Macron

vlcsnap-error978-1280x720.jpg
ent ela14:31 | 24/01/2018

Me ftesë të presidentit amerikan, Donald Trump, lideri francez, Emmanuel Macron do të zhvillojë një vizitë zyrtare në Shtetet e Bashkuara në muajin prill të këtij viti. Lajmi është konfirmuar nga Shtëpia e Bardhë me anë të një deklarate, ku nënvizohet rritja e shpejtë e Macron në skenën e politikës botërore. Mediat ndërkombëtare komentojnë njoftimin e këtij institucioni dhe shkruajnë se i është dhënë më shumë madhështi se sa kryeministres britanike Theresa May. Mes shumë zhvillimeve, gjatë vizitës do të jetë dhe një darkë e organizuar nga Trump dhe gruaja e tij Melania. Kreu i Shtëpisë së Bardhë dhe Macron kanë ndërtuar një marrëdhënie të drejtë dhe të përzemërt gjatë vitit të kaluar, ku vlen të theksohet dorështrëngimi i tyre paksa i çuditshëm pasi zgjati për më shumë se një minutë./abcnews.al

42227585_403.jpg
ent ela14:27 | 24/01/2018

Zhvillimi kryesor sot në Forumin Ekonomik Botëror në Davos do të jetë fjalimi i dyshes Merkel-Macron. Gjithashtu pritet dhe mbërritja e Donald Trump. Fjalimi i presidentit amerikan do të mbahet të enjten.

Fjalimi, që do të mbahet sot nga kancelarja Gjermane, Angela Merkel dhe presidenti francez, Emmanuel Macron do të jetë ndër zhvillimet kryesore të ditës së dytë të Forumit Ekonomik Botëror të Davosit. Gjatë ditës së sotme do të mbërrijë edhe presidenti amerikan, Donald Trump.

Fjalimi i dyshes franko-gjermane pritet të përqëndrohet në prezantimin e reformave kyçe për Bashkimin Europian, por do të flasin edhe për politikën e tyre të brendshme. Gjithashtu siguria ekonomike dhe stabiliteti rajonal pritet të jenë pjesë e konferencës së tyre që pritet të mbahet pasditen e sotme. Ndërsa Macron do të flasë me siguri të plotë për projektin e tij reformues për BE-në, Merkel do të limitohet shumë në fjalimin e saj për shkak të pasigurisë në formimin e qeverisë së re gjermane.

Ndërkohë, duke nënvizuar rritjen e Macron në skenën botërore, Shtëpia e Bardhë njoftoi se do ta presë kreun e shtetit të Francës në prill në vizitën e parë shtetërore ndaj presidencës së Trump. Por mediat ndërkombëtare komentojnë njoftimin e këtij institucioni dhe shkruajnë se i është dhënë më shumë madhështi sesa i ishte dhënë kryeministres britanike Theresa May. Mes shumë zhvillimeve, gjatë vizitës do të jetë dhe një darkë e organizuar nga Trump dhe gruaja e tij Melania. Kreu i Shtëpisë së Bardhë dhe Macron kanë ndërtuar një mardhënie të drejtë dhe të përzemërt gjatë vitit të kaluar, ku vlen të theksohet dorështrengimi I tyre që zgjati më tepër nga sa konsiderohet normale./abcnews.al

Brexit-France-1204778.jpg
ent ela11:16 | 23/01/2018

140 menaxherët më të lartë ndërkombëtarë do të takohen në Versajë me presidentin francez Emanuel Macron dhe  inistrat e tij. Kushti për pjesëmarrjen e trye në këtë takim ishte që secili të propozonte një plan investimi për Francën.

Presidenti francez Emanuel Macron ka paraprirë samitin e Davos duke ftuar në Versajë 140 menaxherë të lartë, në një takim me dyer të mbyllura për mediat. Presidenti dhe ministrat e tij do të përpiqen të përfitojnë sa më shumë nga ky takim i cili ishte paralajmëruar të premten e kaluar nga Financial Times. Analistët në vend komentojnë lëvizjen e kreut të shtetit si një qëndrim i një ish bankieri investimesh. Motoja e këtij takimi është “Zgjidh Francën” me objektivin për të ulur nivelin e papunësisë dhe rimëkëmbjen e ekonomisë së vendit.

Po sipas mediave në vend, Macron është një nga liderët politikë me të cilin biznesmenët kanë më dëshirë të takohen për shkak të qasjes së tij konkrete ndaj ekonomisë dhe aftësisë për të bërë reforma.

Administratorëve të deleguar që janë ftuar në Versajë i është orfuar paraprakisht një platform online ku të listonin kërkesat e tyre për ekzekutivin francez. Ndërsa kushti për të marrë pjesë ishte që secili prej tyre të sillte një plan investimi për Francën.

Mes të ftuarve janë drejtori operativ i Facebook, Sheryl Sandberg. Lloyd Blankfein i Goldman Sachs e Jamie Dimon i JPMorgan, të cilët po tundohen nga Franca në një moment që Britania e Madhe po del nga Bashkimi Europian.

Por do të jenë të pranishëm dhe James Quincey, Lakshmi Mittal i Coca-Cola dhe administratorët e Bain and Company, Siemens, Rolls-Royce, UPS, GSK, General Mills o Merck, duke parashikuar investime prej disa miliarda eurosh.

Sipas analizës së Forbes, në Francë po merr gjithnjë e më shumë formë fondi prej 10 miliard eurosh i parashikuar për investime nga presidenti Macron ë korrik të një viti më parë./abcnews.al

vlcsnap-error192-1280x720.jpg
ent ela17:15 | 13/01/2018

Presidenti Macron ka dalë në mbështetje të elitës së bukëpjesësve francezë, duke kërkuar që buka tradicionale “baguette” të hyjë në listën e objekteve të mbrojtura nga Agjencia e OKB-së për Kulturën.

Presidenti i Francës, Manuel Macron ka kërkuar që buka tradicionale franceze, “baguette”, të hyjë në listën e trashëgimisë kulturore të UNESCO-s. Duke dalë në mbështetje të bukëpjekësve, Macron është shprehur se kjo bukë është zilia e të gjithë botës. Bukëpjekësit francezë janë frymëzuar nga suksesi i picës napoletane, që vitin e kaluar hyri në listën e objekteve të mbrojtura nga agjencia e OKB-së. Synimi i UNESCO-s është të ruajë kulturat tradicionale nga ritmet e shpejta të globalizimit. Komiteti i saj mblidhet çdo vit për të vlerësuar nominimet që vijnë nga i gjithë globi. Për francezët, kur flitet për “baguette” nuk flitet thjesht për emrin dhe formën e saj, por për recetën dhe ingredientët që përmban ajo. Ekselenca dhe ekspertiza duhet të ruhen, ka thënë më tej Macron, ndaj sipas tij buka e njohur duhet të hyjë në listën e objekteve të mbrojtura. Komentet e tij presidenti i ka bërë për një radio franceze, pasi priti në pallatin Elize elitën e bukëpjekësve. Lista e re e mbrojtjes nga UNESCO ndryshon nga ajo e objekteve kulturore të lashta. Ajo përfshin më tepër zanatet, muzikën, vallëzimin dhe gatimin. Flamenkoja spanjolle, joga indiane dhe opera tibetiane kanë hyrë tashmë në të, bashkë me birrën belge dhe kekun me xhenxhefil që bëhet në veri të Kroacisë./abcnews.al

 

beijing-jan-8-2018-chinese-president-xi-jinping-632854.jpg
us er14:50 | 09/01/2018

Kreu i shtetit francez, u vetpropozua si një nga zërat kryesorë të Bashkimit Evropian gjatë vizitës së parë aziatike në Kinë. Macron kishte përgatitur një agjendë ambicioze për takimin me Xi Jiping, liderin më të fuqishëm kinez në dekada. Mediat raportojnë se të dy presidentët duhet të nënshkruajnë 50 marrëveshje, disa prej tyre në sektorë strategjikë siç janë fuqia bërthamore dhe hapësira ajrore.

Presidenti francez, Emanuel Macron vizitoi qytetin e ndaluar në Pekin, përpara se të fillonte bisedimet me homologun e tij kinez Xi Jiping. Macro, një nga zërat kryesorë në Bashkimin Evropian, mbërriti në Kinë në vizitën e tij të parë aziatike për të diskutuar një axhendë ambicioze me Xi Jiping. Sipas axhendës pritet nënshkrimi i 50 marrëveshje, disa prej tyre në sektorët strategjikë siç janë fuqia bërthamore dhe hapësira ajrore. Platforma kineze e tregtisë njoftoi planet për të shitur mallra francezë për 2 miliardë euro për konsumatorët kinezë në dy vitet e ardhshme, duke përfshirë verëra dhe konjak të cilësisë së lartë dhe për të shpenzuar 100 milionë euro në prodhimet industriale franceze.

Gjatë fjalimit, Macron i bëri apel Bashkimit Europian të marrë pjesë në projektin e madh të kërkuar nga homologu Xi, për një rruge të re mëndafshi, e ashtuquajtura “One Belt One Road”, e cila ofron investime për 1 miliardë dollarë në infrastrukturë për të rihapur kanalet tregtare tokësore dhe detare që bashkojnë dy skajet e Euroazisë. Megjithatë, Macron paralajmëroi se iniciativa nuk duhet të krijojë një “hegjemoni të re”. Macron dhe Xi patën një takim privat të hënën dhe do të kenë bisedime të mëtejshme. lideri francez, shpjegoi për gazetarët se ai kishte diskutuar gjatë me presidentin kinez për nismën e Rrugës së Mëndafshit.

Ndërkohë gjatë turneut të tyre të Qytetit e Ndaluar, Macro dhe bashkëshortja e tij u shoqëruan nga studentë të Shkollës Ndërkombëtare franceze dhe një historian francez. Presidenti i kërkoi historianit ti përkthente një tabelë ku shkruhej “Të qeverisësh nga qendra, me drejtësi”. Vizita e liderit të Elizes shënon gjithashtu vizitën e parë të një udhëheqësi europian në Kinë, pasi lideri kinez Xi përforcoi më shumë fuqinë e tij në Kongresin e Partisë Komuniste, që u mbajt në tetor të një viti më parë./abcnews.al

E8EDDDE6-183D-4B99-9583-DBDCC237C835_cx0_cy5_cw0_w1023_r1_s.jpg
us er09:45 | 08/01/2018

Presidenti francez, Emmanuel Macron, ka nisur vizitën e tij të parë në Kinë, me qëllim të fokusimit të bisedimeve në tregti, konfliktet botërore dhe ndryshimet klimatike.

Macron dhe gruaja e tij, Brigitte, kanë nisur vizitën e tyre fillimisht në qytetin verior, Xi’an, ndërsa më pas do të vazhdojnë në Pekin për një darkë private me presidentin kinez, Xi Jinping dhe gruan e tij, Peng Liyuan.

Para se të niste vizitën, Macron ka biseduar përmes telefonit me presidentin amerikan, Donald Trump, për të diskutuar krizën në Korenë Veriore dhe Iran, të cilat po ashtu pritet t’i diskutojë edhe me presidentin Xi.

Kina është aleatja kryesore e Koresë Veriore dhe shumë fuqi botërore janë duke e shtyrë Pekinin që t’i bëjë presion Phenianit, për të ndalur testimet e raketave balistike dhe programin e armëve bërthamore, të cilat janë të ndaluara me rezolutë të Kombeve të Bashkuara./Radio Evropa e Lirë

1024x1024.jpg
us er12:14 | 06/01/2018

Presidenti francez Emanuel Macrn u tregua shumë i qartë gjatë takimit me homologun turk Macron duke thënë se i duhej dhënë fund hipokrizive. Kjo për faktin se Turqia nuk mund të jetë pjesë e Bashkimit Europian.

Duhet ti jepet fund hipokrikzisë. ka qenë kjo kryefjala e bisedës mes presidentit francez Emanuel Macron dhe atij turk Erdoan në takimin e tyre në Paris. Macron kritikoi homologun e tij turk mbi liritë themelore duke i dhënë fund shporesës së Turqisë për anëtarësimin në Bashkimin Europian. Një qëndrim shumë i ngjashëm me atë të ish presidentit Nikola Sarkozi.

Mëngjesin e të premtes para ambasadës turke në Paris policia franceze bllokoi një protestë të reporterëve pa kufij që i kërkonin Bashkimit Europian që të regohej e pathyer me presidentin turknë vizitën e tij të parë në një vend europian pas përpjekjes së dështuar për grusht shteti.

Për p[residentin Macron kjo ëhstë koha për të dalë nga hipokrizia, pasi nuk është shënuar asnjë progres nga ana e Ankaras që mund ti garantojë vendit anëtarësimin në BE. Në këtë mënyrë kreu i Elizesë sugjeroi që marrëdhënia me Turqinë duhej të shihej në këndvështrimin e një bashkëpunimi dhe jo të procesit të integrimit. Pra një partneritet me qëllimin për ankorimin e Turqisë dhe popullit turk në Europë. Nga ana e tij presidenti turk u shpreh se ishte i lodhur duke lutur BE për një proces që ka nisur vite më parë.

Lideri turk ka likujduar më pas dhe kritikat për gazetarët e arrestuar në vend duke këmbëngulur se Turqia është një shtet i të drejtës dhe arrestimet varen nga gjykata dhe jo nga qeveria

Duke iu referuar terrorizmin dhe luftës ndaj Isis, Erdoan u shpreh se terrorizmi nuk lind vetë. por ka dhe kopshtarë të terrorizmit, njerëz të mendimit dhe ideve e që shkruajnë në gazeta. Erdogan u shpreh se janë 35 mijë martirët turq që kanë humbër jetën is pasojë e terrorizmit, një cmim që ai shpreson që Franca mos ta paguajë asnjëherë./abcnews.al

 

 

 

macron-20dec-1280x960.jpg
us er12:10 | 30/12/2017

Vijon të rritjet mbështetja për presidentin Emmanuel Macron në Francë Kreu i Elizesë gjatë muajit dhjetor ka marrë 6 për qind më shumë mbështetje nga francezët, sipas një sondazhi të fundit të “Harris Interactive”. Tashmë pjesa më e madhe e francezëve të intervistuar, 52 për qind e tyre, ka besim tek Emmanuel Macron si kreu i shtetit. Ndërsa 47 për qind e  tyre mendon të kundërtën. Presidenti francez në këtë mënyrë ka lënë prapa nivelin e popullaritetit të qeverisë i cilië shtë në 49 për qind, për herë të parë që nga zgjedhja e tij./abcnews.al

 

20170323_macron.jpg
us er14:23 | 22/12/2017

Presidenti francez Emanuel Macron deklaroi se nuk do të bënte të njëjtin gabim si homologu i tij amerikan Trump për sa i përket Jeruzalemit. Në një konferencë të përbashkët për shtyp me presidentin e autoritetit palestinez Mahmud Abas, kreu i shtetit francez theksoi se nuk do e njihte Jeruzalemin Lindor si kryeqytet të Palestinës. Sipas tij vendimi i Uashingtonit është i njëanshëm dhe në dëm të Palestinës, ndaj ai përjashtoi se politika franceze nuk do të bënte njësoj si SHBA duke njohur Palestinën në mënyrë të njëanshme. Macron tha se Franca do ta njohë shtetin e Palestinës “në kohën e duhur” dhe jo nën presion./abcnews.al

vlcsnap-error832-1-1280x720.jpg
us er13:05 | 18/12/2017

Presidenti Frances Emanuel Makron është shprehur se fushata ushtarake kundrejt Shtetit Islamik do të përfundojë brenda muajit shkurt 2018. Ai  nënvizoi se Franca do bëjë përpjekje për të ulur në tyrezen e negociatave të paqes të gjithë aktorët pjesëmarrës në luftën 6-vjecare në Siri.

Presidenti Francez, Emanuel Makro, është shprehur se fushata ushtarake për mposhtjen e shtetit islamik në Siri duhet të përfundojë brenda muajt shkurt. Ai shtoi më tej se Parisi do të bëjë përpjekje për t’i përfshirë në negociata për paqe të gjithë aktorët që kanë qënë pjesë e këtij koflikti, përfshirë Presidentin e Sirisë, Bashar al-Asad.

Gjatë një interviste televizive, Makro deklaroi se “më 9 dhjetor, kryeministri Irakian, Haidar al-Abadi, shpalli fundin e luftës dhe fitoren kundër Shtetit Islamik. Prandaj  ne muajin shkurt do ta fitojmë luftën në Siri”- deklaroi Makro.

Ai  sqaroji se do të bënte përpjekje personale për t’i përfshirë të gjithë aktorët që kanë qenë pjesë e luftës gjashtëvjecare, në negociatat e paqes. Makro nënvizoi se Presidenti Bashar-al-Assad nuk mund të shmanget nga negociatat, mëgjithëse një ditë do përballet me ligjin për veprat e tij.

Pavarësisht mbështetjes së opozitës Siriane, Franca është treguar më pragmatiste ndaj konfiktit Sirian me ardhjen në pushtet të Makro, duke u thënë se largimi i Al-Asad nuk është kusht për bisedimet.

Qeveria e Asadit është mbështetur fuqishëm nga Rusia dhe Irani, ndërsa Shtetet e Bashkuara dhe Franca kanë mbështetur gjithmonë forcat antiqeveritare Siriane./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono