lumi kir

LUMI-KIR-MBYTJET-1280x720.jpg
ent ela14:21 | 18/11/2018

Dy kilometra të shtratit të lumit Kir në Shkodër janë kthyer në territor për depozitim të mbetjeve dhe të inerteve që vijnë nga qyteti. Për këtë situatë nuk reagon askush, kurse banorët e fshatit Kuç janë të rrezikuar si në kohë thatësirë edhe kur të nisin reshjet, kohe kur Kiri t’u vërshojë brenda banesave.

Këtu nuk ka asnjë shenë për lumin Kir në Shkodër. Shtrati i tij në afërsi të fshatit Kuç është kthyer në venddepozitim inertesh e mbetjesh.

Kamera e ABC News ka fiksuar pirgjet në gjithë hapësirën e Kirit. Nga qyteti kamionet shkarkohen në ketë territor që është larg vemendjes së një publiku më të madh përveç banorëve të fshatit.

Në kohë thatësirash Kirin e kanë shfrytëzuar në vazhdimësi për depozitim mbetjesh. Por banorët tregojnë se kurrë më parë nuk ka ndodhur në të tilla përmasa.

“Hidhen vit për vit, po këtë vit më shumë se asnjëherë, domethënë katastrofë”.

Fshatarët janë të shqetësuar se shumë shpejt fillojnë reshjet dhe për shkak të këtyre inerteve Kiri i rrembyeshëm vershon në brenda në shtepitë e tyre. Ata kanë kërkuar ndihme te instancat shtetërore të cilat nuk i kanë marrë në konsideratë. Kurse tek autorët që kryejne këto akte as guxojnë.  Madje edhe janë kërcënuar.

“I kam gjet një ditë duke shkarkuar dhe për Zotin shpëtova kot prej tij”.

“I kena shty me buldozer, kanë hedh prapë, ky popull kështu është mësu, kështu do vazhdojë”.

Lumi Kir në Shkodër është nga më të rrembyeshmit. Por devijimi i rrjedhes së tij për shkak të ndotjes së shtratit pasohet me dëme të mëdha. Megjithatë nga koha kur ai nisi të trajtohej si mundësi për shkelësit askush nuk ka ndërhyrë, kurse vendasit rrezikohen në çdo kohë. /abcnews.al

Gazetar i ABC News, Shkoder: Simon Shkreli

lumi-kir.jpg
G. P.13:43 | 24/07/2018

Një nga vendet që po frekuentohet shumë gjatë verës sidomos nga qytetarët e Shkodrës është lumi Kir. Pushuesit e vlerësojnë lumin për ujin dhe zonën për natyrën dhe ajrin e pastër.

Vetëm 15 kilometra larg qytetit të Shkodrës përgjatë rrugës që lidh këtë qytet me Alpet shqiptare rrjedh lumi Kir. Një perlë e natyrës, e cila gjatë verës kthehet në një destiancion turistik. Më shumë frekuentohet nga vendasit.

Banorët kanë krijuar plazhet, të cilat ngjajnë me oaze. Pushuesit janë kryesisht ditorë.

“Është mali, dhe uji është shumë i mirë”.

“Bukur është”.

Nuk ka luks. Dëshira për të eksploruar këtë lum nga aventurierët nuk mungon.

“Është një vend i bukur, ku dalin foto bukur”.

“Ka pamje fantastike”.

“Më pëlqen uji”.

Disa prej tyre provojnë fatin edhe për ndonjë troftë të egër. Restorantet e zonës janë të thjeshtë dhe ofrojnë çmime të përballueshme për plazhistët. Pushuesit këtu vlerësojnë ajrin e pastër, ujin dhe natyrën e virgjër./abcnews.al

lumi-kir.jpg
G. P.14:21 | 03/05/2018

Një efektiv i policisë së Shkodrës është gjetur i pajetë në ujërat e lumit Kir. Trupi i 52-vjeçarit Dedë Shkalla është pare fillimisht nga banorë të zones dhe dyshohet se është vetëmbytur.

Ndërkohë që po merren në pyetje familjarë, të afërm të viktimës si dhe kolegët e punës. Shkak sipas tyre, dyshohet të jetë bërë gjendja e rënduar ekonomike e 52-vjeçarit.

Mësohet se Dedë Shkalla kishte vite që punonte në sallën operative të Drejtorisë Vendore të Policisë së Shkodrës. Ai ishte i martuar dhe kishte 7 fëmijë./abcnews.al

lumi-kir-1280x670.jpg
G. P.14:14 | 22/03/2018

Një 62-vjeçar rrezikoi jetën e tij për t’u shpëtuar jetën dy fëmijëve që kishin mbetur mes ujit të lumit Kir për disa orë. Burri, bashkë me të vegjlit, ndodhet në spitalin e Shkodrës nën kujdesin e mjekëve.

Ishte njeriu i parë që vrapoi dhe u fut me not në lumin Kir për të shpëtuar dy fëmijët e bllokuar poshtë Urës së Bardhajve prej orës 15:00 të ditës së mërkurë.

Fran Vatgjoka, ndodhet në spitalin e Shkodrës, bashkë me dy fëmijët, pasi policia i nxori nga lumi.

Fran Vatgjoka: “Unë isha në shtëpi, më njoftuan në telefon ca njerëz të mi të afërm dhe thanë na kanë mbetur fëmijët në ujë. Arrita të shkoj. U futa me not për të shkuar tek fëmijët. Ishin bllokuar në ujë. Fëmijët kanë mbetur në ujë prej orës 3, unë kam qëndruar dy orë. Ishte rrezik i madh”.

62-vjeçari tregon se fëmijët kanë qenë duke luajtuar mes tyre pa kuptuar se si rrezikohet jeta.

Fran Vatgjoka: “Ikin, se kanë problem, kanë qenë dy fëmijë të rinj.U munduam për mirë, na ndihmuan edhe forcat e rendit. Tani jemi mirë, nuk kemi ndonjë problem. Falenderojmë dhe stafin mjekësor”.

Në lumin Kir nuk ka rrugë kalimi. Ai përdoret për kalim vetëm në verë, kur nuk ka ujë për të shkuar më shpejt në qytetin e shkodrës. Dy të miturit dhe Vatgjoka u shpëtuan pas operacionit të Forcave Speciale të policisë së Shkodrës./abcnews.al

vlcsnap-error021-1-1280x720.jpg
ent ela13:04 | 13/01/2018

Një fëmijë ka humbur jetën tragjikisht në Shkodër. Mësohet se ngjarja ka ndodhur gjatë drekës në kohën që 5 vjeçari ishte duke luajtur pranë lumit Kir.

I mituri është nxjerrë nga familjarët e tij nga lumi dhe është transportuar në spitalin e Shkodrës. Por nuk ka patur mundësi shpëtimi për 5 vjeçarin i cili ka mbërritur pa shenja jete në spital./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono