lul berisha

Capture-8.jpg
nev ila12:30 | 21/06/2019

Njëri nga të plagosurit në atentatin e së enjtes në mbikalimin e Shkozetit në Durrës, Plarent Dervishaj ka marrë mjekimin dhe është larguar nga spitali. Kurse miku i tij është në gjendje më të rënde. Policia ka siguruar dëshminë e shënjestrave që u qëlluan me breshëri kallashnikovi.

Kunati i Lul Berishës dhe miku i tij e kishin nënvlehtësuar rrezikun. Ata kishin parë një makinë të dyshimtë por megjithatë nuk i ishin shmangur.

Na zunë në befasi, kanë dëshmuar Plarent Dervishi dhe Julian Meçe të cilët u qëlluan me breshëri kallashnikovi nga dy atentatorë.

 

Pjesa e parme e makinës së tyre ishte e blinduar dhe kjo me gjasa u shpëtoi dhe jetën. Plumbat në trup ata i morën nga atentatori që shtiu nga pas.

Kunati i Lul Berishes, Plarent Dervishaj pas mjekimit e la spitalin, kurse  i plagosuri tjetër ndodhet ende nën kujdesin e mjekëve në Tiranë.

Ngjarja dyshohet si  larje hesapesh për hasmëri të vjetra si dhe implikimi në trafik të lëndëve narkotike.

Për të hedhur dritë mbi motivet e mundshme apo mbi mënyrën se si ndodhi  policia ka siguruar dëshminë e të plagosurve por pa dhënë shumë detaje.
Atentati u realizua kur Dervishaj dhe Meçaj lanë  autostradën Tiranë-Durrës dhe hynë  në rrugën e mbikalimit të Shkozetit./ABC News Albania 24/7

GJYQI-I-KOSOVARIT-PER-LUL-BERISHEN-1280x720.jpg
ent ela16:53 | 05/11/2018

Zhvillohet seanca e parë për 35 vjeçarin Ahmet Ajeti i akuzuar si organizator i atentatit ndaj Lulzim Berishës. Avokati i Ajetit, Saimir Vishaj kërkoi gjykim të shkurtuar por, u refuzua nga gjykata.

Ky është Ahmet Ajeti nga Kosova, i cili kërkoi të hënën nga Gjykata e Krimeve të Rënda, gjykim të shkurtuar, pasi akzohet se tentoi të vriste me antitank kreu e bandës së Durrësit, Lulzim Berisha rreth 15 vite më parë.

35-vjeçari është dënuar me 20 vite burg në mungesë, për veprën penale “vrasje me paramendim”, ndërsa kërkesa e Ajetit u rrëzua nga trupi Gjykues. Ahmet Ajeti u ekstradua nga Interpol Tirana më 20 korrik të këtij viti, I cili u prangos nga policia e kosovës në qytetin e tij të lindjen në Lipjan. Pas ekstradimit, shtetasi nga kosova kërkon rihapjen e çështjes, dhe rishqyrtimin e dosjes në prani të tij, teksa kjo ishte edhe seanca e parë.

Në seancën e radhës gjykatësi Bibë Ndreca urdhëroi të thirren për t’u pyetur Lulëzim Berisha, Adriatik Coli, Sardian Sulejmani dhe Endrit Dokle. Ndër këta dëshmitar, Coli është i penduari i drejtësisë dhe prej vitesh është nën ruajtjen e shtetit me status të veçantë, ndërsa vendodhja e tij mbahet sekret.

Sipas prokurorisë, Ahmet Ajeti tentoi të vrasë në Durrës në një lokal Lulzim Berishën më 30 gusht 2005. 35-vjeacri Ajeti dhe Osman Korpuzi u nisën me porosi nga Tirana drejt Durrësit për të vrarë Lul Berishën, por në afërsi të lokalit ai u konfliktua me disa persona të tjerë, ku mbeti edhe vetë i plagosur me armë zjarri. /abcnews.al

 

krimett.jpg
ent ela14:58 | 25/10/2018

Shtyhet për në 5 nëntor seanca gjyqësore ndaj Ahmet Ajetit, 35 vjeçarit nga Kosova i cili në vitin 2005 akuzohet se ka marrë pjesë në një atentat ndaj Lulzim Berishës në Durrës. Kjo është shtyerja e tretë e këtij procesi, i cili këtë të premte u shty për shkak të mosnjoftimit te shënjestrës së atentatit lulzim Berisha. Siç mësoi ABC News, Lul Berisha, pavarësisht se gjendet në Shqipëri, pavarësisht se të enjtën u paraqit pranë Shërbimit të Provës, u tha se nuk kishte marrë njoftim për seancën e sotme. Policia e Durrësit ka kontaktuar edhe me motrën e Lulzim Berishës, por ajo ka deklaruar se i vëllai është jashtë vendit. Në korrik të këtij vitit Interpol Tirana ekstradoi nga Kosova 35 vjeçarin Ahmet Ajeti. Ky i fundit është një personazh i njohur për drejtësinë shqiptare, pasi është dënuar në mungesë me 20 vite heqje lirie për tentativen e vrasjes së Lul Berishës, ish i dënuar për drejtimin e Bandës së Durrësit. Ajeti për 80 mijë euro pagesë kishte pranuar të vriste në 2005 Lul Berishën me antitank. /abcnews.al

KRONIKE-LUL-BERISHA-XHUXHI-1280x720.jpg
ent ela16:14 | 24/10/2018

Në materialin e dërguar në gjykatë nga prokuroria në kuadër të hetimeve që i paraprinë operacionit “Volvo 4” përmendet dhe emri i Lulzim Berishës. Ai rezulton të ketë patur komunikim me njërin prej personave kryesorë të akuzuar për grupin e strukturuar kriminal. Ndërkohë në përgjime flitet dhe për një person të thirrur Xhuxhi, ku ndër të tjerë flitet për vende pune.

U bë jo pak zhurmë në fundjavë rreth kontrolleve të ushtruara në shtëpinë e Lulzim Berishës në Durrës. Ish- i dënuari si drejtues i bandës së Durrësit, aktualisht i lënë i lirë nën masën e sigurisë së detyrimit për paraqitje, nga kontrolli në banesë doli i pastër.

Por, ndërkohë emri i tij figuron në dosjen hetimore si një prej personave me të cilët cilët kishin kontakt personat e vënë në qeli në kuadër të operacionit të koduar “Vol vo 4”.

Konkretisht sipas materialeve të prokurorisë më të cilat është kërkuar masa e arrestit për 44 shtetasit nën hetim, lidhjet e Jasin Kalajt me grupin e udhëhequr nga Altin Avdyli janë evidentuar gjatë shumë përgjimeve. Mes  tyre rezulton se ai ka patur dhe një bisedë me shtetasin lulzim Berisha, te cilit i ka kërkuar një numër telefoni për një kontakt të tij. Berisha duket se ia ka dërguar numrin e kërkuar. Ndërkohë thuhet në materialin e përgatitur nga prokuroria gjatë bisedave mes Kalajt dhe Avdylit flitet dhe per nje person te cilit nuk i drejtohen kurrë me emër, por e thërrasin xhuxhi. Dhe ne komunikimin mes tyre flitet edhe per vende pune. Prokuroria në përgjimet e vëna në dispozicion të gjykatës dhe avokatëve mbrojtës të të pandehurve nuk bën të ditur nëse ka edhe përgjime të tjera ku janë regjistruar biseda të Lulzim Berishës me personat e vënë në pranga në kudër të grupit të strukturuar kriminal, apo nëse sqarohet se kush personi të cilët të arrestuarit i referohen në biseda me pseudonimin Xhuxhi. Ndërkohë në komunikimet e zbardhura ka edhe një bisedë mës Jasin Kalës dhe Shkëlqim Avdylit ku flasin për arrestimin e një personi të cilin e thërrasin Bulku, arrestim i cili shkakton shqetësim mes anëtarëve të këtij grupi. /abcnews.al

DONALD-LU-VIZION-1280x720.jpg
ent ela23:08 | 13/09/2018

Gjuetia e peshqve të mëdhenj është një mision i papërfunduar që mbetet peng i Donald Lu para largimit të tij nga Shqipëria në përfundim të detyrës së ambasadorit të SHBA në Shqipëri. Gjatë intervistës së fundit në Tiranë, në studion e gazetarit Sokol Balla, Lu tha ndërkaq se, pavarësisht ndihmës së huaj, arritjet e vërteta kanë qenë shqiptare.

Të tilla ai përmend reformën në drejtësi, largimin e shumë kriminelëve nga parlamenti dhe bashkitë, zgjedhjet që u zhvilluan në mënyrë paqësore dhe konkuruese, dhe vendimin e BE në qershor për hapjen me kusht të bisedimeve për anëtarësim me Shqipërinë.

Sipas ambasadorit, policia së bashku me prokurorët kanë punuar shumë fort për të ngritur Task-Forcën për forcën e ligjit, duke bashkëpunuar dhe me agjensi të huaja. E kjo ka çuar në suksese reale si arrestimin e Arbër Çekaj, arrestimin e Met Kananit, dhe trafikantëve të tjerë në Spanjë, Itali dhe Gjermani. Por Donald Lu vlerëson se ka ende shumë punë për të bërë.

Ai u shpreh i skandalizuar që dy vjet e gjysmë pasi qeveria greke nxorri urdhër-arrestin, ende nuk eshte kapur Klement Balili, Lul Berisha lirohet eshte liruar para kohe nga burgu dhe Shullazi ka kërcënuar gjykatës dhe prokurorë, aq sa prokuroret nuk shkojne ne gjyq. Sipas ambasadorit, Fatmir Xhafaj, Arta Marku dhe Ardi Veliu do të gjykohen mbi faktin nëse do të jenë të aftë t’i vënë këta kriminelë pas hekurave.

Prokuroren e pergjithshme Arta Marku, Donald Lu e sheh si një person serioz dhe një profesioniste që vërtet është përpjekur të bëjë detyrën e saj. Ndersa per Adriatik Llallen deklaroi se përfaqëson zyrtarët e shumtë që janë përpjekur të pengojnë zbatimin e reformës së gjyqësorit.

Ambasadori Lu e cilësoi interesant projektligjin e propozuar nga opozita për veting në politikë, por si diplomat në karrierë ai citoi një shprehje amerikane, “Djalli qëndron tek hollësitë”, per të nënkuptuar se ky është një propozim që kërkon ende kohë për t’u parë me hollësi. /abcnews.al

bandaaa.jpg
G. P.14:30 | 20/07/2018

Interpol Tirana ekstradoi nga Kosova 35-vjeçarin Ahmet Ajeti. Ky i fundit është një personazh i njohur për drejtësinë shqiptare, pasi është dënuar me 20 vite heqje lirie për tentativën e vrasjes së Lul Berishës, ish i dënuar për drejtimin e bandës së Durrësit. Ajeti për 80 mijë euro pagesë kishte pranuar të vriste në 2005-n Lul Berishën me antitank.

13 vjet pasi tentoi të vriste Lulzim Berishën, i njohur dhe i gjykuar nga drejtësia shqiptare si njëri prej ish-drejtuesve të së ashtuquajturës Banda e Durrësit, Ahmet Ajeti rikthet në Shqipëri, veçse kësaj here me pranga në duar dhe me një vendim gjykate që i heq lirinë për 20 vite për akuzën e vrasjes me paramendim.

35-vjeçari nga Lipjani u ekstradua prej Interpol Tiranës nga Kosova drejt vendit tonë. Në 30 Gusht të vitit 2005, Ajeti, asaj kohe 22-vjeçar, mori pjesë në një tentativë vrasje të Lulzim Berishës, por mbeti i plagosur vetë sipas materialeve që u patën bërë publike në procesin gjyqësor kundër të ashtuquajturës Banda e Durrësit.

Organizata kriminale e drejtuar nga Endrit Dokle planifikonte të godiste Lulzim Berishën me armë të rënda antitank. Për këtë u krijuan disa lidhje në Kosovë. Pas komunikimeve organizatës i vijnë në Tiranë dy armë zjarri antitank me një përdorim me vlerë 500 euro copa. Këto armë do të përdoreshin për të goditur Lulzim Berishën, por asnjëri prej anëtarëve të organizatës nuk dinte t’i përdorte. E në këto kushte erdhën Ahmet Ajeti e Osman Karpuzi, që të bëjnë të mundur goditjen me antitank të Lulzim Berisha, kundrejt shpërblimit prej 80 mijë eurosh.

Por para se të kryhej atentati në afërsi të lokalit ku ndodhej Lulzim Berisha, shtetasi Ahmet Ajeti është konfliktuar me disa persona dhe në grindje e sipër ka nxjerrë pistoletën dhe është vetëplagosur. Ahmet Ajeti ishte shpallur në kërkim ndërkombëtar nga Interpol Tirana më datë, 07 Mars të 2016-s, pasi Gjykata e Shkallës së Parë për Krimet e Rënda, Tiranë, në 16 Janar të2012, e ka dënuar me 20 vjet burg për veprën penale “Vrasje me paramendim”, dhe “Armëmbajtje pa leje”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono