luksemburg

MINISTRA-FINLANDEZE-SINKRON.mpg_snapshot_00.21-1280x720.jpg
ent ela10:20 | 15/10/2019

Ministrat e jashtëm të Bashkimit Evropian diskutojnë sot për zgjerimin. Ministrat e jashtëm të BE janë mbledhur sot në Luksemburg në një samit ku diskutohet për zgjerimin e Unionit. Pjesë e axhendës është edhe në dokument, sa i takon negociatave për Shqipërinë dhe Maqedoninë e Veriut.

Pritet të ketë debate, pasi në takimin e djeshëm të ambasadorëve të përhershëm të vendeve anetare nuk u arrit një rezultat konkret. Mbetet për t’u parë si do të jetë sot qëndrimi i vendeve skeptike si Franca, Holanda dhe Danimarka.

Edhe pse nuk ka mbështetur ndarjen e rastit të Shqipërisë nga ai i Maqedonisë së Veriut, Franca nuk është treguar fleksibël, ndërsa Holanda ka insistuar për një përgjigje negative. Ndërkohë, Danimarka mbështet ndarjen e vendimmarrjes.

Holanda i përmbahet qëndrimit të saj, se Shqipëria nuk është gati për hapjen e negociatave të anëtarësimit. Gazetarja Erisa Zykaj në Bruksel raporton ekskluzivisht për ABC News.

Ministri i punëve të jashtme Stef Blok ka përsëritur të njëjtin mesazh në anglisht para takimit të ministrave të jashtë në Luksemburg.

Stef Blok, ministri i jashëm i Holandës: “Qëndrimi hollandez është se çdo vend duhet të vlerësohet në bazë të meritave. Të dyja vendet kanë bërë shumë përpjekje. Lidhur me Maqedoninë e Veriut ne konsiderojmë se duhet të ndërmerret një hap i rëndësishëm siç është ligji për Prokurorinë Speciale dhe nëse ky kusht përmbushet atëherë ne mendojmë se negociatat e anëtarësimit mund të fillojnë. Lidhur me Shqipërinë, ne mendojmë se ka ende punë për të bërë dhe se vendi nuk është gati për hapjen e negociatave”.

Pra, nëse ligji për prokurorinë speciale nuk aprovohet, nuk ka dritë jeshile për Maqedoninë ?

Stef Blok, ministri i jashtëm i Holandës: “Vendi duhet ta aprovojë këtë ligj gjithsesi, se është një kriter në kuadrin e shtetit ligjor dhe këto kritere janë të rëndësishme në procesin e anëtarësimit të vendeve aspirante në BE”.

 A nuk po i dërgoni mesazhin e gabuar rajonit duke kërkuar kaq shumë kritere?

Stef Blok, ministri i jashtëm i Holandës: “Nuk ka ndryshim të kritereve. Sinjali është që negociatat e anëtarësimit mund të fillojnë kur vendet të përmbushin kushtet. S’ka asgjë të re, është e ndershme dhe e drejtë”.

Ministrja e jashtme e vendit që mban presidencën e Bashkimit Europian, Finlandës, Tytti Tuppurainen shprehu angazhimin për të  mbështetur procesin e zgjerimit.

Tytti Tuppurainen, ministre e punëve të jashtme të Finlandës:  “Ne kemi zgjerimin sot në axhendë dhe si presidencë e Bashkimit Europian jemi të angazhuar tërësisht për të mbështetur procesin e zgjerimit. Sot pres një sinjal të Bashkimit Europian për Maqedoninë e Veriut dhe Shqipërinë, se ç’duhet të bëjë Europa, pasi ne kemi angazhime dhe duhet t’i përgjigjemi vendeve të Ballkanit”.

Mbledhjen e sotme të Ministrave të Jashtëm të Bahskimit Europian, ministri i Jashtëm në detyrë Gent Cakaj e cilëson mjaft të rëndësishme.

“Sot Bashkimi Europian përballet me një zgjedhje historike. Vendimi i sotëm do të jetë një provë e aftësisë për të realizuar premtimet e tij dhe për të parë të ardhmen. Shqipëria ka ndërmarrë reforma gjyqësore ambicioze dhe të guximshme duke u shndërruar në shteg në rajon. Tani është koha për të hapur bisedimet e pranimit”, shkruan Cakaj Në Tuiter.

George Ciamba,ministri i jashtëm rumun: “Eshtë një ditë e rëndësishme për kredibilitetin e Bashkimit Europian. Sinqerisht, ne duhet të japim një lajm të mirë për hapjen e negociatave. Nëse kjo nuk zgjidhet, kredibiliteti i zgjerimit do të vihet në dyshim. Ne si presidencë e shkuar e Bashkimit Europian e kemi përgatitur këtë dosje, për të pasur një konkluzion pozitiv për hapjen e negociatave shpejt me Maqedoninë e Veriut dhe Shqipërinë. Ne vendosëm shinat, por në fund do  jetë një vendim politik”.

Sipas tij, jë vonesë tjetër mund të ngadalësojë. prishë përparimin dhe reformat, nënvlerësimin e besueshmërisë dhe rritjen e rrezikut të rivalëve strategjikë në #ËB. Kjo është ora e Evropës. Ne nuk kemi nevojë për një të ngushtë, të izoluar, të brendshëm dhe të shkëputur – por një që është e hapur, e drejtë dhe një fener shprese në periudha të trazuara. /abcnews.al

bashkimi-eurpian.jpg
G. P.21:12 | 09/10/2019

Franca nuk është shprehur ende lidhur me vendimin për çeljen e negociatave të Shqipërisë dhe Maqedonisë së Veriut. Gjatë takimit të 28 ambasadorëve të përhershëm të BE-së, të mbajtur sonte në Bruksel, ambasadori francez bëri të ditur se Franca ka një propozim konkret, që nuk lidhet vetëm me hapjen e negociatave të anëtarësimit të këtyre dy vendeve në Bashkimin Europian.

Franca kërkon të ndryshojë procesin e zgjerimit të Bashkimit Europian dhe këtë synon ta realizojë përmes prezantimit të një dokumenti konkret.  Ky dokument pritet t’u mbërrijë 27 ambasadorëve të tjerë të përhershëm brenda së premtes, kur ambasadorët do të mblidhen sërish për këtë çështje.

Burimet franceze bëjnë të ditur për ABC News, se Franca kërkon të shtrëngojë procesin e zgjerimit te Unionit, pa qartësuar se cili është qëndrimi i saj për dosjen e Shqipërisë dhe Maqedonisë së Veriut.

Ndërkohë, ambasadori holandez ka shprehur qëndrimin e bërë publik dje nga ministri i jashtëm Stef Blok në parlamentin holandez. Ndarja e vendimmarrjes së Bashkimit Europian për Shqipërinë dhe Maqedoninë e Veriut është ende në tryezë.

Ndërkohë të gjithë ambasadorët presin propozimin konkret për të marrë vendim mbi hapjen e negociatave të anëtarësimit me Shqipërinë dhe Maqedoninë e Veriut./ABC News Albania 24/7

gent-cakaj123-1280x709.jpg
G. P.13:58 | 19/06/2019

Ministri në detyrë për Evropën dhe Punët e Jashtme Gent Cakaj ka konfirmuar edhe një herë arsyet pse vendimi i Këshillit në Luksemburg ishte për Shqipërinë pozitiv  dhe i rëndësishëm.

Kjo shtyrje vjen si rrjedhojë e pengesave proceduriale dhe ngarkesave të brendshme të vendeve anëtare të Bashkimit Evropian sqaron ministri në detyrë Cakaj nëpërmjet një statusi në rrjetet sociale.

“Vonesa në publikimin e Raportit të Komisionit është duke u manifestuar në vonesën në vendimmarrje të Këshillit. Fundja, vetë Këshilli në konkluzionet e tij të fundit nënvizon se për shkak të kohës së shkurtër në dispozicion, krahasuar me rëndësinë e çështjes, vendimi do të shtyhet për më së voni në tetor”, sqaron i deleguari për të drejtuar Ministrinë e jashtme Gent Cakaj./ABC News Albania 24/7

jean-asselborn_0.jpg
G. P.17:58 | 16/09/2018

Ministri i Jashtëm i Luksemburgut ka akuzuar zëvendëskryeministrin Italian Matteo Salvini se përdor metoda fashiste të viteve 1930, sa i përket sjelljes me emigrantët. Gjithashtu ai thotë se Salvini përdor bashkëpunëtorët e tij për të filmuar mbledhje të ministrave të BE-së, ku nuk lejohet filmimi.

“Salvini përdor metoda të fashistëve të viteteve ‘30”. Kështu shprehet ministri i Jashtëm i Luksemburgut, Jean Asselborn, duke iu referuar një videoje me përplasje të ashpër me zëvendëskryeministrin italian lidhur me temën e emigrantëve. Sipas Asselborn, ajo që shfaqet në pamjet filmike ishe “një provokim i llogaritur”. Videoja është xhiruar pa dijeninë time”, vijon me tej ai. Nëse do të filmohen takimet e ministrave të BE-së, atëherë nuk do të ketë kurrë një debat të sinqertë”, nënvizon ministri i Luksemburgut.

Asselborn, në një intervistë me revistën javore gjermane Spiegel, thekson se “nuk ishte vetëm një takim i zakonshëm dhe nuk ishte as një rast i izoluar”. Bashkëpunëtorët e zëvendëskryeministrit italian, “shpjegon ministri,” janë vendosur në teatro në pozita strategjike dhe sistematikisht filmojnë gjithçka që thotë Salvini”. Asselborn gjithashtu shton se ai nuk tërheq asgjë nga ajo që u tha në lidhje me nevojën për emigracionin.

Ndërkohë, presidenti i parlamentit të Luksemburgut thotë se vendi nuk është parajsë fiskale. Mars Di Bartolomeo nënvizon se pasi ka parë debatin mes Asselborn dhe Salvinit, ka kuptuar se për faj të lëvizjeve nacionaliste, e gjithë ajo që është bërë për të bashkuar popujt është në rrezik. Në një takim të ministrave të BE-së, Salvini dhe Asselborn u përplasën ashpër me deklarata fyese ndaj njëri-tjetrit. Debati mes tyre filloi për shkak të emigrantëve, të cilët Italia kërkon që të mos arrijnë në brigjet e saj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono