Lushnje

fotoo2.jpg
So Nila12:57 | 20/01/2020

Tre persona u plagosën brenda pak orësh në Lushnje dhe Durrës si pasojë e shpërthimeve nga bombolat e gazit në banesë dhe biznes.

Fillimisht u raportua se në Lushnjë,  si pasojë e shpërthimit të një bombole në një një biznes, janë plagosur dy pronarët. Ngjarja ka ndoodhur mesditën e kësaj të hëne në fshatin Dushk të Lushnjes. Mësohet se një nga të plagosurit është shtetasi  Iljaz kurti 74 vjeç, ndërsa deri më tani nuk ka informacion në lidhje me gjendjen shëndetsore të të plagosurve.

Një tjetër bombol gazi ka shpërthyer këtë të hënë duke plagosur një tjetër e moshuar. Informacionet bëjnë me dije se ngjarja ka ndodhur në lagjen nr.14, Durrës, në një banesë ka shpërthyer një bombol gazi dhe për pasojë është dëmtuar shtetasja S.S, 83 vjeçe.

Njoftimi i policisë:

Më datë 20.01.2020, rreth orës 12:20, në lagjen nr.14, Durrës, në një banesë ka shpërthyer një bombol gazi dhe për pasojë është dëmtuar shtetasja S.S, 83 vjeçe, e cila është dërguar në spital për ndihmë mjeksore.

Grupi hetimor vijon punën për sqarimin e mëtejshëm të rrethanave të ngjarjes./abcnews.al

 

lushnje.jpg
Autor E12:23 | 15/01/2020

Krimet e shumta të kohëve të fundit në Lushnje kanë shkaktuar furtunë në komisariatin e këtij qyteti.

Abcnews.al mëson se është shkarkuar shefi i komisariatit të Policisë, Elton Pepa dhe në vend të tij ka ardhur Ardian metani.

Për të forcuar strukturën e këtij komisariati është emëruar shef krimesh Klodian Jashari si edhe shef rendi Julian Çela.

Vrasjet

Gjatë vitit të fundit në Lushnje kanë ndodhur një mori vrasjesh mafioze duke rikthyer frikën e ngjarjeve të vitit 1997 në qytet.

Në tetor të vitit të shkuar u ekzekutua në lokalin e tij Besmir Hida, 35 vjeç. Hida ishte daja i Zamir Latifit të vrarë në tetor të vitit 2017 bashkë me Jurgen Hoxhën.

Po ashtu, në 14 dhjetor u ekzekutua sërish në lokalin e tij Enver Boriçi, vëllai i Arben Boriçit i dënuar me burgim të përjetshëm si pjestar i bandës së Lushnjes. Enver Boriçi gjithashtu ka qenë pjesë e bandës së Lushnjes.

Zamir Latifi dhe Jurgen Hoxha, te vrare ne vitin 2017

Për të dyja këto vrasje nuk ka asnjë të arrestuar apo shpallur në kërkim, gjë e cila duket se ka çuar në marrjen e masave për komisariatin e Lushnjes. /abcnews.al

aksidenti-lushnje-vlore.jpg
nev ila19:32 | 09/01/2020

Aksidentet rrugore vijojnë të përgjakin rrugët në vend. Një i vdekur e tre të plagosur është bilanci i tre aksidenteve të ndodhura në vend. Aksidenti më i rëndë ndodhi në Lushnje ku humbi jetën një 52 vjeçar që udhëtonte me motor. Të plagosurit në Lushnje dhe Vlorë janë jashtë rrezikur për jetën.

Një person humbi jetën, ndërsa tre tjetër mbetën të plagosur në tre aksidentet të ndodhura në Lushnje dhe Vlorë.

Shpëtim Bajaziti nga fshati Ardenicë e Lushnjës humbi jetën mesditën e së enjtes teksa udhëtonte me motoçikletë. Policia e Lushnjes bën me dije se kur viktima ka marrë kthesën, kamaleci i motorrit ka prekur asfaltin, çka ka sjellë rrëzimin nga mjeti. Fatkeqësisht në momentin e aksidentit Bajaziti nuk mbante në kokë kaskën mbrojtëse. Për shkak të plagëve të marra 52- vjeçari ndërroi jetë rrugës për në spital.

Në orët e pasdites një tjetër aksident me dy të plagosur u regjistrua sërish në Lushnje. Të plagosur mbetën një çift bashkëshortësh të cilët udhëtonin me një motorr të improvizuar për grumbullimin e hekurave dhe kanaçeve.

Uniformat blu bëjnë me dije se çarçafi me të cilën ishte mbuluar motorri kapi  rrotën e pasme të mjetit, duke sjellë rrëzimin e tij.

Ndërsa në Babicë të Vlorës një automjet tip fuoristrade doli  nga rruga.

Për pasojë është dëmtuar një person i moshuar, i cili ishte pasagjer në makinën e përfshirë në aksident. Për shkak të plagëve të marra ai u dërgua në spitalin e Vlorës dhe ndodhet nën kujdesin e mjekëve./abcnews.al

 

aksidenttt.png
R D15:43 | 09/01/2020

Një person humbi jetën, ndërsa tre të tjerë mbetën të plagosur në tre aksidente të ndryshme të ndodhura sot pasdite në Lushnje dhe Vlorë.

Shpetim Bajaziti nga fshati Ardenice e Lushnjes humbi jetën mesditën e kësaj të enjteje teksa udhëtonte me motoçikletë.

Sipas policisë 52 vjecari ka rëshqitur duke u përplasur në tokë. Në momentin e aksidentit Shpetim Bajaziti nuk mbante në kokë kaskën mbrojtëse. Për shkak të plagëve të shumta në kokë. 52 vjecari ndërroi jetë rrugës për në spital.

Ndërkohë policia e Lushnjes bën me dije se shkak i aksidentit ka qenë shpejtësia me të cilën udhëtonte viktima.

Aksidenti ndodhi përgjatë rrugës së vjetër të Kolonjës, çka solli edhe bllokimin e saj për disa minuta.

Ndërkohë në orët e pasdites një tjetër aksident me dy të plagosur u regjistrua sërish në Lushnje. Të plagosur mbetën një çift bashkëshortësh të cilët udhëtonin me nje motorr të improvizuar per grumbullimin e hekurave dhe kanaceve. Mesohet se motorri ka ka dalë jashtë rrugë, çka ka sjellë plagosjen e dy bashkëshorëteve.

Ndërsa në Babicë të Vlorës një automjet tip fuoristrade doli nga rruga. Për pasojë është dëmtuar një person i moshuar, i cili ishte pasagjer në makinë. Për shkak të plagëve të marra ai u dërgua në spitalin e Vlorës dhe ndodhet nën kujdesin e mjekëve./abcnews.al

artan-hoxha-4-1280x546.jpg
nev ila17:21 | 06/01/2020

Gazetari Artan Hoxha, ka folur në studion e ABC News me Endri Xhafon, edhe në lidhje me atentatin që iu bë rreth një javë më parë, Kryetarit të Bashkisë Lushnje, Fatos Tushe. Nga kjo ngjarje, mbeti e plagosur edhe sekretarja e tij. Si autor rezultoi se ishte ish-shoferi i kryebashkiakut, i cili është ende në arrati.

Për këtë ngjarje Hoxha tha se situata për kapjen e autorit nuk u menaxhua mirë, sipas tij kjo ishte një ngjarje tepër e thjeshtë për tu zbardhur, dhe për tu kapur autori, por se policia nuk kishte mundur dot as të ngrinte helikopterin për krehjen e zonës, dhe gjetjen e autorit, që sipas gazetarit ndodhet ende në Shqipëri.

Ka një shprehje në malësi që thonë se trim është ai që rrudh trurin jo ai që rrudh gishtin. Duhet një ndërhyrje që ngjarja të mos eskalojë, që të ketë hakmarrje apo një zinxhir vrasjesh të tjera. Ndërsa për sa i përket ngjarjeve të Lushnjes, për fat të keq, ne jemi një javë më vonë pasi ka ndodhur, është një ngjarje me kamera sigurie, që domethënë e kanë si film, është një ngjarje e zbardhur për prokurorin. E provuar si ngjarje, dihet se kush është, dhe të mos e kapësh dot ,lë shumë për të dëshiruar. Në Lushnje dihet kush vret, dhe nuk kapin dot vrasësit, mos të kapësh edhe këtë të kryetarit të bashkisë dhe të mos reagosh….Kush e ka penguar atë ditë policinë e shtetit të ngrinte në ajër helikopterin. Për çfarë e kemi helikopterin? Nga keq organizimi, apo keq menaxhimi i situatës?. Nuk dua të spekuloj sepse është ende herët, kryetari i bashkisë është rikthyer përsëri në zyrë. Dyshimet janë shumë të forta që kemi të bëjmë me një motiv të cilin nuk e thotë as kryetari i bashkisë, sepse pret ta thotë drejtësia, ndërkohë që drejtësia nuk ka kapur shoferin e tij. Kemi  një kryetar bashkie të mazhorancës të nëpërkëmbur e të tronditur, kemi një autor të pakapur vërdallë nëpër Shqipëri. Uroj që herët e tjera të vijmë me diçka më pozitive, dhe jo më me polici që nuk i kap dot autorët, me prokurori që sdi asgjë dhe pushon dosjet, dhe me opozitë dhe pozitë që fajësojnë njëri-tjetrin, dhe me kryeministër që thotë “kokat hënkshin”, këtu po vriten njerëz të pafajshëm nuk është kaq e thjeshtë. Pra prognoza e këtij fillim viti nuk është e mirë”, tha Hoxha.  /abcnews.al

ccc-1.jpg
in a16:10 | 31/12/2019

Atentati në drejtim të kreut të Bashkisë së Lushnjes ishte i mirëmenduar.

Në fillim u raportua si një atentat me armë zjarri por, sipas policisë, në vendngjarje u sekuestruan vetëm mbetje të një granate sulmuese.

Autori i dyshuar Gëzim Saraçi iu drejtua ambienteve të brendshme të bashkisë në orën 08:15 minuta të mëngjesit të së martës. Vetëm pak çaste më herët, kishte mbërritur në zyrë, kreu i Bashkisë Fatos Tushe. Personi i vetëm që ka parë gjithçka ishte sekretarja, Erisa Qalliu që ndodhet nën kujdesin e mjekëve në spitalin e Traumës në Tiranë.

Policia ka kryer kontrollet në dy banesat e Saraçit, por pa rezlultat.

Pista kryesore që po heton grupi hetimor, është ajo e borxheve të pashlyera. Dyshohet se, Gëzim Saraçi ka qenë një nga personat më të ngushtë të kreut të Bashkisë së Lushnjes. Edhe në të kaluarën ndërmjet Saraçit dhe Tushes ka pasur konflikte, por ky i fundit nuk ka bërë denoncim në polici. Burime konfidenciale konfirmojnë se, Saraçi ka qenë një njeri problematik me ligjin në shtetin Italian i hetuar si pjesëtar i një bande kriminale. Vetë kreu i Bashkisë së Lushnjes, ka pohuar për grupin hetimor, njohjen që ka pasur me Saraçin duke shtuar se është implusiv por, nuk e mendonte që ish-punonjësi i tij të arrinte deri në këtë pikë. Pak ditë nga atentati i fundvitit, personi i shpallur në kërkim, ngulmonte të rikthehej si punonjës administrate në Bashkinë e Lushnjes por ka marrë përgjigje negative nga kreu i institucionit.

Për të zbardhur ngjarjen janë sekuestruar pamjet e kamerave të sigurisë si brenda bashkisë ashtu edhe jashtë saj. Ndërkohë u morën në pyetje e më pas u lanë të lirë edhe 10 punonjës të sigurisë së bashkisë si edhe personeli që ishte në turn./abcnews.al

fatostush-1280x720.jpg
Autor E11:52 | 31/12/2019

Fatos Tushe dhe Gëzim Saraçi, personi që tentoi ta vriste në zyrë, kanë qenë miq të ngushtë më parë aq sa kryebashkiaku i Lushnjes e kishte punësuar si shofer personal.

Gazetari Andi Qosja raporton për abcnews.al nga Lushnja se miqësia e tyre ishte prishur, ndërsa ai Saraçi ishte larguar nga detyra disa vite më parë për t’u punësuar sërish. Por, Saraci është larguar sërish nga puna, gjë e cila dyshohet se ka shkaktuar edhe konfliktin mes tyre.

“Lidhja mes tyre ka qenë e hershme. Saraçi ka marrë pjesë në fushatën e parë dhe të dytë të Tushes për në bashki. Pas heqjes nga puna disa vite më parë ai e ka kërcënuar disa herë Tushen brenda ambienteve të bashkisë. Sëfundmi ata kanë patur një sherr pak ditë më parë”, raporton gazetari.

Siç mëson abcnews.al, grupi hetimor ka edhe një tjetër pistë për shkakun që çoi Saraçin t’i hedhë granatë Tushes në zyrë. Ata dyshojnë edhe për një konflikt për shkak borxhi mes dy ish-miqve, gjë e cila pritet të konfirmohet nga verifikimet e mëtejshme.

Ndërkohë, mësohet se Saraçi ka qenë i dënuar në Itali dhe e ka kryer dënimin pjesërisht duke u rikthyer në shtëpi.

Dyshohet se ai është i përfshirë në një grup kriminal në shtetin fqinj. /abcnews.al

fatos-tushe-trauma.jpg
nev ila11:24 | 31/12/2019

Sapo ka mbërritur tek spitali i traumës edhe kryebashkiuaku i Lushnjes Fatos Tushe. Nga deklarata e ministres së shëndetësisë është mësuar se Kryebashkiaku Fatos Tushe dhe sekretarja kanë ardhur për mjekim më të specializuar dhe ndodhen jashtë rrezikut për jetë.

Mëngjesin e sotëm u plagos nga një shperthim Kryetari i Bashkise Lushnje dhe sekretarja e tij.

Nga të dhënat më të fundit mësohet se Fatos Tushe ka marrë dëmtime serioze në shpatull dhe në këmbë. Panore Veliu Drejtoresha e Spitalit të Lushnjes, nuk ka pranuar fillimisht dhe ka qenë e rezervuar për sa i përket informacionit lidhur me shëndetin e kryebashkiakut të Lushnjes dhe Sekretares së tij.

Ajo që deklaroi Drejtoresha e Spitalit është se drejt Tiranës, janë nisur të dy të plagosurit, kryebashkiaku Fatos Tushe dhe sekretarja Erisa Salliu.

Ndërkohë edhe Ministrja e Shëndetësisë Ogerta Manastirliu tha për abcneës.al se dy të plagosurit, Kryebashkiaku Fatos Tushe dhe Sekretarja e institucionit, ndodhen në spitalin e Traumës në tiranë jashtë rrezikut për jetën.

Në Lushnje tashmë ka mbërritur edhe Drejtori i Përgjithshëm i Policisë dhe Drejtori i policisë kriminale Tonin Vocaj.

Nga të dhënat paraprake dyshohet për shpërthim brenda zyrës në bashkinë e Lushnjes, raporton abcneës.al. Pas shpërthimit në bashki janë dëgjuar edhe krisma armësh.

Abcnews.al mëson se ngjarja e rëndë ka ndodhur sot në mëngjes në orën 08:00 në momentin që Tushe ka hyrë në zyrë. Mësohet se nga shpërthimi është plagosur edhe sekretarja e kryetarit, Erisa Qalliu./abcnews.al

spitali-i-traumes-sekretarja.jpg
nev ila11:04 | 31/12/2019

Sapo ka mbërritur tek spitali i traumës sekretarja e institucionit. Nga deklarata e ministres së shëndetësisë është mësuar se Kryebashkiaku Fatos Tushe dhe sekretarja kanë ardhur për mjekim më të specializuar dhe ndodhen jashtë rrezikut për jetë.

Mëngjesin e sotëm u plagos nga një shperthim Kryetari i Bashkise Lushnje dhe sekretarja e tij.

Nga të dhënat më të fundit mësohet se Fatos Tushe ka marrë dëmtime serioze në shpatull dhe në këmbë. Panore Veliu Drejtoresha e Spitalit të Lushnjes, nuk ka pranuar fillimisht dhe ka qenë e rezervuar për sa i përket informacionit lidhur me shëndetin e kryebashkiakut të Lushnjes dhe Sekretares së tij.

Ajo që deklaroi Drejtoresha e Spitalit është se drejt Tiranës, janë nisur të dy të plagosurit, kryebashkiaku Fatos Tushe dhe sekretarja Erisa Salliu.

Ndërkohë edhe Ministrja e Shëndetësisë Ogerta Manastirliu tha për abcneës.al se dy të plagosurit, Kryebashkiaku Fatos Tushe dhe Sekretarja e institucionit, ndodhen në spitalin e Traumës në tiranë jashtë rrezikut për jetën.

Në Lushnje tashmë ka mbërritur edhe Drejtori i Përgjithshëm i Policisë dhe Drejtori i policisë kriminale Tonin Vocaj.

Nga të dhënat paraprake dyshohet për shpërthim brenda zyrës në bashkinë e Lushnjes, raporton abcneës.al. Pas shpërthimit në bashki janë dëgjuar edhe krisma armësh.

Abcneës.al mëson se ngjarja e rëndë ka ndodhur sot në mëngjes në orën 08:00 në momentin që Tushe ka hyrë në zyrë. Mësohet se nga shpërthimi është plagosur edhe sekretarja e kryetarit, Erisa Qalliu.

fatostush-1280x720.jpg
nev ila10:05 | 31/12/2019

Ditën e sotme një ngjarje  e rëndë është shënuar në qytetin e Lushnjes.

Një shpërthim i fuqishëm ka ndodhur në zyrën e kryetarit të Bashkisë. Për pasojë ka mbetur i plagosur Kryetari Fatos Tushe sëbashku me sekretaren e tij.

Po kush është autori i kësaj ngjarje?

Nga të dhënat paraprake abcnews.al ka mësuar se bëhet fjalë për  Gëzim Saraçi, i cili ka patur detyrën e shoferit të kryetarit.

Lexo edhe: Bombë dhe krisma në zyrë, plagoset kryebashkiaku i Lushnjes Fatos Tushe

Të dy të plagosurit janë dërguar urgjent në spital ku ndodhen në gjendje të stabilizuar aktualisht.

Qendroni me ne, abcnews.al do të ndjekë nga afër me gazetarë nga terreni këtë ngjarja të rëndë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono