lulzim bahsa

lulzim-basha-2.jpg
ad min12:22 | 25/10/2019

Kryetari i Partisë Demokratike, Lulzim Basha, takoi këtë të enjte sekretarin e Përgjithshëm të OSBE-së Thomas Greminger.

Kreu i selisë blu tha se në fokus të diskutimit ishte kriza politika dhe gatishmëria e OSBE për të negociuar për të gjetur zgjedhjen.

Sipas Bashës, zgjidhja vjen vetëm përmes zgjedhjeve të parakohshme dhe vendore në të njëjtën ditë.

“Opozita është e vendosur të japë kontributin e saj për një reformë zgjedhore që të garantojë lirinë e votës. Duhet vullnet politik që mungon nga pala tjetër që është edhe pala e kapur në shkatërrimin e tre palë zgjedhjeve siç tregojnë edhe raportet e OSBE-ODIHR. Me sekretarin e përgjithshëm kemi diskutuar për ndihmën që mund të japë OSBE në këtë drejtim. Për opozitën rruga është e qartë. Miratimi i reformës dhe zgjedhje të parakohshme parlamentare në një ditë me zgjedhje vendore ku vota është e garantuar dhe nuk tjetërsohet nga grupet kriminale.  Po them që OSBE ofron këto tre mundësi, t’i kujtojë detyrimin që ka vendi për zgjedhje të lira dhe të ndershme. Së dyti të ofrojë ekspertizë dhe së treti të ndihmojë sa i përket rolit të OSBE në dialog të vërtetë dhe të ketë një produkt”, tha Basha.

/abcnews.al

monika-kryemadhii.jpg
ad min19:12 | 21/10/2019

Aleatët opozitarë u mblodhën këtë të hënë në selinë blu. Në dalje nga takimi, foli kryetarja e Lëvizjes Socialiste për Integrim, Monika Kryemadhi. Ajo tha se pa zgjedhje të lira nuk ka integrim. Ajo theksoi se fronti opozitar do që të zgjidhet kriza.

“Jemi shumë të qartë në aksionin e vazhdueshëm opozitar dhe qartësojmë çdo ditë e më shumë axhendën e frontit opozitar. Tashmë axhenda jonë nuk është më një axhendë thjesht politike, por është një axhendë që ka të bëjë me integrimin e Shqipërisë në Bashkimin Europian. Vendim më dëshpërues se ç’ka qenë javës së kaluar për hapjen e negociatave për shqiptarët për hir të së vërtetës por edhe për gjithë partnerët tanë strategjikë, duke filluar që nga SHBA, të cilët për hir të së vërtetës kanë qenë partnerët tanë strategjikë të cilët i kanë qëndruar gjithnjë në momentet më të vështira dhe më të dëshpëruara Shqipërisë pranë. Na motivon akoma më shumë si tryezë e frontit opozitar për të pasur një axhendë shumë të qartë ku 9 kushtet e Bundestagut gjerman janë axhenda më e qartë dhe më e kthjellët për klasën politike shqiptare. Ajo që është akoma dhe më e rëndësishme është që ne duhet tu themi shqiptarëve të vërtetën. Ne jemi të bindur që mënyra për të paraqitur hapat e opozitës është shumë e qartë. Protestat janë një nga ato. Mos u çudisni, ka për të pasur protesta. Protestat nuk janë me axhendë. Protestat janë më organizim, ne kemi axhendë, integrimin e Shqipërisë në BE”, tha Kryemadhi.

Aleatët opozitarë zhvilluan një mbledhje këtë të hënë. Takimi u mbajt në selinë e Partisë Demokratike. Prezentë në mbledhje ishin Lulzim Basha, kryetarja e LSI-së, Monika Kryemadhi, kreu i PR-së, Fatmir Mediu, ai i PAA-së, Agron Duka, kreu i LZHK-së, Dashamir Shehi dhe kreu i PDK-së, Nard Ndoka.

Gazetarja Esiona Konomi, zbuloi më herët se ishin të paktën dy teza që do të diskutonin krerët e partive opozitare. Fillimisht bëhet fjalë për strategjinë që do të ndjekë opozita pas vendimit që mori Brukseli kundër çeljes së negociatave.

Së dyti, pritej një diskutim për një dokument që po harton PD-për reformën zgjedhore. Edhe pse nuk merr pjesë në Komisionin e Posaçëm të Reformës Zgjedhore, ekspertë të PD-së po punojnë për një dokument, i cili do të diskutohet me aleatët.

Lulzim Basha sot më herët, ka dhënë edhe një konferencë për shtyp, ku ka kërkuar dorëheqjen e kryeministrit Rama, pas dështimit me hapjen e negociatave për anëtarësim në BE, të Shqipërisë dhe Maqedonisë më 18 tetor.

/abcnews.al

atrben-imami.jpg
ad min20:55 | 15/10/2019

“Lulzim Basha po mobilizon partinë për zgjedhje të përgjithshme dhe lokale. Kur ishin zgjedhjet i shpërndau”.

Ish-deputeti Arben Imami u shpreh i ashpër këtë të enjte në lidhje me kryetarin e Partisë Demokratike Lulzim Basha. Gjatë një interviste në ABC News me gazetaren Mirela Milori, ai tha se Basha është në pakicë brenda partisë.

Madje sipas ish-ministrit, kreu i selisë blu nuk e ka pasur kurrë në plan të fitojë zgjedhjet.

“Ka sondazhe këtu të përhershme edhe përbrenda partive. Të përafërta. Tregojnë që Lulzim Basha është pakicë në PD. 17-19% e mbështesin Lulzim Bashën. Nëse nuk të mbështesin për kryetar partie anëtarët e partisë tënde, mirëpo ne nisemi nga një perspektivë e ndryshme. Çfarë duhet të bëjë Basha të fitojë zgjedhjet? S’e ka në plan. Është e thjeshtë. I gjithë gjykimi jonë racional është krejtësisht absurd që në pandemën fillestare se nuk e ka pasur atë plan”, tha Imami.

Imami theksoi se anëtarët e PD-së duhet të reagojnë pasi po e çojnë vendin në dekadencë të plotë. Sipas ish-deputetit, Basha shumicën që ka është parlamentit nuk është në gjendje ta institucionalizojë për shkak të djegies së mandateve.

“Padyshim ato që thotë i thotë për të gënjyer, për të mbajtur ca burokratë afër. Që të imponosh zgjedhje duhet të kesh fuqi. Nuk imponohen me dëshirë. Për mua do të hyjë në Komision. Mos sot, nesër. Megjithë ka këtë shumicë jashtë nuk e mbledh dot brenda. Nuk e merr këtë shumicë ta fusë në PD. Në politikë nuk ka dy herë. Më falni se ju tradhtova dhe lashë një kryeminister si Rama edhe katër vjet të tjera dhe në zgjedhje lokale në vend që të marr pjesë në zgjedhje bëj të kundërtën. Sa më tepër iu rrit pritshmëritë e tyre negative, që nuk do bëj zgjedhje, kur zgjedhjet bëhen ata demoralizohen”, tha Imami./abcnews.al

bashaaa.jpg
ad min18:00 | 13/10/2019

Kryetari i Partisë Demokratike, Lulzim Basha u është bashkuar protestuesve të Unazës së Re. Abcnews.al ka siguruar videon në momentin kur kreu i selisë blu bashkohet me banorët, të cilët prej kohësh kundërshtojnë projektin e Unazës së Re.

Pas arritjes së kryetarit të PD-së është bllokuar edhe rruga, ndërsa policia ka lejuar qarkullimin vetëm në një korsi.

Ndërkohë policia ka marrë masat e saj për mbarëvajtjen e këtij tubimi. Forca të shumta të policisë së rendit dhe FNSH-së janë dislokuar në afërsi të rrugës “Teodor Keko”, aty ku po zhvillohet protesta.

Ditën e sotme gjykata ka dhënë masën e sigurisë arrest me burg për tre nga gjashtë banorët e Unazës së Re, të cilët janë arrestuar pas protestave. Ditën e nesërme pritet të jepet masa e sigurisë për tre personat e tjerë.

/abcnews.al

kurz-basha.jpg
ad min13:49 | 30/09/2019

Kreu i Partisë Demokratike, Lulzim Basha, ka uruar Sebastian Kurz pas fitores në zgjedhjet e parakohshme në Austri. Në një postim në rrjetet sociale, Basha thotë se i ka përcjellë urimet e përzemërta mikut të tij dhe Partisë Popullore të Austrisë.

Sipas Bashës, vendimi i Kurz për t’u futur në zgjedhje ndonëse pa pasur asnjë përgjegjësi është shembull i kurajës dhe moralitetit qytetar dhe politik.

“Vendimi i liderit të ÖVP Sebastian Kurz ku ndonëse pa asnjë përgjegjësi personale apo politike, vendosi ti rikthejë mandatin qytetarëve pas akuzave ndaj partnerëve të tij në qeveri për “pazare” për vota, është shembull kurajo dhe moraliteti qytetar dhe politik.

Me votimin e djeshëm qytetarët austriakë dhanë një mbështetje të jashtëzakonshme për këtë vendim të Sebastian Kurz dhe Partisë Popullore Austriake, të cilët janë aleatë të paçmueshëm të Shqipërisë dhe model për politikën shqiptare”, shkruan Basha në Facebook.

/abcnews.al

erion-veliaj-3.jpg
ad min13:29 | 08/06/2019

Kandidati i PS-së për Bashkinë e Tiranës, Erion Veliaj zhvilloi takim me banorët e Zall-Herrit në Tiranë, ku shpalosi projektet që do prekin këtë zone në 4 vitet e ardhshme.

Kryetari i Bashkisë së Tiranës, Erion Veliaj e vijoi fushatën për një mandat të dytë me banorët e Zall-Herrit. Teksa prezantoi kandidatët për Këshillin Bashkiak të Tiranës, Veliaj shpalosi edhe projektet që do të transformojnë këtë zonë.

“Do vazhdojmë me sistemimin e asfaltit dhe mirëmbajtjes, në rrugën e Dritasit, në rrugën e fshatit Kallmet, rruga KAllmet-Pinar. Tani që na hapi koha do dyfishojmë prurjet që Bovilla sjell në filtrim. Kemi marrë një vendim që ka të bëjë më ndërtimin e shkollës së re në fshatin Dritas, një nevojë e jashtëzakonshme e komunitetit. Kemi edhe një projekt, që quhet “100 lagjet e Tiranës”. Duke qenë se Zall-Herri është pjesë eTiranës s’mund të themi një fshat këtu, një fshat atje”, tha Veliaj.

Gjatë bashkëbisedimit me banorët e Zall-Herrit, Veliaj solli në vëmendje ato që ai i quajti “plagë të hapura” të lëna nga Luzim Basha, ndërsa nuk la lashtë vëmendjes as protestën e kësaj të shtune.

“Jo vetëm që nuk ke lënë një gjurmë kur ke qenë në pushtet, në Tiranë, por ke lënë vetëm plagë të hapura, duke filluar nga rruga Durrës Kukës, tek 21 janari, tek falja e detit dhe në fakt ka vetëm një parti që jo vetëm nuk fal detin por mban edhe premtimet e aleatëve që kanë ikur në rrugë të gabuar. “Kjo është arsyeja pse Lul Basha nuk do zgjidhet dot kurrë kryeministër, se pyetja e parë që një njeriu do i bëjnë është: Shoku, ti që vjen po aplikon për këtë punë, çfarë ke bërë më parë, që ta dimë? Secili prej nesh që shkon e aplikon për një vend pune i thonë, më përpara me çfarë je marrë, ke bërë ndonjë punë? Në momentin që përgjigja është po, kam qenë në Tiranë dhe më ngeci Sahati, po kam qenë në Tiranë dhe nuk mblidheshin plehrat, bëheshin mullar, po kam qenë në Tiranë, nuk bëra dot një kënd lojërash”, tha Veliaj.

Në përmbyllje të fjalës së tij, Erion Veliaj theksoi se vota e 30 qershorit do të vendosë vulën për të transformuar edhe më tej Tiranën në 4 vitet e ardhshme./ABC News Albania 24/7

mediu.jpg
ad min15:35 | 22/05/2019

Krerët e pesë partive opozitare aleate të Lulzim Bashës gjatë takimit me mbështetësit në qytetin e Lezhës, pasi i ftuan të jenë pjesëmarrës në protestën e 25 Majit, theksuan arsyet përse kryeministri Rama nuk mund të jetë në krye të qeverisë që do të zhvillojë zgjedhje brenda standardeve demokratike.

Grupimi i Qendrës së Djathtë, pesë aleatët e demokratëve në opozitë, tezat e tyre i artikuluan në Lezhë.

“Ky po i përcakton kundërshtarët vetëm, po regjistron vetë jashtë çdo rregulli, po i voto dhe thotë “Kështu bëhet se kështu dua unë””, tha Duka.

Qeveria kalimtare është rruga e vetme për mos zvarritjen e kësaj krize, sipas tyre, përballë të cilës qëndron alternative opozitare.

“Lulzim Basha si lider i opozitës sot ka një përgjegjësi shumë të madhe. Përveç aksionit opozitar, përveç kauzës për largimin e kryeministrit do japim dhe alternativa bindëse për qytetarët dhe ai tashmë ka filluar ta bëjë një gjë të tillë, të gjithë e shohim”, tha Ndoka.

Precedent për largimin e kryeministrit përpara zgjedhjeve ekziston, kujton Mediu, madje shumë pranë nesh.

“Kemi një precedent rajonal, siç është precedenti i Maqedonisë së Veriut ku u ra dakord për qeverisje tranzitore ku Gruevski nuk ishte kryeministër dhe për të përgatitur zgjedhjet”, tha Mediu.

Arsyeja për këtë është më e qarta për shqiptarët, sipas kreut të LZHK-së.

“Ky ka filluar i ka marrë të gjitha. Ky ka vënë ato emrat e lezetshëm, jo tepsia, jo timoni që të qeshin pak njerëzit, mirëpo ky në fakt u ka futur dorën në xhep njerëzve. Domethënë merr paratë e shtetit publik. Ky ka marrë drejtësinë, ky ka marrë ekonominë, edhe Akademinë e Shkencave. Se për çfarë i duhet Akademia e Shkencave, ka ndonjë peshë për ekonominë? Në këto rrethana bëhen zgjedhjet? Nuk bëhen dot. Ky merr para, media, çfarë zgjedhjesh të bëjmë”, tha Shehi.

Ndaj pjesëmarrja në protestën e së shtunës duhet të jetë tregues i refuzimit të kësaj farse sipas aleatëve të demokratëve.

“Të shtunën ta shumëfishojmë praninë tonë në protestën e madhe të opozitës së bashkuar”, tha Dule./ABC News Albania 24/7

edi-ramaaa-1280x716.jpg
ad min14:54 | 12/05/2019

Kryeministri Edi Rama përsëriti ftesën për dialog drejtuar kryetarit të Partise Demokratike Lulzim Basha. Në një komunikim me gazetarët Rama thotë se ka një mesazh për Bashën ndërsa shprehet; nëse kjo nuk është një luftë për pazare eja ulemi të flasim, sugjerimet tuaja do t’i kthejmë në nisma ligjore.

“Unë e di që mund të tingëllojë si një predikim në hava, por një mesazh kam për mikun tim rrugë humbur Lulzim Basha. Kujtoje mesazhin që të kam çuar kur i ke hyrë kësaj rruge. Ka kohë dhe po ta përsëris prapë nuk je vonë akoma të kthehesh nga kjo rrugë, për një arsye shumë të thjesht që me shumë të drejtë herët ose vonë, llogarinë ata që të ndjekin do ta kërkojnë ty se nuk ka lider në botë, po ti s’je lider, që ta tërheqë partinë e vet nga stacioni i një alternative qeverisë tek ky stacion të dëgjoja dje me zë të ngjirur që thoshe dje “Aman Ik” dhe patjetër që unë jam gjithmonë i gatshëm për dialog, për t’u ulur dhe diskutuar dhe fatmirësisht ata me Lulzim Bashën në krye thonë që nuk kanë më nevojë për asnjë karrige, i kanë djegur dhe thonë jam popull.

Ulemi, flasim, dhe pas asnjë diskutim marrim dhe i kthejmë në nisma të gjitha shqetësimet që ata si popull kanë shqetësim Nëse kjo nuk është një luftë e ulët për të bërë një pazar, gjë që unë e besoj sepse besoj çdo gjë që thotë Luli atëherë jemi në rregull, çdo shqetësim të ulemi dhe të flasim, të negociojmë dhe të vendosim. Përndryshe më herët se vonë, turpi do ti ndjekë pas gjithë kohës, ata të cilët kanë ende mundësi të kenë turp se jo të gjithë kanë mundësi të kenë turp. Kur të heqin vizën partnerët më të madhej të këtij vendi s’ke më turp. Atëherë kje gati ti heqësh vizën gjithë Shqipërisë vetëm të nxjerrësh kunjën e barbarit që nuk bëhet kurrë qytetar”, tha Rama./ABC News Albania 24/7

basha132-1280x712.jpg
ad min09:18 | 12/05/2019

Pas orës 1 të mëngjesit, Basha shpalli vendimet e forumeve më të larta të PD të mbledhura në mesnatë: një protestë të dielën ora 11:00 para drejtorisë së spolicisë dhe një tjetër të hënën ora 18:30 para kryeministrisë. Vendimet, tha Basha, edhe për shkak të dhunës policore.

“Në këtë orë të vonë të natës, dua t’ju komunikoj vendimin unanim të forumeve më të larta të PD-së dhe opozitës së bashkuar për të thirrur një protestë kombëtare ditën e hënë në orën 18:30 në përgjigje të vendosur të dhunës shtazarake të regjimit kriminal të Edi Ramës dhe të palëkundur në objektivin tonë për të larguar një orë e më parë qeverinë e krimit.

I bëj thirrje qytetarëve të Tiranës të na bashkohen në orën 11:00 para Drejtorisë së Policisë së Tiranës, drejtorisë së torturës dhe krimit, ku do të protestojmë për lirimin e qytetarëve të arrestuar, të dhunuar barbarisht nga kriminelët me uniformë. Në orën 11:00 të gjithë qytetarët e Tiranës janë të ftuar në protestën para drejtorisë së policisë”, tha Basha./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono