lumenj

blendi-klosi-12.jpg
gra moz16:06 | 26/04/2018

Në mbyllje të aksionit të pastrimit në zonat bregdetare dhe brigjet e lumenjve, ministri i Mjedisit dhe Turizmit deklaroi se ky është starti i një Shqipërie të pandotuar. Ministri Klosi paralajmëroi masa të ashpra për këdo që ndot mjedisin.

Nga godina e kryeministrisë, ministri i Mjedisit dhe Turizmit, Blendi Klosi, paralajmëroi  ndëshkime të ashpra ndaj kujtdo që ndot mjedisin.

“Ta kenë të qartë të gjithë; individë apo biznese qofshin, që hedhin mbetjet edhe  industriale apo mbetjet spitalore dhe cdo lloj mbetje tjetër në lumenj se kjo do të jetë goditja më e madhe që do të ndodhë nga ligji. Pas datës 22 prill të gjitha institucionet ligjzbatuese janë të urdhëruara të dënojnë me masa shumë të forta ligjore, këdo që hedh mbeturinat përsëri në lumenjtë e vendit. Ta kenë po ashtu të qartë të gjitha sipërmarrjet që lejen mjedisore e kanë mbajtur si letrën që nxjerrin nga sirtari, vetëm kur ju vjen inspektori në derë”. 

Paralajmërimi vjen pas një aksioni, ku mbi 20 mijë persona e 905 mjete u angazhuan për të pastruar rreth 155 segmente lumore, grykëderdhje dhe zona bregdetare.

“Statistikat e mësipërme, nuk e bëjnë Shqipërinë më të pastër, por janë starti i një Shqipërie të pandotur dhe shpresa e madhe e fillimit të epokës sonë të ndarjes nga pisllëku, të epokës së ndarjes nga ndotja, të epokës  sonë europiane. Do të duhet shumë që Inspektoriati i Mjedisit dhe Policia e Shtetit, të jenë në terren jo  vetëm për të kontrolluar zbatimin e lejes mjedisore, zbatimin e ligjit, por pa toleruar dhe pa mbyllur sytë karshi cdo ndotësi të këtij realiteti.”

Ministri i Mjedisit dhe Turizimit deklaroi se bashkë me prefektet është hartuar një plan masash për çdo venddepozitim mbetjesh, ndërsa përsëriti thirrjen drejtuar bizneseve për të mos derdhur ujërat e ndotura në det apo lumenj pasi do të mbyllet./abcnews.al

 

blendi-klosi-sistem-1280x660.jpg
gra moz22:15 | 27/03/2018

Ministri për Mjedisin dhe Turizmin, Blendi Klosi, në një takim të organizuar me ekspertë të huaj dhe shqiptarë sa i përket trajtimit të ujit deklaroi se subjektet, të cilat nuk përdorin një sistem të tillë deri në datën 1 Qershor do u revokohet leja mjedisore.

Të gjithë subjektet që nuk vendosin një sistem për trajtimin e ujërave të ndotura deri në datën 1 Qershor do u revokohet leja mjedisore. Alarmin e dha ministri i Turizmit, Blendi Klosi, në një takim organizuar me ekspertë të huaj dhe shqiptarë, të cilët prezantuan modele europiane.

Blendi Klosi, ministër i Turizmit dhe Mjedisi: “T’u ribëj edhe një herë thirrje të gjithë subjekteve që në rastin konkret, për të cilin po diskutojmë kemi trajtimin e ujërave të zeza, janë në kohë që të fillojnë të studiojnë, të gjejnë një zgjidhje të tyre brenda kushteve të cilat ata zhvillojnë aktivitetin, brenda mundësive financiare dhe kapaciteteve të tyre të zhvillimit, por në asnjë rast nuk do të lejohen që të derdhin më ujërat e zeza në lumenj apo në ujërat e zeza në det”.

Problemi vjen nga burimi. Vetëdeklarimi i 800 subjekteve që shfrytëzojnë ujin e lumenjve është në masën 100% të trajtimit të ujit. E pamundur kjo krahasuar me realitetin dhe për këtë po bëhet një studim i plotë, tha Blendi Klosi./abcnews.al

Capture-5-1280x654.jpg
ent ela13:00 | 08/03/2018

Instituti i Gjeoshkencës Ujërave dhe Mjedisit, sipas përllogaritjeve të bëra, paralajmëron se prurjet në lumenjtë Drin, Buna dhe Liqenin e Shkodrës pritet të rriten. Kjo për shkak të kombinimit të shkrirjes së dëborës si pasojë e rritjes së temperaturave dhe reshjeve të rëna në pjesët malore të basenit. Rritja e niveleve në pjesën e Ultësirës së Shkodrës do të varet edhe nga shkarkimet e kaskadës në Lumin Drin.

Nga llogaritjet hidrologjike të ketij Instituti, në pjesën e Lumit Buna dhe Liqenit të Shkodrës, do të vazhdojë zgjerimi i hartës së përmbytjeve. Prurjet më të larta janë llogaritur të arrihen gjate dites se sotme. Për arsye të rritjes së rrezikut nga përmbytja është vendosur shenja e paralajmërimit nga përmbytja për qarkun e Shkodrës . Kurse  në pjesën tjetër të territorit nuk parashikohet rrezik nga përmbytjet.

Sot pasdite në shumicën e qarqeve pritet të ketë reshje, në përgjithësi, të dobëta. Vetëm në zona të kufizuara mund të ketë reshje intensive me kohëzgjatje të shkurtër, kryesisht në qarqet Tiranë dhe Elbasan. Ndersa nesër nuk priten reshje./abcnews.al

lumenjte-1-1280x628.jpg
gra moz13:26 | 04/03/2018

Nëse prurjet në verilindje do të shtohen, shumë shpejt liqeni i Fierzës do të kapë nivelin maksimal, çka do të thotë se në Fier duhen hapur portat. Aktualisht, lumenjtë në këtë zonë ndodhen në nivelin maksimal.

Bora po shkrin dhe vendin e saj po e zënë shirat.

Lumenjtë, përrenjtë dhe prurjet e tjera anësore janë rritur shumë.

Liqeni i Fierzës po shkon drejt kuotës maksimale. Këtë të dielë ai niveli shkoi në 293.4 metra. Kjo do të thotë se edhe dy metra arrin në 296 metra mbi nivelin e detit, ose kuotën elejuar për shfrytëzim.

Prurjet kalojnë 2700 metërkub në sekondë, dhe Fierza punon me kapacitet të plotë në katër turbinat, nga të cilat shkarkohen mbi 400 metërkub në sekondë.

Për momentin, situata është nën kontroll dhe po monitorohet, por nëse prurjet vijojnë të rriten akoma nga reshjet që kanë përfshirë verilindjen, kuota maksimale do të arrihet shumë shpejt dhe KESH do të jetë e detyruar të menaxhojë kaskadën e Drinit me shkarkime të kontrolluara./abcnews.al

ent ela14:12 | 13/02/2018

Rritje prurjesh në basenet e lumenjve parashikon Instituti i Gjeoshkenave, Energjisë, Ujit dhe Mjedisit i cili thekson nivelin e lartë në basenin e lumit Vjosa. Reshjet e shiut dhe shtrëngata pritet të mbizotërojnë deri mesditën e të mërkurës.

Reshjet e shiut pritet të jenë të pranishme në vend deri mesditën e së mërkurës. Instituti I Gjeoshkencave Energjisë Ujit dhe Mjedisit parashikon intensitet të lartë të tyre shoqëruar me shtrëngata në pjesën më të madhe të qarqeve. Spikat Vlora përkrah të cilës theksohet shumë intensive. Reshje bore priten deri në 400 metra mbi nivelin e detit në disa zona të kufizuara edhe më poshtë se ky nivel. Pas llogaritjeve hidrologjike Instituti i Gjeoshkencave Energjisë Ujit dhe Mjedisit parashikon rritje të prurjeve dhe nivelit në basenin e lumit Vjosa. Nga drejtimi i Lumenjve Drino dhe Shushica prurjet më të larta do të jenë përgjatë se martes  ndërsa në pjesën e poshtme fushore të Lumit Vjosa, nivel më i lartë  do të vërehet gjatë të mërkurës. Dy ditët në vijim rritje të prurjeve do të ketë edhe në lumenjtë Drin, Buna dhe liqeni i Shkodrës. Ndërsa termometri parashikohet të qëndrojë në vlerat 6 dhe 11 gradë në bregdet, 4 dhe 9 gradë në vendet e ulëta dhe -1 e 5 gradë në ato malore./abcnews.al

 

 

vlcsnap-error704-1280x720.jpg
us er08:50 | 01/12/2017

Në një lidhje telefonike për ABC News Drejtori i Emergjencave Civile paralajmëroi se për shkak të reshjeve intensive në territorit pritet të dalin nga shtrati disa lumen. Vjosë, Seman e Shkumbin. Ai bëri thirrje që të evakuohen banorët në zonat e rrezikut.

“Pritet që për shkak të reshjeve intensiven territorin e Greqisë pritet që brenda 9-12 orë të dalin nga shtrati  lumenjtë, Vjosë dhe Seman. I bëj thirrje të gjithë kryetarëve të bashkisë dhe prefektëve të jenë në gatishmëri dhe të trokasin në çdo derë”- paralajmëroi Premci.

Ministria e Brendshme nëpërmjet një komunikatë për mediat ju bën thirrje qytetarëve të evitojnë lëvizjet e panevojshme të këmbësorëve dhe qarkullimin e mjeteve në akset rrugore që paraqesin rrezik nga përmbytjet.

Gjithashtu dhe paralajmëroi për akset e bllokuara për shkak të vërshimit të ujërave.

Si pasojë e intensitetit të lartë reshjeve të shiut, aksi rrugor Kardhiq-Gjirokastër kalohet me vështirësi pasi ka dalë uji në rrugë tek pika e Viroit.

Aksi Fushë Krujë-Laç, kalohet me vështirësi pasi përballë lokal Arbëria në Fushë-Krujë ka dalë uji në rrugë.

Autostrada ne drejtimin Tiranë-Durrës është e kalueshme, ndërsa nga Durrësi drejt Tiranes është ende e bllokuar dhe po punohet për hapjen e saj.

Nga Durrësi për të ardhur në Tiranë drejtuesit e mjeteve të qarkullojnë në aksin Durrës-Vorë-Rinas-Laknas-Kamëz./abcnews.al

31184d609002398d14da1075a2ae977e.jpg
us er09:47 | 13/11/2017

Policia italiane ka shkatërruar një bandë kriminale italo -shqiptare, duke arrestuar 21 persona, në një operacion ndërkombëtar antidrogë në zonën e Napolit dhe Kazertas. Për  26 persona ishin lëshuar urdhër arreste nga prokuroria e Napolit. Operacioni i koduar “SMOKE SNAKE” ka filluar në Qershor të vitit 2016.

Në një njoftim zyrtar policia shqiptare, bën të ditur se 18 nga të arrestuarit janë italianë, ndërsa 3 të tjerë shqiptarë.

Shqiptari me iniciale L.C. vjeç 36 u arrestua gjatë operacionit të së hënës, ndërsa dy të tjerë janë arrestuar më parë në flagrancë po në kuadër të këtij operacioni.

E.N. 26 vjeç ka qenë i arrestuar dhe iu bë njoftimi i urdhër arrestit në burg. Edhe nje 39 vjecari me iniciale E.Sh, qe ka qenë gjithashtu  i arrestuar, u njoftua ne burg per udher arrestin e ri.

Gjatë operacionit është sekuestruar edhe një sasi rreth 1 kg Heroinë, në Napoli. Nga viti 2016 janë sekuestruar 38 kg Marijuanë dhe 8 kilogramë Heroinë. Po ashtu jane sekuestruar edhe 500 mijë euro pasuri, ku perfshihen 2 apartamente, 1 autoveturë, 3 kompani, 65 llogari bankare 18 mije euro në Cash.

Sipas policise, Organizata kriminale operonte në fushën e drogave të forta kryesisht të tipit Heroinë në zonën e Napolit dhe Kazertas.

Policia ben te ditur se që me nisjen e hetimit të këtij grupi deri në finalizimin e operacionit ka patur një shkëmbim informacionesh në kohë reale mes Policisë së Shtetit, Guardia di Finanza-s dhe Policisë Italiane nëpërmjet Zyrave Ndërlidhëse në Itali dhe Tiranë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono