luksi

france-francoisderugy-demission_0.jpg
ent ela19:30 | 16/07/2019

Akuzat për shpenzime luksi kanë detyruar ministrin francez të Mjedisit të japë dorëheqjen. Fransua de Ruzhi akuzohet se me paratë e taksapaguesve konsumonte darka të shtrenjta dhe mobilonte shtëpinë e tij.

Ministri francez i Mjedisit, Fransua de Ruzhi dha të martën dorëheqjen nga posti pas polemikave të shkaktuara nga shpenzimet e tij ekstravagante, përfshirë ato për darkat private. Vetë De Ruzhi e quajti rastin e tij një “sulm mediatik”, duke deklaruar se energjia që ka shpenzuar për të mbrojtur personalitetin e tij e ka penguar në punën si ministër.

Një ueb sajt investigativ shkroi se ai kishte shpenzuar shuma të mëdha të taksapaguesve në mbrëmje gala dhe se kishte mobiluar apartamentin e tij gjatë kohës kur ishte kryetar i Parlamentit. Nga ana e tij, De Ruzhi mohoi çdo keqpërdorim. “Gjithçka është një linçim mediatik për të sulmuar familjen time dhe për të më detyruar të tërhiqem. Sidoqoftë, una ia dorëzova dorëheqjen time kryeministrit”, deklaroi ai. Faqja e internetit “Mediapart” e akuzoi ministrin se priste miqtë në darka luksoze me aragosta dhe verëra të cilësisë së lartë.

Më herët De Ruzhi ka pranuar se ka mbajtur darka të shtrenjta, duke thënë se është diçka normale për një kryetar Parlamenti, por ka nënvizuar se nuk i pëlqejnë aragostat. “Nuk më pëlqejnë, nuk i ha. Nuk më pëlqejnë as midhjet dhe shampanja më sjell dhimbje koke”, tha ai pak kohë më parë në një intervistë televizive. Akuzat ndaj De Ruzhi dolën në një kohë kur kishin shpërthyer protestat e lëvizjes “Jelekët e Verdhë” për pabarazinë dhe kur Emanuel Makron akuzohej se ishte presidenti i të pasurve për shkak të politikave të tij pro biznesit. /ABC News Albania 24/7

makinat.jpg
ad min10:01 | 14/07/2019

Në Lezhë dhe në Laç ka nisur operacioni për bllokimin dhe sekuestrimin e makinave luksoze të cilat dyshohen se janë blerë me të ardhura që rrjedhin nga aktivitete kriminale.

Sipas njoftimit të policisë vendore, janë sekuestruar 4 automjete luksoze dhe po punohet për gjetjen dhe sekuestron edhe 4 automjeteve të tjera  luksoze. Këto automjete i përkasin një personi të ekstraduar në Itali për veprat penale “Falsifikim i dokumenteve” dhe “Grup i strukturuar kriminal”.

Operacioni u zhvillua në funksion të procedimit penal të vitit 2019, regjistruar për veprën penale  “Pastrimi i produkteve të veprës penale apo veprimtarisë kriminale”.

Policia në bashkëpunim  me Prokurorinë e Rrethit Gjyqësor Kurbin, po vijon punën për  dokumentimin e plotë të aktivitetit të paligjshëm të këtij shtetasi, si dhe identifikimin e personave të tjerë të përfshirë./ABC News Albania 24/7

DOLCE-E-GABANA-1280x720.jpg
ent ela09:10 | 24/11/2018

Pavarësisht apologjisë, kolosët e modës Dolçe e Gabana po paguajnë një çmim të shtrenjtë për fyerjen e kulturës kineze. Produktet e markës prestigjoze janë hequr nga dyqanet e modës në Kinë dhe nga të gjitha faqet e blerjeve online të vendit aziatik, një ndër tregjet kryesore të aksesorëve të luksit.

Gjigandët e modës Dolce e Gabana u detyruan të premten të kërkonin sërish falje për fyerjen e kulturës kineze. Pak ditë nga publikimi i spotit ku një modele kineze përpiqej të hante pica dhe spageti me shkopinj, përfaqësuesit e kompanisë prestigjoze deklaruan se ishte vetëm një gabim interpretimi. “Familjet tona na kanë mësuar të respektojmë kulturat e ndryshme në të gjithë botën, ndaj me keqardhje të madhe kërkojmë falje nëse kulturën tuaj nuk e interpretuam si duhet”, deklaroi Domeniko Dolce në një video të postuar në kanalin e firmës së modës në Youtube. Por pavarësisht apologjisë, në pamje të parë të sinqertë, kolosët e modës po paguajnë një çmim të shtrenjtë për gafën e tyre, duke rrezikuar të dalin jashtë një prej tregjeve më të mëdha të aksesorëve të luksit në botë. Spoti publicitar u konsiderua si tallje për kulturën kineze dhe u akuzua për promovim të steriotipeve të pahijshme. Yjet e shoëbiz-it në Pekin bënë thirrje për bojkotin e produkteve të Dolce e Gabana, ndërsa vetë kompania u detyrua të anulonte një shfaqje mode të planifikuar në Shangai. Por të premten shpagimi vijoi pasi produktet që mbajnë stampën D & G nuk ishin më të pranishme në faqet më të mëdha të shitjeve online në Kinë si Taobao dhe J.D.com, por edhe në platformat më të vogla si Kaola dhe Secoo. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono