoni rajonin në një mënyrë të vazhdueshme.”

Duke theksuar se duhen reformuar procedurat e anëtarësimit në BE, Macron tha se në lidhje me shqetësimin për rajonin e Ballkanit, çështja e parë nuk është as Maqedonia, as Shqipëria, ajo është Bosnje-Hercegovina.

“E dyta, nëse shqetësoheni për këtë rajon, çështja e parë nuk është as Maqedonia, as Shqipëria, ajo është Bosnje-Hercegovina. Bomba me tajmer që po rrahë menjëherë pranë Kroacisë, dhe e cila përballet me problemin e kthimit të xhihadistëve, është Bosnje-Hercegovina. E treta është se ne kemi nevojë për të reformuar procedurat tona të anëtarësimit para se të hapim negociatat. Nëse e arrijmë këtë reformë në muajt e ardhshëm, unë do të jem i gatshëm të hap negociatat. Gjithsesi, nëse ata kanë bërë edhe disa përpjekje shtesë të mbetura. Por, nuk dua ndonjë anëtar të ri të mëtejshëm derisa të reformojmë vetë Bashkimin Evropian. Sipas mendimit tim, ky është një parakusht i sinqertë dhe i domosdoshëm.” /abcnews.al

 

macron.jpg
Autor E09:15 | 07/11/2019

Presidenti i Francës, Emmanuel Macron ka zemëruar Bullgarinë dhe Ukrainën, me deklaratat e tij të fundit. Por a do të thotë kjo se Macron po zhvendoset në të djathtën politike?

Kur presidenti i Francës, Emmanuel Macron i jep intervistë revistës së djathtë konservatore “Valeurs actuelles” dhe flet për migracionin, atëherë me siguri që ka edhe ndonjë qëllim politik mbrapa. Por kur jep deklarata të paqarta politike, apo deklarata që mund të kenë shumë interpretime, për bullgarët dhe ukrainasit në Francë, atëherë është e qartë se po prish punë në Europë më shumë se sa ndreq me këto deklarata.

Rrjete, banda apo diçka tjetër?

Në intervistën e përmendur Macroni tha: “Më me dëshirë do të doja që njerëzit këtu të vijnë legalisht nga Guinea apo Bregu i Fildishtë, sepse ata vijnë dhe punojnë, se ata që vijnë përmes rrjeteve ilegale ukrainase apo bullgare.” Fjala franceze “filières” mund të përkthehet edhe si “banda” apo “banda trafikantësh”. Reagimet në Sofje dhe Kiev kanë qenë të mënjëhershme. Atje janë ftuar në raport ambasadorët francezë, por qeveria bullgare dhe ukrainase u mjaftua bukur shpejt me shpjegimet e qeverisë franceze se “fjalët e Macronit janë nxjerrë nga konteksti”.

Presidenti ka folur për vështirësitë për të gjetur francezë që duan të lajnë enë. Por në vendet e prekura lindore është krijuar përshtypja, se ai më shumë preferon migrantë nga vendet e Afrikës, sesa nga këto dy vende. Politikanët nga partitë djathtiste konservatore, si për shembull ministri bullgar i Mbrojtjes, Krassimir Karakachanov, e kanë kritikuar ashpër këtë deklaratë: “Askush nuk ia ka dhënë atij (Macronit) të drejtën, që t’i ofendojë bullgarët”.

A ka dashur Macroni të inicojë debat për autoritetet bullgare, për të cilat dyshohet se prej vitesh po bëjnë tregti me pasaporta, për migrantët nga vendet e treta dhe se në këtë tregti janë të përzier edhe politikanë të nivelit të lartë? Nëse kjo është e vërtetë, a nuk është dashur të flasë më qartë? Apo ka dashur thjesht që të flasë për përparësitë e ardhjes legale? Por Bullgaria është anëtare e Bashkimit Evropian dhe shtetasit e saj kanë të drejtë të lëvizin gjithandej. Ndërsa ukrainasit gëzojnë të drejtën e lëvizjes pa viza dhe qëndrimin në një vend deri në tre muaj.

Bulgarien Treffen Führer des Reformblocks in Sofia (BGNES)Krassimir Karakachanov
Kryeministri i Bullgarisë Boiko Borissov tha se presidenti Emmanuel Macron ka bërë ndoshta një hap të gabuar, por me siguri që nuk ka dashur t’i ofendojë bullgarët. Ai beson se presidenti i Francës do ta mbështetë Bullgarinë në përpjekjet e saj për futje në zonën e Shengenit dhe në Eurozonë.

Çfarë po bën Macroni?

Presidenti i Francës është në fakt aq i mençur sa të kuptojë se intervista e tij në 12 faqe për revistën djathtiste do të ilustrohet ndër tjerash edhe me shumë fotografi të Marine Le Pen. Në Pallatën Elysée prej ditësh po përballen me zëra anonimë, të cilët me ditë të tëra pohojnë se partia e presidentit Macron po përpiqet të peshkojë mbështetës në krahun e djathtë politik dhe se ai do ta humbë këtë garë. E djathta e ashpër e “Rassemblement National” (dikur “Front National”) me siguri që nuk do të bindet nga një liberal i majtë.

Bruno Cautrès nga instituti politik Cevipof në Paris e sheh Macronin para këtij rreziku: “Ai po po përpiqet të bëjë një sintezë mes të djathtës dhe të majtës, por në këtë mënyrë ai jep mesazhe shumë të paqarta dhe pakuptimta”. Me këto deklarata ai rrezikon të humbë mbështetjen në të majtën politike, ndërkohë që të djathtën nuk mund ta bëjë për vete. Macroni ndjek një kurs të rrezikshëm nëse mendon ta tejkalojë Marine Le Pen në disa tema të caktuara.

Kërkimi i pozitës së duhur

Frankreich Marine Le Pen Rassemblement National Europawahl Wahlkampf (Reuters/P. Rossignol)Marine Le Pen
Le Pen ka bërë të ditur se sërish do të kandidojë në garën presidenciale kundër Macronit, ndërsa në sondazhe ata janë të barabartë. Prof. Cautrès beson se është tepër heret të fillojë profilizimi politik, sepse deri në zgjedhje kanë mbetur edhe dy vjet e gjysmë. Emmanuel Macron ka krijuar përshtypjen se ai do të luajë në të gjitha anët. Ai do të pozicionohet për pjesën e dytë të mandatit të tij. Në fushën ekonomike, qeveria franceze po përballet aktualisht me një reformë shumë të pa pëlqyer të pensioneve, që ka shkaktuar edhe protesta dhe demonstrata të shumta. Ndaj çështja e migracionit dhe ardhjes ilegale në vend mund të jetë një manovër për largimin e vëmendjes. Vëzhguesit me përvojë thonë, se Emmanuel Macron thonë se Macroni nuk ka arritur të dërgojë mesazhe të qarta me këtë intervistë.

Politika pragmatike

Por tema e migracionit mbetet në rend dite. Këtë të mërkurë bëhet publik plani i qeverisë së kryeministrit Edouard Philippe për zgjidhjen e problemit. Në këtë dokument flitet për “keqpërdorime dhe mashtrime” në sistemin e ndihmave sociale. Ndër të tjera konstatohen mashtrime edhe në sistemin shëndetësor dhe bashkimin e familjarëve, që nënkupton se procedurat për azilkërkuesit duhet të përshpejtohen. Në vend po diskutohet edhe për kuotat e migrantëve, që do të harmonizoheshin me nevojat e tregut të punës. Macroni pretendon që këtë temë të mos ua lë në duar të djathtës politike. /DW/

macron.jpg
in a14:52 | 05/11/2019

Macedonian President Stevo Pendarovski will meet French President Macron, has confirmed “360 Degrees”.  The meeting will take place during the Peace forum in Paris on Tuesday and Wednesday.
During his visits to Skopje and Tirana, President Emanuel Macron will explain the reform of the EU accession negotiation process methodology.
The reform is expected to take years to be finalized.
The meetings come after Northern Macedonia failed to get a date for launching negotiations with the European Union, after French President Emanuel Macron rejected any progress in the expansion until the methodology of the negotiation process changed.
French senator Ellen Conway-Mure, who visited Skopje on Monday,emphasize that for Northern Macedonia, there is no alternative to the EU and that France is working on the methodology.

DEUTSCHE-WELLE-MACRON_ABC-M4-T2.mpg_snapshot_00.37-1280x720.jpg
ent ela18:25 | 26/10/2019

Në prag të samitit të fundit të BE, Parlamenti Evropian rrëzoi kandidaten e Emmanuel Macronit për në Komisionin Evropian. Përgjigjja e presidentit francez ishte bllokimi i proceseve në BE, gjë që sipas radios gjermane Deutsche Welle, nuk e nxjerr atë nga situate.

Emmanuel Macroni e përjetoi si fyerje prestigji faktin që macronistja e fortë, Sylvie Goulard, të cilën ai e

Presidenti francez bëri përgjegjëse në të njëjtën frymë Ursula von der Leyen-in, kryetaren gjermane të Komisionit të ri Evropian. Ai tha se ajo nuk e mbajti fjalën. Por sipas investigimeve të mediave gjermane dhe evropiane, e vërteta nuk është kaq e thjeshtë.

Shkaqet kanë të bëjnë, së pari, me kandidaten franceze vetë: para dy vjetësh Sylvie Goulard u detyrua të japë dorëheqjen si ministre e Mbrojtjes e Francës, për shkak të kritikës se kishte marrë pagesa për një punë fiktive. Nuk përjashtohet në parim mundësia që këtë çështje ta hetojë drejtësia franceze. E pyetur në njërin nga dëgjimit në Parlamentin Evropian se a do të jepte dorëheqje si Komisionere, po ta padisë për punën fiktive drejtësia franceze, Goulard kundërshtoi. Ky ishte njëri nga shkaqet që solli refuzim të gjerë për kandidaten e Macronit, citohen në mediat gjermane europarlamentarë të pranishëm në votim.

Së dyti, refuzimi ushqehet te bllokimi që i bëri Macroni kandidimit të gjermanit Manfred Weber, për kryetar të Komisionit Evropian. Weberi, që në Parlamentin Evropian kryeson grupin më të madh parlamentar, atë të Partive Popullore Evropiane bëri fushatë në zgjedhet evropiane dhe u propozua nga parlamentarët për këtë post. Por Macroni nguli këmbë që Weberi nuk e paraqet dot si duhet Evropën në qarqet diplomatike. Revista gjermane “Der Spiegel” shkruan se Weberi kishte kështu arsye të mos e ndihmonte, kandidaten me probleme të Macronit.

Veç Weberit, kritik ndaj kandidates së Macronit qenë eurodeputetë lindorë, një pjesë e të cilëve janë bërë skeptikë ndaj Macronit, që kur ai do të afrohet me Rusinë.  Mediat gjermane shkruajnë edhe se aleatja e ngushtë e Manfred Ëeberit, Monika Hohlmeier (e bija e ish-kryeministrit bavarez Franc Jozef Shtraus), gjithashtu e kundërshtoi francezen. Kur refuzuam hungarezin dhe rumunen për konflikt të mundshëm interesash, pse duhet të lejojmë francezen? citohet Hohlmeier.

Sipas medieve duket se von der Leyen-i nuk e ka plotësisht nën ndikim Manfred Ëeber-in. Ka politikanë që edhe e kuptojnë hidhërimin e tij për refuzimin nga Franca. Refuzimi i Weberit nga Macroni qe një sfidë publike franceze edhe për Gjermaninë.  Megjithë këtë: sipas Spiegel-it, von der Leyen-i u interesua për gjendjen para votimit te Manfred Ëeberi. Dhe ai e siguroi që francezja do të trajtohet me korrektësi. Fakt është që francezja Goulard u kundërshtua nga gati të gjitha grupet parlamentare në Parlamentin Evropian. Mori 82 vota kundër dhe vetëm 29 vota pro, me një abstenim.

Pas daljes së Britanisë së Madhe nga BE, në BE ka vetëm një shtet të fuqishëm mjaft, sa të bëhet kundërpeshë ndaj Gjermanisë: Franca. Është me interes të shihet, ku do ta verë në të ardhmen pikërëndesën Macroni: te kundërpesha ndaj Gjermanisë apo te aleanca me fqinjin e fuqishëm.

Si politikan realist, Emmanuel Macroni nuk duhet të jetë vërtet i zemëruar me Gjermaninë. Pasi e di se pa Gjermaninë nuk e miraton dot në Parlamentin Evropian as Komisionerin e ri francez.

Për çdo eventualitet, Macroni merr masa: kështu ai bllokoi në samitin e fundit të BE projektin e mbrojtur qartësisht nga Gjermania dhe shumica e shteteve të BE: nisjen e negociatave me Maqedoninë e Veriut dhe Shqipërinë.

Natyrisht, tek shtetet ballkanike, problemet nuk duhet t’i kërkosh me lupë. Por Macronit i duhet Gjermania (e aleatë të tjerë), për miratimin në Parlamentin Evropian të kandidaturës së re franceze për Komisionin.

Kjo pasi Macroni nuk ka bazë të gjerë mbështetje në Parlamentin Evropian. Lëvizja e tij është pjesë e grupimit liberal, që nuk është njëri ndër dy grupet e mëdha. Parlamenti Evropian tregon pak simpati për Macronin.  Parlamentarët i dhanë atij një shuplakë një herë, me refuzimin e kandidates së tij Goulard. Ndoshta edhe për t’i treguar se nuk e pranojnë një lloj mospërfilljeje, që duket se ai ka ndaj tyre.  Por refuzimin ata mund ta përsërisin, edhe me kandidatin e ri të tij për Komisioner.

Eurodeputetët gjermanë janë në numër shumë të madh në Parlamentin Evropian. Megjithatë kjo nuk përjashtohet. Pas zgjedhjeve evropiane, Parlamenti Evropian është fragmentarizuar politikisht. Konservatorët në partitë popullore dhe socialistët janë ende grupet më të mëdha, por miratimet nuk janë më thjesht punë teknike.  Shumicat e votave duhen siguruar me shumë punë bindëse. Këtë punë zakonisht e bëjnë kryetarët e grupeve më të mëdha parlamentare. /ABC News Albania 24/7

macron.jpg
Autor E10:27 | 26/10/2019

Një komportim inteligjent, këtë i këshillon Shqipërisë dhe Maqedonisë së Veriut, eksperti rumun Radu Magdin pas shtyrjes së vendimit për hapjen e negociatave me BE-në.

Faktet janë të qarta: javën e kaluar, kryesisht me kundërshtimin francez, BE-ja e shtyu një vendim të shumëpritur për të hapur negociatat e antarësimit me Shqipërinë dhe Maqedoninë e Veriut.

Ndërsa Presidenti i Komisionit Juncker e quan këtë një “gabim historik” nga Brukseli, në Tiranë dhe Shkup është e rëndësishme të shtrohet çështja, se çfarë duhet të bëjnë tani kryeministri Rama dhe Zaev. Këto do të ishin këshillat e mia se cili duhet të jetë fokusi i tyre në muajt e ardhshëm. Le ta quajmë këtë patriotizëm inteligjent.

Silluni si madhorë në dhomën e pritjes. Po, shumë liderë evropianë e kanë vlerësuar që Shqipëria dhe Maqedonia e Veriut i kanë bërë detyrat e tyre të shtëpisë dhe janë të gatshëm të kalojnë në fazën tjetër.

Por natyra politike e procesit nuk duhet të konsiderohet tani si një ftesë për të ndalur konsolidimin ekonomik dhe atë demokratik. Rezultati i fundit duhet të konsiderohet si një mundësi për të përshpejtuar dhe për të bërë më shumë, për t‘u provuar skeptikëve që e kanë gabim. Demonstrimi i suksesit dhe vendosmërisë është mënyra më e mirë për ta mbajtur topin në lëvizje dhe për të dërguar një sinjal serioziteti.

Madhorë do të thotë: të kesh shtyllë të qendrueshme kurrizore: një partneritet i veçantë (një ide aktualisht e aktivizuar) është një veprim politik për sa i përket menaxhimit të pritjes për popullatën. Ëndrra Europiane duhet të mbahet gjallë për eventualitetin e bashkimit në klub pa një marrëveshje pragmatike, në bazë të së cilës ju merrni më shumë para dhe veproni. Është shumë e vështirë që t’ia komunikosh publikut këtë të fundit.

Komunikoni përparimin. Opinioni publik europian është i ndarë në çështjen e zgjerimit, siç tregon Eurobarometri. Disa drejtues politikë janë më të kujdesshëm dhe nuk duan të digjen duke u përfshirë në një çështje të polarizuar.

Kështu, Tirana dhe Shkupi nuk kanë qenë në gjendje të tregojnë përparim bindës, por gjithashtu atyre u duhet t‘ia komunikojnë me kreativitet arritjet e tyre kryesore një audience të gjerë si të liderëve politikë ashtu edhe të opnionit publik në mbarë BE-në. Kjo nuk është e kufizuar vetëm tek hapja e negociatave, por përfshin edhe procesin e hapjes së kufijve, për të treguar se nuk jemi burime për probleme të reja, por lojtarë të angazhuar në ekip. Vendimet janë politike dhe asgjë tjetër nuk ka më shumë peshë politike sesa votuesi.

Mësoni nga pengesat dhe prapaktheut e të tjerëve. Shqipëria dhe Maqedonia e Veriut nuk janë vendet e vetme që luftojnë në përpjekjen e tyre për në BE. Një dekadë më parë, ishin Rumania dhe Bullgaria që i kaluan me sukses pengesat e procesit të zgjerimit europian.

Të dy vendet e kaluan pragun e futjes në BE më 2004, por të kushtëzuar me një mekanizëm verifikimi për vendimin e vitit 2007. Konteksti politik dhe atmosfera sot janë të ndryshme, por pasja e këtyre dy përvojave (duke përfshirë përvojën e zgjerimeve më 2004 dhe 2007) duhet të shihet si përparësi. Ndonjëherë, këto aspekte janë më të rëndësishme sesa mbështetja përmes shkresave që u vijnë ministrave të Jashtëm të Europës Juglindore.

Përfitoni nga rasti për të treguar një histori shpresëdhënëse, por realiste për atë se çfarë duhet të presin qytetarët nga BE-ja. BE-ja është gjëja më e mirë që mund të ndodhë me të dy vendet, por ky bashkim nuk është i përsosur, pasi lufton me demonët e vet, mungesën e unitetit, mungesën e standardeve të përbashkëta dhe, gjithnjë e më shumë, hipokrizinë. Ky është një shans për të sensibilizuar opnionin vendas për atë se çfarë është dhe çfarë nuk është BE-ja, një shans për një top-notch management të pritshmërive.

Hapja e negociatave është vetëm hapi i parë dhe procesi bëhet gjithnjë e më politik – shtyrja e kërkuar nga Macron dhe disa liderë të tjerë është një përpjekje për t’u treguar burokratëve të BE-së problemet, që ata duhet t‘i menaxhojnë.

Europa-Gastkolumnist Radu Magdin (Privat)Radu Magdin
Hiqni dorë prej diversifikimit dhe forum-shopping. Ka një përpjekje për t’i dhënë një trajtë gjeopolitike vendimit dhe për ta interpretuar rezultatin si një ftesë të domosdoshme për të qenë më i lakueshëm ndaj interesave ruse dhe kineze në rajon. Presidenti serb Vuçiç është plotësisht i hapur në lidhje me miratimin nga ana e tij të një strategjie të tillë.

Përveç ekzagjerimit të pasojave të vendimit dhe rolit real që Moska po luan në rajon (investimet nuk janë veçse premtime), përpjekja për të nxitur fuqitë e mëdha kundër njëra-tjetrës do të pritej shumë keq në Bruksel dhe kryeqytete të tjera.

Ballkani duhet ta shmangë dhe jo ta mirëpresë të qenit i kapur prej konkurrencës së fuqive të mëdha për influencë në rajon. Le të kujtojmë se Europa është këtu për të mbetur këtu dhe rajoni është pjesë e Europës: Ballkani gjithashtu merr pjesën dërrmuese të ndihmës dhe investimeve të huaja direkte nga BE-ja.

Së fundi investoni në marrëdhëniet me Francën dhe vendet e tjera që nuk ishin të predispozuara të thonë po. Unë nuk mendoj se Macron mund ta kapërcejë këtë thjeshtë duke vizituar p.sh. rajonin muajin e ardhshëm.

Një ofensivë e tillë për rikuperimin e sharmit mund të konsiderohet si fyerje, për më tepër nëse nuk bëhet e qartë se çfarë do të arrijë Franca me veton e saj, ose nëse Parisi nuk jep një premtim lidhur me samitin e vitit të ardhshëm në Zagreb. Po, nëse Macron premton një samit të suksesshëm për Ballkanin Perëndimor vitin e ardhshëm, njerëzit mund ta pranojnë atë si një inkurajim kozmetik.

Por asnjë version tjetër nuk ka gjasa të mirëpritet pavarësisht se si është realiteti sot.

Vlen të sjellim në vëmendje krahasimin me mbështetjen e plotë të ish-presidentit Chirac për vendet e Europës Juglindore në vitet 1990 dhe 2000 me qëndrimin krejtësisht të ndryshëm sot të presidentit Macron.

Por Zaev dhe Rama nuk duhet t’i marrin gjërat personalisht, Ata duhet ta kuptojnë atmosferën e kësaj dekade dhe ta shohin këtë si shans për të investuar më shumë në marrëdhëniet me Francën dhe dy vendet që e mbështetën qendrimin e saj, Danimarka dhe Holanda. Nuk është e lehtë, por Tirana dhe Shkupi kanë demonstruar në të kaluarën se mund të arrijnë gjëra të mëdha kur janë të bindur për rrugën e nisur.

Radu Magdin është analist rumun. Ai ka qenë këshilltar i kryeministrit rumun në vitet 2010-2014 dhe kryeministrit moldav në vitet 2016-2017. Nga viti 2007-2012 ai ka punuar për Parlamentin Europian. /DW

macron.jpg
Autor E15:44 | 19/10/2019

Euronws, i cili ka burime të dorës së parë nga mbledhje e djeshme për krerëve të BE-së ku edhe u vendos që të mos hapeshin negociatat për Shqipërinë dhe Maqedoninë ka nxjerrë detajë të rendësishme nga debati që çoi në atë përfundim.

Sipas “Euronews”, presidenti Macron nuk ka pranuar ndarjen e Shqipërisë dhe Maqedonië, për të cilën shumica dërrmuese ishte për t’ia hapur negociatat.

“Presidenti francez Emmanuel Macron argumentoi që nisja e bisedimeve të anëtarësimit vetëm me një vend do të ishte një gabim i tmerrshëm për Balkanin”, shkruan raporton Euronës, duke vijuar: “Dje dëgjova disa fjalë se ne pothuajse arritëm uninamitet për hapjen e bisedimeve me Shqipërinë dhe Maqedoninë e Veriut. Kjo nuk është e vërtetë. Padyshim, aty kishte një shumicë që Maqedonisë së Veriut ti happen negociatat, por shumica e shteteve ishin kundër Shqipërisë”, mësohet të ketë thënë ai. /abcnews.al

zaev-1.jpg
Autor E13:58 | 19/10/2019

Kryeministri Zoran Zaev deklaroi sot mes të tjerash para gazetarëve se i kishte kërkuar takim presidentit Macron prej disa muajsh, por nuk ishte pranuar.

“Kam kërkuar takim me presidentin francez Emanuel Makron dhe përmes ambasadorit francez në vendin tonë, Kristian Timonie, për katër muaj – por nuk kishte sukses. Gjithmonë dëshiroj të takohem me presidentin e Francës, një vend i madh, mbi gjitha një mik i shkëlqyeshëm i Maqedonisë së Veriut. Besoj se në të ardhmen do të kemi mundësi për të biseduar”, tha Zaev gjatë konferencës për shtyp ku tha gjithashtu se nuk e priste këtë vendim të BE-së duke qenë se sipas tij Maqedonia ka bërë shumë sakrifica për të arritur deri këtu. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono